ការ​​​រក​​​ស៊ី​​​របស់​​​ស្ថាប័ន​​​ហិរញ្ញ​​​វត្ថុ​​​ អន្ដរជាតិ​​​ ជាមួយ​​​ចម្ការកៅស៊ូ​​​ វៀត​​​​​​ណាម​​​នៅ​​​កម្ពុជា​​​មាន​​​បញ្ហា​​​

អង្គការ​​​ឃ្លាំ​​​មើល​​​បរិស្ថានក្លូបល​​​វីត​ណេស​​​(Global Witness)បាន​​​ចេញ​​​របាយការ​​ណ៍​​​មួយ​​​នៅ​​​ថ្ងៃ​​​នេះ​​​ថា  ធនាគា​​​រដចឈើរបស់​​​អាល្លឺម៉ង់​​​​(Deutsche Bank) និង​​​សាជីវកម្ម​​​ហិរញ្ញ​​​វត្ថុ​​​អន្ដរ​ជាតិ​​​(International Finance Corporation)របស់​​​ធនាគារ​​​ពិភព​​​លោក​​​ បាន​​​ចំណាយ​​​លុយ​​​រាប់​សិប​​​លាន​​​ដុល្លារ​​​ ទៅ​​​ឲ្យ​​​ក្រុមហ៊ុន​​​ចម្ការ​​​កៅស៊ូ​​​វៀត​​​ណាម​​​ ដែល​​​ធ្វើប្រតិបត្តិការ​​​ក្នុង​​​ប្រទេស​​​​កម្ពុជា​​​ ហើយ​​​មាន​​​ជាប់​​​ពាក់ព័ន្ធ​​​នៅ​​​ក្នុង​​​ការកាប់​​​​ឈើ​​​ខុសច្បាប់​​​ និង​​​ការ​​​បណ្ដេញ​​​​​​កសិករ​​​ចេញ​​​ពី​​​ដី​​​ធ្លី​​​​​​ដោយ​​​បង្ខំ​​​។ នៅ​​​ក្នុង​​​របាយការណ៍​​​នេះ ឈ្មោះថា ក្រុម​អ្នករកសុី ​​​លើកឡើង​​​ពីរបៀប ដែល​​​ក្រុម​ហ៊ុន​​​វៀតណាម និង​​​អ្នកផ្ដល់​​​ហិរញ្ញ​​​វត្ថុអន្ដរជាតិ​​​កំពុងតែ​​​ធ្វើ​​​ឲ្យ​​​មាន​​​បញ្ហាក្នុងការទន្ទ្រាន​​យកដី​​​នៅ​​​ក្នុង​​​ប្រទេស​​​កម្ពុជា និង​​​ប្រទេស​​​ឡាវ​​​។ ​អង្គការ​​​ក្លូបល​​​វីតណេស​​​ ដែលមាន​​​មូល​​​ដ្ឋាន​​ក្នុងប្រទេស​​​អង់គ្លេស បាន​​​ផ្សា​​​ភ្ជាប់​​​ធនាគារ​​​ដចឈើរបស់​​​អាល្លឺម៉ង់ និង​​​សាជីវកម្ម​​​ហិរញ្ញ​វត្ថុ​​​អន្ដរជាតិ​​​ទៅ​​​នឹង​​​ក្រុមហ៊ុន​​​វៀត​​​ណាម​​​ចំនួន​​​ពីរ​​​ ដែល​​​ស្ថិត​​​នៅ​​​ពី​​​ក្រោយ​​​ក្រុមហ៊ុន​​​បោក​​​ប្រាស់​​​មួយ​​​ចំនួន​​​ ដែល​​​មាន​​​តែ​​​ឈ្មោះ​​​ ហើយ​​​បើ​​​​​យោង​​​តាម​​​អង្គការ​​​ក្លូបល ​​​វីត​​​ណេស​​​ ក្រុម​ហ៊ុន​​​ទាំង​​​នេះ​​​ បាន​​​រំលោភ​​​ច្បាប់​​​ព្រៃ​​​ឈើ​​​ នៅ​​​តាម​​​តំបន់​​​ព្រៃ​​​ ដែល​​​នៅ​​​សេស​​​សល់នា​​​ភាគ​​​ឦសាន ប្រទេស​​​កម្ពុជា​​​ ដែល​​​ជា​​​ព្រៃ​​​អ្នក​​​ភូមិ​​​ធ្លាប់ពឹង​​​ផ្អែក និងអាស្រ័យផល​​​។ លោកស្រី មីហ្គែន​​​ ម៉ាក​​​អិន​​​ណេស​​​ (Megan​MacInnes) ដែល​​​ដឹក​​​នាំក្រុម​ឃ្លាំ​មើល​បញ្ហា​ដីធ្លី​​​របស់អង្គការ​​​ក្លូបល ​​​វីត​​​ណេស​​​ បាន​​​លើក​ឡើង​​​នៅ​​​ក្នុង​​​សេចក្ដី​​​ថ្លែងការណ៍​​​មួយ​​​ថា“ ​​​ជួន​​​កាល​​​យើង​​​ដឹង​​​ថា អ្នក​​​នយោ​បាយ​​ពុក​​​រលួយ​​​នៅ​​​ក្នុង​​​ប្រទេស​​​កម្ពុជា​​​ និង​ប្រទេស​ឡាវ​​​កំពុង​​​តែ​​​ធ្វើ​​​ឲ្យ​​​មានអំពើ​​រំលោភ​​​ដី​​​ធ្លី​​​ដែល​​​បាន​​​ធ្វើ​​​ឲ្យ​​​ប៉ះពាល់​​​យ៉ាង​​​ខ្លាំង​​​នៅ​​​ក្នុង​​​តំបន់​​​។ របាយការណ៍​​​នេះ បាន​​​បញ្ចប់​​​ដោយ​​​បង្ហាញ​​​ពី​​​តួនាទី​​​ស្នូល​​​របស់​​​ក្រុមហ៊ុន​​​ចម្ការ​​​កៅស៊ូ​​​វៀត​​​ណាម និង​​​អ្នក​​​ផ្ដល់​​​ហិរញ្ញ​​​វត្ថុ​​​របស់​​​ខ្លួន មាន​​​ដូចជា​​​ធនាគារ​​​ដចឈើ​​​របស​់​​​អាល្លឺម៉ង់​និង​​​សាជីវកម្ម​​​ហិរញ្ញវត្ថុ​​​អន្ដរជាតិ”។ លោក​​​ស្រី​​​​​​មាន​​​ប្រសាសន៍​​​ថា “ ​​​ក្រុមហ៊ុន​​​ទាំង​​​ពីរ​​​នេះ​​​ កំពុង​​​តែធ្វើ​​​ឲ្យ​​​ប៉ះពាល់​​​យ៉ាង​​​ខ្លាំង​​​ដល់​​​សិទ្ធិរបស់​​​ប្រជា​​​ពល​​​រដ្ឋ​​​តូចតាច នៅ​​​ក្នុង​​​ប្រទេស​​​កម្ពុជា និង​​​ប្រទេស​​​ឡាវ”។ ដោយ​​​យោង​​​តាមរូបភាពថតតាម​​ផ្កាយ​​​រណប​​​ និងរបាយការណ៏របស់​រដ្ឋា​ភិបាល​​​ ព្រមទាំងឯកសារ​​​ពាក់​​​ព័ន្ធ​​​ផ្សេងៗ​​​ រួមទាំងការ​​​ចុះ​​​ទៅ​​​ត្រួត​​​ពិនិត្យដល់ទីកន្លែង​​​ និង​​​ការពិភាក្សា​ជាមួយបណ្តា​​​ក្រុមហ៊ុន​​​ ពាក់​​​ព័ន្ធ​​​​​​ អង្គការ​​​ក្លូបល​​​​វីត​​​ណេស​​​ បាន​​​លើក​​​ឡើង​​​ថា សាជីវកម្ម​​​ហិរញ្ញ​វត្ថុ​​​អន្ដរជាតិ​​​សព្វ​​​ថ្ងៃ​​​មាន​​​ភាគហ៊ុន​​​ចំនួន​​​១៤,៩៥​​​​លាន​​​ដុល្លារ​​​ នៅ​​​ក្នុងទុន​​​វិនិយោគ​​​របស់​ក្រុម​ហ៊ុន​​​វៀតណាម​​​ ឈ្មោះ ហួងអាញ​់​​ យ៉ាឡៃ ​(Hoang Anh Gia...

