​នគរបាល​អន្តរជាតិ​ដំឡើង​ប្រព័ន្ធទិន្នន័យ​ស្ដីអំពីបទឧក្រិដ្ឋអន្តរជាតិ​នៅ​ប្រទេស​កម្ពុជា​

ក្រុម​មន្ត្រី​បាន​ថ្លែង​នៅឯពិធីសិក្ខា​សាលា​មួយនៅ​រាជធានីភំ្នពេញ​កាល​ពីម្សិលមិញ​​ថា​ ក្រុម​មន្ត្រី​មកពី​ច្រក​ទ្វារ​ព្រំដែន ​កំពង់ផែ​និង​អាកាស​យានដ្ឋាន​នៃប្រទេស​កម្ពុជា​បាន​​ដំឡើង​​​​​ប្រព័ន្ធ​​កុំព្យូ​ទ័រ​កាលពីម្សិលមិញ ​ដែល​មាន​លទ្ធភាព​អាច​បញ្ចូល​​ព័ត៌មាន​ស្តី​ពី​បទ​​​ឧក្រិដ្ឋ​អន្តរជាតិ​ ដែល​ជា​ផ្នែក​​នៃ​គម្រោង​មួយ​គាំ​ទ្រ​ដោយ​នគរបាល​អន្តរជាតិ ​និង​សហភាព​អឺរ៉ុប។ លោក​ កែវ​ វណ្ណថនប្រធានការិយា​​​ល័យនគរ​​​បាល​អន្តរជាតិ​កម្ពុជា​បាន​ថ្លែង​ថា ​ប្រព័ន្ធ​ចែក​រំ​លែក​ព័ត៌មាន​របស់​​ស្ថាប័ន​​នគរបាល​អន្តរជាតិ​​ ​ត្រូវបាន​ដំឡើងនៅ​​​តាម​​​ការិយា​​​ល័យនគរ​បាល​អន្តោប្រវេសន៍​ចំនួន​​​ប្រាំបី​​នៅ​ទូទាំង​ប្រទេស។ លោក​បាន​បន្តថា​ “នៅ​ពេលណា​ព័ត៌មាន​លម្អិតបាន​ដាក់​បញ្ចូលក្នុង​​ប្រព័ន្ធ​កុំព្យូទ័រ​​​នេះ​​​ហើយ​ ដូច​ជា​លិខិតឆ្លង​ដែន​ក្លែងក្លាយ​​វា​នឹង​​បង្ហាញ​ថា​ក្លែង​ក្លាយ​ ព័ត៌មាន​​ទាក់​ទង​នឹង​ជន​ដែលគេ​តាម​រក​ចាប់​ខ្លួន​នឹង​បង្ហាញ​ឡើង​ផង​ដែរ ​ហើយ​ព័ត៌មាន​ទាក់​ទង​នឹង​រថយន្ត​ចោរ​ប្លន់​ឬ​លួច​ ក៏​នឹង​​ប្រាប់​ឲ្យ​ដឹង​ផង​ដែរ​”។ លោក​​បន្ថែម​ថា​ ប្រសិន​បើ​អាជ្ញាធរ​​​បាន​​​​ប្រទះ​ឃើញ​​​ជន​សង្ស័យ​ជា​ឧក្រិដ្ឋជន​ណា​​​​ម្នាក់ពួកគេ​នឹង​​ស្នើឲ្យ​ប្រទេស​​នោះ​បញ្ជាក់​​​​ព័ត៌មាន​​​លម្អិត​ ហើយ​ចាប់​ខ្លួន​​ជន​នោះ​តែម្តង​​​។​​​លោកវណ្ណថនបានថ្លែងថា ​​មាន​បទឧក្រិដ្ឋប្រហែល​ជាង​៣០លាន​ករណី​ដែលបាន​កើតឡើង​​នៅ​ក្នុង​ប្រទេស​ចំនួន​១៩០​ត្រូវ​បាន​កត់​ត្រា​ទុក​ក្នុង​ប្រព័ន្ធ​ទិន្នន័យ​នេះ​ ហើយ​​លោក​បាន​​ថ្លែង​ថា​ មាន​ឧក្រិដ្ឋជន​​​ដែល​នគរ​បាល​អន្តរជាតិ​កំពុង​តាម​រក​ចាប់​ខ្លួន​​ប្រហែល​​៨០.០០០​នាក់​ និង​រថយន្ត​ដែល​​​​ចោរ​បាន​​​ប្លន់​ ​​​ឬ​លួច​ប្រហែល​ប្រាំពីរ​​​លានគ្រឿង​ក៏ដាក់​បញ្ចូល​ក្នុង​ប្រព័ន្ធ​ទិន្នន័យ​នេះ​ផង​ដែរ​​​​។ ប្រព័ន្ធនេះបាន​ដំឡើង​នៅ​អាកាសយាន​​​ដ្ឋាន​អន្តរជាតិ​ភ្នំពេញអាកាស​យានដ្ឋានខេត្ត ​សៀមរាប​...

ព្រះអង្គម្ចាស់​នរោត្តម​ រណឫទ្ធិ ស្ដី​បន្ទោស​លោក​ ញឹក​ ប៊ុនឆៃ​

មុន​ពេល​រួមបញ្ចូលគ្នា​មិនទាន់ទាំង​ចាប់​ផ្ដើមផង​ ព្រះអង្គម្ចាស់​ នរោត្ដម​ រណឫទ្ធិកាល​​​​ពី​ម្សិល​មិញ​ បាន​ស្ដី​បន្ទោស​លោកញឹកប៊ុនឆៃប្រធាន​ប្រតិបត្តិ​គណបក្ស​ហ៊្វុន​ស៊ិនប៉ិចថា​​​បាន​​​ធ្វើឲ្យ​ខូចដំណើរការបង្រួប​បង្រួម​គ្នា​រវាងគណបក្ស​រាជា​និយមទាំងពីរដើម្បី​ចូល​​​រួម​​​ប្រកួត​​​​ប្រជែង​ក្នុង​ការ​បោះ​ឆ្នោត​ជាតិ​​​​​ឆ្នាំក្រោយ​។ ព្រះ​អង្គម្ចាស់​ នរោត្ដមរណឫទ្ធិមាន​បន្ទូលទៅកាន់អ្នក​យក​ព័ត៌មាន ​អំឡុង​ពេល​ធ្វើ​សន្និសីទ​កាសែត​​​​មួយ ​នៅ​ឯព្រះរាជដំណាក់​​​របស់​​​ព្រះអង្គ​ក្នុង​ខណ្ឌ​ចំការ​មន​ រាជធានី​ភ្នំពេញ​ថា  គឺលោក​ ញឹក​ ប៊ុនឆៃ ទេ​ ដែល​ជា​អ្នក​ធ្វើ​ឲ្យ​ខូច​ការរួម​បញ្ចូល​គ្នា​ មិន​មែន​ខ្ញុំ​ទេ ​​​ហើយ​ឥឡូវ​ការ​រួម​បញ្ចូល​គ្នា​នេះ​វា​បាន​ចប់​ទាំង​ស្រុង​ទៅ​ហើយ”។ ព្រះ​អង្គម្ចាស់​ រណឫទ្ធិ ​មាន​​ព្រះ​​​បន្ទូល​​ថា “ ​លោកញឹក​ ប៊ុនឆៃ​ បាន​បញ្ចប់​ការ​រួម​បញ្ចូល​គ្នា​នេះ​ទាំង​ស្រុងខ្ញុំ​មិន​បាន​ធ្វើ​រឿង​នេះ​ដោយ​​​​ខ្លួន​ខ្ញុំ​ផ្ទាល់​នោះ​ទេ​។ខ្ញុំ​នឹង​មិន​ជួប​ជាមួយ​លោកញឹកប៊ុនឆៃដើម្បី​ពិភាក្សា​អំពី​ការរួម​បញ្ចូល​គ្នា​នេះ​ទេ​”។ ព្រះអង្គម្ចាស់បាន​មាន​បន្ទូល​ថាព្រះអង្គនិង​លោក​នាយក​រដ្ឋ​មន្ត្រី​ ហ៊ុនសែនដែល​​​បានពិនិត្យមើលការ​ចុះ​ហត្ថលេខា ​លើ​កិច្ច​សន្យាស្តីពីការរួម​បញ្ចូល​គ្នា​នៅឯ​វិមាន​សន្ដិភាព​...

