សមា​​​ជិក​​​រដ្ឋ​ស​​​ភានឹង​​​ពិភាក្សា​​​កិច្ចព្រមព្រៀង​​​​បញ្ជូន​​​ពលករខ្មែរ​​​ទៅ​​​ធ្វើ​​​ការ​​​នៅ​​​ក្នុង​ប្រទេស​​​កាតា​​​

នៅ​​​ថ្ងៃ​​​ព្រហស្បតិ៍​​​​​​ សភា​​​ជាតិ​​​គ្រោង​​​នឹង​​​ពិភាក្សា​​អំពីកិច្ច​​​ព្រម​ព្រៀងមួយ​​​ ​​​ដើម្បី​​​បញ្ជូន​ពលករ​​​ខ្មែរ​​​រាប់​​​ពាន់​​​នាក់​​​ ទៅ​​​ធ្វើ​​​ការ​​​នៅក្នុង​​​​ប្រទេសកាតា ដែល​​​ជា​​​ប្រទេស​​​មួយ​​​ធ្លាប់​ទទួល​រង​​​ការ​​​រិះ​​​គន់​​ថា​​​ បាន​​​រំលោភ​​​សិទ្ធិ​​ពលករ​ចំណាក​​​ស្រុក​​​​​​នៅ​​​ពេល​​​​ប្រទេស​​​នេះ​​​កំពុងត្រៀមខ្លួន​​​ធ្វើ​​​ជា​​​ម្ចាស់​​​​​​ផ្ទះ​​​សម្រាប់ការ​​​ប្រ​​​កួត​​​ដណ្តើមពាន​រង្វាន់​បាល់​ទាត់​ពិភព​លោក​នៅក្នុង​ឆ្នាំ ​២០២២។ ​​យោង​​​តាមលោក គាំ កុសល​​​​​ ប្រធាន​​​ខុទ្ទកា​ល័យ​​​របស់លោក ហេង សំរិន​​​ ប្រធាន​​​រដ្ឋសភា​​​បាន​​​ឲ្យ​​​ដឹង​​​ថា ​​​រដ្ឋមន្ត្រី​​​ក្រសួង​​​ការ​​​ងារ​របស់​ប្រទេស​​​កម្ពុជា​​​ និងរដ្ឋមន្ត្រី​​​ក្រសួង​​​ការ​​​ងារ​របស់​ប្រទេស​​​កាតា ​​​បាន​​​ចុះ​​​ហត្ថលេខា​​​លើ​​​កិច្ច​​​ព្រម​​​ព្រៀង​​​​​​​មួយ ​​​​​​កាល​​​​​​ពី​​​ខែ​​​​​​ឧសភា ​​​​​​ឆ្នាំ​២០១១ ដើម្បី​​​បញ្ជូន​​​ពលករ​​​ទៅ​​​ធ្វើការនៅ​​​​​​ប្រទេសក្នុង​​​តំបន់មជ្ឈិមបូព៌ា​​មួយ​នេះ។ សមាជិកសភា​​​មាន​​​​​​គម្រោង​​​ពិ​​​ភាក្សា​អំពី​កិច្ច​​​ព្រមព្រៀងនេះ ​​​​​​នៅ​​​ថ្ងៃ​​​ព្រ​​​ហស្សតិ៍ ​​ដែល​​​តម្រូវ​​​ឲ្យមាន​​​ការ​​​ផ្តល់​​​សច្ចា​​​ប័នដោយ​​​​​​រដ្ឋាភិ​​​បាល​​​នៃប្រទេសទាំង​​​ពីរ។ កាល​​​ពី​​​ខែ​​​ធ្នូ​​​ លោកនាយក​រដ្ឋមន្ត្រី ​ហ៊ុន​ សែន ចុះ​ហត្ថលេខាលើកិច្ចព្រមព្រៀងនេះតែតម្រូវឲ្យមានការ“ ត្រួត​​​ពិនិត្យ​​​ និង​​​អនុម័ត”​  ពីរដ្ឋសភា។នៅពេលមិនទាន់មានការបញ្ជាក់ឲ្យ​បាន​ច្បាស់​​​លាស់​​​​ពីលក្ខខណ្ឌ​​​​ការ​​​ងាររបស់ពលករ​ ដែលតម្រូវឲ្យមាន​​​កិច្ច​​​សន្យា​ផ្ទាល់​​​ខ្លួន​នៅក្នុងកិច្ច​​​សន្យា​​​នោះ​​​ ពួក​​​គេ​​បាន​​​និយាយ​​​ថា​​​ “ នឹង​​​សមស្របតាម​​​កិច្ច​​​ព្រមព្រៀង​​​ និង​​ច្បាប់​​​ការ​​​ងា​​​ររបស់​​​ប្រទេស​​​កាតា”។ កិច្ច​​​ព្រមព្រៀង​​​នេះ​​​បញ្ជាក់​​​ថា ​និយោ​​​​​​ជក​នឹងទទួលខុសត្រូវ ចំពោះការចំណាយ​​​លើ​​​ការ​​​ធ្វើ​​​ដំណើរ​​​ដោយ​​ខ្លួន​​​ឯង​​​ លើកលែង​តែ​កម្មករលាឈប់ ឬ “ មានកំហុស​រហូត​ឈាន​ដល់បញ្ឈប់ពីការងារ”។ លោក​​​ អាន ប៊ុនហាក់ ប្រធានសមាគម​​​​ភ្នាក់​​​ងារ​​​​​​ជ្រើស​​​រើស​​​ពលករ​​​​មាន​ប្រសាសន៍​​​​ថា​​ពលករ​​​ជា​​​ច្រើន​​​នាក់​​​នឹង​​​​​​ត្រូវ​​​​​បញ្ជូន​​​ទៅ​​​ធ្វើ​​​ការ​​ជា​​​កម្មករ​​​​សំណង់​​​ សម្រាប់​​​សាង​សង់​កន្លែង​ប្រកួតដណ្តើមពានរង្វាន់បាល់ទាត់ពិភពលោក ​ប៉ុន្តែ ពួកគេក៏ធ្វើការ​​​ងារ​​​ផ្នែកផ្តល់សេវា​​​កម្ម​​​និង​​​ផ្នែកម្ហូបអាហារផងដែរ។ លោកបាន​​មាន​​​ប្រសាសន៍​​​ថា ​​​ដំបូង​មាន​ពលករ​ចំនួន៣.០០០​​​នាក់ ដែល​​​ត្រូវ​​​បញ្ជូន​ទៅ ហើយតាមរយៈ​​​ការងារ ​​​ដែល​​​មិនត្រូវ​​​ការ​​​ជំនាញ អ្នកទាំង​​​នោះអាចទទួលបាន​​​ប្រាក់ខែ​​​ពីចន្លោះ​​​​​៣០០ ទៅ ៥០០ដុល្លារ ក្នុង​​​មួយ​​​ខែ ឬ​​​សម្រាប់​​​អ្នក​​​មានជំនាញ​​​មួយ​​​ច្បាស់​​​លាស់ អាចទទួល​បាន​ប្រាក់ខែ​រហូតដល់​១.៤០០ដុល្លារ។ ចាប់​​​តាំង​​​ពី​​​ស្ថាប័នគ្រប់​​​គ្រង​​​បាល់​​​ទាត់​​​បាន​​​ប្រកាស​​​ កាល​​​ពី​​​ខែ​​​ធ្នូ​​​ ឆ្នាំ២០១០​​​ថា ​ប្រទេស​កាតានឹងធ្វើជាម្ចាស់ផ្ទះសម្រាប់ការប្រកួតដណ្តើមពានរង្វាន់​កីឡាបាល់ទាត់ពិភពលោកនៅឆ្នាំ២០២២អង្គការសិទ្ធិមនុស្ស និង​អង្គការ​ពលកម្មអន្តរជាតិ សម្តែងការ​​​ព្រួយ​បារម្ភអំពីការ​​​អនុវត្តច្បាប់ការងាររបស់​​​ប្រទេស​​​នេះ ។ កាលពី​​​ខែមិថុនា អង្គការឃ្លាំមើល​​​សិទិ្ធ​មនុស្ស បានព្រមាន​​​ពលករ​ចំណាក​ស្រុក​ធ្វើ​ការនៅ​​​ក្នុង​​​ប្រទេស​​​កាតា ដែល​ភាគ​ច្រើន​មក​ពីភូមិភាគអាសុីអាគ្នេយ៍ “ អាចទទួលរង​​​ការ​​​កេងប្រវ័ញ្ចយ៉ាងធ្ងន់​​​ធ្ងរ​ ព្រមទាំង​ទទួល​រងការរំលោភ​​បំពាន​ផង​​​ដែរ ដែល​ពេល​ខ្លះ​ពួក​​​គេ ទទួលរងនូវការបង្ខិត​​​បង្ខំឲ្យធ្វើ​​​ការ​ហួសកម្រិត”៕ ប្រែ​សម្រួលដោយ ពេជ្រ សុភ័ក្ត្រ​      

