សហរដ្ឋអាមេរិកថា ប្រទេសកម្ពុជានៅតែមានការរំលោភសិទ្ធិមនុស្ស
ក្រសួងការបរទេសសហរដ្ឋអាមេរិក បានលើកឡើងនៅក្នុងរបាយការណ៍ ស្តីពីសិទ្ធិមនុស្សប្រចាំឆ្នាំរបស់ខ្លួនមួយ ដែលបានផ្សព្វផ្សាយឲ្យដឹងកាលពីថ្ងៃសុក្រថា កំណត់ត្រាស្តីពីសិទ្ធិមនុស្សរបស់ប្រទេសកម្ពុជា កាលពីឆ្នាំមុន បានធ្លាក់ចុះដោយសារប្រព័ន្ធយុត្តិធម៌ពុករលួយ បញ្ហាកង្វះធនធានហិរញ្ញវត្ថុ អសមត្ថភាពក្នុងការដោះស្រាយជម្លោះដីធ្លី ដ៏ហិង្សា ហើយកងកម្លាំងសន្ដិសុខ មានជាប់ពាក់ព័ន្ធនឹងអំពើមនុស្សឃាត។
ខណៈដែលឆ្នាំទៅមិនមានការចាប់ដាក់ពន្ធនាគារ និងអំពើមនុស្សឃាត ដោយសាររឿងនយោបាយទេ តែរបាយការណ៍នេះបានលើកឡើងថា មន្ត្រីនគរបាលក្នុងប្រទេសកម្ពុជាត្រូវបានគេរកឃើញជារឿយៗថាបានធ្វើទណ្ឌកម្មទាំងផ្លូវកាយ និងផ្លូវចិត្តមកលើអ្នកទោស ហើយការរំលោភសិទ្ធិមនុស្សដោយមន្ដ្រីនគរបាល កម្រត្រូវបានគេផ្ដន្ទាទោសណាស់។
ក្រសួងការបរទេសសហរដ្ឋអាមេរិក បានលើកឡើងទៀតថា “ ការទាត់ធាក់ ដាល់ ការវាយនឹងកំាភ្លើងខ្លី ត្រូវបានគេរាយការណ៍មកថា ជាវិធីសាស្ត្ររំលោភបំពានខាងផ្លូវកាយដែលត្រូវបានគេប្រើជាញឹកញាប់បំផុត ប៉ុន្ដែការធ្វើទារុណកម្មដោយឆក់ខ្សែភ្លើង ជ្រមុជទឹក វាយដំនឹងដំបង ព្រមទាំងវាយនឹងខ្សែភ្លើង ក៏ត្រូវបានប្រើប្រាស់នៅក្នុងពន្ធនាគារផងដែរ”។
ការផ្សព្វផ្សាយរបាយការណ៍នេះត្រូវបានធ្វើឡើងចំពេលមានការបណ្ដេញប្រជាពលរដ្ឋចេញពីលំនៅដ្ឋានដ៏ហិង្សាមួយនាពេលថ្មីៗនេះនៅក្នុងខេត្តក្រចេះ ដែលកងកម្លាំងសន្តិសុខបាញ់សម្លាប់ក្មេងស្រីអាយុ១៤ឆ្នាំម្នាក់ ព្រមទាំងមានការចាប់ខ្លួនស្ត្រីចំនួន១៣នាក់មកពីសហគមន៍បឹងកក់ក្នុងរាជធានីភ្នំពេញ ដោយបានផ្តន្ទាទោសដាក់ពន្ធនាគារម្នាក់ៗរយៈពេលពីរឆ្នាំកន្លះកាលពីថ្ងៃព្រហស្បតិ៍ បន្ទាប់ពីពួកគាត់ត្រូវបានគេរកឃើញថាមានទោសពីបទចូលកាន់កាប់ដីដោយខុសច្បាប់ និងប្រព្រឹត្តអំពើបះបោរមានស្ថានទម្ងន់ទោស នៅពេលពួកគេតវ៉ាទាមទារដីធ្លីរបស់ខ្លួន។
យោងតាមក្រសួងការបរទេសអាមេរិកបានឲ្យដឹងថា កាលពីឆ្នាំ២០១១ខណៈដែលមន្ត្រីរដ្ឋាភិបាលនានាត្រូវបានគេរកឃើញថា បានប្រព្រឹត្តបទឧក្រិដ្ឋហើយនោះ អ្នកទាំងនោះតែងតែរួចផុតពីសំណាញ់ច្បាប់ទៅវិញ ចំណែកឯប្រជាពលរដ្ឋត្រូវបានបង្ខិតបង្ខំឲ្យឆ្លើយសារភាពថា ជាប់ពិរុទ្ធភាព ដើម្បីធ្វើជាភស្ដុតាងក្នុងពេលបើកសវនាការកាត់ទោសពួកគាត់។
របាយការណ៍នេះបានឲ្យដឹងថា “ តុលាការបានប្រើប្រាស់ចម្លើយសារភាព ដែលទទួលបានដោយការបង្ខិតបង្ខំ មកធ្វើជាភស្តុតាងក្នុងពេលបើកសវនាការ ទោះបីជាមានការហាមប្រាមដោយច្បាប់ថា មិនអាចយកជាការបានក៏ដោយ”។
ជាឧទាហរណ៍ មានរឿងមួយដែលបានកើតឡើងកាលពីខែមិថុនាឆ្នាំមុន នៅពេលសាលាដំបូងខេត្តកំពង់ធំបានបិទសំណុំរឿងមួយប្រឆាំងនឹងមន្ត្រីនគរបាលនៅស្រុកបារាយណ៍ ដែលគេបានចោទថា បានវាយធ្វើបាប ព្រមទាំងឆក់ខ្សែភ្លើងបុរសម្នាក់ ដើម្បីឲ្យឆ្លើយសារភាព ក្នុងករណីវាយដំគ្នាមួយនៅតាមដងផ្លូវ។
របាយការណ៍នេះបានលើកឡើងទៀតថាតុលាការមិនគ្រាន់តែរងឥទ្ធិពលដោយសារការបង្ខំយកចម្លើយតាមរយៈការធ្វើទារុណកម្មប៉ុណ្ណោះទេ។ ក៏ប៉ុន្ដែកាលពីឆ្នាំទៅកង្វះចៅក្រមក៏បានបណ្ដាលឲ្យមានការពន្យារពេលបើកសវនាការជំនុំជម្រះក្តីផងដែរ ចំណែកឯប្រាក់ខែតិចតួចព្រមទាំងការបណ្ដុះបណ្ដាលមិនបានគ្រប់គ្រាន់ ក៏ជាចំណែកមួយ ដែលធ្វើឲ្យជនជាប់ចោទកំពុងតែត្រូវបានគេអនុញ្ញាតឲ្យរួចផុតពីការផ្តន្ទាទោស ដោយសារតែអំពើពុករលួយ និងកង្វះប្រសិទ្ធភាពផងដែរ។
របាយការណ៍នេះក៏បានកត់សម្គាល់ផងដែរថា ការរឹតបន្ដឹងចំពោះសេរីភាពជួបជុំគ្នា កំពុងតែបន្ដកើតមាន ចំណែកឯករណីបណ្ដេញចេញពីលំនៅដ្ឋានដោយបង្ខំ ក៏បានកើនឡើងផងដែរ កាលពីឆ្នាំទៅ បើប្រៀបធៀបនឹងឆ្នាំ២០១០។ យោងតាមរបាយការណ៍នេះបានឲ្យដឹងថា ដូចដែលតែងតែកើតមានក្នុងពេលមុនៗដែរ ការសូកប៉ាន់នៅតែមានសភាពធ្ងន់ធ្ងរនៅឡើយ ទោះបីជាអង្គភាពប្រឆាំងអំពើពុករលួយ ដែលទើេបតែបានបង្កើតឡើង នាពេលថ្មីៗនេះ បានចាប់ខ្លួនឧត្ដមសេនីយ៍ មឹក តារា អតីតនាយនគរបាលប្រឆាំងគ្រឿងញៀនរបស់ប្រទេសកម្ពុជា ពីបទប្រព្រឹត្តអំពើពុករលួយ និងការជួញដូរគ្រឿងញៀនក៏ដោយ។ តាំងពីពេលនោះមក អតីតនាយនគរបាលរូបនេះបានត្រូវផ្តន្ទាទោសឲ្យជាប់ពន្ធនាគារអស់មួយជីវិត បន្ទាប់ពីបានបើកសវនាការផ្តន្ទាទោសដ៏យូរនេះ បានស្ដែងឲ្យឃើញនូវកម្រិតបទឧក្រិដ្ឋ នៅក្នុងនាយកដ្ឋានរបស់គាត់ព្រមទាំងនៅក្នុងចំណោមមន្ត្រីអនុវត្តច្បាប់ដទៃទៀតនៅក្នុងជួរកងកម្លាំងនគរបាលជាតិ។
ក្រសួងការបរទេសសហរដ្ឋអាមេរិកបានលើកឡើងនៅក្នុងរបាយការណ៍នេះថា គេគិតថា អំពើពុករលួយមានសភាពធ្ងន់ធ្ងរ ហើយរីករាលដាលគ្រប់ស្ថាប័នសង្គមទាំងអស់ រួមមានស្ថាប័ននីតិប្រតិបត្តិ ស្ថាប័ននីតិបញ្ញត្តិនិងស្ថាប័នតុលាការនៃរដ្ឋាភិបាល។
មានរបាយការណ៍ជាច្រើនឲ្យដឹងថា មន្ត្រីនគរបាល ព្រះរាជអាជ្ញា ចៅក្រមស៊ើបអង្កេតនិងប្រធានក្រុមប្រឹក្សាជំនុំជម្រះបានទទួលសំណូកពីសំណាក់ម្ចាស់ក្រុមហ៊ុននានា ដែលរកស៊ីខុសច្បាប់”។
លោក ម៉ក់ សម្បត្តិ អនុប្រធានគណៈកម្មាធិការសិទ្ធិមនុស្សរបស់រដ្ឋាភិបាលបានមានប្រសាសន៍ឲ្យដឹងថា របាយការណ៍របស់ក្រសួងការបរទេសសហរដ្ឋអាមេរិក និងចំណាប់អារម្មណ៍របស់ខ្លួនចំពោះសិទ្ធិមនុស្សនៅក្នុងប្រទេសកម្ពុជា ផ្អែកលើទិដ្ឋភាពមួយជ្រុងប៉ុណ្ណោះ។
លោក...