សាលារាជធានី​​​ភ្នំពេញនិយាយ​​​ការ​​​ពារ​​​គម្រោង​​​បឹង​​​កក់ ដោយ​​​​​​វាយ​​​ប្រហារ​​​ក្រុម​​​អ្នករិះ​​​គន់​​

សាលា​រាជ​ធានី​ភ្នំ​ពេញ​ បាន​លើក​ឡើង​ក្នុង​​​​សេចក្ដី​ប្រកាសមួយ​ កាលពី​ម្សិល​មិញ​ថាការ​​​ចាក់​ខ្សាច​់​បំពេញ​បឹង​កក់និង​ការ​បណ្ដេញ​អ្នក​ភូមិ​រាប់​ពាន់​នាក់​ចេញ​ ជាការ​ចាំ​បាច់​ក្នុង​ការ​លុប​បំបាត់​ “ស្រី​ពេស្យា​ និង​ភេរវករ​”ដែល​​​ចូល​​​ចិត្តរស់នៅ​ក្នុង​តំបន់​នេះ។ ក្នុង​សេចក្ដី​ប្រកាសមួយចេញ​ផ្សាយលើ​គេហ​ទំព័រ​សាលា​រាជធានី​ ​លើក​ឡើង​ពីទិដ្ឋ​ភាព​​​ច្បាប់ ​សង្គម ​សេដ្ឋកិច្ច​ និង​បរិស្ថាន ដោយ​​វែក​ញែក​​​ថាមន្ត្រី​សាលាក្រុង​គ្មាន​ជម្រើស​ទេ ប៉ុន្ដែ​​​ ត្រូវ​តែ​ចាក់​បំពេញ​បឹង​ ហើយប្រគល់​​ទៅ​ឲ្យក្រុមហ៊ុន​ស៊ូកាគូអុីនដែលជា​ក្រុមហ៊ុន​ឯក​ជន​របស់​លោក​ ឡៅ​ ម៉េងឃិនសមាជិក​ព្រឹទ្ធសភាមកពី​គណ​បក្ស​ប្រជាជន​កម្ពុជា។ សាលារាជ​ធានី​បាន​លើក​ឡើង​ថា“ដោយ​​​សារការជួលស្នាក់នៅចម្រុះពីសំណាក់ប្រជាពលរដ្ឋគ្រប់ប្រភេទ បានប្រែក្លាយទីតាំងនេះទៅ​​ជាតំបន់អសន្តិសុខជាជម្រកនៃឧក្រិដ្ឋជនភេរវកម្មគ្រឿងញៀនពេស្យាចារក្រុម​​​បង​​​តូច ​​​បងធំ”។ ជា​លទ្ធផល​ បឹងកក់​ ទទួល​រង​នូវ “ការ​បាត់​​​បង់ទំនៀមទម្លាប់ប្រពៃណី វប្ប​ធម៌​ខ្មែរ”។ ការ​ស្ដី​បន្ទោស​ភាគ​ច្រើន​របស​់​សាលា​រាជធានី​ គឺ​ផ្ដោត​លើ​ទេសចរសម្ពាយដែល​ធ្វើ​​​​ ឲ្យ​តំបន់នេះ​មាន​កេរ្ដិ៍​ឈ្មោះ​មិនល្អ។សំណង់​អនាធិបតេយ្យ​នៅ​​ក្នុង​តំបន់នេះ​ក៏​​ធ្វើ​ឲ្យ​វា​​​មាន​​​​ការ​លំបាក​ក្នុង​ការ​ពន្លត់​អគ្គិភ័យ​ ដោយ​សារ​តែ​ផ្លូវ​ចង្អៀត​ ហើយ​កាក​សំណល់​​​ពុល​​​បាន​​​​ធ្វើ​ឲ្យផ្ទៃ​ទឹក​បឹង​នេះ​មាន​កំហាប់​ក្រាស់​។ សាលា​រាជ​ធានី​ក៏ចោទ​ប្រកាន់​អតីត​អ្នក​ភូមិនៅ​ក្នុង​តំបន់​នេះដែល​រាប់ពាន់​នាក់​ក្នុង​ចំណោម​នោះ​ ត្រូវ​បាន​បណ្ដេញ​ចេញ​ដោយ​​​​​ហិង្សានិង​ចោទថាបាន​ទន្ទ្រាន​លើ​ដីរដ្ឋ​  ដោយ​​​​សាង​សង់​លំនៅ​ដ្ឋាន​នៅ​លើ​ទឹក​។ហើយ​​​ខណៈ​​​ដែល​គ្រួសារ​ប្រជា​ពល​រដ្ឋ​ ដែល​ត្រូវ​បាន​បណ្ដេញ​ចេញ​ជា​ច្រើន​តវា៉​អំពី​បញ្ហា​ហិរញ្ញ​វត្ថុ​ចាប់​តាំង​ពីមានការ​បណ្ដេញ​ពួកគេ​ សាលា​រាជធានី​បាន​លើក​ឡើង​ថាស្ថាន​ភាព​ក្រីក្រ​...

មន្ត្រី​​​បដិសេធ​​​ពាក្យ​​​ចចាម​​​អារ៉ាម​​​ថា ពហុកីឡាដ្ឋានជាតិអូឡាំ​​​ពិក​​​នឹង​​​ត្រូវ​​​គេ​​​វាយ​​​កម្ទេច​​​ចោលទាំង​​​ស្រុង