មន្ត្រីរដ្ឋាភិបាល​​បដិ​សេធពា​ក្យ​ចចាម​អា​រា៉ម​ថា លោក ជា​ ស៊ីម ស្លាប់ ​

មន្ត្រី​រដ្ឋា​​ភិ​បា​ល​​​បដិ​​សេធ​ដាច់​អ​ហង្ការចំពោះ​ពាក្យ​​ចចា​ម​អា​រា៉ម​​ថា​ លោក​ ជា​ ស៊ីមប្រធា​​ន​ព្រឹទ្ធ​សភា​​​បា​ន​​ទទួល​មរណ​ភា​ព ​កា​ល​​ពី​​ម្សិល​មិញ ​ចំ​ណែក​ឯប្រធា​ន​​អង្គ​​រក្ស​​របស់​លោកជា​ ស៊ី​ម ​​បា​ន​មា​ន​ព្រមានថា ​ខុទ្ទ​កា​​ល័យ​​​របស់​លោកនឹង​ប្តឹងអ្នក​ទាំ​ង​ឡា​យ​ណា​​ ដែ​ល​​ផ្សព្វ​ផ្សាយ​ព័ត៌មា​ន​មិនពិតនេះ​។ ​កា​រ​បដិ​សេធ​នេ​​ះធ្វើ​ឡើង ​​ដើម្បី​ឆ្លើយ​​តប​ទៅ​នឹង​ភាពរំ​ជើប​រំ​ជួល​​​ ដែ​ល​ចា​ប់​ផ្តើម​​​បង្ហោះ​តា​ម​គេ​​​ហ​ទំ​ព័រ​ប្រ​ព​័ន្ធ​​ផ្សព្វ​​ផ្សាយព័ត៌​មា​ន​​សង្គម​​ កា​ល​​ពី​ព្រឹ​ក​ម្សិល​មិញដោយ​អះ​អា​ង​ថា ​លោកជា​ ស៊ីម ​បា​ន​ទទួល​​មរណ​ភា​ព​​កា​ល​ពី​ថ្ងៃទី៤ ខែ​​សី​ហា ​បន្ទាប់​ពី​បាន​ព្យាបាល​នៅ​ក្នុ​ង​ប្រទេស​​សិ​ង្ហ​បុ​រី​។គេហទំព័រ​ខេ​​​អាយ (KI)​ របស់​បក្សប្រ​ឆាំ​​ង​​ កាល​ពី​ថ្ងៃ​​សៅរ៍​ ក៏​បា​ន ផ​្ស​ព្វ​ផ​្សា​យ​អត្ថ​​បទ​មួ​យ​​ អ​ះ​អា​ង​ថា លោកជា​ ស៊ីម បា​ន​​ទទួ​ល​មរណភា​ព​​ហើយ​។ ​​​​​ដោ​យ​​ហៅ​​ការប្រ​កាស ​​តា​ម​គេហទំព័រ​ហ្វេស​ប៊ុក​ (Facebook)ថា ​ជា​ “ ពា​ក​្យ​​ចចា​ម​​អា​រា៉ម” លោក...

រដ្ឋា​ភិបាល​ថ្លែង​ថា​​​​ ឯក​អគ្គរាជ​​​ ទូត​​​កម្ពុជា​ប្រចាំ​ទីក្រុង​ម៉ានីល​​​បាន​បញ្ចប់​បេសកកម្ម​របស់ខ្លួន​

ដើម្បី​ពន្យល់បកស្រាយ​អំ​ពី​មូល​​​ហេតុដែលឯកអគ្គរាជទូតកម្ពុជា​ ប្រចាំ​​​ប្រទេស​​​​ហ្វីលីពីន​មិន​បាន​ឆ្លើយ​តប​​តាម​ការ​កោះ​​​ហៅរបស់រដ្ឋាភិបាល​ក្រុង​ម៉ានីលឲ្យ​លោក​​​បញ្ជាក់​អំពីការ​ធ្វើ​អត្ថាធិប្បាយ​រិះគន់​ប្រទេស​ហ្វីលីពីន​ ​ក្រសួង​ការ​បរទេស​​​កម្ពុជាបាន​ថ្លែង ​កាល​ពីម្សិលមិញ​ថាឯក​អគ្គ​រាជទូតកម្ពុជាគឺ​​​​លោកហូសសេរីធញ្ញបាន​បញ្ចប់​បេស​ក​​​កម្ម​​​របស់​លោក​ហើយ​។ ប្រទេសហ្វីលីពីន​បាន​និង​កំពុង​រង់ចាំ​ការ​ឆ្លើយតប​ពីលោកសេរីធញ្ញអស់​រយៈពេល​មួយ​សបា្តហ៍​កន្លង​មក​ហើយ​បន្ទាប់​ពីលោក​ត្រូវ​បាន​មន្ត្រី​ក្រសួង​ការ​បរទេស​ហ្វីលីពីន​​កោះហៅ​ កាលពី​ថ្ងៃទី៣០​ ខែកក្កដា ដើម្បី​ឲ្យ​លោក​ពន្យល់​អំពី​សេចក្តី​ថ្លែង​ការណ៍​ជា​សា​ធារណរបស់​លោករិះគន់​​​ចំពោះ​​​ការ​អត្ថា​ធិប្បាយរបស់​មន្ត្រី​ហ្វីលីពីន​ម្នាក់​ ដែល​បាន​​​ធ្វើឡើង​នៅ​ឯកិច្ចប្រជុំ​កំពូល​អាស៊ាន​នៅ​រាជ​​​ធានី​ភ្នំពេញ​​ កាល​ពីខែមុន។នៅ​ក្នុង​សេចក្តី​ថ្លែង​ការណ៍​នោះ ​លោកឯក​អគ្គ​​​រាជទូត​​​កម្ពុជា​ បាន​ចោទ​ប្រកាន់​ប្រទេស​ហ្វីលីពីននិង​ប្រទេស​វៀតណាម​ថាបានយក​​​សេចក្តី​ថ្លែង​ការណ៍​រួម​មក“ធ្វើជាវិទ្ធង្សនានិង​ធ្វើជាចំណាប់ខ្មាំង”ព្រមទាំងបាន​ចោទ​ប្រកាន់​មន្ត្រី​ហ្វីលីពីន​ពី​បទ​ “មាន​​​ឧបាយ​​​កលវៀច​​​វេ ​​កេងយក​​​ចំណេញ​​​ និង​​​បំផ្លើស​”ដើម្បី​ឲ្យ​គេ​​​​ចាប់​អារម្ម​​ណ៍មក​លើ​​ខ្លួន​តែ​ប៉ុណ្ណោះ​​​។ លោកកុយគួងអ្នក​នាំ​ពាក្យ​ក្រសួង​ការ​បរទេស​បាន​សរសេរ​​ក្នុង​សារ​មួយ​​ថា“ឥឡូវ​នេះ​អាណតិ្ត​របស់​លោក​ឯកអគ្គរាជទូត​បាន​ចប់​ហើយ។ដូច្នេះ​ប្រទេស​ហ្វីលីពីន​ត្រូវ​រង់​ចាំ​ឯកអគ្គរាជទូត​ថ្មី​”។ នៅ​ពេល​សួរថាតើ​អាណត្តិរបស់​លោកសេរីធញ្ញ​ បាន​បញ្ចប់​ទៅ​​នៅ​ពេលណាដែរហើយ​ឯក​អគ្គរាជទូត​ថ្មី​នឹង​ត្រូវ​ទៅជំនួស​រូបលោក​ពេលណាលោកកុយគួងបាន​ឆ្លើយ​​​តប​ថា“អាណតិ្ត​​របស់​លោក​បាន​បញ្ចប់​​ក្នុង​​​ពេលថ្មី​ៗនេះ”។ លោកសេរីធញ្ញបាន​ជូនសារតាំង​ដល់​ហ្វីលីពីន​ កាលពីខែកក្កដាឆ្នាំ​២០១០ ​​​ដែល​​​​មាន​​​​រយៈ​ពេលជិត​ពីរឆ្នាំ​កន្លង​មក​ហើយ​​​។ ក្រសួង​ការ​បរទេស​ និង​ស្ថានទូត​កម្ពុជា​ប្រចាំ​នៅ​ក្រុង​ម៉ានីល​ បាន​រក្សាភាព​ស្ងៀ​​​មស្ងាត់​​​​ក្នុងសបា្តហ៍​កន្លង​មក​នេះ​​​ដោយ​​​មិន​​​បកស្រាយចំពោះចម្ងល់ពាក់ព័ន្ធនឹងការ​កោះ​​​ហៅ​ឯក​អគ្គរាជទូត​កម្ពុជា​​ប្រ​ចាំ​ទីក្រុង​ម៉ានីលនេះ។ ហេតុការណ៍ទាក់​ទង​នឹងការទូត​ចុង​ក្រោយ​​​​បំផុត ​ដែល​បាន​កើត​ឡើង​រវាង​ប្រទេស​​​កម្ពុជា​​​ និង​ប្រទេស​ហ្វីលីពីន​នេះ​ បាន​ធ្វើ​ឲ្យ​ប្រទេស​ជាច្រើនកំពុង​យក​ចិត្ត​ទុក​ដាក់​​ថាតើប្រទេសកម្ពុជា​នឹង​ដោះស្រាយ​បញ្ហា​ជម្លោះ​​​​ដែន​ទឹក​ដ៏​ស្មុគ​ស្មាញ​ និង​ក្តៅ​គគុកក្នុង​សមុទ្រ​ចិន​ខាង​ត្បូង​ជាមួយ​ប្រទេស​​ចិន...

