លោក កឹម សុខា ទទួល​ដីកា​កោះពី​តុលាការ​ចំនួន​បី​ក្នុង​រយៈ​ពេល​មួយ​ខែ

ស្រប​ពេល​ដែល​ឱកាស​​នយោ​បាយ​របស់​​លោក សម រង្ស៊ី ប្រធាន​គណ​បក្ស​សង្គ្រោះ​ជាតិ​ប្រសើរឡើង​ បន្ទាប់​ពី​ទទួល​បាន​ការ​ព្រះ​​រាជ​ទាន​លើក​លែង​ទោស​នោះ ឱ​កាស​នយោ​​បាយ​របស់​លោក កឹម សុខា អនុ​ប្រធាន​របស់​លោក​ចេះ​តែ​បន្ត​ជួប​នឹង​បញ្ហា​នៅ​មុន​ការ​បោះ​ឆ្នោត​ជាតិ​នា​ថ្ងៃ​ទី​២៨ ខែ​កក្កដា។ ដោយ​ប្រឈម​នឹង​ពាក្យ​បណ្តឹង​និង​ការ​គំរាម​ប្តឹង​ជា​ច្រើន​ លោក កឹម សុខា បាន​ទទួល​​ដីកាជា​លើក​ទី​៣​ពី​សាលា​ដំបូង​រាជ​ធានី​ភ្នំ​ពេញ ​​ឲ្យ​ចូល​ខ្លួន​ឆ្លើយ​បំភ្លឺ​នៅ​សប្តាហ៍​នេះ ហើយ​លើក​នេះ​គឺ​ដីកាកោះ​ហៅ​ឲ្យ​ចូល​ខ្លួន​ដោះ​ស្រាយ​​ពាក់​ព័ន្ធ​នឹង​ការ​មិនផ្តល់​ប្រាក់​ឲ្យស្រី​កំណាន់​ម្នាក់​។ លោក កឹម សុខា ដែល​បាន​បដិសេធ​ថា គ្មាន​ទំនាក់​ទំនង​ណា​មួយ​ជាមួយ​ស្ត្រី​ឈ្មោះ កែវ សុផាណ្ណារី អាយុ​៤១​ឆ្នាំ មិន​អាច​ទាក់​ទង​​សំុ​ការ​បំភ្លឺ​បាន​ ទេ​។ លោក ចាន់ ចិន មេធាវី​របស់លោក​បាន​មាន​ប្រសាសន៍​ថា លោក​ទទួល​បាន​ដីកា​កោះ​ហៅ​លោក កឹម សុខា ឲ្យ​ចូល​ខ្លួន​ឆ្លើយ​បំភ្លឺ​​ក្នុង​តុលាការ​នៅ​ថ្ងៃ​សុក្រ ជា​​ថ្ងៃ​តែ​មួយ​ដែល​គណ​បក្ស​សង្គ្រោះ​ជាតិ​គ្រោង​នឹង​ប្រមូល​ផ្តុំ​អ្នក​គាំ​ទ្រ​យ៉ាង​ច្រើន​ក្នុង​រាជ​ធានី​ភ្នំ​ពេញ​ ដើម្បី​ស្វាគមន៍​ការ​វិល​ត្រឡប់​​របស់​លោក​ សម រង្ស៊ី ពីការ​រស់​នៅ​ដោយ​និរទេស​ខ្លួន​អស់​រយៈ​ពេល​ជិត​បួន​ឆ្នាំ។ ហើយ​ដូច​ដីកា​កោះ​ហៅ​មុនៗទាំង​អស់​ដែរ លោក ចាន់ ចិន ថ្លែងថា កូនក្តី​របស់​លោក​​មិន​អាច​ចូល​រួម​សវនាការ​ឆ្លើយ​បំភ្លឺ​នៅ​ថ្ងៃ​សុក្រ​នេះ​បាន​ទេ។ លោក​បន្ថែមថា “ ​ពេល​នេះ​​លោក​រវល់ធ្វើ​យុទ្ធនា​ការ​​ឃោសនា​បោះ​ឆ្នោត​ ​ហើយ​លោក​ត្រូវ​ទៅ​ទទួល​ស្វាគមន៍​ឯក​ឧត្ដម​ សម រង្ស៊ី ទៀត​ផង​។ ខ្ញុំ​នឹង​ដាក់​សំណើ​សុំ​ពន្យារ​ពេល​  ឬ​ថ្ងៃ​ស្អែក”។ លោក​មាន​ប្រសាសន៍​ថា លោក...

រូប​ថត​កាត់ត​​បង្ហាញពីការ​គាំទ្រ​​របស់​ អ៊ែនជីលីណា ចូលី និង ប៊្រែត ភីត ចំពោះ​គណ​បក្ស​សង្គ្រោះ​ជាតិ

ពេលក្រឡេក​​មើល​រូបថត​មួយ​ ​ដែល​ត្រូវ​បាន​ចែក​រំលែកតៗគ្នាជា​ច្រើន​រយដង​នៅ​​​តាម​​គេហ​ទំព័របណ្តាញ​ទំនាក់​​​ទំនង​​​សង្គម​​​​អ្នក​នឹង​ឃើញ​តារា​ភាព​យន្ត​ហូលី​វូដ អ៊ែន​​​ជែលី​​​ណា ចូលី (Angelina Jolie) និង​ស្វាមី ប៊្រែត ភីត (Brat Pitt) និង​តន្ត្រីករ​ វីក្លេហ្វ ជីន (Wyclef Jean) ​​​​ក្លាយ​ជា​អ្នក​គាំ​ទ្រថ្មី​បំផុត​របស់​គណ​បក្ស​សង្គ្រោះ​ជាតិ ដែល​ជា​គណ​បក្ស​ប្រឆាំង។ នៅ​ក្នុង​រូប​ថត​នោះបង្ហាញ​ពី​អ្នក​ស្រី អ៊ែន​​​ជែលីណា ចូលី ដែល​បាន​​​អះអាងថា​ ខ្លួន​មាន​ទំនាក់​​​​ទំនង​ជិតស្និទ្ធ​នឹង​ប្រទេស​កម្ពុជា ចាប់​តាំង​ពី​ខ្លួន​បាន​ស្មូម​ក្មេង​ប្រុស​កម្ពុជា​ម្នាក់​យក​ទៅ​ចិញ្ចឹម​កាល​ពី​ឆ្នាំ២០០២ លោក ប៊្រែត...

