សាលាឧទ្ធរណ៍តម្កល់​សាលក្រមនៅ​ក្នុង​រឿង​ក្តី​ដំបូង​របស់​អង្គ​ភាព​ប្រឆាំង​អំពើ​ពុក​រលួយ​

កាលពីម្សិលមិញសាលាឧទ្ធរណ៍បាន​តម្កល់​​​​សាលក្រម​ផ្តន្ទាទោស​លោកតុបច័ន្ទ​សិរីវុធអតីត​​​​​​ព្រះរាជ​អាជ្ញា​អម​សាលា​ដំបូង​ខេត្ត​​​ពោធិ៍សាត់និងអង្គរក្ស​របស់​លោក​ពីរនាក់​ទៀតឲ្យជាប់​ពន្ធនារគារចាប់​ពី១៥ឆ្នាំដល់​១៩ឆ្នាំពីបទទទួលសំណូកបង្ខាំង​​​មនុស្ស​​​ខុស​​​ច្បាប់​និង​ជំរិតទារប្រាក់​។ សាលាដំបូងខេត្តពោធិ៍សាត់​បាន​​ផ្តន្ទា​​​ទោស​​​លោកតុបច័ន្ទសិរីវុធ ​ឲ្យជាប់​ពន្ធ​នាគារ​១៩ឆ្នាំនិង​អង្គរក្ស​របស់​លោក​ឈ្មោះរស់​ សំណាង​​​ឲ្យជាប់​ពន្ធនា​គារ​១៥ឆ្នាំហើយ​​​ឈ្មោះឈិតវុទ្ធីឲ្យជាប់​ពន្ធ​នាគារ​១៦ឆ្នាំ​​​កាលពីខែ​ឧសភាជា​រឿង​​ក្តីដំបូងដែល​អង្គភាព​​​​ប្រឆាំង​អំព​ើពុក​រលួយ​របស់​រដ្ឋាភិបាល​បាន​ប្តឹង​ទៅ​តុលាការ។ អ្នកទាំងបីត្រូវបាន​ចាប់ខ្លួនកាលពីខែ​វិច្ឆិកា​ ឆ្នាំ២០១០​បន្ទាប់​ពីការ​ស៊ើប​អង្កេត​​របស់​អង្គភាព​ប្រឆាំង​អំពើ​ពុក​រលួយ​​បាន​រកឃើញថាអតីត​ព្រះរាជ​អាជ្ញា​រូបនេះ​និង​អង្គរក្សរបស់​លោក​បាន​បង្ខាំង​​មនុស្ស​ខុស​ច្បាប់​ និង​ប៉ុនប៉ង​ជំរិត​ទារប្រាក់​ពី​មនុស្ស​​ដែល​ខ្លួន​បង្ខាំង​ទាំង​នោះ​ជា​ថ្នូរនឹង​ការ​ដោះលែង។ អង្គរក្សទីបីម្នាក់ទៀត​​ឈ្មោះពេជ្រគង់​យូដែល​ត្រូវជាប្អូន​ថ្លៃរបស់​លោកតុបច័ន្ទ​សិរីវុធនោះកំពុង​រត់​គេច​ខ្លួន​នៅ​ឡើយ ​ ប៉ុន្តែ​ត្រូវ​បាន​​​ ​កាត់ទោស​កំបាំង​មុខ​តាម​ការ​ចោទ​​​ប្រកាន់​ពី​​​បទ​ល្មើស​ដូចគ្នា​នេះនិង​ត្រូវបាន​ផ្តន្ទា​ទោស​​ដាក់​ពន្ធនាគារ​រយៈពេល​១៨ឆ្នាំ។ បន្ទាប់​ពី​តុលាការ​ចេញ​សាលក្រម​ដើមអ្នកទាំងបួន​នាក់​នេះត្រូវបាន​បង្គាប់​ឲ្យសង​ប្រាក់​សរុប​ចំនួន​បួន​លានរៀល (ប្រហែល១.០០០​ដុល្លារ) ទៅឲ្យ​ដើម​ចោទឈ្មោះឃុលសុខ​ណា។ លោកឃុលសុខណាស្ថិត​នៅ​ក្នុង​ក្រុម​ភ្លេង​​​ដឹកឈើមួយ​ក្រុម​ ដែល​ចុង​ចោទ​ទាំងនេះ​​​បានឃាត់​​ខ្លួន​​មុន​ពេល​​ប៉ុនប៉ង​ជំរិត​​​ទារប្រាក់​ពី​ពួកគេ​កាលពី​ខែ​មិថុនា​ឆ្នាំ​២០១០។ លោកប៉ុលសំអឿនជា​​ចៅក្រម​ជំនុំ​ជម្រះ​​​​បានមានប្រសាសន៍នៅ​ពេល​​អាន​សេចក្តី​សម្រេចរបស់​តុលាការ​​កាលពី​ម្សិល​​មិញ​ថា​ បើទោះណាជា​ចុងចោទទាំងនេះ​​អះ​អាង​ថាពួកគេ​គ្មាន​ពិរុទ្ធភាព​ក៏ដោយក៏តុលាការ​មិន​​​​ជឿ​ពួក​គេ​ដែរ។ លោក​ ប៉ុលសំអឿនបានថ្លែងថា“ពួកគេ​ពិត​ជាមាន​ពិរុទ្ធភាពពីបទ​បង្ខាំង​មនុស្ស​ខុស​​​ច្បាប់ ​ជំរិតទារប្រាក់​​និង​ទទួល​សំណូក​​​មែន។តុលាការ​​ឃើញ​ថា​ សេចក្តី​​​សម្រេច​​​របស់សាលា​ដំបូង​ខេត្ត​ពោធិ៍​សាត់​គឺ​ត្រឹម​​​ត្រូវ​​​ហើយ”។ លោកម៉ុនកែវស៊ីវិនមេធាវីការពារដើម​​​​ចោទឈ្មោះសុខណានោះបាន​មាន​​​ប្រ​​​​​​សា​​​សន៍ថាសេចក្តីសម្រេច​របស់​តុលា​ការ​គឺ​ត្រឹមត្រូវ​​​ ពីព្រោះមាន​ភស្តុតាង​គ្រប់​គ្រាន់​ដើម្បី​បង្ហាញ​ថា អតីត​ចៅក្រមរូប​នេះ​ និង​អង្គរក្ស​របស់​គាត់ ពិតជា​មាន​ពិរុទ្ធភាព មែន។ លោកគាឆាយមេធាវី​តំណាង​លោកតុបច័ន្ទសិរីវុធបាន​ច្រានចោល​សាល​​​ក្រម​​​នេះ។ លោក​បាន​និយាយថា“ខ្ញុំមិន​អាច​ទទួល​​​​​​យក​សាលក្រម​របស់​​តុលាការនេះ​បាន​ទេពីព្រោះ​ព្រះ​រាជ​​អាជ្ញា​មាន​សិទ្ធិ​ឃុំខ្លួន​ជន​​សង្ស័យ។ខ្ញុំ​គិត​​ថាកូនក្តីរបស់ខ្ញុំនឹង​ប្តឹង​ទៅ​តុលាការ​កំពូល​។ខ្ញុំនឹង​ពិភាក្សា​​រឿង​នេះ​ជា​​​មួយ​កូនក្តី​របស់​ខ្ញុំ”។ លោកគាឆាយបាន​សួរ​ថាហេតុ​អ្វី​បាន​​​ជា​មន្ត្រី​រដ្ឋបាល​ព្រៃ​ឈើ​​គ្មាន​ទោស​​ ព្រោះ​ពួក​គេ​​តែងតែ​ចាប់​ខ្លួន​និង​ដោះ​លែង​​ជន​សង្ស័យ​ជាប្រចាំនោះ។ លោកសែមចិន្តាមេធាវី​តំណាង​អង្គរក្ស​​ទាំងពីររូបនេះ​បាន​មាន​ប្រសាសន៍​ថា“ខ្ញុំមិន​ទាន់​ប្រាកដ​ថាតើ​កូនក្តី​របស់​ខ្ញុំ​នឹង​ប្តឹង​ទៅ​តុលាការ​កំពូល​ឬ​ក៏អត់​នោះទេប៉ុន្តែ​​ខ្ញុំនឹង​ពិភាក្សា​​ជាមួយ​ពួកគាត់​”៕       ប្រែស​ម្រួល​ដោយសោមសារុន

អ្នក​ភូមិ​ជនជាតិ​ដើមភាគតិចនាំគ្នាដើរល្បាត ដើម្បី​ការពារ​​ព្រៃ កុំឲ្យ​មាន​ការ​​កាប់​ឈើខុស​ច្បាប់​