សាលាដំបូងរាជធានី ភ្នំពេញចោទប្រកាន់សកម្មជនជាព្រះសង្ឃ ពីបទញុះញង់អ្នកតវ៉ា
ឯកសារតុលាការ ដែលទទួលបានកាលពីថ្ងៃសុក្រ បង្ហាញថា សាលាដំបូងរាជធានីភ្នំពេញបានចោទប្រកាន់សកម្មជនជាព្រះសង្ឃព្រះនាម លួន សុវ៉ាត ពីបទញុះញង់ឲ្យមានការប្រព្រឹត្តទង្វើនានាទាំងក្នុងប្រទេសកម្ពុជា និងក្រៅប្រទេស។
ឯកសារតុលាការ ដែលចុះហត្ថលេខាដោយចៅក្រុមស៊ើបសួរ ឌុចគីមសន កាលពីថ្ងៃទី១៤ ខែកុម្ភៈ ត្រូវបានបញ្ជូនទៅលោក អង្គ វង្សវឌ្ឍានា រដ្ឋមន្ត្រីក្រសួងយុត្តិធម៌នៅថ្ងៃបន្ទាប់ ហើយត្រូវបានបញ្ជូនបន្ដទៅក្រសួងធម្មការ និងសាសនា កាលពីខែមីនា ប៉ុន្តែឯកសារទាំងនោះមិនផ្ដល់សេចក្ដីលម្អិតពីបទចោទប្រកាន់នេះឡើយ។
ទោះយ៉ាងណា ឯកសារទាំងនេះបង្ហាញពីភាពធ្ងន់ធ្ងរ ដែលអាជ្ញាធរប្រើដើម្បីបំបិទមាត់ព្រះតេជគុណ លួន សុវ៉ាត ដែលល្បីឈ្មោះដោយសារតែព្រះអង្គធ្វើសកម្មភាពឲ្យមានការរួបរួមគ្នាក្នុងចំណោមជនរងគ្រោះដោយសារជម្លោះដីធ្លី ហើយព្រះអង្គបានទទួលពានរង្វាន់សិទ្ធិមនុស្ស ហេលមែន/ហែមមេត (Hellman/Hammett)។
ទោះជាយ៉ាងណា ឯកសារទាំងនេះបង្ហាញពីភាពធ្ងន់ធ្ងរ ដែលអាជ្ញាធរប្រើដើម្បីបំបិទមាត់ព្រះតេជគុណ លួន សុវ៉ាត ដែលល្បីឈ្មោះដោយសារតែព្រះអង្គធ្វើសកម្មភាពឲ្យមានការរួបរួមគ្នាក្នុងចំណោមជនរងគ្រោះដោយសារជម្លោះដីធ្លី ហើយព្រះអង្គបានទទួលពានរង្វាន់សិទ្ធិមនុស្ស ហេលមែន/ហែមមេត (Hellman/Hammett)។ កាលពីថ្ងៃព្រហស្បតិ៍ព្រះអង្គត្រូវបានចាប់បញ្ចូលទៅក្នុងរថយន្ដមួយគ្រឿងនៅកន្លែងតវ៉ា ដែលមានមនុស្សជាច្រើនបានជួបជុំគ្នានៅខាងក្រៅសាលាដំបូងរាជធានីភ្នំពេញ
ដើម្បីសុំ ឲ្យមានការដោះលែងស្ត្រីអ្នកតវ៉ាមកពីសហគមន៍បឹងកក់ចំនួន១៣នាក់ ដែលត្រូវបានតុលាការកាត់ទោសឲ្យជាប់ពន្ធនាគារក្នុងម្នាក់ៗពីរឆ្នាំកន្លះ។ បន្ទាប់ពីត្រូវបានចាប់ខ្លួន ព្រះតេជគុណត្រូវបានគេបញ្ជូនទៅកាន់វត្តបទុម ដែលនៅទីនោះសម្តេចព្រះសង្ឃនាយកបានស្នើឲ្យព្រះអង្គបញ្ឈប់សកម្មភាពជួយគាំទ្រអ្នកតវ៉ា។
កាលពីថ្ងៃសុក្រ ព្រះតេជគុណលួនសុវ៉ាតមានសង្ឃដីកាថា ព្រះអង្គបានទទួលឯកសារតុលាការពីព្រះសង្ឃមួយអង្គ កាលពីព្រឹកម្សិលមិញ ហើយថា ឥឡូវនេះព្រះអង្គកំពុងតែពិចារណាថាតើគួរតែគង់នៅក្នុងប្រទេសកម្ពុជា ឬក៏អត់។
ព្រះតេជគុណមានសង្ឃដីកាថា “ អាត្មាមិនព្រួយបារម្ភអំពីឯកសារតុលាការទេ ពីព្រោះអាត្មាមិនបានប្រព្រឹត្តបទល្មើសដូចដែលតុលាការបានចោទប្រកាន់នោះទេ”។ព្រះតេជគុណមានសង្ឃដីកាបន្ដថា “អាត្មាបារម្ភអំពីការគង់នៅក្នុងប្រទេសកម្ពុជា ពីព្រោះមន្ត្រីតុលាការមិនគោរពច្បាប់ទេប៉ុន្តែឥឡូវនេះ អាត្មាកំពុងពិចារណាថាតើអាត្មាគួរដើរចេញឬក៏អត់។អាត្មាមិនទាន់ច្បាស់ថាតើអាត្មានឹងគង់នៅក្នុងប្រទេសកម្ពុជាឬទៅក្រៅប្រទេសនោះទេ”។
ដោយមានការរើបម្រះពីការចាប់បញ្ចូលរថយន្ដកាលពីថ្ងៃព្រហស្បតិ៍នោះ ព្រះតេជគុណ លួន សុវ៉ាត បានមានសង្ឃដីកាថា ក ព្រះកេស និងព្រះបាតរបស់ព្រះអង្គនៅមានការឈឺចាប់នៅឡើយ ហើយព្រះអង្គចាត់ទុកថា ការប្រើអំពើហិង្សាមកលើព្រះអង្គជាការប្រឆាំងនឹងតម្លៃព្រះពុទ្ធសាសនា។
ព្រះអង្គបានមានសង្ឃដីកាថា “ អាត្មាមិនដាក់ពាក្យបណ្ដឹងប្តឹងពួកគេទេ ពីព្រោះអាត្មាជាព្រះសង្ឃ ហេតុដូច្នេះអាត្មាមិនចង់ធ្វើឲ្យនរណាម្នាក់ឈឺចាប់ឡើយ។ ប៉ុន្ដែអាត្មាសូមអំពាវនាវដល់សហគមន៍អន្ដរជាតិឲ្យជួយប្រជាពលរដ្ឋកម្ពុជា ដែលទទួលរងការឈឺចាប់ក្នុងជម្លោះដីធ្លី”។
ចាប់តាំងពីក្លាយជាសកម្មជនសិទ្ធិមនុស្សដ៏ល្បីឈ្មោះមក ព្រះអង្គបានទទួលពានរង្វាន់ពីអង្គការម៉ាទីនអេនណេល (Martin Ennals) ដែលមានមូលដ្ឋាននៅក្នុងហ្សឺណែវ ហើយអាជ្ញាធរបានខិតខំរារាំងសកម្មភាពរបស់ព្រះអង្គយ៉ាងខ្លាំង។
កាលពីខែមេសាឆ្នាំមុន បន្ទាប់ពីព្រះតេជគុណ លួនសុវ៉ាតបានចូលរួូមពាក់ព័ន្ធនៅក្នុងការតវ៉ាជាបន្ដបន្ទាប់ដើម្បីគាំទ្រអ្នកភូមិបឹងកក់ ឲ្យទទួលបានប័ណ្ណកម្មសិទ្ធិដីធ្លីមកសម្ដេចព្រះសង្ឃនាយក...