នគរ​បាល​ប្រឆាំង​ការ​ជួញ​ដូរ​មនុស្ស​ចាប់​ខ្លួន​​ជន​ជាតិ​តៃវ៉ាន់​ពី​បទ​ជួញ​ដូរ​អ្នក​នេសាទ​ទៅ​ប្រទេស​អាហ្វ្រិក

កាល​ពី​ថ្ងៃ​សុក្រ​ នគរ​បាល​ប្រឆាំង​ការ​ជួញ​ដូរ​មនុស្ស​របស់​ក្រសួង​មហា​ផ្ទៃ​បាន​ចាប់​ខ្លួន​ស្ត្រី​ជន​ជាតិ​តៃ​វ៉ាន់​ម្នាក់​ដែល​គេ​ជឿជាក់​ថា បានជាប់​​ពាក់​ព័ន្ធ​ក្នុង​ការ​ជួញ​ដូរ​ពលករ​ខ្មែរ​ទៅ​ធ្វើ​ការ​ក្នុង​សភាព​ដូច​ជា​ទាសករ​នៅ​លើ​ទូក​នេសាទ​តា​មឆ្នេរ​សមុទ្រ​អាហ្វ្រិក។ ឧត្តម​សេន​ីយ៍ឯក ប៉ុល ពិធេយ្យ ប្រធាន​នាយក​ដ្ឋាន​ប្រឆំាង​ការ​ជួញ​ដូរ​មនុស្ស​បាន​មាន​ប្រសាសន៍​ថា ​ឈ្មោះ លិន យូស៊ីន (Lin Yu Shin) អាយុ​៥៣​ឆ្នាំ​ម្ចាស់​ក្រុម​ហ៊ុន​នេសាទ​អន្ដរជាតិ​ ចៃអិន អូស៊ិន (Giant Ocean International Fishery and Co.Ltd) ត្រូវ​បានចាប់​ខ្លួន​កាល​ពី​ព្រឹក​ថ្ងៃ​សុក្រ នៅ​ក្នុង​ក្រុង​សៀមរាប​​​។ លោក...

អគ្គនាយក​ដ្ឋាន​ដឹក​ជញ្ជូន​នៃ​ក្រសួង​សាធារណ​ការ​ និង​ដឹក​ជញ្ជូន​​កែ​ទម្រង់​នីតិវិធីធ្វើ​ស្លាក​លេខ​យាន​យន្ត