ដោ​យ​ប្រឈម​ម​ុ​​ខ​នឹង​​កា​រ​បាត់​បង​់​​យ៉ាង​ឆាប់​រហ័ស​​នូវ​​ត​ំបន់​ព្រៃ​​ដ៏ធំ​​នៅ​​ទូ​ទាំង​​​ប្រ​ទេសកម្ពុជា សហគមន៍ក្នុង​​​ស្រុ​ក​​​បាន​​​​ចាប់​ផ្ដើមនាំ​គ្នា​ទប់ស្កាត់​ ហើយ​ពេល​នេះ​អ្នកភូមិ​កាន់​តែ​ច្រើន​ឡើង​កំពុងនាំគ្នាដើរល្បាត​ការពារព្រៃ​របស់​ខ្លួន​ដើម្បី​ជួយ​សង្គ្រោះ​ព្រៃ​ឈើ​ ​សម្រាប់​ទុកដល់​អ្នក​ជំនាន់​ក្រោយ​។ សកម្ម​ជន​មូលដ្ឋាន​ និង​បុគ្គលិក​អង្គ​ការ​ក្រៅ​រដ្ឋាភិបាល​ បាននិយាយ​កាលពី​ម្សិល​មិញ​ថា អ្នកភូមិ​បាន​និង​កំពុង​តែដើរ​ល្បាត ចាប់​តាំង​ពី​ឆ្នាំ​ទៅ ដោយ​រឹបអូស​បាន​ឧបករណ៍​កាប់​​ឈើ​ និង​បានជួប​ពួក​អ្នក​កាប់​ឈើ ហើយ​កំពុង​​បន្តល្បាតនៅ​ក្នុង​ព្រៃ​ឡង់ទៀត ​និង​​ក្នុង​​ខេត្ត​​ក្រចេះ​ ព្រម​ទាំង​ខេត្ត​មណ្ឌល​គិរី​ ផងដែរ​។ លោកសានស៊ីយ៉ាន់តំណាង​ឲ្យ​អ្នក​ភូមិ​បាន​​ឲ្យដឹង​ថា កាលពី​ថ្ងៃ​អង្គារ​ អ្នក​ភូម​ិ​ជន​ជាតិ​​ដើម​ភាគតិច​ព្នង​ និង​ស្ទៀង មួយ​ក្រុម​ មាន​គ្នា​ប្រហែល​៦០ ​នាក់​ នៅ​ក្នុង​ស្រុក​ស្នួល ខេត្ត​ក្រចេះ រឹបអូស​បាន​រណារអារឈើ​ចំនួន​បីនិង​​ឈើ​រាប់​រយ​ម៉ែត្រគូបដែល​គេបាន​កាប់​នៅ​ក្នុង​ព្រៃ​សហគមន៍​មួយ​ និង​នៅក្នុង​ដែន​ជម្រក​សត្វ​ព្រៃ​ស្នួល។ លោក​ ស៊ីយ៉ាន់ បាន​មាន​ប្រសាសន៍​ថា“​យើង​បាន​ឃើញ​កម្ម​ករ​ជាច្រើន​ស៊ី​ឈ្នួល​កាប់​ឈើ​...ប៉ុន្តែ​យើង​អាច​រឹប​អូស​បាន​ត្រឹម​តែរណារ​បី​ និង​ឃាត់​ខ្លួន​កម្ម​ករ​ប្រាំបីនាក់​ ហើយ​ឃុំខ្លួនពួកគេអស់រយៈ​ពេល​មួយម៉ោង​ រីឯ​អ្នក​កាប់​ឈើ​រាប់​សិប​នាក់ បាន​គេច​ខ្លួនរួច​”។ លោក​បានបន្ថែម​ថា អ្នកភូមិ​បាន​ជូន​ដំណឹង​ដល់​រដ្ឋបាល​ព្រៃ​ឈើ​មូល​ដ្ឋាន​ អំពី​ការ​កាប់ឈើ​​ ហើយ​បាន​ដោះលែងអ្នកកាប់​ឈើ​ទាំងនោះ ​បន្ទាប់​ពី​ធ្វើ​ការ​​ព្រមាន​រួច។ លោក ស៊ិន សាន តំណាងឲ្យ​អង្គការ​បណ្ដាញ​​ប្រជាជន​ព្រៃ​ឡង់​​ បាន​និយាយថា អ្នក​ភូមិ​មួយ​ក្រុម​មាន​គ្នា​រាប់​រយ​នាក់ នឹង​ដើ​រល្បាត​ក្នុងព្រៃ​រយៈ​ពេល​១៥​ថ្ងៃម្តងទៀត ដោយ​ចាប់ផ្តើមនៅ​ថ្ងៃ​អង្គារ​ សប្តាហ៍ក្រោយ ​ ដើម្បី​​ការពារតំបន់​ស្នូល​ ដែលមិន​ទាន់​មាន​ការ​ប​ំផ្លិច​​បំផ្លាញ​ទំហំ១៣៥.០០០​ហិកតាដែល​លោក​បាន​លើក​ឡើង​ថា​ កំពុងទទួលរងការគំរាម​កំហែង​យ៉ាងធ្ងន់ធ្ងរ ដោយ​សារ​ “​កា​រកាប់​ឈើ​ខុស​ច្បាប់​​”។ ការ​ដើ​រល្បាតនេះ​ធ្វើ​ឡើង​បន្ទាប់​ពី​ក្រុម​នេះដើរ​ល្បាតក្នុង​​ព្រៃ​ពីរ​លើក​កាលពី​ខែ​មុន​។ លោក​ ស៊ិន សាន បាន​និយាយថា “​សហ​គមន៍​នេះ​ កំពុង​តែ​ពង្រីក​សកម្ម​ភាព​របស់​ខ្លួន​ ក្នុង​ការដើរ​ល្បាតការពារ​ព្រៃ​ ដោយ​សារ​អាជ្ញា​​ធរ​គ្រប់​លំដាប់​ថ្នាក់​ទាំង​អស់​មិន​អាច​បញ្ឈប់​ការ​កាប់ឈើ​នៅ​ក្នុង​ព្រៃ​ឡង់បាន”។ លោក​បន្ថែម​ថា អ្នក​ស្រុក​បាន​ដើរល្បាតជា​ទ្រង់ទ្រាយ​តូច​ជាង​នេះកាលពី​ខែ​មុន​។ ក្រុមនេះ​មានសមាជិក​ ក្នុង​ខេត្ត​ស្ទឹង​ត្រែងកំពង់​ធំ ព្រះ​វ​ិហារ​ និងខេត្ត​ក្រចេះ ដែល​គ្រប​ដណ្ដប់​ដោយ​ព្រៃ​ឈើ​ខៀវ​ខ្ចី​ នៅក្នុងតំបន់ដី​ទំនាប​មានទំហំប្រមាណជាង​៦៥០.០០០​ហិកតា ហើយ​ក្រុម​នេះ​បាន​ធ្វើ​យុទ្ធនាការ​ដល់មហាជន ដែលរូបភាព​ប្រហាក់​ប្រហែល​​គ្នានេះដែរ កាលពី​​ខែ​វិច្ឆិកា ដែល​ពេល​នោះអ្នក​ភូមិ​ប្រហែល​៣០០​នាក់ បាន​ដើ​រល្បាត​រយៈ​ពេល​១០​ថ្ងៃ រហូតទាល់តែអាជ្ញាធរ​មូល​ដ្ឋានបាន​បំបែក​ការ​ដើ​រល្បាតនេះ។ ក្រុម​អ្នក​ធ្វើ​យុទ្ធ​នាការ ទទួលបា​ន​ជោគ​ជ័យ​បន្តិចបន្តួចប៉ុណ្ណោះពី​ព្រោះ​រដ្ឋបាល​ព្រៃ​ឈើ​​ថ្មីៗ​នេះ បាន​ព្រាង​សំណើ​បណ្ដោះ​អាសន្ន​​មួយ​ ដើម្បី​រក្សាទុកព្រៃ​ឡង់​ជា​ឧទ្យាន​ជាតិ។ អ្នក​ភូមិ​ជនជាតិ​ដើម​ភាគ​តិច​បាន​និយាយថា សកម្ម​ភាពការពារ​ព្រៃ​សហគមន៍​បែប​នេះ​កាន់​តែ​កើន​ឡើង​ ពី​ព្រោះ​សហគមន៍​ដឹង​ថាអាជ្ញាធរ​មិន​បាន​ការ​ពារ​ព្រៃ​ទេ​ ឬ​ពេល​ខ្លះ​​ចូល​រួម​ជាមួយ​ក្រុម​កាប់​ឈើ​ខុស​ច្បាប់ថែម​ទៀត​ផង​។ លោក​ ហួន ជា អ្នក​ភូមិជនជាតិ​ភាគតិច​ព្នង អាយុ​៤៩​ឆ្នាំ​ មក​ពី​ស្រុក​ស្នួល បាន​​និយាយ​ថា “​ប្រជាពល​រដ្ឋ​កម្ពុជា​ ដែលបាន​រៀនសូត្រ​ខ្ពង់​ខ្ពស់​ នឹង​មិនទទួលរង​ផល​​ប៉ះ​ពាល់​ដោយ​សារ​ការ​បាត់​បង់​ព្រៃ​នោះ​ទេ ក៏ប៉ុន្តែ​អ្នក​ស្រុក​ជន​ជាតិ​ដើម​ភាគតិច​គ្មាន​ការ​ងារ​ធ្វើ​​ ដែល​នេះ​ជា​មូល​េហតុ​យើង​ត្រូវ​ក្រោក​​ឈរ​ឡើង​ដើម្បី​ការពារ​ព្រៃ​”។ ឈ្មោះ​​ ខាន់ចាន់នី​ អ្នក​ភូមិ​ព្នងម្នាក់​ផ្សេង​ទៀត​ នៅ​ក្នុង​ឃុំ​ប៊ូស្រាខេត្ត​មណ្ឌល​គិរីបាន​និយាយថា អ្នក​ភូមិ​នៅ​ទី​នោះ​ បាន​ព្យាយាម​ ​​ដើរ​ល្បាតការពារ​ព្រៃ​ ក៏ប៉ុន្តែមិនអាច​ចូល​ទៅ​ជ្រៅដល់​តំបន់ព្រៃ​ក្រាស់​បានទេ​ ពីព្រោះ​អាជ្ញា​​ធរ​មូ​ល​ដ្ឋាន​ និង​ទាហាន​កង​យោធពល​ខេមរភូមិន្ទ​​ឈរ​ជើង​នៅ​ក្បែរ​នោះ រារាំង​យើង​មិន​ឲ្យ​ចូលព្រៃ។ បើទោះ​ជា អ្នកភូមិ​ជា​ច្រើន​ ​មាន​មន្ទិល​អំពី​ការ​ខិត​ខំ​ប្រឹង​ប្រែង​របស់​រដ្ឋាភិបាល​ក្នុង​ការ​ការពារ​ព្រៃ​ឈើ​ក៏ដោយ ក៏រដ្ឋបាល​ព្រៃ​​ឈើ​បាន​លើក​ឡើង​ថា ខ្លួន​ស្វាគមន៍​ចំពោះ​ការ​ដើរល្បាតការពារព្រៃរបស់អ្នក​ភូមិដែល​ជា​មធ្យោបាយ​មួ​យ​ ដើម្បី​ជួយដល់ការងារ​ការពារ​ព្រៃ​ឈើ​របស់​ខ្លួន​ផ្ទាល់ដែរ។ លោក​ ទាប គន់ពិដោរ ប្រធាន​រដ្ឋបាល​ព្រៃ​ឈើ​ឃុំ​ឃ្សឹម​ ស្រុកស្នួល ​ខេត្ត​ក្រចេះបាន​មានប្រសាសន៍​ថា “​ពិត​មែន​ហើយ​ យើង ​ត្រូវ​ការ​ពួកគាត់ ដើម្បី​ជួយ​ដើរល្បាត​​ ដើម្បី​ជួយ​ទប់​ស្កាត់​ និងបង្ក្រាប​ការកាប់​ឈើ​ខុស​ច្បាប់​ និង​ការ​បំផ្លាញ​ព្រៃ​ឈើ”។...

