Saturday, December 5, 2020

ព័ត៌មាន

​អ្នក​​ធ្វើ​​ញត្តិ​​​ប្រឆាំង​ការ​បណ្ដេញ​ចេញ​​ប៉ះទង្គិច​​ជាមួយ​កង​សន្ដិសុខ

អ្នក​តវ៉ា​ដែលរួម​​មាន​​ទាំង​ព្រះ​សង្ឃ​ពោ​ពេញ​​ដោយ​កំហឹង​ ​​បាន​ប៉ះទង្គិច​ជាមួយ​មន្ត្រី​កង​រាជអាវុធ​ហត្ថ​​ និង​នគរបាល​​បង្ក្រាប​កុប​កម្ម​​កាល​ពី​ម្សិលមិញ​នៅ​ក្នុង​រាជធានី​ ខណៈ​ពេល​អាជ្ញា​ធរ​​ព្យាយាម​​រារាំង​​អង្គការ​​សិទ្ធិ​លំនៅដ្ឋាន​​​ក្នុង​ស្រុកមួយ​​​មិន​ឲ្យ​​ហែ​ក្បួន​ប្រឆាំង​​​ការ​បណ្ដេញ​ចេញ​​ដោយ​បង្ខំ​។ ក្រុម​ការ​ងារ​សិទ្ធិ​លំនៅ​ដ្ឋាន​ ដែល​ជា​សម្ពន្ធ​​អង្គ​ការ​​​សិទ្ធិ​មនុស្ស​​ក្នុង​ស្រុក​ចំនួន​ប្រាំ​ បាន​ប្រកាស​​​ផែនការ​​ ហែ​​ក្បួន​​ពី​វត្ត​ភ្នំ​ទៅ​កាន់​​​សាលា​​រាជធានី​ក្បែរ​នោះ​ ដែល​ស្ថិត​នៅ​តាម​​បណ្ដាយ​​មហាវិថី​មុនីវង្ស ដើម្បី​ដាក់​ញត្តិ​​ប្រឆាំង​ការ​បណ្ដេ​ញ​ចេញ​​ដោយ​បង្ខំ​ ប៉ុន្តែ​​ត្រូវ​​សាលា​រាជធានី​ជូន​ដំណឹង​កាល​ពី​ថ្ងៃ​ពុធ​ថា ពួក​គេ​មិន​ត្រូវ​បាន​អនុញ្ញាត​​ឲ្យ​ធ្វើ​ឡើយ​។ ដោយ​ចាប់​ផ្ដើម​នៅ​ម៉ោង​ប្រហែល​៨​ព្រឹក​ អ្នក​​ដែល​ត្រូវ​គេ​បណ្ដេញ​ចេញ​មួយ​ក្រុម​​ធំ​​មក​ពី​​សហគមន៍​ចំនួន​៥០​​នៅ​ក្នុង​រាជ​ធានីភ្នំពេញ​ និង​ដែលអ្នក​​​ខ្លះ​មក​​​​តាំង​ពី​ខេត្ត​ឧត្តរ​មានជ័យ​នោះ​ បាន​ជួប​ជុំ​គ្នា​នៅ​​ទីធ្លា​​ខាង​មុខ​​វត្ត​ភ្នំ​ ដើម្បី​ប្រារព្ធ​ទិវា​​លំនៅ​ដ្ឋាន​​ពិភព​លោក​ និង​ដើម្បី​អំពាវនាវ​​ឲ្យ​មាន​​ដំណោះ​ស្រាយ​សម្រាប់​ជន​រងគ្រោះ​ ដែល​ទទួល​រង​ការ​បណ្ដេញ​ចេញ​​ដោយ​បង្ខំ​។ អ្នក​ស្រី​ ស៊ា ណារ៉េត​​ អាយុ​៥៦​ឆ្នាំ​ ជា​អ្នក​​ដែល​ត្រូវ​​គេ​​បណ្ដេញ​ចេញ​ពី​​សហគមន៍​បឹង​កក់​ក្នុង​រាជធានី​ភ្នំពេញ​ បាន​​និយាយ​ទៅ​កាន់​​អ្នក​​តវ៉ា​​ជាង​​៦០០​នាក់​​តាម​ឧគ្ឃោសនស័ព្ទ​ថា “សាលា​រាជធានី​បាន​​បណ្ដេញ​យើង​​ និង​បង្ខំ​យើង​​ឲ្យ​រស់​នៅ​​ក្រៅ​​រាជធានី​ភ្នំពេញ​ យើង​បាន​បាត់​បង់​មុខ​របប​ និង​សាលា​រៀន​របស់​​យើង​ ហើយ​ថ្ងៃ​នេះ​យើង​នៅ​តែ​រង​​ទុក​្ខវេទ​នា​នៅ​ឡើយ​។ តាំង​ពី​មាន​​ផ្ទះ​​ផ្ទាល់​ខ្លួន​រហូត​ដល់​អត់​មាន​អី​សោះ​ នោះ​គឺ​ជា​កិច្ច​ខំ​​ប្រឹង​ប្រែង​របស់​រដ្ឋាភិបាល​នេះ​”។ នៅ​ផ្លូវ​ម្ខាង​​នៃ​សួន​ជុំ​វិញ​​វត្ត​ភ្នំ​ នគរ​បាល​បង្ក្រាប​កុបកម្ម​ និង​​កង​សន្ដិសុខប្រហែល​៨០​នាក់​បាន​​ឈរ​មើល​ ខណៈ​ពេល​បុរស​ម្នាក់​​សម្រាក​នៅ​លើ​​រថយន្ត​​នគរបាល​ ​និង​ឧគ្ឃោ​សនសព្ទ​ និង​ដែល​​អះអាង​​ប្រាប់​ក្រុម​អ្នក​យក​ព័ត៌មាន​​ថា ខ្លួន​ជា​ “អាជ្ញាធរ” នោះ​ បាន​ព្យា​យាម​​និយាយ​​ឮៗ ដើម្បី​កុំ​ឲ្យ​អ្នក​នៅ​ទី​នោះ​ស្ដាប់​អ្វី​ផ្សេង​​ឮ។ បុរ​សរូប​​​នោះ​បាន​​និយាយ​​ទាំង​កំហឹង​ទៅ​កាន់​អ្នក​​ចូល​រួម​​ហែ​ក្បួន​​អស់​រយៈ​ពេល​​ជិត​​២​ម៉ោង​ថា “នេះ​មិន​មែន​​ជា​ការ​ប្រារព្ធ​ទិវា​លំនៅ​ស្ថាន​​​ពិភព​​លោក​​ទេ​ វា​កំពុង​តែ​​​ធ្វើ​ឲ្យ​​មាន​ការ​ភាន់​​ច្រឡំ​ និង​បង្ក​បញ្ហា​​ដល់​ប្រជា​ពល​រដ្ឋ​”។ គាត់​បាន​និយាយ​ថា “សាលា​រាជធានី​បាន​​អនុញ្ញាត​​ឲ្យ​អស់​លោក​​​ធ្វើ​ពិធី​នេះ​​នៅ​ការិ​យា​​ល័យ​របស់​អស់​លោក​នៅ​​ក្នុង​ខណ្ឌ​មាន​ជ័យ”។ គាត់​បាន​និយាយ​ទៀត​ថា នគរបាល​​បាន​​បិទ​ផ្លូវ​ជុំវិញ​វត្ត​ភ្នំ​ហើយ​ដើម្បី​ចាត់​វិធាន​ការរារាំង​ការ​ដើរ​ក្បួន​​។ អ្នក​តវ៉ា​មួយ​ក្រុម​ ដែល​ដើរ​ចេញ​ពី​​កណ្ដាល​​​ចំណោម​អ្នក​ហែ​ក្បួន​ ដើម្បី​​ទៅ​​ទិញ​អាហារ​ និង​ភេសជ្ជៈ​​នៅ​តាម​ផ្លូវ​​ជុំ​វិញ​វត្ត​ភ្នំ បាន​ឈប់​ ដើម្បី​ស្រែក​ជេរ​ប្រមាថ​បុរស​រូប​នោះ​ ដោយ​​ពួក​គេ​​ម្នាក់​ៗ​បាន​ហៅ​បុរស​រូប​នេះ​ថា  “ជា​វាគ្មិន​​ដ៏​អន់” មុន​ពេល​បន្ត​ដំណើរ​​របស់​ខ្លួន​។​ នៅ​ម៉ោង​ប្រហែល​១០​ព្រឹក​​ និង​​បន្ទាប់​ពី​​ការ​​ប្រវាយ​ប្រតប់​​​គ្នា​មួយ​ប្រាវ​​បាន​ផ្ទុះ​ឡើង​នៅ​ពេល​ស្ត្រី​អ្នក​សង្កេត​ការណ៍​សិទ្ធិ​មនុស្ស​​​ម្នាក់​​មក​ពី​អង្គការ​ក្រៅ​រដ្ឋាភិបាល​​ក្នុង​​ស្រុក​​មួយ​​ បាន​ចោទ​ប្រកាន់​​មន្ត្រី​នគរបាល​ម្នាក់​​ថា បាន​ព្យាយាម​​ដាល់​បំបែក​​ម៉ាសីុនថត​​របស់​គាត់​ ក្រុម​អ្នក​​រៀប​ចំ​ការ​ហែ​ក្បួនបាន​លើក​ផ្ទះ​ឈើ​មួយ​ប្រវែង​​ពីរ​ម៉ែត្រ​​ដាក់​​លើ​ស្មា ហើយ​​ចាប់​ផ្ដើម​​ហែ​ក្បួន​ ដើម្បី​ប្រគល់​ផ្ទះ​នោះ​ និង​ញត្តិ​របស់​ពួក​​គេ​​ជូន​​​សាលា​រាជ​ធានី​ ដែល​ស្ថិត​នៅ​​តាម​មហាវិថី​មុនីវង្ស​​។ នគរបាល​បង្ក្រាប​កុបកម្ម​​បាន​​ធ្វើ​សកម្ម​ភាព​ការពារ​​ច្រក​​ចូល​​បិទ​របាំង​ពី​វត្ត​ភ្នំ​ទៅ​កាន់​ផ្លូវ​លេខ​​៩៦ ដែល​​ភ្ជាប់​​ទៅ​មហា​វិថី​​មុនីវង្ស។ នគរបាល​ដែលមិន​អាច​​ទ្រាំ​​នឹង​​ព្រះសង្ឃ​១៥​អង្គ​ ដែល​គ្រាន់​តែ​និមន្ត​​ហែ​ក្បួន​​​​បាន ក៏​តម្រង់​ជួរគ្នា​នៅ​ជិត​​ផ្លូវ​កាច់​ជ្រុង​ភាគ​ឦសាន​​នៃ​ស្ថានទូត​សហរដ្ឋ​អាមេរិក​ បន្ទាប់​មក​បាន​​រត់​​ឆ្ពោះ​ទៅ​មហាវិថី​មុនីវង្ស​។ ក្រោយ​មក​អ្នក​តវ៉ា​បាន​គេច​​ចេញ​ពី​កម្លាំង​​​​មន្ត្រី​កង​រាជអាវុធ​ហត្ថ​​ ដែល​ដាក់​ពង្រាយ​នៅ​​ជិត​​ច្រក​ចូល​​​ទៅកាន់​មហា​វិថី​មុនីវង្ស​ ខណៈ​​ពេល​អ្នក​ធ្វើ​ដំណើរ​​ ដែល​​មាន​ការ​ស្រឡាំង​​កាំង​​បានបន្ត​​បើក​បរ​ទៅ​មុខ​កាត់​ទី​នោះ​។ ព្រះ​សង្ឃ​​មួយ​អង្គ​​ក្នុង​ចំណោម​​​ព្រះ​សង្ឃ​ដែល​បាន​​រុញ​ប្រជ្រៀត​​នគរបាល​​បង្ក្រាប​កុប​កម្ម​ទៅ​មុខ​ បាន​​ស្រែក​ដាក់​មន្ត្រី​​កង​រាជ​អាវុធ​ហត្ថ​ថា “យើង​គ្រាន់​តែ​តវ៉ា ដើម្បី​ទាម​ទារ​សន្ដិភាព​ និង​សេរី​ភាព​ប៉ុណ្ណោះ​ ហេតុ​អ្វី​​​យើង​​មិន​អាច​ធ្វើ​បាន​?”