ជា​កិច្ច​ខិត​ខំ​ប្រឹង​ប្រែង​បង្កើន​ល្បឿន​នីតិ​វិធី​ធ្វើ​ស្លាក​លេខ​យាន​យន្ត​ឲ្យ​ម្ចាស់​យាន​យន្ត​ដែល​មក​ធ្វើ​ស្លាក​លេខ​ឲ្យ​បាន​កាន់​តែ​​លឿន​ជាង​​មុន​នោះ​ អគ្គនាយក​ដ្ឋានដឹក​ជញ្ជូនបាន​​សម្រេច​ថា​ ប្រជា​ពល​រដ្ឋ​មិន​ចាំ​បាច់​យកក្រដាស​បង់​ពន្ធ​នាំ​ចូល​ ទៅ​បញ្ជាក់​នៅ​ការិយា​ល័យ​ប្រៃសណី​​យ៍ក្នុង​រាជ​ធានី​ភ្នំ​ពេញ​ទៀត​ទេ។ ម្ចាស់​យាន​យន្ត​បាន​នាំ​គ្នា​ត្អូញ​ត្អែរ​ថា​ ចាប់​តាំង​ក្រសួង​សាធារណការ​ និង​ដឹក​ជញ្ជូន កែ​ទម្រង់​នីតិ​វិធី​ធ្វើ​ស្លាក​លេខ​យាន​យន្ត​ កាល​ពី​ខែ​កុម្ភៈ​ ដើម្បី​​លុប​បំបាត់​អំពើ​ពុក​រលួយ​រួច​មក​នីតិវិធី​នេះ​បាន​ធ្វើ​ឲ្យ​មាន​ការិយា​ធិបតេយ្យ​កាន់​តែ​ខ្លាំង​ និង​នាំ​ឲ្យ​មាន​ការ​រង់​ចាំ​កាន់​តែ​យូរ​ថែម​ទៀត។ ចាប់​តាំង​ពី​មាន​ការ​កែ​ទម្រង់​នេះ​មក​ ប្រជា​ពលរដ្ឋ​ដែល​មាន​បំណង​ធ្វើ​ស្លាក​លេខ​យាន​យន្ត​ ត្រូវ​តែ​ចំណាយ​ពេល​ជា​ច្រើន​ថ្ងៃ​ឈរ​តម្រង់​ជួរ​គ្នា​រង់​ចាំ​ទាំង​កណ្តាល​​​ថ្ងៃ​ក្តៅ​ នៅ​ខាង​ក្រៅ​ការិយាល័យ​រដ្ឋាភិបាល​ ហើយ​ក៏​ត្រូវ​ធ្វើ​ដំណើរ​ជា​ច្រើន​លើក​ច្រើន​សា​ទៅ​កាន់​ការិយាល័យ​រដ្ឋាភិបាល​ផ្សេងៗ​គ្នា​ផង​ដែរ។​​ សុរប​ទៅ​ នីតិវិធីធ្វើ​ស្លាក​លេខ​យាន​យន្ត​ចប់​រួចរាល់​​ត្រូវ​ចំណាយ​ពេល​ជា​ច្រើន​សប្តាហ៍។ កាល​ពី​ពេល​មុន​ ប្រ​ជា​ពល​រដ្ឋ​ត្រូវ​តែ​យក​​​ក្រដាស​​បង់​ពន្ធ​នាំ​ចូល​ទៅ​កាន់​ការិយាល័យ​សាធារណការ​ និង​ដឹក​ជញ្ជូន​ខណ្ឌ​ ហើយ​បន្ទាប់​មក​ទៀត​ត្រូវ​យក​ទៅ​ការិយាល័យ​ប្រៃសណីយ៍​រាជធានី​ ដើម្បី​ឲ្យ​គេ​ត្រួត​ពិនិត្យ​​ក្រដាស​​ពន្ធ​នាំ​ចូល​របស់​ខ្លួន​ ហើយ​ក្រោយ​មក​ទៀត​ត្រូវ​ត្រឡប់​ទៅ​កាន់​ការិយា​ល័យ​សាធារណការ​ និង​ដឹក​ជញ្ជូន​ម្តង​ទៀត។ បើយោង​តាម​លោក​ ពៅ​ ម៉ាលី​ អគ្គនាយក​​រង​នៃ​អគ្គ​នាយក​ដ្ឋាន​ដឹក​ជញ្ជូន​ បាន​ឲ្យ​ដឹង​ថា​ បច្ចុប្បន្ន​នេះ​ ចាប់​តាំង​​ពី​​មាន​ការ​កែ​ប្រែ​​កាល​ពី​ខែ​មេសា​មក​ ​កិច្ច​ការ​​ទាំង​អស់​​ត្រូវ​ធ្វើ​​នៅ​កន្លែង​តែ​មួយ​​ប៉ុណ្ណោះ។ លោក​ ម៉ាលី​ ​មាន​ប្រសាសន៍​ថា​“ ​ហេតុ​​ផល​ដែល​យើង​កំពុង​តែ​ធ្វើ​ក្នុង​ពេល​នេះ​គឺ​ដើម្បី​ផ្តល់​សេវា​សាធារណៈ​ឲ្យ​បាន​ឆាប់​រហ័ស​ និង​ធ្វើ​ឲ្យ​ប្រជា​ពល​រដ្ឋ​កាន់​តែ​មាន​ភាព​ងាយ​ស្រួល” ហើយ​លោក​បាន​បន្ថែម​ទៀត​ថា​ ប្រសិន​បើ​វា​ចំណាយ​ពេល​យូរ​ជាង​មួយ​សប្តាហ៍​​ទើប​ទទួល​បាន​ស្លាក​លេខ​យាន​យន្ត​នោះ​ ប្រជា​ពល​រដ្ឋ​មាន​សិទ្ធិ​តវ៉ា។ ជា​កិច្ច​ខិត​ខំ​ប្រឹង​ប្រែង​លុប​បំបាត់​អំពើ​​ពុក​រលួយ​ គេ​ដាក់​បង្ហាញ​​តារាង​តម្លៃ​នៅ​ឯ​ការិយា​ល័យ​ធ្វើ​ស្លាក​លេខ​យាន​យន្ត​ ដូច្នេះ​ម្ចាស់​យាន​​យន្តអាច​សួរ​រក​វិក្ក​យ​បត្រ​បាន​។​ ការធ្វើ​ស្លាក​លេខ​រថយន្ត​ធុន​តូច​ត្រូវ​ចំណាយ​ប្រហែល​៥០​ដុល្លារ​ ការ​ធ្វើ​ស្លាក​លេខ​រថយន្ត​ធុន​ធំ​ត្រូវ​​ចំណាយ​ប្រហែល​៦០​ដុល្លារ​ ហើយ​ការ​ធ្វើ​ស្លាក​លេខ​ម៉ូតូ​ត្រូវ​ចំ​ណាយ​អស់​២០​ដុល្លារ។ លោក​បាន​ឲ្យ​ដឹង​ថា​ ម្ចាស់​យាន​យន្ត​មិន​ចាំ​បាច់​បង់​ប្រាក់​ក្រៅ​សេវា​ចំនួន​១០​ដុល្លារ​ឲ្យ​មន្ត្រី​​ដើម្បី​បំពេញ​ឯក​សារ​ចាំ​បាច់​នានា​នោះ​ទេ​ ពី​ព្រោះ​ប្រជា​ពល​រដ្ឋ​អាច​បំពេញ​ឯក​សារ​​បាន​ដោយ​ខ្លួន​ឯង។​ លោក​ ម៉ាលី​ បាន​បន្ថែម​ទៀត​ថា​ ប្រជា​ពល​រដ្ឋ​ណា​ដែល​មិន​អាច​បំពេញ​ទម្រង់​បែប​បទ​ដោយ​ខ្លួន​ឯង​បាន​ ប្រហែល​ជា​នៅ​តែ​ត្រូវ​បង់​ថ្លៃ​សេវា​ដើម្បី​ឲ្យ​គេ​ជួយ​បំពេញ​ឲ្យ​ដដែល៕ ប្រែសម្រួល​ដោយ​ ហួង​ កុក​ទៀន

អង្គការ​សុខភាព​ពិភព​លោក​លើក​ឡើង​ថា ការ​ឆ្លង​​មេរោគ​អេដស៍អាច​លុប​បំបាត់ទាំ​ង​ស្រុង​ត្រឹម​ឆ្នាំ​២០២០