ទាហា​​នថៃ​​​បានបាញ់​​​បុរសម្នាក់ និងឃុំខ្លួន​​​បុរស​​​ជាង​​​២០នាក់ផ្សេង​​​ទៀត​​​ នៅ​​​ក្នុង​​​ឧប្បត្តិហេតុ​​​កាប់ឈើ

ក្រុម​​​មន្ត្រី​​​បាន​​​និយាយ​​​កាល​​​ពី​​​ម្សិល​​​មិញ​​​ថា បុរស​​​ម្នាក់ត្រូវបាន​បាញ់ចំ​​​ស្មា និង​ម្នាក់ទៀត​ត្រូវបាន​ចាប់​ខ្លួន​ បន្ទាប់​​​ពី​​​​ទាហាន​​​ថៃ​​​បាន​​​ធ្វើការ​​​បាញ់​​​ប្រ​​​ហា​​​រទៅ​​​លើ​​​អ្នក​​​កាប់​​​ឈើ​​​ខុស​​​ច្បាប់​​​កម្ពុជា​​​មួយ​​​ក្រុម​​​ដែល​​​បាន​​​ឆ្លង​​​​​ចូល​ទៅ​​​ក្នុង​​​ទឹក​​​ដី​​​ថៃតាម​ខេត្ត​​​ឧត្តរមានជ័យ  ​​​។ លោក ម៉ៅ សំណាង​​​​​​ នាយប៉ុស្តិ៍​​​នគរ​​​បាល​​​ឃុំ​​​កូនគ្រៀល ក្នុង​​​ស្រុក​​​សំរោង បាន​​​មាន​​​ប្រសាសន៍​​​ថា“បុរស​​​ប្រាំពីរ​​​នាក់បាន​លួច​ចូល​​​​​​​ទៅ​​​ក្នុង​​​ព្រៃក្នុងទឹក​​​ដី​​​ថៃ​ចម្ងាយ​​​ប្រហែល​​​ពីរ​​​គី​​​ឡូម៉ែត្រពី​​​បង្គោល​​​ព្រំ​​​ដែន​​​កម្ពុជា-ថៃ លេខ​​​១៨ប៉ុន្តែ​​​ពួកគេ​​​បាន​​​វង្វេង​​​​ផ្លូវ​​​នៅ​​​ក្នុង​​​ព្រៃ។​​​នៅ​ពេលដែល​​​ពួក​គេ​​​​​​ត្រឡប់​​​មក​​​ផ្ទះវិញពួក​​​គេ​​​បាន​​​ជួប​​នឹង​​​ទាហាន​​​ថៃដែល​កំពុង​​​​ដើរ​​​ល្បាត​​​ក្នុងព្រៃ​នោះ​ ហើយ​​​ទាហាន​​​ថៃក៏បាន​​​បាញ់រះ​​មក​លើពួកគេតែម្តងដោយ​​​ធ្វើ​​​ឲ្យ​​​បុរសម្នាក់​​​រង​​​របួសនិង​​​ម្នាក់​​​ទៀត​​​បាត់​​​ខ្លួន។ ក៏ប៉ុន្តែ​កាល​​​ពី​​​ម្សិល​​​មិញ ​​​យើងបាន​​​ឮថាបុរស​​ដែលបាន​​​បាត់​​​ខ្លួន​​​នោះ ​​​ត្រូវបាន​​​ទាហាន​​​ថៃ​​​ចាប់​​​ខ្លួន”។ លោក​​​ លីឡាដាប្រធាន​​​ផ្នែក​ព័ត៌មាននៃ​​​កងរាជ​​​អាវុធ​​​ហត្ថ​​​ខេត្ត​​​ឧត្ត​​​រមាន​​​ជ័យបាន​​​មាន​​​ប្រ​​​សាសន៍​​​ថាបុរសឈ្មោះរីថៃរាប​​​អាយុ២០ឆ្នាំ​បាន​​​រង​​​របួស​​​ត្រង់ស្មា​ជា​ទម្ងន់និងត្រូវ​​​​បាន​​​បញ្ជូន​​​ទៅព្យាបាល​នៅ​មន្ទីរ​​​ពេទ្យ​​​​​​ស្រុក​​​មង្គលបុរី​​​។​​​ លោក​​​ សំ​​ណាង​​​ បា​​​ន​​​មាន​​​ប្រ​​​សាសន៍​​​ថាបុរស ឈ្មោះ រៀម រាប អាយុ​​​២៧​​​ឆ្នាំ​​​ ត្រូវបាន​​​ទាហាន​​​ថៃ​​​ចាប់ខ្លួន​​។​​​លោក​​​បាន​​​បន្ថែម​​​ថាបុរស​​​ប្រាំ​​​នាក់​​​ទៀត​​​បាន​​​ត្រ​​​ឡប់​​​ទៅ​​​ឃុំ​​​កូន​​​គ្រៀល​​វិញ​ដោយសុវត្ថិភាព។ រហូតមក​​​ដល់​​​ពេល​​​នេះក្នុង​ឆ្នាំនេះ​​​ ប្រ​​​ជា​​​ពល​​​រដ្ឋ​​​កម្ពុជា​​​១១​​​នាក់​​​ហើយ ​​​ត្រូវ​បាន​​​ទាហាន​​​​​​ថៃ​​​បាញ់សម្លាប់ខណៈដែល​​​ពួកគេ​​​កំពុង​​​កាប់​​​ព្រៃខុស​​​ច្បាប់​​​នៅ​​​តាម​​​ព្រំ​​​ដែន​​​កម្ពុជា​​​-ថៃហើយ​​​​​​មន្ត្រី​​​កម្ពុជា​​​បាន​​​សុំ​​​ឲ្យ​​​សមភាគី​​​ថៃ​ឈប់​​​​បាញ់​​​អ្នក​​​កាប់​​​ឈើ​​​។ កាលពី​ថ្ងៃ​​​អាទិត្យកន្លងទៅ​នេះដែរ​ នគរ​​​បាល​​​ខេត្ត​​​ឧត្ត​​​រមាន​​​ជ័យក៏បាន​​​ចាប់​​​ខ្លួន​​​អ្នក​​​កាប់​​​ឈើ​​​គ្រញូង​​​២៤​​​នាក់​​​ មក​​​ពី​​​ខេត្ត​​​សៀមរាបដែល​​​ប៉ុនប៉ង​​​ឆ្លង​​​ព្រំដែន​​​កម្ពុជា-ថៃនៅ​ក្នុង​​​ស្រុ​​ក​​​ត្រពាំង​​​ប្រាសាទ។ លោក​​​ មែ៉នលីស្នងការនគរ​បាល​ខេត្ត​​​ឧត្តរ​​​មាន​​​ជ័យ​​​បាន​​​មាន​​​ប្រ​​​សាសន៍​​​ថា“នគរ​​​បាល​​​បាន​​​ឃាត់​ខ្លួន​​​ពួកគេ​​​៤៨​​​ម៉ោង ដើម្បី​​​អប់​​រំ​​​ពកគេឡើង​​​វិញ”។​​​ លោក​​​បាន​​​បន្ថែមថា ​នគរបាល​​​​​​បាន​ណែនាំ​ប្រាប់​ពួកគេថាការ​រកសីុ​កាប់​ឈើ​​បែបនេះ​គឺ​ជា​អំពើ​ខុស​​​ច្បាប់​​​​​​និងមាន​​​​គ្រោះ​​​ថ្នាក់​​​ដោយ​សារ​​​ទាហាន​​​ការពារ​​​ព្រំ​ដែន​​​ថៃ​​​បាញ់​ទៀត​ផង។ លោក​​​ ម៉ែន​​​ លី​​​ បាន​​​មាន​​​ប្រ​​​សាសន៍​​​ថា “​​​ យើង​​​បាន​​​បង្ហាញ​​​ពួកគេនូវ​​​រូបភាព​របស់​​​អ្នក​​​កាប់​​​ឈើ​​​គ្រ​​​ញូង​​​ដែលត្រូវបាន​​ទាហាន​​​ថៃ​​​បាញ់​​​សម្លាប់ ​​​ដើម្បី​​​ឲ្យពួកគេ​​​ឈប់​​​ឆ្លង​​​ព្រំ​​​ដែន​​​ខុស​​​ច្បាប់​​​ទៀត”។ ​​​លោកម៉ែនលី​​​ ឲ្យ​​​ដឹង​​​ថាឆ្នាំនេះគ្រាន់​​​តែ​​​នៅ​​​ក្នុង​​​ខេត្ត​​​ឧត្តរ​​​មាន​​​ជ័យ​​​មួយ...