។ ១០​នាទី​បន្ទាប់​ពី​​អ្នក​តវ៉ា​​បាន​​ចាក​ចេញ​ពី​​វត្ត​ភ្នំ​ មន្ត្រី​កង​រាជអាវុធ​ហត្ថ​​បាន​​ប៉ះ​ទង្គិច​​គ្នា​ជាមួយ​​ក្រុម​អ្នក​ដឹកនាំ​នៃ​ការ​ហែក្បួន​នេះ​​នៅ​​ខាង​មុខ​សាលា​រាជធានី​ស្ថិត​​​តាម​មហា​វិថី​មុនី​វង្ស ដោយ​​កម្លាំង​សមត្ថកិច្ច​បានចាប់​​​ទាញ​ផ្ទះ​​ឈើ​របស់​​​អ្នក​ដើរ​ក្បួន​បោក​ទៅ​នឹង​ដី​​ ហើយ​​វាយ​ទាត់​ធាក់​​​បែក​បាក់​ខ្ទេច​ខ្ទី​នៅ​កណ្ដាល​​ផ្លូវ​។​ មន្ត្រី​កង​រាជអាវុធ​ហត្ថ​បាន​បិទ​មហា​វិថី​នេះ​នៅ​រយៈ​ពេល​កន្លះ​ម៉ោង​​ក្រោយ​ ដោយ​បង្ខំ​ឲ្យ​អ្នក​តវ៉ា​​នៅ​ខាង​មុខ​សាលា​រាជធានី​​ទៅ​ណា​មិន​រួច​ ខណៈ​ពេល​ដែល​អាជ្ញាធរ​រាជ​ធានី​​ភ្នំពេញ​ចរចា​​ទទួល​យក​ញត្តិ​​របស់​​អ្នក​​ដឹកនាំ​​ការ​ហែ​ក្បួន​ ខណៈ​ដែល​​អ្នក​តវ៉ា​​ផ្សេងៗ​ទៀត​ និង​មន្ត្រី​កង​​រាជអាវុធ​​​បាន​គប់​ដប់​ទឹក​ដាក់​គ្នា​ទៅ​​វិញ​ទៅ​មក​។​ អ្នក​តវ៉ា​​ម្នាក់​បាន​ស្រែក​ដាក់​អាជ្ញាធរ​ថា  “អស់​លោក​​ជា​មន្ត្រី​ ដែល​​មាន​ការ​អប់​រំ​​​ខ្ពស់​ ប៉ុន្តែ​អស់​លោក​ឈ្លើយ​ណាស់” ខណៈ​ពេល​​កម្លាំង​សន្ដិសុខ​បាន​ប្រើ​ដំបង​ និង​ខែល​​គំរាម​បង្ខំ​អ្នកតវ៉ា​ឲ្យ​ចាក​ចេញ​ពី​សាលា​រាជធានី។ នៅ​ម៉ោង​ប្រហែល​១១ព្រឹក មួយ​ម៉ោង​បន្ទាប់​ពី​អ្នក​តវ៉ា​ចាក​ចេញ​ពី​វត្ត​ភ្នំ ​មាន​​អ្នក​ធ្វើ​ញត្តិ​ប្រាំ​មួយ​នាក់​​ចាក​ចេញ​ពី​សាលា​​រាជធានី​មកវិញ បន្ទាប់​ពី​បាន​​ដាក់​ញត្តិ​របស់​ខ្លួន​ ដើម្បី​ទាម​ទារ​ឲ្យ​មាន​ដំណោះ​ស្រាយ​​​សម្រាប់​ជន​រង​គ្រោះ​ដោយ​សារ​ការ​ចាប់​យក​ដី​ ដើម្បី​ទាម​ទារ​ឲ្យ​បញ្ចប់​ការ​ចាប់​យក​ដី​នា​ពេល​អនាគត​ និងដើម្បី​​ទាមទារ​ឲ្យ​មាន​ការ​ដោះ​​លែង​​អ្នក​ស្រី​  យ៉ោម  បុប្ផា សកម្ម​ជនប្រឆាំង​​ការ​បណ្តេញ​​ចេញ​នៅ​សហគមន៍​បឹង​កក់​។ លោក ចាន់ ពុទ្ធិស័ក្ត អ្នក​ធ្វើ​ញត្តិ​ម្នាក់​ក្នុង​ចំណោម​អ្នក​ធ្វើ​ញត្តិ​ចំនួន​ប្រាំ​មួយ​នាក់​ ដែល​ត្រូវ​បាន​អនុញ្ញាត​ឲ្យ​ចូល​ក្នុង​រាជធានី​ភ្នំពេញ បាន​និយាយ​ថា លោក  កើត  ឆែ ប្រធាន​​ផ្នែក​រដ្ឋ​បាល​នៅ​សាលា​រាជធានី​បាន​សន្យា​ថា នឹង​បញ្ជូន​​ញត្តិ​ទៅ​ឲ្យ​លោក ប៉ា សុជាតិ​វង្ស​ អភិ​បាល​រាជធានី​ភ្នំពេញ។ លោក​បាន​លើក​ឡើងថា "គាត់​បាន​សន្យា​ដោយ​បញ្ជាក់ប្រាប់​​យើង​ថា នៅក្នុង​រយៈ​ពេល​ត្រឹម​មួយ​សប្តាហ៍ប៉ុណ្ណោះ​ ​នឹង​ដឹងថា​ញត្តិ​នេះ​​ទៅដល់ណា​ហើយ​" ។ លោក​បាន​បន្ថែម​​ថា ការ​តវ៉ា​នឹង​អាច​បន្ត​ទៀត ប្រសិន​បើ​គ្មាន​ដំណោះ​ស្រាយ​នោះ។ លោកបាន​និយាយ​បន្ថែម​ទៀត​ថា "ខ្ញុំ​ជឿជាក់​ថា រដ្ឋាភិបាល​ នឹង​ផ្លាស់​ប្តូរ​ឥរិយា​បថ​របស់​ខ្លួន​ ហើយចេញ​បទ​​បញ្ជា​ឲ្យ​អាជ្ញាធរ​មូលដ្ឋាន​​ស្វែង​រក​ដំណោះ​ស្រាយ​សម្រាប់​យើង​ទាំង​អស់​គ្នា ប៉ុន្តែ​ យើង​នឹង​បន្ត​ធ្វើការ​តវ៉ា​ ប្រសិន​បើ​សាលា​រាជ​ធានីមិន​ស្វែង​រក​យុត្តិធម៌​ឲ្យ​យើង​នោះ​"។ អង្គការសិទ្ធិ​មនុស្ស​​អាដហុក​ ជា​អង្គការ​មួយ​ក្នុង​ចំណោម​អង្គការ​ក្រៅ​រដ្ឋា​ភិបាល​ចំនួន​​ប្រាំ​ រួម​ជា​មួយ​ក្រុម​ការ​ងារ​សិទ្ធិ​លំនៅ​ដ្ឋាន និង​ជា​អ្នក​រៀប​ចំ​ការ​តវ៉ា​នេះ​បាន​ចេញ​សេចក្តី​ថ្លែងការណ៍​មួយ​ កាលពី​រសៀល​ម្សិលមិញ ដោយ​ថ្កោល​ទោស​ឥរិយាបថរបស់​នគរ​បាល​នៅ​កន្លែង​ជួប​ជុំ​គ្នា​ ហើយ​បាន​លើក​ឡើង​ថា មាន​អ្នក​តវ៉ា​ចំនួន​ប្រាំនាក់​បាន​រង​របួស​ដោយ​សារ​នគរបាល។ លោក ចាន់ សុវ៉េត អនុ​ប្រធាន​ផ្នែក​ឃ្លាំ​មើល​នៅ​អង្គការ​សិទ្ធិ​មនុស្ស​អាដ​ហុក​បាន​មាន​ប្រសាសន៍​ នៅ​ពេល​ការ​ជួប​ជុំ​គ្នា​បាន​បញ្ចប់​ថា ប្រសិន​បើ​អាជ្ញាធរ​បាន​អនុញ្ញាត​ឲ្យ​អ្នក​ធ្វើ​ញត្តិ​ ផ្ញើ​ញត្តិ​របស់​ខ្លួន​ទៅ​សាលា​រាជ​ធានី​នោះ​ ​​ការ​ជួប​ជុំ​នឹង​ត្រូវ​ធ្វើ​ឡើង​ដោយ​ពុំសូវមានកំហឹង​ឡើយ​។ លោក​បាន​លើក​ឡើង​ថា “យើង​​ធ្លាប់​បាន​ឃើញ​ហើយ​ថា អាជ្ញាធរ​ហាក់​បី​ដូច​ជាគ្មាន​សមត្ថភាព​​ក្នុង​ការ​រៀប​ចំ​ព្រឹត្តិការណ៍​បែប​នេះ​​សម្រាប់​អ្នក​តវ៉ា​ឡើយ ហើយ​ខ្ញុំ​គិត​ថា អំពើ​​ហិង្សា​នេះ​នឹង​មិន​កើត​ឡើង​ទេ​នៅ​ថ្ងៃ​នេះ ប្រសិន​បើ​ពួកគេ​បាន​បញ្ជូន​មន្ត្រី​របស់​ខ្លួន​ឲ្យ​មក​ទទួល​ញត្តិ​របស់​យើង​នៅ​ទី​នេះ​”។  លោក​បាន​មាន​ប្រសាសន៍​បន្ថែម​ថា “ខ្ញុំ​យល់​ឃើញ​ថា ការ​ប្រើ​នគរបាល​រាប់​រយ​នាក់​នៅ​ពេល​នេះ គឺ​ដើម្បី​បំបាក់​ស្មារតី​អ្នក​តវ៉ា ប៉ុន្តែ អ្នក​តវ៉ា​មិន​ខ្លាច​នោះ​ទេ ពីព្រោះ​គេ​គិត​ថា នគរបាល​មិន​មាន​ចិត្ត​ចង់​ប្រើ​អំពើ​ហិង្សា​​​នោះ​ឡើយ”៕ (រាយការណ៍​បន្ថែម​ដោយ​ មុិច ដារ៉ា​​​) ប្រែសម្រួលដោយ តែម សុខុម