កម្មករ៣០០នាក់នាំគ្នាតវ៉ានៅឯរោងចក្រដំឡើងទោចក្រយានយន្ត ហុងដា ក្នុងខណ្ឌពោធិ៍សែនជ័យ
តំណាងសហជីពបានឲ្យដឹងកាលពីថ្ងៃពុធថា កម្មករប្រមាណ៣០០នាក់មកពីរោងចក្រក្នុងរាជធានីភ្នំពេញមួយកន្លែង ដែលដំឡើងទោចក្រយានយន្ត ហុងដា បានធ្វើបាតុកម្មកាលពីថ្ងៃពុធ ដើម្បីទាមទារឲ្យរោងចក្រទទួលយកតំណាងសហជីពរបស់ពួកគេចូលធ្វើការជាធម្មតាវិញ តាមបទបញ្ជារបស់ក្រុមប្រឹក្សាអាជ្ញាកណ្តាល។
លោក យឿង សុភារ៉ា មន្ត្រីផ្នែកច្បាប់នៅសហភាពការងារកម្ពុជាបានឲ្យដឹងថា សហភាពការងារកម្ពុជា បានជួយជ្រោមជ្រែងក្នុងការបង្កើតសហជីពថ្មីមួយកាលពីខែធ្នូកន្លងទៅនេះនៅឯក្រុមហ៊ុន Honda NCX ក្នុងខណ្ឌពោធិ៍សែនជ័យ ដោយហៅសហជីពថ្មីនេះថា សហជីពនយោជិតប្រជាធិបតេយ្យក្រុមហ៊ុនអិុនស៊ីអុិក្ស (Democratic Employee Union of NCX Company)។ ប៉ុន្តែបន្ទាប់ពីបានបង្កើតសហជីពថ្មីនេះរួចមក មេដឹកនាំសហជីព អគ្គលេខាធិការ ព្រមទាំងសកម្មជនសហជីពពីរនាក់ទៀត ត្រូវបានបណ្តេញចេញពីការងារ។
លោក គុណ រី អនុប្រធានសហជីពថ្មីនេះ បានលើកឡើងថា ប្រធានរដ្ឋបាលរោងចក្រ បានជំទាស់នឹងបទបញ្ជា ដែលចេញដោយក្រុមប្រឹក្សាអាជ្ញាកណ្តាលកាលពីខែមីនា ដែលបញ្ជាឲ្យរោងចក្រទទួលយកតំណាងសហជីពចំនួនបួននាក់ចូលធ្វើការវិញ។
ក្រុមកម្មករក៏កំពុងតែធ្វើបាតុកម្មទាមទារ ឲ្យគេទទួលយកលោក អ៊ុច សុភាព ជាអតីតមេដឹកនាំសហជីពមួយផ្សេងទៀតចូលមកធ្វើការនៅរោងចក្រនេះវិញដែរ។ លោក គុណ រី បានឲ្យដឹងថា លោក អ៊ុច សុភាព ត្រូវបានបណ្តេញចេញដោយសារតែក្រុមហ៊ុនមានការរើសអើងចំពោះរូបគាត់។
លោក គុណ រី បាននិយាយបន្ថែមទៀតថា “គោលបំណងចម្បងរបស់យើងគឺ ទាមទារឲ្យគេទទួលយកអ្នកទាំងប្រាំនេះចូលមកធ្វើការក្នុងរោងចក្រជាធម្មតាវិញ” ដោយលោកបានបន្ថែមទៀតថា ការទាមទារផ្សេងៗទៀតពីសំណាក់ក្រុមកម្មករ រួមមានប្រាក់ឈ្នួលបន្ថែមចំនួនប្រាំដុល្លារ ព្រមទាំងទឹកប្រាក់ក្នុងមួយខែចំនួន២០ដុល្លារទៀត សម្រាប់រយៈពេល១៨ខែ ជូនដល់ស្ត្រី...
ការខិតខំប្រឹងប្រែងអភិរក្សក្តាមធ្វើឲ្យទិន្នផល និងតម្លៃក្តាមនៅលើទីផ្សារមានការកើនឡើង
ក្រុមមន្ត្រីឲ្យដឹង កាលពីថ្ងៃពុធថា គុណភាពនិងតម្រូវការក្តាមនៅលើទីផ្សារអន្តរជាតិកើនឡើង ធ្វើឲ្យតម្លៃក្តាមមានការកើនឡើង ក្នុងរយៈពេលមួយឆ្នាំកន្លងទៅនេះ។ នៅតាមខេត្តមួយចំនួនតម្លៃក្តាមកើនឡើងដល់៦៦ភាគរយ ក្នុងរយៈពេល១២ខែកន្លងទៅនេះ។
លោក គឺន គិរី នាយជលផលខេត្ដកោះកុងបានមានប្រសាសន៍ថា អ្នកនេសាទនៅខេត្តកោះកុងកំពុងលក់ក្ដាមតម្លៃប្រាំដុល្លារក្នុងមួយគីឡូក្រាម ដោយកើនឡើងពីឆ្នាំទៅ ដែលមានតម្លៃតែបីដុល្លារប៉ុណ្ណោះក្នុងមួយគីឡូក្រាម ដោយអ្នកនេសាទជ្រើសរើសលក់តែក្ដាមធំៗប៉ុណ្ណោះ ហើយយកក្ដាមញីដែលមានពងទៅកន្លែងភ្ញាស់ក្តាមតាមមូលដ្ឋាន។
តំបន់អភិរក្សចំនួនប្រាំបីកន្លែង ដែលតំបន់នីមួយៗមានផ្ទៃដីចាប់ពី៩.០០០ហិកតាទៅ២០.០០០ហិកតា ត្រូវបានគេបង្កើតឡើងក្នុងខេត្តកោះកុង។តំបន់អភិរក្សទាំងនេះ រួមជាមួយនឹងការកើនឡើងនូវការអប់រំស្ដីពីវិធីបង្កើនគុណភាពគ្រឿងសមុទ្រផងដែរនោះ បានផ្តល់ផលប្រយោជន៍សម្រាប់ក្រុមអ្នកនេសាទនៅក្នុងខេត្តកោះកុង។
លោក គឺន គិរីបានឲ្យដឹងថា “បច្ចុប្បន្ននេះក្រុមគ្រួសាររបស់អ្នកនេសាទទាំងអស់មានការយល់ដឹងអំពីវិធីសាស្ត្រអភិរក្សក្ដាមនៅក្នុងតំបន់ដែលពួកគាត់នេសាទ ដោយពួកគាត់ជ្រើសរើសតែក្ដាមធំៗយកទៅលក់”។
ទោះបីជាលោក គឺន គិរី មិនបានដឹងច្បាស់អំពីបរិមាណក្ដាម ដែលគេកំពុងលក់ចេញឬចិញ្ចឹមក៏ដោយ ក៏លោកមានប្រសាសន៍បន្ថែមទៀតថា ការកើនឡើងតម្លៃប្រេងសាំងក៏កំពុងតែប៉ះពាល់ដល់តម្លៃក្ដាមផងដែរ។ ក្ដាមដែលមានទំហំអាចលក់បានប្រមាណ៨០ភាគរយត្រូវបានគេនាំចេញទៅកាន់ប្រទេសថៃ ចំណែកឯចំនួនសល់ពីនេះត្រូវនាំទៅលក់នៅរាជធានីភ្នំពេញ”។
អ្នកស្រី នួ ចៃ ប្រធានសហគមន៍អភិរក្សក្ដាមនៅស្រុកស្រែអំបិល ក្នុងខេត្តកោះកុង បាននិយាយថា ការខិតខំប្រឹងប្រែងអភិរក្សក្ដាមធ្វើឲ្យទិន្នផលក្ដាមសម្រាប់អ្នកនេសាទមានការកើនឡើងចន្លោះពី៧ទៅ១០គីឡូក្រាមក្នុងមួយថ្ងៃកាលពីឆ្នាំទៅ ដល់ចន្លោះពី១០ទៅ២០គីឡូក្រាមក្នុងពេលសព្វថ្ងៃនេះ។អ្នកស្រី នួ ចៃ ឲ្យដឹងថា “ចំនួនក្ដាមកំពុងតែកើនឡើងនៅទីនេះ ដោយសារតែមានការអភិរក្សកាន់តែប្រសើរជាងមុនពីសំណាក់អ្នកនេសាទប្រមាណ២៥២គ្រួសារ”។
យោងតាមលោក ពឿន ផល្លានាយជលផលខេត្តកែប បានឲ្យដឹងថា ចំនួនក្ដាមនៅក្នុងខេត្តកែប ក៏កំពុងតែកើនឡើងផងដែរ ហើយលោកបន្ថែមថា ចំនួនក្ដាមបានកើនឡើងដល់ទៅបួនដងក្នុងរយៈពេល១២ខែកន្លងទៅនេះ។
