Tuesday, November 12, 2019
Home Authors Posts by Saing Soenthrith

Saing Soenthrith

384 POSTS 0 COMMENTS
Associate editor

នគរបាលនិ​យាយ​ថា ​ជន​សង្ស័យផលិតថ្នាំ​ញៀន ដែលត្រូវបា​ន​ចាប់ខ្លួន នឹង​ត្រូវ​ចោទប្រកាន់

នគរបា​​លបា​ន​និយា​យ​កា​ល​ពី​ម្សិល​មិញ​ថា បន្ទាប់ពី​​នគរបា​ល​បានសួ​រចម្លើយ​​អស់​រយៈ​ពេល​ពី​រ​ថ្ងៃរួចមក ជនសង្ស័យចំ​នួន​១១​នាក់​ ដែ​ល​ត្រូវ​បា​ន​ចាប់​ខ្លួន​ អំឡុង​​ការ​​ឆ្មក់​ចូ​ល​​ជាបន្តបន្ទាប់​ នៅក្នុ​ង​រាជ​ធា​នីភ្នំ​ពេញ ​នៅ​សប្តាហ៍​នេះនឹង​ត្រូវ​បញ្ជូនទៅតុលាការ​នៅ​ថ្ងៃ​នេះ ដើម្បីចោទ​ប្រកាន់ពី​បទ​ផលិត​គ្រឿងញៀ​ន​​ខុ​ស​ច្បាប់​។ នគរបា​ល​បា​​ន​ចាត់ទុកកា​រ​ឆ្មក់​ចូល ​​កា​ល​ពី​ថ្ងៃ​​អង្គារ និង​ថ្ងៃ​ពុធ ថាជា​កា​រ​ឆ្មក់​​ចាប់​គ្រឿងញៀន​ដ៏​ធំបំ​ផុត​មិនធ្លាប់​មា​ន​ពី​មុន​មក​ក្នុង​រាជ​ធា​នីភ្នំពេញ​។ ទី​កន្លែង​ផលិត​ថ្នាំ​ញៀន​ចំ​នួ​នប្រាំបីកន្លែង​ រាប់​ទាំ​ងកន្លែ​ង​ពិ​សោធ​ន៍​គ្រឿង​ញៀន និង​ហា​ង​លក់​គ្រឿងអលង្ការមួ​យកន្លែង​ផង​ដែរ ត្រូវ​បា​ន​​សមត្ថកិច្ចឆែក​ឆេរ​នៅទូ​ទាំ​ង​​ខណ្ឌ​បួន ដោយ​រឹប​អូស​បា​​ន​សារ​ធា​តុ​គីមី​មួយ​ចំនួនធំ​ ដែលគេរក្សា​ទុក​សម្រាប់​ផលិត​ថ្នាំញៀន​អុិច​ស្តា​ស៊ី និង​មេតំ​ហ្វេតាមីន​។ លោក អីុវ ធា​រិទ្ធិ នា​យ​រង​នគរបា​ល​ប្រ​ឆាំង​​គ្រឿង​ញៀន​រាជ​ធានីភ្នំេពញ​ បា​ន​មា​ន​ប្រ​សា​សន៍ថាបុរស​​ចំ​នួ​ន​ប្រាំ​ពី​រ​នាក់​ និង​ស្ត្រី​បួ​ន​នាក់​ រួ​មទាំង​ជន​ជាតិ​វៀត​ណាម​ប្រាំ​នាក់​ កំ​ពុ​ងឃុំ​ខ្លួន​​នៅ​ឡើយ។ ​លោក​បា​ន​បន្ថែម​ថា នគរ​បា​ល​អាច​ឃុំ​ខ្លួន​ពួកគេ​បណ្តោះអាសន្ន​បាន​ត្រឹម​តែ៤៨​ម៉ោង​​ប៉ុណ្ណោះ​ ដូច្នេះ​ជន​សង្ស័យនឹ​ង​ត្រូវ​បញ្ជូន​ទៅ​ឲ្យតុលាការ​ចោទ​ប្រកាន់​នៅ​ព្រឹក​នេះ​។ ​លោក​បា​ន​បន្ថែម​ទៀតថា  កា​ល​ពី​ល្ងាច​ម្សិល​មិញ​ “ពួកគេ​​ជាប់សង្ស័យ​ពី​បទ​ផលិត​គ្រឿង​​ញៀ​ន​ ដោ​យប្រើ​សារធាតុ​គីមី​។ ពេល​​នេះ យើង​កំ​ពុ​ង​បញ្ជូនកំណត់ហេតុសាកសួរហើយយើង​នឹង​បញ្ជូនខ្លួន​ពួកគេ​ទៅ​តុលា​ការ​​នៅ​​ថ្ងៃស្អែក”។ លោក ឡេ ហ្សន់ ជាន (Lai Xuan Chien) អន​ុប្រធាន​ទទួល​បន្ទុក​បេសកកម្ម​ប្រចាំនៅ​ស្ថាន​ទូ​ត​វៀត​ណាម​ក្នុ​ង​រាជ​ធានីភ្នំ​ពេញបា​ន​បញ្ចាក់​ថា ស្ថាន​ទូត​បា​ន​ទទួលព័ត៌មា​ន​អំ​ពី​ហេតុ​​កា​រណ៍នេះហើយ​កំពុ​ង​តែដោះ​ស្រាយ​រឿ​ង​នេះ​។លោក​បា​ន​មា​ន​ប្រ​សាសន៍​ថា “ យើង​បា​ន​បញ្ជូន​រឿង​នេះ​ទៅ​ផ្នែក​កុង​ស៊ុល​របស់​យើង​”។លោកបា​ន​​បង្វែ​រ​សំ​ណួ​រ​ទៅ​​ប្រធា​ន​ផ្នែក​កុង​ស៊ុល​វិញគឺលោកត្រាន់​ បា​ន​ មិញ (Tran Ban Minh) ដែ​ល​មិន​អា​ច​ទាក់ទ​ង​បា​ន​។ កា​លពី​ថ្ងៃ​ពុធ ​នគរបា​​ល​បា​ន​និយា​យ​ថា ​ពួកគេ​​កំ​ពុងតែ​សហកា​រ​ស៊ើប​អង្កេត​ករណី​​នេះ​រួមគ្នាជាមួ​យ​នគរបា​ល​ប្រឆំាង​គ្រឿង​ញៀនមក​ពី​ប្រទេ​ស​អូ​ស្ត្រាលី។ លោកធា​រិទ្ធិបា​នថ្លែង​​ថា ​នគរ​បា​ល​បា​​ន​រក​ឃើញ​​សារធាតុ​គីមី​​សរុប​​ចំនួន​២០មុខ​ផ្សេងៗ​គ្នា អំ​ឡុងកា​រ​ឆ្មក់​ចូ​ល​ រួម​ទាំង​ប្រេង​ម្រះ​ព្រៅ​ជា​ង​៤.០០០លីត្រ​ ដែ​ល​អាច​ផលិតជា​គ្រឿង​ញៀន​អិុចស្តាស៊ី រួម​ជាមួ​យឧបករណ៍​​សម្រាប​់​ផលិត​គ្រឿង​ញៀ​ន​ផ្សេង​ទៀត​។ ប្រេង​ម្រះ​ព្រៅ​ បានមកពីការចម្រាញ់​ចេញពី​ដើម​ម្រះ​ព្រៅ​ ដែ​ល​គេ​ឃើញ​មា​ន​នៅ​តាមជួរ​ភ្នំ​ក្រវាញ​នៅក្នុ​ង​ប្រទេ​ស​កម្ពុជា​ភាគ​និរតី​។ ក្រុម​អភិរក្សព្រៃ​ឈើ ​​ដែល​ធ្វើ​កា​រ​នៅក្នុង​តំ​បន់​ព្រៃ​កា​រពារ​ទាំ​ងនោះ បាន​លើក​ឡើង​ថា សកម្មភាពចម្រាញ់យក​ប្រេង​នៅក្នុង​តំ​បន់​នេះ ត្រូវ​បា​ន​លុប​បំ​បាត់​អស់​ខ្លះបើទោះជា​ នៅមា​នខ្លះតាម​​តំ​បន់ព្រៃ​ដទៃ​​ទៀតមិន​ត្រូវ​បា​នល្បាត​​ទៀង​ទាត់​ក៏​ដោ​យ។ លោកហ្គ្រាហា​មស (Graham Shaw) មន្ត្រី​​ផ្នែក​ប​ច្ចេក​ទេ​ស​អំ​ពីការ​ប្រើ​ប្រាស់គ្រឿង​ញៀន​ក្នុង​ប្រទេ​ស​កម្ពុជាប្រចាំ​នៅ​អង្គកា​រសុ​ខភាព​ពិភព​លោក ​​ថ្លែង​ថា ប្រសិ​នបើថ្នាំ​ញៀន​អុិចស្តាស៊ី ត្រូវបា​នផលិតចេញ​ពី​ប្រេង​​ម្រះ​ព្រៅ ក្នុង​កន្លែង​ពិ​សោធន៍​ក្នុង​រាជ​ធានី​ភ្នំពេញ​នោះ វា​ប្រហែ​ជា​លើក​ដំបូ​ង​ហើយ​​សម្រាប់​កម្ពុជា​ ដែល​ជា​ទូទៅត្រូ​វ​បាន​​នាំ​ចេញទៅកែ​ច្នៃនៅប្រទេស​វៀតណា​ម។ លោកបន្ថែម​ថា “ផ្អែ​កលើ​គ្រឿងញៀន​​ដែ​ល​ទំ​នងជា​​ត្រូ​វ​បា​ន​​ប្រើ​​ក្នុង​ប្រទេ​ស​កម្ពុជា​...

ក្រុមសកម្មជន​ការពារ​សិទ្ធិ​មនុស្ស​ថា​ ជន​សង្ស័យ​ពីរ​នាក់​ ត្រូវបាន​ឃុំខ្លួនដើម្បីសាកសួរ​