​អភិបាល​រាជធានី​​ប្រាប់​ឲ្យ​គណបក្ស​សង្គ្រោះ​ជាតិ​ឈប់​ដើរប្រមូល​ស្នាម​មេដៃ

លោក ប៉ា សុជាតិវង្ស អភិបាល​រាជធានី​ភ្នំពេញ​​បាន​​ផ្ញើ​លិខិត​មួយ​ច្បាប់​ទៅ​គណបក្ស​សង្គ្រោះ​ជាតិ​​ ប្រាប់​ឲ្យ​គណបក្ស​នេះ​​បញ្ឈប់​ការ​ប្រមូល​​ស្នាម​មេដៃ​​នៅ​​តាម​ទី​សាធារណៈ​​សម្រាប់​ធ្វើ​​ញត្តិ​ ជា​សំណើ​មួយ​ដែល​​គណ​បក្ស​សង្គ្រោះ​ជាតិ​ និង​អ្នក​​​ជំនាញ​​ខាង​​ច្បាប់​​និយាយ​ថា រំលោភ​រដ្ឋធម្មនុញ្ញ​។ លោក​ ស ខេង​ រដ្ឋ​​មន្ត្រី​​​ក្រសួង​មហា​ផ្ទៃ​បាន​លើក​ឡើង​នៅ​ក្នុង​សុន្ទរកថា​មួយ​នៅ​​ក្រសួង​​មហាផ្ទៃ​កាល​ពី​ម្សិលមិញ​ថា​​ បទ​បញ្ជា​ពី​សាលា​រាជធានី​​ឲ្យ​បញ្ឈប់​​ការ​​ធ្វើ​ញត្តិ​របស់​​គណបក្ស​ប្រឆាំង ដើម្បី​​បដិសេធ​​ភាព​ស្រប​ច្បាប់​របស់​រដ្ឋាភិបាល ​​ក្រោយ​ពី​ការ​បោះ​ឆ្នោត​ជាតិ​កាល​ពី​ខែ​កក្កដានេះ​ ទទួល​បាន​ការ​​អនុញ្ញាត​ពី​រូប​លោក​មុន​នឹង​ចេញ​។ លោក​ ប៉ា សុជាតិវង្ស បាន​លើក​ឡើ​ង​នៅ​ក្នុង​លិខិត​​​ចុះ​កាល​បរិច្ឆេទ​​ថ្ងៃ​អង្គារ​នេះ​ ថា “ខ្ញុំ​សូម​​ជូន​ដំណឹង​​​ទៅ​លោក​ប្រធាន​  ឲ្យ​បាន​ជ្រាប​ថា ក្នុង​រយៈ​ពេល​​ប៉ុន្មាន​​ថ្ងៃ​​ថ្មីៗ​នេះ​ សកម្មជន​គណបក្ស​សង្គ្រោះ​ជាតិ​​បាន​​ដើរ​ប្រមូល​​ស្នាម​មេដៃ​នៅ​គ្រប់​​ផ្សារ​​ កន្លែង​​សាធារណៈ និង​​តាម​លំនៅ​ដ្ឋាន​របស់​​ប្រជាពលរដ្ឋ​នៅ​ក្នុង​រាជធានី​។ ទង្វើ​នេះ​ធ្វើ​ឲ្យ​ប៉ះពាល់​​ដល់​ការ​​​​​រស់​នៅ​​ និងការ​​រក​ទទួល​ទាន​ប្រចាំ​ថ្ងៃរបស់​ប្រជាពលរដ្ឋ​។ សាលា​រាជធានី​ភ្នំពេញ​សង្ឃឹម​ថា លោក​ប្រធាន​ នឹង​​​សហការ​​​​អនុ​វត្ត​តាម​ខ្លឹម​សារ​នៃ​លិខិត​នេះឲ្យ​មាន​ប្រសិទ្ធភាព​”។ ពេល​សាកសួរ​​ថា តើ​សាលា​រាជធានី​មាន​​គម្រោង​អនុវត្ត​​សេចក្ដី​​ណែនាំ​ឲ្យ​​​បញ្ឈប់​​ការ​​ដើរ​ប្រមូល​ស្នាម​មេដៃ​ធ្វើ​ញត្តិ​នេះ​ដោយ​​របៀប​​ណា​​នោះ​ លោក​ ប៉ា សុជាតិ​វង្ស បាន​មាន​ប្រសាសន៍​តាម​ទូរស័ព្ទ​ថា លោក​​នឹង​ក្រើន​​​រំព្ញក​​គណបក្ស​សង្គ្រោះ​ជាតិ​យ៉ាង​ហោច​​ណាស់​​ម្ដង​ទៀត ​​មុន​ពេល “​​ចាត់​វិធាន​ការ​”។ លោក​ថ្លែង​​ថា “ខ្ញុំ​នឹ​ងព្យាយាម​​ណែនាំ​  ពីរ​ឬ​បី​ដង​ ប៉ុន្តែ​ប្រសិន​បើ​ពួក​គេ​នៅ​​តែ​បន្ត​ យើង​នឹង​ចាត់​វិធានការ​ ដើម្បី​​បញ្ឈប់​ពួក​គេ​” ប៉ុន្តែ​​លោក​​បាន​បដិសេធ​​មិន​បញ្ជាក់​​​ថា តើ​​វិធាន​ការ​​​នោះ​​ជា​អ្វី​​ទេ​។ ​អភិបាល​​រាជធានី​រូប​នេះ​បាន​មាន​ប្រសា​សន៍​​អំពី​ញត្តិ​នេះ​ថា “ស្នាម​មេដៃ​គ្មាន​ប្រយោ​ជន៍​​ទេ ហើយ​ពួ​កគេ​​ធ្វើ​នេះ​​ដើម្បី​កេង​ចំណេញ​​​នយោបាយ។ ខ្ញុំ​ក៏​ចង់​​ប្រើ​កម្លាំង​ដែរ​ ប៉ុន្តែ​ខ្ញុំ​មិន​ប្រើ​​​ យើង​នឹង​​រង់​ចាំ​មើល​​តើ គណបក្ស​សង្គ្រោះ​ជាតិ​​គោរព​តាម​សេចក្ដី​ណែនាំ​របស់​​យើង​ឬ​អត់​”។ លោក យឹម​ សុវណ្ណ អ្នកនាំពាក្យ​គណ​បក្ស​សង្គ្រោះ​ជាតិ​​បាន​មានប្រសាសន៍​ថា គណ​បក្ស​​របស់​លោក​​នឹង​​បន្ត​ការ​​ខំ​ប្រឹង​ប្រែង​របស់​ខ្លួន​ ដើម្បី​ប្រមូល​​ស្នាម​មេដៃ​​ឲ្យ​បាន​៣លាន​ ដើម្បី​ធ្វើ​ញត្តិ​តវ៉ា​ថា រដ្ឋាភិបាល​​ឯក​បក្ស​​នៃ​គណបក្ស​ប្រជាជន​កម្ពុជា​របស់​​លោក​ ហ៊ុន សែន​ គឺ​ខុស​ច្បាប់​ និង​មិន​ស្រប​តាម​​ច្បាប់​​រដ្ឋធម្មនុញ្ញ​ឡើយ។ លោក​បាន​មាន​ប្រសាសន៍​អំពី​​សេចក្ដី​ណែនាំ​​របស់​​អភិបាល​​រាជធានី​​​នេះ​ថា “យើង​​ទទួល​បាន​លិខិត​នេះ​ហើយ​ ហើយ​វា​ផ្ទុយ​នឹង​​រដ្ឋ​ធម្មនុញ្ញ​។ យើង​មិន​បាន​ធ្វើ​អ្វី​ខុស​ទេ យើង​នឹង​បន្ត​​​អ្វី​ដែល​យើង​កំពុង​តែ​​ធ្វើ​”។ លោក​បាន​ប៉ាន់​ប្រមាណ​ថា សកម្មជន​បក្ស​ និង​អ្នក​ស្ម័គ្រ​ចិត្ត​ប្រហែល​៤០០​នាក់​កំពុង​ដើរ​ប្រមូល​ស្នាម​មេដៃ​​​​ក្នុង​រាជធានី​ភ្នំពេញ​។ គណបក្ស​សង្គ្រោះ​ជាតិ​មាន​គម្រោង​​ដាក់​​ញត្តិ​ ដែល​ប្រមូល​នៅ​​​ទូទាំង​ប្រទេសនេះ​ ​​ទៅ​​អង្គ​ការ​​សហប្រជាជាតិ​​នៅ​ថ្ងៃ​ទី​២៣ ខែ​តុលា​ ដើម្បី​ឲ្យ​ស្រប​​នឹង​ថ្ងៃ​​ខួប​លើ​ក​ទី​២២ នៃ​​ការ​ចុះ​កិច្ច​ព្រម​ព្រៀង​សន្ដិភាព​ក្រុង​​ប៉ារីស។ លោក​ សុក​ សំអឿន នាយក​ប្រតិបត្តិ​ក្រុម​អ្នក​ច្បាប់​​ការពារ​សិទ្ធិ​កម្ពុជា​ ជា​អង្គការ​​ក្រៅ​រដ្ឋាភិបាលផ្ដល់​​​ជំនួយ​​ផ្នែក​ច្បាប់​ឥត​គិត​ថ្លៃ​បាន​មាន​ប្រសាសន៍​ថា សេចក្ដី​ណែនាំ​​របស់​សាលា​​រាជធានី​​នេះ​​មិន​​បាន​ពន្យល់​ពី​មូល​ហេតុ​ ដែល​​​គណបក្ស​សង្គ្រោះ​ជាតិ​​អាច​នឹង​បង្ក​ការ​គំរាម​កំហែង​​ដល់​សណ្ដាប់​ធ្នាប់​សាធារណៈដោយ​របៀប​ណា​​​នោះ​ទេ​។ លោក​បាន​មាន​ប្រសាសន៍​ថា “ប្រជា​ពល​រដ្ឋ​​យល់​ព្រម​​ផ្ដិត​មេដៃ​  ដោយ​ស្ម័គ្រ​ចិត្ត​...