ទាហាន​​​ថៃ​​​ បាញ់​​​សម្លាប់​​​ពលបាលទោកង​​​យោធពល​​​ខេមរភូមិន្ទ​​​ម្នាក់ និង​​​កសិករ​​​ម្នាក់ នៅ​​​​​ខេត្ត​​​សុរិន

នគរបាល​​​បាន​​​ឲ្យ​​​ដឹង​​​ថា កាល​​​ពី​​​ថ្ងៃ​​​សុក្រ​​​ទាហាន​​​ថៃ​​​បាន​​​បាញ់​​​សម្លាប់​​​បុរស​​​កម្ពុជា​​​ពីរ​​​នាក់​​​ ក្នុង​​​នោះ​​​មាន​​​ម្នាក់​​​ជា​​​ពលបាល​​​ទោ មក​​​ពី​​​កង​​​យោធពល​​​ខេមរភូមិន្ទ​​​​​​ បន្ទាប់​​​ពី​​ពួក​​​គេ​​​បាន​​​ឆ្លង​​​ពីខេត្ត​​​ឧត្ដមានជ័យ​​​ ចូល​​​ទៅ​​​ក្នុង​​​ទឹក​​​ដី​​​ថៃ​​​ដោយ​​​ខុស​​​ច្បាប់​​​។ លោក ជី សុផល នាយ​​​រង​​​អង្គភាព​​​ទំនាក់​​​ទំនង​​​ព្រំដែន​​​កម្ពុជា​​​-ថៃ​​​ ប្រចាំ​​​ច្រក​​​​ទ្វារ​ព្រំ​​​​ដែន​​​អន្ដរជាតិ​​​អូរ​​​ស្មាច់ ​​​ក្នុង​​​ខេត្ត​​​ឧត្ដមានជ័យ​​​បាន​​​មាន​​​ប្រសាសន៍​​​ថា ជន​​​រង​​​គ្រោះឈ្មោះ​​​ សុខ ​វិត​​​ អាយុ​​​២៣​​​ឆ្នាំជាពលបាលទោ​​​មក​​​ពី​​​កង​​​យោធពល​​​ខេមរ​​​ភូមិន្ទ​​​នៃ​​​កង​​​ពល​​​តូច​​​លេខ​៤២​​​ និង​​​អ្នក​​​ភូមិ​​​នៅ​​​ក្នុង​​​មូ​​លដ្ឋាន​​​នោះ​​​ម្នាក់​​​ឈ្មោះ យួន ណេត អាយុ​​​៤៨ឆ្នាំ​​​ ត្រូវ​​​បាន​​​បាញ់​​​សម្លាប់​​​ទាំង​​​ពីរនាក់​​​ នៅ​​​ចម្ងាយ​​​ប្រហែល​​​ប្រាំ​​​គីឡូម៉ែត នៅ​ក្នុង​​ខេត្ត​​​សុរិន ​​​ប្រទេស​​​​​​ថៃ​​​ បន្ទាប់​​​ពី​​​ទាហាន​​​ថៃ​​​មួយ​​​ក្រុម​​​ដែល​​​កំពុង​​​ដើរ​​​ល្បាត​​​ បាន​​​ប្រទះ​​​ឃើញ​​​ពួកគេ​​​ឆ្លង​​​កាត់​​​ព្រំ​​​ដែន​​​ដែលជា​​​កន្លែង​​​​​​គេ​​​ធ្លាប់​​​ប្រទះ​​​ឃើញ​​​អ្នក​​​កាប់​​​ឈើ​​​គ្រញូង​​​ខុស​​​ច្បាប់​​​ធ្វើ​​​សកម្មភាព​​​ជារឿយ​​​ៗ​​​​នៅ​​​ទី​​​នោះ​​​។ លោក សុផល​​​ បាន​​​មាន​​​ប្រសាសន៍​​​ថា“ ជន​​​រង​​​គ្រោះ​​​ទាំង​​​ពី​រនាក់​​​បាន​​​ចូល​​​ទៅ​​​ក្នុង​​​ស្រុក​​​កាប​​​ជឹង ខេត្ត​​​សុរិន​​​ ប្រទេស​​​ថៃ​​​ ប៉ុន្ដែ ​នគរបាល​​​ព្រំដែន​​​ថៃ​​​មិន​​​បាន​​​បង្ហាញ​​​ឲ្យ​​​ដឹង​​​ពី​​មូលហេតុ​​​ដែល​​​​​​ពួក​​​គេ​​​បាន​​​បាញ់​​​សម្លាប់​​​អ្នក​​​ទាំង​​​ពីរ​​​នោះ​​​ទេ”។ លោក សុផល​​​ បាន​​​មាន​​​ប្រសាសន៍​​​បន្ដ​​​ថារបាយការណ៍​​​នគរបាល​​​ដែល​​​នគរបាល​​ព្រំដែន​​​ថៃ​​​បញ្ជូន​​​មក​​​នោះ​​​​​​បាន​​​ឲ្យ​​​ដឹង​​​ថា ជន​​​សង្ស័យ​​​ទាំង​​​ពីរ​​​នាក់​​​មាន​​​កាំភ្លើង​​​អាកា-៤៧​​​ នៅក្នុង​​​ដៃ ពេល​​​មាន​​​ហេតុ​​​ការណ៍​​​នោះ​​​កើត​​​ឡើង​​​។ របាយការណ៍​​​នោះ​​​ ក៏​​​លើក​​​ឡើង​​​ផង​​​ដែរ​​​ថានគរបាល​​​ថៃ​​​បាន​​​រក​​​ឃើញ​​​វិទ្យុ​​​ទាក់​​​ទង​​​​​​កង​​​ទ័ព​​​នៅ​​​កន្លែង​​​កើត​​​ហេតុ​​​នោះ​​​។ លោក​​​ សុខ វិត ស្លៀក​​​ពាក់​​​ឯក​​​សណ្ឋាន​​​កង​​​យោធពល​​​ខេមរភូមិន្ទ​​​ ចំណែក​​​ឯ​​​លោក​​​យួនណេត ជា​​​កសិករ​​​ធ្លាប់​​​ធ្វើ​ជា​​ទាហាន​​​កង​​​យោធពល​​​ខេមរភូមិន្ទ​​​ ស្លៀក​​​ខោ​​​ទាហាន​​​ជើង​​​វែង​​​។ លោក​​​ សុផល បាន​​​មាន​​​ប្រសាសន៍​​​ថា ​ “ នេះ​​​គឺ​​​ជា​​​លើក​​​ទី១ហើយ​​​ នៅក្នុង​​​ខែ​​​នេះ​​​ដែល​​​ប្រជាពលរដ្ឋ​​​របស់​​​យើង​​​ ត្រូវ​​​​​​ទា​ហាន​​​ថៃ​​​បាញ់​​​សម្លាប់​​​ ខណៈ​​​ពេល​​​ដើរ​​​ចូល​​​ទៅ​​​ក្នុង​​​ខេត្ត​​​សុរិន​​​ ប្រទេស​​​ថៃ”។ លោក​​​បាន​មាន​ប្រសាសន៍​​​បន្ថែមទៀត​​​​ថាសាកសព​​​បុរស​​​ទាំង​​​ពីរ​​​នាក់​​​នេះ​​​ត្រូវ​​​បាន​​​​បញ្ជូន​​​​​​តាម​​​ច្រក​​​ព្រំ​​​ដែន​​​អន្ដរជាតិអូរ​​​ស្មាច់ កាល​​​ពី​​​រសៀល​​​ម្សិល​មិញ​ មកឲ្យ​​​​ក្រុម​គ្រួសារ​​​​​​សព​​​ និង​​បាន​បូ​ជា​រួច​ហើយ។​​​ ទោះ​​​បី​​​ជា​​​គេ​​​មិន​​​​ដឹង​ពី​មូល​ហេតុ​​​​ដែល​​​​​​បុរស​​​ទាំង​​​ពីរនាក់​​​នេះ​​​ត្រូវ​​​បាន​​​​​​បាញ់​​​សម្លាប់​​​ក៏ដោយ​​​ ក៏​​​អ្នក​​​កាប់​​​ឈើ​​​ជន​​​ជាតិ​​​កម្ពុជាជា​​​ច្រើន​​​នាក់​​​ត្រូវ​​​បាន​​​ទាហាន​​​ថៃ​​​បាញ់​​​សម្លាប់​​​ក្នុង​រយៈ​ពេល​មួយ​​​ឆ្នាំមក​នេះ​ចំពោះ​ការ​​កាប់​​​ឈើ​​​គ្រញូង​​​​​​ខុស​​​ច្បាប់​ដែរ​​។ ជំនួញ​​​ឈើ​​​ គឺ​​​ជា​​ជំនួញ​កាក់​កបព្រោះ​​ឈើ​​​​ត្រូវ​​​បាន​​​​​​នាំ​​​ចេញ​​​ពី​​ប្រទេស​​​កម្ពុជា​​​ទៅ​​​កាន់​ប្រទេស​​​វៀត​ណាម ​ហើយករណី​​​ខ្លះ​​​ទៀត​​​ត្រូវ​​​បាន​​​បញ្ជូន​​​បន្ដ​​​ទៅ​​​កាន់​​​ប្រទេស​​​ចិន ដើម្បី​​​ផលិត​​​គ្រឿង​​​សង្ហារិម​​​ប្រណិត​​​ៗ​​​ ដែលអាច​​​រក​​​កម្រៃ​​​បាន​​​​ច្រើន​​​។ ក្នុង​​​ឆមាស​ទី​មួយ​​​​នៃ​​​ឆ្នាំ​​​នេះ ទាហានថៃ​​​បានបាញ់​​​សម្លាប់ជន​​​ជាតិ​​​កម្ពុជាចំនួន​​​​២៦ ​​​នាក់​​ ពេល​ពួកគេ​​​​កំពុង​​​កាប់​​​ឈើ​​​ខុស​​​ច្បាប់​​​នៅ​​​តាម​​​បណ្ដោយ​​​ព្រំដែន ហើយ​​បើយោង​​​តាម​​​ការិយា​ល័យ​​​ទំនាក់​​​ទំនង​​​កម្ពុជា-​​​ថៃបាន​​​ឲ្យ​​​ដឹង​​​ថា ចំនួន​​​អ្នក​​​ស្លាប់​​​នេះ​​​មាន​​​ចំនួន​​​ទ្វេ​ដង​​​​នៃ​​​ចំនួនដែល​​​​​បាន​​​កត់​​​ត្រា​​​ទុក​​​ក្នុង​​​អំឡុង​​ពេល​​​ដូច​​​គ្នា​​​កាល​​​ពី​​​ឆ្នាំ​​​មុន​​​។ បន្ថែម​​​លើ​​​ចំនួន​​​នេះ ប្រជាពលរដ្ឋ​​​កម្ពុជា​១៧០​​​នាក់​​​ទៀត​​​ត្រូវ​​​បាន​​​ចាប់​​​ខ្លួន​​​ក្នុង​​​ប្រទេស​​​​ថៃ​​​​ពាក់​ព័ន្ធ​នឹង​បទ​ល្មើស​ដូច​​​គ្នា​​​នេះ​​។ ​​​ក្នុង​​​ចំណោម​មនុស្ស​ដែល​ថៃ​ចាប់​ខ្លួន​ទាំង​​​​​​​នោះ​​​មាន​​​​​​តែ​​​៤២​​​នាក់​​​​ប៉ុណ្ណោះ​ត្រូវ​​​បាន​​​ដោះ​​​លែង​​​មក​វិញ៕ ប្រែសម្រួល​​​ដោយ ហម សុផាណ្ណា