គណបក្ស​​សង្គ្រោះ​ជាតិ​ផ្អាក​យុទ្ធ​នា​ការ​​ដើម្បី​​​ត្រៀម​ខ្លួន​​​សម្រាប់​​កា​រ​​វិល​ត្រឡប់​​របស់​លោក សម ​រង្ស៊ី​

គ​ណ​​បក្ស​សង្គ្រោះជាតិ​​​បា​ន​ផ្អាក​​យុទ្ធ​​នា​កា​រ​​​​​​ធំៗ​​ទាំ​ង​​​អស់​របស់​​​ខ្លួន​​​នៅ​​ទូ​ទាំ​ង​​​រាជ​ធានី​ភ្នំពេញ​​ ​​​​​​ ខណៈ​​​ខ្លួន​​​​​​​​ត្រៀ​ម​រៀប​ចំការ​​ជួប​ជុំ​​​​​គ្នា​​​ដ៏​​​​ធំ​មួ​យ​​ដើម្បី​​​​​ស្វាគមន៍​លោក សម ​រង្ស៊ី ប្រធា​ន​​គ​ណ​បក្ស​​​​​នេះ​​​នៅ​ថ្ងៃ​សុក្រ​​​ ពេល​​លោក​វិល​​​ត្រឡប់​​​​មក​​កាន់​​​​មាតុ​​​ប្រទេ​ស​វិញ​ បន្ទាប់​​ពី​​​​ បាន​​​រស់​​​​​​នៅ​​​ដោយ​​​ការ​​​និ​រទេស​​ខ្លួន​​​នៅ​ក្រៅ​​​​ប្រទេ​ស​​​​​​​​​​អស់រយៈពេល​​​​ពេល​ជិត​​បួ​ន​ឆ្នាំ​​​​​​​។ ខណៈ​​​នៅ​​​សល់​​​តែ​​​ជិត​​​ពីរ​​​សប្តាហ៍​​​ទៀត​​​ដល់​​​ពេល​​​​​​​​​បោះ​​ឆ្នោត​​ជ្រើស​​រើស​តំ​ណាង​រាស្ត្រ​​​​​ថ្ងៃ​​ទី២៨ កក្កដា​​​​នោះ​​​ ​​គ​ណ​បក្ស​ប្រឆាំ​ង​​កំ​ពុង​​តែ​សង្ឃឹម​​ថា​​ នឹ​ង​មា​ន​​​អ្នក​​​​គាំ​​ទ្រ​​​យ៉ាង​​តិច​​​​​៤០.០០០​​នាក់​​រង់ចាំ​​​ស្វាគមន៍​​​នៅ​ក្នុ​ង​រាជ​ធា​​នី​ ពេល​​ប្រធាន​​​គណបក្សសង្គ្រោះ​​​ជាតិ​​​ លោក​ សម ​រង្ស៊ី ​មក​​ដល់​​​អា​​កាស​​យាន​​ដ្ឋាន​​​អន្តរ​ជាតិ​ភ្នំ​ពេញ​ មុន​​​ពេល​​​ធ្វើ​​​ដំណើរ​​​ទៅ​​​​​សួ​ន​​សេរី​ភាព​ ​​​​ ​​​ដែល​​​​ជា​​​កន្លែង​​​លោក​​​ត្រូវ​​​​​​ថ្លែង​​​ទៅកាន់​​​​អ្នក​គាំ​ទ្រ​គណ​​បក្ស​​​​នេះ​​​។ ​លោក យឹម សុ​វណ្ណ ​​អ្នក​នាំ​​ពាក្យ​​​​​​គ​ណ​​បក្ស​​សង្គ្រោះ​​​ជាតិ​​​ បា​ន​​​ឲ្យ​​​ដឹង​​​​ថា​ គ​ណ​​បក្ស​​​​​នេះ​​​បាន​​​​​​ផ្អាក​កា​រ​​ជួ​​ប​ជុំ​​​​​​​​គ្នា​​​ និង​​ការ​ហែ​ក្បួ​ន​របស់​ខ្លួន​​នៅ​ទូ​ទាំង​រាជ​​​ធា​នី​​ភ្នំពេញ​​​កា​ល​ពី​ម្សិល​មិញ​...