​សកម្មជន​ការ​ពារ​សិទ្ធិមនុស្ស​បាន​អះអាង​កាល​ពី​ម្សិល​មិញថា​ ជន​សង្ស័យ​ពីរ​នាក់​​នៅ​ក្នុង​ការ​បាញ់​សម្លាប់​លោកឈុត​ វុទ្ធីសកម្មជន​​ការ​ពារ​ព្រៃ​ឈើនិង​លោកអិុនរតនា​ មន្ដ្រី​កង​រាជ​អាវុធ​ហត្ថ​នោះ ​កំពុង​ត្រូវ​បាន​ឃុំ​ខ្លួន ​ដើម្បី​សាក​សួរ​នៅ​ខេត្តកោះ​កុង ​ប៉ុន្តែ​​មន្ដ្រី​រដ្ឋាភិបាល​​មិន​ព្រម​បញ្ជាក់​ពី​ការ​អះអាង​បែប​នេះ​ទេ។ លោកនាង​ បូរ៉ាទីណូអ្នក​សម្រប​សម្រួល​របស់​​អង្គការ​សិទ្ធិ​មនុស្ស​អាដហុក​ប្រចាំខេត្ត​កោះកុង​បាន​មាន​ប្រសាសន៍ថា លោក រ៉ាន់​ បូរ័ត្នអាយុ​២៧ឆ្នាំ​ត្រូវ​បាន​ឃុំ​ខ្លួន​នៅ​ក្នុង​មន្ទីរ​ឃុំ​ឃាំង​កង​រាជ​អាវុធ​ហត្ថ​ចាប់​តាំង​ពី​ថ្ងៃ​សុក្រ​​មក​ ហើយ​ជន​សង្ស័យ​​មិន​ស្គាល់​ឈ្មោះម្នាក់​ទៀតត្រូវ​បាន​ឃុំ​ខ្លួន​តាំង​ពី​ថ្ងៃ​អង្គារ​។ លោករ៉ាន់បូរ័ត្នត្រូវ​បាន​អះអាង​​ថាជា​សន្ដិសុខ​នៅ​ក្រុម​ហ៊ុន​ ធីម​បឺ ហ្គ្រីន (Timber Green) ជាក្រុម​ហ៊ុន​ដែល​គេ​គិតថា​ មាន​អាជ្ញា​ប័ណ្ណ​កាប់​ឈើ​នៅ​ក្នុង​​​តំបន់​អនាគតអាង​ស្តុកទឹកជំុវិញ​​ទំនប់​វារីអគ្គិសនី​​ឫស្សី​ជ្រុំ​ ក្នុង​ខេត្ត​កោះកុងហើយ​ក្រុមហ៊ុន​​​ចិន​ ហ៊ួឌានខប (Huadian Corp)ដែល​ជា​​ក្រុម​ហ៊ុន​ថាមពលចិន​​គ្រប់​គ្រងដោយ​រដ្ឋ​កំពុង​​សង់​ទំនប់​នេះ។ លោកបូរ៉ាទីណូ​ បាន​លើកឡើង​ថា “ ​បើ​តាម​លោកហ៊ុនរ៉ាន់ដែល​ជាឪពុក​របស់​ជន​សង្ស័យឈ្មោះ​​ រ៉ាន់​ បូរ័ត្ន​ បាន​ឲ្យ​ដឹង​ថារ៉ាន់​ បូរ័ត្នត្រូវ​បានកង​រាជ​អាវុធ​ហត្ថ​ចាប់​ខ្លួន​តាំង​ពី​ប្រាំ​ថ្ងៃ​មុន​​ម៉្លេះ​ ហើយ​ឥឡូវនេះ​កូន​ប្រុស​គាត់​​​កំពុង​ត្រូវ​ឃុំ​ខ្លួន​នៅទីបញ្ជាការដ្ឋាន​​កងរាជ​អាវុធ​ហត្ថ​ខេត្ត”។ ​លោក បូរ៉ាទីណូបានបាន​បញ្ជាក់ថា រ៉ាន់ បូរ័ត្ន គឺ​ជា​មិត្តជិត​ស្និទ្ធ​របស់​លោក អិុន​ រតនា​ មន្ដ្រី​កង​រាជ​អាវុធ​ហត្ថ​ ដែល​ត្រូវ​បាន​បាញ់​សម្លាប់​​។ ការហៅ​ទូរស័ព្ទ​​ជា​ច្រើន​លើក​ច្រើន​សា​ទៅ​កាន់​លោក ហ៊ុន រ៉ាន់​ មន្ត្រី​រដ្ឋបាល​ព្រៃ​ឈើ​ចូលនិវត្តន៍​ មិន​មាន​ការ​ឆ្លើយ​តប​​ទេ​។ លោកចាន់សុវ៉េត​ អនុប្រធាន​កម្មវិធី​​សិទ្ធិ​មនុស្ស​របស់​អង្គការ​អាដហុក​បាន​មាន​ប្រសា​សន៍ថា ក្រៅ​ពី រ៉ាន់ បូរ័ត្ន សកម្មជនការពារ​សិទ្ធិ​មនុស្ស​ជឿ​ជាក់​ថាជន​សង្ស័យ​ម្នាក់​ផ្សេង​ទៀត​​ ត្រូវ​បាន​កង​រាជ​អាវុធ​ហត្ថ​​ឃុំ​ខ្លួន​ ដើម្បី​សាក​សួរ​កាល​ពី​ថ្ងៃ​អង្គារ​។ លោក ចាន់​ សុ​វ៉េត បាន​លើក​ឡើង​ថា “ មេបញ្ជាការ​កង​រាជ​អាវុធ​ហត្ថ​បាន​ចាប់​ខ្លួន​មនុស្ស​​ពីរ​នាក់​ ហើយ​បាន​ឃុំ​ខ្លួន​ពួក​គេ​នៅទីបញ្ជា​ការ​ដ្ឋាន​កង​រាជ​អាវុធ​ហត្ថ”។លោក​​បាន​បញ្ជាក់​​ថា លោកបាន​និយាយ​ជាមួយ​ក្រុម​គ្រួសារ​របស់ រ៉ាន់​ បូរ័ត្ន ពិត​​មែន​ ហើយ​លោក​មិន​ស្គាល់​​ឈ្មោះ​ជន​សង្ស័យ​ទី​ពីរ​នោះ​ទេ​។ លោក ចាន់​ សុវ៉េត​ បាន​មាន​ប្រសាសន៍​ថា“ ​ជន​សង្ស័យ​ទាំង​ពីរ​នាក់​នេះ​មិនទាន់​ត្រូវ​បាន​បញ្ជូន​ទៅ​តុលាការ​​នៅ​ឡើយ​ទេ​”។ លោកឧត្ដម​សេនីយ៍ឯក ម៉ក់​ ជីតូ ដែល​កំពុង​តែ​ដឹក​នាំ​ក្រុមការ​ងារ​ពិសេស​ រួម​មួយ​​​ចាត់​តាំង​ដោយ​លោក​នាយក​រដ្ឋមន្ត្រី​ ហ៊ុនសែន​ ឲ្យ​ធ្វើ​ការ​ស៊ើប​អង្កេត​លើ​ការ​បាញ់​សម្លាប់​អ្នក​ទាំង​ពីរ​នេះ មិន​ប្រាប់​ថា​ មាន​ការ​នាំ​ខ្លួន​ជន​ណា​ម្នាក់មក​​សាកសួរឬក៏​អត់​​នោះ​ទេ​...

អង្គការ​សហ​ប្រជា​ជាតិ​ថា ការ​ស៊ើប​អង្កេត​ករណី​បាញ់​សម្លាប់​នៅ​ខេត្ត​កោះ​កុង​ត្រូវ​តែ​ឯក​រាជ្យ

កាល​ពី​ម្សិល​មិញ ការិយាល័យ​ឧត្តម​ស្នង​ការ​អង្គការ​សហប្រជា​ជាតិ​ ទទួល​បន្ទុក​សិទ្ធិ​មនុស្ស បាន​អំពាវ​នាវ​ឲ្យ​រដ្ឋា​ភិបាល​ធានា​ឲ្យ​មាន​ឯករាជ្យ ចំពោះ​ការ​ស៊ើប​អង្កេត​របស់​ខ្លួនលើ​ករណី​បាញ់​សម្លាប់​លោក​ ឈុត វុទ្ធី​ សកម្ម​ជន​ការ​ពារ​ព្រៃ​ឈើ​ និង​លោក អិុន រតនា មន្ត្រី​កង​រាជ​អាវុធ​ហត្ថ​ ដោយ​សម្តែង​ការ​ព្រួយ​បារម្ភ​ចំពោះ​ការ​កើន​ឡើង​នៃ​ការ​បាញ់​ប្រហារ​ មកលើ​ជន​ស៊ីវិល​ និង​ក្រុម​សកម្ម​​​​​​ជនការ​ពារ​សិទ្ធិ​មនុស្ស​។ អង្គការ​សហ​ប្រជាជាតិ​បាន​ថ្លែង​នៅ​ក្នុង​សេចក្តី​ថ្លែងការណ៍មួយថា​ “ នៅពេល​មិន​​​ទាន់​​​ដឹងច្បាស់​អំពី​ហេតុ​ការណ៍ ​ដែល​​​កើត​​​ឡើងពេលថ្មីៗនេះ យើង​នៅតែ​ព្រួយ​បារម្ភ​​​ណាស់​ថា ​ការ​បាញ់​សម្លាប់​លោក​ ឈុត វុទ្ធី គឺបង្ហាញឲ្យឃើញពីការ​បាញ់​សម្លាប់​​ដ៏​​​ឃោរ​​​ឃៅ​​​​ បំផុត​នៅក្នុង​ករណី​បាញ់​សម្លាប់​ជា​បន្ត​​បន្ទាប់​មកលើ​សកម្មជន​ការពារ​​សិទ្ធិ​មនុស្ស​នៅក្នុ​ងប្រទេស​កម្ពុជា”។ សេចក្តី​ថ្លែង​ការណ៍​នេះ​បាន​លើក​ឡើង​បន្ត​ទៀតថា​...

មនុស្ស​រាប់​រយ​នាក់​​កាន់ទុក្ខ​សព​លោក ឈុត វុទ្ធី នៅ​ពេល​​ នគរ​បាល​បន្ត​ការ​ស៊ើប​អង្កេត​​