សាលារាជធានី​​​ភ្នំពេញ​​​កាល​​​ពី​​​ម្សិល​​​មិញ​​​បាន​​​បដិសេធ​​ ចំពោះការ​​​អះអាង​​​ដែល​​​បាន​​​ផ្សាយ​​​តាម​​​ប្រព័ន្ធ​​​អុីន​​​ធើណិត​​​ថាពហុ​​កីឡាដ្ឋានជាតិ​​​អូឡាំពិក​​​ក្នុង​​​រាជធានី​​​ភ្នំពេញ​​​ ដែល​​​មាន​​​ចំណាស់​​​៤៨​​​ឆ្នាំ​​​មកហើយនឹង​​​ត្រូវ​​​គេ​​​វាយ​​​​​​កម្ទេច​​​ចោល​​​​​​ទាំង​​​ស្រុង​​​។ លោក ប៉ា សុជាតិ​​​វង្ស អភិបាល​​​រង​​​សាលា​​​រាជធានី​​​បាន​​​មាន​​​ប្រសាសន៍​​​ថា“​​​នឹង​​​ពុំមាន​​​ការ​វាយកម្ទេច​​ពហុកីឡា​​​ដ្ឋាន​​​​​​ជាតិអូឡាំពិក​​​នេះចោលទេ”។ គេហទំព័រជាច្រើន ​បាន​​​ផ្សព្វ​​​ផ្សាយ​​​សេចក្តី​​​​​​រាយការណ៍ថាពហុកីឡាដ្ឋានជាតិ ​​​ដែល​​​គូរ​​​ប្លង់​​​​​​ដោយលោក​​​ វណ្ណ  ម៉ូលីវណ្ណ ​​​ស្ថាបត្យករ​​​កម្ពុជា​​​​​​ដ៏​​​ល្បី​​​ឈ្មោះ​​​នោះអាចនឹង​​​ត្រូវគេ​​​វាយ​​​ចោល ​សម្រាប់គម្រោង​​​អភិវឌ្ឍន៍​​​មួយ​​​របស់​​​សាជីវ​​​កម្ម​​​វិនិយោគទុនកម្ពុជា​​​ក្រៅប្រទេស(OCIC) ។ លោកសុជាតិ​​​វង្សបាន​​​មាន​​​ប្រសាសន៍​​​ថាប្រសិន​​​បើ​​​មាន​​​រឿងអ្វី​​​កើត​​​ឡើង​​​មែននោះ​​​សាលារាជធានី​​​នឹង​​​ធ្វើ​​​ការ​​​ ដើម្បី​​​អភិរក្ស​​​ពហុ​​​កីឡា​​​ដ្ឋាន​​​ដ៏​​​សំខាន់​​​នេះ​​​។ លោក​​​ថ្លែងថា“យើង​​​កំពុង​​​តែពិភាក្សា​​​អំពី​​​ផែនការកែ​​​លម្អប្រចាំ​​​ឆ្នាំនិង​​​ការជួស​​​ជុល​​​ពហុ​​​កីឡាដ្ឋាន​​​នេះដូចជា​​​​​​កន្លែង​​​អង្គុយ​​​ជាដើម​​​”។ លោក​​​ ទូច សំណាង អ្នក​​​គ្រប់​​​គ្រង​គម្រោង​​​របស់ក្រុមហ៊ុន ​OCIC បានមាន​​​ប្រសាសន៍​​​ថាក្រុមហ៊ុនដែល​​​បានចុះ​​​កិច្ច​​​សន្យាជួល​​​ដីទំហំ​​​៦,២​​​ហិកតា​​​ ក្នុង​​​ខណ្ឌ​​​ប្រាំពីរមករានៅ​​​ប៉ែក​​​ឦសាននៃ​​​ពហុកីឡាដ្ឋាន​​​រយៈ​​​ពេល​​​៩៩​​​ឆ្នាំ​​​នោះ​​​ គ្រោង​​​នឹង​​​ចំណាយ​​​ថវិកា​​​ចំនួន​​​២៥០​​​លាន​​​ដុល្លារ​​​ ដើម្បី​​​សាង​​​សង់​​​អគារ​​​មួយកម្ពស់​​​៥៥​​​ជាន់អគារ​​​ពីរ​​​ទៀតកម្ពស់៣៦​​​ជាន់​​​ និង​​​អគារ​​​មាន​​​កម្ពស់​​​ស្មើនឹងពាក់​​កណ្ដាល​​​អគារ​​​ខាង​​​លើចំនួនប្រាំមួយ​​​អគារ​​​ផ្សេង​​​ទៀត​​​ នៅ​​​ខាង​​​ជើង​​​ពហុកីឡា​​​ដ្ឋាននេះ។ លោកបានមាន​​​ប្រសាសន៍​​​បន្ដ​​​ទៀត​​​ថាគម្រោង​​​អភិវឌ្ឍន៍នេះ ​​​មាន​​​ទាំង​​​ផ្សារទំនើប​​​អគារ​​​ពាណិជ្ជកម្មហាងទំនិញមជ្ឈមណ្ឌល​​​ពាណិជ្ជកម្ម​​​ និង​​​សណ្ឋាគារ​​​ផងដែរ ​​ប៉ុន្ដែលោក​​​បានទទូចថាក្រុម​​​ហ៊ុន​​​មិនមានគម្រោង​​​វាយ​​​កម្ទេច​​​ពហុកីឡាដ្ឋាន​​​នេះទេ​​​។ លោកឆាលស៍វណ្ណ (Charles Vann)​​​ អនុប្រធាន​​​ប្រតិបត្តិនៃ​​​ធនាគារ​​​កាណា​​​ឌីយ៉ា ដែលជាកម្មសិទិ្ធរបស់​​​​​​ OCIC ដែរនោះបាន​​​មាន​​​ប្រសាសន៍​​​ថា “​​​នោះ​​​គឺ​​​មិន​​​មែន​​​ជារឿងពិត​​​នោះទេ។ទាំងនោះគ្រាន់​​​តែ​​​ជា​​​ពាក្យ​​​ចចាមអារ៉ាម​​​ប៉ុណ្ណោះ”។លោក​​​បាន​​​បន្ថែម​​​ទៀតថា ​​​OCIC នឹង​​​ចេញ​​​ព័ត៌មាន​​​ថ្មីៗ​​​ពាក់​​​ព័ន្ធ​​​នឹង​​​គម្រោង​​​នេះ​​​នៅ​​​សប្ដាហ៍​​​ក្រោយ​​​។សាជីវកម្ម...

ក្រុមហ៊ុន​រុករករ៉ែដែ​ក​ចិន ចំណាយ​សាង​សង់​ការិយាល័យ​របស់គណ​បក្ស​ប្រជាជន​កម្ពុជា

មន្ត្រី​បាននិយាយ​កាលពី​ម្សិល​មិញ​ថាក្រុម​​​ហ៊ុ​ន​រុករករ៉ែ​របស់ចិនមួយបាន​ផ្ដល់​អំណោយ​ជា​ទឹក​ប្រាក់​ប្រហែល​២០០​.០០០​ដុល្លារសម្រាប់​សាង​សង់​ទីស្នាក់ការ​ស្រុក​ថ្មី​មួយ​ នៅ​​​ក្នុង​ខេត្ត​ព្រះ​វិហារ​របស់គណ​បក្ស​ប្រជា​ជន​កម្ពុជាដែល​កំពុង​គ្រប់​គ្រង​អំណាច​។ លោក​ គង់មករាប្រធានការ​ិយាល័យ​ឧស្សាហកម្ម​ រ៉ែនិង​ថាមពល​ខេត្ត​​​បាន​​​មាន​​​ប្រសាសន៍​ថាក្រុម​ហ៊ុន​ចិន​ឈ្មោះ Cambodian Iron Holding and Industrial Mining Co.Ltd.​ បាន​ផ្ដល់​មូល​និធិ ​សម្រាប់​ការ​សាង​សង់​ការិយា​ល័យ​គណ​បក្ស​ប្រជា​ជន​កម្ពុជា​ថ្មី​មួយ​នៅ​ក្នុង​ស្រុក​រវៀងដែល​ត្រូវ​បាន​សម្ពោធ ​កាល​​​ពី​​​ក្នុង​​​​ខែ​មករា។លោក​បាន​ថ្លែងថាក្រុមហ៊ុន​​​នេះ ​នៅ​តែ​ធ្វើ​ការ​សិក្សា​ពី​លទ្ធភាព​ជីក​យករ៉ែ​ដែក​ ដែល​ជា​ធម្មតាគឺជាការ​ជីក​យក​រ៉ែពី​រណ្ដៅ​ចំហមួយ ​ដើម្បីរៀប​ចំ​ដាក់​ពាក្យ​សុំ​អាជ្ញា​ប័ណ្ណ​ជីក​យក​រ៉ែ​តែម្តង។ លោក​ មករាបានបញ្ជាក់ថាការ​ចំណាយ​នេះ ​មិន​ពាក់​ព័ន្ធ​ជា​មួយ​ក្រុមហ៊ុន​ ដើម្បី​​​ឲ្យ​​​មាន​​​ការ​យក​ចិត្ត​ទុកដាក់​​ពី​មន្ត្រី​មូលដ្ឋាន​នោះទេហើយ​ថាអំណោយ​នេះ​នឹងមិន​មាន​​​​ឥទ្ធិពល​លើ​ការ​ធ្វើ​សេចក្ដី​សម្រេច​របស់​រាជ​​​រដ្ឋាភិបាល​ឡើយ។លោក​​​មាន​​​ប្រសាសន៍​​​ថា“តាមពិតវាជា​​កាយវិការសប្បុរស​ធម៌​របស់​​​ក្រុមហ៊ុន​នេះចំពោះ​ការបរិច្ចាគដោយ​ស្ម័គ្រ​ចិត្ត​សម្រាប់​ការ​ចំណាយ​ទំាង​អស់​ទៅ​លើ​ការ​សាង​សង់​ទីស្នាក់ការ​ស្រុករបស់​​​គណ​​​បក្ស​​​ប្រជា​​​ជនកម្ពុជា​”។លោក​បន្ថែមថាក្រុមហ៊ុន​​ចិន​​​នេះ​​​ក៏​ចំណាយ​សម្រាប់​ការ​សាង​សង់​ឧទ្យាន​មួយ​កន្លែង​នៅ​ក្នុង​ក្រុង​ខេត្តព្រះ​វិហារ​​​​ផង​ដែរ។ លោក​ អេសារ៉ូអភិបាល​ស្រុក​រវៀងបាន​​​មាន​​​ប្រសាសន៍ថាក្រុមហ៊ុននេះ​បាន​ផ្ដល់​ទឹក​ប្រាក់​ប្រមាណ​២០០​.០០០​ដុល្លារដើម្បី​សាង​​​សង់​អគារ​ទី​ស្នាក់ការបក្ស។លោក​បញ្ជាក់ថាគណ​បក្សប្រជាជនកម្ពុជានៅមូល​ដ្ឋាន​បាន​ស្នើសុំក្រុមហ៊ុន​នេះជួយ​ផ្ដល់​ជំនួយ​សម្រាប់​សាងសង់ការិយា​ល័យ​ថ្មី​របស់ខ្លួន​។លោកសារ៉ូថ្លែង​ថាមានអំណោយ​ប្រហាក់​ប្រហែល​​​​គ្នានេះដែរ លោក ទ្រី ភាព ​ម្ចាស់ចម្ការ​​​កៅ​ស៊ូ​បានឧបត្ថម្ភថវិកា​ចំនួន​៧០​.០០០​ដុល្លារដើម្បី​សាង​សង់​ការិយា​ល័យ​ឃុំ​មួយ​នៅក្នុង​ឃុំ​រមនា។ លោក​បានប្រសាសន៍ថា“យើង​មិន​បាន​ប្រើ​ឈ្មោះ​រដ្ឋាភិបាល​ឬអាជ្ញាធរ​ដើម្បី​ស្នើ​ក្រុមហ៊ុន​ឲ្យផ្ដល់​អំណោយ​សម្រាប់​ការ​សាង​សង់​នោះទេ”។លោក​បន្ថែមថាក្រុមហ៊ុន Cambodian Iron Holding...