បុរស​​​ពិការ​ត្រូវគេ​វាយធ្វើបាប​ក្នុងជម្លោះ​ដីធ្លី​នៅឧត្តរមានជ័យ

ឧត្តមសេនីយ៍​យោធា​ផ្កាយ២​ម្នាក់នៅ​​​ខេត្ត​​​​ឧត្តរមានជ័យ ​និង​ប្រធានភូមិ​ម្នាក់​មកពី​គណ​​​បក្សប្រជាជន​កម្ពុជាត្រូវបាន​អ្នកភូមិ​ចោទថា​បានវាយ​បុរស​ពិការពីរនាក់​ឲ្យ​សន្លប់​ នៅ​ពេល​​​​មាន​ការ​ប្រឈមមុខ​គ្នា​​រឿង​​ជម្លោះ​ដីធ្លី​ នៅ​​​ព្រំប្រទល់ខេត្ត​ព្រះវិហារ ​​និង​ឧត្តរ​​មានជ័យ​ហើយ​កាលពី​ម្សិលមិញ​​ ឧត្តមសេនីយ៍ ​និង​ប្រធាន​ភូមិ​រូបនេះ​បាន​បដិសេធ​យ៉ាងដាច់​អហង្ការ​ចំពោះ​ការ​អះអាងនេះ។​ លោកជាតិពេញ ​ប្រធាន​សាខាសមាគម​អភិវឌ្ឍន៍​ជនពិការ​ខេត្ត​ព្រះវិហារ​ ​ ដែលជា​ក្រុម​​​​​​​តស៊ូ​មតិ​សម្រាប់​អតីត​យុទ្ធជននិងជនពិការ​​​ បានចោទ​ លោកឧត្តមសេនីយ៍ទោយូវ៉ាន់ថនហៅខ្លាបីជានាយរងមេបញ្ជាការ​កងពល​ធំ​លេខបីនិង​លោកមោកឃានប្រធាន​ភូមិ​តាំង​​​ពោធិ៍ក្នុងឃុំព្រះប្រឡាយស្រុកត្រពាំង​ប្រាសាទថាបានវាយ​បុរស​ពិការ​ពីរនាក់​ឲ្យ​​​សន្លប់​ កាលពី​ថ្ងៃអាទិត្យនៅពេល​អ្នកទាំងពីរព្យាយាម​រារាំង​​ពួកគេ​មិនឲ្យរុះរើផ្ទះ​អ្នកភូមិ។​ លោកជាតិពេញបាន​អះអាង​ថា“ឧត្តម​​​សេនីយ៍និង​ប្រធានភូមិរូបនេះបានដឹកនាំ​​​កូន​​​ចៅរបស់​ខ្លួនមួយក្រុម​មក​ ប្រព្រឹត្តអំពើ​​​ហិង្សា​​លើជនពិការនិងអ្នកភូមិក្រីក្រ”។ លោកគង់កើលអាយុ៥០ឆ្នាំជាជនពិការ​​​​ដៃឆ្វេងដោយសារ​ការ​ដោះ​មីន​​​នៅក្នុង​​​ឆ្នាំ១៩៨៨ដែល​ជាជន​រងគ្រោះ​មួយរូបបាន​​​និយាយថា ​លោកឧត្តមសេនីយ៍វ៉ាន់ថនបាន​យក​ដំបង​ និង​កាំភ្លើង​ខ្លី​វាយ​គាត់​។លោកបន្ត​​​​ថា“នៅពេល​ខ្ញុំអង្វ​​​រពួកគេកុំ​​​ឲ្យ​ចាប់​​​ខ្លួន​​​​ប្រជា​​​​​​ជននិង​រារាំង​ពួកគេ​មិនឲ្យរុះរើ​​​ផ្ទះ​សម្បែង​​​​របស់អ្នកភូមិស្រាប់តែ​​​ពួកគេ​ដើរ​សំដៅមក​​​​​​​រក​ខ្ញុំហើយវាយខ្ញុំរហូតដល់សន្លប់តែម្តង”។​ នៅ​ពេល​ទាក់​ទង​កាល​ពី​ម្សិលមិញ​លោក​ ឧត្តមសេនីយ៍​ វ៉ាន់ថនបាន​បដិសេធ​​មិនព្រម​និយាយជាមួយ​អ្នក​យក​ព័ត៌មាន​ទេដោយ​​​គ្រាន់​​​​តែ​ប្រាប់​ថាគាត់​ពិបាក​និយាយពីព្រោះ​គាត់មានជំងឺ​ទឹកនោម​ផ្អែមនិងលើសឈាម។​ យោងតាមអង្គការសិទ្ធិមនុស្សអាដហុក​​​បាន​ឲ្យដឹងថាលោកឧត្តម​សេនីយ៍​​ វ៉ាន់ថនបាន​​​បដិសេធ​ថា ​លោក​មិនបាន​វាយធ្វើបាប​នរណាម្នាក់ទេដោយ​និយាយ​ថាអ្នកភូមិ​​​ដែល​​​មាន​កំហឹង​នោះ​ទេដែលបាន​វាយ​​​ជន​​​ពិការ​ទំាងពីរ​នាក់​នោះ​ឲ្យ​រងរបួស។ចំណែក​​​លោក​ប្រធាន​​ភូមិ​ ឃានក៏បាន​បដិសេធ​ការ​​​ចោទប្រកាន់​នេះដែរ៕ ប្រែសម្រួល​ដោយស៊ាស៊ុយឈាង

កម្ពុជា​ និង​ម៉ាឡេស៊ី ផ្លាស់​ប្តូរសំណើ​ស្តី​ពី​​កិច្ច​ព្រមព្រៀង​សម្រាប់ពលករ​ចំណាកស្រុក

ការចរចារវាង​ប្រទេសកម្ពុជានិង​ប្រទេស​​ម៉ាឡេស៊ីជុំវិញកិច្ចព្រមព្រៀងទ្វេ​ភាគី​ស្តី​​​អំពី​​​ការ​កែ​លម្អលក្ខខណ្ឌការងារ​​​សម្រាប់​ពលករ​ចំណាក​​ស្រុក​នោះកំពុង​វិវឌ្ឍ​សន្សឹមៗ ​​ ខណៈ​​​ដែល​រដ្ឋាភិបាល​នៃ​ប្រទេស​​ទាំងពីរ​កំពុងតែ​ផ្លាស់ប្តូរ​សេចក្តី​ព្រាង​កិច្ច​ព្រម​ព្រៀងនេះ​បើ​យោង​តាម​ក្រុមមន្ត្រីនៃប្រទេសទាំងពីរ។ លោកអូស្មាន់ហាស្សាន់រដ្ឋ​លេខា​ធិការ​​ក្រសួង​ការងារ​បាន​មាន​ប្រសា​សន៍​ថា​ កម្ពុជាទទួលបាន​សំណើ​តប​ពី​ប្រទេស​ម៉ាឡេស៊ី​​​នាពេល​ថ្មីៗនេះ។ ​លោក​បាន​មាន​ប្រសាសន៍​​​​កាលពីថ្ងៃច័ន្ទថា“យើង​ទទួល​បានសេចក្តី​ព្រាង​កិច្ច​ព្រមព្រៀង​នេះហើយនាពេល​​​នេះ”ហើយក្រុមមន្ត្រី​កំពុង​​ពិនិត្យកិច្ចព្រម​​​ព្រៀង​​​នេះ។ លោករ៉ាចាសៃហ៊្វូលរីដហ៊្សូវ៉ានអនុ​ប្រធានបេសកកម្មប្រចាំស្ថានទូត​ម៉ាឡេស៊ី​បានថ្លែង​​​ថាប្រទេស​ម៉ាឡេ​ស៊ី​បាន​​ធ្វើការ​សិក្សា​​​​និង​បាន​ធ្វើ​ការ​កែប្រែ​​សំណើ​កិច្ច​ព្រម​ព្រៀងនេះដែល​ប្រទេស​កម្ពុជា​បាន​បញ្ជូន​​​មក​​​កាលពីចុង​ឆ្នាំមុនហើយ​ “ថ្មីៗនេះ”បាន​បញ្ជូន​​សំណើកិច្ច​ព្រមព្រៀង​កែប្រែ​រួចទៅ​​​ឲ្យ​​​​​​រដ្ឋាភិបាល​កម្ពុជាវិញ​ដើម្បី​ធ្វើការ​ពិចារណា​។ លោករីដហ៊្សូវ៉ានបានមាន​ប្រសាសន៍​ថា“ក្រោយពី​បាន​ធ្វើ​ការ​កែប្រែ​រួចយើង​បាន​បញ្ជូនសេចក្តី​ព្រាងនេះ​ត្រឡប់​ទៅ​​វិញដើម្បី​​ឲ្យ​ភាគី​កម្ពុជា​អនុម័ត​។ដូច្នេះ​ហើយយើង​​​កំពុង​រង់​ចាំភាគី​កម្ពុជា​។យើង​មិន​រំពឹង​​​ថានឹង​មាន​ប្រតិកម្ម​ភ្លាមៗ​នោះទេ​ ពីព្រោះ​វាជា​​​កិច្ចការ​សំខាន់​ណាស់”។ ពេលស្នើសុំ​ការ​អត្ថាធិប្បាយ​អំពីការ​កែ​​​ប្រែ​​​​របស់​ភាគីម៉ាឡេស៊ីនោះលោករីដហ៊្សូវ៉ានបាន​មាន​ប្រសាសន៍ថា“ទោះ​យើង​ធ្វើ​​ការ​​​កែ​​​ប្រែ​យ៉ាងណាក៏ដោយ​ក៏វាដើម្បី​ផល​ប្រយោជន៍​របស់​​ម៉ាឡេស៊ីនិង​កម្ពុជាដែរ”។ ​ប្រទេសកម្ពុជាបាន​បញ្ជូន​ស្ត្រីជំនួយ​ការ​មេផ្ទះ​យ៉ាង​ហោច​ណាស់​៣០.០០០​នាក់​ទៅ​បម្រើ​ការ​នៅ​ប្រទេសម៉ាឡេស៊ី​ក្នុង​រយៈ​​​ពេល​​​​​​​ប៉ុន្មាន​ឆ្នាំថ្មីៗនេះប៉ុន្តែ​ករណី​រំលោភ​បំពាន​ និង​ការ​កេងប្រវ័ញ្ចជាច្រើន​ពី​សំណាក់​ទីភ្នាក់​ងារ​ជ្រើស​រើសពលករ​កម្ពុជានិង​និយោជក​ម៉ាឡេស៊ីបាន​បណ្តាល​ឲ្យ​លោក​​​នាយក​រដ្ឋ​មន្ត្រីហ៊ុនសែនចេញ​បម្រាម​ហាម​មិន​ឲ្យ​បញ្ជូនស្ត្រី​ជំនួយការ​មេផ្ទះទៅទៀត​ទេកាល​ពីខែ​តុលា។ កាលពីថ្ងៃទី​២៨ខែ​កុម្ភៈអង្គការ​សិទ្ធិ​មនុស្ស​កម្ពុជានិង​អន្តរជាតិ​ និង​សហជីព​ចំនួន​៦០បាន​ស្នើ​ឲ្យ​ប្រទេស​ទាំងពីរនេះ​មាន​កិច្ច​ព្រម​ព្រៀងមួយ​​​ ដែល​នឹង​ធានា​ឲ្យ​មាន​សិទ្ធិ​​​ការងារ​​រឹងមាំសម្រាប់​ស្ត្រីជំនួយ​ការ​មេផ្ទះ​កម្ពុជា​ដែល​ទៅបម្រើការ​ងារ​ក្នុង​ប្រទេស​ម៉ាឡេស៊ី។ បច្ចុប្បន្ននេះការងារ​ជាស្ត្រីជំនួយការ​មេផ្ទះ​មិនត្រូវ​បាន​ទទួលស្គាល់​ជាផ្លូវការ​ថា​​​ជា​ការងារ​ផ្លូវការ​នៅក្នុង​ប្រទេសភាគ​ច្រើន​នៅ​​​តំបន់អាស៊ីអាគ្នេយ៍នេះទេមាន​ន័យថាម៉ោងធ្វើការ​ ប្រាក់​ខែ​អប្បបរមានិង​លក្ខខណ្ឌ ការ​ងារ​ផ្សេងៗទៀត​មិន​ទាន់​រៀបរយ​នៅ​ឡើយទេខណៈដែល​ពលករ​ចំណាក​ស្រុក​​​មាន​ការ​ការ​ពារ​ផ្លូវច្បាប់​តិចតួច​ក្នុង​ប្រទេស​ម៉ាឡេស៊ី។ ក្រុមបុគ្គលិក​សិទ្ធិមនុស្សកំពុង​ជំរុញ​ឲ្យ​រដ្ឋាភិបាល​បើក​ចំហអំពី​ការ​ចរចា​របស់​ខ្លួននិង​ពិគ្រោះយោបល់​ជាមួយ​អង្គការ​​តស៊ូមតិ​​​ផ្នែក​ការងារ។ លោកមឿនតុលាប្រធាន​មជ្ឈ​មណ្ឌល​​អប់​រំច្បាប់​សម្រាប់​សហគមន៍​បាន​ថ្លែង​​​ថា“ដើម្បីធ្វើឲ្យ​មាន​តម្លា​ភាព​និងមានការទទួល​​​ខុស​​​ត្រូវរដ្ឋាភិបាល​មិន​គួរ​​លាក់បាំង​ នេះឡើយ”។ លោកមឿនតុលាបាន​មាន​ប្រសា​សន៍​ថា“ដើម្បីធ្វើឲ្យ​ ​ នេះ ​មាន​ប្រសិទ្ធភាពនិង​គាំទ្រដល់​ស្ត្រីនោះគួរ​បើក​​ទូលាយ​ឲ្យមាន​ការ​ពិភាក្សា​ជាមួយ​អង្គការ​​នានា​ដែល​ចូលរួម​ផ្តល់​ការ​គាំទ្រ​ផ្នែកច្បាប់​ដល់​​ជន​រង​គ្រោះពី​ការ​រំលោភ​បំពាន”។ លោក​បាន​បន្ថែមថាកិច្ច​ព្រមព្រៀង​នេះគួរ​ធានាឲ្យ​ប្រាកដថាស្ត្រីជំនួយការ​មេផ្ទះ​ត្រូវ​មាន​ថ្ងៃ​ឈប់​សម្រាក​ប្រចាំ​សប្តាហ៍ធ្វើការ​ប្រាំបីម៉ោង​ក្នុង​មួយថ្ងៃនិង​មានការ​ពិនិត្យ​ឲ្យបាន​ទៀងទាត់​ពី​​លក្ខខណ្ឌ​ការ​ងារ៕     ប្រែសម្រួលដោយសោមសារុន​​