កាល​ពី​ព្រឹក​ម្សិល​មិញ​ មនុស្ស​រាប់​រយ​នាក់បាន​ប្រមូល​ផ្ដុំ​គ្នា​នៅ​ខេត្តកណ្ដាលដើម្បីចូល​រួម​​ពិធី​បញ្ចុះសព​​លោក ឈុត​ វុទ្ធី​ សកម្មជន​ការ​ពារ​ព្រៃ​ឈើដែល​ត្រូវ​បាន​មន្ត្រី​កង​រាជ​អាវុធ​ហត្ថ​បាញ់​សម្លាប់​ កាល​ពី​ថ្ងៃ​ព្រហស្បតិ៍​នៅ​ពេល​​ចុះ​ស៊ើប​អង្កេត​សកម្មភាព​កាប់​ឈើ​ខុស​ច្បាប់​នៅ​ភ្នំ​ក្រវាញ​ ក្នុង​ខេត្ត​កោះ​កុង​។ លោក ជួន​ ភិរម្យ ត្រូវ​ជាក្មួយ​របស់សពបាន​​មាន​ប្រសាសន៍​ថា “ មាន​មនុស្ស​ជាច្រើន​នាក់​បាន​ចូល​រួម​ដង្ហែ​សព​ពី​លំនៅ​ដ្ឋាន​របស់​ម្ដាយ​លោក​ឈុត វុទ្ធី​ ​ទៅ​កាន់​​កន្លែង​បញ្ចុះ​សព”។លោក​បាន​បន្ត​ថា​ លោក​មាន​ការ​សោកស្តាយ​ណាស់​​ពេល​ឃើញ​មាន​ការ​គាំទ្រច្រើន​ពីមិត្តភក្ដិ និង​អ្នក​រួម​ការ​ងារ​ ​របស់​ឪពុក​មា​លោក​។ បន្ទាប់​ពី​ការ​បាញ់​សម្លាប់​អស់​រយៈ​ពេល​ប្រាំ​ថ្ងៃ​មក​នេះ​ មាន​លេច​ឮ​​ព័ត៌មាន​តិច​តួច​ណាស់​​ពាក់​ព័ន្ធ​នឹង​ការ​ស្លាប់​របស់​លោកឈុត​វុទ្ធី និង​លោក អិុន​ រតនា​ មន្ត្រី​កង​រាជ​អាវុធ​ហត្ថដែល​គេ​សង្ស័យ​ថា ​បានបាញ់​​សម្លាប់​លោកឈុតវុទ្ធីរួច​ហើយ​បាញ់​សម្លាប់​ខ្លួន​ឯង​ទៀត​នោះ​។ កង​រាជ​អាវុធហត្ថ​ខេត្ត​កោះកុង​ បាន​លើក​ឡើង​ថាលោកអិុនរតនាបានបាញ់​ខ្លួន​ឯង​ចំនួន​ពីរ​គ្រាប់ដោយ​​កាំ​ភ្លើងអាកា​ដែល​គាត់​​បាន​ប្រើ​​បាញ់​សម្លាប់​លោកឈុត វុទ្ធី។ការ​បក​ស្រាយបែប​​នេះ​ បាន​ធ្វើ​ឲ្យ​សាច់​ញាតិ​របស់​​អ្នក​ស្លាប់​ទាំង​ពីរ និង​អង្គការ​សិទ្ធិ​មនុស្ស​នានា​​មាន​ការ​សង្ស័យ​យ៉ាងខ្លាំង​​។ តំ​ណាង​អង្គការ​សិទ្ធិមនុស្ស ​អាដហុក​ អង្គការ​​លីកាដូ និង​មជ្ឈមណ្ឌល​សិទ្ធិមនុស្សកម្ពុជា​កាល​ពី​ម្សិល​មិញ​បាន​​លើកឡើង​ថាពួកគេ​កំពុង​តែ​ធ្វើ​ការ​ស៊ើប​អង្កេត​លើ​ហេតុ​ការណ៍បាញ់​សម្លាប់​នេះ​ដោយ​ខ្លួន​ឯ​ង​ ប៉ុន្តែ​មិនទាន់​ទទួល​បាន​លទ្ធផល​ទេ​​។ លោកនាងបូរ៉ាទីណូអ្នក​សម្រប​សម្រួល​​របស់​អង្គការ​អាដហុកប្រចាំ​ខេត្ត​កោះ​កុង​​បាន​មាន​ប្រសាសន៍ថា “ ​ករណី​​បាញ់​សម្លាប់​លោក ឈុត​ វុទ្ធី គឺពិត​ជាមាន​ជន​ទី​បី​ចូល​រួម​​ពាក់​ព័ន្ធ​នៅក្នុង​ការ​បាញ់​សម្លាប់​ជន​រង​គ្រោះ​ទាំង​ពីរ​នេះ​ ហើយ​ឥឡូវ​នេះ​ ខ្ញុំ​កំពុង​តែ​ផ្ដោត​ទៅ​លើ​បញ្ហា​នេះ”។ លោកខេងទីតូអ្នក​នាំ​ពាក្យកងរាជ​អាវុធ​ហត្ថលើ​ផ្ទៃ​ប្រទេស​ បាន​លើក​ឡើង​ថាអាជ្ញា​ធរ​នៅ​មិនទាន់​អាចនិយាយ​​អំពីការ​បាញ់​សម្លាប់​នេះ​បាន​ទេ​ ដោយ​សារ​ “យើង​ត្រូវ​ការ​ពេល​វេលា​ ដើម្បី​ធ្វើ​ការ​ស៊ើប​អង្កេតពី​ព្រោះរឿង​នេះ​គឺ​ជា​រឿង​រសើប​”។ លោកថុង​ ណា​រ៉ុងមេបញ្ជាការ​កង​រាជ​អាវុធ​ហត្ថ​ខេត្តកោះកុង បាន​មាន​ប្រសា​សន៍​ថា “ កង​កម្លាំង​របស់​យើង​​កំពុង​តែ​ធ្វើ​ការ​ស៊ើប​អង្កេត​ការបាញ់​សម្លាប់​នេះ​ ប៉ុន្ដែ​លទ្ធ​ផល​​នៅ​មិនទាន់​អាច​បង្ហាញ​នៅ​ឡើយ​ទេ​ ពី​ព្រោះ​ការ​ស៊ើប​អង្កេត​កំពុង​តែ​បន្ដ។ យើង​នឹង​បង្ហាញ​​ជា​សាធារណៈ​ នៅ​ពេល​​ការ​ស៊ើប​​អង្កេត​របស់​យើង​ចប់​រួច​រាល់​​​”។ បុគ្គលិក​អង្គការ​សិទ្ធ​ិមនុស្សបានលើក​ឡើង​កាល​ពី​ម្សិល​មិញ​ថា ការភ័យ​ខ្លាច​របស់​ប្រជាជន​​ដែល​រស់​នៅ​កន្លែង​​លោក​ ឈុតវុទ្ធីត្រូវ​គេ​បាញ់​សម្លាប់​នោះ​ បាន​រារាំង​​ដល់​ការ​ស៊ើប​អង្កេតនេះ​។ និយាយ​ដោយ​មិន​បញ្ចេញ​ឈ្មោះ​​ដោយ​សារ​​ខ្លាច​មានការ​​ធ្វើ​ទុក្ខបុកម្នេញ​ អ្នកភូមិ​ពីរ​​នាក់​ពី​តំបន់​វាល​បី​ ស្រុក​មណ្ឌល​​សីមា​ កន្លែង​​កើត​ហេតុ​​បាញ់​សម្លាប់នេះ ​បាន​លើ​កឡើង​ថា​ ពួក​គាត់​មាន​ការ​ភ័យ​ខ្លាច​ចំពោះ​កង​កម្លាំង​សន្ដិ​សុខ​ដែល​ឈរ​ជើង​ក្នុង​តំបន់​នោះ​។ អ្នក​​ភូមិ​ម្នាក់​បាន​និយាយ​ថា “ ​អ្នកភូមិ​របស់​យើង​បារម្ភ​ពី​​សុវត្ថិភាព​របស់​ខ្លួន​ ហើយ​មិន​ហ៊ាន​និយាយ​ច្រើន​អំពី​ការ​បាញ់​សម្លាប់​នេះ​ទេ​”។ អ្នក​ភូមិ​រូប​នេះ​បាន​បន្ដ​ថា កងរាជ​អាវុធ​ហត្ថ​ត្រូវ​បាន​ក្រុមហ៊ុន​ឯកជន​មួយដែល​គាត់​មិនបញ្ចេញ​ឈ្មោះ​ ​ហៅ​ឲ្យ​ទៅ​​កន្លែងនោះបន្ទាប់​ពី​លោកឈុតវុទ្ធីនិងអ្នក​យក​ព័ត៌មាន​ពីររូប​របស់​កាសែត ​ខេមបូឌា ដេលីបាន​ទៅ​ដល់​តំបន់​នោះ​កាល​ពីថ្ងៃ​ព្រហស្បតិ៍​។ លោក ចាន់ សុវ៉េត​ អនុប្រធាន​កម្មវិធី​សិទ្ធិមនុស្ស​នៃ​អង្គការអាដហុក​​បាន​មាន​ប្រសា​សន៍ថា​ លោក​ដឹងថា មាន​ក្រុមហ៊ុន​មួយ​កំពុង​តែធ្វើ​​ប្រតិបត្តិការ​នៅ​កន្លែង​នោះ​ ហើយ​បាន​ជួល​កម្លាំង​ប្រដាប់​អាវុធ​របស់​រដ្ឋ​​ឲ្យ​ជួយ​ការ​ពារ​។ លោក សុវ៉េត បានសួរ​ថា “ ​ពួក​គេ​ទាំង​នេះ​គឺ​ជា​មន្ត្រី​រាជ​ការធ្វើការ​ដើម្បី​​​ការ​ពារ​ដីរដ្ឋ​។ ​ហេតុ​អ្វីបានជាពួក​គេ​ការ​ពារ​ក្រុមហ៊ុន​ឯកជន​ ហើយ​បង្កជម្លោះ​ជា​មួយ​នឹង​អ្នក​ការ​ពារ​ព្រៃ​ឈើ​ទៅ​វិញ​”។ លោក បាន​បន្ដ​ថាអង្គការ​​សិទ្ធិ​មនុស្សកំពុង​តែ​ជំរុញ​ឲ្យមានការ​ស៊ើប​អង្កេតពីថ្នាក់​លើ​​ បន្ទាប់​ពី​មើ​ល​ឃើញ​​មាន​ចំណុច​ខ្វះខាត​ជា​ច្រើន​នៅ​ក្នុង​ការ​ស៊ើបអង្កេត​ដំបូង​របស់​អាជ្ញា​ធរ​ខេត្ត​កោះកុង​។ អ្នក​យក​ព័ត៌មាន​​ពីរ​រូប ​របស់​កាសែត​ខេមបូឌា ដេលី​ មាន​វត្តមាន​នៅ​កន្លែង​កើត​ហេតុ​ កាល​ពី​ថ្ងៃ​ព្រហស្បតិ៍​ ប៉ុន្ដែ​មិន​បាន​ឃើញ​នរណា​ជាអ្នក​បាញ់​សម្លាប់​លោកឈុតវុទ្ធីនោះ​ទេ៕ ប្រែ​សម្រួលដោយ ស៊ាស៊ុយឈាង

គ្រួសារអ្នក​សា្លប់​សង្ស័យ​ចំ​ពោះ​កា​រ​បក​ស្រាយ​របស់​មន្ត្រី​រដ្ឋាភិបាល

នៅពេលមានការ​អំពាវនាវ​កាន់​តែ​ខ្លាំង​ឡើងថែមទៀត ទាមទារឲ្យមានការស៊ើប​អង្កេតឲ្យបានហ្មត់ចត់នោះ មន្ដ្រី​ពាក់ព័ន្ធ កាល​ពី​ម្សិល​មិញ​ បាន​មាន​ប្រសាសន៍ថាពួកគេ​កំពុង​តែ​បង្កើត​ក្រុម​ការ​ងារ​ពិសេសមួយ​ ដើម្បី​ស៊ើប​អង្កេតករណីបាញ់សម្លាប់​សកម្ម​ជនការ​ពារព្រៃ​ឈើ ​គឺលោក ឈុត​ វុទ្ធី​ ស្រប​​ពេល​ក្រុម​គ្រួសារ​របស់​មន្ដ្រីកង​រាជ​អាវុធ​ហត្ថ​ ដែល​សង្ស័យ​ថា​បានបាញ់សម្លាប់​លោកឈុត​ វុទ្ធី​ មុន​ពេល​បាញ់​សម្លាប់​ខ្លួន​ឯង​ នៅ​តែ​មិនអស់ចិត្ត​ចំពោះ​ការ​បកស្រាយ​ជាផ្លូវ​ការ​របស់មន្ត្រី​នគរបាល។ លោកឧត្ដម​សេនីយ៍ឯកសៅសុខា​ មេ​បញ្ជាការ​កង​រាជ​អាវុធ​ហត្ថ​លើ​ផ្ទៃ​ប្រទេស​បាន​មាន​ប្រសាសន៍ថា “ ​ករណី​បាញ់​សម្លាប់​នៅ​ខេត្ត​កោះកុង​ គឺ​កំពុង​តែ​ស្ថិត​ក្រោម​ការ​ស៊ើបអង្កេត ហើយ​កង​រាជ​អាវុធ​ហត្ថ​ដែល​ទទួល​បន្ទុក​ផ្នែក​ស៊ើប​អង្កេត​របស់​យើង​ គឺ​កំពុង​តែ​ធ្វើ​ការ​យ៉ាង​សស្រាក់​សស្រាំចំពោះ​ករណី​នេះផងដែ​រ​​ ដើម្បី​ស្វែង​រក​ការពិត​អំពីហេតុផលនៃ​បាញ់​សម្លាប់​បុរស​ពីរនាក់​នេះ​”។ លោកឧត្តម​សេនីយ៍ឯកសៅ​ សុខាបាន​បន្ដ​ថា “ គណៈកម្មការពិសេស​មួយ ត្រូវ​បាន​បង្កើតឡើង​ ដើម្បី​ស៊ើប​អង្កេតអំពី​ការ​ស្លាប់​របស់​បុរស​ទាំង​ពីរ​នាក់​នេះ​”។ ប៉ុន្ដែ​លោកឧត្តម​សេនីយ៍​ឯកសៅ​ សុខាបាន​បដិ​សេធ​មិន​ព្រមបកស្រាយលម្អិតនោះ​ទេ​។ ទោះបី​ជា​ករណី​នេះ​នៅ​តែ​បើក​ចំហក៏​ដោយ​ មន្ត្រីកង​រាជ​អាវុធ​ហត្ថ​បាន​ផ្ដល់​ការ​ពន្យល់​ជាផ្លូវ​ការ​មួយ អំពីមូលហេតុនៃការ​ស្លាប់​ទាំង​ពីរនេះ​ ដោយ​ហៅថា ​ជាករណី​បាញ់​​សម្លាប់ រួចធ្វើអត្តឃាត​​​។ ពួកគេ​បាន​និយាយ​ថារឿង​នេះ​បាន​កើតឡើង​ បន្ទាប់ពី​មាន​ការ​ទាស់​ទែង​ពាក្យ​សម្ដី​គ្នា​ខ្លាំង​ៗ ​រវាង​លោកឈុតវុទ្ធី​ និងលោកអិុនរតនាអាយុ៣២ឆ្នាំជា​មន្ត្រី​កង​រាជ​អាវុធហត្ថ។ លោកអិុន​ រតនា​ ត្រូវ​បាន​គេ​ចោទ​ប្រកាន់​​ថាបាន​​បាញ់​លោកឈុតវុទ្ធីនៅ​ពេល​លោកកំពុង​អង្គុយ​លើកៅអីអ្នក​បើក​បរ​ក្នុង​រថយន្ដ​របស់​លោក មុន​ពេល​បាញ់​សម្លាប់​ខ្លួន​ឯង​ ដោយ​កាំ​ភ្លើងអាកា-៤៧របស់ខ្លួន​។ លោកឈុតវុទ្ធី​ ត្រូវ​បាន​បាញ់​ចំ​ជង្គង់​ ហើយ​ធ្លាយ​ទៅ​ដល់​ពោះ​ រីឯ​​លោកអិុន​ រតនាត្រូវ​បាន​បាញ់​ពីរ​គ្រាប់​ចំ​ទ្រូង​ និង​ពោះ​។ ឪពុកម្ដាយ​របស់​លោក អិុន​ រតនា​ បាន​មាន​ប្រសាសន៍ថា ពួកគាត់​មាន​ការ​សង្ស័យ​ចំពោះ​ការ​ស្លាប់​នេះ​។ អ្នកស្រី​ ប៉ែន​ សេង ម្ដាយ​របស់​លោកអិុន​រតនា បាន​បន្ដថា “ អ្នក​ភូមិ​ជាច្រើន​បាន​សួរ​យើង​ថា ហេតុអ្វីបាន​ជា​ អិុន​ រតនា​ បាញ់​សម្លាប់​ខ្លួន​ឯង។ អ្នកភូមិ​ភាគ​ច្រើន ​ដែល​បាន​ទៅ​ចូល​រួម​បុណ្យ​សព​​ មិន​ជឿថាគាត់បាញ់​សម្លាប់​ខ្លួន​ឯង​នោះទេ”។សព​របស់​លោក​ អិុនរតនា​ត្រូវ​បាន​បូជា​កាល​ពី​ថ្ងៃ​សុក្រ​ នៅ​ក្នុង​ខណ្ឌ​ដង្កោ​ រាជ​ធានី​ភ្នំពេញ​។ អ្នកស្រី​បាន​បន្ថែម​ទៀតថា “ ​យើង​មាន​ការសង្ស័យ​ថា ​ហេតុអ្វី​ពួក​គេ​​ស្លាប់​ដោយ​សារតែ​គ្រាប់​កាំភ្លើង​ដូច​គ្នា​”។ សាច់​ញាតិ​របស់​លោក អិុន​ រតនា បាន​និយាយ​ទាំង​កំហឹង​តាម​ទូរស័ព្ទ​អំពី​ទុក្ខសោក​របស់​ពួក​​គេ​ ប៉ុន្ដែ​ពួកគេ​នៅ​តែ​មាន​ការ​ប្រុង​ប្រយ័ត្ន​។ អ្នកស្រីអុិនវណ្ណាត្រូវជាម្ដាយ​មីង​របស់​សពលោកអុិន​ រតនា​ បាន​មាន​ប្រសាសន៍ថា “ ក្មួយ​ប្រុស​របស់​ខ្ញុំ​ត្រូវ​គេ​សម្លាប់ ហើយ​ខ្ញុំ​មិនអាច​និយាយ​ច្រើន​អំពី​ ថាតើនរណា​ជា​អ្នក​បាញ់​ក្មួយ​ខ្ញុំ​ស្លាប់​នោះទេ​ ប៉ុន្ដែ​ខ្ញុំ​អំពាវ​នាវឲ្យ​រដ្ឋាភិបាល​ស្វែង​រក​យុត្ដិធម៌ឲ្យ​ក្មួយ​របស់​ខ្ញុំ​។ ខ្ញុំមិនអាច​និយាយ​ច្រើន​អំពី​ការ​បាញ់​សម្លាប់​ ពី​ព្រោះ​ខ្ញុំ​មិន​បាន​ឃើញ​ហេតុ​ការណ៍​នេះផ្ទាល់​ ប៉ុន្ដែ​ក្មួយ​ប្រុស​របស់​ខ្ញុំ​...