។ ប្រសិន​បើ​គណបក្ស​សង្គ្រោះ​ជាតិ​​បង្ខំ​​​ប្រជាពលរដ្ឋ​ឲ្យ​ធ្វើ​​បែប​នេះផ្ទុយ​​​ពី​ឆន្ទៈ​របស់​ពួក​គាត់​នោះ​ វា​ប្រហែល​ជា​រំលោភ​​សិទ្ធិ​របស់​ប្រជាពលរដ្ឋ​”។ លោក​បាន​មាន​ប្រសាសន៍​សំដៅ​​ដល់​​សម័យ​កុម្មុយនិស្ដ​អំឡុង​​ទសវត្សរ៍​ឆ្នាំ​១៩៨០ នៅ​ពេល​ប្រទេស​កម្ពុជា​​ស្ថិត​​ក្រោម​ការ​គ្រប់​គ្រង​របស់​ប្រទេស​វៀតណាម​ថា “ខ្ញុំ​គិត​ថា សាលា​រាជធានី​ប្រហែល​ជា​កំពុង​តែ​ប្រើ​ប្រាស់​​​របៀប​ដឹក​នាំ​ចាស់​គំរឹល​ ដូច​មុន​ឆ្នាំ​១៩៩៣”។ លោក ហួន ជុនឌី នាយក​កម្មវិធី​​នៃ​មជ្ឈ​មណ្ឌល​​អប់​រំ​ច្បាប់​​​សម្រាប់​សហគមន៍​​បាន​​យល់​ស្រប​នឹង​ភាព​ខុស​ច្បាប់​នៃ​ការ​គំរាម​ប្រជាពល​រដ្ឋ​ ដើម្បី​ប្រមូ​ល​ឈ្មោះរបស់​ពួក​គាត់​​​ដាក់​នៅ​ក្នុង​ញត្តិ​។​ លោក​បាន​​មា​ន​ប្រសាសន៍​ថា “គ្មាន​ច្បាប់​​ណា​​ហាម​ឃាត់​​មិន​ឲ្យ​​ពល​រដ្ឋ​​​​ព្យាយាម​​ដោយ​​សន្ដិវិធី​ ដើម្បី​សុំ​ការ​គាំទ្រ​​នៅ​តាម​​ទី​សាធា​រណៈ​បែប​នេះ​ឡើយ​ វា​មិនមែន​ជា​ការ​​ប្រមូល​​ផ្ដុំ​គ្នា​ឯណា​”។ លោក​បាន​មាន​ប្រសាសន៍​បន្ថែម​ទៀត​​ថា “យើង​​អាច​មើល​ឃើញ​​ពាណិជ្ជករ​ភាគ​ច្រើន​​ចែក​ចាយ​​ខិត្តប័ណ្ណ​ផ្សព្វផ្សាយ​ផលិត​ផល​របស់​ខ្លួន​​នៅ​​តាម​​​ទី​សាធារណៈ​ ដើម្បី​​ទាក់​ទាញ​​អតិថិជន​។ ពួក​គាត់​ធ្វើ​បាន​ដោយ​គ្មាន​ការ​​ជ្រៀត​ជ្រែក​ពី​នរណាម្នាក់​ឡើយ​ ​រួម​ទាំង​អាជ្ញា​ធរ​ផង​ដែរ​​”។ ខណៈ​ពេល​អភិបាល​រាជធានី​​រូប​នេះ​​និង​លោ​ក ស ខេង​ ​ដែល​សុទ្ធ​តែ​​ជា​សមា​ជិក​គណ​​បក្ស​ប្រជាជន​កម្ពុជា​ កំពុង​តែ​​ជំទាស់​​នឹង​កិច្ច​ខំ​ប្រឹងប្រែង​របស់​គណបក្ស​ប្រឆាំង​ ដើម្បី​​ប្រមូល​​​​ឈ្មោះ​​ដាក់​នៅ​ក្នុង​ញត្តិ​ ជា​យុទ្ធ​នា​ការ​​​​ស្រដៀង​​គ្នា​មួយ​ធ្វើ​ឡើង​​ដោយ​គណ​បក្ស​​ប្រជាជន​​​នៅ​មុន​នេះ​នោះ​​ គ្មាន​​អ្នក​រារាំង​​ច្រើន​​ទេ​​។ កាល​ពីខែ​សីហា​ សកម្មជន​គណបក្ស​ប្រជាជន​កម្ពុជា​​​បាន​​ធ្វើ​ញត្តិ​សុំ​ឲ្យ​​ប្រជា​ពល​រដ្ឋ​គាំទ្រ​​ជ័យ​ជម្នះ​​របស់​​គណបក្ស​​​លោក​នាយក​រដ្ឋ​មន្ត្រី​ ហ៊ុន សែន​ ក្រោយ​ពី​កា​រ​បោះ​ឆ្នោត​​​​ដ៏ចម្រូង​ចម្រាស​​ ធ្វើ​ឲ្យ​អង្គការ​សិទ្ធិ​មនុស្ស​នានា​​រិះគន់​ថា អាជ្ញាធរ​មូល​ដ្ឋាន​​បាន​បំពានមុខ​តំណែង​​របស់​ខ្លួន​ ដើម្បី​បង្ខំ​ប្រជា​ពល​រដ្ឋ​ឲ្យ​គំាទ្រ​លទ្ធផល​​នៃ​ការ​បោះ​ឆ្នោត​​ដ៏ចម្រូង​ចម្រាសនេះ​។ នៅ​ទីបំផុត​​លោក ស ខេង​ បាន​អំពាវនាវ​​ឲ្យ​គណបក្ស​ប្រជាជន​កម្ពុជា​​ឈប់​ធ្វើ​ញត្តិ​​នោះ​ ដើម្បី​​ធានា​​ឲ្យ​បាន​នូវ​​ “អព្យាក្រឹត​ភាព​របស់​មន្ត្រី​សាធារណៈ​​គ្រប់​​ជាន់​ថ្នាក់​”។ លោក អ៊ូ វីរៈ​ ប្រធាន​មជ្ឈមណ្ឌល​សិទ្ធិ​មនុស្ស​​កម្ពុជា​​​បាន​មាន​ប្រសាសន៍​ថា ការ​ធ្វើ​ញត្តិ​របស់​គណបក្ស​សង្គ្រោះ​ជាតិ​មិន​ខុស​គ្នា​​ពី​ការ​ធ្វើ​ញត្តិ​របស់​គណបក្ស​ប្រជាជន​​​ទេ​ ពីព្រោះ​​គណបក្ស​សង្គ្រោះ​ជាតិ​គ្មាន​​អំណាច​​លើ​​អ្នកគាំទ្រ​របស់​​ខ្លួន​ឡើយ​។ លោក​បាន​មាន​ប្រសាសន៍​ទៀត​ថា សកម្មភាព​​របស់​សាលា​​រាជធានី​បង្ហាញ​ថា ​គណបក្ស​កាន់​អំណាច​​ខ្វាយ​ខ្វល់​​ចំពោះ​​មតិ​​របស់​សាធារណ​ជន​ ទោះបី​ជា​ខ្លួន​មិន​ព្រម​​ស្ដាប់​​ក៏ដោយ​​។ លោក​បាន​​មាន​ប្រសាសន៍​ថា “ពួក​គេ​ពិត​ជា​ខ្វាយ​ខ្វល់​ ហើយ​ពួក​គេ​គួរ​តែ​ខ្វាយខ្វល់​​ ។ នេះ​ជា​ឆន្ទៈ​របស់​ប្រជាពលរដ្ឋ​ ជា​អ្វី​​ដែល​ពួក​គេ​​គួរ​តែ​ស្ដាប់​”។ អាជីវករ​មួយ​ចំនួន​នៅ​ផ្សារ​ធំ​ថ្មី​​ក្នុង​រាជ​ធានី​ភ្នំពេញ​​បាន​និយាយ​​ថា សកម្មជន​​គណ​បក្ស​សង្គ្រោះ​ជាតិ​​​បាន​​ព្យាយាម​ចូល​ជួប​ពួក​​គាត់​​​កាល​ពី​ម្សិលមិញ​ ដើម្បី​​ស្នើ​​សុំ​ឲ្យ​ពួក​គាត់​​ផ្ដិត​​មេដៃ​លើ​ញត្តិ​។ តែ​ទោះ​ជា​យ៉ាង​ណា​​ប្រធាន​​ផ្សារ​​បាន​លើកឡើង​ថា សន្ដិសុខ​​របស់​គាត់​ប្រហែល​១០០​នាក់​​បាន​​ធ្វើ​សកម្ម​ភាព​យ៉ាង​សកម្ម​ ដើម្បី​រារាំង​​អ្នក​ធ្វើ​ញត្តិ​គណ​បក្ស​ប្រឆាំង​កុំ​ឲ្យ​ចូល​ទៅ​​ក្នុង​​ផ្សារ​​នេះ​។ លោក​ស្រី​ ប៊ុន ដានី ប្រធាន​ផ្សារ​​ធំ​ថ្មី​បានមាន​ប្រសា​សន៍​បន្ទាប់ពី​​សន្ដិសុ​ខ​​អម​អ្នក​កាសែត​ចូល​ទៅក្នុង​ការិយាល័យ​របស់​លោក​ស្រី​ថា “យើង​បាន​​សម្រេច​ថា ប្រសិន​បើ​យើង​អនុញ្ញាត​ឲ្យ​ពួក​គាត់  ចូល​មក​ខាង​ក្នុង​​ ពួក​គាត់​នឹង​​បង្ក​បញ្ហា​​ដល់​អាជីវករ​នៅ​ទីនេះ​”។ លោក​ស្រី ប៊ុន ដានី បាន​មាន​ប្រសាសន៍​នៅ​ក្នុង​ការិយាល័យ​របស់​លោក​ស្រី​ ដែល​មាន​រូបថត​​លោក​នាយករដ្ឋ​មន្ត្រី​ ហ៊ុន សែន និង​លោក​ស្រី ប៊ុន រ៉ានី ស្លៀកពាក់​ឯក​សណ្ឋាន​​យោធា​ព្យួរ​នៅ​លើ​ជញ្ជាំង​ថា ការ​សម្រេច​​ចិត្ត​របស់​លោក​ស្រី​​មិន​ឲ្យ​អ្នក​​ធ្វើ​ញត្តិចូល​ទៅ​ក្នុង​ផ្សារ​មិន​​មែន​ជា​រឿង​​នយោបាយ​ទេ​​។ លោក​​ស្រី​​បាន​ថ្លែង​​ថា “ខ្ញុំ​គ្រាន់​តែ​ចង់​ជម្រាប​​​អស់​លោក​ថា ​ទីនេះ​​ជា​កន្លែង​រក​ស៊ី មិន​មែន​កន្លែង​សម្រាប់​​បញ្ហា​នយោ​បាយ​​ទេ​”។ អ្នកស្រី នួ ថុល​ ជា​​អាជីវករ​លក់​ចាន​ឆ្នាំង​​នៅ​ផ្សារ​នេះ​​បាន​និយាយ​ថា អ្នក​ស្រី​​បាន​​ផ្ដិត​មេដៃ​លើ​ញត្តិ​របស់​គណបក្ស​សង្គ្រោះជាតិ​​​នៅ​ព្រឹក​នោះ​។ អ្នកស្រី​និយាយ​ថា “សន្ដិសុខ​មិន​បាន​​​ដេញ​​​សកម្មជន​​គណបក្ស​​សង្គ្រោះ​ជាតិ​ចេញ​ក្រៅ​ទេ​ ប៉ុន្តែ​ពួក​គេ​បាន​ដើរ​តា​ម​​សកម្មជន​ទាំង​នោះ​ ហើយ​ពួក​គេ​​បាន​​ចុច​ឈ្មោះ​គ្រួសារ​​​របស់​​​ខ្ញុំ​ថា ជា​សមាជិក​របស់​​គណបក្ស​ប្រឆាំង​”។ អ្នកស្រី​បាន​លើកឡើង​ទៀត​ថា សន្ដិសុខ​​ក៏​បាន​​ប្រាប់​គាត់​ដែរ​ថា លើក​ក្រោយ​កុំ​ផ្ដិត​មេដៃ​លើ​ញត្តិ​​ដូច​នេះ​ទៀត​។ អ្នកស្រី​​និយាយ​ថា “ខ្ញុំ​ភ័យ​ខ្លាច​​ ពីព្រោះ​ពួក​គេ​ស្អប់​ពួក​យើង​នៅ​ពេល​ពួក​គេ​ដឹង​ថា យើង​គាំទ្រ​គណបក្ស​ប្រឆាំង​។ យើង​គ្រាន់​តែ​ចង់​ផ្លាស់​ប្ដូរ​របប​ចាស់​​ ដើម្បី​ទទួល​បាន​​របប​ថ្មី​មួយ​ប៉ុណ្ណោះ​”៕ ប្រែសម្រួលដោយ តែម សុខុម​