អង្គការ​​​សុខភាព​​​ពិភពលោក​​​​​​ធ្វើ​​​សិក្ខាសាលា​​​ស្ដី​​​ពី​​​​ការ​ប្រើប្រាស់​មួក​សុវត្ថិភាពដល់​​​អ្នក​រត់​​​​រ៉ឺម៉ក​ម៉ូតូនិង​អ្នក​រត់​ម៉ូតូ​ឌុប​​

ចំ​ពេល​មាន​​ការ​កើន​ឡើង​នូវ​ការ​ស្លាប់​​ដោយសារ​គ្រោះ​ថ្នាក់​ចរាចរណ៍​​ក្នុង​ប្រទេស​កម្ពុជា​ និង​​​​ច្បាប់​តម្រូវ​ឲ្យ​​​អ្នក​ធ្វើ​ដំណើរ​តាម​​ម៉ូតូ​ទាំង​អស់​​​ពាក់​មួក​សុវត្ថិភាព​នោះ ​អ្នក​រត់​រ៉ឺម៉ក​ម៉ូតូ​ និង​អ្នក​រត់​ម៉ូតូ​ឌុប​ត្រូវ​បាន​​អនុញ្ញាត​ឲ្យ​ចូល​សិក្សា​​ស្ដី​ពី​ការ​ប្រើប្រាស់​មួក​សុវត្ថិភាព​ ដោយ​មិន​គិត​ថ្លៃ​នៅ​ក្នុង​សិក្ខាសាលា​មួយ​​ក្នុង​រាជធានី​ភ្នំពេញ​ កាលពី​ម្សិល​មិញ​។ ទោះ​បី​ជា​​ការ​ស្លាប់​នៅ​​តាម​ផ្លូវ​​នៅ​ប្រ​ទេស​​​​​​​កម្ពុជា ភាគ​ច្រើន​​បណ្ដាល​មក​ពី​រថយន្ត​ទំនើបៗ​​បើក​បរ​លើស​ល្បឿន​កំណត់​និង​​បើកបរ​ទាំង​ស្រវឹង​ក៏​ដោយ ​ក៏​ម្ចាស់​​យាន​យន្តប្រ​ហែល​៦០០​នាក់​មក​ពី​ទូទាំង​រាជ​ធានី​​ ​បាន​ចូល​រួម​ក្នុង​សិក្ខា​សាលា​​ដែល​គាំ​ទ្រ​ដោយ​អង្គការ​សុខភាព​ពិភព​លោក​​ ដែល​បាន​បង្រៀន​ពួក​គេ​​​អ្វីៗ​គ្រប់​យ៉ាង​​រហូត​ដល់​​​ការ​ប្រើប្រាស់​មួក​សុវត្ថិភាព​ ​ដូចជា​ការ​ជ្រើសរើស​​ទំហំ​​ឲ្យ​បាន​ត្រឹម​ត្រូវ​ ព្រម​ទាំង​ដាក់​ខ្សែ​ចង្ការ​ឲ្យ​បាន​ត្រឹម​​​ត្រូវ​ផង​ដែរ​។ លោក​ ភា គីមវង្ស​ ជា​អ្នក​ជំនាញ​ផ្នែក​សុវត្ថ​​​ិ​​​ភាព​ផ្លូវ​​គោក​មក​ពី​ក្រសួង​សាធារណការ​និង​ដឹក​ជញ្ជូន​បាន​មាន​ប្រសាសន៍​ថា “អ្នក​បើកបរ​​ភាគ​ច្រើន​មិន​ដឹង​ពី​ការ​​ប្រើប្រាស់​មួក​សុវត្ថិ​​​ភាព​​​ឲ្យ​បាន​ត្រឹម​ត្រូវ​ទេ​​។ នៅ​ពេល​យើង​​ស្នើ​​​​​​​ឲ្យ​ពួក​គាត់​​បង្ហាញ​ពី​ការ​ពាក់​មួក​​​សុវត្ថិភាព​នោះ​ ​ពួក​គាត់​បែរ​ជា​​ដាក់​ខ្សែ​​ពាក់​​ចង្កា​នៅ​​ក្រោម​​​​​​​​​​ថ្គាម​​ទៅ​វិញ”។ លោក​ថ្លែង​បន្ត​​ថា  “បន្ទាប់​ពី​​​យើង​បាន​បង្ហាញ​​​​រួច​​ហើយ យើង​​ឃើញ​ថា​​ឥឡូវ​នេះ​ពួក​គាត់​​ជា​ច្រើននាក់​​​​អាច​ប្រើប្រាស់​មួក​សុវត្ថិ​​​ភាព​បាន​ត្រឹមត្រូវ​ ហើយ​នេះ​នឹង​ធ្វើឲ្យ​ផ្លូវ​ថ្នល់​មាន​​សុវត្ថិភាព​ជាង​មុន”។ យោង​តាម​របាយការណ៍​របស់​ក្រសួង​សាធារណការ​ និង​​ដឹក​ជញ្ជូន​បាន​​ឲ្យ​ដឹង​ថា​កាល​ពី​ឆ្នាំ​មុន​ មាន​ប្រជាពលរដ្ឋ​ចំនួន​១.៩៦៦​​​​នាក់​បាន​ស្លាប់​ហើយ​ចំនួន​៥.៣៤៩​នាក់​ទៀត​​​បាន​រង​របួស​ ដោយសារ​គ្រោះ​ថ្នាក់​ចរាចរណ៍​​​​នៅ​​​​ក្នុង​ប្រទេស​កម្ពុជា​​ហើយ​​ក្នុង​ចំណោម​នោះ​​​ប្រជា​ពលរដ្ឋ​ចំនួន​៦៨​​​ភាគ​​​​រយ​​ជា​​អ្នក​បើកបរ​ម៉ូតូ​...