លោក ឈុត វុទ្ធី សកម្មជន​ព្រៃ​ឈើ ត្រូវ​​បានបាញ់​ស្លាប់នៅ​កោះកុង

លោក​ ឈុត វុទ្ធី សកម្ម​ជន​ការពារ​ព្រៃ​ឈើ​អាយុ​៤៦ឆ្នាំ​ ត្រូវ​បាន​កង​រាជ​អាវុធ​ហត្ថ​បាញ់​សម្លាប់​ពេលមាន​ជម្លោះ ​ពាក្យ​សម្ដីមួយ​នៅក្នុង​ខេត្ត​កោះកុង​ កាលពី​ម្សិល​មិញ​។ មន្ត្រី​កង​រាជ​អាវុធហត្ថ​ម្នាក់ ឈ្មោះ​ អុិនរតនាអាយុ​៣២​ឆ្នាំក៏ត្រូវ​បានបាញ់​ស្លាប់​នៅ​ក្នុង​ជម្លោះនេះផង​ដែរដែល​បាន​កើត​ឡើង​បន្ទាប់​ពី​កង​រាជ​អាវុធហត្ថ​ និង​ទាហាន​បាន​ឃាត់​ខ្លួន​អ្នក​បរិស្ថាន​រូប​នេះ និង​អ្នក​យក​ព័ត៌មានពីរ​រូប​ មកពី​កាសែត​ ខេមបូឌា ដេលីហើយបា​ន​រឹប​អូស​មា៉ាស៊ីនថត របស់​ពួក​គេ។ លោកវុទ្ធីបាន​ថត​​សកម្មភាពកាប់​ឈើ​ ដែល​គេ​សង្ស័យ​ថា ខុស​ច្បាប់​នៅ​ក្បែរ​ព្រំ​ប្រទល់​ រវាង​ខេត្ត​ពោធិ៍សាត់ និង​ខេត្ត​កោះ​កុង​ ក្នុង​ស្រុក​មណ្ឌល​សីមា។ បន្ទាប់​ពី​ប្រគល់​មា៉ស៊ីន​ថតរួច​មក​ លោក​ វុទ្ធី បាន​ព្យាយាម​បើក​រថយន្ដចេញពីកន្លែងកាប់ឈើម្តងហើយម្តងទៀត​ ដោយ​ប្រាប់​អាជ្ញាធរ​ថាពួកគេ​គ្មានសិទ្ធិ​ឃាត់​ខ្លួន​ក្រុម​របស់​លោក​ទេ។ គេនៅ​មិន​ច្បាស់​នៅ​ឡើយទេ មកទល​់​យប់​ម្សិល​មិញ​នេះ​ អំពី​អ្នក​ត្រូវ​ទទួល​ខុស​ត្រូវ​ចំពោះការ​បាញ់​ប្រហារ​នេះ។ នគរ​បាល​និង​សាក្សី​បាន​ផ្ដល់ព័ត៌មាន​ខុសៗ​គ្នា ខណៈ​ដែល​ក្រុម​មន្ត្រី​បញ្ជាក់​ថា ការ​ស៊ើ​បអង្កេត​កំពុង​តែ​ធ្វើ​ឡើង​នៅ​ឡើយ។ លោកឧត្តម​សេនីយ៍ឯក​ ខៀវសុភ័គអ្នក​នាំ​ពាក្យ​ក្រសួង​មហា​ផ្ទៃ បាន​មាន​ប្រសាសន៍​ថា “ តើ​នរណា​បាញ់​មុន​? អ្នក​ណា​បាញ់​តប​វិញ​? កង​រាជ​អាវុធ​ហត្ថ​បាន​ប្រាប់​ខ្ញុំថាលោក​ឈុត​ វុទ្ធីបានបាញ់​មន្ត្រី​កង​រាជ​អាវុធ​ហត្ថ​មុន​។ នោះ​ជា​ព័ត៌មាន​ផ្លូវ​ការ​ ដែល​ខ្ញុំទទួល​បាន​”។លោក​ឧត្តម​សេនីយ៍​ឯក​ ខៀវ សុភ័គ បាន​ថ្លែងថា ការ​ស៊ើប​អង្កេត​កំពុង​តែ​ដំណើរ​​ការ​នៅ​ឡើយ ហើយ​ព័ត៌មាន​របស់​លោក​គ្រាន់​តែ​បាន​មក​ពី​ “ ភាគី​ម្ខាង​ប៉ុណ្ណោះ”។ លោក​បាន​បន្ដ​ថា “នឹង​មាន​ការ​ចាត់​វិធាន​ការ ព្រមទាំងបើកការស៊ើប​អង្កេត​រកអ្នក​ ពាក់​ព័ន្ធ​ ហើយ​យើង​នឹង​បញ្ជូន​រឿង​នេះ​ទៅ​​តុលាការ​រកយុត្ដិ​ធម៌។ ប្រហែល​ជា​ខ្ញុំ​ខុស ឬ​ប្រហែល​ជា​ខ្ញុំ​ត្រូវ​ ក៏ប៉ុន្ដែ​ខ្ញុំ​ពិត​ជា​សោក​ស្ដាយ​ ចំពោះការបាត់បង់ជីវិតមនុស្ស​ពីរ​នាក់។ ខ្ញុំ​សូម​ចូល​រួម​សម្តែងមរណៈ​ទុក្ខ​ជាមួយ​គ្រួសារ​នៃសពរបស់​ជន​រួម​ជាតិ​របស់ខ្ញុំ។ រឿង​នេះ​មិន​គួរ​កើត​ឡើង​ទេហើយ​ខ្ញុំ​សូម​ឲ្យ​វិញ្ញាក្ខន្ធ​អ្នក​ទាំង​ពីរ​ បានទៅ​កាន់​សុគតិភព​ចុះ”។ លោកស៊ិនសេន​ ស្នង​ការ​រង​នគរ​បាល​ខេត្តកោះ​កុង​ បានផ្ដល់​សេចក្ដី​រាយការណ៍​ផ្សេង​ ដោយ​លើកឡើងថាលោក​បាន​ទទួល​របាយការណ៍ថាលោក​ រតនាបាញ់​លោក​ វុទ្ធីក្នុងពេលប៉ះសម្ដី​គ្នា​កាន់​តែ​ខ្លាំង​ឡើង​ ហើយ​បន្ទាប់​មកសម្លាប់​ខ្លួន​។ អ្នក​ភូមិ​ម្នាក់​ ដែល​សុំ​មិនបញ្ចេញ​ឈ្មោះដោយ​សារព្រួយបារម្ភពីសុវត្ថិភាព​ផ្ទាល់ខ្លួន​បាន​រាយ​ការណ៍​ផ្សេង​។ អ្នក​ភូមិ​ ដែល​បាន​និយាយថា ខ្លួន​បាន​ឃើញ​ការបាញ់​ប្រហារ​នោះ បាន​ឲ្យ​ដឹង​ថា លោក​ វុទ្ធី កំពុង​តែ​ថត​សកម្មភាព​កាប់​ឈើ​ពី​ក្នុង​រថយន្ដ​របស់លោក​នៅ​ជិត​ក្រុមហ៊ុន​ចិន ដែល​ទើប​បង្កើត​ថ្មីៗនេះដោយ​ធ្វើ​ឲ្យ​មន្ត្រីកង​រាជអាវុធ​ហត្ថ​មូល​ដ្ឋាន​ខឹង​​។ នៅពេលទាម​ទារយក​អង្គចង​ចាំ (ម៉េម៉ូរី)​ម៉ាស៊ីនថត​របស់គាត់​ លោក​ រតនាបាន​យក​កាំ​ភ្លើងភ្ជង់​គំរាម​លោក វុទ្ធី។ ​អ្នក​បរិស្ថាន​រូបនេះក្រោយ​​មក​បាន​ដណ្ដើម​​យក​កាំភ្លើង​ រួច​បាញ់​ទៅ​លើ​មន្ត្រី​រូបនេះ​។ បន្ទាប់​មកកង​រាជអាវុធ​ហត្ថ​រូបនេះ​បាន​បាញ់តបទៅ​លោកវុទ្ធីវិញ។ ក្មួ​យ​ប្រុស​លោក​ វុទ្ធីឈ្មោះជួនភិរម្យជា​​អ្នក​បរិស្ថាន​ដ៏លេចធ្លោម្នាក់​ បាន​វិល​ត្រឡប់​​ពី​ខេត្ត​កោះកុង​ មក​រាជ​ធានី​ភ្នំពេញវិញ​ កាល​ពី​យប់​មិញ ដោយ​នាំ​យកសាក​​សពឪពុក​មា​​របស់​ខ្លួន​។ លោក​ ភិរម្យ បាន​មាន​ប្រសាសន៍ថា “ គាត់​ត្រូវ​គេ​បាញ់​មួយ​គ្រាប់​ត្រូវ​ជង្គង់​ធ្លាយ​ដល់​ពោះ ហើយ​បាន​ស្លាប់​នៅ​ក្នុងរថយន្ដ​របស់​គាត់តែម្តង​”។ អ្នក​យក​ព័ត៌មាន​មកពីកាសែត​ ខេមបូឌាដេលី ដែល​មាន​វត្ត​មាននៅ​កន្លែង​កើត​ហេតុ​​នោះមានឈ្មោះ​ ផនបុប្ផានិង​ អូលេស្យាផ្លូគី Olesia Plokhii...