លោក ពឿន ផល្លា បានមានប្រសាសន៍ថា“ក្ដាមនៅខេត្តកែបមានរសជាតិឆ្ងាញ់ជាងក្ដាមនៅខេត្តកោះកុង និងខេត្តកំពតដូច្នេះតម្លៃក៏ថ្លៃជាងដែរ” ដោយលោកបន្ថែមថា ទោះបីជាលោកមិនដឹងច្បាស់អំពីបរិមាណក្ដាមដែលកសិករចិញ្ចឹមបានក៏ដោយ ក៏លោកបានឲ្យដឹងថា ទិន្នផលក្ដាមបានកើនឡើងយ៉ាងច្រើន ហើយត្រូវបានលក់ចេញក្នុងតម្លៃរហូតដល់១០ដុល្លារក្នុងមួយគីឡូក្រាម។
យោងតាមអាជីវករលក់ក្ដាមនៅផ្សារអូឫស្សីឈ្មោះ ស៊ុំ ឌី បានឲ្យដឹងថា ដោយតម្លៃក្ដាមកំពុងតែកើនឡើង តម្លៃក្ដាមនៅក្នុងរាជធានីភ្នំពេញបានកើនឡើងពីតម្លៃ៨,៧៥ដុល្លារក្នុងមួយគីឡូក្រាមកាលពីឆ្នាំទៅដល់តម្លៃ១២,៥ដុល្លារ ក្នុងមួយគីឡូក្រាមក្នុងពេលបច្ចុប្បន្ននេះ៕
ប្រែសម្រួលដោយហួងកុកទៀន
រោងចក្រអះអាងថាអ្នកទិញបែរទៅភូមាវិញបើការតវ៉ានៅបន្ត
តំណាងរោងចក្រកាត់ដេរផ្គត់ផ្គង់សម្លៀកបំពាក់ យីហោ អេច អេន អឹម (H& M) ហ្គេប(Gap) និង លីវ៉ាយស្ត្រស(Levi Strauss) បានលើកឡើងកាលពីម្សិលមិញថា ក្រុមហ៊ុនបញ្ជាទិញរបស់ខ្លួននឹងបញ្ជាទិញនៅកន្លែងផ្សេងវិញ ប្រសិនការធ្វើកូដកម្មទាមទារប្រាក់ឈ្មួល និងផលប្រយោជន៍ខ្ពស់ជាងមុនក្នុងរោងចក្រពីររបស់ខ្លួននៅតែបន្តទៀតនោះ ។
ទោះយ៉ាងណា មន្ត្រីនៅឯមជ្ឈមណ្ឌលអាមេរិក សម្រាប់ស្ថិរភាពការងារអន្តរជាតិជាអង្គការអន្តរជាតិលើកស្ទួយសិទ្ធិកម្មករបានលើកឡើងថា ក្រុមហ៊ុនបញ្ជាទិញទំនងជាមិនលុបចោលការបញ្ជាទិញរបស់ខ្លួនទេ ហើយថា រោងចក្រមានអារម្មណ៍ថា រងសម្ពាធពីក្រុមហ៊ុនបញ្ជាទិញទាំងនេះ ដើម្បីរកដំណោះស្រាយចំពោះការតវ៉ាតែប៉ុណ្ណោះ។
លោក លឹម ឆខៃ (Lim Chhor Khay)តំណាងជាន់ខ្ពស់របស់រោងចក្រកាត់ដេរអេសអិលកម្ពុជាមានម្ចាស់ជាជនជាតិសិង្ហបុរី ដែលមានកម្មករប្រមាណ៥.០០០នាក់ មកពីរោងចក្រនេះ បានធ្វើកូដកម្មតាំងពីថ្ងៃទី១២ខែឧសភាមកនោះ បានមានប្រសាសន៍ថា ក្រុមហ៊ុនបញ្ជាទិញខ្លះ កំពុងតែពិចារណាលើការផ្លាស់ទិសដៅពាណិជ្ជកម្មរបស់ខ្លួន ទៅកាន់ប្រទេសភូមាវិញដោយសារតែកូដកម្មនៅតែបន្តនោះ។
លោកមានប្រសាសន៍ដោយមិនបានប្រាប់ឈ្មោះរបស់ក្រុមហ៊ុន ដែលបាននិយាយអំពីប្រភពមកពីប្រទេសផ្សេងនោះថា “ ក្រុមហ៊ុនបញ្ជាទិញនឹងទុកពេលឲ្យយើងមួយសបា្តហ៍ទៀត ហើយប្រសិនបើកូដកម្មនៅតែបន្តទៀតនោះ ពួកគេនឹងសំឡឹងមើលទៅភូមាវិញហើយ”។ លោក ឆខៃ បានមានប្រសាសន៍ថា ក្រុមហ៊ុនបានខាតបង់ប្រាក់ប្រហែលមួយលានដុល្លារ ដោយសារកូដកម្មនេះ។
លោក សាន សុផា តំណាងរបស់សម្ពន្ធសហជីពប្រជាធិបតេយ្យកម្មករកាត់ដេរកម្ពុជា បានមានប្រសាសន៍ថា កម្មករប្រហែល១.០០០នាក់បានបន្តតវ៉ាកាលពីម្សិលមិញនៅខាងមុខរោងចក្រនេះ ដើម្បីទាមទារឲ្យដំឡើងប្រាក់ខែប្រាំដុល្លារប្រចាំខែនិង២៥ដុល្លារផ្សេងទៀត រីឯមន្ត្រីនគរបាលនិងកងរាជអាវុធហត្ថប្រមាណជា១០០នាក់បានត្រួតពិនិត្យការតវ៉ានេះ៕
ប្រែសម្រួលដោយ ហម សុផាណ្ណា
បណ្ដេញគ្រួសារអ្នកភូមិនៅក្នុងខេត្តមណ្ឌលគិរីចេញពីលំនៅដ្ឋានមុនពេលកំណត់របស់រដ្ឋាភិបាល
កាលពីម្សិលមិញ កងកម្លាំងសន្ដិសុខ និងបុគ្គលិកក្រុមហ៊ុនចម្ការកៅស៊ូរវៀតណាមក្នុងខេត្តមណ្ឌលគិរី បានបណ្ដេញអ្នកភូមិឲ្យចេញពីលំនៅដ្ឋានខ្លួន មុនថ្ងៃកំណត់បណេ្ដញចេញរបស់រដ្ឋាភិបាលនៅថ្ងៃនេះ។
ក្រុមមន្ត្រី និងអ្នកភូមិបាននិយាយថាអ្នកភូមិភាគច្រើនក្នុងចំណោមអ្នកភូមិប្រហែល២០០គ្រួសារនោះ បានចាកចេញរួចហើយ។ដោយមានកម្លាំងសន្ដិសុខជាង៣០០នាក់ដាក់ពង្រាយក្នុង និងនៅជុំវិញភូមិមួយនៅក្នុងស្រុកកោះញែកនោះ ស្ថានភាពនេះហាក់ដូចជាកំពុងបង្កើនវិធានការបង្ក្រាបរបស់រដ្ឋាភិបាល ដែលបានកើតឡើងកាលពីសប្ដាហ៍មុនក្នុងខេត្តក្រចេះ ដែលនៅក្នុងការបង្ក្រាបនោះ មានក្មេងស្រីអាយុ១៤ឆ្នាំម្នាក់ ត្រូវបានបាញ់សម្លាប់ ខណៈពេលកម្លាំងសន្ដិសុខ២០០នាក់ បណ្តេញប្រជាពលរដ្ឋចំនួន៦០០គ្រួសារចេញពីលំនៅដ្ឋាន។
លោក ស្វាយ សំអាង អភិបាលរងខេត្តមណ្ឌលគិរី បានមានប្រសាសន៍កាលពីម្សិលមិញថា បន្ទាប់ពីប្រជាពលរដ្ឋចំនួន១២៧គ្រួសារសុខចិត្តចាកចេញដោយខ្លួនឯងនោះនៅមានប្រជាពលរដ្ឋចំនួន៦០គ្រួសារទៀត បន្ដរស់នៅក្នុងតំបន់នេះ ។
លោក ស្វាយ សំអាត បានមានប្រសាសន៍បន្ថែមថា “ពេលនេះប្រជាពលរដ្ឋចំនួន១២៧គ្រួសារសុខចិត្តរុះរើផ្ទះរបស់ខ្លួន និងបានចាកចេញពីតំបន់នេះរួចហើយ។ យើងបានផ្ដល់ជាអង្ករ២៥គីឡូក្រាម និងមីមួយកេសឲ្យពួកគាត់។ យើងមិនបានបង្ខំពួកគាត់ឲ្យចាកចេញនោះទេ”។