ជំរឿនសហគ្រាសបង្ហាញថា កម្ពុជាមានសហគ្រាស​កន្លះលាន

យោង​តាមជំរឿន​​សហគ្រាសថ្នាក់​ជាតិ​មួយ ដែល​ក្រ​សួង​ផែន​ការ​បាន​ចេញ​​​​កាល​​ពី​ម្សិល​មិញ​​​បាន​ឲ្យ​ដឹង​ថា ប្រ​ទេស​កម្ពុជា​​មាន​សហគ្រាស​សរុប​ចំនួន​៥០៥.១៣៤ ​ដែល​ទ្រ​ទ្រង់​ដោយ​កម្លាំង​ពលកម្ម​ចំនួន​១.៦៧៦.២៦៣​នាក់ គឺ​ស្មើ​​នឹង​​១១,៥៦​​ភាគ​​រយ​​ប៉ុណ្ណោះ​នៃចំនួន​ប្រជា​ជន​សរុប។ ជំរឿន​សហគ្រាសឆ្នាំ​២០១១​កន្លង​ទៅនេះ​បាន​រកឃើញ​ថា ក្នុង​ចំណោម​ចំនួន​មនុស្ស​​សរុប​​មាន​ការ​ងារធ្វើ​នៅក្នុង​ប្រទេស​​ចំនួន១.០២៦.០៨៤​​នាក់ឬស្មើ​នឹង​៦១,២​ភាគ​រយ​ គឺ​ជា​ស្ត្រី​ ដែល​​ភាគ​​ច្រើន​បម្រើ​ការ​ងារ​​​​ផ្នែក​សេវាកម្ម​ចំណី​អាហារ​ ផ្នែក​លក់​រាយ និង​វិស័យ​កាត់​ដេរ​ដែល​ទទួល​បាន​​ប្រាក់​ខែ​ទាប។ យោង​តាម​ជំរឿន​នេះ​បង្ហាញថា ៩៧,៧​ភាគ​រយនៃ​សហគ្រាស​ទាំង​អស់​ក្នុង​ប្រទេស​កម្ពុជា​ ត្រូវ​បាន​បែងចែក​ជា​សហ​គ្រាស​ខ្នាត​តូច​ ដែល​មាន​កម្មករ​តិច​ជាង​១០​នាក់​ រីឯ​៧៩ភាគ​រយ​ នៃ​សហ​គ្រាស​ទាំង​អស់​មាន​កម្មករ​តិច​ជាង​បី​នាក់។ចំណែក​ឯសហគ្រាស​ខ្នាត​ធំ​​ ដែល​​ត្រូវបាន​ចាត់​ថា​មាន​ក​ម្មករ​លើស​ពី​១០០​នាក់​នោះ ​មាន​តែ​០,២​ភាគ​រយ​​ប៉ុណ្ណោះ​ នៃ​ចំនួន​សហគ្រាសទាំងអស់​​ ឬ​ស្មើ​នឹង​​៧៨៧​សហ​គ្រាស​​។ ទោះ​ជា​យ៉ាង​ណា​ បើនិយាយ​ពី​សកម្មភាព ធ្វើ​អាជីវកម្មវិញសហ​គ្រាស​ខ្នាត​ធំ​ទាំង​នេះ ​មាន​​ចំណែក​ជិត​ពាក់​កណ្តាល​នៃ​សកម្មភាព​ធ្វើ​អាជីវកម្មដែល​មាន​ទឹក​ប្រាក់​ចំនួន១២០​ពាន់​លាន​ដុល្លារប្រចាំ​ឆ្នាំ​របស់​កម្ពុជា​ គឺ​ស្មើ​នឹង​៥៨​,៥​ពាន់​លាន​ដុល្លារ​​​ក្នុង​​មួយ​ឆ្នាំ រីឯ​សហ​គ្រាស​ដែល​មាន​កម្មករ​​តិច​ជាង​បី​នាក់​ ​មាន​ចំណែក​ត្រឹម​​តែ​៣,៩​ពាន់​លាន​ដុល្លារ​​ប៉ុណ្ណោះនៅ​ក្នុង​ការ​ធ្វើ​អាជីវកម្ម​​។ ដោយ​ត្រូវ​បាន​ធ្វើ​ឡើង​​ក្នុង​ខែ​មីនា ​ឆ្នាំ​២០១១ ជំរឿន​ដែល​ចុះ​ធ្វើ​ពី​សហ​គ្រាស​​មួយ​ទៅ​សហ​គ្រាស​មួយ និង​ដែល​ចំ​ណាយ​អស់​ទឹក​ប្រាក់​ចំនួន​៣,២៦​លាន​ដុល្លារ​នេះទទួល​បាន​មូលនិធិ​ភាគ​ច្រើន​ពីទី​ភ្នាក់ងារ​សហ​ប្រតិ​បត្តិការ​អន្តរជាតិ​ជប៉ុន ហៅ​កាត់​ថា JICA ហើយ​មាន​ភារកិច្ច​ប្រ​មូល​តួលេខ​សហគ្រាស​​ក្នុង​ប្រទេស​កម្ពុជា​​ ព្រមទាំង​​ប្រមូល​ទិន្ន​ន័យ​​សេដ្ឋ​​កិច្ច​ស្តី​​ពី​សហ​គ្រាស​ទាំង​នោះ​ផង។ ​​​​លោកឆាយថនរដ្ឋ​មន្ត្រី​ក្រសួង​ផែន​ការ​ បាន​មាន​ប្រសាសន៍​កាល​ពី​ព្រឹក​ម្សិល​មិញ​នៅ​ពេល​ប្រកាស​ពី​ជំរឿន​នេះថា “ជំរឿន​សហគ្រាសឆ្នាំ​២០១១  នេះ​ត្រូវ​បាន​ធ្វើ​ឡើង​​នៅ​តាម​​ភូមិ​ ឬកន្លែង​ធ្វើ​ជំរឿននីមួយៗ និង​តាម​ទីផ្សារ​​ក្នុង​ស្រុក ​ខណ្ឌឃុំ និង​សង្កាត់​​ទាំង​​អស់ទូ​ទាំង​ព្រះ​រាជា​ណា​ចក្រ​កម្ពុជា”។ ជំ​រឿន​នេះ​ក៏បង្ហាញ​ដែរ​ថា សហ​គ្រាស​លក់​​ដុំ​ លក់​រាយ និង​ជួស​ជុល​យាន​យន្ត​មាន​៥៧,២​ភាគ​រយ​នៃ​សហ​គ្រាស​ទាំង​អស់​ក្នុង​ប្រទេស​កម្ពុជា គឺ​ស្មើ​នឹង​២៨៩.១៣០​សហ​គ្រាស​ រីឯ​សហ​គ្រាស​​​​​ផលិត​កម្ម​មាន​១៤,៩​ភាគរយ  ​ហើយ​សេ​វា​​កម្មសណ្ឋាគារផ្ទះ​សំណាក់និង​ចំណី​អាហារ​​​​​​​មាន​១៣,៨​ភាគ​រយ​នៃ​តួ​លេខ​សរុប​។ យោង​តាម​លទ្ធផល​នៃ​ជំរឿន​េនះ សេវា​ផលិត​កម្ម​ សេ​វា​​កម្មសណ្ឋាគារ ផ្ទះសំណាក់ និង​ចំណី​អាហារ​មាន​៨៦,៧​ភាគ​រយ​នៃ​សហ​​គ្រាសថ្មី​ចំនួន​១៨១.០៣៥ ​​​ដែល​ត្រូវ​បាន​បង្កើត​ឡើង​ក្នុង​ប្រទេស​កម្ពុជា​ ចាប់​តាំង​ពី​ដើម​ឆ្នាំ​២០០៩មក។ ក្នុង​រយៈ​ពេល​ដូច​គ្នា​នេះសហ​គ្រាស​នានា​ ដែល​ផ្តោត​លើ​សេវា​ព័ត៌មាន​និង​ទំនាក់​ទំនង ​ដូច​ជា​​​ទូរស័ព្ទ​ចល័តនិង​អីុនធើណិត​​ជា​ដើម​នោះ​ បាន​កើន​ឡើង​៥២,៤​ភាគ​រយ មកដល់​៤.៧០៨​​សហគ្រាស។ ខណៈ​ដែល​ជំរឿន​នេះបាន​រក​ឃើញ​ថាស្ត្រី​ដែល​ធ្វើ​ការ​នៅ​តាម​សហ​គ្រាស​នានាមាន​ចំនួន​ច្រើន​ជាង​បុរស​នោះជំរឿន​នេះ​​ក៏​បាន​រក​ឃើញ​ដែរ​ថា សហ​គ្រាស​​គ្រប់​គ្រង​ដោយ​ស្ត្រី​​មាន​ច្រើន​ជាង ដោយស្ត្រី​គ្រប់​គ្រង​ចំនួន​៦៥​ភាគរយ ឬស្មើ​នឹង​ ៣២៦.០០៦​​នៃ​សហគ្រាសទាំង​អស់។ជាង​៦៤​ភាគ​រយ​ នៃ​សហ​គ្រាស​ទាំង​អស់​ ត្រូវ​​បាន​គ្រប់​គ្រង​នៅ​តាម​លំនៅ​​ដ្ឋាន​តែម្តង។ លោក ​ចាន់ សុផល ប្រ​ធាន​សមា​គម​សេដ្ឋ​​កិច្ច​កម្ពុជា​ បាន​មាន​ប្រសាសន៍ថាដោយ​សារ​តែ​សហ​គ្រាស​ខ្នាត​តូច​មាន​ចំនួន​ច្រើន​នៅ​ក្នុងប្រទេស​កម្ពុជានោះ​​ រាជ​រដ្ឋា​ភិ​បាល​គួរ​តែ​ផ្តោត​លើ​​ការ​អភិវឌ្ឍ​សហ​គ្រាសខ្នាតតូច​​ទាំង​នោះ​។ទោះ​ជា​យ៉ាង​ណា​ យោង​តាម​ជំរឿន​នេះមាន​សហ​គ្រាស​តែ​១៧​.៣៦៩​ឬ​ស្មើ​នឹង​៣,៤​ភាគ​រយ​នៃ​សហ​គ្រាស​ទាំង​អស់​ប៉ុណ្ណោះ​ដែល​បាន​ចុះ​បញ្ជី​​ជាមួយ​រដ្ឋា​ភិបាល​នា​ពេល​បច្ចុប្បន្ន៕ ប្រែ​សម្រួល​ដោយ តែមសុខុម​​​  