សាលា​​​ឧទ្ធរណ៍​​​តម្កល់​សាលក្រម​​​​ផ្តន្ទាទោស​​​​​​អ្នក​​​ចងការ​​​ប្រាក់​​​​ជនជាតិ​វៀត​ណាម​​​​​​​​​​​​​ពីបទ​​​ធ្វើ​ទារុណកម្ម

កាល​ពី​ម្សិល​មិញ សាលា​​ឧទ្ធរណ៍​​បា​ន​ត​ម្កល់​​​​សាលក្រម​​​​​​​​​របស់​​​​​​សាលាដំបូ​ង​ខេត្តស្វាយ​​​រៀង​​​​​​ដែល​​​បាន​​​ផ្តន្ទាទោស​​​​​​​​​​​​អ្នក​​​ចងការ​​​ប្រាក់​​​ជន​​​ជាតិ​វៀត​ណាម​ម្នាក់​​ដាក់​​​​​ពន្ធនាគារ​រយៈ​​​ពេល​​​​ប្រាំ​ឆ្នាំ​​​​​​​កាលពី​​​ខែ​​​ធ្នូ​​​ ពី​បទ​​បង្ខាំ​ង ​និង​ធ្វើ​ទារុណ​កម្ម​ក្មេង​ប្រុសអាយុ១៩ឆ្នាំ​ម្នាក់​ដោ​យ​ខុស​ច្បាប់​​​នៅកា​ស៊ី​ណូ​មួ​យ​កន្លែង​ក្នុង​ខេត្ត​នេះ​​​។ ​អ្នក​ចងការ​​​ប្រាក់​ឈ្មោះ ថាយ វ៉ាន់​ណេន ​អាយុ​៤៤ឆ្នាំ​ បា​ន​សារ​ភាព​ អំឡុង​​សវ​នាការ​​​នៅ​​​​​​សាលា​​​ឧទ្ធរណ៍​ថា ខ្លួន​​​បា​ន​ឲ្យ​ឈ្មោះ ង្វៀន ​​​ហ៊ូទីន ខ្ចី​ប្រាក់​​២.០០០​ដុល្លារ​​ ដើម្បី​​បន្ត​លេង​ល្បែងនៅ​កាស៊ី​ណូ​ ឡាស់ វ៉េហ្គាស សាន់ ​​​(Las Vegas Sun) ក្នុ​ង​ក្រុ​ង​​បាវិត ប៉ុន្តែ​​​បា​ន​​​​និយាយ​​ថា ​​​​​ប្រាក់​​​​​​កម្ចី​​​​នេះ​​​គឺ​​​​ត្រូ​វ​បាន​ចាត់​ចែង​​ដោ​យ​​​ឈ្មួញ​​​​កណ្តាល​​ពីរនាក់​ ឈ្មោះ...

សាលាឧទ្ធរណ៍​តម្កល់​សាលក្រមផ្តន្ទាទោស​​ជនជាតិ​អូស្ត្រាលី​​នៅ​ខេត្ត​ព្រះ​សីហនុ​​ពី​បទ​​ជួញ​ដូរ​គ្រឿង​ញៀន

កាលពី​ម្សិលមិញ សាលាឧទ្ធរណ៍​បាន​តម្កល់​​​សាល​ក្រម​​ផ្តន្ទាទោស​បុរស​ជន​ជាតិ​អូស្ត្រាលី​ម្នាក់​ និង​ប្រពន្ធ​ជនជាតិ​វៀតណាម​របស់​គាត់​ដែល​ត្រូវ​​បាន​សាលា​ដំបូង​ខេត្ត​ព្រះ​សីហនុ សម្រេច​ផ្ដន្ទាទោស​ពី​បទ​រក្សា​ទុក​គ្រឿង​ញៀន​​ដោយ​មាន​បំណង​ជួញដូរ​ ព្រម​ទាំង​អនុញ្ញាត​ឲ្យ​មាន​ការ​ប្រើ​ប្រាស់​គ្រឿង​ញៀន​ក្នុង​ក្លឹប​រាត្រី​របស់​ខ្លួន​ផង​ដែរ​។ ជន​សង្ស័យ​ឈ្មោះ ចូ​ លូឌិនមាន់ (Joe Ludemann) និង​ប្រពន្ធ​របស់​គាត់​ឈ្មោះ​តាំង​ ធីម៉ៃ (Tang Thi May)ជា​អតីត​ម្ចាស់​ក្លឹប​រាត្រី​សប្បាយ​ៗ​ ដែល​ស្ថិតនៅ​ក្នុង​ខេត្ត​ព្រះ​សីហនុ​ ត្រូវ​បាន​ផ្ដន្ទាទោស​ដាក់​​ពន្ធនាគារ​​ក្នុង​ម្នាក់​ៗ​រយៈពេល​១២​ឆ្នាំ​ និង​១៥ឆ្នាំ​កាល​ពី​ខែ​ឧសភា​​ឆ្នាំ​២០១២​។ លោក​ យន់ ណារ៉ុង ចៅក្រម​ជំនុំ​ជម្រះ​បាន​មាន​ប្រសាសន៍​ថា “ សាលា​ឧទ្ធរណ៍​​បាន​សម្រេច​តម្កល់​សាលក្រម​របស់​សាលាដំបូង​ខេត្ត​ព្រះ​សីហនុ ឲ្យ​នៅ​ដដែល​ ហើយ​​បង្គាប់​ឲ្យ​បន្ត​ការ​ឃុំ​ខ្លួន​ជន​ជាប់​ចោទ​បន្ត​ទៀត​”។​ពេល​បើក​សវនាការ​នៅ​សាលាឧទ្ធរណ៍ លោក ​សួង ឃុនវីរបុត្រ មេធាវី​ជន​ជាប់​ចោទ​​បាន​ស្នើ​ឲ្យ​មានការ​កាត់​​បន្ថយ​បទ​ចោទ​ប្រកាន់​និង​​ដោះ​លែង​អ្នក​ទាំង​ពីរ។ អំឡុង​ពេល​បើក​សវនាការ​របស់​ពួកគេ​ជន​សង្ស័យ​ឈ្មោះ តាំង ធីម៉ៃ បាន​បដិសេធ​ថា ​ខ្លួន​មិន​មែន​ជា​ប្រពន្ធ​របស់​លោក លូឌិន​មាន់ ទេ ហើយ​បាន​សារភាព​ថា បាន​ឃើញ​ភ្ញៀវ​ប្រុស​ៗ​ប្រើប្រាស់​ម្សៅ​ពណ៌ស​នៅ​ក្នុង​ក្លឹប​រាត្រី​នោះ​ ប៉ុន្តែ បាន​បដិសេធ​ថា មិន​បាន​ដឹង​ថា​វា​ជា​អ្វី​នោះ​ឡើយ​។ ​ជន​សង្ស័យ​ឈ្មោះ ចូ​ លូឌិនមិន បាន​​អះ​អាង​ក្នុង​តុលាការ​ថា​ កញ្ឆា​ដែល​បាន​រឹប​អូស​នៅ​អំឡុង​ការ​ចាប់​ខ្លួន​អ្នក​ទាំង​ពីរ​នៅ​ឆ្នាំ​២០១១នោះ គឺ​ទុក​សម្រាប់​ប្រើ​ប្រាស់​ផ្ទាល់​ខ្លួន​តែ​ប៉ុណ្ណោះ៕ ប្រែសម្រួល​ដោយ ឃិន ណៃ​