មន្ត្រី​​កង​យោធ​ពល​ខេម​រ​ភូមិន្ទ​​ និង​កង​​រាជ​​អា​វុធ​ហត្ថ ​ឡើង​តុ​លា​ការ​ពាក់ពន្ធករណីប្លន់​​ប្រ​ដា​ប់​អា​​វុធ​

កា​ល​ពី​ម្សិល​មិញ ​សាលា​​ដំ​បូ​ង​​​រាជ​ធា​​នី​ភ្នំពេញ​​ បា​ន​​បើក​សវនាកា​រ​​​ជំនុំ​ជម្រះ​​ករណីមន្ត្រី​​កង​យោ​ធ​ពល​ខេម​រភូមិន្ទ​​ម្នាក់ និង​មន្ត្រីកង​រាជ​អា​​​វុធ​ហត្ថ​ម្នាក់ ដែលជាប់​ចោទ​​​​​​​ពីបទ​​​ប្លន់​​​​ និងប្រើ​ប្រាស់​​អា​វុធ​​ខុស​​ច្បាប់។ លោក ស៊ិន វិសាល ប្រធា​ន​ក្រុមប្រឹក្សា​​​ជំនុំ​​​ជម្រះ​​ បា​ន​ឲ្យ​​​ដឹង​​​ថា ជន​សង្ស័យ​ឈ្មោះ​ចេត សុ​ខុម ​អា​យុ​​៣០​ឆ្នាំ ​​ជាមន្ត្រី​កង​យោធ​ពល​​ខេម​​រភូមិន្ទ ​និ​ង​​​ឈ្មោះ ​ចេង សីហា​​​ ​មន្ត្រី​កង​​រាជ​​អា​​វុធ​ហត្ថ ​​ដែល​​​​មិន​​​ទាន់​​​ចាប់​​​ខ្លួន​​​បាន​​​​ ត្រូវ​​​​បា​ន​ចោទ​ប្រកាន់​​​ពី​បទ​ប្លន់​​ប្រ​ដាប់​អា​វុធ ​​នៅ​ហា​ង​​​​​អ៊ីន​​ធើ​ណិត​​មួ​យ​​ ក្នុង​ខណ្ឌដូនពេញ​​​។ ​​​លោក​​​​ វិ​សាល បា​នឲ្យ​ដឹង​​ថា ​​​ សុ​ខុម ត្រូ​វ​បាន​​ចាប់​ខ្លួន​​​​​ក្នុង​​​​​ខែមិថុ​នា​​​ ​ចំ​ណែក​  សី​ហា ​ ​បា​ន​រត់​​គេចខ្លួន​។ នៅ​​តុលា​កា​រ​ ​សុខុម ​​បា​ន​បំ​ភ្លឺ​ថា ​ខ្លួន​​ជា​​អ្នក​ឌុបឈ្មោះ សី​ហា  ​​ទៅ​​​ហា​ង​​​​​នោះ។ ជន​នេះ​​​បន្តថា នៅ​​​ទីនោះ“ ខ្ញុំ​​​​ឈប់​ម៉ូតូ​​នៅ​ខាង​ក្រៅ​។ខ្ញុំ​​​​​​​ឃើញ​​​​​​ សី​ហា ​​កាន់​​កាំ​ភ្លើង​មួ​យ​​​​ដើម​​​ដើរ​​ចូ​ល​​​ទៅ​ក្នុង​ហាង​កា​ហ្វេ​នោះ​”។ ​ជ​ន​នេះ​បា​ន​បន្ត​​ទៀត​ថា ​ខ្លួន​ត្រូ​វ​បា​ន​​អ្នក​សម​គំ​និត​​​​របស់​​ខ្លួន ដែល​ត្រូវ​បាន​ចោទ​ប្រកាន់​ផង​ដែរ​នោះ ​​ឲ្យ​ប្រាក់​ចំ​នួន​​១៥០​ដុល្លារ ក៏ប៉ុន្តែ​​ជន​នេះ​បា​ន​អ​ះ​អាង​ថា ខ្លួន​មិន​បា​ន​ដឹង​​​ថា ​ប្រាក់​នេ​ះ​មក​​ពី​​ប្រភព​ណា​​​ទេ​។ លោក​ស្រី ទូច សុ​​​ធា​រី ​មេ​ធា​​វី​​​របស់​​ជន​នេះ​​​​​​បាន​​​ឲ្យ​​​ដឹង​​​ថា ​​​សី​ហា​ ប្លន់​បា​ន​ប្រាក់ប្រ​ហែល​​​​១.០០០​ដុល្លារ​ពី​ហា​ង​​​​នោះ​​​ ប៉ុន្តែ ​កូ​ន​ក្តី​​​​របស់​​លោក​ស្រី​មិន​បា​ន​ដឹង​អ្វីទាក់​ទង​នឹង​ប្រាក់​ប្លន់​បាន​​​នេះទេ​​។ លោក​ស្រី​បា​ន​បន្ត​ថា​ “ គាត់​ត្រូ​វ​​​សី​ហា​​ បោក​ប្រាស់ទេ​។ខ្ញុំ​សូមស្នើ​​លោក​ចៅ​ក្រម​លើក​ ​​លែ​ង​កា​រ​​ចោទ​ប្រកាន់​ និ​ង​ដោ​ះ​លែ​ង​​​ឈ្មោះ ចេត សុ​ខុម​​”។សាល​ក្រម​​​នឹង​ត្រូ​វ​​ប្រ​កាស​​​នៅ​ថ្ងៃ​​ទី​២៨ខែ​​តុ​លា​៕ ប្រែ​សម្រួល​ដោ​យ ចេវ ប៊ុននី​

ប្រធាន​​​​​​ផ្នែក​​​ឥណទាន​​​របស់​​​ធនាគារ​​​កាណាឌីយ៉ា គឺ​​​ជាអ្ន​​​ក​​​ជួយ​​​លួច​​​ប្រាក់​​​ចំនួន​​​២,៣លានដុល្លារ

ទីប្រឹក្សា​​​ជាន់ខ្ពស់​​​ម្នាក់​​​របស់​​​នាយក​​​ប្រតិ​​​បត្តិ​​​​​​ធនាគារ​​​កាណាឌីយ៉ា បាន​​​ឲ្យ​​​ដឹង​​​ថា ជន​​​សង្ស័យ​​​ម្នាក់​​​ក្នុង​​​ចំណោមជន​​​សង្ស័យ​​​ទាំង​​​បួន​​​នាក់​​​ ដែល​​​ត្រូវ​​​​​​បាន​​​ចាប់​​​ខ្លួន​​​ជុំវិញ​​​ការ​​​ពាក់​​​ព័ន្ធ​​​ក្នុង​​​ការ​​​លួច​​​ប្រាក់​​​២,៣​​​លាន​​​ដុល្លារ ពីធនាគារ​​​កាណាឌីយ៉ានោះ គឺជា​​​ប្រធាន​​​ផ្នែក​​​ឥណទាន​​​របស់​​​ធនាគារ​​​នេះ​​​នៅអំឡុង​​​ពេល​​​ដែល​​​​​​មាន​​​ការ​​​អនុវត្ត​​​គម្រោង​​​លួច​​​ប្រាក់​​​នេះ​​​។ ឈ្មោះ​​​ ឡេង ស៊ុនទ្រី ដែល​​​ការ​​​ពាក់​​​ព័ន្ធ​​​របស់​​​ខ្លួ​​​​​​ន​​​ក្នុង​​​ការ​​​លួច​​​ប្រាក់​​​នេះ​​​មិន​​​​​​​​ត្រូវ​​​បាន​​​​​បញ្ចូល​​​ក្នុង​​​របាយការណ៍​​​របស់​​​នគរ​​​បាល​​​នោះ គឺ​​​ជា​​​ប្រធាន​​​ផ្នែក​​​ប្រតិ​​​បត្តិការ​​​​​​ឥណទាន​​​របស់​​​ធនាគារ​​​កាណាឌីយ៉ា រហូត​​​ដល់​​​ចុង​​​ខែ​​​កញ្ញា​​​ឆ្នាំ​​​មុន ពេល​​​ជន​​​នេះ​​​ និង​​​មនុស្ស​​​ពីរ​​​នាក​​​់​​​ទៀត​​​ត្រូវ​​​នគរ​​​​​​បាល​​​ចាប់​​​ខ្លួន​​​ នេះ​​​បើ​​​យោ​​​ង​​​តាម​​​ទីប្រឹក្សា​​​ដែលបាន​​​​​​​​​​​​ស្នើ​​​សុំ​​​​​​មិន​​​ឲ្យ​​​បញ្ចេញ​​​ឈ្មោះ ​​​​​​​​ដោយ​​​សារ​​​រូប​​​គាត់​​​មិន​​​ត្រូវ​​​បាន​​​អនុ​​​ញ្ញាត​​​ឲ្យ​​​​​​និយាយ​​​ប្រាប់​​​ប្រព័ន្ធ​​​ផ្សព្វ​​​ផ្សាយ​​​នេះ​​​។ ​​​ទីប្រឹក្សា​​​រូប​​​នេះ​​​បាន​​​​​​និយាយ​​​ថា “ គាត់​​​ទទួល​​​បន្ទុក​​​ផ្នែក​​​ប័ណ្ណ​​​ឥណទាន​​​”។ យោង​​​តាម​​​របាយការណ៍​​​របស់​​​នគរ​​​បាល​​​ជន​​​សង្ស័យ​​​ម្នាក់​​​ទៀត​​​​​​ក្នុង​​​រឿង​​​ក្ដី​​​នេះ​​​ ឈ្មោះ យ៉េត សុភ័ក្ត្រា អាយុ​​​៣០​​​ឆ្នាំ ដែល​​​ជាប់​​​ចោទ​​​ថា ជា​​​មេ​​​គំនិត​​​រៀប​​​ចំ​​​គម្រោង​​​លួច​​​ប្រាក់​​​នេះ គឺ​​​​​​ជា​​​អ្នក​​​គ្រប់​​​គ្រង​​​ផ្នែក​​​កម្ចី​​​...