អាមេរិកថា ការលាង​លុយ​កខ្វក់​ និង​គ្រឿង​ញៀន​នៅ​តែ​ជា​បញ្ហា​ប្រឈម​ដ៏ធំមួយ​នៅ​កម្ពុជា

យោង​​​តាម​​​របាយការ​​​ណ៍ថ្មី​​​មួ​​​យ​​​ដែល​​​ចេញ​​​ដោយ​​​​​​ក្រសួង​​​ការ​​​បរ​​​ទេសអាមេរិក​​​បាន​​​ឲ្យ​​​ដឹង​​​ថា ការ​​​លាង​​​លុយ​​​កង្វក់​​​ និង​​​ឧក្រិដ្ឋ​​​កម្ម​​​​​​ទាក់​​​ទង​​​​​​នឹង​​​គ្រឿង​​​ញៀន​​​ នៅ​​​តែ​​​ជា​​​បញ្ហា​​​ប្រឈម​​​ដ៏​​ធំ​មួយ​ក្នុង​​​ប្រទេស​​​កម្ពុជា​នៅ​ឡើយ ដោយ​សារ​​​តែ​​​កង្វះ​​​ច្បាប់ដែលអាចអនុវត្ត​បាន​ ​​​អំពើ​​​ពុក​​​រលួយ  ព្រម​​​ទាំង​​​​​ធន​​​ធាន​នៅ​មានកម្រិត​​​។ យោងតាម​​​របាយ​​​ការណ៍​​​យុទ្ធសាស្ត្រ​គ្រឿង​​​ញៀន​​​​​​អន្តរ​​​ជាតិឆ្នាំ២០១២ បាន​​​ឲ្យ​​​ដឹង​​​ថា ប្រ​​​ទេស​​​កម្ពុជា នៅ​​​តែ​​​ “ ប្រឈម​ខ្លាំង” នឹង​​​​បញ្ហា​​​​​លាង​​​លុយ​​​កខ្វក់​ ដោយ​​​សារ​​​តែ​​​បញ្ហា​​​មួយ​​​ចំនួន​​​ ក្នុង​នោះ​រួម​​​មានទាំង​ទី​​​ផ្សារ​​​ងងឹត​ដ៏ធំ​​​​ និង​​​​​​ការ​​​ត្រួតពិនិត្យ​​នៅមាន​កម្រិត​​​​របស់​​​រដ្ឋា​​​ភិ​​​បាល​​​​​​លើ​​​ទីកន្លែង​មិនចេញមុខ​​មួយ​​​ចំនួន​​​ដូច​​​ជា​​​កាស៊ីណូ​​​ជា​​​ដើមផង​។ របាយការណ៍នេះ​​​​មានខ្លឹមសារ​​​​​ថា “​ ​​មិន​ថា​​វា​មានទំហំបុ៉ណ្ណា​​ទេ​ ទាំង​​ការធ្វើឲ្យ​ចរន្ត​ប្រាក់​​ស្រប​​​ច្បាប់​​​ និង​​​មិន​​​ស្រប​​​ច្បាប់​​​ ​ច្រើនតែ​​​​​​​​ធ្វើ​​​ឡើងក្រៅ​​​​​​ស្ថាប័ន​​​​ហិរញ្ញ​​​វត្ថុ​​​ស្រប​​​ច្បាប់​​​​ ហើយ​ពិបាក​​​​​​ក្នុងការ​​ពិនិត្យតាមដាន​ណាស់​”។ “ទឹក​​​ប្រាក់​​​ដែល​​​បាន​​​មក​​​ពី​​​អំពើ​​​ខុស​​​ច្បាប់​​​ផ្សេងៗត្រូវ​​​បាន​​​គេ​​​យក​​​ទៅ​​​វិនិយោគ​ភ្លាមៗ​​​​លើ​ដី​ធ្លី ផ្ទះ វត្ថុ​​​មាន​​​តម្លៃ ឬ​អចលនទ្រព្យ ​ក្នុង​ទម្រង់​​​ផ្សេងៗ​​​​ទៀត ដោយ​​​មិន​​​បាន​​​ឆ្លង​​​កាត់​​​ធនាគារ​​​ស្រប​​​ច្បាប់”។  របាយ​​​ការណ៍​​​នេះ​ក៏​បាន​​​ឲ្យ​ដឹងផង​​​​ដែរ​​​ថា ក្រម​ព្រហ្មទណ្ឌបច្ចុប្បន្ន​​​ មិន​​​អាច​​​កំណត់​​​​ការ​លាង​​​លុយ​​​កខ្វក់ថាជាអំពើ​​ឧក្រិដ្ឋ​​​កម្ម​​​បាន​ទេ​​​​​ ដោយ​​​សារ​​​តែ​​​កង្វះ​បទ​បញ្ញត្តិ​សម្រាប់​​​​ត្រួត​​​ពិនិត្យ​​​​​​ចរន្ត​​​សាច់​​​ប្រាក់​​​ដែល​​​គួរ​​​ឲ្យ​​​សង្ស័យ ខណៈដែល​​​​​​​​​​​​​​​​​​​​​​ភាព​​​មិន​​​ស៊ី​​​សង្វាក់​​​គ្នា​​​ខាងផ្នែក​​​ច្បាប់ ធ្វើ​​​ឲ្យ​​​​​​មាន​​​ភាពមិន​​​​ច្បាស់​​​លាស់​​​ មិនដឹង​ថា តើ​​​អង្គភាពមួយ​​ណា​ដែល​មាន​​​សមត្ថកិច្ច​​​ក្នុងការ​បង្កក​​​ហិរញ្ញវត្ថុដែ​​​ល​គ្រប់​គ្រង​​​ដោយ​​​ឧក្រិដ្ឋជន​ ក្នុងនោះ​មាន​ទាំង​ជន​សង្ស័យ​ជា​ភេរវករផងដែរ​។​​​ របាយ​​​ការណ៍​​​​ដដែលនេះ​មាន​ខ្លឹមសារ​បន្ត​​​​ថា “កង្វះ​ភាពច្បាស់លាស់ និង​សុក្រឹត​ភាព​ក្នុង​​​សេចក្តី​​​​រាយការណ៍​​​​​​ ព្រម​​​ទាំងកង្វះ​​​រចនា​​​សម្ព័ន្ធ​​​​ច្បាប់​​​​​ ជាការរាំង​ស្ទះ​ដល់​​​ឯក​​​រាជភាព​របស់​​​ FIU (អង្គភាពសើុប​​​អង្កេត​​​ហិរញ្ញ​​​វត្ថុ​​​)  ​និង​សកម្មភាពប្រឆាំង​​​ការ​​​លាង​​​លុយ​​​កខ្វក់​ព្រមទាំង​​​ការ​​​ផ្តល់​​​ហិរញ្ញប្ប​​​ទាន​​​ដល់​​​ភេរវករ “។ ភាព​​​ស្មុគ​​​ស្មាញ​​​នៃ​ច្បាប់​​​ និង​​​​​​ព្រំ​​​ដែន​ធូរ​លុង​របស់​​​​កម្ពុជា ​ក៏បាន​បន្ទុចបង្អាក់​​​​លទ្ធភាព​របស់​ប្រទេស​នេះ​ ក្នុង​​​ការ​​​ដោះ​​​ស្រាយបញ្ហាឧក្រិដ្ឋ​កម្ម​​​ទាក់​​​ទង​​​នឹង​​​គ្រឿង​​​ញៀន និង​​​​ការ​​​រត់​​​ពន្ធ​​​ឆ្លង​​​កាត់​​​ព្រំ​​​ដែន​ក្នុងទម្រង់​ផ្សេងទៀត​ផងដែរ​។ របាយ​​​ការណ៍​​​នេះ​មាន​ខ្លឹមសារ​បន្ត​​​​ថា “​​​ មន្ត្រី​​​នគរបាល​ព្រំ​​​ដែន​ត្រូវ​បាន​​​ស្នើ​​​​ឲ្យ​​​ប្រើ​​​ប្រាស់​​​​ប្រព័ន្ធ​​​ត្រួតពិនិត្យ​​​​ព្រំ​​​ដែន​​​ទំនើប​​ដែរ​ ប៉ុន្តែ​នៅ​តែ​ត្រូវ​ប្រឈម​នឹង​​​​​​​​បញ្ហា​មួយចំនួន​​​​ដូច​​​ជា​​​កង្វះ​​​ការ​​​ហ្វឹក​​​ហ្វឺន​​​ និង​​​​​​​ថវិកាមាន​​​កម្រិត​​​ ដែល​​បានផ្តល់ឱកាស​​​ដល់បណ្តាញ​​​ឧក្រិដ្ឋ​​​ជន​​​​​​ក្នុង​ការ​​​កេងចំណេញ​ពី​កម្សោយ​​​ទាំង​​​នេះ​​​ ដើម្បី​​​រត់​​​ពន្ធ​​​គ្រឿង​ញៀន​​​ សារធាតុ​​​គីមី​​​​​​ដែល​​​បង្ក​​​គ្រោះ​​​ថ្នាក់​​​ ព្រម​​​ទាំង​​​ការជួញ​​​ដូរ​​​មនុស្ស​​​ និង​​​សត្វ​​​ព្រៃ”។ ឧត្តម​​​សេនីយ៍ឯក ខៀវ សុភ័គ អ្នក​​​នាំ​​​ពាក្យ​ក្រ​​​សួង​​​មហា​​​ផ្ទៃ​​​ បានមានប្រសាសន៍​​​ថា ការ​​​ពង្រឹង​​​សមត្ថភាព​ផ្នែក​​​ព៌តមាន​​​វិទ្យា​​​អាច​​​ជួយ​​​ដោះ​​​ស្រាយ​​​បញ្ហា​​​លាង​​​លុយ​​​កខ្វក់នេះ​បាន។ លោក​​​បាន​​​មាន​​​ប្រសាសន៍ថា “យើង​​​មាន​​​ភាព​​​កម្សោយ​​​​ខាង​​​ការ​​​ត្រួត​​​ពិនិត្យ​​​ការ​​​ធ្វើ​​​ចរា​ចរ​​​លុយ​​​កខ្វក់​​​ ក៏ប៉ុន្តែ​​​ក្នុង​​​ករណី​​​នេះ​​​ យើង​​​នឹង​​​ស្នើ​​​សំុ​​​ឲ្យ​​​ក្រសួង​​​សេដ្ឋ​​​កិច្ច​​​ និង​​​ហិរញ្ញ​​​វត្ថុអភិវឌ្ឍប្រ​​​ព័ន្ធ​​​ធនាគារ​​​ឲ្យ​​​កាន់​​​តែ​​​ប្រសើរ​​​ឡើង​​​ ដោយ​​​ប្រើ​​​ប្រាស់​​​ប្រ​​​ព័ន្ធ​​​បច្ចេកវិទ្យា​​​ថ្មីៗដែល​​​អាច​​​មានដំណើរ​​​ការ​​​កាន់​​​តែ​​​ល្អ"៕ ​(រាយ​ការណ៍បន្ថែមដោយ សាំង សុឥន្ទរិទ្ធ) ប្រែ​​​សម្រួល​​​ដោយ  ហួង កុកទៀន