អ្នក​ភូម​ិ​សុំ​វីស៊ីឌី​ចម្លង​សុន្ទរកថា​ស្ដី​ពី​សិទ្ធិ​ដីធ្លី​របស់លោក​ ហ៊ុន​ សែន

មនុស្ស​រាប់​រយ​នាក់បាន​ស្នើ​សុំ​ឌីស​វីដេអូ​វីសុីឌី ថតសុន្ទរកថា កាលពី​ថ្ងៃ​ព្រ​ហស្បតិ៍របស់​លោក​នាយក​រដ្ឋ​មន្ត្រី​ ហ៊ុនសែនស្ដី​ពី​សិទ្ធ​ិ​ដី​ធ្លីបន្ទាប់​ពី​មន្ត្រី​ម្នាក់ នៅ​ឯ​ស្ថានីយទូរ​ទស្សន៍​​​ស៊ីធី​អិនបានផ្សព្វ​ផ្សាយកាលពី​ម្សិល​មិញ​ ដើម្បី​បញ្ជូន​ឌីស​ចម្លង​នេះទៅ​ឲ្យអ្នកស្នើ​សុំ​។ ការ​ស្នើ​សុំ​សុន្ទរកថា​នេះ ចេញ​ពី​អ្នក​ភូមិ​ ដែល​ខ្លះ​ក្នុង​ចំណោម​នោះ បាន​និយាយ​ថាពួកគេ​នឹង​ប្រើ​ឌីស​វីដេអូចម្លង​នេះ ជា​ការ​ធានាដល់ការទាម​ទារ​ដី​របស់ខ្លួន​ ប្រសិន​បើ​អាជ្ញា​ធរ​មូល​ដ្ឋាន​ស្ទាក់ស្ទើ​រមិន​ចង់​​អនុវត្ត​តាម​បទ​បញ្ជា​របស់លោក​នា​យក​​រដ្ឋ​មន្ត្រី​។ អំឡុង​ពេល​ធ្វើ​សុន្ទរកថា​ លោក​ ហ៊ុន​ សែន​បាន​គូស​បញ្ជាក់​អំពីគោល​នយោ​បាយ​ផ្ដល់​ប័ណ្ណ​កម្ម​សិទ្ធិ​ដី​ដ៏ល្អិត​ល្អន់​មួយ​សម្រាប់​អ្នក​ភូមិ​ ​រស់​នៅ​ក្នុង​ព្រៃ​របស់​រដ្ឋ​ និង​ដី​សម្បទាន​ ជា​ទ​ីដែលប័ណ្ណ​កម្ម​សិទ្ធិ​បឋម​អាច​ត្រូវ​បានប្រគល់ឲ្យ​​ជំនួស​ប័ណ្ណ​រឹង​ថែមទៀត​។លោក​ក៏បាន​ពោល​សង្កត់​ផង​ដែរ​ថាការ​ហាម​ប្រាម​របស់លោក​កាលពី​ថ្ងៃ​ទី​៧ខែ​ឧសភាដល់​​​ការ​​​ផ្តល់ដី​សម្បទាន​សេដ្ឋ​កិច្ច​ នឹង​នៅ​តែ​ចូល​ជា​ធរមានរហូត​។ យោង​តាម​លោក​ សោមឆាយាអគ្គ​នា​យក​រង​នៃ​ទូរទស្សន៍សុីធីអិនបាន​ឲ្យ​ដឹង​ថាប្រជា​ពល​​​​រដ្ឋ​ប្រហែល​៣០០​នាក់បាន​ស្នើ​សុំ​​​វីសុីឌី​​​ថតចម្លង​ បើគិត​ត្រឹម​រសៀល​ម្សិល​មិញ​េនះ​​​។ លោកឆាយាមានប្រសាសន៍ថា “យើង​​​​បាន​ទទួល​សំណើ​សុំ​ជា​ច្រើន​ពី​អ្នក​ភូមិ​ ជា​ពិសេស​ ប្រជា​ពល​រដ្ឋ​ ដែល​ប្រឈម​នឹង​ជម្លោះ​​​ដី​ធ្លី​ដ៏​ចម្រូង​ចម្រាស​ ដូច​ជា​អ្នក​ភូមិ​ ដែល​ទូរ​ស័ព្ទ​មក​ពី​ខេត្ត​បន្ទាយ​មាន​ជ័យ​ ជាដើម”។ លោកបានមានប្រសាសន៍ថាឌីស​​​នេះ​​​មិន​​​​មា​ន​កា​រ​ដាក់​តម្លៃទេប៉ុន្ដែ​ លោកកំពុង​តែ​ស្នើ​សុំ​​ការ​បរិច្ចាគ​ដោយ​ស្ម័គ្រ​ចិត្ត​ពី​អ្នក​ដែល​ស្នើ​សុំ​ ដើម្បី​ចំណាយ​ទៅ​លើ​ការ​ថត​ចម្លង​។លោក​បានបញ្ជាក់ថាលោក​បានទទួល​ការ​អនុញ្ញាត​ពី​លោក​ ហ៊ុនសែន​ ឲ្យ​ចែកចាយ​សុន្ទរកថានេះ​ ហើយថាការ​ផ្ដួច​ផ្ដើមនេះ​គឺជា​គំនិត​ផ្ទាល់របស់លោក​ ហើយ​មិន​មាន​ជាប់ពាក់​ព័ន្ធ​ជាមួយ​រដ្ឋាភិបាល​ ឬស្ថានីយ​ទូរទស្សន៍សុីធីអិននោះទេ។ លោក​ ឆាយាបាន​ថ្លែងថា“នៅ​ពេល​ខ្ញុំ​ប្រកាស​ថា​ វីសុីឌីនិយាយអំពី​សុន្ទរកថា​របស់​សម្ដេច​​...

​​​​​​គ្រួសារ​​​អ្នក​​​ភូមិ​​​បឹង​​​កក់​​​បួង​​​សួង​​​​​​​​​​​​សុំ​​​​​​​​​​​​ឲ្យ​​​​​​​​​សម្ដេច​ព្រះ​មហាក្សត្រិយ៍​ជួយ​​​​​​ដោះ​​​លែង​​​​អ្នក​​​​​​​​​ទោស​​​​​​​​​​​​១៣​​​​​​នាក់​