អាជ្ញាធរខេត្ត​​​បាត់​​​ដំបង​​​សម្រេច​​​ទម្លាយ​​​ទំនប់​​​អាងកំពីង​​​ពួយ ​​​ដើម្បី​​​ការ​​​ពារ​​​ការ​​​បាក់ទំនប់

ប្រជាពល​​​រដ្ឋ​​​រាប់​​​រយ​​​គ្រួសារ​​​នៅ​​​ក្នុង​​​ខេត្ត​​​បាត់ដំបង​​​ត្រូវ​​​បាន​​​ជម្លៀស​​​​​​ ខណៈ​​​អាជ្ញាធរ​​​​​​សម្រេច​​​ទម្លាយ​ទំនប់​​មួយ​កង់​​​​ ដើម្បី​​​បន្ធូរ​​​សម្ពាធ​​​ទឹក​​​នៅ​​​អាង​​​ទឹក​​​កំពីង​​​ពួយ​​​​​​ ដែ​​​ល​​​ជិត​​​នឹង​​​ធ្លាយ​​​ និង​​​អាចធ្វើ​​​​​​ឲ្យ​​​ប៉ះពាល់​​​ដល់​​​សហ​គមន៍​​​មួយ​​​ចំនួន​​​នៅ​​​ខាង​​​ក្រោម​​​អាង​​​ទឹក​​​នេះ​​​ នៅ​​​ពេល​​​ភ្លៀង​​​ធ្លាក់ខ្លាំង​​​នៅ​​​តែ​​​ប​​​ន្ត​​​ធ្វើ​ឲ្យ​​​​​​​ប៉ះ​ពាល់​ដល់បណ្តា​​​​​​ខេត្ត​​​​​​ដែលស្ថិត​​​​​​នៅ​​​ភាគ​​​ខាង​​​លិច​​​​នៃ​​​ប្រទេស​​​កម្ពុជា។ លោក​​​ ឈឹម​​​ វិជ្ជរ៉ា​​​ ប្រធាន​​​មន្ទីរកសិកម្ម​​​​​​ខេត្ត​​​បាត់​​​ដំបង​​​បាន​​​លើកឡើង​​​ថា ទ្វារ​​​ទឹក​​​ចំនួន ​​​បី​​​ដែល​​​មាន​​​ស្រាប់​​​ត្រូវ​​​បាន​​​បើក​​​នៅ​​​ក្នុង​​​អាង​​​ទឹក​​​កំពីង​​​ពួយ​​​ប្រវែង​​​១៩គីឡូម៉ែត្រ​​​ និង​​​ទទឹង​​​២គីឡូម៉ែត្រ ដែល​​​ត្រូវ​​​បាន​​​សាង​​​សង់​​​ឡើង​​​​​​​​​ជា​​​ផ្នែក​​​មួយ​​​​​​នៃ​​​​​​គម្រោង​​​ប្រព័ន្ធ​​​ធារាសាស្ត្រ​​​​​​របស់​របប​​​ខ្មែរ​​​ក្រហម​​​ ប៉ុន្តែ ​​​ទ្វារទឹក​​​ទាំ​​​ងបី​​​នេះ​​​មិន​​​អាច​​​រំដោះ​​​ទឹក​​​ចេញ​​​ពី​​​អាង​​​កំពីង​​​ពួយ​​​បាន​​​ទាន់​​​ពេល​​​វេលា​​​ឡើយ​​​។ លោក​​​បាន​​​មាន​​​ប្រសាសន៍បន្ថែម​ទៀត​ថា “អាង​​​​​​ទឹក​​​កំពីង​​​ពួយ​​​​​​ ដែល​​​អាច​​​ស្តុក​​​ទឹក​​​បាន​​​ប្រហែល​​​១១០​​​.០០០.០០០ម៉ែត្រគូប​​​ គឺ​​​អាច​​​នឹង​​​បង្ក​​​​​​គ្រោះ​​​ថ្នាក់​​​យ៉ាង​​​ខ្លាំង​​​ ហេតុ​​​ដូច្នេះ លោក​​​ លឹម គាន​​​ហោ​​​ រដ្ឋ​​​មន្ត្រី​​​ក្រសួង​​​​ធនធាន​​​ទឹក​​​​​​ និង​​​ឧតុនិយម​​​​​​បាន​​​ចេញ​​​បទ​​​បញ្ជា​​​​ឲ្យ​​​អាជ្ញា​ធរ​​​​ខេត្ត​​​ទម្លាយ​​​​ទំនប់​​​...

ការ​ប្រើ​​អ៊ីនធើណិត​​បាន​នៅ​កម្ពុជា​ពុំ​មាន​​ន័យ​ស្មើ​នឹង​សេរីភាព​​រួច​​ផុត​ពី​ការ​ដាក់​កម្រិត​​

យោង​តាម​របាយការណ៍​ថ្មី​មួយ​របស់​​អង្គការ​​​ Freedom House ដែល​មាន​មូលដ្ឋាន​​​នៅ​​បុរី​ញូវយ៉ក បាន​ឲ្យ​ដឹង​ថា ប្រជាពលរដ្ឋ​ខ្មែរ​ដែល​មាន​លទ្ធភាព​ប្រើ​អ៊ីនធើណិត​ មាន​ចំនួន​​កើនឡើង​ច្រើន​ដោយ​សារ​តែ​មាន​​​ទូរស័ព្ទស្មាតហ្វូន និង​​ថេបប៊្លែត​​ផ្ទាល់​ខ្លួន​ និងដោយសារ​តែ​​មាន​ការ​ពង្រីក​សេវា​កម្ម​អ៊ីនធើណិត​គ្មាន​​ខ្សែ​ទៅ​កាន់​តំបន់​ជន​បទ​ ប៉ុន្តែការ​ប្រើ​បាន​នេះពុំ​មាន​ន័យ​ស្មើ​នឹង​សេរី​ភាព​រួច​ផុត​​ពី​ការ​ដាក់​កម្រិត​​លើ​អ្វី​ដែល​អ្នក​ប្រើ​អ៊ីនធើណិត​​អាច​មើល​​បាន​នោះ​ទេ​​។ នៅ​ក្នុង​​របាយការណ៍​នេះ​ ដែល​មាន​ចំណង​ជើង​ថា “សិទ្ធិ​សេរី​ភាព​នៃ​ការ​​ចូល​ទៅ​កាន់​​ប្រព័ន្ធ​អ៊ីនធើណិត​​ឆ្នាំ​២០១៣” និង​​ចេ​ញ​​កាល​ពី​​សប្ដាហ៍​មុន​ ប្រទេស​កម្ពុជា​​ស្ថិត​នៅ​​លេខ​រៀង​ទី​៣៤ ក្នុង​ចំណោម​ប្រទេស​​ចំនួន​៦០​ ដែល​ត្រូវ​បាន​យក​មក​​ ដើម្បី​ធ្វើ​ការ​ស្ទង់​មតិ​ស្ដី​ពី​​សិទ្ធិ​សេរី​ភាព​នៃ​ការ​ប្រើ​​ អ៊ីន​ធើណិត​​។​ប្រទេស​នីមួយៗ​ត្រូវ​បាន​​វាយ​តម្លៃ​ដោយ​ផ្អែក​លើ​​ឧបសគ្គ​​នៅ​ក្នុង​ការប្រើ​​​​​អីុនធើណិត​ លើ​​ការ​ដាក់​កម្រិត​​លើ​អ្វី​ដែល​អ្នក​ប្រើ​អ៊ីន​ធើណិត​​អាច​មើ​ល​បាន​ និង​លើ​ការ​រំលោភ​សិទ្ធិ​​របស់​​​អ្នក​ប្រើប្រាស់​​។ ប្រទេស​អ៊ីស្លង់ បាន​ស្ថិត​នៅ​លេខរៀង​ទី១ រីឯប្រទេស​​អ៊ីរ៉ង់​​វិញ​​ស្ថិត​នៅ​​លេខ​រៀង​ចុង​ក្រោយ​គេ​។ របាយការណ៍​នេះ​បាន​លើក​ឡើង​ថា “ទោះបី​ជា​លោក ខៀវ កាញារីទ្ធ រដ្ឋ​មន្ត្រី​ក្រសួង​ព័ត៌មាន​ និងមន្ត្រី​​ផ្សេង​ៗ​ទៀត​បាន​អះអាង​ជា​សាធារណៈ​ថា នឹង​​គាំទ្រ​​សិទ្ធិ​សេរី​ភាព​នៃ​ការ​បញ្ចេញ​មតិ​ក៏​ដោយ​ ក៏​មន្ត្រី​មួយ​ចំនួន​នៅ​តែ​ចាត់​វិធានការ​​​ដើម្បី​ចូល​ជ្រៀត​ជ្រែក​ទៅ​ក្នុង​​សកម្មភាព​នៃ​​ការ​ប្រើ​​អីុនធើ​ណិត​ដដែល​”។ របាយករណ៍​នេះ​បាន​លើក​ឡើង​ដូច្នេះ​​ដោយ​សំដៅ​ទៅ​លើ​គេហ​ទំព័រ​ចំនួន​បី​ដែល​ត្រូវ​បាន​គេ​បិទ​មិន​ឲ្យ​ប្រើ​បាន​មាន​ដូចជា គេហទំព័រ​ Khmeri-zation គេហ​ទំព័រ Ki-Meda និង គេហ​ទំព័រ ​Sacrava ដោយសារ​តែ​គេហទំព័រ​ទំាង​នេះ​បាន​​រិះគន់​រដ្ឋាភិ​បាល​។ អង្គការ​ Freedom House បាន​លើក​ឡើង​ថា “កាល​ពី​ដើម​ឆ្នាំ​២០១០ រដ្ឋាភិបាល​​មាន​គម្រោង​​បង្កើត​​ក្រុមហ៊ុន​រដ្ឋ​មួយ​ ដើម្បី​​ត្រួត​ពិនិត្យ​ក្រុមហ៊ុន​​ផ្ដល់​សេវាកម្ម​អ៊ីនធើណិត​​ក្នុង​​ស្រុក​ទាំង​អស់​​ក្នុង​គោល​​បំណង​ពង្រឹង​​សន្ដិ​សុខ​អ៊ីនធើណិត​ ដើម្បី​ប្រឆាំង​ទៅ​នឹង​​អំពើ​អាសអាភាស​ ការ​លួច​និង​ការ​ប្រព្រឹត្តបទ​ឧក្រិដ្ឋ​​នានា​​តាម​អ៊ីនធើណិត​។ តែ​ទោះ​ជា​យ៉ាង​ណា​​ គម្រោង​នេះ​ត្រូវ​បាន​ផ្អាក​ទៅ​វិញ​ដោយ​សារ​​តែ​មាន​​ការ​ជំទាស់​​ជា​ច្រើន​ ហើយ​សូម្បី​តែ​​ក្នុង​ជួរ​រដ្ឋាភិបាល​​ក៏​មាន​​ការ​ជំទាស់​ដែរ​”។ របាយការណ៍​នេះ​បាន​លើក​ឡើង​បន្ត​ថា “បទ​បញ្ជា​មួយ​ ដែល​​បញ្ជា​ឲ្យ​​អ៊ីន​ធើណិត​កាហ្វេ​ និង​ក្រុមហ៊ុន​ផ្ដល់​សេវា​កម្ម​ទូរគមនា​គមន៍​នានា​​រក្សា​​ទុក​ទិន្នន័យ​អ្នកប្រើ​ប្រាស់​ រួច​ផ្ដល់​ទិន្នន័យ​ទាំង​នេះ​ទៅ​ឲ្យ​នគរ​បាល​​​ដើម្បី​ស៊ើបអង្កេត​​ពី​ការ​គំរាម​កំហែង​ដល់​សន្ដិសុខ​ជាតិ​ ដោយ​គ្មាន​ការ​ឆ្លង​កាត់​​ការ​ត្រួត​ពិនិត្យ​ពី​តុលាការ​​នោះ​ ត្រូវ​បាន​ចេញ​​​តាំង​ពី​​ខែ​​កុម្ភៈ​ ឆ្នាំ២០១២​ មក​ម៉្លេះ​ ប៉ុន្តែ​​​ត្រូវ​បាន​យក​មក​អនុវត្ត​នៅ​ខែ​សីហា ឆ្នាំ​២០១២​”។ អង្គការ​ Freedom House ​ បាន​លើក​ឡើង​​បន្ត​ថា ប្រព័ន្ធ​ផ្សព្វផ្សាយ​ព័ត៌មាន​មាន​ដូចជា ប្លក់ បណ្ដាញ​ទំនាក់​ទំនង​សង្គម​ និង​គេហ​ទំព័​រ​​ផ្សព្វផ្សាយ​ព័ត៌មាន​តាម​​អ៊ីនធើណិត​នានា​ គឺ​មិនត្រូវ​បាន​​រឹត​បណ្ដឹង​ឡើយ​​នៅ​ក្នុង​ប្រទេស​​កម្ពុជា​។ គណបក្ស​​សង្គ្រោះជាតិ​ បាន​ផ្ដោត​​យ៉ាង​សំខាន់​ទៅ​លើ​យុវជន​ ដែល​​មាន​ចំនួន​កើន​ឡើង​នៅ​ក្នុង​ប្រទេស​កម្ពុជា​ និង​ដែល​បាន​ប្រើ​បណ្ដាញ​ទំនាក់​ទំនង​សង្គម​ដ៏គួរ​ឲ្យ​កត់​សម្គាល់​នៅ​ក្នុង​យុទ្ធនាការ​ឃោសនា​បោះ​ឆ្នោត​​​របស់​​ខ្លួន​មុន​ការ​បោះឆ្នោតជាតិ​​​ កាល​ពី​ខែ​កក្កដា​។ យុទ្ធសាស្ត្រ​របស់​គណបក្ស​សង្គ្រោះ​ជាតិ​ដែល​ផ្ដោត​លើ​យុវជន​នេះ​​​ បាន​ធ្វើ​ឲ្យ​សំឡេង​ឆ្នោត​​របស់​ខ្លួន​​មាន​ការ​​កើន​​ឡើង​​យ៉ាង​ច្រើន​៕ ប្រែសម្រួលដោយ ស៊ា ស៊ុយឈាង