រដ្ឋាភិ​បាល​ និង​អង្គការ​សុខភាព​ពិភព​លោក​​បាន​លើកឡើង​កាល​ពីថ្ងៃ​សុក្រ​ថា កម្ពុជា​នឹង​​សម្រេច​បាន​នូវ​គោល​ដៅ​​របស់​ខ្លួន​មិន​ឲ្យ​​មាន​​ករណី​​ឆ្លង​​មេរោគ​​ហ៊ីវ​ថ្មី​ទៀត​ទេ​ ក្នុង​រយៈ​ពេលជិត​​ប្រាំពីរឆ្នាំ​​ទៀត​។ ​លោក សាស្ត្រាចារ្យ ដានីញែល​ តារ៉ាន់​តុលា (Daniel Darantola)​​​​ ដែល​ដឹក​នាំ​ក្រុមត្រួត​​​ពិនិត្យ​បាន​លើកឡើង​នៅ​ក្នុង​សេចក្ដី​ថ្លែង​ការណ៍​មួយ​​ថា “ បន្ទាប់​ពីបាន​ពិនិត្យ​ទិន្នន័យ ឯកសារ និង​របាយ​ការណ៍​​ដែល​ទទួល​បាន និងការ​ចុះ​​សង្កេត​និង​សាកសួរ​​ផ្ទាល់​ ការ​ពិនិត្យ​របស់​​ក្រុម​ឆ្លើយ​តប​​ក្នុង​វិស័យ​សុខា​ភិបាល​ជាតិ​ពាក់​ព័ន្ធ​នឹង​​មេរោគ​​ហ៊ីវ​បាន​សន្និដ្ឋាន​ថា កម្ពុជា​កំពុង​ឆ្ពោះ​ទៅ​រក​ការ​សម្រេច​​បាន​​ នូវ​គោល​ដៅ​នៃ​ការ​លុប​បំបាត់​ការ​ឆ្លង​​មេរោគ​​ហ៊ីវ​ថ្មីៗ នៅ​ក្នុង​ប្រទេស​នេះ​ ត្រឹម​ឆ្នាំ​២០២០​”។ ​ទោះ​ជា​យ៉ាង​ណា ​កាល​ពី​ថ្ងៃ​សុក្រ មន្ត្រី​សុខាភិបាល និង​​អ្នក​ជំនាញ​បាន​លើក​ឡើង​ថា គោល​ដៅ​នោះ​មាន​​មហិច្ឆតា​​ខ្ពស់​ពេក និង​អាស្រ័យ​លើ​ការ​បន្ដ​ការ​ប្ដេជ្ញា​ចិត្ត និង​ការ​ គាំ​ទ្រ​ពី​អ្នក​ផ្តល់​ជំនួយ​។ ​លោក ស៊ិន សុមុនី នាយក​ប្រតិបត្តិ​​អង្គការ​​មេឌីខាំ​(Medicam)​ដែល​ជា​អង្គការ​​ក្រៅ​រដ្ឋាភិបាល​ផ្នែក​សុខភាព​ ​មាន​ប្រសាសន៍​ថា“ វា​ពិ​បាក​មែន​ ប៉ុន្ដែ​ វាអាច​ទៅ​រួច​។ ប្រសិន​បើ​មាន​ការ​បន្ដរួម​ចំណែក​ពី​សំណាក់​សហ​គមន៍​កម្ពុជា​និង​អន្ដរជាតិ ព្រម​ទាំង​អនុវត្ត​យុទ្ធ​សាស្ត្រ​ថ្មី​ៗ​មួយ​ចំនួន​នោះ វា​ប្រាកដ​ជា​អាច​សម្រេច​គោល​ដៅ​​នេះ​បាន​​”។ ​លោក​វេជ្ជ​បណ្ឌិត​ ឱម សុភាព នាយក​ប្រតិ​បត្តិ​អង្គការ​ខាណា(Khana)ដែល​ធ្វើការ​ប្រយុទ្ធ​ប្រឆាំង​នឹង​មេរោគ​ហ៊ីវ ​និង​ជំងឺ​អេដស៍​បាន​មានប្រសាសន៍​ថា គោល​ដៅ​នេះ​អាច​សម្រេច​បាន​ ដរាប​ណា​​ការ​ងារ​​ដែល​យើ​ង​កំពុង​ធ្វើ​ដើម្បី​លុប​បំបាត់​ជំងឺ​នេះ​ពី​កម្ពុជា​ ​នៅ​បន្ត​នោះ​។ លោក​បាន​មានប្រសាសន៍​ថា “ ខ្ញុំ​គិត​ថា...

បន្ទាប់​ពី​​ពន្យារ​ពេល​មួយ​រយៈ​​ គណ​បក្ស​សង្គ្រោះ​ជាតិ​ចុះ​ឈ្មោះ​សម្រាប់​ការបោះ​ឆ្នោត​ជាតិ

​​កាល​ពី​ថ្ងៃសុក្រ គណ​បក្ស​សង្គ្រោះ​ជាតិ​បាន​ចុះ​ឈ្មោះ​បេក្ខ​ជន​របស់​ខ្លួន​ចំនួន​២៦៤​រូប ជាមួយ​គណៈកម្មាធិការជាតិ​រៀប​ចំការ​បោះ​ឆ្នោត​ ដើម្បី​ប្រកួត​ប្រជែង​នៅ​ក្នុង​ការ​បោះ​ឆ្នោត​ជាតិ​ថ្ងៃទី​២៨ ខែ​កក្កដា ដែល​ការ​ចុះ​ឈ្មោះ​នេះ​ធ្វើ​ឡើង​មុន​ពេល​​ផុត​កំណត់​​តែ​បី​ថ្ងៃ​ប៉ុណ្ណោះ។ ​លោក យឹម សុវណ្ណ អ្នក​នាំពាក្យ​របស់​គណ​បក្ស​សង្គ្រោះ​ជាតិបាន​មាន​ប្រសាសន៍​ថា គណបក្ស​បាន​សម្រេច​រៀប​ចំ​ឯក​សារ​ចុះ​ឈ្មោះ​​ បន្ទាប់​ពី​បាន​គិត​អំពី​ការ​គាំ​ទ្រ​​គណ​បក្ស​ ប៉ុន្តែ​លោក​បាន​មានប្រសាសន៍​ថា គណ​បក្ស​នេះ​នឹង​​នៅ​តែបន្ដ​ប្រឆាំង​​ចំពោះ​ការ​​មិន​​កែ​ទម្រង់​​នៅ​​ក្នុង​គណៈកម្មាធិការ​ជាតិ​រៀប​ចំ​ការ​បោះ​ឆ្នោត​។​ ​លោក​បាន​មានប្រសសន៍​ថា“ យើង​ទើប​តែ​ចុះ​ឈ្មោះ​​នៅ​រសៀល​នេះ ព្រោះ​យើង​យល់​ថា យើង​មាន​ការ​គាំទ្រ​ច្រើន។ ប្រជា​ពលរដ្ឋ​ជា​ច្រើន​នឹង​បោះ​ឆ្នោត​ឲ្យ​យើង។​ យើង​ត្រូវ​តែ​ការ​ពារ​ឆន្ទៈ​របស់​ប្រជា​ពលរដ្ឋ​ ដើម្បី​កំុឲ្យ​ពួកគាត់​ខក​ចិត្ត​”។​​​​​ ​លោក កឹម សុខា អនុ​ប្រធាន​គណ​បក្ស​សង្គ្រោះ​ជាតិ​ និង​លោក​ស្រី មូរ សុខហួរ តំណាង​រាស្ត្រ​គណបក្ស​ សម រង្ស៊ី លោក សុន ឆ័យ ព្រម​ទាំ​លោក យឹម សុវណ្ណ...