ជន​​​រង​​​គ្រោះ​​​ដោយ​​​សារ​​​ការ​​​បាញ់​​​ប្រហារនៅ​​​តំបន់​​​សេដ្ឋ​​​កិច្ច​​​ពិសេស​​​ នឹង​​​ប្តឹង​​​អតីត​​​អភិបាល​​​ក្រុ​​ង​​​បាវិត​​​

ស្ត្រី​ពី​រនាក់​ ដែល​ត្រូវ​បាន​បាញ់​ឲ្យ​រង​របួស​​​​អំឡុង​ការ​តវ៉ា​កាលពី​ថ្ងៃ​ទី​២០​ ខែ​កុម្ភៈ​ នៅ​ឯ​តំបន់​សេដ្ឋកិច្ច​ពិសេស​មួយ​(SEZ) បាន​និយាយ​​​​កាលពី​ម្សិល​មិញ​ថាពួក​គេ​មាន​ផែនការ​ប្ដឹង​លោកឈូកបណ្ឌិតអតីត​អភិបាល​ក្រុង​បាវិត​។ ឈ្មោះ​ នុតសុខនអាយុ​២៣ឆ្នាំនិង​ ប៊ុនចិន្តាអាយុ​២១ឆ្នាំបាន​និយាយ​ថាពួក​គេ​នឹង​ទៅ​​សាលា​ដំបូង​ខេត្ត​ស្វាយ​រៀង​ ថ្ងៃ​នេះ​ ដើម្បី​ធ្វើ​​​​ពាក្យ​បណ្ដឹង​ប្ដឹង​លោក​ បណ្ឌិត​ ដែល​ក្រសួង​មហា​ផ្ទៃ​បាន​កំណត់​អត្ត​សញ្ញាណ​ថាជា​ជន​សង្ស័យតែម្នាក់​គត់​​នៅ​ក្នុង​ការ​បាញ់​ប្រហារ​ កាលពី​ថ្ងៃ​ទី​២០ខែ​កុម្ភៈនៅ​ឯ​តំបន់​សេដ្ឋ​កិច្ច​ពិសេស​ ម៉ាន់ហាត​តាន់។លោក​ បណ្ឌិតត្រូវ​បាន​ដក​ចេញ​ពី​តួ​នាទី​កាលពី​សប្តាហ៍​មុន​ នៅ​ក្នុង​​អ្វ​ី​ដែល​មន្ត្រី​រដ្ឋាភិបាល​បាន​លើក​ឡើង​ថា ជា​ទង្វើ​​មួយ​មាន​បំណងបើក​ផ្លូវ​​ឲ្យ​តុលាការ​ធ្វើ​ការ​ស៊ើប​អង្កេត​​។ នាងសុខនបាននិយាយ​ថា“ខ្ញុំ​បាន​សម្រេច​​ប្ដឹង​លោក​ បណ្ឌិត អភិបាល​ក្រុង​បាវិត​ ពី​ព្រោះ​គាត់​បាន​​បាញ់​​កម្ម​ករ​ស្លូត​ត្រង់ឲ្យ​រង​របួស​ ហើយ​ខ្ញុំ​ចង់​បាន​យុត្តិ​ធម៌​”។នាង​ ចិន្តាក៏បាន​និយាយ​ដែរ​ថា នាង​នឹង​ប្ដឹង​លោក​ បណ្ឌិត​។ ជ​ន​រង​គ្រោះ​ទី​បី​ ដោយ​សារ​ការ​បាញ់​ប្រហារនេះ​ឈ្មោះ កែវ​ នា អាយុ​១៨​ឆ្នាំ​ បាន​និយាយ​ថា នាង​ និង​គ្រួសារ​របស់​នាង​បាន​​សម្រេច​មិនប្ដឹងទេ​។ នាងបា​ន​និយាយថា “គ្រួសារ​ខ្ញុំ​សម្រេច​​ចិត្ត​មិន​ប្ដឹង​ជន​សង្ស័យរូបនេះ​​ ពី​ព្រោះ​ខ្ញុំ​មាន​របួស​ស្រាល​ ហើយ​ខ្ញុំ​មិន​ចង់​មាន​បញ្ហា​ទៀត​ទេ”។ នាង​បាន​បន្ថែម​ថា នាង​មិន​ត្រូវ​បាន​បំភិត​បំភ័យ​ ឬ​បង្ខំ​ឲ្យ​ធ្វើ​ការសម្រេច​ចិត្ត​បែបនេះទេ។ នាងកែវ​ នាកន្លង​មក​ធ្លាប់​បាន​និយាយថានាង​បាន​ទទួល​ប្រាក់ចំនួន​៥០០ដុល្លារជាថ្នូរ​នឹង​ការ​សន្យាមិនប្តឹង​ជន​​ដែល​បានបាញ់​នាង​។ លោក​ បណ្ឌិត​ នឹង​ត្រូវ​ចូល​ខ្លួនមក​​តុលាការ​​សម្រាប់​ការសាកសួរ​នៅ​ថ្ងៃ​សុក្រនេះ​។...

​ទោសជាប់ពន្ធនាគារ​​ពី​បទ​លួច​​បន្លំ​ប្រាក់​ក្រុម​ហ៊ុន​៦០​លាន​ដុល្លា​រ ​​ត្រូវ​បាន​​បន្ថយ​មក​ត្រឹម​បី​ឆ្នាំ​

កាល​ពី​ម្សិល​មិញ​ សា​លាឧទ្ធរណ៍​បាន​បន្ថយ​​ទោសជាប់ពន្ធនាគារ​របស់​​អតីត​​​អគ្គ​​​នាយក​រង​​ក្រុម​ហ៊ុនអានកូគ្រុបនិង​ភរិយា​របស់លោកមកត្រឹម​​បី​ឆ្នាំ​ប៉ុណ្ណោះក្នុង​ម្នាក់​​។កាលពី​​ខែ​ធ្នូ​ សាលាដំបូង​​រាជធានី​ភ្នំពេញ​បាន​កាត់​ទោស​ប្តីប្រពន្ធ​ពីរនាក់​នេះ​ឲ្យ​ជាប់​ពន្ធ​​​នាគារ​ក្នុង​ម្នាក់​បួន​ឆ្នាំ​កន្លះ​ពី​បទ​លួច​​បន្លំ​​ប្រាក់​ក្រុមហ៊ុន​ជិត​៦០លាន​ដុល្លារ​​ពី​ក្រុមហ៊ុន​របស់​លោកកុកអានជាពាណិជ្ជករ​​និង​ជា​សមាជិក​ព្រឹទ្ធសភា​មក​ពីគណបក្ស​ប្រជា​ជន​កម្ពុជា។ ក្នុងពេលប្រកាស​សាល​ក្រមលោក​ ប្លង់​ សំណាង ​ចៅ​ក្រមជំនុំជម្រះ​​ បាន​មាន​ប្រសាសន៍​​​ថាលោក​បាន​កាត់​ទោស​ប្តី​ប្រពន្ធ​ពីរ​នាក់​េនះ​ពី​បទ​រំលោភលើ​​សេចក្តី​ទុក​ចិត្ត​រវាង​បុគ្គល​និង​បុគ្គលដែលអាច​ឲ្យ​​លោក​ចេញ​​​សាលដីកា​ផ្តន្ទាទោសជាប់​​ពន្ធនាគារ​ដែល​មាន​រយៈ​ពេល​ខ្លី​ជាង​ទោស​ដែល​សម្រេច​ដោយ​​សាលាដំបូង​រាជធានី​ភ្នំពេញ​បាន​។ សាលាដំបូង​រាជធានីភ្នំពេញបានកាត់​ទោស​អ្នក​ទាំង​ពីរពី​បទរំ​លោភលើ​សេចក្តី​ទុក​ចិត្ត​ដោយ​បុគ្គល​ម្នាក់​ដែល​ជា​អ្នក​​ដឹកនាំ​ស្ថាប័ន​ស្រប​ច្បាប់​ណាមួយ​ ដូច​ជាសាជីវកម្ម​ជាដើម​។ លោក​ចៅ​ក្រម​ សំណាងបាន​មានប្រសាសន៍​​​ថា“តុលាការ​​សម្រេច​​​ផ្តន្ទា​ទោសឈ្មោះ​ ហេងឈាងអាយុ​៤២​ឆ្នាំនិង​ឈ្មោះ​ ទេពកូលាបអាយុ៣៦​ឆ្នាំ​ ឲ្យ​ជាប់​ពន្ធនាគារ​ក្នុង​ម្នាក់​​បីឆ្នាំពីបទ​រំលោភលើ​សេចក្តីទុក​ចិត្ត​...​​​តុលាការ​បង្គាប់​ឲ្យអ្នកទាំងពីរ​​បង់​ប្រាក់​៥៨,៣៤លាន​ដុល្លារ​​ ហើយក៏​​បង្គាប់​​ឲ្យ​​​ពួកគេ​​​​ស​ង​ជំងឺ​ចិត្ត​​ចំនួន​៥០.០០០​ដុល្លារ​ដល់​​​លោក ​​​កុកអានដែល​ជាដើមចោទ​​ផងដែរ​”។​ លោកឈាងបាន​បដិសេធ​ថាខ្លួន​មិន​បាន​លួច​បន្លំ​ប្រាក់​នោះទេ ប៉ុន្តែ​បាន​សារភាពថា​ គណនេយ្យ​របស់​ក្រុម​ហ៊ុន​​ពិតជា​បាត់ប្រាក់​ចំនួន​៦៣០.០០០​ដុល្លារ​មែន ពីព្រោះ​ប្រពន្ធ​របស់​លោកកុកអានឈ្មោះសុខអុីមបាន​​ប្រាប់​​លោក​ឲ្យ​ដក​​​ប្រាក់​​ទាំង​នោះយក​​ទៅ​សាង​សង់​ផ្ទះមួយខ្នង​​នៅ​ក្នុង​ខណ្ឌ​ទួល​គោក។ លោក​បានថ្លែងថា ការ​ចោទ​ប្រកាន់​ពីការ​លួច​បន្លំ​ប្រាក់​នេះ​គឺ​​ផ្អែក​លើ​​របាយការ​ណ៍សវនកម្ម​មិនសុក្រិដ្ធ​​​អំពី​របាយការណ៍​ហិរញ្ញ​​​វត្ថុ​​របស់​ក្រុម​ហ៊ុន​ អានកូគ្រុប។ លោក​ចៅក្រមសំណាង ​ បានច្រាន​​​ចោល​​​​​​​ការ​​​​​ឆ្លើយការពារ​ខ្លួន​របស់​​​លោកឈាងថា​​ “គ្រាន់​តែ​ជា​ការ​ដោះសារ”ដោយ​បាន​មាន​​​ប្រសាសន៍បន្ថែម​​​​ថាអ្នក​ទាំង​ពីរ“មាន​កំហុស​ល្មមនឹង​ ពីបទ​រំលោភលើ​សេចក្តី​​​ទុក​ចិត្ត​”។ ខណៈដែលតុលារការ​ប្រកាស​​សាល​ក្រម​​សមាជិក​​គ្រួសារព្រមទាំង​សិស្សានុសិស្ស​ និង​សហសេវិកដែល​មាន​ចំនួន​ប្រមាណ​២០០​នាក់​មក​ពីសាកល​វិទ្យាល័យភ្នំពេញ​អន្តរជាតិ​ដែលមាន​​លោក​ ឈាងជា​ប្រធាននិង​លោក​​​​ស្រី​ កូលាប ​ជានាយិកា​សាកល​វិទ្យា​​​ល័យបាន​​​នាំគ្នា​ស្រែក​សម្តែង​ការ​មិន​ពេញចិត្ត​...