ប៉ុន្តែអ្នកភូមិបានរៀបរាប់ពីរឿងរ៉ាវផ្សេងទៅវិញ គឺកងកម្លាំងនគរបាលចល័តពីផ្ទះមួយទៅផ្ទះមួយគាបសង្កត់ឲ្យអ្នកភូមិទាំងនោះចាកចេញ និងបានយករណារម៉ាស៊ីនអាររំលំផ្ទះរបស់ពួកគាត់។អ្នកភូមិម្នាក់ឈ្មោះ ថា ដែលបដិសេធមិនប្រាប់នាមត្រកូលរបស់ខ្លួន ព្រោះខ្លាចនគរបាលរករឿងនោះ បាននិយាយថា“ ពួកគេគំរាមយើងថា ប្រសិនបើយើងមិនព្រមចាកចេញ ឬប្រសិនបើយើងហ៊ានតវ៉ានោះពួកគេនឹងប្រើប្រាស់កម្លាំងប្រដាប់អាវុធ មកបណ្តេញយើងចេញ” ហើយគាត់អះអាងថា ពួកគេគំរាមចាប់ខ្លួនអ្នកភូមិណាដែលនិយាយជាមួយអ្នកកាសែត។គាត់និយាយថា “ពួកគេបំផ្លាញផ្ទះរបស់ខ្ញុំ។ពេលនេះខ្ញុំបានបោះតង់សម្រាប់ជ្រក”។
គាត់ក៏បានបញ្ជាក់ផងដែរថា គ្រួសារភាគច្រើនបានចាកចេញរួចហើយ។ ប៉ុន្តែគាត់បាននិយាយថា គាត់និងអ្នកភូមិខ្លះទៀត ដែលត្រូវបានបង្ខំឲ្យចេញពីផ្ទះនោះ បានបោះតង់លើដីនោះសម្រាប់ស្នាក់នៅ។
ឈ្មោះ រិទ្ធ វណ្ណី អ្នកភូមិម្នាក់ក្នុងចំណោមអ្នកភូមិប្រាំនាក់ ដែលគេចខ្លួនមកភ្នំពេញកាលពីថ្ងៃពុធដោយសង្ឃឹមថា នឹងអាចសុំជំនួយពីអង្គការសិទ្ធិមនុស្សអាដហុកនោះ បាននិយាយថា “ អ្នកភូមិទាំងអស់កំពុងត្រូវបានគេគំរាមចាប់ខ្លួន”។ អ្នកស្រីបានបន្ថែមថា “អ្នកភូមិទាំងអស់មានការភ័យខ្លាចខ្លាំងណាស់”។
លោក ស្វាយសំអាង បានមានប្រសាសន៍ថា គ្រួសារដែលនៅសេសសល់ទាំងនោះ ត្រូវបានគេទុកពេលឲ្យពីរថ្ងៃទៀតសម្រាប់រុះរើផ្ទះចាកចេញ ដោយពន្យារពេលកំណត់ដែលត្រូវបណ្ដេញចេញដល់ថ្ងៃអាទិត្យវិញ។
ចាប់តាំងពីសប្ដាហ៍មុនមកម៉្លេះ ទាហាននគរបាល និងកងរាជអាវុធហត្ថ បានដាក់ពង្រាយនៅក្នុងនិងនៅជំុវិញភូមិនេះ ដែលស្ថិតក្នុងដីសម្បទានទៅឲ្យក្រុមហ៊ុនចម្ការកៅស៊ូ ប៉ាស៊ីហ្វិក ជ័ញស្ដុក (Pacific Joint Stock)កាលពីឆ្នាំមុន។
អ្នកភូមិខ្លះបានអះអាងថា អាជ្ញាធរមូលដ្ឋានបានអនុញ្ញាតឲ្យពួកគាត់ជាច្រើនគ្រួសាររស់នៅលើដីនេះ កាលពីឆ្នាំមុន ដែលការអះអាងនេះ ត្រូវបានក្រុមមន្ត្រីបដិសេធ។ គ្រួសារខ្លះក៏បាននិយាយថា ពួកគាត់បាននិងកំពុងរស់នៅលើដីនេះតាំងពីឆ្នាំ២០០៩មកម៉្លេះ គឺមុនពេលរដ្ឋាភិបាលប្រគល់ដីនេះទៅឲ្យក្រុមហ៊ុនចម្ការកៅស៊ូនេះទៅទៀត។តំណាងរបស់ក្រុមហ៊ុននេះមិនអាចទាក់ទងសុំការបំភ្លឺបានទេ៕
ប្រែសម្រួលដោយ ហម សុផាណ្ណា
គណបក្សហ្វុ៊នសុិនបុិច និងគណបក្ស នរោត្តម រណឫទ្ធិ នឹងរួមគ្នា
គណបក្សហ្វុ៊នស៊ិនបុិច និងគណបក្សនរោត្តម រណឫទ្ធិ បានប្រកាសកាលពីម្សិលមិញថា បន្ទាប់ពីបំបែកខ្លួនអស់រយៈពេលជិតប្រាំមួយឆ្នាំ និងតាមរយៈការលើកទឹកចិត្តពីលោកនាយករដ្ឋមន្ត្រី ហ៊ុន សែន គណបក្សរាជានិយមទាំងពីរបានព្រមព្រៀងរួបរួមគ្នាឡើងវិញ មុនការបោះឆ្នោតជ្រើសរើសតំណាងរាស្រ្តនៅឆ្នាំក្រោយ។
ព្រះអង្គម្ចាស់ នរោត្តម រណឫទ្ធិ ព្រះប្រធានគណបក្ស នរោត្តម រណឫទ្ធិ ដែលត្រូវបានបណ្តេញចេញពីតំណែងព្រះប្រធានគណបក្សហ្វុ៊នស៊ិនបុិច ក្នុងឆ្នាំ២០០៦ និងលោកញឹកប៊ុនឆៃប្រធានប្រតិបត្តិគណបក្សហ្វុ៊នស៊ិនបុិច បានលើកឡើងក្នុងសេចក្តីថ្លែងការណ៍ថា គណបក្សទាំងពីរនេះនឹងរួបរួមគ្នា បន្ទាប់ពីការបោះឆ្នោតឃុំ-សង្កាត់ថ្ងៃទី៣ ខែមិថុនា ក្រោមទង់របស់គណបក្សហ្វុ៊នស៊ិនបុិច។ សេចក្តីថ្លែងការណ៍នេះក៏បានលើកឡើងថាព្រះអង្គម្ចាស់ នរោត្តមរណឫទ្ធិនឹងធ្វើជាព្រះប្រធានគណបក្សហ្វុ៊នស៊ិនបុិចម្តងទៀត។
កិច្ចព្រមព្រៀងដែលចុះហត្ថលេខាដោយគណបក្សទាំងពីរបានចែងថា “ គណបក្សទាំងពីរ ដឹកនាំដោយ នរោត្តម រណឫទ្ធិនិងលោក ញឹកប៊ុនឆៃបានរកឃើញដំណោះស្រាយរួមមួយ ដើម្បីដោះស្រាយបញ្ហារបស់ខ្លួនទាំងអស់ហើយ និងរួមបញ្ចូលគណបក្សទាំងពីរឡើងវិញ”។
សេចក្តីថ្លែងការណ៍ដដែលនេះ បានបន្តទៀតថា “ ក្នុងកិច្ចប្រជុំមួយ គណបក្សទាំងពីរបានសម្រេចលើចំណុចពីរ គឺទី១ គណបក្សទំាងពីរនឹងសហការគ្នា និងជួយគ្នាទៅវិញទៅមក អំឡុងការបោះឆ្នោតឃុំ-សង្កាត់។ ទី២ បន្ទាប់ពីការបោះឆ្នោតឃុំ-សង្កាត់រួច គណបក្សទាំងពីរនឹងរួមគ្នាជាគណបក្សតែមួយសម្រាប់ការបោះឆ្នោតជ្រើសរើសតំណាងរាស្រ្តឆ្នាំ២០១៣”។
យោងតាមសម្តេចក្រុមព្រះ នរោត្តម រណឫទ្ធិុ បានឲ្យដឹងថាព្រះអង្គនឹងបន្តតួនាទីរបស់ទ្រង់ជាព្រះប្រធានគណបក្ស ចំណែកឯលោកញឹកប៊ុនឆៃនឹងជាអនុប្រធានទីមួយ។
ព្រះអង្គបានមានព្រះបន្ទូលថាភ្លាមៗមុនពេលសេចក្តីប្រកាសនេះ លោក ហ៊ុនសែន ដែលបានជួបជាមួយថ្នាក់ដឹកនាំទាំងពីរនៅក្នុងការិយាល័យរបស់លោក គឺវិមានសន្តិភាព ដោយលោកមានការព្រួយបារម្ភអំពីការបែកបាក់គ្នារបស់អ្នករាជានិយម និងលើកទឹកចិត្តដល់បក្សទាំងពីរឲ្យដោះស្រាយការខ្វែងគំនិតគ្នា និងរួបរួមគ្នាឡើងវិញ។