អ្នក​​​ភូមិ​​​ប្រហែល​​​៥០​​​នាក់​​​មក​​​ពី​​​សហ​គមន៍​​​​បឹង​​​កក់ ក្នុង​​​​​​រាជធានីភ្នំពេញ​​​បាន​​​ឆក់​​​ឱកាស​​​​​ក្នុង​​​​​​ថ្ងៃ​​​បុណ្យ​​​ចម្រើន​​​ព្រះ​​​ជន្ម​​​​​​ព្រះ​​​​​​មហាក្សត្រិយ៍​នរោត្ដម​​​ មុនីនាថ សីហនុ កាល​​​ពី​​​ម្សិល​មិញ​ដើម្បី​​​​​​​​​បួង​​​​​​​​​សួង​​​សុំ​​​ឲ្យ​​​ទ្រង់​​​​​ជួយ​​​​​​​​​​​​ដោះ​​​លែង​​​អ្នក​​​ជិត​​​​ខាង​​​​​​​​​​​​ចំនួន​​​​​​១៣​​​នាក់របស់​​​ខ្លួន​​​ ដែល​​​ត្រូវ​​​​​​​​​​​​​​​បា​​​ន​​​សាលា​​​​​​​​​​​​ដំបូង​​​​​​​​​​​កាត់​​​ទោស​​​ឲ្យ​​​ជាប់​​​ពន្ធនាគារ​​​កាល​​ពី​​​ខែ​​​មុន ដោយ​​​​​​សារ​​​​​​​​​​​​ការ​​​​​​ធ្វើ​​​បាតុកម្ម​​​ប្រឆាំង​​​នឹង​គម្រោង​​​អចលនទ្រព្យ​​​របស់​​​សមាជិក​​​ព្រឹទ្ធ​សភា​​​​​​​​​​មួយ​​​​​​​​​​​​រូប​​​​​​​​​​​​​​​​​​មក​​​ពី​​​គណប​​​ក្ស​​​ប្រជា​​​ជន​​​កម្ពុជា។ អ្នក​​​ភូមិ​​​ទាំង​​​​​​នេះ ​​​ដែល​​​ចោទ​​​​​​​​​ប្រ​​​​​​កាន់​​​​​​ក្រុម​​​ហ៊ុនស៊ូកាគូអុីន ​​​របស់​​​លោក ឡៅ ម៉េង​​​ឃិន ថាបាន​​​​​​​​ប្លន់​​​​​​យក​​​ដី​​​របស​់​​​​​​​​​ខ្លួន​​​​​​ និង​​​បាន​​​បណ្ដេញ​​​ប្រជា​​​ពលរដ្ឋ​​​រាប់ពាន់​​​គ្រួសារ​​​ចេញ​​ពី​លំនៅ​ដ្ឋាន​​​​​​ដោយ​​​​​​​​​ខុស​​​ច្បាប់​​​នោះ​​​ បាន​​​នាំគ្នា​​​អុជ​​​ធូប​​​ទៀន​​​​​បួង​​​​​​​​​​​​​​សួង​​​​​​​​​​​​​​​ដល់​​​​​​​​​បារមី​​​​​​​​​ព្រះ​​​អង្គ​​​ដង​​​កើ​ នា​មាត់​​​​​​​​​​​​​ទន្លេ​​​ទល់​​​មុខ​​​ព្រះ​​​បរមរាជវាំង​​​។ អ្នក​​​ភូមិ​​​​​​ម្នាក់​​​​​​ឈ្មោះ កែក ច័ន្ទរស្មី បាន​​​និយាយ​​​ថា “ យើង​​​​​​បាន​​​​​​សម្រេច​​​ចិត្ត​​​បួង​​​សួង​​​​​​​​​​​​​​​​​​សុំ​​​​​​​​​ឲ្យ​​​​​​​​​​​​​​​​​​បារមី​​​​​​​​​​​​ព្រះអង្គដង​​​កើ​​​ ​ជួយ​​​​ដោះ​​លែង​​​ស្ត្រី​​​ទាំង​​​នោះ​​​មក​​​​​​វិញ​​​​​​ និង​​​ថ្វាយ​​​ព្រះពរ​​​​​​​​ឲ្យ​​​​​​សម្តេច​​​​​​​​​ម៉ែ​​​មាន​​​ព្រះ​​​រាជ​​​សុខភាព​​​ល្អ​​​ក្នុង​​​​​ឱកាស​ចម្រើន​​ព្រះជន​​្ម​​​គម្រប់​​​ជន្មាយុ​​​៧៦​​​ព្រះវស្សា​​​​​​របស់​​​ទ្រង់។ នេះជា​​​សារ​​​មួយ​​​ថ្វាយ​​​​​​​​​សម្តេច​​​​​​​ម៉ែ សុំ​​​ឲ្យ​​​ទ្រង់​​​ជួយ​​​អន្ដរា​​​គមន៍ដោះ​​​លែង​​​​​​​​​ពួក​គេ​​​”។ ស្ត្រី​​​ទាំង​​​១៣​​​នាក់​​​នេះត្រូវ​​​បាន​​​សាលា​​​ដំបូង​​​រាជធាន​​​ីភ្នំពេញ​​​ កាត់​​​ទោស​​​ឲ្យ​​​ជាប់​​​ពន្ធនា​គារ​​​រយៈពេល​​​ពីរ​​​ឆ្នាំកន្លះ​​​ បន្ទាប់​​​​​​​​​ពី​​​​​​បាន​​​​ការ​​​បើក​​​​​​​​​សវ​​​​​​នាការ​​​កាត់​​​ក្ដីដ៏លឿនមួយ​​​កាលពីថ្ងៃ​​​ទី​​​២៤​​​ ខែ​​​ឧសភា ​​​​​​តាម​​​​​​​​​ការ​​​​​​ចោទ​​​​​​​​​​​​​​​​​​ប្រកាន់​​​ពីបទ​​​កាន់​​​កាប់​​​ដីធ្លី​​​ដោយ​​​​​​ខុសច្បាប់​​​ និង​បទបះ​​​​​​បោរ​​​​​​ ​​​ការ​​​កាត់ទោស​​​នេះត្រូវ​​​បានអង្គការ​​​​​សិទ្ធិមនុស្ស​​​នានា​​​ថ្កោល​​​ទោស​​​យ៉ាង​​​ខ្លាំង​​​។ អ្នកស្រី បូ ឆវី អ្នក​​​ភូមិបឹង​​​កក់​​​ម្នាក់​​​ទៀត​​​ដែល​​​បាន​​​ចូលរួម​​​ក្នុង​​​ការ​​​បួង​​​សួង​​​កាល​​ពី​ម្សិលមិញ​​​នេះដែរ បាន​​​និយាយ​​​ថា “ ​​​ថ្ងៃ​​​នេះ​​​ជា​​​ឱកាស​​​ដ៏ល្អ​​​ សម្រាប់ថ្វាយ​​​សារ​​​នេះ​​​ទៅ​សម្តេច​​​​​​​​​​​​ម៉ែ ដោយ​​​សារ​​​តែ​​​វាជា​​​ថ្ងៃ​​​ចម្រើន​​​ព្រះ​​​ជន្ម​​​របស់​​​ទ្រង់​​​”។  អ្នកស្រី​​​បាន​​​និយាយ​​​ថា “ យើង​​​បាន​​​មក​​​បួង​​​សួង​​​នៅ​​​ថ្ងៃ​​​នេះ​​​ ដើម្បី​​​ថ្វាយ​​ព្រះពរ​​​​​ដល់​​​សម្តេច​​​​​​​​​ម៉ែ​​​ ឲ្យ​​​មាន​​​ព្រះ​​​​​​រាជ​​​សុខភាព​​​ល្អ​​​ និង​​​សុំ​​​ឲ្យ​​​ទ្រង់​​​ជួយ​​​អន្តរាគមន៍​​​​​​ដោះ​​​​​​លែង​​​​​​​​​ស្ត្រី​​​ទាំង​នោះ។ ខ្ញុំជឿ​​​ជាក់​​​ថា សម្តេច​​​​​​​​​ម៉ែ​​​​​​នឹង​​​ព្យាយាម​​​ជួយ​​​អ្នកភូមិបឹង​​​កក់​​​យើង​​​ដែល​​​ជា​​​ជន​​​ស្លូត​​​ត្រង់​​​”។ តាម​​​សំណើរបស់​​​មេធាវី​​​ពួក​​​គាត់​​​ស្ត្រី​​​ទាំង​​​១៣​​​នាក់​​​នោះ​​​បានឲ្យ​​​គេ​​​​​​បញ្ជូន​​​សំណុំ​​​រឿង​​របស់​​​ខ្លួន​​​ទៅ​​​សាលា​​​ឧទ្ធរណ៍​​​ ដែល​​​បាន​​​កំណត់​​​យក​​​​​​​​​ថ្ងៃ​​​ទី​​​២៧​​​ ខែ​​​មិថុនា​​​មក​​​​​​​​​​​​​​បើក​​​​​​សវនា​ការ​​​​​​ជំនុ​​​ំ​​​ជម្រះ។ ស្ត្រី​​​ប្រាំមួយ​​​នាក់​​​ក្នុង​​ចំណោម​​​ស្ត្រី​​​ទាំង​​​នេះ​​​ បាន​​​ធ្វើ​​​កូដកម្ម​​​បង្អត់​​​អាហារ​​​ ដោយ​​​​​​​​​​​​​​​​​​អ្នក ខ​​​្លះ​​​បាន​​​ចាប់​​​ផ្ដើម​​​​​​បង្អត់អាហារ​​​ខ្លួន​​​ឯងតាំង​​​ពី​​​ថ្ងៃ​​​ទី១០ ខែមិថុនាមក​​​​​​​​​ម្លេ៉ះ​​​​​​ ដើម្បី​​​តវ៉ា​​​​​​​​​នឹង​​​ការ​​​ផ្ដន្ទាទោស​​​​​​​​​ខ្លួន។​​​ ប៉ុន្ដែ សាច់​​​ញាតិ និង​​​មិត្ត​​​ភក្ដិ​​​របស់​​​ពួក​​​គាត់​​​បាន​​​អះអាង​​​ថា ពួក​​​គាត់​​​ទាំង​​​​អស់​​​​​​គ្នា​​​បាន​​​​​​សុំ​​​​​​ឲ្យ​​​​​​​​​​​​ស្ត្រី​​​​​​ទាំង​​​​​​នោះ​​​​​​បញ្ឈប់​​​កូដកម្ម​ភ្លាម​​​ បន្ទាប់​​​ពី​​​បាន​​​ដឹង​​​ថា បុរស​​​​​​ម្នាក់​​​​​​ និង​​​ស្ត្រី​​​​​​​​​មកពី​​​​​​ស​​​ហ​​​​​​គមន៍​​​​​​បឹង​​​​​​កក់​​​​​​ម្នាក់​​​ដែល​​​ត្រូវ​​​បាន​​​ចាប់​​​ខ្លួន​​​នៅខាង​​​ក្រៅ​​​តុលាការ​​​ពេលកាត់​​​ក្ដី​​​កាល​​​ពី​​​ថ្ងៃទី​​​២៤​​​ខែ​​​ឧសភាត្រូវ​​​បាន​​​ដោះលែង​​​ឲ្យ​​​នៅក្រៅ​​​ឃុំ​​​​​​បណ្ដោះ​​​អាសន្ន​​​ កាលពី​​​ថ្ងៃ​​​សុក្រ ។ អ្នកស្រី ច័ន្ទរស្មី បាន​​​និយាយ​​ថា “ ​​​ពួក​​​គាត់​​​បាន​​​ចាប់​​​ផ្ដើម​​​ទទួល​​​ទាន​​​អាហារ​​​វិញហើយ​នៅពេល​​​ពួក​​​គាត់​​​បាន​​​ឮដំណឹង​ថា  តុលាការ​​​បាន​​​ដោះ​​​​លែង​​​អ្នក​​​ទាំង​​​ពីរ​​​នោះ​ឲ្យ​​​នៅក្រៅ​​​ឃុំ​​​ជា​​​បណ្ដោះ​​​អាសន្ន​​​។វាគឺជារឿង​​​ល្អ ហើយ​​​យើង​​​សប្បាយចិត្ត​​​ខ្លាំង​​​ណាស់​​​ ដែល​​​ពួក​​​គាត់​បញ្ឈប់​​​​​​ការ​​​​​​ធ្វើ​​​កូដកម្ម​​​បង្អត់​​​អាហារ​​​”។ លោក ប៉ោ គុណ្ណារ៉ា ​​​ប្ដី​​​របស់​​​អ្នក​​​ស្រី តុល​ស្រីពៅ បាន​​​និយាយ​​​ថា គាត់បាន​​​ទៅ​​​សួរ​​​សុខ​​​ទុក​្ខប្រពន្ធ​​​របស់​​​គាត់កាល​​​ពី​​​ព្រឹកម្សិលមិញ​។ គាត់​​​បាន​​​និយាយ​​​ថា “ ស្ថាន​​​ភាព​​​ជំងឺ​របស់​​​ប្រពន្ធ​​​ខ្ញុំ​​​បាន​​​គ្រាន់​​​បើ​​​ ហើយ​​​គាត់​​​បាន​​​ចាប់​​ផ្ដើម​​​ទទួល​​​ទាន​​​អាហារ​​​ឡើង​​​វិញហើយ​​។ ខ្ញុំ​​​សប្បាយ​​​ចិត្ត​​​ខ្លាំង​​​ណាស់​​​ ដែល​​​គាត់បញ្ឈប់​​​​​​ការ​​​​​​ធ្វើកូដកម្ម​​​បង្អត់​​​អាហារ​​​ ពីព្រោះ​​​ប្រសិន​​​បើ​​​គាត់នៅតែ​​​បន្ដ​​​ទៀត​​​នោះ​​​ ជីវិត​​​របស់​​​​​​គាត់​នឹង​​​​​​​​​​​​មាន​​​គ្រោះ​​​ថ្នាក់​​​ជា​​​មិន​​​ខាន​​​​​​”៕           ប្រែសម្រួល​​​ដោយ ហម សុផាណ្ណា       ​​​  

