សាលា​ដំបូង​ខេត្ត​កោះ​កុង​ពន្យារ​ពេល​សវនាការ​ទំនាស់​ដី​ធ្លី​ជាមួ​យក្រុម​ហ៊ុន​ចម្ការអំពៅម្តង​ទៀត​

មេធា​វី​និង​តំណាង​អ្នក​ភូមិ​បាន​​និយាយ​កាល​ពី​ម្សិល​មិញ​ថា ​សាលា​ដំបូង​ខេត្ត​កោះកុង​​បាន​ពន្យា​រពេល​សវនា​ការ​រឿង​ក្តី​ដ៏​ចម្រូង​ចម្រាស់​​មួយ​ប្រឆាំង​​នឹង​ក្រុម​ហ៊ុន​ចម្ការអំ​ពៅ​ថៃ​​ ដែល​​ប្រ​ជា​ពលរដ្ឋ​ជាង​២០០​គ្រួសារ​ចោទ​​ថា បាន​ចាប់​យក​ដី​របស់​ពួកគាត់​សម្រាប់​​ចម្ការ​អំពៅ​​របស់​ក្រុមហ៊ុន​នេះ។ លោក​​ស្រី​ នីសោភ័ណ្ឌនារី​ មេធាវី​​​របស់​អ្នក​ភូមិ​មាន​ប្រសាសន៍​ថា ​ប្រ​ធាន​អង្គ​ជំនុំ​ជម្រះ​សាលាដំបូង​ខេត្ត​​បាន​សម្រេច​​​ពន្យា​​រពេល​សវនា​ការនេះ​​ពី​ព្រោះ​​មាន​ប្រ​ជា​ពលរដ្ឋ​ចំនួន​១៥​នាក់​ បាន​ដក​ពាក្យ​បណ្តឹង​​របស់​ខ្លួន​កាល​ពី​ពេល​ថ្មីៗ​នេះ​​ ហើយ​​មេធាវី​តំណាង​ឲ្យ​ក្រុម​ហ៊ុន​អវត្តមាន។លោក​ស្រី​បាន​បន្ថែម​ទៀត​ថា ពួក​គេ​គួរ​តែ​ប្រាប់​យើង​​ជា​មុន​អំពី​អវត្ត​មាន​របស់​មេធាវី​តំណាង​ឲ្យ​ក្រុម​ហ៊ុន​នេះ។ លោក​ស្រីសោភ័ណ្ឌនារីបាន​ថ្លែង​ថា “ ​ខ្ញុំ​គិត​ថា ការ​​ពន្យារ​ពេល​សវនាការ​នេះ​ពិត​ជា​ធ្វើ​ឲ្យ​ប៉ះពាល់​ដល់​សហគមន៍​នេះ​និង​ស្ថាន​ភាព​​រស់​នៅ​របស់​ពួក​គាត់... នៅ​ពេល​ដែល​ពួក​គាត់​មក​កាន់​ទី​រួម​ខេត្ត​កោះ​កុង​ ពួក​គាត់​​ត្រូ​វ​ប្រមូល​ប្រាក់​ដើម្បី​ជួល​រថយន្ដ​​​ ដូច្នេះ​ពួក​គាត់​បាន​ចំណាយ​ប្រាក់​ជា​ច្រើន​ និង​ពួក​គាត់​មិន​ទទួល​បាន​លទ្ធផល​អ្វី​ទាល់​តែ​សោះ”​។ នេះ​គឺ​ ជា​រឿង​ក្តី​ធំ​មួយ និង​​ស្មុគ​ស្មាញ​ ដូច្នេះហើយ​ចៅ​ក្រម​បាន​ថ្លែង​ថា លោក​ត្រូវ​ការ​ពេល​វេលា ដើម្បី​ពិនិត្យ​សំណុំ​រឿង​នេះ​ ក៏ប៉ុន្ដែ​លោក​​​បាន​​ចំណាយ​ពេល​​ប្រហែល​​ពីរ​ឆ្នាំ​​មក​ហើយ​ ដើម្បី​សិក្សា​​សំណុំ​រឿង​នេះ។ ដី​មាន​​ទំនាស់​​ទំហំ​ជាង​២.