តុលាការព្រមផ្តល់អភ័យ​ឯក​សិទ្ធិ​ដល់លោក​ស្រី​ មូរ​ សុខ​ហួរ​​ វិញ​តែ​ត្រូវ​បន្តរង់​ចាំ​រដ្ឋ​សភា​អនុម័ត

អស់រយៈពេល​ជាង​បី​ឆ្នាំ​មក​ហើយ​បន្ទាប់​ពី​អភ័យ​ឯកសិទ្ធិ​សមា​ជិក​សភា​របស់​លោក​ស្រី​ត្រូវ​បាន​ដក​រួចមកលោក​ ស្រី​ មូរ​ សុខហួរ​ សមាជិក​សភាមកពី​គណបក្ស​ សម​ រង្ស៊ី​ ត្រូវ​បាន​​សាលា​ឧទ្ធរណ៍​សម្រេចផ្តល់ “នីតិ​សម្ប​ទា” ​​វិញ​​ កាលពី​ថ្ងៃ​សុក្រ​។ លោក​ ជួន ស៊ុនឡេង​ ប្រ​ធាន​ក្រុម​ប្រឹក្សា​ជំនុំ​ជម្រះ​ បានប្រកាសសាលក្រម​​ថា  “​បើ​សិន​ព្រះ​រាជ​អាជ្ញា​មិន​ប្តឹង​សារ​ទុក​ជំទាស់​នឹង​សេចក្តី​សម្រេច​របស់​តុលាការ​នេះ​ទេ​នោះ​សាល​ក្រម​នេះ​នឹង​ចូ​ល​ជា​ធរមាន​​ក្នុង​រយៈ​ពេល​មួយ​ខែ​”។ លោក​ព្រះ​រាជ​អាជ្ញា​មិន​​អាច​ទាក់​ទង​​សុំសេចក្តី​អត្ថា​ធិប្បាយ​បាន​ទេ​។ បើ​សិនមិនមានការប្តឹងទាស់នឹង​​សាល​ក្រមនេះទេ មានន័យថា នេះជា​ការ​បើក​ផ្លូវ​ឲ្យ​ផ្តល់​​​អភ័យ​ឯកសិទ្ធិ​ពេញ​លេញ​ដល់​លោក​ស្រី​មូរ​ សុខ​ហួរ​ វិញ​​ទោះ​បី​ជា​ការ​សម្រេច​ចុង​ក្រោយ​​នឹង​ត្រូវ​ធ្វើ​ឡើង​តាមរយៈការ​​បោះ​ឆ្នោត​របស់រដ្ឋសភា​ក្តី​។ អភ័យ​ឯកសិទ្ធិ​របស់​លោក​ ស្រី​ មូរ​ សុខ​ហួរ​ ត្រូវ​បាន​រដ្ឋ​សភា​បោះ​ឆ្នោត​ដកនៅ​ឆ្នាំ​២០០៩​​ គឺធ្វើឡើងភ្លាមៗ ​បន្ទាប់​ពី​​សមា​ជិក​សភា​រូប​នេះ​បាន​ប្រ​កាសថា​​ លោក​ស្រីនឹង​​ប្តឹង​លោកនាយក​រដ្ឋ​មន្ត្រី ហ៊ុន សែន ​​ពីបទធ្វើ​សេចក្តី​អត្ថាធិប្បាយ​ប្រ​មាថលោក​ស្រី។ លោកនាយក​​រដ្ឋមន្ត្រី​បាន​ប្តឹងបក​វិញ​ តាមរយៈ​បទ​បរិហារ​កេរិ៍្តហើយ​លោក​ ស្រី​ មូរសុខហួរ ​ត្រូវ​បាន​តុលាការរក​ឃើញ​ថា​ មាន​កំហុស និង​បាន​បង្គាប់​ឲ្យ​បង់​ប្រាក់ពិន័យ​​​ ដែល​ក្រោយ​មក​បានសម្រេចកាត់ប្រាក់​ខែ​របស់​លោក​ស្រី​បន្ទាប់​ពី​លោកស្រី​​បដិសេធមិន​បង់​ពិន័យ​។ នៅ​ខណៈពេល​ដែល​អ្នកវិភាគ​នយោ​បាយ​​បាន​​លើក​ឡើង​ថា អភ័យ​ឯក​សិទ្ធិ​របស់​លោកស្រី​ មូរសុខ​ហួរ ​ គួរ​ត្រូវបាន​​ផ្តល់​ឲ្យ​វិញ​យូរហើយ បន្ទាប់​ពី​តុលាការ​បាន​រក​ឃើញ​កំហុស​របស់លោក​ស្រី​រួច​ហើយ​​ កាល​ពី​ខែ​សីហា​​​ឆ្នាំ​២០១០ ​តែ​សមាជិក​សភារូបនេះ​បានខិតខំតស៊ូ​ដ៏​អូស​បន្លាយ​ ដើម្បី​ទាមទារ​ឲ្យផ្តល់អភ័យឯកសិទ្ធិ​ឡើង​វិញ​។ មានប្រសាសន៍ប្រាប់​អ្នក​យក​ព័ត៌មាន​នៅ​ខាង​ក្រៅសាលាឧទ្ធរណ៍ កាលពីម្សិលមិញលោក​ស្រី​ មូរ​ សុខហួរ​ បានចាត់ទុកសាល​ក្រម​​នេះ​ថា​ ​​យឺត​ពេល​។ លោកស្រី សុខហួរ បាន​មាន​ប្រ​សាសន៍​បន្ត​ថា​ “ នេះ​ជា​ការ​សម្រេច​​ដ៏ត្រឹម​ត្រូវ​​ ដែល​​​​ខ្ញុំ​អាច​ទទួល​យក​បាន ហើយ​ខ្ញុំ​សូម​ថ្លែង​អំណរ​គុណ​ដល់​អ្នក​ទាំង​អស់ ​​ដែល​បាន​តាមដាន​​សំណុំរឿងនេះ។ ប៉ុន្តែ សំណុំរឿង​របស់​ខ្ញុំ​នេះ បាន​អូស​បន្លាយ​​អស់​រយៈពេល​ជាង​បី​ឆ្នាំ...ដូច្នោះខ្ញុំ​ឆ្ងល់​ថា តើ​ប្រ​ព័ន្ធ​តុលា​ការ​​ពិត​ជា​ផ្តល់​នូវ​យុត្តិ​ធម៌​ពិតប្រាកដ ​ឬ​យ៉ាង​ណា​ទេ? ពី​ព្រោះ​​ខ្ញុំ​គួរ​តែ​ទទួល​ការផ្តល់​នីតិ​សម្ប​ទានេះ​​ជា​យូរ​មក​ហើយ”។ ទោះ​បី​ជា​ដំណើរ​ការ​បានអូស​បន្លាយ​ដ៏​យូរ​ក៏​ដោយ សមា​ជិក​សភា​មកពីគណបក្ស​ប្រឆាំង​រូប​នេះមាន​ប្រសាសន៍​ថាលោក​ស្រី​​មាន​បំណង​តិច​តួច​ក្នុង​ការ​បន្ធូរ​បន្ថយ​ការ​រិះគន់​តាមរយៈ​ពាក្យ​សម្តី​ ដែល​បានធ្វើ​ឲ្យ​លោក​ស្រី​មាន​បញ្ហា​ជា​មួយគណ​បក្ស​កំពុង​កាន់​អំណាច។ លោក​ស្រី​បាន​បន្ត​ថា “​ ប្រ​ជា​ពលរដ្ឋ​បាន​បោះ​ឆ្នោត​ឲ្យ​រូប​ខ្ញុំ​ធ្វើ​ជា​តំណាង​របស់​ពួក​គេ​ ពួក​គេ​មិន​បាន​បោះ​ឆ្នោត​ឲ្យ​ខ្ញុំ​នៅស្ងៀមនិង​បិទ​មាត់​នោះ​ទេ”។ លោក​ គល់​ បញ្ញា នាយក​ប្រតិបត្តិ​របស់​គណៈ​កម្មាធិការសម្រាប់​បោះ​ឆ្នោត​ដោយ​សេរី​ ​និង​យុត្តិ​ធម៌​នៅ​កម្ពុជា មាន​ប្រសា​ស​ន៍​ថា ​នៅ​ពេល​​ដំណើរ​ការ​ផ្តល់ “នីតិ​សម្ប​ទា​” ​បាន​ចាប់​ផ្តើម​​សម្រាប់​លោក​ស្រី មូរ សុខហួរ​ ប៉ុន្តែ​ ​វា​អាចត្រូវការពេលវេលា ដើម្បី​ទទួល​​បាន​អភ័យ​​ឯក​សិទ្ធិ​ពេញ​លេញ​ឡើងវិញ។ លោកបាន​មាន​ប្រសាសន៍​បន្ត​ថា​ “ បញ្ហា​នេះ គឺ​ពួក​គេ​  មិន​មាន​​នីតិវិធី​​ច្បាស់​លាស់ អំពី​ការ​ផ្តល់​អភ័យ​ឯក​សិទ្ធិ​ឲ្យ​តំណាង​រាស្ត្រ​វិញ​ទេ​”។ លោកបញ្ញាបាន​លើក​ឡើង​ផង​ដែរ​ថា  “ មិនអាចទាយទុកមុនបាន​ទេថា​ តើ​រដ្ឋ​សភា​នឹងព្រម​បោះ​ឆ្នោត​អនុម័ត​ផ្តល់​អភ័យ​ឯក​សិទ្ធិ​​ឲ្យ​លោក​ស្រី​ មូរ សុខហួរ​ វិញ ​តាម​សេចក្តី​បង្គាប់របស់​តុលាការ​​ឬ​យ៉ាង​ណា​ទេ​​។រដ្ឋ​សភា​​ជាតិ​ គឺ​ជា​ស្ថា​ប័ន​នយោ​បាយ​ វា​មិន​មែន​ជា​ស្ថា​ប័នវិជ្ជា​ជី​វៈ​នោះ​ទេ។ ​គេ​មិន​មែន​ជា​មន្ត្រី​​រាជ​ការ​ទេ...ហើយ​គេ​ធ្វើ​​សេចក្តី​​សម្រេច​​ ដោយ​យោង​ទៅ​តាម​គោល​ការណ៍​នយោ​បាយ​”។ លោក​បាន​បន្ថែម​ថាតាំង​ពី​​ដំបូង​មកករណី​ដូច​នេះ​ គឺ​មិន​គួរ​​ឈានដល់ការ​ដក​អភ័យ​ឯក​សិទ្ធិ​​ទេ។ លោក​បាន​ថ្លែង​បន្ត​ទៀត​ថា “ ប្រសិន​បើ​អ្នក​​​ចោទ​ប្រកាន់​ពួក​គេ​​ពាក់​ព័ន្ធ​នឹង​ករណី​​បញ្ចេញ​មតិ...​នោះ​វា​មិន​​លើក​ទឹក​ចិត្ត​ឲ្យ​សមា​ជិក​សភា​បំពេញតួ​នាទី​របស់​ខ្លួន​ ដើម្បី​ត្រួត​ពិនិត្យ​ការងាររដ្ឋា​ភិបាល​ នៅ​តាមមណ្ឌល​ឈរឈ្មោះបាននោះ​ទេ​”៕ (រាយ​ការណ៍​បន្ថែម​ដោយ Abby Seiff) ប្រែ​សម្រួល​ដោយឃិនណៃ​​ ​