ក្រុម​អ្នក​ភូមិ​នៅ​ខេត្ត​សៀម​រាប​នាំ​គ្នា​តវ៉ា​ចំពោះ​តម្លៃ​អគ្គិសនី

ក្រុម​អ្នក​តវ៉ា​និយាយ​កាល​ពី​ម្សិល​មិញ​ថា​ ប្រជា​ពលរដ្ឋ​ប្រមាណ​២០០​នាក់​មក​ពី​ស្រុក​អង្គរជុំ​ បាន​នាំ​គ្នា​តវ៉ា​នៅ​ខាង​ក្រៅ​សា​លា​ខេត្ត​​សៀមរាប ​កាល​ពី​ថ្ងៃ​សុក្រ  ដោយពួក​គាត់អំពាវ​នាវ​ឲ្យ​ក្រុម​ហ៊ុន​អគ្គិសនី​ឯក​ជន​ ឌួង​ ណារិន​ បញ្ចុះ​តម្លៃ​អគ្គិសនី​ ហើយ​ស្នើ​សុំ​ឲ្យ​អាជ្ញា​ធរ​អគ្គិសនី​រដ្ឋ​ភ្ជាប់​បណ្តាញ​អគ្គិសនី​ទៅ​កាន់​តំបន់​ ដែល​ពួក​គាត់​កំពុង​រស់​នៅ។​ ក្រុម​អ្នកស្រុក​មក​ពី​ឃុំ​តាសោម​ បាន​តវ៉ា​សុំ​ឲ្យ​ក្រុម​ហ៊ុន​ ឌួង​ ណារិន​ បញ្ចុះ​តម្លៃ​អគ្គិសនី​របស់​ខ្លួន​ពី​ចំនួន​៣.៤០០​រៀល​ មក​ត្រឹម​ចំនួន​១.៥០០​រៀល​ក្នុង​មួយ​គីឡូ​វ៉ាត់​ម៉ោង។ អ្នក​ភូមិ​ម្នាក់​ឈ្មោះ​ ថន​ ចំរើន​ អាយុ​ ៤២​ឆ្នាំ​ ដែល​ស្ថិត​នៅ​ក្នុង​ចំណោម​ក្រុម​អ្នក​តវ៉ានេះ​ដែរ​ បាន​និយាយ​ថា​ “កាល​ពី​មុន​ខ្ញុំ​ធ្លាប់ចំណាយ​ប្រាក់​តែ​១០​ដុល្លារប៉ុណ្ណោះ​ក្នុង​មួយ​ខែ​លើថ្លៃ​អគ្គិសនី​ ក៏​ប៉ុន្តែ​ឥឡូវ​នេះ​​ត្រូវ​ចំណាយ​អស់​ដល់​ទៅ​៣០​ដុល្លារ។​ ខ្ញុំ​ប្រើ​អគ្គិសនី​សម្រាប់​បំភ្លឺ​ និង​មើល​ទូរទស្សន៍​តែ​ប៉ុណ្ណោះ”។ លោក​ ចំរើន​ និយាយ​ថា​ ក្រុម​អ្នក​ភូមិ​បាន​ផ្ញើ​លិខិត​មួយ​ច្បាប់​ជូន​អភិបាល​ស្រុក​ ដើម្បី​ស្នើ​សុំ​ឲ្យ​លោក​ជួយ​ដោះ​ស្រាយ​បញ្ហា​នេះ​ និង​ឲ្យ​ជួយ​តភ្ជាប់​បណ្តាញ​អគ្គិសនី​រដ្ឋ​ ដែល​យក​ថ្លៃ​តែ​៨២០​រៀល​ប៉ុណ្ណោះ ​ក្នុងមួយគីឡូ​វ៉ាត់​ម៉ោង។ លោក​ ឌួង​ ណារិន​ ម្ចាស់​ក្រុម​ហ៊ុន​អគ្គិសនី​ឯក​ជន​នេះ បាន​និយាយ​ថា​ លោក​មិន​អាច​បញ្ចុះ​តម្លៃ​បាន​ទេ​ ដោយ​លោក​លើក​ឡើង​ថា​ តម្លៃនេះ​ត្រូវ​បាន​កំណត់​ដោយអាជ្ញាធរ​អគ្គិសនី​កម្ពុជា។​ លោក​ រ័ត្ន​ ជុំ​ អភិ​បាល​ស្រុក​អង្គរ​ជុំ​ ឲ្យ​ដឹង​ថា​ វា​អាស្រ័យ​លើ​អាជ្ញាធរ​អគ្គិ​សនី​កម្ពុជា​ទេ​ ក្នុងការ​ដោះ​ស្រាយ​បញ្ហា​នេះ​ ដោយ​លោកបន្ថែមថា​ រូប​លោក​បាន​បញ្ជូន​លិខិត​របស់​អ្នក​ភូមិ​ទៅឲ្យអាជ្ញាធរ​អគ្គិសនី​កម្ពុជា​ហើយ។​ អាជ្ញា​ធរ​អគ្គិស​នី​កម្ពុជា ​​មិន​អាច​ទាក់​ទង​ដើម្បី​សុំ​ការ​ពន្យល់​បាន​ទេ៕ ប្រែសម្រួល​ដោយ​ ហួង​ កុក​ទៀន