មនុស្ស៦០នាក់ត្រូវបញ្ជូនទៅមន្ទីរពេទ្យដោយសារឧស្ម័នអាម៉ូនីញាក់ចេញពីរោង​​​ចក្រ​​​ទឹកកក

មន្ត្រី​​សាលាខណ្ឌបាន​​​និយាយ​ថា ​ប្រជា​ពល​​​រដ្ឋ​​​ជាង៦០​​​នាក់ក្នុង​​​សង្កាត់​​​គីឡូ​ម៉ែត្រ​លេខ៦​​​ ក្នុង​​​ខណ្ឌឫស្សីកែវ ត្រូវបាន​​​បញ្ជូន​ទៅ​​​មន្ទីរ​​​ពេទ្យ​​​កាល​​​ពីថ្ងៃសុក្រ ដោយ​មាន​អាការ​​​ពិបាក​​​ដក​​​ដង្ហើម​​​ដោយសារតែ​​​ក្លិន​​​ស្អុយ​​​អាក្រក់​​​ភាយ​​​ចេញពី​​​រោង​​ចក្រផលិតទឹក​​​កក​​​មួយ​​​ដែល​​​នៅក្បែរ​​​នោះ​​​​ដោយធ្វើឲ្យអ្នក​​​ភូមិ​​​នៅ​​​ក្នុង​​​តំបន់​​​នោះ​​​ពិបាកដកដង្ហើមរាប់​​​ខែ​​​មក​​​ហើយ។ យោងតាម​​លិខិត​​​មួយច្បាប់​​​ចុះ​​​ហត្ថ​​លេខា​​​ដោយ​​​លោក ឃ្លាំង ហួត អភិបាល​​​ខណ្ឌ​​​ឫស្សី​កែវកាល​​​ពី​​ថ្ងៃ​​​ព្រហស្បតិ៍​​​ បាន​​​ឲ្យ​​​ដឹងថា ​ដើម្បី​បំបាត់ក្លិន​​​ស្អុយ​​​អាក្រក់​​​នេះ​​​ អាជ្ញាធរ​​​​​​បាន​សម្រេច​បិទជា​​​បណ្តោះ​​​អាសន្ននូវអាជីវកម្ម​ផលិត​​​ទឹក​​​កក​របស់​រោងចក្រ​ដែល​​​ជា​​​របស់​លោក​​​ តុង សេង អភិបាល​​​រង​​​ខេត្ត​​​កំពង់ស្ពឺ។ លិខិត​​​នោះមានខ្លឹមសារ​​​ដូច្នេះ​ថា “ ខណ្ឌ​ឫស្សីកែវ បានបញ្ជាឲ្យ​​​ម្ចាស់រោង​​​ចក្រ​​​ផលិត​ទឹកកកនេះផ្អាកដំណើរ​​​ការជា​​​បន្ទាន់ ​ដើម្បី​រក​ដំណោះស្រាយ​​​ជា​​​មួយ​​​ប្រ​​​ជាពលរដ្ឋ​​​ដែល​​​រស់នៅជុំវិញរោងចក្រ​​​នេះ”។ អ្នកស្រី ស៊ិន ចំរើន អ្នកភូមិ​​​ម្នាក់មកពី​​​សង្កាត់គីឡូម៉ែត្រលេខ៦ ដែលបានទ្រាំនឹង​​​ក្លិនឧស្ម័ន​ អាម៉ូនីញាក់ប្រើ​​​សម្រាប់​​បង្កក​​​ទឹកកក​​​​​​ បាន​និយាយ​​​ថា “ ស្ត្រី​​​មានផ្ទៃពោះ​​​និងកុមារស្ថិត​​​ក្នុង​​​ចំណោម​​​អ្នក​​​ដែល​​​ត្រូវ​​​បាន​​​បញ្ជូន​​​ទៅ​​​មន្ទីរ​​​ពេទ្យ។សុំ​​​ឲ្យ​​​រោង​​​ចក្រ​​​នេះរើចេញ​ពី​តំបន់​​​នេះ។ប្រសិនបើមិនរើ​​​ចេញ​ទេ ​យើង​​​នឹង​​​តវ៉ា​​​ទៀត”។ អ្នកស្រី សុិន ចំរើន ​​​បាន​​​បន្ថែម​​​ទៀតថា“ ​កាល​​​ពីព្រឹកមិញ មនុស្ស​​​ប្រហែល៣០​​​នាក់​ត្រូវ​​​បាន​​​បញ្ជូនទៅ​​​មន្ទីរ​​​ពេទ្យបង្អែក​ខណ្ឌ​ឫស្សីកែវ។ ក្នុង​​​ចំណោម​អ្នក​​​ទាំង​​​នោះ​​​មាន​ប្រាំបួននាក់​​​បាន​ឈឺ​​​ធ្ងន់។ ​​​ចំណែកមនុស្ស​​​ជាង​​​​៣០នាក់​​​ផ្សេង​ទៀត​​​ក៏ត្រូវបាន​​​បញ្ជូនទៅ​​​មន្ទីរពេទ្យដែរ”។ កាលពីល្ងាច​​​ថ្ងៃ​​ពុធ ​ប្រជាពលរដ្ឋ​ប្រហែល​​​​១០០នាក់​​​បានតវ៉ា​​​ប្រឆាំង​​​រោង​​​ចក្រ​​​នេះ​​​ហើយ​​​កាល​​​ពីខែវិច្ឆិកា ប្រជាពលរដ្ឋ​​​ប្រហែល​៧០គ្រួសារ​ បានជួបជា​​​មួយ​​​អភិបាលរង​ខណ្ឌ​ឫស្សីកែវ គឺលោក​ស្រី លី រ៉ូហ្សាមី អភិបាល​​​រង​​​ខណ្ឌ​​​ និងតំណាង​​​រោង​​​ចក្រ​​​  ដើម្បី​​​ព្យា​យាម​ដោះ​​​ស្រាយ​​​បញ្ហា​​​នេះ។​​​ប៉ុន្តែក្លិន​​​ស្អុយ​​​នោះ​មិន​​​បាន​​​ថយ​​​ចុះទេ ហើយ​​​អ្នក​​​ភូមិ​​​កាន់តែបាត់​​​បង់ភាព​​​អត់ធ្មត់ខ្លាំង​​​ឡើងៗ។ យោងតាមលោក ផាន់ ភារ័ត្ន នាយក​មន្ទីរ​ពេទ្យបង្អែក​​​សម្តេចឪ​​​បានឲ្យដឹងថា អ្នក​​​ជំងឺ​​​ទាំង​​​អស់​​​កំពុង​​​សម្រាកព្យា​​​បាល​​​នៅក្នុង​មន្ទីរ​ពេទ្យនៅឡើយ បើគិតមក​​​ទល់នឹង​​​យប់ថ្ងៃ​សុក្រ ​ហើយពេទ្យកំពុង​​​ធ្វើ​​​តេស្ត​​​ដើម្បី​​​កំណត់​​​​ឲ្យ​​​ដឹងថា តើ​​​ឧស្ម័ន​​​​​​ពួកគេ​​​បានស្រូបសារ​ធាតុ​អាម៉ូនីញាក់ចូលក្នុងខ្លួនប៉ុន្មានដែរ។ លោក ជា សារ៉េត តំណាង​​​របស់​​​ម្ចាស់​រោង​​​ចក្រ​​​នេះ ​​​បដិសេធមិន​​​ធ្វើ​​​អត្ថា​​​ធិប្បាយ​ទេ​​​កាល​​​ពីថ្ងៃ​​​សុក្រ។ គិត​​​រហូត​​​មក​​​ទល់​​​នឹង​​​ល្ងាច​​​ថ្ងៃសុក្រ​​​ រោង​​​ចក្រ​​​នេះ​​​នៅ​​​តែ​​​ដំណើរ​​​ការ​​​នៅឡើយ​​​ ហើយ​​​អ្នក​​​តវ៉ា​​​ កំពុងជួប​ជុំគ្នា​នៅខាង​​​ក្រៅ​​​រោង​​​ចក្រ​​​នៅឡើយដែរ។ ប្រជា​​​ពល​​​រដ្ឋ​​​ម្នាក់​​​ឈ្មោះ​​​ ព្រាប ប៊ុន្នី បាន​​​និយាយ​​​ថា “ រោង​​​ចក្រ​​​នេះ​​​កំពុង​​​ដំណើរ​​​នៅ​ឡើយ ដូច្នេះ​​​ខ្ញុំមិន​​​ដឹង​​​ថា តើ​​​ម្ចាស់រោង​​​ចក្រ​​​នេះ​​​គោរព​​​តាម​​​លិខិត​​​ចេញពី​​​អភិបាល​​ខណ្ឌ​ឬ​​​យ៉ាង​​​ណានោះទេ”៕ ប្រែសម្រួលដោយ តែម សុខុម​​​​​​​​​​​​​​​​​​​​​​​​​​​​​