សេចក្តី​ព្រាងច្បាប់​​​​​​ថ្មី​​​តម្រូវ​​​ឲ្យ​​​​​​​​​អ្នក​​​បើក​​​បរ​​​និង​​​អ្នក​​​រួមដំណើរ​​​តាម​​​ទោ​​​ចក្រ​​​យាន​​​យន្ដ​​​ពាក់​​​មួក​​​សុវត្ថិភាព

រដ្ឋា​​​ភិបាល​​​បាន​​​ចេញ​​​ផ្សាយ​​​សេច​​​ក្ដី​​​ព្រាង​​​ច្បាប់​​​ចរាចរណ៍​​​ថ្មី​​​មួយដែលនឹង​កាត់​​​​បន្ថយ​​​ការ​កំណត់​ល្បឿន​​​ បង្កើន​​តម្លៃផាក​ពិន័យនិង​​​តម្រូវ​ឲ្យ​​អ្នក​រួមដំណើរ​តាម​​ទោចក្រ​យាន​​​យន្ត​​​​​​​​ពាក់​​​មួក​​​សុវត្ថិភាព​​​ ​​​ជា​​​ការ​​​ខិត​​​ខំ​​​ប្រឹង​​​ប្រែង​​​​​​ដើម្បី​កាត់​​​បន្ថយ​​​អត្រា​​​មរណ​​​ភាព​​​នៅ​​​តាម​​​ដង​​​ផ្លូវ​​ក្នុង​​​ប្រទេស​​​កម្ពុជា។ មាត្រា​មួយ​នៅ​ក្នុង​​​​សេច​​​ក្ដី​​​ព្រាង​​​ច្បាប់​​​ថ្មី​​​នេះ​​​កំណត់​​​ចំនួន​អ្នក​រួមដំណើរ​តាម​ទោចក្រ​យានយន្ត​​​ត្រឹម​តែ​ពីរ​នាក់​ ព្រមទាំង​​​​​កុមារ​មួយ​​​នាក់​។ ​​​អ្នក​​​បើក​​​បរ​​​ទោ​​​ចក្រយានយន្ដ​​ អ្នក​​​រួម​​​ដំណើរ​​​ គិត​​​ទាំង​​​កុមារ​​​ត្រូវ​​​ពាក់​​​មួក​​​សុវត្ថិភាព​​​ដែល​​​កំណត់​​​តាម​​​ស្ដង់​​​ដា​​​រអន្ដរជាតិ។​​​​សេចក្តី​ព្រាង​ច្បាប់​នេះ​ប្ដូរ​​​ល្បឿន​​កំណត់​​​​អតិបរមា​​​ក្រៅ​​​ក្រុង​​​ពី​​​៩០​​​គីឡូម៉ែត្រ​​​ក្នុង​​​មួយ​​​ម៉ោង ​​​មក​​​ត្រឹម​​​៨០​​​គីឡូម៉ែត្រ​​​ក្នុង​​​មួួយ​​​ម៉ោងនិងក្នុង​​​ទី​​​ប្រជុំ​​​ជន​​​ពី​​​៦០​​​គីឡូ​​​ម៉ែត្រ​​​ក្នុង​​​មួយម៉ោង ​​​មក​​​ត្រឹម៤០​​​គីឡូម៉ែត្រ​​​ក្នុង​​​មួយម៉ោង​​​។ សេច​​​ក្ដី​​​ព្រាង​​​ច្បាប់​​​នេះក៏​​​បាន​​​រួម​​​បញ្ចូល​​​ទាំង​​​ការ​​​ដំឡើងប្រាក់​​​​​​ពិន័យ​​​ជា​ច្រើន​ផង​​​ដែរ​​​។​​​​​​ ប្រាក់​​​ពិន័យ​​​សម្រាប់​​​អ្នក​​​បើក​​​បរ​​​ដែល​​​គ្មាន​​​ប័ណ្ណបើក​​​បរ​គឺ​មាន​ចំនួន​ចាប់​ពី​១២៥.០០០​​​​​​រៀល ដល់​​​​​​​១លាន​​​​រៀល។ មានប្រសាសន៍​​​នៅ​​​ឯ​​​សិក្ខា​​​សាលា​​​ស្ដី​​​ពី​​​សេចក្ដី​​​ព្រាង​​​ច្បាប់​​​នេះ​​​កាល​​​ពី​​ម្សិលមិញ​​​លោក ត្រាំ អុីវតឹក រដ្ឋ​​​មន្ត្រី​​​ក្រសួង​​​សាធារ​​​ណ​​​ ការ​​​ និង​​​ដឹក​​ជញ្ជូន​​​បាន​​​លើក​​​ឡើង​​​ថា៩៥​​​ភាគ​​​រយ​​​នៃ​​​គ្រោះ​​​ថ្នាក់​​​ចរាចរណ៍​​​បណ្ដាល​​​មក​​​ពី​​​កំហុស​​​របស់​​​មនុស្ស​​​ ហើយ​​​ថាត្រូវ​​​តែ​​​ធ្វើ​​​វិសោធនកម្ម​​​ច្បាប់​​​ថ្មី​​​​នេះ​ដើម្បី​​​​​​កាត់​​​បន្ថយ​​​​​​គ្រោះ​​​ថ្នាក់​។​​​ លោក​​​បាន​​​លើកឡើង​​​ថា“គ្រោះ​​​ថ្នាក់​​​ចរាចរណ៍​​​នៅ​​​តែ​​​កើនឡើង​​​ជារៀង​​​រាល់​​​ឆ្នាំ​​​ហើយ​​​បើ​​​យើង​​​គ្មាន​​​វិធាន​​​ការ​​​បន្ទាន់​​​ ដើម្បី​​​​ទប់​ស្កាត់​​​​វា​​​ទេ​ ស្ថាន​​​ភាព​​​នេះ​​​នឹង​​​មិន​​​អាច​​​គ្រប់​​​គ្រង​​​បាន​​​ឡើយ​​​​​​”។ លោក​​​បាន​​​បន្ដ​​​ថាហេតុ​​​ផល​​​ដែល​​​នាំ​​​ឲ្យ​​​មាន​​ច្បាប់​​​តឹង​​​រុឹង​​​ជាង​​​មុន​អំពី​​​​ការ​​​ពាក់​​​មួក​​​សុវត្ថិភាព​​​នេះគឺ​​​ដោយ​​​សារតែ​​​៦៩​​​ភាគ​​​រយ​​​នៃ​​​អត្រា​​​មរណភាព​​​​ពាក់​ព័ន្ធ​នឹង​​អ្នក​​​ធ្វើ​​​ដំណើរ​​​​​​តាម​​​ទោចក្រយានយន្ដ​​​គឺ​​​​បណ្តាល​មក​​​ពី​​​​​​​​ការ​​​ប៉ះ​​​ទង្គិច​ក្បាល​​​​ខ្លាំង។ ​​​​​​​​​​​​​​​​​​​​​​​​​​​​​​​​​​​​​​​យោងតា​ម​លោកហ៊ឹម​​​ យា៉ន​​​ប្រធាន​ នា​យក​​ដ្ឋាន​​សណ្តាប់​ធ្នាប់​សាធា​រណៈនៃ​ក្រសួ​ង​មហា​​ផ្ទៃបា​ន​ឲ​្យ​ដឹង​​ថា​​​ ​ចំ​នួ​ន​​គ្រោះ​ថ្នាក់​​​​​ និង​​ចំនួន​អ្នក​ស្លាប់​​តាម​ផ្លូវ​ ដែ​ល​មាន​ចំនួន​​​ខ្ពស់​បំ​ផុត​នៅ​ក្នុង​​តំ​បន់​ បា​ន​​​ថយ​ចុះ​បន្តិច​មក​ទល់​ពេល​នេះ​ក្នុង​​ឆ្នាំ​នេះ​។ ​​ក្នុ​ង​ឆមា​ស​​ដំ​បូ​ង​នៃ​ឆ្នាំ​​២០១២ ​លោក​...