អង្គភាព​ប្រឆាំ​ងអំពើ​ពុក​រលួយ​ប្រាប់​ប្រទេស​ម្ចាស់​ជំនួយកុំ​ឲ្យ​លូក​​​ដៃ​​​ក្នុងការ​​​ងារ​​​ស្ថាប័ន​​​នេះ

កាល​ពី​ម្សិល​មិញ លោក ឱម យ៉ិន​ទៀង ប្រធាន​អង្គ​ភាព​ប្រឆាំ​ងអំពើ​ពុក​រលួយ​បាន​ប្រាប់ប្រទេស​ម្ចាស់​ជំ​នួយ​កុំ​ឲ្យ​លូកដៃ​ក្នុង​​ការ​ងារ​របស់​ស្ថាប័ន​នេះ​ ហើយ​ទន្ទឹម​នឹង​នោះ​ដែរ​ លោក​បាន​និយាយ​ជា​សាធារ​ណៈ​​​ថា លោក​មិន​មាន​អំណាច​ក្នុ​ងការ​រារាំង​តុលាការ​មិន​ឲ្យ​ចាត់​ការ​រឿងក្តី​ពាក់​ព័ន្ធ​អំពើ​ពុក​រលួយ​ឡើយ។ នៅក្នុង​សុន្ទរ​កថាបើក​សិក្ខា​សាលា​ដែល​រៀប​ចំឡើង​ដោយ​អង្គការ​តម្លា​ភាព​អន្ត​រ​​​ជាតិ​​​​នៅ​កម្ពុជា​ស្តីពី​កិច្ច​ប្រឹង​ប្រែង​ឃ្លាំ​មើល​ដើម្បី​លុប​បំបាត់​អំពើ​ពុក​រលួយ​នោះ លោក ឱម យ៉ិន​ទៀង​ បាន​និយាយ​ការ​ពារ​ការ​ចាប់​ខ្លួន​ពីរ​បី​ករ​ណី​ដែល​អង្គ​ភាព​ប្រឆាំង​អំពើ​ពុក​រលួយ​បាន​ធ្វើ​ចាប់​តាំង​ពី​អង្គភាព​នេះ​បាន​ដំណើរ​ការ​កាល​ពី​ឆ្នាំ​២០១០មក។ លោក​បាន​មាន​ប្រសាសន៍ថា “មិន​មែន​អ្វីៗ​ទាំង​អស់​សុទ្ធ​តែ​ពុក​រលួយ​នោះ​ទេ ដូច្នេះ​​​​ហើយ យើង​មិន​មែន​ចេះ​តែ​ចាប់​ខ្លួន​រហូត​នោះ​ទេ”។ លោក​ ឱម យ៉ិន​ទៀង​ បាន​មាន​ប្រសា​​​សន៍​​​ថា “ ហើយ​អ្វីដែលយើង​ធ្វើ​នោះ យើង​​មិន​អាច​ផ្ត​ន្ទាទោស​បាន​ទេ។ មាន​តួនាទី​នេះ។...

សាលា​រាជធានីភ្នំពេញ​បដិសេធសំណើ​ជួប​ជុំ​ និង​ដើរ​ក្បួន​ក្នុង​ទិវា​គ្រូបង្រៀន​ និង​លំនៅដ្ឋាន​អន្តរ​ជាតិ​

សាលារាជធានី​ភ្នំពេញ​បាន​ច្រាន​ចោល​សំណើ​ពីរ​ដែល​អង្គការ​ក្រៅ​រដ្ឋាភិបាល​បាន​ដាក់​ជូន​​ខ្លួន​ ដើម្បី​ប្រារព្ធ​ពិធី​ជួបជុំ​ និង​ពិធី​ដើរ​ក្បួន​ ក្នុង​គោល​បំណង​ប្រារព្ធ​ទិវា​គ្រូបង្រៀន​អន្តរជាតិ​ និង​ទិវា​លំនៅដ្ឋាន​អន្តរជាតិ​។ អង្គការ​ក្រុមការ​ងារ​ពិសេស​សិទ្ធិ​លំនៅ​ដ្ឋាន​ (Housing Rights Task Force) ដែល​ជា​អង្គ​ការ​ក្រៅ​រដ្ឋាភិបាល​ក្នុង​ស្រុក​មួយ​ ត្រូវ​បាន​បដិសេធ​មិន​ឲ្យ​រៀបចំ​ពិធីជួប​ជុំ​នៅ​វត្ត​ភ្នំ​ និង​ដើរ​ក្បួន​ទៅ​កាន់​សាលារាជធានីភ្នំពេញ ដើម្បី​ប្រារព្ធ​​ទិវា​លំនៅដ្ឋាន​អន្តរជាតិ​នៅ​ថ្ងៃ​នេះ​ទេ​។ សមាគមគ្រូបង្រៀនកម្ពុជា​ឯក​រាជ្យ​​ (Independent Teachers Association)​  ក៏​ត្រូវ​បាន​បដិសេធមិន​ឲ្យ​ប្រមូល​ផ្តុំ​គ្នា​នៅ​ទីលាន​ប្រជា ធិបតេយ្យ​ និង​ដើរ​ក្បួន​​ទៅ​កាន់​ការិយា​ល័យ​របស់​ខ្លួន​ស្ថិត​នៅ​ក្នុង​ខណ្ឌ​ចំការ​មន​ នៅ​ថ្ងៃអាទិត្យ​នេះ។ លោក ឡុង​ ឌីម៉ង់ អ្នក​នាំពាក្យ​សាលារាជ​ធានីភ្នំពេញ​ បាន​លើកឡើង​ថា  ការ​គំរាម​កំហែង​ ដែល​ព្រឹត្តិការណ៍​ទាំង​នេះ​មាន​ទៅ​លើ​ភ្ញៀវ​ទេស​ចរ និងចរា ចរណ៍​​អាចកើ​ត​ឡើង​ចេញពី​​សិទ្ធិ​ធម្មនុញ្ញ​របស់​ប្រជាជន​ ក្នុង​ការ​ទទួល​បាន​សេរីភាព​ប្រមូល​ផ្តុំ និ​ង​បញ្ចេញ​​មតិ​។ លោក​បាន​មាន​ប្រសាសន៍ថា “សមា​គមគ្រូ​បង្រៀន​កម្ពុជា​ឯករាជ្យ​ និង​អង្គការ​ក្រុម​ការងារ​ពិសេស​សិទ្ធិ​លំនៅដ្ឋាន អាច​រៀប​ចំព្រឹត្តិការណ៍​ទាំង​នេះ​នៅ​ការិយាល័យ​របស់​ខ្លួន​ ឬក៏​ជួល​កន្លែង​ឯកជន​ណាមួយ​ដើម្បី​​ធ្វើ​បែប​នេះ​បាន​”។ លោក​លើកឡើង​បន្ថែម​ទៀត​ថា វត្ត​ភ្នំ​ គឺ​ជា​កន្លែង​ហាម​ឃាត់​ដោយ​សារ​តែ ​“បញ្ហា​​គ្មាន​សណ្តាប់​ធ្នាប់​ផ្នែកចរាចរណ៍​អាច​នឹង​កើ​ត​ឡើង​។ ដូច្នេះ​យើង​មិន​ចង់​ឲ្យ​ពួក​គេ​អនុវត្ត​សិទ្ធិ​សេរីភាព​បញ្ចេញ​មតិ​របស់​ពួកគេ​ដោយ​ប្រើ​ផ្លូវ​សាធារណៈ​ទេ”។ វត្ត​ភ្នំ​ និង​ផ្លូវ​ព័ទ្ធ​ជុំវិញ​ គឺជាកន្លែង​ប្រមូល​ផ្តុំ​គ្នា​ដ៏មាន​ប្រជាប្រិយ​ភាព​ សម្រាប់​ស្ត្រី​រក​ស៊ី​​ផ្លូវ​ភេទ​ ដែល​ជារឿយ​ៗ​តែង​តែ​ចាប់​ផ្តើ​ម​សកម្មភាព​របស់​ខ្លួន​នៅ​ពេល​ព្រឹក​ព្រលឹម​​រហូត​ដល់​រំលង​អធ្រាត្រ​ ដោយ​មិ​ន​មាន​​ការ​​អន្តរាគមន៍​ពីអាជ្ញាធរក្រុង​ឡើយ។ នៅ​ពេល​ទទួល​បាន​សំណួរ​សួរ​ថា តើ​ហេតុ​​អ្វី​បាន​ជាសិទ្ធិ​ក្នុងការប្រមូលផ្តុំ​របស់​ពួក​គេ​​​ មិន​ត្រូវ​បាន​កាត់​បន្ថយ​ស្រដៀង​ៗ​គ្នា​ លោក​ ឌីម៉ង់ បាន​លើ​កឡើ​ងថា មិន​មាន​វិធី​ប្រាប់​ថា តើ​ស្ត្រីនៅ​វត្ត​ភ្នំ​ គឺ​ជា​ស្ត្រី​រក​ស៊ីផ្លូវ​ភេទ​​មែន​ ឬ​យ៉ាង​ណា​នោះ​ទេ​។ លោក​មាន​ប្រសាសន៍ថា “ពួកគេ​មិន​បាន​ពាក់​អ្វី ជា​គ្រឿង​​សម្គាល់​ច្បាស់​ទេ​”។ លោក​​បន្ត​ថា មិន​​មាន​​អ្វី បញ្ជាក់​ថា ពួក​គេជាស្ត្រី​រក​ស៊ី​ផ្លូវ​ភេទ​​។ សាលារាជធានី​ភ្នំពេញ​បាន​ឲ្យ​ដឹង​ផង​ដែរ​ថា  ខ្លួន​កំពុង​តែ​ហាម​សមាគមគ្រូ​បង្រៀន​​កម្ពុជា​ឯករាជ្យ​មិន​ឲ្យ​រៀប​ចំ​ពិធី​ជួប​ជុំ​គ្នា​របស់​ខ្លួន​ ពីព្រោះ​ជិត​ដល់​ថ្ងៃ​ប្រារព្ធពិធី​បើក​ស្តូប​រូប​សំណាក​សម្តេច​ឪ​ នរោត្តម​ សីហនុ ពេក​ និង​ជិត​ដល់​ថ្ងៃ​រំឭក​ខួប​សោយ​ទីវង្គត​របស់​ព្រះ​អង្គ​ ដែល​នឹង​ត្រូវ​ប្រារព្ធនៅ​ថ្ងៃ​អង្គារ​។​ ទោះបីជា​មាន​ការ​ហាម​ប្រាម​ពីសំណាក់​សាលារាជធានីភ្នំពេញ​ក៏​ដោយ​ ក៏អង្គការ​​ក្រៅ​​រដ្ឋាភិបាល​ទាំង​ពី​របាន​លើកឡើង​ថា ពួក​គេ​នឹង​អនុវត្ត​ផែនការ​ដើម​របស់ពួក​គេ​ដែរ។ លោក​ សៀ ភារម្យ​ អគ្គលេខាធិការ​អង្គ​ការ​ក្រុម​ការ​ងារពិសេស​សិទ្ធិលំនៅដ្ឋាន​បាន​ថ្លែង​ថា “យើង​នៅ​តែ​ប្រកាន់​ខ្ជាប់​ផែនការ​របស់​យើង​ដោយ​ប្រមូល​ផ្តុំ​សហ​គមន៍​ដែល​រង​ផល​ប៉ះពាល់​ ក្នុង​រាជ​ធានី​ភ្នំពេញ​ និង​មក​ពីបណ្តា​ខេត្ត​នានា នៅ​វត្ត​ភ្នំ​ មុន​ពេល​ដើរ​ក្បួន​​ទៅកាន់​សាលារាជធានី​ភ្នំ​ពេញ​”។ លោក​​រំពឹង​ថា ប្រជាជន​ប្រហែល​​១.០០០នាក់​​ ដែល​​រង​ប៉ះពាល់​ ដោយ​សារ​ការ​បណ្តេញ​ចេញ​​ពីលំនៅដ្ឋាន​ ឬ​ក៏​ប្រឈម ​នឹង​ការ​គំរាម​កំហែង​​បណ្តេញ​ចេញ​បែប​នេះ​នឹង​ចូល​រួម​ក្នុង​សកម្ម​ភាព​នេះ​​។​ លោក​​ រ៉ុង​ ឈុន ប្រធាន​សមា​គមគ្រូ​បង្រៀន​កម្ពុជា​ឯករាជ្យ​បាន​លើកឡើង​ថា សមាគមរបស់​លោក​ក៏មាន​ផែនការ​ដើរ​ក្បួន​ផង​ដែរ​៕​ ប្រែ​​​សម្រួល​​​ដោយ កង សុធា