រដ្ឋសភារំឭក​​​ប្រាប់សាធារណជន​​​ថា លោក ​សម រង្ស៊ី លែង​ជា​សមាជិក​សភា​ទៀត​ហើយ​

មួយសប្តាហ៍បន្ទាប់​ពី​លោកសមរង្ស៊ីមេដឹកនាំគណបក្សសម​ រង្ស៊ីបាន​ប្តេជ្ញា​ថា​នឹង​ត្រឡប់មក​កម្ពុជាវិញពីការ​និរទេស​ខ្លួនឯង​​​នោះកាលពីម្សិលមិញរដ្ឋសភា​បានចេញ​​​សេចក្តីថ្លែងការណ៍មួយរំឭកប្រាប់​​បណ្តាញ​​​ផ្សព្វផ្សាយព័ត៌មាន​និង​សាធារណជន​ថាប្រធានគណបក្សសមរង្ស៊ី​ រូបនេះត្រូវបាន​លុបឈ្មោះ​ចេញ​ពី​បញ្ជីរបស់រដ្ឋសភា​​​កាលពី​​​ឆ្នាំមុននិង​ត្រូវបានដក​អភ័យ​ឯក​សិទ្ធិជាសមា​ជិក​សភា​ទៀត​ផង។ សេចក្តីថ្លែងការ​ណ៍​ចេញ​ដោយ​ការិ​យា​ល័យរបស់​លោកឡេងប៉េងឡុងអគ្គ​លេខាធិការ​រដ្ឋសភាមាន​ខ្លឹមសារថា“លោកសមរង្ស៊ីត្រូវបាន​លុប​ឈ្មោះ​ចេញ​ពី​បញ្ជី​ឈ្មោះសមា​ជិក​សភា​នីតិកាល​ទីបួន​នេះ​​ហើយ។​​​ហេតុដូច្នេះ​ហើយ​ មតិជាតិនិងអន្តរជាតិគួរ​តែ​ជ្រាបពី​ព័ត៌មាន​នេះ”។ សេចក្តីថ្លែងការណ៍នេះយោង​ទៅលើ​សេចក្តីសម្រេចរបស់​តុលាការ​កំពូល​កាល​ពីថ្ងៃទី១ខែមីនាឆ្នាំ២០១១​ ក្នុង​ការ​តម្កល់​​សាលក្រម​របស់​សាលា​ដំបូង​ខេត្ត​ស្វាយរៀង​កាល​ពីឆ្នាំ​២០១០​ដែល​ផ្តន្ទាទោសលោក​ សម​ រង្សុីឲ្យជាប់​ពន្ធនាគារ​​រយៈពេលពីរ​ឆ្នាំនិង​ពិន័យជា​ប្រាក់​​ចំនួន​៨លានរៀល​ (ប្រហែល​​​ ២.០០០​ដុល្លារ)​ពីបទ​ដក​បង្គោល​តម្រុយ​ព្រំដែន។ ពីរសប្តាហ៍បន្ទាប់​ពី​តុលាការ​ចេញ​សាល​​​ក្រមនេះកាលពីឆ្នាំមុននោះលោកសមរង្ស៊ីត្រូវបាន​ដក​អភ័យ​ឯក​សិទ្ធិ​សភា​​ជា​តំណាង​​​រាស្ត្រមណ្ឌលខេត្ត​កំពង់​ចាម។ តាមច្បាប់ទណ្ឌិតមានទោស​ព្រហ្ម​ទណ្ឌដែលមិន​ទាន់បាន​អនុវត្ត​ទោស​របស់ខ្លួន​​​នោះមិន​អាច​បម្រើការ​នៅក្នុង​អង្គ​នីតិបញ្ញត្តិ​​​បាន​ឡើយ អំឡុងពេលនិយាយតាម​រយៈ​វីដេអូ​ខន​​​ហ្វឺរិន​​​ កាលពីថ្ងៃទី៥ខែមីនាជាមួយ​សមាជិក​​​គណបក្សលោកសមរង្ស៊ីបាន​បញ្ជាក់​សាជា​​​ថ្មី​ពីការ​ប្តេជ្ញាវិលត្រឡប់​មក​ប្រទេស​កម្ពុជា​​​វិញ​ជាមួយការ​ជួយគាំទ្រ​ពី​អន្តរជាតិប្រសិន​បើ​លោក​អាចទទួល​បាន​ការគាំទ្រ​មែននោះ។ លោក​បាន​និរទេស​ខ្លួនឯង​ទៅ​រស់​នៅ​​ក្នុង​ទីក្រុង​ប៉ារីសចាប់​តាំង​ពីចុង​ឆ្នាំ​២០០៩​មកហើយ​ក្រោយមក ​តុលាការ​ចំនួន​ពីរ​បាន​​ផ្តន្ទាទោស​រូបលោក​ឲ្យជាប់​ពន្ធនា​គារ​សរុប​១២ឆ្នាំតាមការ​ចោទ​ប្រកាន់​ពីបទ​ញុះញង់​ ផ្សព្វផ្សាយព័ត៌មាន​មិនពិតនិង​បំផ្លាញ​ទ្រព្យ​សម្បត្តិ​សាធារណៈចំពោះ​ការ​​ដក​បង្គោល​តម្រុយព្រំដែន​ជាប់​ប្រទេស​វៀតណាម។ លោកជាមយៀបអ្នកនាំពាក្យ​ក្រៅ​ផ្លូវ​ការ​និង​ជា​សមាជិក​សភា​គណបក្ស​ប្រជាជន​កម្ពុជា​បានថ្លែង​​​ថាសេចក្តី​ប្រកាស​​​នេះគឺជា​វិធីមួយក្នុង​ការ​​ប្រាប់​​សហគមន៍​​អន្តរជាតិថាលោកសមរង្ស៊ីនឹង​មិន​អាច“ប្រើ​​​ប្រាស់​តួនាទី​​​​​​របស់​ខ្លួន”ដើម្បី​បញ្ចុះ​​​បញ្ចូល​​​ឲ្យ​អន្តរជាតិ​គាំទ្រ​ខ្លួន​​បាន​ឡើយ។លោក​បាន​ថ្លែងថា “យើង​ត្រូវ​តែ​ប្រកាសថាលោកសមរង្ស៊ីលែង​ជាសមាជិក​​​សភាទៀតហើយចាប់តាំង​​​ពី​​​​សាលក្រម​បាន​ចូលជាធរមានមក”។ លោកយឹមសុវណ្ណអ្នកនាំពាក្យ​គណ​បក្សសមរង្ស៊ីបានថ្លែងថានៅតែមាន​ផែនការឲ្យលោក​ សមរង្ស៊ី ​បាន​ត្រឡប់មក​​ប្រទេស​​​កម្ពុជា​​​ ​​​វិញដដែលគឺឲ្យបាន​មុន​ការ​បោះឆ្នោត​​​ជ្រើស​​​​រើស​ក្រុម​ប្រឹក្សា​​ឃុំ-សង្កាត់​នៅ​ថ្ងៃទី៣ខែមិថុនា។លោក​បាន​ថ្លែង​ថា“ ​​​បារម្ភពី​ប្រជា​ប្រិយ​ភាព​របស់​លោកសមរង្សុី ...ហើយ​សូម្បីតែ​នៅ​ពេល​​សមាជិក​គណ​​​បក្ស​​​បាត់​បង់​អភ័យ​ឯក​សិទ្ធិ​របស់​ខ្លួន​ហើយ​​​ក៏ដោយក៏យើង​នៅ​តែ​​ធ្វើការ​ងារ​របស់​​យើង​ដើម្បី​​បម្រើ​ប្រជា​ពល​រដ្ឋ​ដដែល"៕ ប្រែសម្រួលដោយសោមសារុន