ព្រះអង្គម្ចាស់ រណឫទ្ធិបានមានព្រះបន្ទូល
ក្នុងសេចក្តីថ្លែងការណ៍ទៅកាន់ក្រុមអ្នកយកព័ត៌មាននៅវិមានសន្តិភាពថា “ នាយករដ្ឋមន្ត្រី ចង់បង្ហាញដល់សាធារណជនថាលោកគឺជាអ្នកជាតិនិយមពិតប្រាកដ”។
ព្រះអង្គម្ចាស់បានបន្តថា “ ថ្ងៃនេះ ជាថ្ងៃល្អបំផុត សម្រាប់អ្នករាជានិយម និងអ្នកសីហនុនិយម បន្ទាប់ពីបែកបាក់គ្នា ហើយពេលនេះជួបជុំគ្នាវិញ។ ខ្ញុំបានពិភាក្សាជាមួយលោក ប៊ុនឆៃ ថា ប្រសិនបើលោកចង់ឲ្យខ្ញុំដឹកនាំ ហ្វុ៊នស៊ិនបុិច សូមឲ្យគាត់ឈប់និយាយពីអតីតកាល”។
អតីតកាលសំដៅដល់ការប្រឈមមុខគ្នាអស់រយៈពេលជិតប្រាំមួយឆ្នាំរវាងគណបក្សហ្វុ៊នស៊ិនបុិចនិងគណបក្ស នរោត្តម រណឫទ្ធិដែលត្រូវបានបណ្តេញចេញពីគណបក្ស ដែលព្រះអង្គធ្លាប់បានដឹកនាំ តាំងពីឆ្នាំ១៩៩២នៅក្នុងសមាជគណបក្ស ដែលមានបញ្ហាប្រទូសរាយគ្នា នៅថ្ងៃទី១៨ ខែតុលាឆ្នាំ២០០៦។ នៅពេលនោះ លោកញឹក ប៊ុនឆៃដែលជាអគ្គលេខាគណបក្សបានប្រកាសថាការបណ្តេញព្រះអង្គចេញ គឺដោយសារការធ្លាក់ចុះនូវទំនាក់ទំនងរវាងព្រះអង្គម្ចាស់ រណឫទ្ធិនិងលោក ហ៊ុនសែនដោយសារព្រះអង្គម្ចាស់ ចំណាយពេលគង់នៅក្រៅប្រទេសច្រើនពេក។
ព្រះអង្គមានព្រះបន្ទូលថា សមាជិកចំនួន១.៦០០នាក់នៃក្រុមប្រឹក្សាជាតិរបស់គណបក្សហ្វុ៊នស៊ិនបុិច បានបោះឆ្នោតជាឯកច្ឆន្ទដើម្បីតែងតាំងព្រះអង្គម្ចាស់ឲ្យកាន់តួនាទីជាព្រះប្រធានប្រវត្តិសាស្រ្ត ជាតួនាទីដែលគ្មានឥទ្ធិពលនៅក្នុងបក្ស។
នៅថ្ងៃបន្ទាប់ សម្តេចក្រុមព្រះ នរោត្តមរណឫទ្ធិ បានតបនឹងការបណ្តេញចេញ ដោយសារហេតុផលនយោបាយ ដោយប្រកាសថានឹងបង្កើតគណបក្សរបស់ព្រះអង្គផ្ទាល់។
សម្តេចក្រុមព្រះ នរោត្តម រណឫទ្ធិ បានអះអាងក្នុងខែតុលា...
សាលាដំបូងរាជធានីភ្នំពេញបញ្ជូនអ្នកតវ៉ានៅសហគមន៍ បឹងកក់១៣នាក់ទៅពន្ធនាគារ
កាលពីម្សិលមិញ សាលាដំបូងរាជធានីភ្នំពេញបានចោទប្រកាន់ និងផ្តន្ទាទោសស្ត្រីចំនួន១៣នាក់ឲ្យជាប់ពន្ធនាគារចំនួនពីរឆ្នាំកន្លះ ដែលបានជាប់ពាក់ព័ន្ធនឹងជម្លោះដីធ្លីដ៏យូរជាមួយក្រុមហ៊ុនរបស់លោក ឡៅ ម៉េងឃិន សមាជិកព្រឹទ្ធសភា មកពីគណបក្សប្រជាជនកម្ពុជា។
ស្ត្រីជាប់ចោទទាំងនោះ ដែលរួមមានអ្នកស្រី ហេង មុំ និងអ្នកស្រី ទេព វន្នី ផងនោះ ស្ថិតក្នុងចំណោមអ្នកដឹកនាំក្នុងជម្លោះរយៈពេលច្រើនឆ្នាំរបស់សហគមន៍បឹងកក់ ជាមួយក្រុមហ៊ុនស៊ូកាគូអុីនរបស់លោក ឡៅម៉េងឃិន។
នៅខាងក្រៅតុលាការ ដែលមានមនុស្សជាច្រើននាក់ បានប្រមូលផ្តុំគ្នាដើម្បីគាំទ្រស្ត្រីទាំងនោះ អាជ្ញាធរក៏បានចាប់ខ្លួនស្ត្រីពីរនាក់ទៀត ដែលជាប់ពាក់ព័ន្ធក្នុងជម្លោះដីធ្លីនេះ ព្រមទាំងព្រះសង្ឃជាសកម្មជនមួយអង្គព្រះនាម លួន សុវ៉ាត ដែលកំពុងតែថតរូបក្រុមអ្នកតវ៉ា នៅខាងមុខតុលាការ។
មន្ត្រីនគរបាលបានរារាំងអ្នកកាសែតមិនឲ្យចូលទៅក្នុងតុលាការទេហើយមន្ត្រីតុលាការ ក៏បានបដិសេធមិនធ្វើអត្ថាធិប្បាយដែរ បន្ទាប់ពីការកាត់ទោសស្ត្រីទាំងនេះ។ ប៉ុន្ដែលោក អំ សំអាត អ្នកគ្រប់គ្រងបច្ចេកទេសអង្គការសិទ្ធិមនុស្សលីកាដូ ដែលបានចូលរួមស្តាប់សាលក្រមក្នុងសាលសវនាការមានប្រសាសន៍ថា ចៅក្រមបានផ្តន្ទាទោសស្ត្រីទាំងនេះ តាមស្ថានទម្ងន់ទោសនៃបទប្រឆាំងនឹងអ្នករាជការសាធារណៈតាមមាត្រា៥០៤នៃក្រមព្រហ្មទណ្ឌ និងពីបទចូលកាន់កាប់ដីដោយខុសច្បាប់តាមមាត្រា៣៤នៃច្បាប់ភូមិបាល។
មជ្ឈមណ្ឌលសិទ្ធិមនុស្សកម្ពុជា ដែលមានតំណាងម្នាក់នៅក្នុងសាលសវនាការ ក៏បានបញ្ជាក់ពីសាលក្រមនេះដែរ។ លោក អំសំអាត បន្ថែមថាស្ត្រីប្រាំនាក់ក្នុងចំណោមស្ត្រីតវ៉ាទាំងនោះទទួលបានការព្យួរទោសរយៈពេលពីរឆ្នាំ និងស្ត្រីម្នាក់ទៀតព្យួរទោសមួយឆ្នាំរួចហើយពួកគាត់ទាំងអស់ត្រូវបានបញ្ជូនទៅពន្ធនាគារព្រៃសភ្លាមៗ។ មន្ត្រីពន្ធនាគារមិនអាចទាក់ទងបានទេ។
ស្ត្រីអ្នកតវ៉ា១៣នាក់ត្រូវបានចាប់ខ្លួនអំឡុងពេលតវ៉ាកាលព្រឹកថ្ងៃអង្គារនៅឯសហគមន៍បឹងកក់ ដែលមានជម្លោះដីធ្លីដ៏ជូរចត់ជាមួយនឹងក្រុមហ៊ុនអភិវឌ្ឍន៍ស៊ូកាគូអុិន ចាប់តាំងពីសាលារាជធានី បានផ្ដល់សិទ្ធិទៅឲ្យក្រុមហ៊ុននេះសាងសង់នៅតំបន់នេះកាលពីឆ្នាំ២០០៧។អ្នកភូមិបឹងកក់ប្រហែល៥០នាក់បានចេញមុខគាំទ្រគ្រួសារមួយដែលប៉ុនប៉ងសាងសង់ឡើងវិញនូវផ្ទះរបស់ខ្លួន ដែលក្រុមហ៊ុន ស៊ូកាគូអុិន បានបំផ្លាញចោលកាលពីឆ្នាំ២០១០។នគរបាលបានរឹបអូសសម្ភារៈសាងសង់ផ្ទះរបស់គ្រួសារមួយនេះហើយចាប់ខ្លួនស្ត្រីអ្នកតវ៉ា១៣នាក់ បន្ទាប់ពីពួកគាត់់បានចាប់ផ្ដើមជេរដាក់បណ្ដាសានគរបាលទាំងនោះ។
លោក អំ សំអាត បានលើកឡើងថា “...