រដ្ឋាភិបាល​បញ្ជា​ឲ្យ​ប្រមូល​ ឈើ​ប្រណិត​​ ដើម្បី​សាងសង់​សារមន្ទីរគណបក្សប្រជាជន

យោង​តា​ម​ឯ​ក​សារ​ទទួល​បា​ន​ថ្មីៗ​នេះ​​​បា​នឲ្យ​​ដឹ​ង​ថា​ ​​រដ្ឋា​ភិបា​ល​​​បា​ន​បញ្ជា​​ឲ្យរក​​ឈើ​ប្រណិត​​​៥០០មែ៉ត្រ​គូប ​​ពី​​​បណ្តាខេត្ត​ភាគ​ខាង​ជើង​​ប្រទេ​ស​កម្ពុជា​ ​សម្រាប់​កា​រ​សា​ង​សង់​​​សារ​ម​ន្ទី​​រមួ​យ​កន្លែ​ង ក្នុ​ង​ខេត្ត​ព្រៃ​​វែង​​ ដើម្បីរំ​ឭក​ដល់​គណ​បក្ស​ប្រជា​ជ​ន​ ដែ​ល​គ្រប់​គ្រង​អំ​ណា​ច​។ បើ​ទោះ​ជា​មិន​​ទាន់ច្បាស់​ថា ​ឈើ​នេះ​មា​ន​ប្រភពចេញពី​ណា​​ក៏​ដោ​យ ក៏​បទ​បញ្ជា​របស់​រដ្ឋា​ភិ​បា​លបាន​​ធ្វើ​ឡើង​ខណៈ​​ដែ​ល​​ពលរដ្ឋខ្មែរ​ជា​ច្រើ​ន​នា​ក់​​ត្រូវ​បា​ន​ទាហាន​ថៃបាញ់​សម្លាប់​​ជាហូរហែ ដោ​យ​សារ​ករណី​កាប់​ឈើ​ខុស​ច្បាប់នៅក្នុងទឹកដី​ថៃ។ បទ​បញ្ជា​​ ដែ​ល​​ចុះ​ហត្ថ​លេខា​ កា​ល​ពី​ថ្ងៃ​ទី​​២០​ ខែ​​ធ្នូឆ្នាំ​​២០១១​ដោ​យ​លោក​ ជា ស៊ីម ប្រធា​ន​​ព្រឹទ្ធ​សភា  និង​មួយ​ថ្ងៃក្រោយ​មក​ត្រូវ​បាន​សម្រេច​យល់​ព្រម​​ ដោយ​លោក​នាយ​ក​រដ្ឋមន្ត្រី​ ហ៊ុនសែនបានឲ្យ​ដឹង​ថា “ សារមន្ទី​រ​នេះ សាង​សង់​បាន​៤០ភាគរយ​ហើយ ប៉ុន្ដែ​នៅ​ពេល​នេះ​ យើង​ត្រូវ​ការ​ឈើ​ប្រណិត​៥០០​ម៉ែត្រគូប ដើម្បី​ធ្វើ​ជា​គ្រឿង​សង្ហារិម​នៅ​​ក្នុង​សារមន្ទីរ។ ដើម្បី​បំពេញ​សេចក្ដី​ត្រូវ​ការ​ ខ្ញុំ​បាន​បញ្ជា​ឲ្យ​ក្រុម​ការ​ងារសាង​សង់​​ទិញ​​ឈើ​ប្រណិត​ពី​អ្នកភូមិ​​ក្នុង​ខេត្ត​ព្រះ​វិហារ​ ឧត្ដរ​មាន​ជ័យ​ បន្ទាយ​មាន​ជ័យ​ និង​ខេត្ត​ស្ទឹង​ត្រែង​”។ មួយ​សប្ដាហ៍ក្រោយ​មក​ លោក​ឧត្ដម​សេនីយ៍​ឯក យឹម លាង ដែល​ជា​មនុស្ស​ស្និទ្ធ​នឹង​លោក​ ជា​ ស៊ីមនិង​ជា​ប្រធានកង​អង្គរក្ស​របស់​លោក បាន​បញ្ជូន​សំណើ​មួយ​ទៅ​ក្រុម​មន្ត្រី​ក្នុង​ខេត្ត​ឧត្តរ​មានជ័យ ដោយ​ស្នើ​ឲ្យ​​​ជួយ​​​​ផ្គត់​ផ្គង់​ឈើ​ចំនួន​២០០​ម៉ែត្រគូប​។ លោកឧត្តមសេនីយ៍​​ឯក​ យឹមលាងបាន​បញ្ជាក់​កា​លពី​ម្សិល​មិញ​ថាលោក​បាន​បញ្ជូន​លិខិត​ស្នើ​សុំ​ឈើ​ប្រណិត​រួចហើយ ​ដោយ​លោក​​បាន​មានប្រសាសន៍ថា គម្រោង​នេះ​ជិត​​ចប់​ហើយ​។ លោកបាន​មាន​ប្រសាសន៍​ថា លោក​ឧត្តមសេនីយ៍ត្រី មាស​ សុផានដែល​ឈរ​ជើង​នៅ​ព្រំដែន ​ជាអ្នកទទួល​បន្ទុក​ការ​ប្រមូល​ឈើ​នេះ​។ លិខិត​នេះ​ស្នើ​សុំ​​ឈើ​ប្រណិ​ត​បី​ប្រភេទ​គឺ ឈើ​បេង និងប្រភេទ​ឈើ​ប្រណិត​ពីរ​​​ផ្សេង​​ទៀត។ បទបញ្ជា​របស់រដ្ឋាភិបាល​ឲ្យ​ប្រមូល​ឈើ​នេះបាន​ធ្វើ​ឡើង​តែមួយ​សប្ដាហ៍​ប៉ុណ្ណោះ​ បន្ទាប់​ពី​លោក​ ហ៊ុនសែនបាន​អំពាវ​នាវ​ឲ្យ​អាជ្ញាធរ​បង្ក្រាប​ការកាប់​ឈើ​ខុស​ច្បាប់​ក្នុង​តំបន់តា​មព្រំ​​ដែន​ជា​ប​់​ប្រទេ​ស​​ថៃ ដោយ​លោកបានលើកឡើងថា ប្រជា​ពល​រដ្ឋ​ច្រើន​ណាស់​ត្រូវ​បាន​ទាហានថៃ​បាញ់​សម្លាប់ ហើយ​​ព្រៃ​ឈើ​ក្នុង​ប្រទេស​កម្ពុជា​ចេះ​តែ​ហិន​ហោច​​​​ទៅៗ។ ប្រជាពលរដ្ឋ​១៧នាក់ ត្រូវ​បាន​ទាហានថែបាញ់​សម្លាប់​ចាប់​តាំង​ពី​ខែ​មករា មកនៅពេលកំពុង​កាប់​ឈើ​ប្រណិត​ខុស​ច្បាប់​។តួលេខ​នោះ មា​ន​ចំនួ​ន​​លើស​ពីតួលេខ​អ្នក ​ដែល​ត្រូវបានបាញ់​សម្លាប់ក្នុង​ឆ្នាំ២០១១ហើយ​​ចំនួនអ្នកស្លាប់នេះបានកើន​ឡើង​​ទ្វេដងលើសពី​ឆ្នាំ​២០១០។ ក្រុ​ម​អ្នក​បរិ​ស្ថាន​ និង​អង្គកា​រ​សិទ្ធិ​មនុស្ស​ បា​ន​កត់​សម្គាល់​កា​រ​​ស្លាប់​នៅ​តាម​ព្រំ​ដែ​ន​ថ្មីៗនេះ​ថា ដោយសារភាព​​ហិន​ហោចនៃ​ឈើ​ប្រណិត​នៅ​ក្នុង​ព្រៃ​របស់​​កម្ពុជា​ ទើបបង្ខំ​​ឲ្យ​អ្ន​ក​កាប​់​ឈើឆ្លងដែន។ លោក តូច រ៉ា ប្រធានផ្នែក​ទំនាក់​ទំនង​ព្រំ​ដែននៅ​ប៉ុស្ដិ៍ត្រួត​ពិនិត្យជាំ​ស្រងាម បាន​មាន​ប្រសាសន៍ថា មាន​ការកើន​ឡើង​គួរ​ឲ្យ​កត់​សម្គាល់​នូវអំពើ​ហិង្សាកាប់​ឈើ​ ដោយ​សារ​តែ​មា​ន​កា​រ​ចាប់​អា​រម្មណ៍​កាន់​តែ​ខ្លាំង​ឡើង​ពី​អ្នក​ទិញ​ឈើ​ប្រណិត​។ លោក​បាន​មាន​ប្រសាសន៍ថា “ដោយ​សារ​តែ​អ្នក​ទិញ​រង់​ចាំ​ទិញ​ឈើ​គ្រញូង​នៅ​តាម​ព្រំដែន​ ពេលនេះមាន​អ្នក​កាប់​ឈើ​គ្រញូង​ជាច្រើន​លប​ចូលទៅក្នុង​ព្រៃ​ថៃ​ ​ដែល​ត្រូវ​បាន​​ទាហាន​ថៃបាញ់​​ពួក​គេ​ជា​រឿយៗ”។ អ្នក​ភូមិនៅ​ក្នុងព្រះវិហារបាន​ប្រាប​់​រឿង​រ៉ាវ​ប្រហាក់​ប្រហែល​គ្នានេះ។ លោក​ សាតសាវឿនអ្នក​ភូមិ​រស់នៅ​ក្នុង​ឃុំ​ជាំ​ក្សាន្ដ បានមាន​ប្រសាសន៍ថា អ្នកជិត​ខាង​​របស់​លោក​ ដែល​ជា​អ្នកកាប់​ឈើ​បាន​ដឹង​ថា ពួកគាត់ទទួល​រងការ​គំរាម​កំហែង​ទាំង​ពី​ទាហាន​​ថៃ​ និងពី​មន្ត្រីកម្ពុជា​ បន្ទាប់​ពី​វិល​ត្រឡប់​មកវិញ។ លោក​បាន​មានប្រសាសន៍ថា “ នៅ​ពេល​ពួកគេ​ត្រឡប់​មក​ក្នុង​ទឹក​ដី​កម្ពុជា​វិញ​ ពួកគាត់​ជួប​ទាហានកម្ពុជា​ ដែលមើលទៅ​ដូច​ជា​ចោរ​​ ព្រៃ​អ៊ីចឹង។ ប្រសិន​បើ​ពួក​​គាត់​មិនចែកឲ្យ​​ពាក់កណ្ដាលទេនោះ ពេល​ខ្លះ​ពួកគេ​ប្លន់យក​ឈើ​​គ្រញូង​តែម្តងឬពេល​ខ្លះ​ពួកគេ​បាញ់​សម្លាប់​អ្នកកាប់​ឈើ​ ហើយ​យក​ឈើ​គ្រញូង​របស់​ពួកគាត់​អស់​”។ លោកជុតវុទ្ធីប្រធាន​អង្គការ​ការ​ពារ​ធន​ធាន​ធម្មជាតិ​បាន​មាន​ប្រសាសន៍ថា “ ផល​ប្រយោជន៍បាន​ទៅ​អ្នក​ធំ​ តែអ្នកដែល​ស្លាប់​​​គឺអ្នកតូចតាច។ ពួកគាត់​ដឹង​អំពីគ្រោះ​ថា្នក់​យ៉ាងមេ៉ចហើយ ក៏ប៉ុន្ដែ​ពួកគាត់​មិន​ខ្វល់”។ នេះមិនមែន​ជា​លើក​ទី​១​ទេ ដែល​មាន​​​បញ្ជា​ឲ្យ​យក​ឈើ​ប្រណិត​មួយ​ចំនួន​ធំ​ ដើម្បី​សាង​សង់​អគារ​រដ្ឋាភិបាល​។ ក្នុង​ឆ្នាំ​២០០៥លោក​ ច័ន្ទសារុនរដ្ឋ​មន្ត្រី​ក្រសួង​កសិកម្ម​ បានអំពាវ​នាវ​ឲ្យ​រដ្ឋបាលព្រៃ​ឈើជួយ​ផ្គត់​ផ្គង់​ឈើជាង​១០.០០០​ម៉ែត្រ​គូបដែល​៤.០៣០ម៉ែត្រ​គូបជាប្រភេទ​ឈើ​ប្រណិត​ត្រូវ​យកមកបប្រើ​ ដើម្បី​តុបតែង​អគារ​រដ្ឋសភា​ថ្មី៕ ប្រែ​សម្រួល​ដោយចេវប៊ុននី  