សាលាដំបូង​​​រាជ​​​ធានី​​​ភ្នំពេញ​​​ជំ​នុំ​ជម្រះ​ក្តី​​របស់​ជន​ជាតិ​ថៃ​​​ពីរនាក់​​​​ពី​​​បទ​​​ជួ​​​ញ​​​ដូរ​​​ថ្នាំ​​​ញៀន​​​មេតំ​​​ហ្វេតាមីន

កា​ល​ពីថ្ងៃ​ពុធ​ សាលា​​ដំ​បូង​រាជ​ធានី​ភ្នំ​ពេញ​បា​ន​​បើ​ក​​សវ​នា​កា​រ​ជំ​នុំ​ជម្រះ​​​រឿង​​ក្តី​​របស់​​ស្ត្រី​​ជន​​ជាតិ​​​ថៃ​​​ពីរ​រូ​ប​ ដែលត្រូវ​​​បា​ន​ចោទ​ប្រកាន់​​ពី​បទ​​ជួញ​​ដូរ​ថ្នាំ​ញៀន​​មេតំ​ហ្វេ​តា​មីន​​៤​គី​ឡូ​ក្រាម​​ចូ​លក្នុង​ប្រទេ​ស​​​កម្ពុ​ជា​​​ កា​ល​ពី​ឆ្នាំ​មុ​ន​។ ​​នគរបា​ល​ប្រ​ឆាំង​គ្រឿ​ង​ញៀន​​របស់​ក្រ​សួ​ង​មហាផ្ទៃ ​បា​ន​ចាប់​ខ្លួន​​ឈ្មោ​ះ ​​ពី​វ​ចាន់​​​សុត ​អ៊ុត​​សាន់​នី ​​អា​យុ​​២០​ឆ្នាំ​ ​​នៅ​​អា​កា​ស​​យា​ន​​​​ដ្ឋាន​​​​អន្តរ​​ជាតិ​ភ្នំពេញ​កា​ល​ពី​ក្នុ​ង​ខែ​​សី​ហា​ ​​ពី​បទ​​នា​ំ​​ថ្នាំ​ញៀន​​​មេត​ំ​ហ្វេតា​មី​ន​​នៅ​ក្នុ​ង​​វ៉ា​​លិស​​​តា​ម​​ជើង​​ហោះ​ហើរ​​មួ​យ​​ពី​ប្រទេ​ស​ហ្គា​ណា​។ លោក សួស សំ​​អា​ត ចៅក្រម​ប្រធា​ន​ក្រុម​ប្រឹក្សា​ជំនុ​ំជម្រះបា​ន​មា​ន​ប្រ​សាសន៍​ថា ​​​អំ​ឡុង​ពេល​​​សាក​​សួរអ្នក​ស្រី​ ពី​វចាន់​​​ សុ​ត​​ បា​ននិយា​យ​​ថា ខ្លួន​​​ទាក់​ទ​ង​​ជាមួ​យ​ឈ្មោ​ះ​ ហូ​ល​ូ​​​អាស់ ​​ណាន់​ធី​យ៉ា ​​អា​យុ​​២៧​ឆ្នាំ​ ​​ដែល​​ជាអ​្នក​​រួ​ម​គំ​​និត​​ក្នុ​ង​​ករណី​នេះ​។ លោក​បា​ន​បន្ថែ​ម​ថា​ ​នគរបាល​​ក៏​​បា​ន​ចាប់​ខ្លួន​អ​្នក​ស្រី​ ​ហូ​ល​ូ​អាស់​ ​នៅ​សណ្ឋា​​គារ​​មួ​យ​​ក្នុ​ង​រាជ​ធា​​នី​ភ្នំ​​ពេញ​​កាល​ពី​ក្នុ​ង​​ខែ​សី​ហា​ដែរ​។ ​​​​​ពី​វចាន់​សុត ​បា​ន​ប្រាប់​តុ​លា​ការ​​ថា...

តំណាងUN ប្រាប់​​រដ្ឋាភិបាល​កំុឲ្យ​​​ប្រតិកម្ម​ចំពោះ​​​ការ​រិះ​គន់​ពី​​​សិទ្ធិមនុស្ស