ទោះបីជា​បាត់បង់​ដីធ្លីអស់ច្រើន​ប៉ុណ្ណា​ក៏ជន​ជាតិភាគតិច​នៅ​តែ​មិន​ចង់​ឲ្យ​មាន​ការ​ផ្លាស់​ប្ដូរ​

លោក​​​ រមុំា ហ្វិន​​​ អាច​​​​​​ចាត់ទុក​​​ថា​​​ ជា​​​​​​អ្នក​​​បោះឆ្នោត​​​​​​ម្នាក់​​​ដែល​​​​​​​​​​​​ធ្វើ​​​ការ​​​សម្រេច​​​ចិត្ត​​​​​​យ៉ាង​​​ចម្លែក​​​ហួស​​​ពី​​​ការ​​​ស្មាន​​​​​​​​​​។​​​ ប្រសិន​​​បើ​​​អ្នក​​​ដឹង​​​រឿង​​​គាត់​​​ ​​​​​​​​​អ្នក​​​ប្រហែល​​​​​​ជា​​​​ជឿ​​​ថា​​​ គាត់​​​ប្រាកដ​​​ជា​​​បន្ទោស​​​​​​រដ្ឋា​​​ភិបាល​​​ចំពោះ​​​ការ​បណ្ដោយ​​​ឲ្យ​​​គាត់​​​​​បាត់បង់​​​ដី​​​​​​ដោយ​​​សារ​​​ក្រុមហ៊ុន​​​ចម្ការកៅស៊ូ​​​វៀតណាម ​​​ដែល​​​បច្ចុប្បន្ន​​​នេះ​​​​​​​​​ជា​​​ម្ចាស់​​​កម្មសិទ្ធិ​​​​​​ដី​​​​​ធ្លី​​​ឆ្ងាយ​​​ដាច់​​​កន្ទុយ​​​ភ្នែកក្នុង​​​ឃុំ​​​​​​​ តាឡាវ ​​​​​​​​​ដាច់​​​ស្រយាល​​​។​​​

មន្ត្រី​​​គណៈ​​​កម្មាធិការ​​​ជាតិ​​​រៀប​​​ចំការ​​​បោះ​​​ឆ្នោត​​​បើកឱកាស​​​​​​ឲ្យ​​​លោក​​​ សម រង្ស៊ី ឈរ​​​ឈ្មោះបោះ​​​ឆ្នោត​​​

កាលពី​​​ម្សិល​​​មិញ មន្ត្រី​​​មួយ​​​រូប​​​នៅ​​​គណៈ​​​កម្មាធិការ​​​ជាតិ​​​រៀប​​​ចំការ​​​បោះ​​​ឆ្នោត​​​ (គ.ជ.ប.) បាន​​​ឲ្យ​​​ដឹង​​​ថា លោក​​​ សម រង្ស៊ី មេដឹក​​​នាំ​​​គណ​​​បក្ស​​​ប្រឆាំង​​​ នៅ​​​តែអាច​​​ទទួល​​​ការ​​​អនុញ្ញាត​​​ឲ្យ​​​ឈរ​​​ឈ្មោះ​​​ជាបេក្ខ​​​ជន​​​តំណាង​​​រាស្ត្រ​​​ និង​​​ចូលរួម​​​​​​ក្នុង​​​ការ​​​បោះ​​​ឆ្នោត​​​ជាតិ​​​នៅ​​​ថ្ងៃ​​​ទី​​​២៨​​​ ខែ​​​កក្កដា​​​ ខាង​​​មុខ​​​នេះ ប្រសិន​​​បើ​​​លោក​​​ សម រង្ស៊ី ​​​ធ្វើ​​​សំណើ​​​​​​ទៅ​​​​​​​​​គណៈ​​​កម្មាធិការ​​​ គ.ជ.ប. នេះ​​​​​​ជា​​​ផ្លូវ​​​ការ​​​។ លោក សម រង្ស៊ី បាន​​​ទទួល​​​ការ​​​ព្រះរាជ​​​ទាន​​​លើក​​​លែង​​​ទោស​​​ពី​​​ព្រះ​​​មហា​​​ក្សត្រ​​​តាម​​​សំណើ​​​របស់​​​លោក​​​នាយក​​​រដ្ឋ​​​មន្ត្រី​​​ ហ៊ុន​​​ សែន កាលពី​​​ថ្ងៃ​​​សុក្រ​​​...