ចំនួន​អ្នក​ស្លាប់​សរុប​ក្នុង​ចំណោម​អ្នក​កាប់​ឈើ​ខុស​ច្បាប់បន្ត​កើន​ឡើង

ក្រោយ​ពីមាន​ករណី​បាញ់​សម្លាប់​អ្នក​កាប់​ឈើ​ខុស​ច្បាប់​ម្នាក់ទៀត​ពី​សំណាក់​ទាហាន​ថៃ​កាល​ពី​ថ្ងៃសៅរ៍​ ចំនួន​ប្រជា​ពលរដ្ឋកម្ពុជា​ដែល​ត្រូវ​បាន​សម្លាប់​នៅតាមព្រំដែន​ថៃ​ចាប់​តាំងពី​ថ្ងៃ​ទី១​ខែមករា​មក​នោះ​ ប្រហែល​ជា​​អាច​លើស​ចំនួន​ជន​ស៊ីវិល​ និង​ទាហាន​ ដែល​ស្លាប់​ក្នុង​ហេតុការណ៍វាយប្រយុទ្ធ​គ្នាជា​ទ្រង់​ទ្រាយធំ​រវាងកងទ័ពថៃនិងកងទ័ពកម្ពុជា​ជុំ​វិញ​ទឹក​ដី​មានទំនាស់តាមព្រំដែន​កាល​ពី​ឆ្នាំ​មុន​។ ករណី​បាញ់​ប្រហារកាល​ពីថ្ងៃ​សៅរ៍នេះ​ ធ្វើ​ឲ្យ​ចំនួន​សរុប​នៃ​អ្នក​កាប់​ឈើ​​ជាជន​ជាតិ​កម្ពុជា ​ដែល​ត្រូវ​កង​កម្លាំង​ការពារ​ព្រំដែន​ថៃ​សម្លាប់​ ​បានកើន​ឡើង​ដល់​១៧​នាក់​អំឡុង​រយៈ​ពេល​បួន​ខែ​ដើម​ឆ្នាំ​នេះ​។ ចំនួន​សរុប​នៃ​ទាហាន​ និង​ជន​ស៊ីវិលកម្ពុជា ​ដែល​បាន​ស្លាប់​ក្នុង​ហេតុការណ៍​វាយប្រយុទ្ធ​គ្នា​ជា​មួយ​កង​ទ័ពថៃនៅលើទឹកដី​មាន​វិវាទ​ក្នុង​ខេត្ត​ព្រះវិហារ និង​ខេត្ត​ឧត្តរមានជ័យ ​ក្នុង​ឆ្នាំ​២០១១​ មាន​ប្រហែល​១៥នាក់​។ រហូត​មក​ទល់​ពេល​នេះ​ ក្នុង​ឆ្នាំ​នេះ ​ចំនួន​អ្នក​កាប់ឈើខុសច្បាប់ស្លាប់​សរុប ​បាន​កើន​ឡើង​លើស​រួច​ទៅ​ហើយ​ បើ​ប្រៀប​ធៀប​ទៅ​នឹង​ប្រជាពលរដ្ឋកម្ពុជា ១៥នាក់​ ដែល​ត្រូវ​​បាន​ទាហាន​ថៃសម្លាប់​ពេញ​មួយឆ្នាំ​២០១១​ ដោយសារកាប់​ឈើខុស​ច្បាប់​ក្នុង​ទឹកដីថៃ។ មន្ត្រី​រដ្ឋាភិបាល​ និងអង្គការ​ក្រៅ​រដ្ឋា​ភិបាល​នានា នៅ​តែ​​ពិបាក​បក​ស្រាយ​​ពីមូល​ហេតុ​ ដែល​ប្រជាពលរដ្ឋកម្ពុជា​ជា​ច្រើននាក់​ត្រូវបាន​សម្លាប់​ក្នុងទឹកដី​ថៃ ​ក្នុង​ឆ្នាំ​នេះ។ លោករ័ត្នសុភាអ្នក​នាំ​ពាក្យ​សាលា​ខេត្ត​ព្រះ​វិហារ​ បាន​មាន​ប្រសាសន៍ថា​ យុវជន​ម្នាក់​ឈ្មោះ​ ឃុនរ៉ាំបូអាយុ​២២​ឆ្នាំ​ ត្រូវ​បាន​ទាហាន​ថៃ​បាញ់​ក្នុង​ទឹកដីថៃ​ជម្រៅ​ប្រហែល​បី​គីឡូម៉ែត្រ​​នៅវេលា​ម៉ោង​ប្រហែល​១១និង​៣០នាទី​ព្រឹក​ នៅពេល​កំពុងរក​កាប់​ឈើ​គ្រញូង​ ជា​ឈើ​ប្រណិតមួយ​ប្រភេទ ​ដែល​អាច​លក់​បាន​តម្លៃ​រាប់​ពាន់​ដុល្លារ​ក្នុង​មួយ​ម៉ែត្រគូប​។ លោក​ រ័ត្ន សុភា បាន​មាន​ប្រសាសន៍​ទៀត​ថា “ សហការីរបស់​ខ្ញុំ​កំពុង​ទាក់​ទង​ទៅ​នគរ​បាល​ព្រំដែនថៃ​ ដើម្បី​យក​សាក​សពនោះ​ត្រឡប់​មក​វិញ​”។ លោក​បាន​បន្ត​ថា​ ពលរដ​្ឋកម្ពុជា​ពីរ​នាក់​ទៀត​ ដែល​បាន​ទៅ​ជាមួយ​យុវជន​ ឃុន​ រ៉ាំបូក៏បាន​រង​ការ​បាញ់​ប្រហារ​នៅ​ក្នុង​ហេតុ​ការណ៍​​នោះ​ដែរ​ ដោយ​ម្នាក់​ត្រូវ​គ្រាប់​ត្រង់​ប្រអប់​ដៃ​ និង​ម្នាក់​ទៀត​ត្រូវ​គ្រាប់​ត្រង់​គូទ​​ ប៉ុន្តែ​អ្នក​ទាំ​ងពីរ​នោះ​បាន​រត់រួច​ចូល​មក​ទឹកដី​កម្ពុជា​វិញ​ និង​កំពុង​សម្រាកព្យាបាល​នៅ​ក្នុង​មន្ទីរ​ពេទ្យ​មួយ​ក្នុង​ខេត្ត​សៀមរាប។ មនុស​្ស​ចំនួនបួន​នាក់​ទៀត ​ដែល​រួម​មាន​ស្ត្រី​ពីរនាក់​ផង​នោះ​ ត្រូវ​បាន​ចាប់​ឃុំ​ខ្លួន​នៅ​ក្នុង​ប្រទេស​ថៃ​។ លោករ័ត្នសុភាបាន​មាន​ប្រសាសន៍​ថាប្រជាពលរដ្ឋកម្ពុជា​ចំនួន​១០០នាក់​ទៀត​ មាន​គម្រោងឆ្លងដែន​ដោយ​ខុស​ច្បាប់​ កាល​ពី​​ចុង​សប្ដាហ៍កន្លង​ទៅ​នេះ​ ដើម្បី​រក​កាប់​ឈើ​គ្រញូង​ក្នុង​ទឹកដី​ថៃ​ ប៉ុន្ដែ​ត្រូវបានអជ្ញាធរខេត្ត​​ឃាត់​ខ្លួន​ពួក​គេ​ និង​បញ្ជូន​ត្រឡប់​មក​ ​វិញ​ហើយ​។ បណ្ដាអង្គការ​សិទ្ធិមនុស្ស​ និង​អង្គការ​ការ​ពារបរិស្ថាន​ បាន​ធ្វើ​សេចក្ដី​រាយ​ការណ៍ពី​តម្រូវ​​ការឈើ​គ្រញូង ​ដែល​កំពុង​កើន​ឡើងនិង​ការ​ផ្គត់​ផ្គង់​ដែលកំពុង​ធ្លាក់​ចុះ​នៅ​ក្នុង​ប្រទេស​កម្ពុជា​ ប៉ុន្ដែ​ ក្នុង​ចំណោម​អង្គការ​ទាំង​នេះ​ គ្មាន​អង្គការ​ណាមួយ​មាន​ចម្លើយ​សម្រាប់​​ បក​ស្រាយ​ទាក់ទិន​នឹង​ការ​កើន​ឡើង​គួរឲ្យ​កត់​សម្គាល់នូវ​ប្រជាពលរដ្ឋកម្ពុជា ​ដែល​ត្រូវ​បាន​ទាហាន​ព្រំ​ដែន​ថៃ​បាញ់​សម្លាប់នៅ​ឆ្នាំ​នេះ​ទេ។ លោកអេរិកប៊ឺសូល (Eric Berthold) នា​យក​​ប្រចាំ​ប្រទេស​កម្ពុជានៃអង្គការ​ PACT ជា​​អង្គការ​ក្រៅ​រដ្ឋាភិបាល​ ដែល​ធ្វើ​ការ​យ៉ាង​ជិត​ស្និទ្ធ​ជាមួយ​សហគមន៍​នា​នា​តាម​បណ្ដោយ​​ព្រំ​ប្រទល់​ខេត្ត​ឧត្តរមាន​ជ័យ​ជាប់​ប្រទេស​ថៃ​នោះបាន​មាន​ប្រសាសន៍ថា “ អ្វី​ដែល​យើង​​ឮនោះ​គឺថា​ ភាគច្រើន​ក្នុង​ចំណោម​ប្រជា​ពល​រដ្ឋ​ក្នុងសហគមន៍​ទាំង​នេះ​មាន​ជន​ចំណាក​ស្រុក​ជា​ច្រើន ​ដែល​ស្វែង​រក​ការ​ងារ​ធ្វើ​ ហើយ​​នៅ​ពេល​ដែល​ពួក​គាត់​ចូល​ទៅ​តំបន់​នោះ​ ពួក​​គាត់ប្រហែល​ជា​មិន​អាច​រក​ការងារ​បាន​ធ្វើ​ទេ​នៅ​ទីនោះ”។ មន្ត្រីជាន់​ខ្ពស់​របស់កម្ពុជា​ និង​ថៃ​បាន​ជួប​ប្រជុំ​គ្នាចាប់​តាំង​ពី​ខែ​កុម្ភៈ​ ​ដើម្បី​ដោះ​ស្រាយ​ ​បញ្ហាបាញ់​​សម្លាប់​ប្រជា​ពលរដ្ឋកម្ពុជា​នៅ​ តាម​​ព្រំដែន​  ចំពេល​ដែល​លោក​នាយក​រដ្ឋ​មន្ត្រី​ ហ៊ុន សែន បាន​អំពាវ​នាវ​ឲ្យ​អាជ្ញាធរ​ទប់​ស្កាត់ស​កម្ម​ភាពកុំ​ឲ្យ​មាន​​​អ្នកភូមិ​ឆ្លង​ដែន​ទៅ​កាប់​ឈើ​។ មន្ត្រី​ជាន់​ខ្ពស់​របស់​ប្រទេស​ថៃ​បាន​ច្រាន​ចោលម្ដងហើយ​ម្ដង​ទៀត​​​ថា វាមិន​មែន​ជា​គោល​នយោបាយ​បាញ់​សម្លាប់​របស់ខ្លួន​នោះ​ទេ​ ដោយ​អះ​អាង​ថា​ ខ្លួន​​ធ្លាប់ចាប់​ខ្លួន​បាន​អ្នក​កាប់​ឈើ​ខុស​ច្បាប់​ជាច្រើនមក​ពី​ប្រទេស​កម្ពុជា...