សាលាឧទ្ធរណ៍នឹង​បើក​សវនាការ​រឿង​ក្តី​លោក ឈូក បណ្ឌិត​ អតីតអភិបាល​​​ក្រុង​​​បាវិតនៅ​ចុង​ខែ​នេះ

មន្ត្រី​តុលាការ​ម្នាក់​​និយាយ​កាល​ពី​ម្សិល​​​មិញ​ថា នៅ​ចុង​ខែ​នេះ​សាលា​ឧទ្ធរណ៍​នឹង​បើក​​​​សវ​នាការ​រឿង​ក្តី​លោក ឈូក បណ្ឌិត អតីត​​​​អភិបាល​ក្រុង​បាវិត ដែល​ត្រូវ​បាន​ផ្តន្ទា​ទោស​​​​ពី​បទ​បាញ់​កម្មករ​រោង​ចក្រ​កាត់​ដេរ​បី​នាក់​ឲ្យ​រង​របួស ប៉ុន្តែ កំពុង​រត់​គេច​ខ្លួន​នៅ​ឡើយ​។ បើ​ទោះ​ណា​ជា សាលា​ដំបូង​ខេត្ត​ស្វាយ​រៀង​​​​បាន​ផ្តន្ទា​ទោស​អតីត​អភិបាល​ក្រុង​រូប​នេះ​ឲ្យ​ជាប់​ពន្ធនាគារ​រយៈពេល​១៨​ខែ​កាល​ពី​ខែ​មិថុនា និង​បាន​បង្គាប់​ឲ្យ​ចាប់​ខ្លួន​​គាត់​ភ្លាមៗ​ក៏​ដោយ ក៏​អាជ្ញាធរ​មិន​បាន​ចាប់​ខ្លួន​​គាត់​ដែរ ហើយ​បច្ចុប្បន្ន​នេះ​គេ​មិន​ដឹង​ពី​កន្លែង​លាក់​ខ្លួន​របស់​គាត់​ឡើយ។ សាលា​ដំបូង​ខេត្ត​បាន​រក​ឃើញ​ថា លោក ឈូក​ បណ្ឌិត មាន​ពិរុទ្ធភាព​បន្ទាប់​ពី​សាលា​ឧទ្ធរណ៍​បាន​បង្គាប់​ឲ្យ​ធ្វើ​ការ​ស៊ើប​អង្កេត​រឿង​​​​ក្តី​នេះ​ឡើង​វិញ​កាល​ពី​ដើម​ឆ្នាំ​នេះ។ បន្ទាប់​ពី​ប្រកាស​សាលក្រម​ មេធាវី​របស់់​​​លោក ឈូក​ បណ្ឌិត​ មិន​បាន​ប្តឹង​ឧទ្ធរណ៍​ទេ​កាល​ពី​ខែ​កក្កដា។ លោក តាំង ស៊ុនឡាយ...

ព្រះមហា​ក្សត្រ​ព្រះ​​រាជ​ទា​ន​​​​លើក​លែង​ទោស​​ដល់​​ជន​ជាតិថៃ​​​​ដែលដាក់បង្កប់គ្រាប់មីន

យោង​តាម​ព្រះ​រាជ​ក្រឹត្យ​​ចុះ​ថ្ងៃ​​​ទី​១៣​ខែ​កញ្ញា ​​និ​ង​ទទួល​បាន​​​កា​ល​ពី​ម្សិល​មិញ ​​បា​ន​ឲ្យ​ដឹង​​​​ថា ជន​ជាតិ​ថៃ​ម្នាក់​​​ដែល​​​​ជាប់​​ទោស​​ក្នុ​ង​ពន្ធ​នា​គារ​​រយៈ​ពេល​​២០​ឆ្នាំ​ ​ពី​បទ​ដាក់​គ្រាប់​មី​ន​នៅ​តា​ម​​​​បណ្តោយ​ព្រំ​​​ដែន​​ក​ម្ពុជា​-​ថៃ​ក្នុង​ឆ្នាំ២០០៩ ត្រូ​វ​បា​ន​ព្រះ​​មហា​ក្សត្រ នរោត្តម​សី​ហ​មុនី ​ព្រះ​ប្រ​​ទាន​កា​រ​លើក​លែ​ង​ទោស។ ឈ្មោះ​ ស៊ូផាព ​វង្សា​ប្រាក់​ណា (Suphap Wongsaprakna) ​​អាយុ​​៣៩​ឆ្នាំ​ ត្រូ​វ​បា​ន​ចាប់​ខ្លួន​កា​ល​ពី​​ដើម​ឆ្នាំ​​២០០៩ ពេល​​​កំ​ពុ​ង​​ដឹក​​គ្រាប់​មីន​​ប្រ​ឆាំ​ង​​មនុស្ស​នៅក្បែរ​ព្រំ​​ដែន​​ក្នុ​ង​​ខេត្ត​ឧត្តរមាន​​​ជ័យ​ ហើយ​មួយឆ្នាំ​ក្រោយ​មក ត្រូ​វ​បា​នតុលាការ​យោធា​កាត់​​ទោស ​តាម​ការ​​ចោទ​ប្រ​កាន់​​​ពី​បទ​ប៉ុន​​ប៉ង​មនុស្ស​ឃាត​​​​ ដោយ​ប្រើ​គ្រឿង​ផ្ទុះ​ ដែល​​​​​បង្ក​​ផល​​​ប៉ះ​ពាល់​អាក្រក់ដល់​សន្តិ​សុខ​​ជាតិ ​និងបាន​ចូ​ល​​ក្នុ​ង​ប្រទេ​ស​​កម្ពុជា​​​​ដោ​យ​ខុស​​ច្បាប់។ ​​នៅ​​តុ​លា​កា​រ​ លោក ​ស៊ូផាព ​បា​ន​និយា​យ​​​ថា​ ​​ខ្លួន​ត្រូ​វ​បា​ន​​​ទាហា​ន​​​ថៃ​​ឲ្យ​លុយ​​ក្នុង​ចន្លោះ​ពី៦០​ដុល្លារទៅ​​៩០​ដុល្លារ ​ចំ​នួ​ន​​​ពីរ​លើក​​ដើម្បី​ឲ្យ​ខ្លួន​ដាក់​​គ្រាប់​​មីន​ក្នុងក្តីសង្ឃឹម​ថា ​នឹង​​ធ្វើ​ឲ្យ​​​ទាហា​ន​​​កម្ពុជា​​រង​របួស​។ ​ព្រះ​​រាជ​​ក្រឹត្យ​​​មា​ន​ខ្លឹម​​សារដោ​យ​មិន​​មាន​សេចក្តីបញ្ជាក់​លម្អិតថា “លើក​លែ​ង​ទោស​​​អ្នក​​ទោស​​ឈ្មោះ ​ស៊ូផា​ព វង្សាប្រាក់​ណាអា​យុ​៣៩​ឆ្នាំ​ ដែល​តុ​លាការ​​​បា​ន​សម្រេច​​ផ្តន្ទា​​ទោស​ដាក់​​​​ពន្ធនា​គារ​​នៅថ្ងៃ​​​ទី​១២ ខែ​កុម្ភៈ ឆ្នាំ​​២០១០”។ លោក ព្រំ សន​ថុន ព្រះ​រាជ​អា​ជ្ញា​​រង​​​​​អម​តុ​លា​ការ​យោ​ធា ​បា​ន​លើកឡើង​ថា លោក​​មិន​បា​ន​​ដឹង​អំ​ពី​​​ព្រះ​រាជ​លើក​លែង​ទោស​នេះ​ទេ។ លោក​បា​ន​​មា​ន​ប្រ​សាស​ន៍ថា “ ខ្ញុំ​មិន​ទាន់​បា​ន​​ទទួល​​ឯក​សារ​​ណាមួ​យ​​​ទេ ហើយ​​បច្ចុប្បន្ន​នេះ​អ្នក​​ទោស​​ថៃ​​រូ​ប​នេះ​ កំ​ពុ​ង​​ត្រូវ​ឃុំ​ខ្លួន​នៅឯ​ពន្ធ​នា​គារ​។ លោក​បា​ន​បដិសេធ​មិន​ធ្វើ​អត្ថា​​ធិ​ប្បាយ​​ថែម​​ទៀត​​​ទេ៕ ប្រែ​សម្រួល​ដោ​យ ​ចេវ ប៊ុននី​

MEDIA FEEDS

Popular

video

IDEA TALK ៖ តើពលរដ្ឋសហគមន៍ត្រូវនាំគ្នាបង្ការជម្ងឺកូវីដ១៩ ឱ្យមានប្រសិទ្ធិភាពដោយរបៀបណា?

កម្មវិធី Idea Talk សំរាប់រាត្រីថ្ងៃទី៣០ ខែវិច្ឆិកា ឆ្នាំ២០២០ ស្តីអំពី៖ តើពលរដ្ឋសហគមន៍ត្រូវនាំគ្នាបង្ការជម្ងឺកូវីដ១៩ ឱ្យមានប្រសិទ្ធិភាពដោយរបៀបណា?