០០០​ហិក​តា​​នេះ​ស្ថិត​នៅ​​ក្នុង​ឃុំ​ជីខលើ​ ស្រុក​ស្រែ​អំបិល​ ខេត្ត​កោះ​កុង​ ដែល​ក្រុម​ហ៊ុន​ឧស្សាហកម្ម​​ស្ករស​កោះ​កុង​ និង​ក្រុមហ៊ុន​ដៃ​គូ​របស់​ខ្លួន​ដែល​ពី​មុន​ជាប់​​ពាក់​ព័ន្ធ​​នឹង​​លោក​ លី​ យ៉ុង​ផាត់សមាជិក​ព្រឹទ្ធសភា​គណបក្ស​ប្រជាជន​កម្ពុជា​មុន​ពេល​​លោក​បាន​លក់​ភាគ​ហ៊ុន​របស់​លោក​​នោះ​ បានទទួល​ជា​ដី​​សម្បទាន​សេដ្ឋកិច្ច​ ក្នុង​ឆ្នាំ​២០០៦​។ប្រជាពល​រដ្ឋ​​ដែល​រង​ផល​ប៉ះ​ពាល់​​ទាំង​​២២០​គ្រួសារ​ បាន​ដាក់​ពាក្យ​ប្តឹង​​ក្រុមហ៊ុន​នេះកាល​ពី​ខែកុម្ភៈ​ឆ្នាំ​២០០៧ ប៉ុន្ដែ​​ ការ​​ពន្យារពេល​ និង​ការ​​ចរចា​​រក​ដំណោះ​ស្រាយមិន​​បានសម្រេច​​បាន​ធ្វើ​ឲ្យ​រាំង​ស្ទះ​ដល់​​ការ​ដោះ​ស្រាយ​បញ្ហា​នេះ។ លោកអានហៃ​យ៉ា ​តំណាង​អ្នក​ភូមិ​បាន​មាន​ប្រសាសន៍​ថា​​ អ្នក​ភូមិ​ចំនួន​១៥​នាក់​ត្រូវ​បាន​គេ​ឲ្យ​ប្រាក់​២.០០០​ដុល្លារ​​ជា​ថ្នូរ​នឹង​កា​​រដក​ពាក្យ​បណ្តឹងរបស់​ពួក​គាត់​កាល​ពី​ខែ​មិថុនា​ និង​ខែ​កក្កដា​។ លោក ហៃយ៉ា ​បាន​មាន​ប្រ​សាសន៍​បន្តថា​ “យើង​យល់​ថា​ ពួក​គាត់​​ប្រហែល​ជា​​មាន​គេ​បំភិត​បំ​ភ័យ​​ ឬ​​ខ្លាច​មាន​បញ្ហា​​អ្វី​មួយ​​កើត​ឡើង​ចំ​ពោះ​សមាជិក​គ្រួសារ​របស់​ខ្លួនហើយ​​”។​លោក​បាន​បន្ថែម​ថា  ទោះជា​យ៉ាង​ណា​ ​លោក​​មានការ​សោក​ស្តាយ​ណាស់​​ដែល​​​សវនាការ​នេះ​ត្រូវ​បាន​​ពន្យារពេល​ម្តង​​ទៀត។ លោក ទូច ឆាយ​ មេធាវី​​របស់​ក្រុមហ៊ុន​ស្ករស​កោះកុង​បាន​បញ្ជាក់​ថា​ លោក​បាន​ស្នើ​ឲ្យ​តុលាការ​ពន្យា​រពេល​ “ កាល​ពី​សប្តាហ៍​មុន”  ដោយ​សារ​លោក​មាន​ការ​ងារ​បន្ទាន់​នៅ​ក្រៅ​ប្រ​ទេស ​​ហើយ​លោក​​បាន​បដិសេធ​មិន​ធ្វើ​អត្ថាធិប្បាយ​អំ​ពី​សំណង​របស់​អ្នក​ភូមិ​នោះ​ទេ​។ លោក ​ ហេង​ កេ​សា​រោ ប្រ​ធាន​អង្គ​ជំនុំ​ជម្រះមិន​អាច​ទាក់ទង​សុំ​​ការ​​អត្ថា​ធិប្បាយ​បាន​ទេ។ បន្ទាប់​ពី​បាន​ដឹង​ថា ​តុលាការ​​ពន្យារពេល​សវនាការ​នេះ ​ប្រ​ជា​ពលរដ្ឋ​ជាង​២០០​នាក់​​បាន​តវ៉ា​នៅ​ខាង​ក្រៅ​តុលាការ។អ្នក​ភូមិ​ម្នាក់​ឈ្មោះ​ យួស​ ឯម ​អាយុ​៤៨​ឆ្នាំ​ដែល​បាន​បាត់​បង់​ដី​ចម្ការ​​ស្វាយ​ចន្ទី​របស់​គាត់​​អស់​​៤,៥​ហិកតា​ទៅលើ​ក្រុម​ហ៊ុន​​នេះ​បាន​និយាយ​ថា អ្នក​ស្រី​បាន​ធ្វើ​ដំណើរ​រយៈពេល​មួយ​ថ្ងៃ​កន្លះ​​​ទើប​មកដល់​​តុលាការ​នេះ​។ អ្នក​ស្រី​បាន​បន្ថែម​ថា​"​តុលាការ​មិន​ខ្វល់​អំពី​ប្រជាពលរដ្ឋ​ក្រីក្រ​ដែល​​រង​ការ​ឈឺចាប់​ដោយ​សារ​ការ​បាត់​បង់​ដី​ស្រែ​ចម្ការ​​របស់​ខ្លួនយ៉ាង​ណានោះ​ទេ​ហើយ​ឥឡូវ​នេះ​យើង​គ្មាន​ជម្រើស​អ្វី​ដើម្បី​ចិញ្ចឹម​ជីវិត​ទេ​"។ ការ​ពន្យាពេល​នេះ​បាន​កើត​ឡើង​មួយ​ថ្ងៃ​បន្ទាប់​ពី​​គណៈ​កម្មា​ការ​​សិទ្ធិ​មនុស្ស​ជាតិ​ក្នុង​ប្រ​ទេស​​ថៃ​(NHRC)ដែល​ជា​ស្ថាប័ន​​របស់​រដ្ឋាភិបាល​មាន​ភារកិច្ច​ស៊ើប​អង្កេត​ពី​ការ​រំលោភ​បំពាន​​សិទ្ធិ​មនុស្ស​នោះ​ ​​បានបង្ហាញ​លទ្ធផល​​បឋមថា​​ក្រុម​ហ៊ុន​ឧស្សហកម្ម​ស្កសរ​​ឃុន​ខែន​​ (Khon Kaen Sugar Industry)​របស់​ថៃ​បាន​ “​បំពាន”គោល​ការណ៍​សិទ្ធិ​​​​​​​​​​​​​​មនុស្ស​។ ក្រុម​ហ៊ុន​ឧស្សហកម្ម​ស្កសរ​ឃុន​ខែនមាន​ភាគ​ហ៊ុន​ចំនួន​៧០​ភាគរយ​​​នៅ​ក្នុង​ក្រុម​ហ៊ុន​​ស្ករស​កោះ​កុង​។ លោកបណ្ឌិតនីរ៉ាន​​ពីតា​វ៉ាត់ចារ៉ា ​ប្រធាន​​គណៈ​កម្មា​ការ​​សិទ្ធិ​មនុស្ស​ជាតិ​ក្នុង​ប្រ​ទេស​​ថៃ​បាន​លើក​ឡើង​​ក្នុង​សេចក្តី​ថ្លែង​ការណ៍​​ថា"​យើង​បាន​រក​ឃើញ​​ការ​បំ​ពាន​សិទ្ធិ​​​រស់​រាន​មាន​ជីវិត​​​និង​ជា​ពិសេស​សិទ្ធិ​​ស្វ័យ​សម្រេច​របស់​ប្រជាពលរដ្ឋ​។គណៈ​កម្មា​ការ​​សិទ្ធិ​មនុស្ស​ជាតិ​ក្នុង​ប្រ​ទេស​​ថៃ​នេះ​​ក៏បាន​​បង្ហាញ​ពី​​ការ​ខកខាន​មិន​បាន​​គោរព​​សិទ្ធិ​​ទទួល​បាន​ការ​អភិវឌ្ឍរបស់​ប្រ​ជា​ពលរដ្ឋដែរ៕ ប្រែសម្រួល​ដោយឃិន​ណៃ

ជម្លោះ​​ដែន​សមុទ្រ​ចិន​ខាង​ត្បូង​ បង្ហាញ​ឲ្យ​ឃើញ​ពី​ទំនាក់​ទំនង​​ រវាង​កម្ពុជា និង​ក្រុង​ហាណូយ​

នៅ​ពេល​ប្រទេស​កម្ពុជា​មិន​សូវ​យក​ចិត្ត​ទុក​ដាក់​ចំពោះ​ជម្លោះ​ដែន​ទឹក​នៅ​ក្នុងសមុទ្រ​ចិន​ខាង​ត្បូង​ អំឡុង​កិច្ច​ប្រជុំ​អាស៊ាន​រយៈ​ពេល​មួយ​សប្ដាហ៍​ក្នុង​រាជធានី​ភ្នំពេញ​​កាល​ពី​ដើម​ខែ​នេះ​ វា​បាន​បង្ហាញ​ឲ្យ​ឃើញ​នូវរឿង​ដ៏​កម្រ​មួយ​ ដែល​រដ្ឋា​ភិបាលកម្ពុជា​ហា៊ន​​ប្រឆាំង​ទៅ​នឹង​ប្រទេស​វៀត​ណាម​ ដែល​ជា​ប្រទេស​ជិត​ខាង​ និង​ជា​សម្ពន្ធ​មិត្ត​របស់​ខ្លួន​នៅ​លើ​ឆាក​អន្ដរជាតិ​។ អ្នក​អង្កេតការណ៍និង​អ្នក​វិភាគ​មួយ​ចំនួន​បាន​លើក​ឡើង​ថា ភាព​ប្រេះ​ឆា​នេះ​ជា​សញ្ញា​​ថ្មី​បំផុត​នៃ​ឥទ្ធិពលធ្លាក់​ចុះ​របស់​ប្រទេស​វៀតណាម ចំពោះ​ប្រទេស​ដែល​ខ្លួន​ធ្លាប់​បាន​ជួយ​ ប៉ុន្ដែ គេ​រំពឹង​ថា ទំនាក់​ទនង​រវាង​ប្រទេស​កម្ពុជា​ និង​ប្រទេស​វៀតណាម នឹង​អាច​ប្រសើរ​ឡើង​វិញ​។ លោកខាលថាយ័រ (Carl Thayer) អតីតសាស្ត្រាចារ្យ​នៅ​ឯ​សាកល​វិទ្យល័យ​ញូវសៅ​វេលស៍ (New South Wales) របស់​បណ្ឌិត្យ​​សភា​កង​ទ័ព​ការ​ពារ​ជាតិ​អូស្ត្រាលី ​លើក​ឡើង​ថា “ ​ប្រទេស​វៀតណាម​ពិត​ជា​មិន​សប្បាយចិត្ត​សោះ ដោយ​សារ​តែ​​កម្ពុជា​បាន​ជំទាស់​មិន​ព្រម​​ចេញ​សេចក្ដីថ្លែងការណ៍​រួម​”។ ​ទោះ​បី​ជា​យ៉ាង​ណា​លោក​បាន​បន្ថែម​ថា​ “ ភាគី​ទាំង​ពីរ​មាន​រចនា​សម្ពន្ធរឹងមាំសម្រាប់​ស្តារទំនាក់​ទំនង​ទ្វេភាគី​របស់​ខ្លួន​ ដែល​នឹង​អាច​ទ្រាំទ្រ​នូវ​ភាព​តាន​តឹង​ថ្មីៗ​នេះ​បាន​”។ ភាព​តាន​តឹង​ទាំង​នោះ​​ធូរ​ស្បើយ​ឡើង​​វិញ​ កាល​ពី​ថ្ងៃ​ទី​១៣ ខែកក្កដា នៅ​ពេល​ ដែល​​កិច្ច​ប្រជុំ​របស់រដ្ឋមន្ត្រី​ការ​បរទេស​អាស៊ានបាន​ទទួលបរាជ័យ​ក្នុង​ការ​សង្គ្រោះ​កិច្ច​ប្រជុំ​ប្រចាំ​ឆ្នាំ​របស់​ខ្លួន​ ក្នុងការ​ខកខានមិន​បាន​ចេញ​សេចក្ដី​ថ្លែងការណ៍​រួម ដែលជា​បរាជ័យ​លើក​ដំបូង​បង្អស់ក្នុងរយៈ​ពេល​៤៥​ឆ្នាំ​ នៃ​ប្រវត្តិ​កិច្ច​​ប្រជុំ​របស់​ខ្លួន​។ ប្រទេស​ហ្វីលីពីន ចង់​ឲ្យ​​ចេញ​សេចក្ដី​ថ្លែងការណ៍​រួមដើម្បី​បញ្ជាក់ការ​ពិត​ អំពីការ​ប្រឈម​មុខ​ដាក់​គ្នា​នៅ​ក្នុងដែន​សមុទ្រ ​កាល​ពី​ពេល​ថ្មី​ៗ​ជាមួយ​នឹង​ប្រទេស​ចិន ជុំវិញ​ជម្លោ​ះនៅតាមប្រជុំ​កោះ​មួយចំនួន នៅក្នុង​សមុទ្រ​ចិន​ខាង​ត្បូង​ ដែល​ជា​កន្លែង​សម្បូរ​ទៅ​ដោយ​ធនធានប្រេង​ និង​ឧស្ម័ន​នោះ។រីឯ​ប្រទេស​វៀតណាមដែល​កំពុង​តែ​ប្រកួត​ប្រជែង​ និង​កំពុង​តែ​មាន​ភាព​តាន​តឹង​កើន​ឡើង​ ចំពោះ​ការ​ទាម​ទារ​សិទ្ធិ​កាន់​កាប់​ក្នុង​ដែន​សមុទ្រ​ចិន​ខាង​ត្បូង​ជាមួយ​នឹង​ប្រទេស​ចិន​ដែរ​នោះ​ ក៏បាន​គាំទ្រ​ទង្វើ​នេះ​ដែរ​។ប៉ុន្ដែប្រទេស​កម្ពុជា ​ដែល​ជា​ប្រធាន​អាស៊ាន​ ​ក្នុង​ឆ្នាំ​​នេះ បាន​បដិសេធ​ថា មិន​បាន​បរាជ័យ​នៅ​ក្នុង​​​ការ​ចេញ​សេចក្ដី​ថ្លែង​ការណ៍​រួម​នោះ​ទេ​។ ទោះ​បី​ជា​រដ្ឋាភិបាលក្រុងភ្នំពេញ​បាន​ច្រាន​ចោល​យ៉ាង​ដាច់​អហង្ការ ​ចំពោះ​ការ​លើក​ឡើង​មួយ​ចំនួន​ថា ខ្លួន​កំពុង​តែ​បម្រើ​ប្រទេស​ចិន​ ដែល​ជាអ្នកបាន​ផ្ដល់​ជំនួយយ៉ាង​ច្រើនដល់​កម្ពុជា