នគរបាល​បដិសេធការអះអាង​អំពី​​ការសម្លាប់​នៅ​​ជំរំជន ភៀស​ ខ្លួន​របស់​លោក​ស្រី​ ម៉ម សូម៉ាលី

នគរបាល​បាន​បដិសេធដាច់ខាត​ចំពោះ​ការ​អះអាង​របស់​លោក​ស្រី ម៉ម សូម៉ាលីប្រធាន​ដ៏ល្បី​ឈ្មោះ​នៃ​អង្គការប្រឆាំង​ការ​ជួញ​ដូរ​មនុស្ស​ក្នុង​ស្រុក​ អាហ្វេស៊ីប (Afesip) ដែល​បាន​ប្រាប់​កិច្ច​ប្រជុំ​របស់​អង្គការ​សហ​ប្រជាជាតិ​ក្នុងបុរីញូវយ៉ក​នៅខែនេះ​ថា​ ក្មេង​​​ស្រី​ចំនួន​ប្រាំបីនាក់​ ត្រូវ​​ទាហាន​កម្ពុជា​សម្លាប់​​បន្ទាប់​ពី​បាន​ឆ្មក់​ចូល​មណ្ឌល​របស់​​អង្គការ​លោក​ស្រី​នៅ​ក្នុង​រាជ​ធានី​ភ្នំ​ពេញ ​កាល​ពី​ឆ្នាំ​២០០៤។ ថ្លែង​ទៅ​កាន់​មហា​សន្និបាត​របស់​អង្គការ​សហប្រជាជាតិ​ស្ដី​ពី​ក្រុម​សកម្ម​ជន​ប្រយុទ្ធ​ប្រឆាំងនឹង​ការ​ជួញដូរ​មនុស្ស​ លោក​ស្រី​ ម៉មសូម៉ាលី បាន​អះអាង​គួរ​ឲ្យ​ចាប់​អារម្មណ៍​​នៅ​ពេល​រៀបរាប់​អំពី​ការ​ងារ​របស់​លោក​ស្រី​នៅ​ក្នុង​ប្រទេស​កម្ពុជា​ និង​គ្រោះ​ថ្នាក់​ដែល​អង្គការ​របស់​លោក​ស្រី​បាន​ប្រឈម ​​នៅ​ពេល​អង្គ​ការ​នេះ​ធ្វើ​​ការ​ប្រយុទ្ធ​ប្រឆាំង​​នឹង​​ការ​ជួញដូរ​ផ្លូវ​ភេទ​ជា​ច្រើន​ឆ្នាំនោះ​។ លោក​ស្រីម៉មសូម៉ាលីបាន​មាន​ប្រសា​សន៍​អំឡុង​ពេល​លោក​ស្រី​ធ្វើ​បទ​បង្ហាញ​ក្នុង​ថ្ងៃ​ទី៣ ខែមេសា​ទៅកាន់​ប្រទេស​សមា​ជិក​អង្គការសហប្រជាជាតិ​ អង្គការ​អន្តរជាតិនិង​ប្រព័ន្ធផ្សព្វ​ផ្សាយ​ថា“នៅក្នុង​ឆ្នាំ​២០០៤ ​ក្មេង​ស្រី​ចំនួន​៩៩នាក់​ នៅក្នុង​​មណ្ឌល​របស់​លោក​​ស្រី​ត្រូវ​បាន​ចាប់​ពង្រត់​​។ ទាហាន​ចូល​ទៅកាន់មណ្ឌល​នោះ ហើយ​បាន​នាំ​ក្មេង​ស្រី​ទាំងនោះ​ចេញ ​ហើយ​ក្មេង​ស្រី​ចំនួនប្រាំបី​នាក់​ ក្នុង​ចំណោម​នោះ​​ត្រូវ​បាន​សម្លាប់”។ លោក​ស្រី​បាន​បន្តថា​ “ ​នោះ​គឺជា​ពេល​ដែល​​ខ្ញុំ​គិត​ថា​ ខ្ញុំ​ស្ទើរ​តែ​ស្លាប់ទៅ​ហើយ​”។ លោក​ស្រី​បាន​បន្ថែម​ថា “ ខ្ញុំ​​កាន់​លិខិត​ឆ្លងដែន​បារាំងប៉ុន្ដែ​អ្នក​ដែល​បាន​ជួយ​ខ្ញុំ​លើក​ដំបូង​គឺ​ក្រសួង​ការបរទេស ហើយ​បន្ទាប់​មកខ្ញុំមាន​អង្គការ​សហប្រជាជាតិ​ជាអ្នកចេញ​មុខ​​គាំទ្រខ្ញុំនិងលោក​ស្រី​​ Alyse បាន​ធ្វើ​ដំណើរ​មក​ប្រទេស​កម្ពុជាដោយ​ផ្ទាល់​និង​បាន​គាំទ្រ​ខ្ញុំ”។ កាល​ពី​ថ្ងៃ​ព្រហស្បតិ៍ មន្ត្រី​នគរបាលបាន​បដិសេធថា មិនដឹង​ថា ទាហាន​កម្ពុជា​សម្លាប់​ក្មេង​ស្រី​ទាំង​នោះ​អំឡុង​ពេល​ ឬ​បន្ទាប់ពី​ហេតុ​ការណ៍​បាន​កើត​ឡើង​នៅ​​មណ្ឌល​​របស់លោក​ស្រី​​ កាល​ពីឆ្នាំ​២០០៤​នោះទេ។ លោក​ឧត្ដមសេនីយ៍ឯកខៀវសុភ័គអ្នក​នាំ​ពាក្យ​ក្រសួង​មហា​ផ្ទៃ​បាន​មាន​ប្រសាសន៍​ថា “ យើងមិន​ដែល​បាន​ឮ​ពី​ព័ត៌មាន​ថា ក្មេង​​ស្រី​​ទាំងនោះ​ត្រូវ​បាន​សម្លាប់​នោះ​ទេ។ យើង​​សូម​បដិសេធទាំង​ស្រុង​ចំពោះ​បញ្ហានេះ​”។ លោក​ ខៀវ សុភ័គ បាន​បន្តថា “ ឥឡូវ​ ប្រសិន​បើ​ក្មេង​ស្រី​ទាំង​ប្រាំបីនាក់​នោះ​ត្រូវ​បាន​គេសម្លាប់​មែននោះ តើ​នរណា​សម្លាប់​ពួក​គេ?សូម​​ផ្ដល់​ព័ត៌មាន​មកឲ្យ​យើង ​ហើយ​យើង​ស្នើឲ្យ​អង្គការ​អាហ្វេស៊ីប​ដាក់​ពាក្យ​បណ្ដឹង​ប្តឹង​​ពួកគេ​ ហើយ​យើង​នឹង​រក​យុត្តិធម៌​ឲ្យ ​ប្រសិន​បើ​រឿងនេះ​បាន​កើត​ឡើង​មែននោះ​”។ ឧត្ដម​សេនីយ៍ឯក​ អ៊ុនសុគន្ធា ​ស្នងការ​រង​នគរបាល​ជាតិ​ ដែល​ជា​ប្រធាន​នាយកដ្ឋាន​ប្រឆាំង​ការ​ជួញដូរ​មនុស្ស​របស់​ក្រសួង​មហា​ផ្ទៃ​កាល​ពីឆ្នាំ​២០០៤ ក៏បាន​បដិសេធចំពោះ​ការ​អះអាងរបស់​អង្គការ​ អាហ្វេស៊ីប ​អំពី​​ការ​សម្លាប់​ក្មេងស្រី​​ទាំង​នោះ​ដែរ។ ឧត្តម​សេនីយ៍ឯករូបនេះបាន​បន្ថែម​ថា “ ការចោទ​ប្រកាន់​នេះ​គឺ​មិន​ពិត​នោះ​ទេ ​ពី​ព្រោះ​មិនមាន​របាយការណ៍បង្ហាញ​​ថា​​ក្មេង​ស្រី​​ទាំងនោះ​ត្រូវ​បាន​សម្លាប់​ ឬ​ក៏​រង​របួស​ធ្ងន់​នោះ​ទេ​។ប៉ុន្តែ​ខ្ញុំ​ទទួល​ស្គាល់​ថាក្មេងស្រី​មួយ​ចំនួន ​ដែល​បាន​ផ្លោះ​របងរបស់អង្គការ​អាហ្វេ​ស៊ីប​ដើម្បី​គេច​ខ្លួន​នោះ ​​​​បាន​ទទួល​រង​របួស​ស្រាល​នៅ​ពេល​ដែល​ពួក​គេ​ផ្លោះ​របង”។ លោក​ស្រីម៉ម​ សូម៉ាលីមិនអាច​ទាក់​ទង​សុំ​ការអត្ថាធិប្បាយបាន​ទេ​​នៅ​​សប្ដាហ៍​នេះ​។​ អាម៉េមើរិល (Ame Merrill) ប្រធាន​ផ្នែក​អភិ​វឌ្ឍន៍ និង​ទីផ្សារ​នៅ​មូលនិធិ​ សូម៉ាលី ម៉មដែលមាន​ទីស្នាក់​ការ​កណ្ដាល​នៅ​បុរី​ញូវយ៉ក​បាន​​បង្វែរ​សំណួរ​ទៅ​​កាន់លោកស្រី​​ ប្រេន​ឌី បា​ឃើ (Brandee Barker) ដែល​ទទួល​បន្ទុកផ្នែក​​ព័ត៌មាន​របស់​មូលនិធិនេះ។ លោក​ស្រី​ បាឃើ​ ​បាន​លើកឡើង​​តាម​អីុមេ៉ល​​ថា​ លោក​ស្រី​​ត្រូវ​ធ្វើ​ការ​ស្រាវ​ជ្រាវ​ទៅ​លើ​ការ​លើក​ឡើង​​​របស់​លោក​ស្រី ម៉ម​ សូម៉ាលី​ នៅ​អង្គការ​សហ​ប្រជាជាតិសិនមុន​ពេល​ឆ្លើយ​តប​។ អ្វី​ដែល​បាន​កើត​ឡើង​នៅ​អង្គការ​អាហ្វេ​ស៊ីប កាល​ពី​ថ្ងៃ​ទី៨ខែធ្នូក្នុងឆ្នាំ​២០០៤ត្រូវ​បានអាជ្ញាធរ​​ជំទាស់​យ៉ាង​ដាច់​អហង្ការនៅ​ពេល​នោះ​។ មាន​សេចក្តី​របាយការណ៍ថា ស្រ្តី និង​ក្មេងស្រី​ចំនួន​៨៣​នាក់​ត្រូវ​បាន​បញ្ជូន​ទៅ​កាន់​អង្គការ​អាហ្វេស៊ីបនៅ​ខណ្ឌ​ទួលគោកបន្ទាប់​ពី​អង្គការ​នេះ​...