កា​រ​រួ​មបញ្ចូល​គ្នានៃបក្ស​ ហ្វុ៊នស៊ីនប៉ិច និង​បក្ស នរោត្តម រណឫទ្ធិ បា​ន​ពន្យា​រពេល​ជា​ថ្មី​ម្តង​ទៀត

មិន​ដល់​មួ​យ​​ខែ​ផង​ បន្ទាប់​ពី​​គណ​បក្ស ​ហ៊្វុន​​​​ស៊ីន​បុិចនិង​គណ​បក្សនរោត្តម​ ​រណឫទ្ធិបា​ន​ប្រ​កា​ស​ថា គណ​បក្សទាំង​ពី​រ​នឹង​រួម​កម្លាំង​​​​​​គ្នា​​សម្រាប់​កា​រ​​​បោះ​ឆ្នោត​​ជ្រើស​​រើស​តំ​ណា​ង​រាស្រ្ត​នៅ​ឆ្នាំ​​ក្រោយ​នោះ​ កា​រ​ពិភាក្សា​​អ​ំ​ពី​កា​រ​​​​រួ​ម​បញ្ចូល​គ្នា​​​របស់​អ្ន​ក​រាជា​និ​យមនេះ​ បា​ន​បរាជ័យ។ ​កា​ល​ពី​ថ្ងៃ​ទី​​២៤​ខែ​​​ឧ​សភាព្រះ​អង្គ​ម្ចាស់​ នរោត្តម​ រណឫ​ទ្ធិនិង​លោកញឹកប៊ុន​ឆៃប្រធា​ន​ប្រតិបត្តិ​​គណ​​បក្សហ៊្វុន​ស៊ីន​បុិចបា​ន​​ចេញ​​សេចក្តី​ថ្លែ​ង​ការ​ណ៍​​រួម​មួ​យ ​​អះ​អា​ង​ថា គណ​បក្ស​រាជានិយម​ទាំងពីរ​នឹង​​រួ​ម​បញ្ចូល​គ្នា​ ក្រោយ​​កា​រ​​​បោ​ះ​ឆ្នោត​ឃុំ-សង្កាត់​ថ្ងៃ​ទី​៣​ ខែ​​​មិថុនា។ ​ទោះជាយ៉ា​ង​ណាលោកញឹកប៊ុន​ឆៃបា​ន​​​មា​ន​ប្រ​សាសន៍​កា​ល​ពី​ម្សិលមិញ​ថាការ​រួូម​​​បញ្ចូលគ្នា​នេះ ​មិន​​អាច​ដំណើរ​ការ​ទៅ​មុខ​បាន​ ទេ​ រហូត​ដល់​​ក្រោយ​​ការ​បោះ​ឆ្នោត​ជ្រើស​​​​រើស​តំណាង​រាស្ត្រ​ ហើយ​លោក​បាន​ចោទ​គណបក្ស​ នរោត្ដមរណឫទ្ធិ​ ថា​បាន​​បំបែក​បំបាក់​ សម្ពន្ធភាព​របស់​ខ្លួន​ជា​មួយ​គណបក្ស​ប្រជា​​​ជន​កម្ពុជាដែល​កំពុង​តែ​គ្រប់​គ្រង​អំណាច​។ លោក​ថ្លែងថា “ ​ពេល​នេះ ​គណបក្ស នរោត្ដម​ រណឫទ្ធិ មានពីរ​​​ក្រុម​។ ក្រុមមួយ​ចង់​រួមបញ្ចូល​ជាមួយ​គណបក្ស ​ហ៊្វុន​​​ស៊ីន​​​ប៉ិច ​ហើយ​ក្រុម​មួយ​ទៀត​ចង់​ឲ្យ ​ហ៊្វុន​ស៊ីនប៉ិច​ ជា​គណបក្សមួយប្រឆាំង​នឹង​គណបក្ស​ប្រជា​​​ជន​កម្ពុជា​”។ មុន​ពេល​​ប្រកាសពី​​ផែនការ​រួម​បញ្ចូល​គ្នា​នេះកាល​ពី​ខែ​ឧសភាទាំង​ព្រះ​អង្គម្ចាស់​​រណឫទ្ធិ​ និង​លោកញឹកប៊ុនឆៃ​ បាន​ជួប​ជា​​​មួយ​​​លោក​នាយក​​រដ្ឋមន្ត្រី​ ហ៊ុនសែន​ និង ​សរសើរ​លោក​នាយក​រដ្ឋ​មន្ត្រី​ថា​ បាន​ជួយបក្ស​រាជា​និយម​ទទួល​​​បាន​កិច្ច​ព្រម​ព្រៀង​​មួយ។ យោង​តាម​កិច្ច​ព្រម​ព្រៀង​នោះ​បាន​ឲ្យ​ដឹង​ថាគណបក្ស​ទាំង​ពី​រ​នេះ​នឹង​រួម​បញ្ចូល​គ្នា​ក្រោម​ឈ្មោះ​ ហ៊្វុន​ស៊ីន​ប៉ិចហើយ​​តែង​តាំង​ព្រះអង្គម្ចាស់​...