ទស្សនកិច្ច​ពាណិជ្ជកម្ម​​​បង្ហាញ​ពីទំនាក់​​ទំនង​​​​រវាង​កម្ពុជា​​និង​​​សហ​រដ្ឋ​អាមេរិក​

នៅ​ពេល​សមាជិក​សភា​សហ​រដ្ឋ​អាមេរិក​បាន​បើក​កិច្ច​ប្រជុំ​​ស្ដាប់​ការ​រាយការណ៍​អំពី​​រដ្ឋាភិបាល​កម្ពុជា​​ ទាក់​ទង​ទៅ​នឹង​ស្ថាន​ភាព​សិទ្ធិ​មនុស្ស​នៅ​ប្រទេស​នេះ​ ក្នុងពេលនោះដែរ​ដំណើរ​ទស្សន​​​កិច្ច​​ពាណិជ្ជកម្ម​មួយ​ដែល​ដឹក​នាំ​ដោយ​អគ្គ​រដ្ឋ​ទូត​សហ​រដ្ឋ​អាមេរិក​​ប្រចាំប្រទេសកម្ពុជា ក៏បាន​ជំរុញ​ឲ្យ​​​​មាន​របៀប​វារៈ​មួយ​ផ្សេង​ពី​ប្រធាន​បទ​សិទ្ធិមនុស្សនេះ​។ នៅ​ទីក្រុង​វ៉ាស៊ីនតោន​កាល​ពី​ថ្ងៃ​ទី​៩ អនុ​គណៈកម្មាធិការ​សភា​អាមេរិក​ បាន​លើក​ឡើង​ពី​លទ្ធភាព​កាត់​​ជំនួយ​ដល់​ប្រទេស​កម្ពុជា​ដែល​មាន​អង្គការ​សិទ្ធិ​មនុស្ស​និង​ក្រុម​អ្នក​សង្កេតការណ៍​បោះ​ឆ្នោត​​ ​បាន​បង្ហាញ​ពី​សកម្ម​ភាព​ដឹក​នាំ​រដ្ឋាភិបាល​​របស់​លោក​នាយក​រដ្ឋ​មន្ត្រី​ ហ៊ុន សែន ទាក់ទងនិង​ការ​ចោទ​ប្រកាន់​ជា​ច្រើន  រួមមាន​អំពើ​ពុក​រលួយ​ បក្ស​ពួក​និយម​ និង​បញ្ជី​ឈ្មោះ​​​​អ្នក​បោះ​ឆ្នោត​​​មិន​ត្រឹម​ត្រូវ​ មុន​ពេល​ការ​​បោះ​ឆ្នោត​នៅ​ថ្ងៃ​ទី​២៨ ​ខែ​កក្កដា​មក​ដល់​។ អំឡុង​កិច្ច​ប្រជុំ​នេះ​ សមាជិក​សភា​អាមេ​​​រិក​មក​ពី​គណបក្ស​សាធារណរដ្ឋ​​ គឺ​លោក​ ដាណា រ៉ូរ៉ាបាជ័រ (Dana Rohrabacher) បាន​ហៅ​លោក ហ៊ុន ​សែន ថា​  “ជា​ជន​ពុក​រលួយ​​ដែល​បាន​កាន់​អំណាច​នៅ​ក្នុង​ប្រទេស​នេះ​អស់​រយៈ​ពេល​ជា​ច្រើន​ទសវត្សរ៍​”។ នៅ​ថ្ងៃ​ដដែល​នោះ​...

ខុមហ្វ្រែលចាប់ផ្តើម​​​យុទ្ធនាការ​​ឲ្យ​​​អ្នក​​​បោះ​​​ឆ្នោត​​​​ផ្ញើសារ​​​​​​​​​​​​​ជា​អក្សរ​សួរ​​​​បេក្ខជន​​អំពី​គោល​នយោបាយ​បក្ស​