តំណាង​ការិយាល័យ​ឧត្តមស្នងការ​​​សហ​ប្រជាជាតិទទួលបន្ទុក​សិទ្ធិ​មនុស្ស​ប្រចាំ​ប្រទេស​កម្ពុជា​ កាលពី​ថ្ងៃសុក្រ​ បាន​ក្រើ​ន​រំឭក​រដ្ឋាភិបាល​កុំឲ្យ​​ប្រតិកម្ម​ចំពោះ​ការ​រិះគន់​ពីប្រទេស​ផ្សេង​ និង​​អង្គការ​សង្គម​ស៊ីវិល​ នៅពេល​ខ្លួន​បញ្ជូន​​របាយការណ៍​វិវឌ្ឍលើក​ដំបូង​ទៅ​ក្រុម​ប្រឹក្សា​សិទ្ធិ​មនុស្ស​អង្គការ​សហ​ប្រជា​ជាតិ​ ស្តីពីអនុសាសន៍​ចំនួន​៩១​ចំណុច​ ដែលប្រទេស​កម្ពុជា​បាន​ទទួលយក​កាលពីឆ្នាំ​២០០៩។​ ថ្លែងក្នុង​សិក្ខាសាលា​មួយ​ រវាង​ការិយា​ល័យ​ឧត្តមស្នង​ការ​​សហ​ប្រជាជាតិ​ទទួល​បន្ទុក​សិទ្ធិ​មនុស្ស និង​គណៈកម្មាធិការ​សិទ្ធិ​មនុស្ស​​កម្ពុជា​ ក្នុង​រាជធានីភ្នំពេញ​ លោក ជេម ហ៊ីណាន​ (James Heenan) បាន​លើក​ឡើងថា លោក​ចង់​រំឭក​ដោយ​គោរព​ដល់​រដ្ឋាភិបាល​ថា​ ដំណើរការ​ពិនិត្យ​តាមពេល​កំណត់​ជា​សាកល​របស់​អង្គការ​សហ​ប្រជាជាតិ​ គឺ​ចង់​បង្ហាញពី​អ្វី​ដែលបាន​ធ្វើរួចហើយ​ និងពីអ្វី​ដែលមិន​ទាន់បាន​ធ្វើ​។​ លោកបានមាន​ប្រសាសន៍ថា “ អ្វីដែល​ក្រុមប្រឹក្សា​ចង់ដឹង​គឺ​​ការ​វាយ​តម្លៃ​ថា តើ​មាន​ការ​សម្រេច​បាន​តាម​អនុសាសន៍​ដែរ​ឬទេ​​​ ប្រសិនជាអត់ទេ តើរដ្ឋាភិបាល​ត្រូវធ្វើ​អ្វី​ដើម្បីសម្រេច​ឲ្យបាន​តាម​អនុសាសន៍​នោះ​ និង​​បញ្ហា​ប្រឈមអ្វី​ខ្លះ​ដែល​រារាំង​មិន​ឲ្យ​​សម្រេច​បាន​អនុសាសន៍​​​​នេះ​”។ លោក ហ៊ីណាន បានមានប្រសាសន៍​ថា “ ត្រូវតែ​និយាយ​ឲ្យ​ត្រង់ៗ​អំពី​ការសម្រេច​បាន​​​ ការវិវឌ្ឍ​ និង​បញ្ហា​ប្រឈម​នានា​។​​ ត្រូវ​តែ​ត្រៀមខ្លួន​សម្រាប់​កិច្ច​ប្រជុំ​ និង​ធានា​ឲ្យ​បានថា​​ ប្រជាពលរដ្ឋ​រស់នៅ​ក្នុង​រាជ​ធានីភ្នំពេញ​ ដែល​ដឹងការ​ពិតអំពី​រឿង​នេះ​​ អាច​ចូល​រួម​ផ្តល់​យោបល់​​ និងឆ្លើយ​សំណួរ”។​ ​ លោក​​បន្ថែមថា “ កុំ​មាន​ប្រតិកម្ម​​ចំពោះ​ការរិះគន់​ក្នុង​ន័យ​ស្ថាបនា​ ពី​ប្រទេស​​ផ្សេង​ៗឬពីអង្គការ​ក្រៅ​រដ្ឋាភិបាល​”។​ របាយការ​ណ៍សិទ្ធិមនុស្ស​​របស់​​ប្រទេស​​ជាសមាជិក​អង្គការ​សហ​ប្រជាជាតិ​ទាំង​អស់​ ត្រូវតែមាន​ការ​វាយ​តម្លៃពី​ ក្រុមប្រឹក្សា​សិទ្ធិ មនុស្ស​ដែល​មាន​ប្រទេស​ចំនួន​៤៧​ជាសមា ជិក​នៅក្នុង​ទី​​ក្រុង​ហ្សឺណែវ​។​ អង្គការ​ក្រៅ រដ្ឋាភិបាល​នៅមាន​ពេល​រហូត​ដល់​ចុងខែ​មិថុនា​ ដើម្បិផ្តល់​អនុសាសន៍​​របស់​ខ្លួន​។​ បន្ទាប់​ពី​បាន​ដាក់ជូន​របាយការណ៍​វិវឌ្ឍ​របស់​ខ្លួន​ កាលពីខែ​តុលា​ គណៈប្រតិភូ​​របស់​ប្រទេស​ ​​កម្ពុជា​ នឹង​ធ្វើដំណើរ​ទៅទីនោះ​ នៅដើមឆ្នាំ​ក្រោយ​ ប្រហែល​ជានៅ​ខែ​មករា​ ដើម្បី បង្ហាញ​ ខ្លួន​នៅ​ក្នុង​​ក្រុម​ប្រឹក្សា​​នេះ​​ និង​​​​ដើម្បី​ឲ្យ​គេ​ពិនិត្យ​របាយការណ៍​​នោះ​។​ លោក ហ៊ីណាន...

គណ​បក្ស​សង្គ្រោះ​ជាតិរិះ​គន់​តុលាការ​ក្នុង​សម័យ​ប្រ​ជុំសភា​លើក​ចុង​ក្រោយ​មុន​បោះ​ឆ្នោត

អំឡុង​សម័យ​ប្រ​ជុំលើកចុង​ក្រោយ​របស់​រដ្ឋ​សភា​នៅមុន​ការ​បោះ​ឆ្នោតជាតិ​ដែល​នឹង​ប្រ​ព្រឹត្ត​ទៅ​នៅ​ខែ​កក្កដា​ខាង​មុខ​នេះ ​កាល​ពី​ថ្ងៃ​សុក្រ សមា​ជិក​សភា​គណ​បក្ស​ប្រ​ឆាំង​ បាន​រិះ​គន់​ចៅ​ក្រមក្នុង​ប្រទេស​កម្ពុជា ចំពោះ​ការ​ផ្តល់​កិច្ច​ការ​ស៊ើប​អង្កេត​ទៅ​ឲ្យ​ក្រឡាបញ្ជី​របស់​ខ្លួន ហើយ​បាន​រិះ​គន់​នគរ​បាល​យុត្តិ​ធម៌​ចំពោះ​ការ​បក​ស្រាយ​មិន​ត្រឹម​ត្រូវ​ពី​សំណុំ​រឿង​រដ្ឋប្បវេណី​ទៅ​ជា​សំណុំរឿង​ព្រហ្ម​ទណ្ឌ។ អំឡុង​សម័យ​ប្រ​ជុំរវាង​សមាជិក​សភាមក​ពីគណបក្ស​ប្រជាជនកម្ពុជាកំពុង​កាន់អំណាច និង​គណ​បក្ស​សង្គ្រោះ​ជាតិ​ទើប​បង្កើតថ្មី លោក កែត ឃី សមាជិក​សភា​មក​ពីគណ​បក្ស​ប្រឆាំង​បានមានប្រ​សាសន៍​ថា ជា​ញឹក​ញាប់​នគរ​បាលសរសេរ​របាយ​ការណ៍​បញ្ជូនទៅ​តុលាការដែល​បណ្តាល​ឲ្យ​មានការ​ចោទ​ប្រកាន់​បទព្រហ្ម​ទណ្ឌទៅលើ​ជន​សង្ស័យ​ដែល​គ្រាន់​តែ​បាន​ប្រព្រឹត្ត​បទល្មើស​តូច​តាច​។ លោកមានប្រសាសន៍ផង​ដែរថា ជា​ញឹក​ញាប់​នគរបាល​មិន​អនុញ្ញាត​ឲ្យ​​មេធាវី​មាន​វត្ត​មាន​អំឡុង​ពេលសាកសួរ​ទេ។ លោកបានបន្តរិះគន់ថា ជួនកាល​ចៅ​ក្រម​ក្នុង​ប្រទេសកម្ពុជា​មិនស៊ើបអង្កេត​សំណុំ​រឿង​​រួមគ្នា​ទេ ហើយ​ស៊ើបអង្កេត​តែ​ភ័ស្តុតាង​ដាក់​​បន្ទុកលើជន​សង្ស័យតែ​ប៉ុណ្ណោះ។ លោកបានថ្លែង​ទៅកាន់សភា​ទាំង​មូល​ថា  “ ចៅក្រមក្មេងៗ​​មានបំណង​ធ្វើ​សកម្មភាព​ទាំង​អស់​នេះ ប៉ុន្តែ​ចៅក្រម​ចាស់ៗមិន​ដូច្នោះ​ ទេ ពួកគាត់​តែង​តែមាន​លេសថា ពួកគាត់​ជាប់​រវល់​ខ្លាំងណាស់់​ ហើយទុកឲ្យក្រឡាបញ្ជី​ជា​អ្នកសាក​សួរ​ជន​សង្ស័យ។​ធ្វើ​បែប​នេះ​មិន​ត្រឹម​ត្រូវទេ។បន្ទាប់ពីមានឧបទ្ទវ​ហេតុ​កើត​ឡើងចៅក្រម​ចាស់ៗ​មិនស៊ើប​អង្កេត​ ដើម្បី​ឲ្យ​ដឹងថា តើ​ការ​រាយការណ៍​របស់​នគរ​បាល​ជាការពិត ឬយ៉ាង​ណា​នោះទេ”។ លោកក៏​បានមាន​ប្រសាសន៍ដែរថា ចំនួន​ជនសង្ស័យដែលត្រូវបាន​សម្រេច​ឲ្យ​ជាប់​ពិរុទ្ធ ភាពពីបទល្មើសមជ្ឈិម ជា​ញឹកញាប់ត្រូវ​ជាប់ពន្ធនាគារ​រយៈ​ពេល​យូរ​ជាង​ទោសពិត​ប្រាកដ​របស់ខ្លួន។ លោក អង្គ វង្សវឌ្ឍានា រដ្ឋ​មន្ត្រី​ក្រសួង​យុត្តិធម៌​​បានមាន​ប្រសាសន៍​ឆ្លើយ​តបនឹង​លោក...