ប្រធាន​ភូមិ​ CPP​ បញ្ជាឲ្យ​សមាជិកបក្ស​សិទ្ធិមនុស្ស​​ចេញ​ពី​ផ្លូវ​

ប្រធាន​ភូមិ​ថ្លុក​ត្របែក មក​ពី​​គណ​បក្ស​​ប្រជា​ជន​កម្ពុជា នៅ​ក្នុងឃុំ​ភ្នំ​បាត ​ក្នុង​ខេត្ត​កណ្តាល ដែលបា​ន​បដិ​សេធ​មិន​អនុ​ញ្ញាត​ឲ្យ​សមាជិក​គណ​បក្ស​​សិទ្ធិុមនុស្ស​ ដែ​លជា​គណបក្ស​​ប្រឆាំង ប្រើ​ផ​្លូ​វ​ធំ​កាត់​តា​មទី​ប្រជុំ​ជន​ឡើយ ​ដោ​យ​សារ​តែ​ការ​ប្រើ​ពាក្យ​សម្តី​គ្រោត​គ្រាត​របស់​ពួកគេ​ ប្រឆាំង​​គណ​បក្ស​​របស់​គាត់​ នៅ​មុន​ពេល​បោះ​ឆ្នោត​ឃុំ​-សង្កាត់​​កា​ល​ពី​ដើ​ម​ខែ​នេះ​។ ​លោកប្រធា​ន​ភូមិ ចេង សុខុម បា​ន​​មា​ន​ប្រសាសន​៍​តា​ម​​ទូ​រ​ស័ព្ទ​កា​ល​ពី​ម្សិល​មិញ​ថា“​ខ្ញុំ​​បា​ន​ហាម​មនុស្ស​ទាំង​នេះ ​មិនឲ្យ​ប្រើ​​ផ្លូវ​នេះ​ ពី​ព្រោះ​ពួក​គេ​មិន​បា​ន​​ថ្លែង​អំ​ណរ​គុណ​អ្ន​ក​កសាង​ផ្លូវនេះ​ទេ”។ លោក​បា​ន​ពន្យល់​​ថាផ្លូវ​​នេះ​​ត្រូវ​បាន​ក្រាល​ក្រួស​ក្រហម​កា​ល​ព​ី​ឆ្នាំ​មុនជាមួយ​មូល​និធិ​ឃុំ​​ចំនួន៤លាន​​រៀល។ ​លោក សុ​ខុម ​បា​ន​​ចេញ​បញ្ជានេះ​ដំបូង​នៅ​ឯ​កិច្ច​ប្រជុំ​ថ្នាក់​ភូមិ​មួ​យ​កាលពី​សប្តាហ៍​មុន​ និង​បា​ន​និយាយ​ពី​រឿង​នេះ​​​ម្តង​ទៀត ​នៅ​ឯ​ពិធី​​បុណ្យ​មួ​យ​ក្នុង​មូល​ដ្ឋាន​កា​ល​ពី​ថ្ងៃ​សៅរ៍​។ ​លោក​បា​ន​លើក​​ឡើង​ថា “ខ្ញុំ​គ្រាន់​តែចង់​លើក​​ឡើង​ពាក្យ​សម​្តី​ទាំង​នេះ​​ ដើម្បី​កុំ​ឲ្យ​មា​ន​កា​រ​រិះ​គន់​ ពី​ព្រោះ​អ្ន​ក​ទាំ​ង​នោះតែង​តែ​​​រិះ​គន់​យើង​ មុនពេល​បោះ​ឆ្នោត​ និង​រិះ​គន់​ថា​ គណ​បក្ស​ប្រជា​ជន​កម្ពុជា​ គឺជា​អាយ៉ង​​របស់​វៀត​ណា​ម​”។ អ្នក​ភូមិ​ម្នាក់​ឈ្នោះ​ រឿន ធី ដែ​ល​គាំ​ទ្រ​គណ​​បក្សសិទ្ធិមនុស្ស​ នៅ​ក្នុង​កា​រ​បោះ​ឆ្នោត​នេះ ​បា​ន​មា​ន​ប្រ​សាសន៍​ថា គាត់​បាន​ឮថាលោក​ សុខុមចេញ​បញ្ជា​នេះ។គាត់​បាន​និយាយថា “ ប្រធាន​ភូមិ​រូប​នេះ​ ពិត​ជា​បាន​ហាម​អ្នក​គាំ​ទ្រ​គណបក្ស​សិទ្ធិ​​​​មនុស្ស​ មិន​ឲ្យ​ប្រើ​ផ្លូវ​ក្នុង​មូល​ដ្ឋាន​នេះ​មែន។ខ្ញុំ​គិតថា ប្រធាន​ភូមិ​រូប​នេះ​ខឹង​នឹង​ខ្ញុំ​ ពី​ព្រោះ​ខ្ញុំ​បាន​ចូល​រួម​ជាមួយ​គណបក្ស​សិទ្ធិ​មនុស្ស​សម្រាប់​យុទ្ធនាការ​បោះ​ឆ្នោត​នេះ”។ លោក អ៊ូ ចាន់រិទ្ធ ជា​ប្រធាន​ក្រុម​ការ​ងារ​របស់​គណបក្ស​សិទ្ធ​ិមនុស្ស​​​នៅ​ក្នុង​ខេត្ត​នេះបាន​មាន​ប្រសាសន៍ថាការ​គំរាម​កំហែង​បែប​នេះ​ពី​មន្ត្រី​មូល​ដ្ឋាន​របស់​គណ​បក្ស​ប្រជា​ជន​កម្ពុជា​ គ្មាន​អ្វី​ថ្មី​នោះ​ទេ​។ លោក​បាន​មាន​ប្រសាសន៍ថា “​ខ្ញុំ​បាន​ឭ​ភាសា​េនះ​ច្រើន​លើក​ហើយ។ ខ្ញុំ​គិត​ថា វា​ជា​ការ​ធម្មតា​ទេ​សម្រាប់​យើង​ ពី​ព្រោះ​ពួក​គេ​​តែង​តែ​គំរាម​ និង​បំភិត​បំភ័យ​ដូច្នេះ”។ទោះ​ជា​ធម្មតា ​ឬ​ក៏​មិន​ធម្មតាក៏​ដោយ​ លោកម៉ែន​ មករាអ្នក​សម្រប​សម្រួល​របស់​អង្គការ​សិទ្ធិ​មនុស្ស​អាដហុកប្រចាំ​ខេត្ត​នេះបានថ្លែង​​ថា ផ្លូវ​សាធារណៈ​បែបនេះ មិន​មែន​ជា​កម្ម​សិទ្ធិ​របស់​បក្ស​ណាមួយ​នោះ​ទេ​ ហើយ​​នរណា​ក៏​អាច​ប្រើ​ផ្លូវ​នេះ​បាន​ដែរ​។ លោក​បាន​មាន​ប្រសាសន៍​ថា “ប្រ​ធាន​ភូមិ​រូប​នេះ​មិន​គួរ​ប្រើ​អំណាច​របស់​ខ្លួន ហាម​ឃាត់​អ្នក​ដទៃ​នោះ​ទេ ពី​ព្រោះ​ពួក​គេ​ជាអ្នក​គាំ​ទ្រ​គណបក្ស​នយោ​បាយ ពី​ព្រោះ​ការ​ធ្វើ​ដូច្នេះជាការ​​ខុស​ច្បាប់​ និង​ការ​រើស​អើង​ផ្នែក​នយោ​បាយ​”។ លោក ជាម យៀប សមាជិក​សភា​គណ​បក្ស​ប្រជា​ជន​កម្ពុជា បាន​មាន​ប្រសាសន៍ថាលោក​សង្ស័យចំពោះ​​ការ​អះ​អាង​របស់គណ​បក្ស​សិទ្ធិ​មនុស្ស​។ លោក​បាន​មាន​ប្រ​សាសន៍​ថា “ ខ្ញុំ​គិត​ថាអាជ្ញា​ធរ​មូល​ដ្ឋាន​របស់​គណ​បក្ស​ប្រជា​​ជន​កម្ពុជា​របស់​យើង មិន​បាន​ធ្វើ​ដូច​ដែល​គណ​​​​បក្ស​​ប្រឆាំង​ចោទ​នោះ​ទេ”។ លោក​បាន​មានប្រសាសន៍​បន្ថែមទៀត​ថា ហើយ​បើ​ទោះ​ជា​ពួកគេ​បាន​ធ្វើ​ដូច្នេះ​មែន វា​ទំនង​ជា​​ការ​លេង​សើច​ប៉ុណ្ណោះ។ គណបក្ស​ប្រជា​ជន​កម្ពុជា​ បាន​ទទួល​ជ័យ​ជម្នះ​ក្នុង​ការ​បោះ​ឆ្នោត​ឃំុ-សង្កាត់កាល​ពី​ថ្ងៃ​ទី​៣​ ខែ​មិថុនា ដោយ​ទទួល​បាន​មុខតំណែង​​ចៅ​សង្កាត់​និង​មេ​ឃំុ​ជាង​១.៦០០​។គណបក្ស​​ សិទ្ធ​មនុស្ស​ ដែល​ចូល​រួម​ក្នុង​ការ​បោះ​ឆ្នោត​ឃំុ-សង្កាត់​ជា​លើក​ដំបូង​របស់​ខ្លួន ​​ទទួល​បាន​១៨​អាសនៈ៕ ប្រែ​សម្រួល​ដោយចេវប៊ុននី​