រាជរដ្ឋា​ភិបាល​​ព្រាង​ច្បាប់​ស្តីពីអគ្គិភ័យ​ដើម្បីបង្ការ​កំុ​ឲ្យ​មាន​អគ្គិភ័យ​កើត​ឡើងច្រើនពេក​​​

កាលពី​ម្សិលមិញ ​​មន្ដ្រី​ក្រសួង​មហា​ផ្ទៃ​ម្នាក់​បានថ្លែង​ថា ក្រសួង​​មហា​ផ្ទៃ​កំពុង​តែ​​ធ្វើ​សេចក្តី​​ព្រាង​ច្បាប់ស្តីពីការបង្ការអគ្គិភ័យ ដែល​តម្រូវឲ្យ​គ្រប់អាជី​វកម្ម​ និង​ប្រជា​ពល​រដ្ឋ​ចាំ​បាច់​ត្រូវបំពាក់​បំពង់ពន្លត់​​អគ្គិភ័យគ្រប់​ៗគ្នា ហើយ​​អគារ​​ខ្ពស់ៗ​ត្រូវមានច្រកអាសន្ន ដើម្បី​រត់​គេច​ចេញ​​នៅពេល​មាន​អគ្គិភ័យ​កើតឡើង​។ លោក​ អ៊ុក​ គឹម​ឡេក អនុរដ្ឋលេខាធិ​ការ​ក្រសួង​មហា​ផ្ទៃ​បាន​ថ្លែង​ថា ប្រសិន​​បើ​ច្បាប់​នេះ​ត្រូវបាន​អនុម័ត​នោះ​អាជី​វករ ត្រូវ​ត្រៀមខ្លួនរើរបស់របរណាដែលងាយ​​ឆេះ​ចេញពី​តូប​របស់​ខ្លួន ​​ហើ​យ​ចំពោះ​អ្នកណា​មិន​គោរព​​តាមច្បាប់​នេះ​​ អាចត្រូវ​ប្រឈម​នឹង​ការផាក​ពិន័យ​ និង​ការជាប់​ពន្ធនាគារ​ទៀត​ផង​​។ លោក​ អ៊ុក​ គឹម​ឡេក​ ​អះអាងថា “​យើង​​នឹង​​ត្រួតពិនិត្យ​តាមបណ្តាអគារ​ខ្ពស់​ៗ​ មាន​ដូច​ជាសណ្ឋារគារ​ ផ្ទះ​សំណាក់​ និង​​ផ្សារទំនើបដើម្បី​ឲ្យច្បាស់​ថា ​ពួកគេមាន​ប្រព័ន្ធ​សម្រាប់​ពន្លត់អគ្គិភ័យ​ដូចដែលមានចែងក្នុង​ច្បាប់​​នេះដែរឬទេ”។លោកគឹមឡេក ​បដិសេធមិនពិភាក្សា​លម្អិត ​​អំពីកម្រិតទោសនិង​ថា​តើ​អគារកម្ពស់ណា​ទើបតម្រូវ​ឲ្យមាន​ច្រក​អាសន្ន​ដើម្បីរត់គេចពី​អគ្គិភ័យឡើយ​​​”។​ លោក​អះអាងបន្ដ​​​ថា “ ប្រសិន​​បើពួកគេ​​ពំុ​មាន​ប្រព័ន្ធ​ការពារអគ្គិភ័យទេនោះ​ទេ​​​ យើង​នឹង​មិន​អនុញ្ញាតឲ្យ​ពួកគេ​សាងសង់​ឡើយ​​”​។ ​អ្នក​ជំនាញ​ការ​ខាង​បង្ការ​​អគ្គិ​ភ័យ​បាន​មាន​ប្រសាសន៍ថា​ ​ច្បាប់​នេះមិន​ទំនង​ជាមិន​អាច​​អនុវត្ត​បាន​ត្រឹមត្រូវ​នោះ​ទេ​។ លោក​ ប៉ូល​ ហឺហ្វត​ ( Paul Hurford) អ្នក​ពិគ្រោះយោបល់របស់​រដ្ឋា​ភិបាលអំ​ពី​បញ្ហា​អគ្គិភ័យ​ និងជានាយក​ប្រតិបត្តិ​ក្រុមហ៊ុន​ការពារសុវត្ថិភាព​អគ្គិភ័យនៅក្នុងប្រទេស​កម្ពុជា​ ដែល​លក់​ឧបករណ៍​សម្រាប់​ការ​ពារ​អគ្គិភ័យ​បាន​មាន​ប្រសាសន៍​ថា ​​ច្បាប់នេះ​គឺ​ជា​ការ​ជំហានក្នុង​ទិសដៅ​ត្រឹមត្រូវ​ ប៉ុន្ដែ​វា​មាន​ការលំបាក​ក្នុង​ការ​អនុវត្ត​។​ លោក​បានបន្តថា​ “ រដ្ឋាភិបាល​កំពុង​តែ​បោះ​ជំហាន​ទៅមុខ​​ ប៉ុន្ដែ​មានការ​យឺតយា៉វ​បន្តិច។​ច្បាប់នេះ​ត្រូវ​ប្រើ​រយៈពេល​យូរ​ ដើម្បី​អនុវត្តន៍”​​។ សេចក្តីព្រាង​ច្បាប់​ថ្មី​នេះ បានចាប់ផ្តើមក្នុងរយៈពេលជាង​​មួយ​សបា្ដាហ៍​​ ក្រោយ​ពី​មាន​អគ្គិភ័យដ៏ធំ​បាន​បំផ្លិច​បំផ្លាញផ្ទះ​សម្បែង​ប្រមាណ៥៧​ខ្នង​ នៅ​ផ្សារទួល​សង្កែ ​ក្នុង​រាជធានី​ភ្នំពេញ​​។​ កាលពី​ឆ្នាំមុន​​រដ្ឋាភិបាល​មាន​បំណង​កាត់​បន្ថយ​ករណីកើតមានអគ្គិភ័យក្នុង​រាជធានី​ភ្នំពេញ​ ដោយខិតខំ​លក់​បំពង់​ពន្លត់​អគ្គិភ័យ​តាមកន្លែងធ្វើអាជី​វកម្ម។​ប៉ុន្ដែ​ ការ​ខិតខំ​ប្រឹង​ប្រែង​នោះ ត្រូវទទួលរងការរិះគន់​​ភ្លាម​ៗ ​ក្រោយ​​ពីម្ចាស់អាជីវកម្មបានត្អូញត្អែ​រថា ​មន្ដ្រី​នគរបាល​បាន​​បង្ខំ​ឲ្យពួកគេ​ទិញ​បំពង់​ពន្លត់​អគ្គិភ័យក្នុងតម្លៃខ្ពស់​ព្រម​ទាំង​ទារ​លុយ​​បន្ថែមទៀតផង​។​ លោក​​ អ៊ុក​ គឹម​ឡេក មាន​ប្រសាសន៍​ថា​ ច្បាប់​អគ្គិភ័យ​ថ្មី​ នឹងអាចជួួយកាត់បន្ថយអំពើ​ខុសឆ្គងទាំង​នេះ។ ​ លោកបានបន្ដថា “ យើងនឹងដាក់ទោស​មន្ដ្រី​ទាំាង​ឡាយណា ដែល​ទារប្រាក់​​ពី​ប្រជា​ពលរដ្ឋ​។យើងនឹង​​ផ្ដន្ទាទោសពួក​គេ​ឲ្យ​ជាប់​ពន្ធនាគារ​ចាប់​ពីប្រាំ​មួយ​ខែដល់​ពីរឆ្នាំ​”។​ ស្របពេល​មានការប្រណាំង​ប្រជែង​​ក្នុង​ការ​កសាង​អាគារ​​កប់​ពពកនៅក្នុងរាជធានី​ ភ្នំ​ពេញនាយកដ្ឋាន​ពន្លត់​អគ្គិភ័យ​ បានក្លាយ​ជា​ស្ថាប័នដ៏សំខាន់មួយដែលទាមទារ​ឲ្យ​មាន​ការពង្រឹងសមត្ថភាពរបស់ខ្លួនតាម​រយៈ​ការ​បំពាក់ឧបករណ៍ថ្មីៗថែមទៀត ដោយសារ​រថយន្ដពន្លត់អគ្គិភ័យ​នៅក្នុងរាជធានី​ នា​ពេល​ បច្ចុប្បន្ននេះ នៅ​តែ​មិន​ទាន់​អាច​បាញ់​ពន្លត់​អគ្គិភ័យនៅតាម​អាគារ ដែល​មាន​កម្ពស់​លើស​ ពី​១០ជាន់​បានឡើយ​៕​ ប្រែសម្រួល​ដោយ​​លីដារ៉ូ​​​​​​​​​​​​​​​​​​​​​​​​​​​​​​​​​​​​