ស៊ី​អាយ​អិម​ប៊ី៖ ​វិនិ​យោគិន​ក្នុងស្រុក​នឹង​នាំ​សិទ្ធិ​ធ្វើ​អាជីវ​កម្ម​​កាន់​តែ​ច្រើន​មក​ប្រទេស​កម្ពុជា​

បុគ្គលិក​ធនាគារ​មួយ​បាន​ឲ្យ​ដឹងថា ​កំ​ណើន​ជាបន្ត​បន្ទាប់​នៃ​សិទ្ធិ​ធ្វើ​អាជីវកម្ម​មក​ពី​ក្រៅ​ប្រទេស​ ​ទំនង​ជា​បន្ត​កើត​ឡើង​ ​ដោ​យ​សារ​ប្រជាជន​វ័យ​ក្មេង ​និង​អ្នក​មាន​ធន​ធាន​ក្នុង​ស្រុក​​ចាប់​យក​ឱកាស​នាំ​យក​ម៉ាក​យី​ហោ​ជា​ច្រើន​មក​កាន់​ប្រទេស​កម្ពុជា​។ ​ដោយ​សង្ឃឹម​ថា​ នឹង​​​ជួយ​អតិ​ថិជន​រ​ប​ស់​ខ្លួន​ និង​ប្រជាជន​ផ្សេង​ៗ​ទៀត​ ​ក្នុង​ការ​វិ​និយោគ​ លើ​គម្រោង​ទិញ​សិទ្ធិ​ធ្វើ​អាជីវកម្ម​​ធនាគារ​ ស៊ី​អាយ​អិមប៊ី ​ដែលមាន​មូល​ដ្ចា​ន​នៅ​​ម៉ាឡេស៊ី​​​ ​កាលពី​ម្សិល​មិញ​ ​បាន​រៀប​ចំ​កិច្ច​ពិភាក្សា​មួយ​ អំពី​សិទ្ធិ​ធ្វើ​អាជីវកម្ម​ ក្នុ​ង​ស្ថា​ន​ទូត​ម៉ាឡេស៊ី ​ប្រចាំ​រាជ​ធានីភ្នំពេញ​។​ ​អ្នក​នាង​ ហេង ធីតា ​ប្រធាន​ផ្នែក​សេ​វា​កម្ម​​ហិរញ្ញ​វត្ថុ​រាយ​ នៅធនា​គា​រ​ ស៊ី​អាយ​អិមប៊ី ​​​មាន​ប្រសាសន៍ថា ​សិទ្ធិ​ធ្វើ​អាជី​វ​កម្ម​គឺ​ជា​ជម្រើស​វិនិយោគ​គួរ​ឲ្យ​ទុក​ចិត្ត​ ​ស​ម្រាប់​ប្រជាជន​វ័យ​ក្មេង​កម្ពុជា ដែល​ចង់​ប្រ​ឡូក​ក្នុង​អាជីវកម្ម ​និង​ចង់​ចាក​ចេញ​ពី​គ​ម្រោង​វិនិយោគ ​លើ​វិស័យ​អចល​ន​វត្ថុ ប​ន្ទាប់ពី​វិបត្តិ​ទីផ្សារ​អចលន​វត្ថុ​ បាន​កើតឡើង​​​​​ក្នុង​ឆ្នាំ​២០០៨​។ ​អ្នក​នាង​បាន​លើកឡើង​ថា “ ​អាជីវកម្ម​តូច​ៗ​ ឬក៏​សហគ្រិន​នៅ​កម្ពុ​ជា​ កំពុង​ស្វែ​ង​រ​ក​អ្វី​ដែល​ថ្មី​។ ពួ​ក​គេ​មាន​ប្រាក់​ មួយ​ចំនួន​មាន​ប្រាក់​សន្សំ​ ​ហើ​យ​មួ​យ​ចំនួន​ទៀត​ទទួល​បាន​ទុន​ពីឪពុក​ម្តាយ​”។​ ​​សិទ្ធិ​ធ្វើ​អាជីវកម្ម​​ផ្នែក​ម្អូប​អាហារ​ ​និង​ភេសជ្ជៈ​​កំពុងតែ​កើន​ឡើង​ជា​លំដាប់​ ​ក្នុង​ប្រទេស​កម្ពុជា​ ​ហើយ​ទទួល​បាន​ឱកាស​ចា​ប់​យក​ចំណែក​ទីផ្សារ​ ស្រប​ពេល​ដែល​ប្រ​ជា​ជន​មាន​ប្រាក់​ចាយ​វាយ​កាន់តែ​ច្រើន​។​ ​ហាង​កាហ្វេ​ ហាត​រ៉ក់ ​(Hard Rock...