១៥ឆ្នាំកន្លង នៅ​តែគ្មាន​យុត្តិធម​៌​​សម្រាប់ជនរង​គ្រោះ​​ក្នុង​ការ​​វាយ​​ប្រហារ​ដោយ​គ្រាប់​បែក

ក្នុង​ការដង្ហែក្បួនតវ៉ា នា​ពេល​ថ្ងៃ​កំពុង​​រះ​លោក ចន្ទី សុភី បាន​ចូលរួម​ជាមួយនឹ​ងសមាជិក​​​រាប់រយនាក់ ផ្សេងទៀត ​របស់​គណ​បក្ស​​ជាតិ​ខ្មែរ​ ដើម្បី​តវ៉ា​ប្រឆាំង​ទៅ​នឹង​ប្រព័ន្ធ​យុត្តធម៌ ដែលគេគិតថា គ្មាន​ប្រសិទ្ធ​ភាព។​ ក្រុម​បាតុករ ​ដង្ហែក្បួន​យ៉ាងវែង​តាមបណ្តោយ​​មហារវិធីព្រះសុធារស ព្រម​ទាំង​មាន​កាន់​បដាថា"បរាជ័យ​ប្រពន្ធ​យុត្តិធម៌​កម្មុយនីស្ត!" និង "យើងមិន​ទទួល​ស្គាល់​តុលា​ការ​​បច្ចុប្បន្ន​នេះ​ទេ!"។ ក្រុមបាតុករ​ ដែលភាគ​ច្រើន​ជា​ស្រ្តី មានចំនួនកាន់តែច្រើនឡើង នៅ​ពេល​​ទៅ​ដល់​មុចរដ្ឋសភា។ ប៉ុន្មាន​នាទី បន្ទាប់ពីម៉ោងប្រាំបីព្រឹក លោក​ ​សមរង្ស៊ីនៅពេលនោះជាប្រធាន​គណបក្ស​ជាតិខ្មែរ បានចាប់ផ្តើម​និយាយ អំពីអំពើ​ពុក​រលួយនៅ​ក្នុងប្រព័ន្ធតុលាការរបស់​កម្ពុជា។បន្ទាប់​មក​បាន​ប្រគល់​ក្បាល​មេក្រូ​ទៅឲ្យ​ក្រុម​បាតុករ​និយាយ​ម្នាក់ម្តងៗ ដោយរៀប​រាប់​អំពីការឈឺ​ចាប់​របស់គេ។ នៅក្នុងខ្សែវីដេអូ បង្ហាញរូបភាព​ក្រុម​​បាតុករ​ចូលរួម​ធ្វើបាតុកម្ម កាល​ពី​ថ្ងៃ​ទី​៣០ ខែ​មីនា ឆ្នាំ១៩៩៧ មាន​ស្ត្រី​វ័យ​កណ្តាល​ម្នាក់ចាប់ផ្តើម​បង្ហូរ​ទឹកភ្នែក នៅពេលគាត់​កំពុង​​មានប្រសាសន៍។ គាត់បានស្រែកថា"គេ​បង្ខំ​ឲ្យ​ខ្ញុំចេញ"។ នៅពេលនោះ ស្រាប់​តែមាន​ឮ​សំឡេង​​ផ្ទុះយ៉ាងខ្លាំង ហើយ​ខ្សែ​វីដេអូ​នោះ​ត្រូវ​បាន​ផ្អាក។ មក​ទល់​​ថ្ងៃនេះ គឺមានរយៈពេល១៥​ឆ្នាំ​ ប៉ុន្តែស្នូរគ្រាប់​បែកដំបូង និងបីគ្រាប់​ក្រោយ​ទៀត​ ដែល​បានគប់​ចូល​ទៅ​ក្នុង​ក្រុមបាតុករ ដោយ​ជនមិន ស្គាល់​មុខ នៅ​តែ​តាម​លង​លោក សុភី និង ជនរង​គ្រោះ​ផ្សេងទៀត។ លោកសុភី​ បានមានប្រសាសន៍ថា "ការ​ចងចំាអំពីហេតុការណ៍ដែលបានកើតឡើងគឺវានៅដិតជាប់នឹងភ្នែក និងក្នុងខួរក្បាល​របស់ខ្ញុំ។ពេលខ្ញុំបាន ​ឮ​សំឡេង​ផ្ទុះយ៉ាងខ្លាំងខ្ញុំតក់ស្លុតភ្លាមនិងភ័យខ្លាច​ខ្លាំងណាស់"។ បុរសចំនួន១៦នាក់ ស្រ្តី និងក្មេងៗ ជា​ច្រើន​នាក់ទៀតបានស្លាប់ និងជាង១០០​នាក់​ទៀតបានរងរបួសនៅនឹងក​ន្លែង​។ មនុស្ស​ជា​ច្រើន ​បានរងរបួស មានខ្លះដាច់ដៃ ខ្លះ​ដាច់​ជើង ក្នុង​ការវាយ​ប្រហារ​ដោយ​គ្រាប់បែក​នេះ អ្នកខ្លះនៅ មានរបួសរហូតមកដល់​សព្វ​ថ្ងៃ​នេះ។ លោក សុភី ដែលកាលនោះ ទើប​មាន​អាយុ​២០ឆ្នាំ បានរងរបួសដោយ​អំបែង​គ្រាប់បែក នៅត្រង់ពោះ ដៃ ភ្លៅ និងក ។ឥឡូវ​​គាត់​នៅតែមានរបួសធំៗ បី​កន្លែង​នៅ​លើ​ខ្លួនរបស់គាត់។ ប៉ុន្តែវា​នៅមានរឿង​អាក្រក់​ជាងអ្វី​​ ដែលគាត់​បានរង​របួស​ទៅ​ទៀត។ លោកបានបន្តថា "ប្អូនស្រី​របស់ខ្ញុំ អាយុ​១៣​ឆ្នាំម្នាក់ និង​បងប្អូនជីដូនមួយ​របស់​ខ្ញុំ​អាយុ២០ឆ្នាំម្នាក់ទៀត បានស្លាប់​ពេល​បញ្ជូន​ដល់មន្ទីរពេទ្យ​កាល់ម៉ែត្រ។ ខ្ញុំបាន​អំពាវ​ឲ្យ​ក្រសួង​មហាផ្ទៃ ចាប់ខ្លួន​ជន​សង្ស័យ​​ក្នុង​ការ​វាយប្រហារ និងដាក់ទោស​ពួកគេ​ឲ្យ​សម​តាមអ្វី​ដែលពួក​គេបានប្រព្រឹត្ត។ តើ​នរណា​សម្លាប់ប្អូនស្រីនិង​បង​ប្អូនជីដូនមួយ​របស់ខ្ញុំ"។ មកទល់នឹងថ្ងៃនេះ នៅមិនទាន់​មាន​នរណា​ម្នាក់​ទទួល​ខុលត្រូវ​ក្នុងការ​សម្លាប់​រង្គាល​​នេះ​ទេ។ តើមានអ្វីបានកើតឡើង ក្នុងពេល​ប៉ុន្មាន​ខែ ប៉ុន្មានឆ្នាំកន្លងមកនេះ បន្ទាប់​ពីការ​វាយ​ប្រហារ? គឺគ្មានទេ។ រដ្ឋាភិបាល​ពិតជា​បានបើក​ការ​ស៊ើប​អង្កេត​ជាផ្លូវ​ការ តែ​រហូតមកទល់​នឹងពេលនេះមិន​មានការចាប់ខ្លួន​ជនសង្ស័យ​ណា​ម្នាក់​ទេ។ ការិយាល័យស៊ើប​អង្កេតរបស់នគរបាល​សហព័ន្ធអាមេរិក​ ក៏​បានបើកការ​ស៊ើប​អង្កេត​​ផ្ទាល់ខ្លួន​ផងដែរ ប៉ុន្តែ​នៅតែទទួល​បាន​លទ្ធផល​​"មិនប្រាកដប្រជា"។ ក្នុងប្រទេស​បារាំង បណ្តឹង​ឧក្រិដ្ឋកម្ម​មួយត្រូវ​បាន​ធ្វើ​ឡើង​ ប៉ុន្តែបានលុបចោលវិញ។ ប៉ុន្តែ​ បើសម្លឹង​មើល​មធ្យោបាយ​ផ្សេង​ទៀត តាមរយៈ​សំណុំ​ឯកសារ​របស់​រដ្ឋា​ភិ​បាល​សហរដ្ឋ​អាមេរិក ដែល​កាសែត ខេមបូឌាដេលី ​ទទួលបាន ​គឺវា​ជារឿងផ្សេងទៅវិញ។ សំណុំ​ឯកសារ​ ដែលបាន​កត់ត្រា​ក្នុង​ឆ្នាំ​២០០៩​ បានបង្ហាញថា ភ្នាក់ងារ នគរបាល​សហព័ន្ធរបស់សហរដ្ឋអាមេរិក ក្រោយ​មក​បាន​លើក​ឡើងថា ការស៊ើប​អង្កេត របស់ FBI គឺ​ទទួល​រងនូវ​ការគាប​សង្កត់ពី​ កងកម្លាំង​សន្តិសុខ​របស់ គណបក្សប្រជាជន ហើយ​ការស៊ើប​អង្កេត​នេះត្រូវ​បានផ្អាក​ ដោយ​សារ​តែ​មាន​ការ​គំរាម​កំហែងផ្នែក​សន្តិសុខ។ ក្រុម​មន្ត្រី​បានរិះរកគ្រប់​មធ្យោបាយ ដើម្បី​រារាំង​ការ​ស៊ើប​​អង្កេតនេះ។ សាក្សី​បានឃើញអំពើ​ដ៏ឃោរឃៅនេះបានផ្តល់នូវភស្តុតាង​ដល់ភ្នាក់ងារFBIថាអ្នកគប់​គ្រាប់បែក បាន​រត់គេច​យ៉ាងលឿនតម្រង់ទៅកាន់មូលដ្ឋាន​យោធា​របស់​គណបក្ស​​ប្រជាជន ដែលមានទីតាំងនៅក្បែរវត្តបទុម​ ដោយ​មានការ​ជួយការពារពី​កងយោធា​​របស់​រដ្ឋាភិបាល​ ដើម្បីជួយបើកទ្វារឲ្យអ្នក​គប់គ្រាប់បែក​រត់ចូលទៅខាងក្នុង។ អ្នកស្រីពៅហេងអាយុ៦៥ឆ្នាំកាល​ពីម្សិលមិញ បានមាន​ប្រសាសន៍ថា “ទោះ​បី​ជា​វា​កន្លង​ហួស១៥ឆ្នាំ​ហើយក៏ដោយខ្ញុំ​នៅ​តែចង​ចំាអ្វីៗ​ទាំងអស់​ ដែលបាន​កើតឡើង​នៅក្នុងថ្ងៃនោះ" ។ វាបាន​ដក់ជាប់​ក្នុងអារម្មណ៍​របស់អ្នកស្រីពៅហេង។វាច្បាស់ណាស់​គឺ​គ្រាប់​បែក​ផ្ទុះ​នៅ​ម៉ោង៩ព្រឹក។គេទូរស័ព្ទ​មក​ប្រាប់​គាត់​ថាក្មួយស្រី​របស់​គាត់បានស្លាប់ និងកូន​របស់​គាត​់បាន​រងបួសក្នុងការ​វាយប្រហារ​ដោយ​គ្រាប់បែកនេះ។ អ្នកស្រីពៅហេងបា​ន​មាន​ប្រ​សាសន៍ថា​​ "នា​​ង​កំ​ពុង​ធ្វើ​បាតុកម្ម​​ដើម្បីទាម​ទា​រ​ឲ្យ​តម្លើង​ប្រាក់​ខែពីព្រោះ​ពួកគេ​គឺជា​កម្មក​រ​រោង​ចក្រ​កា​ត់​ដេរ ហើយ​ប្រាក់​ខែ​​របស់​ពួកគេ​ ទា​ប​ណា​ស់​  ​ហេតុ​ដូចនេះ នា​ង​បា​ន​​សម្រេច​ចិត្ត​ចូល​​រួម​ធ្វើ​បា​ត​ុ​កម្ម​នៅ​ក្នុង​​ថ្ងៃនោះ។កូន​ស្រី​ និ​ង​ក្មួយ​របស់​ខ្ញុំបា​ន​​ស្លាប់​​ដោយ​សារ​តែ​ចូលរួមធ្វើ​បាតុកម្មនៅ​ថ្ងៃនោះដើម្បី​ទាម​ទា​រសិទ្ធិសេរីភាពនិង​លទ្ធិប្រជា​ធិបតេយ្យ​”។ អ្នកស្រី​បា​ន​មា​ន​ប្រ​សាសន៍​បន្ត​ថា “​យើង​​ចង់​ឲ្យ​រដ្ឋាភិបា​ល​បន្តកា​រ​​ស៊ើប​អង្កេត​​។យើង​​ចង់​ដឹងថាអ្នកបោក​គ្រាប់​បែ​ក​នោះ​ មា​ន​មុខ​មា​ត​់​​យ៉ា​ង​ដូ​ច​ម្តេច”។ ប្រែ​សម្រួល​ដោយ​ ស៊ា​ ស៊ុយឈាង