លោក ហោ ណាំហុង រដ្ឋ​មន្ត្រី​ការ​បរទេស​អះអាង​ពី​​តួនាទី​របស់​ខ្លួន​អំឡុង​របប​ខ្មែរ​ក្រហម​

លោក​ ហោណាំហុងរដ្ឋមន្ត្រីក្រសួង​ការ​បរទេស​ កាល​ពី​ម្សិលមិញបាន​រិះគន់​មេធាវី​ការពារ​ក្ដី​មួយ​ចំនួន​ របស់សាលាក្ដី​ខ្មែរ​ក្រហម​ ពី​បទ​“ កកូរកកាយ រឿងដ៏​​ចម្រូង​ចម្រាសរបស់​ឥស្សរ​ជនជាន់​​ខ្ពស់​” បន្ទាប់​ពីមានសាក្សីម្នាក់​បាន​អះអាង​នៅ​​ក្នុង​សវនា​ការ​ថា ​លោក​ ហោណាំហុង ទទួល​ខុស​ត្រូវ​មណ្ឌល​កែ​ប្រែ​បឹង​ត្របែក​ក្នុង​របប​ ប៉ុលពត។ លោករចឺមតុនសាក្សី​ម្នាក់​ ដែល​ធ្លាប់​ធ្វើ​ជា​ប្រធាន​រដ្ឋបាលរបស់​ការិយាល័យ​ប-១ ​ក្នុង​ក្រសួង​ការបរទេស​ បាន​​​ធ្វើ​ការអះ​អាង ​របស់​ខ្លួន​ កាល​ពី​ថ្ងៃ​អង្គារ​ អំឡុង​ពេល​មាន​ការសួរ​ដេញ​ដោលពីលោកអែនឌ្រូអៀណូ​ហ្សុី (Andrew Ianuzzi) មេធាវី​ការពារ​ក្ដី​របស់​ នួន​ ជា។ ក្រុម​មេធាវី​ការ​ពារ​ក្ដី​របស់​ នួនជាមាន​បំណង​លើក​ឡើង​អំពី​បទ​ពិសោធរបស់​មន្ត្រី​ជាន់ខ្ពស់នៅក្នុងរដ្ឋាភិបាល​សព្វថ្ងៃ​ ក្នុង​របប​ខ្មែរ​ក្រហម​ រួម​មាន​លោក ហោណាំហុងដែល​បាន​ត្រឡប់​ពី​ប្រទេស​បារាំង​ មក​កាន់​ប្រទេស​កម្ពុជា​វិញក្នុង​ឆ្នាំ១៩៧៥ ហើយ​ត្រូវ​​ជាប់ឃុំឃាំង​ក្នុង​មណ្ឌល​កែប្រែ​បឹង​ត្របែកជា​មួយ​នឹង​បញ្ញវ័ន្ដ​រាប់​រយ​នាក់ព្រម​ទាំង​អ្នក​ការទូត​ផ្សេងៗ​ទៀត​ផងដែរ​។ នៅ​ក្នុង​សេចក្ដី​ថ្លែង​ការណ៍​មួយ​កាល​ពី​ម្សិលមិញ​ លោកហោណាំហុងបាន​ថ្លែង​ថាលោកគឺ​ជា​អ្នក​ទោស​នៅក្នុង​មណ្ឌល​កែប្រែ​បឹង​ត្របែក​ តែ​ទោះ​ជា​យ៉ាងណា ​លោក​មិន​បាន​បដិសេធ​ចំពោះ​ការ​អះអាង​ថា លោក​ទទួល​ខុស​ត្រូវ​ក្នុងមណ្ឌល​កែប្រែ​នេះ​ទេ​។លោក​ ហោ ណាំហុង ​បាន​​​ថ្លែង​​​​ថា “វា​គឺ​ជា​រឿង​មួយ​អកុសល​ណាស់ ​នៅ​​​ពេល​​​អ្នក​ដែល​ព្យាយាម​ការ​ពារ​កេរ្ដិ៍​ឈ្មោះឲ្យរបប​ខ្មែរ​ក្រហម​ម្នាក់...

លោក​នាយក​រដ្ឋ​មន្ត្រី​ ហ៊ុន សែន​ ធានាថា វិទ្យុ​សម្បុក​ឃ្មុំ​នឹង​មិន​បិទដោយ​សារតែ​ម្ចាស់​ប្រព្រឹត្ត​ខុស​ទេ​

ខណៈ​ដែល​វិទ្យុ​សម្បុក​ឃ្មុំ​មាន​ការ​ពុះពារ​ដ៏លំបាក​​ បន្ទាប់​ពីការ​ចាប់​ខ្លួន​លោក ម៉មសូណងដូ ដែល​ជា​ម្ចាស់​វិទ្យុ​នេះលោក​នាយក​​រដ្ឋ​មន្ត្រី​ ហ៊ុនសែនបាន​ធានា​ចំពោះ​ស្ថានី​យ​វិទ្យុ​នេះថា វិទ្យុ​​នេះ​នឹង​មិន​បិទ​ដោយ​សារ​តែ​​ប្រធាន​វិទ្យុ​នេះ​​ប្រព្រឹត្ត​បទល្មើស​នោះ​ទេ។ លោក​បានមាន​ប្រសាសន៍​ថា“ ខ្ញុំ​សូម​ឆ្លើយ​​តប​ថាវិទ្យុ​នេះ​មិន​ខុស​ទេ។មិន​មែន​ខឹងគោវាយ​រទេះនោះ​ទេ។ ពួកគេ​បាន​​ឃោសនា​ថាវិទ្យុ​នេះ​​នឹង​ត្រូវ​បិទ​ដោយ​សារតែ​ការ​បំបាត់​សេរី​ភាព​នៃ​ការ​បញ្ចេញ​មតិ។វិទ្យុ​នេះ​គ្មាន​កំហុស​ទេ​។នរណា​អាច​បិទ​វិទ្យុ​នេះ?”។ លោក​ ម៉មសូណង់ដូត្រូវ​បាន​ចាប់​ខ្លួន​កាលពី​ខែ​មុន តាម​ការ​ចោទ​ប្រកាន់​ពី​បទ​បង្កើត​ចលនា​អបគមន៍​ក្នុង​ខេត្ត​ក្រចេះ​។ ​លោកម៉មសូណង់ដូគឺ​ជា​អ្នក​រិះ​គន់​រដ្ឋា​ភិបាលឥត​សំចៃមាត់​ ដែល​ស្ថានីយ​របស់​លោក​​​មាន​ឈ្មោះ​ល្បី​ចំពោះ​​កម្ម​វិធី​រិះគន់ហើយ​ការ​ចាប់​ខ្លួន​លោកម៉មសូណង់​ដូ ​ធ្វើ​ឲ្យ​មាន​កំហឹង​ពី​អង្គការ​សិទ្ធិ​មនុស្ស​​ ដែល​​បាន​និយាយ​ថាវា​​គ្រាន់​តែ​ជា​លេស​​មួយ​ ដើម្បី​​បំបិទ​សេរី​ភាព​នៃ​ការ​បញ្ចេញ​មតិ ហើយ​បន្ទាប់​មក​​បិទ​វិទ្យុ​សម្បុក​ឃ្មុំ។ ទោះជាយ៉ាង​ណា លោក​នាយក​រដ្ឋ​មន្ត្រី​បាន​បញ្ជាក់ថា ការ​បក​ស្រាយ​បែប​នេះមិន​ត្រឹម​ត្រូវ​ទេ។លោក​នាយក​រដ្ឋមន្ត្រី​ ហ៊ុនសែនបាន​មាន​ប្រសាសន៍​នៅ​ឯ​ពិធី​ប្រគល់​សញ្ញា​បត្រ​នៅ​វិទ្យា​ស្ថាន​ជាតិ​អប់​រំ​ថា ស្ថានីយ​វិទ្យុ​នេះ​គ្មាន​កំហុស​ទេ។  លោក​បានមាន​ប្រសាសន៍​ថា “ វិទ្យុ​នេះ​មិនខុស​ទេ ដូច្នេះ​គ្មាន​នរណា​ម្នាក់​​ហ៊ាន​​ប៉ះ​ពាល់​វិទ្យុ​នេះ​​បានឡើយ​។ប៉ុន្ដែម្ចាស់​វិទ្យុ​នេះ​ខុស​ ដូច្នេះ​ពួកគេ​ចាត់​វិធានការ​ប្រឆាំង​នឹង​ម្ចាស់​”។ សកម្មភាព​​នេះ​ត្រូវ​បាន​​ទទួល​រង​ការ​រិះ​គន់​យ៉ាងខ្លាំង​ពី​សំណាក់​​ក្រុម​អ្នក​គាំ​ទ្រ​ និង​អង្គការ​សិទ្ធិ​មនុស្ស​ ដែល​បាន​និង​កំពុង​តែ​អំពាវ​នាវ​ឲ្យ​មាន​ការ​ដោះលែង​លោក ម៉មសូណង​់ដូ។សមាជិក​អង្គការ​ក្រៅ​រដ្ឋា​ភិបាល​របស់​លោក គឺសមាគម​អ្នក​ប្រជាធិបតេយ្យ​ បាន​ស្នើ​ឲ្យ​ស្ថានទូត​បរទេស​គាំ​ទ្រ​ និង​ធ្វើ​ញតិ្ត​ទ្រង់​ទ្រាយ​ធំមួយ​អំពាវ​នាវ​ឲ្យ​មានការ​ដោះ​លែង​រូប​គាត់​។ លោក ជា បម្រុង អនុប្រធាន​សមាគម​នេះ​បាន​មាន​ប្រសាសន៍​ថា “ យើង​បាន​ទទួល​ស្នាម​មេដៃ​ជា​ង​៧០​.០០០​ពី​អ្នក​ភូមិ”។​ ទោះ​ជា​យ៉ា​ងនេះក្ដីទង្វើ​បែបនោះ​ត្រូវ​បាន​រិះគន់​​ដោយ​លោកហ៊ុនសែនដែល​បាន​ប្រាប់​ក្រុម​អ្នក​គាំ​ទ្រ​ថា វាមាន​សារៈ​សំខាន់​ថែម​ទៀត​សម្រាប់​លោកម៉មសូណង់ដូក្នុង​ការ​​ធ្វើ​ឲ្យ​ប្រាកដ​ថា លោក​បាន​ត្រៀម​រៀប​ចំការ​ពារ​ដ៏រឹង​មាំ​។ លោក​បាន​មាន​ប្រសាសន៍​ថា“ រក​មេធាវី​ពូកែ​មក​ការពារ​​ទៅ។ស្នាម​មេដៃ​មិន​យក​ជា​ការ​ទេ...​អ្នក​អាចធ្វើ​ញត្តិ​ផ្តិត​​មេដៃ​ ក៏ប៉ុន្ដែ​ វា​មិន​មាន​ឥទ្ធិ​ពល​ដល់​សេចក្ដី​សម្រេច​របស់​តុលាការ​ឡើយ”។ នៅ​ឯ​វិទ្យុ​សម្បុក​ឃ្មុំ​ថ្ងៃ​នេះ​ ក្រុម​អ្នក​គាំ​ទ្រ​លោកម៉មសូណង់ដូនឹង​ធ្វើ​ពិធី​បួង​សួង​ជួស​មុខ​ឲ្យ​នាយក​ដែល​ជា​ប់​ពន្ធនា​គារ​របស់​ខ្លួន​។លោកហួនផានណារីអគ្គ​លេខា​ធិការ​​សមាគម​អ្នក​ប្រជាធិបតេយ្យ​ ​មាន​ប្រសាសន៍​ថា​ “ យើង​នឹង​បួង​សួង​ ដើម្បី​រំឭក​ដល់​អ្នក​ទាំង​ឡាយ​ ដែល​ផ្ដល់​ចម្លើយ​​ចោទ​ប្រកាន់​គាត់​​ ដើម្បី​រំឭក​ពី​ពាក្យ​សម្តី​​របស់​​ពួកគេ​ពី​ព្រោះ​គាត់​មិន​ពាក់​ព័ន្ធ​ក្នុង​រឿង​នេះទេ”៕ ប្រែ​សម្រួល​ដោយចេវប៊ុននី​​