គណៈ​​​កម្មាធិការ​​​ដើម្បី​​​ការ​​​បោះ​​​ឆ្នោត​​​ដោយ​​​​សេរី​​​និងយុត្តិធម៌​​​ នៅ​​​កម្ពុជា ​​​ហៅ​​​កាត់​​​ថា​​​ ខុមហ្វ្រែល​​​  បានបើក​​​កម្មវិធីមួយ​​​ក្នុង​​​គោល​​​បំណង​​​ចង់ឲ្យ​​​អ្នក​​បោះ​​​ឆ្នោត​​​មាន​​​ទំនាក់​​​ទំនង​​​ដោយ​​​ផ្ទាល់​​​ជាមួយ​​​បេក្ខជន​​​ឈរ​ឈ្មោះ​​​ជា​​​តំណាង​​​រាស្ត្រ​​​សម្រាប់ការ​​​បោះ​​​ឆ្នោត​​ដែល​​​នឹង​​​ប្រព្រឹត្ត​​​​ទៅ​​​នៅ​​​ក្នុង ខែ​​​នេះ។​​​ គម្រោង​​​ដែល​​មាន​​​ចំណង​​​ជើង​​​ថា “ ​សួរ​​​េបក្ខជន​​​ឈរ​​​ឈ្មោះ​​​ជា​​​តំណាង​​​រាស្ត្រ​” ហើយ​​​​ត្រូវ​​​បាន​​​បើក​​​ជា​​​ផ្លូវការ​​​កាលពី​​​ថ្ងៃ​​​សុក្រ​​​អនុ​​​ញ្ញាតឲ្យ​​​​​​អ្នក​​​បោះ​​​ឆ្នោត​​​ផ្ញើ​​​សំណួរ​​​តាម​​​រយៈ​​​ការ​​​ផ្ញើសា​​​ទៅ​​​កាន់​​​បេក្ខជនឈរ​ឈ្មោះ​ជា​តំណាង​រាស្ត្រមក​​​ពី​​គណបក្ស​​​ចំនួន​​​បួន​​​ក្នុង​​​ចំណោម​​​​បក្ស​​​ទាំងប្រាំបី  ​​​ដែលចូលរួម​​​​​​ប្រកួត​​​​ប្រជែង​​​​គ្នា​​​នៅក្នុង​​​​​ការ​​​បោះ​​​ឆ្នោតជាតិ​​​​​​នេះ។ លោក ផាត​​​ សុភ័ក្រអ្នក​​​រៀប​​​ចំ​​​គម្រោង​​​នេះ​​​​បាន​​​លើក​​​ឡើង​​​ថា “ នៅ​​​ពេល​​​ប្រជា​​​ពល​​រដ្ឋ​​​ផ្ញើ​​​សារ​​មក សារនេះ​​​​​​នឹង​​​បង្ហាញ​​​នៅ​​​ក្នុង​​​ប្រព័ន្ធ​​​របស់​​​យើង​​​ ហើយ​​​យើង​​​នឹង​​​បញ្ជូន​​​បន្ត​​​ទៅកាន់​​​គណបក្ស​​​នីមួយៗ”។ លោក​​​បាន​​​បន្ត​​​ថា “ នៅ​​​ពេល​​​អ្នក​​​បោះ​​​ឆ្នោត​​​ឆ្លើយ​​​តប​​​ យើង​​​​ត្រួត​​​ពិនិត្យ​​​មើ​​​​​​ល​​​ការ​​​ឆ្លើយ​​​តប​​​នេះ។ ប្រសិន​​​បើ​​​វា​​​ត្រឹម​​​ត្រូវ​​​ យើង​​​នឹង​​​បញ្ជូន​​​បន្ត”។ លោក សុភ័ក្រ បាន​​​មាន​​​ប្រសាសន៍​​​ថា ​ចាប់​​​​តាំង​​​ពី​​​ថ្ងៃ​​​សុក្រ​មក​​​​​ មាន​​​សំណួរ​​​ប្រហែល​​​ជា​​​៣០​​​ត្រូវ​​​បាន​​​ឆ្លើយ ហើយ​​​សំណួរ​​​ចំនួន​​​១២២​ផ្សេង​​​ទៀត​​​នឹង​​​កំពុង​​​រង់ចាំ​​​ចម្លើយ​​​ពី​​បេក្ខជន​​​ឈរ​​​ឈ្មោះ​​​ជាតំណាង​​​រាស្រ្ត​​​​​​។ គម្រោង​​​នេះ​​​អះអាង​​​នៅពេល​​​ថ្មី​​​ៗ​​​នេះ​​​ថា  មាន​​​បេក្ខ​​​ជន​​​ឈរឈ្មោះ​​​ជា​​​តំណាង​​​រាស្ត្រ​​​ចំនួន​​​ប្រាំពីរ​​​រូប ​​​មក​​​ពី​​​គណបក្ស​​​សង្គ្រោះ​​​ជាតិ​​​គណ​បក្ស​​​សម្ព័ន្ធ​​​ដើម្បី​​​ប្រជា​​​ធិបតេយ្យ​​​ និងគណ​បក្ស​​​​​​​ខ្មែរ​​​ឈប់​​​ក្រ និង​​​បេក្ខ​​​ជន​​​មួយ​​​រូប​​​ទៀត​​​មក ​​​​​​ពី​​​គណបក្ស​​​សញ្ជាតិ​​​ខ្មែរ ប៉ុន្តែ លោក​​​សុ​​​ភ័ក្រ​​​  រំពឹង​​​ថា នឹងមាន​​​គណបក្ស​​​ជាច្រើនទៀត​​​​​​ចូល​​​រួម​​​មុន​​​ការ​​​បោះ​​​ឆ្នោត​​​នា​​​ថ្ងៃទី​​​២៨ ខែ​​​កក្កដា​​​។ លោក ឈឿយ ប៊ុនធឿន បេក្ខ​​​ជន​​​ឈរ​​​ឈ្មោះ​​​ជា​​​តំណាង​​​រាស្ត្រ​​​មក​​​ពី​​​គណបក្ស​​​សម្ព័ន្ធ​​​ដើម្បី​​​ប្រជាធិប​​​តេយ្យ ​​​​​​មាន​​​ប្រសាសន៍​​​កាលពី​​​ម្សិល​​​មិញ​​​ថា លោក​​​សង្ឃឹម​​​ថា កម្មវិធី​​​នេះ​​​នឹង​​​ជួយ​​​គណបក្ស​​​របស់​​​លោក​​​ ផ្សព្វ​​​ផ្សាយ​​​គោល​​​នយោបាយ​​​របស់​​​ខ្លួន​​​ដល់​​​អ្នក​​​បោះ​​​ឆ្នោត​​​។ លោក ប៊ុនធឿន បាន​​​មាន​​​ប្រសាសន៍​​​ថា  “ យើង​​​សង្ឃឹម​​​ថា អ្នក​​​បោះ​​​ឆ្នោត​​ នឹង​​​ស្វែង​យល់​​​ពី​​​គោល​​​នយោបាយ​​​របស់​​​យើង​​​កាន់​​​តែ​​​ច្បាស់​​​តាម​​​រយៈ​​​កម្មវិធី​​​នេះ”។ លោក​​​បាន​​​បន្ត​​​ថា “ នៅ​​​ពេល​​​អ្នក​​​បោះ​​​ឆ្នោត​​​ដឹង​​​ និង​​​ស្វែង​​​យល់​​​ពី​​​គោល​​​នយោ​​​បាយ​​​របស់​​​គណបក្ស​​​យើង​​​​ពួក​​​គាត់​​​នឹង​​​បោះ​​​ឆ្នោត​​ឲ្យ​​​​យើង”។ លោក ឃឹម សុខា បេក្ខ​​​ជន​​​ឈរ​​​ឈ្មោះ​​​ជា​តំណាង​​​របស់​​​គណបក្ស​​​ខ្មែរ​​​ឈប់​​​ក្រ​​​ក៏​​​បាន​លើក​​​​ឡើង​​​ដូច្នេះ​​​ដែរ ដោយ​​​បាន​​​ថ្លែង​​​ថា​ លោក​​​​​សង្ឃឹម​​​ថា គម្រោង​​​នេះ​​​នឹង​​​ធ្វើ​​​ឲ្យ​​​គណ​បក្ស​​​ដែល​​​គេ​​​មិន​​​សូវ​​ស្គាល់់​​​របស់​​​លោក បង្ហាញ​​​​មុខ​​​​មាត់​​​កាន់​​​តែ​​​ច្រើន​​​នៅ​​​មុន​​​ថ្ងៃបោះ​​​ឆ្នោត។ លោក​​​​​​មាន​​​ប្រសាសន៍​​​ថា ​​​​​​ “ គម្រោង​​​នេះ​​​នឹង​​​​ជួយ​​​ផ្ដល់​​​ដំណឹង​​​ដល់​​​សាធារណជន​​​ទូទៅ​​ថា ​គណបក្ស​​​របស់់​​​យើង​​​គឺ​​​ជា​​​គណបក្ស​​​មួយ​​​ដែល​​​នឹង​​​នាំ​​​ប្រជាធិបតេយ្យ​​​ពិត​​​ប្រាកដ​​​ដល់​​​ប្រទេស​​​​កម្ពុជា”។ លោក​​​បាន​​​បន្ថែម​​​ថា សំណួរ​​​ដែល​​​លោក​​​ទទួល​​​បាន​​​ពី​​​មុន​​​មក  ​​​មាន​​​ជាប់​​​ពាក់​​​ព័ន្ធ​​​ទៅ​​​​នឹង​​​ការ​​​ចាប់​​​យក​​​ដីធ្លី តម្លៃអគ្គិសនី និង​​​គោល​នយោបាយ​​​យុវជន​​​របស់​​​គណ​​​បក្ស​​​លោក។ នៅ​​​ពេល​​​លោក សុភ័ក្រ​​​ កាលពី​​​ម្សិល  ​មិញ ​បាន​​​ទទួល​​​ស្គាល់​​​ភាព​​​មាន​​​កំណត់​​​នៃការ​​​ពិភាក្សា​​​​​​​​​​នយោបាយ​​​តាម​​​រយៈការ​​​ផ្ញើ​​​សារ  លោក​​​​សង្ឃឹម​​​ថា ការ​​​ផ្តោតទៅ​​​លើ​​​ការ​​​ផ្ញើ​​​សារ​​​តាម​​​រយៈទូរស័ព្ទ​​​ចល័ត​​​ នឹង​​​ផ្ញើ​​​ឲ្យ​​ប្រជាពល​រ​​​ដ្ឋ​​​ជា​​​ច្រើន​​​នៅ​​​តាម​​​បណ្តា​​​ខេត្ត​​​នានា អាច​​​មាន​​​​ទំនាក់​​​ទំនង​​​ដោយ​​ផ្ទាល់​​​ជាមួយ​​​បេក្ខ​​​ជន​​​ឈរ​​​ឈ្មោះ​​​ជា​​​តំណាង​​​រាស្រ្ត​​​។ លោក​​​បាន​​​គូសបញ្ជាក់​​​ថា អ្នក​​​បោះ​​​ឆ្នោត​​​សង្ឃឹម​​​ថា នឹង​​​អាច​​​ទំនាក់​​​ទំនង​​​ជាមួយ​​​លោក​នាយក​​​រដ្ឋមន្ត្រី ឬក៏​​​បេក្ខ​​​ជន​​​ឈរ​​​ឈ្មោះ​​​ជា​​​តំណាង​​​រាស្ត្រ​​​មក​​​ពី​​​គណបក្សកាន់អំណាច​​​បាន​​​ផ្សេង​​​ទៀត​​​ តែ​​​ទោះ​​​ជា​​​យ៉ាង​​​ណា ​​​ក្តី​​​រំពឹង​​​នេះ​ប្រហែល​​​​​ជា​​​មិន​​​សម្រេច​​​ដូច​​​បំណង​​​ឡើយ។ លោក​​​ សុភ័ក្រ​​​ បាន​​​លើកឡើង​​​ថា “ យើង​​​បាន​​​បញ្ជូន​​​លិខិត​​​មួយ​​​ច្បាប់​​​ទៅ​​​គណ​​​បក្ស​ប្រជា​​​​​​ជន​​​កម្ពុជា​​​ ប៉ុន្តែ ពួកគេ​​​បាន​​​លើក​​​ឡើង​​​ថា ខ្លួន​​​ជាប់​​​រវល់​​​ខ្លាំង​​​ណាស់​​​ ហើយ​​​មិន​​​អាច​​​ចូល​​​រួម​​​ក្នុង​​គម្រោងនេះ​​​បាន​​​ឡើយ”។ លោក​​​បន្ថែម​​​ថា “ យើង​​​មិន​​​ដឹង​​​ថា...