ការខិតខំប្រឹងប្រែងអភិរក្សក្តាមធ្វើឲ្យទិន្នផល និងតម្លៃក្តាមនៅលើទីផ្សារមានការកើនឡើង
ក្រុមមន្ត្រីឲ្យដឹង កាលពីថ្ងៃពុធថា គុណភាពនិងតម្រូវការក្តាមនៅលើទីផ្សារអន្តរជាតិកើនឡើង ធ្វើឲ្យតម្លៃក្តាមមានការកើនឡើង ក្នុងរយៈពេលមួយឆ្នាំកន្លងទៅនេះ។ នៅតាមខេត្តមួយចំនួនតម្លៃក្តាមកើនឡើងដល់៦៦ភាគរយ ក្នុងរយៈពេល១២ខែកន្លងទៅនេះ។
លោក គឺន គិរី នាយជលផលខេត្ដកោះកុងបានមានប្រសាសន៍ថា អ្នកនេសាទនៅខេត្តកោះកុងកំពុងលក់ក្ដាមតម្លៃប្រាំដុល្លារក្នុងមួយគីឡូក្រាម ដោយកើនឡើងពីឆ្នាំទៅ ដែលមានតម្លៃតែបីដុល្លារប៉ុណ្ណោះក្នុងមួយគីឡូក្រាម ដោយអ្នកនេសាទជ្រើសរើសលក់តែក្ដាមធំៗប៉ុណ្ណោះ ហើយយកក្ដាមញីដែលមានពងទៅកន្លែងភ្ញាស់ក្តាមតាមមូលដ្ឋាន។
តំបន់អភិរក្សចំនួនប្រាំបីកន្លែង ដែលតំបន់នីមួយៗមានផ្ទៃដីចាប់ពី៩.០០០ហិកតាទៅ២០.០០០ហិកតា ត្រូវបានគេបង្កើតឡើងក្នុងខេត្តកោះកុង។តំបន់អភិរក្សទាំងនេះ រួមជាមួយនឹងការកើនឡើងនូវការអប់រំស្ដីពីវិធីបង្កើនគុណភាពគ្រឿងសមុទ្រផងដែរនោះ បានផ្តល់ផលប្រយោជន៍សម្រាប់ក្រុមអ្នកនេសាទនៅក្នុងខេត្តកោះកុង។ លោក គឺន គិរីបានឲ្យដឹងថា “ បច្ចុប្បន្ននេះក្រុមគ្រួសាររបស់អ្នកនេសាទទាំងអស់មានការយល់ដឹងអំពីវិធីសាស្ត្រអភិរក្សក្ដាមនៅក្នុងតំបន់ដែលពួកគាត់នេសាទ ដោយពួកគាត់ជ្រើសរើសតែក្ដាមធំៗយកទៅលក់”។
ទោះបីជាលោក គឺន គិរី មិនបានដឹងច្បាស់អំពីបរិមាណក្ដាម ដែលគេកំពុងលក់ចេញឬចិញ្ចឹមក៏ដោយ ក៏លោកមានប្រសាសន៍បន្ថែមទៀតថា ការកើនឡើងតម្លៃប្រេងសាំងក៏កំពុងតែប៉ះពាល់ដល់តម្លៃក្ដាមផងដែរ។ ក្ដាមដែលមានទំហំអាចលក់បានប្រមាណ៨០ភាគរយត្រូវបានគេនាំចេញទៅកាន់ប្រទេសថៃ ចំណែកឯចំនួនសល់ពីនេះត្រូវនាំទៅលក់នៅរាជធានីភ្នំពេញ”។
អ្នកស្រី នួ ចៃ ប្រធានសហគមន៍អភិរក្សក្ដាមនៅស្រុកស្រែអំបិល ក្នុងខេត្តកោះកុង បាននិយាយថា ការខិតខំប្រឹងប្រែងអភិរក្សក្ដាមធ្វើឲ្យទិន្នផលក្ដាមសម្រាប់អ្នកនេសាទមានការកើនឡើងចន្លោះពី៧ទៅ១០គីឡូក្រាមក្នុងមួយថ្ងៃកាលពីឆ្នាំទៅ ដល់ចន្លោះពី១០ទៅ២០គីឡូក្រាមក្នុងពេលសព្វថ្ងៃនេះ។ អ្នកស្រី នួ ចៃ ឲ្យដឹងថា “ចំនួនក្ដាមកំពុងតែកើនឡើងនៅទីនេះ ដោយសារតែមានការអភិរក្សកាន់តែប្រសើរជាងមុនពីសំណាក់ អ្នកនេសាទប្រមាណ២៥២គ្រួសារ”។
យោងតាមលោក ពឿន ផល្លានាយជលផលខេត្តកែប បានឲ្យដឹងថា ចំនួនក្ដាមនៅក្នុងខេត្តកែប ក៏កំពុងតែកើនឡើងផងដែរ ហើយលោកបន្ថែមថា ចំនួនក្ដាមបានកើនឡើងដល់ទៅបួនដងក្នុងរយៈពេល១២ខែកន្លងទៅនេះ។
លោក ពឿន ផល្លា បានមានប្រសាសន៍ថា “ក្ដាមនៅខេត្តកែបមានរសជាតិឆ្ងាញ់ជាងក្ដាមនៅខេត្តកោះកុង និងខេត្តកំពតដូច្នេះតម្លៃក៏ថ្លៃជាងដែរ” ដោយលោកបន្ថែមថា ទោះបីជាលោកមិនដឹងច្បាស់អំពីបរិមាណក្ដាមដែលកសិករចិញ្ចឹមបានក៏ដោយ ក៏លោកបានឲ្យដឹងថា ទិន្នផលក្ដាមបានកើនឡើងយ៉ាង ច្រើន ហើយត្រូវបានលក់ចេញក្នុងតម្លៃរហូតដល់១០ដុល្លារក្នុងមួយគីឡូក្រាម។
យោងតាមអាជីវករលក់ក្ដាមនៅផ្សារអូឫស្សីឈ្មោះ ស៊ុំ ឌី បានឲ្យដឹងថា ដោយតម្លៃក្ដាមកំពុងតែកើនឡើង តម្លៃក្ដាមនៅក្នុងរាជធានីភ្នំពេញបានកើនឡើងពីតម្លៃ៨,៧៥ដុល្លារក្នុងមួយគីឡូក្រាមកាលពីឆ្នាំទៅដល់តម្លៃ១២,៥ដុល្លារ ក្នុងមួយគីឡូក្រាមក្នុងពេលបច្ចុប្បន្ននេះ៕
ប្រែសម្រួលដោយហួងកុកទៀន
បណ្ដេញគ្រួសារអ្នកភូមិនៅក្នុងខេត្តមណ្ឌលគិរីចេញពីលំនៅដ្ឋានមុនពេលកំណត់របស់រដ្ឋាភិបាល
កាលពីម្សិលមិញ កងកម្លាំងសន្ដិសុខ និងបុគ្គលិកក្រុមហ៊ុនចម្ការកៅស៊ូរវៀតណាមក្នុងខេត្តមណ្ឌលគិរី បានបណ្ដេញអ្នកភូមិឲ្យចេញពីលំនៅដ្ឋានខ្លួន មុនថ្ងៃកំណត់បណេ្ដញចេញរបស់រដ្ឋាភិបាលនៅថ្ងៃនេះ។ ក្រុមមន្ត្រី និងអ្នកភូមិបាននិយាយថាអ្នកភូមិភាគច្រើនក្នុងចំណោមអ្នកភូមិប្រហែល២០០គ្រួសារនោះ បានចាកចេញរួចហើយ។
ដោយមានកម្លាំងសន្ដិសុខជាង៣០០នាក់ដាក់ពង្រាយក្នុង និងនៅជុំវិញភូមិមួយនៅក្នុងស្រុកកោះញែកនោះ ស្ថានភាពនេះហាក់ដូចជាកំពុងបង្កើនវិធានការបង្ក្រាបរបស់រដ្ឋាភិបាល ដែលបានកើតឡើងកាលពីសប្ដាហ៍មុនក្នុងខេត្តក្រចេះ ដែលនៅក្នុងការបង្ក្រាបនោះ មានក្មេងស្រីអាយុ១៤ឆ្នាំម្នាក់ ត្រូវបានបាញ់សម្លាប់ ខណៈពេលកម្លាំងសន្ដិសុខ២០០នាក់ បណ្តេញប្រជាពលរដ្ឋចំនួន៦០០គ្រួសារចេញពីលំនៅដ្ឋាន។
លោក ស្វាយ សំអាង អភិបាលរងខេត្តមណ្ឌលគិរី បានមានប្រសាសន៍កាលពីម្សិលមិញថា បន្ទាប់ពីប្រជាពលរដ្ឋចំនួន១២៧គ្រួសារសុខចិត្តចាកចេញដោយខ្លួនឯងនោះនៅមានប្រជាពលរដ្ឋចំនួន៦០គ្រួសារទៀត បន្ដរស់នៅក្នុងតំបន់នេះ ។