អ្នក​ប្រើ​ប្រាស់​​បណ្តាញ​សង្គម​ហ្វេសប៊ុក​នៅ​​ប្រទេស​កម្ពុជា​​ កើន​ឡើង​គួ​រឲ្យកត់​សម្គាល់​

​ទិ​ន្ន​ន័យ​ផ្តល់​ដោយ​ក្រុម​ហ៊ុន​​តាម​ដាន​បណ្តាញ​សង្គម​ហ្វេសប៊ុក (Facebook) បាន​បង្ហាញ​កាលពី​ម្សិល​មិញ​ថា ចំនួន​គណនី​អ្នក​ប្រើ​ប្រាស់ហ្វេស​ប៊ុក​ជា​​ប្រ​ចាំ​នៅ​​ក្នុង​ប្រទេស​​​កម្ពុជា​​ បាន​កើ​ន​ឡើង​ជាង១១៣.០០០​នាក់​ក្នុង​រយ:ពេល​ប្រាំ​មួយ​ខែ​កន្លង​មក​នេះ​គឺ​បាន​កើន​​​ដល់​ជិត៦០០.០០០​នាក់។ ក្រុម​ហ៊ុន Social Bakers ​ដែល​ប្រ​មូល​និង​ចែក​ចាយ​ទិន្និន័យ​​ហ្វេសប៊ុក​ ​លើ​ក​ឡើង​ថាគិត​មក​ទល់​ថ្ងៃ​ម្សិល​មិញ​នេះ មាន​គណ​នី​ហ្វេស​ប៊ុក​ ចំនួន៥៨៣​.៩២០​ក្នុង​ប្រទេស​កម្ពុជា ​ដែល​៥០ភាគ​រយ​ក្នុង​ចំណោមនោះ​ ជា​​​អ្នក​ប្រើ​ប្រាស់​ ដែល​មាន​អាយុ​ចន្លោះ​ពី​​១៨​ឆ្នាំ​ ដល់​២៤​ឆ្នាំ​។ក្រុម​ហ៊ុន​នេះបាន​​បន្ថែម​ថា៦២​ភាគរយ​នៃ​អ្នក​ប្រើ​ប្រាស់​ទាំង​អស់​ជា​បុរស​។ក្នុង​ពេល​ថ្មីៗ​នេះ​ ចំនួន​ប្រើ​ប្រាស់​គេហ​ទំព័រ​នេះ​ បាន​កើន​ឡើង​ដល់​កម្រិត​ខ្ពស់​បំផុត​​ប្រហែល​១០.០០០​គណនី​ត្រូវ​បាន​បង្កើត​ឡើង​ជា​រៀង​រាល់​សប្ដាហ៍​ក្នុង​រយៈពេល​ពីរ​ខែ​មក​នេះ។ និន្នាការ​ស្រដៀង​គ្នា​នេះក៏កើត​មាន​ក្នុង​ប្រទេស​ផ្សេង​ៗទៀតដែរ​​នៅ​អាស៊ី​អា​គ្នេយ៍​ដូចជា​ប្រទេស​ឥណ្ឌូណេស៊ី ឡាវហ្វីលីពីនថៃ និង​វៀតណាម​ជាដើម។ លោក (ជេរិមីយ៉ះ អ៊ូយ៉ាង) Jeremiah Owyang អ្នក​វិភាគផ្នែក​ឧស្សាហកម្ម​នៅ​ក្រុម​​ហ៊ុន ​អាល់ម៉េធឺគ្រុប​ (Altmeter Group) ដែល​មាន​មូល​ដ្ឋាន​នៅ​​ស៊ីលីខុន វ៉ាឡេ សហ​រដ្ឋ​អាមេរិក ​មាន​ប្រសាសន៍​ថា ហេតុផលខ្លះ​នៃ​ការកើន​ឡើង​ចំនួន​​ប្រជា​ជនកម្ពុជា ដែល​​ប្រើ​ប្រាស់​ហ្វេស​ប៊ុក អាច​ពាក់​ព័ន្ធ​នឹង​សមាជិក​ក្រុម​គ្រួសារ​ ដែល​ចង់​ទាក់​ទង​​ទៅ​សាច់​ញាត​ិ ដែល​បាន​ទៅ​បរទេស ដើម្បីស្វែង​រក​ការ​ងារ​ធ្វើ។ ​លោក​បាន​មាន​ប្រសាសន៍​បន្ថែមថា​“ វា​ប្រហែល​ជា​ស្រដៀង​គ្នា​ទៅ​នឹង​អ្វី​ដែល​ខ្ញុំបាន​ឃើញនៅ​​​ក្នុង​ទីក្រុង​ម៉ានីល និងក្នុង​​ប្រទេស​ផ្សេង​ៗទៀត នៅអាស៊ី​អាគ្នេយ៍ ដែល​មាន​វណ្ណៈ​អ្នក​ធ្វើការ​ច្រើន​ ដែល​កំពុង​ប្រើ​ប្រាស់​បណ្ដាញ​សង្គម​ ដើម្បី​ទំនាក់​ទំនង​ទៅ​ក្រុម​គ្រួសារ។ យុវជន​ម្នាក់ឈ្មោះ ហេង រតនា​ពិសិដ្ឋ និស្សិត​នៅ​សាកល​វិទ្យាល័យ​លីម​កុកវីង (Limkokwing) ក្នុង​រាជ​ធានី​ភ្នំពេញ បាន​បង្កើត​​គណ​នីរបស់ខ្លួន​កាលពី​ពីរ​ឆ្នាំ​មុន​ ដើម្បី​ទំនាក់​ទំនង​ទៅ​សាច់ញាតិ​ម្នាក់​ ដែល​បាន​ចាក​ចេញ​ពី​កម្ពុជាទៅ​កាន់​អឺរ៉ុប។ យុវជន​វ័យ​១៨​ឆ្នាំរូប​នេះ ដែល​បាន​អង្គុយ​ជាមួយ​មិត្ត​ភក្ដិ​បើក​​មើល​គណនី​ហ្វេស​ប៊ុក...