លោក ស្វាយ សំអាត បានមានប្រសាសន៍បន្ថែមថា “ពេលនេះប្រជាពលរដ្ឋចំនួន១២៧គ្រួសារសុខចិត្តរុះរើផ្ទះរបស់ខ្លួន និងបានចាកចេញពីតំបន់នេះរួចហើយ។ យើងបានផ្ដល់ជាអង្ករ២៥គីឡូក្រាម និងមីមួយកេសឲ្យពួកគាត់។ យើងមិនបានបង្ខំពួកគាត់ឲ្យចាកចេញនោះទេ”។ ប៉ុន្តែអ្នកភូមិបានរៀបរាប់ពីរឿងរ៉ាវផ្សេងទៅវិញ គឺកងកម្លាំងនគរបាលចល័តពីផ្ទះមួយទៅផ្ទះមួយគាបសង្កត់ឲ្យអ្នកភូមិទាំងនោះចាកចេញ និងបានយករណារម៉ាស៊ីនអាររំលំផ្ទះរបស់ពួកគាត់។
អ្នកភូមិម្នាក់ឈ្មោះ ថា ដែលបដិសេធមិនប្រាប់នាមត្រកូលរបស់ខ្លួន ព្រោះខ្លាចនគរបាលរករឿងនោះ បាននិយាយថា“ ពួកគេគំរាមយើងថា ប្រសិនបើយើងមិនព្រមចាកចេញ ឬប្រសិនបើយើងហ៊ានតវ៉ានោះពួកគេនឹងប្រើប្រាស់កម្លាំងប្រដាប់អាវុធ មកបណ្តេញយើងចេញ” ហើយគាត់អះអាងថា ពួកគេគំរាមចាប់ខ្លួនអ្នកភូមិណាដែលនិយាយជាមួយអ្នកកាសែត។ គាត់និយាយថា “ពួកគេបំផ្លាញផ្ទះរបស់ខ្ញុំ។ពេលនេះខ្ញុំបានបោះតង់សម្រាប់ជ្រក”។
គាត់ក៏បានបញ្ជាក់ផងដែរថា គ្រួសារភាគច្រើនបានចាកចេញរួចហើយ។ ប៉ុន្តែគាត់បាន និយាយថា គាត់និងអ្នកភូមិខ្លះទៀត ដែលត្រូវបានបង្ខំឲ្យចេញពីផ្ទះនោះ បានបោះតង់លើដីនោះសម្រាប់ស្នាក់នៅ។ ឈ្មោះ រិទ្ធ វណ្ណី អ្នកភូមិម្នាក់ក្នុងចំណោមអ្នកភូមិប្រាំនាក់ ដែលគេចខ្លួនមកភ្នំពេញកាលពីថ្ងៃពុធដោយសង្ឃឹមថា នឹងអាចសុំជំនួយពីអង្គការសិទ្ធិមនុស្សអាដហុកនោះ បាននិយាយថា “ អ្នកភូមិទាំងអស់កំពុងត្រូវបានគេគំរាមចាប់ខ្លួន”។ អ្នកស្រីបានបន្ថែមថា “អ្នកភូមិទាំងអស់មានការភ័យខ្លាចខ្លាំងណាស់”។
លោក ស្វាយសំអាង បានមានប្រសាសន៍ថា គ្រួសារដែលនៅសេសសល់ទាំងនោះ ត្រូវបានគេទុកពេលឲ្យពីរថ្ងៃទៀតសម្រាប់រុះរើផ្ទះចាកចេញ ដោយពន្យារពេលកំណត់ដែលត្រូវបណ្ដេញចេញដល់ថ្ងៃអាទិត្យវិញ។
ចាប់តាំងពីសប្ដាហ៍មុនមកម៉្លេះ ទាហាននគរបាល និងកងរាជអាវុធហត្ថ បានដាក់ពង្រាយនៅក្នុងនិងនៅជំុវិញភូមិនេះ ដែលស្ថិតក្នុងដីសម្បទានទៅឲ្យក្រុមហ៊ុនចម្ការកៅស៊ូ ប៉ាស៊ីហ្វិក ជ័ញស្ដុក (Pacific Joint Stock)កាលពីឆ្នាំមុន។ អ្នកភូមិខ្លះបានអះអាងថា អាជ្ញាធរមូលដ្ឋានបានអនុញ្ញាតឲ្យពួកគាត់ជាច្រើនគ្រួសាររស់នៅលើដីនេះ កាលពីឆ្នាំមុន ដែលការ អះអាងនេះ ត្រូវបានក្រុមមន្ត្រីបដិសេធ។ គ្រួសារខ្លះក៏បាននិយាយថា ពួកគាត់បាននិងកំពុងរស់នៅលើដីនេះតាំងពីឆ្នាំ២០០៩មកម៉្លេះ គឺមុនពេលរដ្ឋាភិបាលប្រគល់ដីនេះទៅឲ្យក្រុមហ៊ុនចម្ការកៅស៊ូនេះទៅទៀត។ តំណាងរបស់ក្រុមហ៊ុននេះមិនអាចទាក់ទងសុំការបំភ្លឺបានទេ៕ ប្រែសម្រួលដោយ ហម សុផាណ្ណា
MEDIA FEEDS
ប័ណ្ណសារ
បើលោក រ៉ុង ឈុន ចាកចេញ បក្សប្រជាជនអាចវេតូសមាជិកគ.ជ.ប.ថ្មី
តំណាងរាស្ត្រម្នាក់បានលើកឡើងកាលពីម្សិលមិញថា រាល់ការតែងតាំងណាមួយនៅក្នុងគណៈកម្មាធិការជាតិរៀបចំការបោះឆ្នោត (គ.ជ.ប.) ដើម្បីជំនួសលោក រ៉ុង ឈុន ដែលត្រូវបានតែងតាំងដោយគណបក្សសង្គ្រោះជាតិ ដែលឥឡូវនេះប្រឈមសវនាការជំនុំជម្រះពីបទព្រហ្មទណ្ឌចំពោះ "ការប្រើអំពើហិង្សាដោយចេតនា" នឹងត្រូវអនុម័តយល់ព្រមដោយគណបក្សប្រជាជនកម្ពុជាកាន់អំណាចក្រោមច្បាប់បច្ចុប្បន្ន។
លោក រ៉ុង ឈុន គឺជាអ្នកដែលត្រូវបានតែងតាំងមួយរូបក្នុងចំណោមអ្នកដែលត្រូវបានតែងតាំងបួនរូបរបស់គណបក្សសង្គ្រោះជាតិនៅក្នុង គ.ជ.ប. ក្រោមកិច្ចព្រមព្រៀងជាមួយគណបក្សប្រជាជនកម្ពុជា ដែលបានបញ្ចប់ការធ្វើពហិការមិនចូលសភារយៈពេលជិត១ឆ្នាំរបស់គណបក្សប្រឆាំង បន្ទាប់ពីការបោះឆ្នោតជាតិឆ្នាំ២០១៣ដ៏ចម្រូងចម្រាសជាថ្នូរនឹងកំណែទម្រង់បោះឆ្នោតស្ទើរទាំងស្រុង រួមទាំងការកែទម្រង់គ.ជ.ប.ផងដែរ។
ក្រោមកិច្ចព្រមព្រៀងនេះ គណបក្សនីមួយៗបានជ្រើសរើសសមាជិកបួនរូបក្នុងចំណោមសមាជិកក្រុមប្រឹក្សា៩រូបរបស់ គ.ជ.ប. កាលពីឆ្នាំមុន ដោយសមាជិកទី៩ត្រូវបានអនុម័តយល់ព្រមដោយគណបក្សទាំងពីរ។
ទោះជាយ៉ាងណា លោក រ៉ុង ឈុន អតីតមេដឹកនាំសហជីពមួយរូប ត្រូវបានជូនដំណឹងកាលពីថ្ងៃពុធថា លោកនឹងត្រូវចូលរួមក្នុងសវនាការជំនុំជម្រះលើការចោទប្រកាន់ទាក់ទិនការប្រើអំពើហិង្សាកាលពីឆ្នាំ២០១៤។
ច្បាប់របស់គ.ជ.ប.ចែងថា សមាជិកក្រុមប្រឹក្សាបាត់បង់តួនាទីរបស់ខ្លួនដោយស្វ័យប្រវត្តិប្រសិនបើពួកគេត្រូវបានផ្ដន្ទាទោសឲ្យជាប់ពន្ធនាគារនោះ។
លោក សុន ឆ័យ...