និងមិន​ចង់​ឲ្យ​កិច្ច​ប្រជុំអាស៊ាន​ ​លើក​យក​ជម្លោះ​សមុទ្រ​ចិន​ខាង​ត្បូង​​មក​​​​ពិភាក្សា​ក៏ដោយក៏​ប្រទេស​កម្ពុជា​នៅ​តែ​ទទួល​​​ង​ការ​រិះ​គន់​ជា​ច្រើនពី​សាធារណៈជន។ ប្រទេស​វៀត​ណាម​​ប្រហែល​ជា​បរាជ័យ​នៅក្នុង​ការ​លើកយក​ជម្លោះ​ក្នុងដែន​សមុទ្រ​ចិន​ខាង​ត្បូង មកពិភាក្សា​ក្នុង​កិច្ច​ប្រជុំនេះ​។ប៉ុន្ដែលោកថាយ័របាន​មាន​ប្រសាសន៍​ថារដ្ឋា​ភិបាលទី​ក្រុង​ហាណូយ បាន​ប្រើ​វិធី​សាស្ត្រ​ “ជាក់​ស្ដែង” បន្ថែម​ទៀត​​ ដើម្បី​រក្សា​ទំនាក់​ទំនង​របស់​ខ្លួន​ជាមួយ​ប្រទេស​កម្ពុជា​ ​និង​ជាមួយប្រទេសលាវ។ លោក​​​លើក​ឡើង​ថា “ ប្រទេស​វៀត​ណាម​មើល​ឃើញ​ថា ឥទ្ធិពល​របស់​ខ្លួន​មក​លើ​ប្រទេស​កម្ពុជា និង​ប្រទេស​លាវបាន​ធ្លាក់​​ចុះ​បើ​ប្រៀប​ធៀប​ជាមួយ​នឹង​ឥទ្ធិពល​របស់​ប្រទេស​ចិន​ ដែល​កំពុង​តែ​កើន​ឡើង​នោះ​។ប៉ុន្ដែ ប្រទេស​វៀត​ណាម​មិន​បាន​បង្ហាញ​ថាទំនាក់​ទំនង​ទាំង​នេះ​បាន​ធ្លាក់​ចុះ​ដល់​ចំណុច​សូន្យ​នោះ​ទេ”។លោក​បាន​បន្ដ​ថា“ប្រទេស​វៀតណាម​មាន​តួនាទី​សំខាន់ណាស់​មក​លើ​ប្រទេស​ទាំង​ពីរ​នេះ។ ប្រទេស​វៀតណាម​មាន​ការ​ព្រួយ​បារម្ភ​ខ្លាំង​ ចំពោះ​សកម្ម​ភាព​ជាក់ស្តែងរបស់​ប្រទេស​ចិន​ នៅក្នុង​ដែន​សមុទ្រ​ចិន​ខាង​ត្បូង​ ច្រើន​ជាង​​ការ​ព្រួយ​បារម្ភ​ចំពោះ​ឥទ្ធិពល​ប្រទេស​ចិន​មក​លើ​ប្រទេស​កម្ពុជា​”។ លោក ថាយ័រ ក៏បាន​​​គូស​​​បញ្ជាក់​​​ផង​​​ដែរ​​​ថាទំនាក់​​​ទំនង​​​បែបជិត​​​ខាង​​​របស់​​​ប្រទេសនេះមិនសូវបានល្អ​​​ ចាប់តាំងពីមានការប្រឆាំង​​​ដោយពាក្យសម្តីចំពោះប្រទេសវៀត​​​ណាម​​​ ពីសំណាក់​​​គណបក្ស​​​ហ៊្វុនស៊ិនប៉ិច នៅ​ពេល​គណបក្ស​​​នេះ ចង់មានប្រៀប​​​ជា​​​មួយដៃ​​​គូ​​​ចម្រុះ​​​នៅក្នុងរដ្ឋាភិបាល​​​ និងការព្យាយាម​​​ម្ដង​​​ហើយ​​​ម្ដង​​​ទៀត​​​របស់គណបក្ស​​​ប្រឆាំង​​​ ក្នុង​​​ការ​ធ្វើឲ្យមានភាពតានតឹងជុំវិញ​​បញ្ហាព្រំដែន។ លោក ប៉ាវិន ឆាឆាវ៉ាល់ប៉ុងពុន (Pavin Chachavalpongpun) សាស្ត្រាចារ្យ​​​មកពី​មជ្ឈ​មណ្ឌល​​​សម្រាប់​​​ការ​​​សិក្សាស្រាវជ្រាវ ផ្នែក​​​អាស៊ីអាគ្នេយ៍​​​របស់​​​សាកល​​​វិទ្យាល័យ​​​ក្យូតូ ​(Kyoto University) បាន​​​លើក​​​ឡើង​​​ថា ប្រទេ​​ស​​​​កម្ពុជា​​​ពិត​​​ជាបាន​​​ធ្វើ​​​កិច្ច​​​ការ​​​មួយ​​​យ៉ាង​​​ល្អ​​​ដោយ​​​ធ្វើឲ្យ​​​មាន​​​តុល្យភាព​​​នៃ​​​ទំនាក់​​​ទំនង​​​ជាមួយ​​​នឹង​​​ប្រទេស​​​ជិត​​​ខាង​​​ធំ​​​ពីរ​​​របស់​​​ខ្លួន​​​ហើយ​​​លោក​​​ ហេង សំរិន ប្រធាន​​​រដ្ឋសភា​​​ជាតិ​​​ដែល​​​បានធ្វើ​​​ដំណើរ​​​ទៅ​​​កាន់​​​ប្រទេស​​​វៀតណាម​​​ក្នុង​​​សប្ដាហ៍នេះ​​​ ទំនង​​​មាន​​​ន័យ​​​ថាដើម្បី​​​ធ្វើ​​​ឲ្យ​​​អារម្មណ៍​​​តាន​​​តឹង​​​រវាង​​​ប្រទេស​​​ទាំង​​​ពីរ​​​បាន​​​ធូរ​​​ស្រាល​​​ឡើង​​​វិញ។ បន្ទាប់​​​ពី​​​ផ្ដួល​​​រំលំរបបខ្មែរ​​​ក្រហមភ្លាម​​​ប្រទេស​​​វៀតណាម បាន​​​លើកបន្តុប​​​លោក​​​ហេង​​​ សំរិនដែល​​​ជា​​​អ្នក​​​គេចចេញពីរបប​​​ខ្មែរ​​​ក្រហម​​​ ឲ្យ​​​ធ្វើ​​​ជា​​​មេដឹក​​​នាំ​​​នៃ​​​របប​​​ថ្មី​​​។មន្ត្រី​​​​​កម្ពុជា​​​ និងមន្ត្រី​​វៀតណាម​​​បាន​​​លើកឡើង​​​ថា ដំណើរ​​​របស់​​​លោក​​​ ហេង សំរិន ទៅ​​​កាន់​​​ប្រទេស​​​វៀតណាម​​​ គឺ​​​ផ្ដោត​​​លើ​​​កិច្ច​​​ពិភាក្សា​​​អំពី​​​ការ​​​ធ្វើ​​​ពាណិជ្ជកម្ម​​​។ លោក ​​​ប៉ាវិន បាន​​​មានប្រសាសន៍​​​ថា “ ប៉ុន្ដែ​​​ គេ​​​បាន​​​ដឹង​​​យ៉ាង​​​ច្បាស់​​​ថា​ ការ​​ធ្វើ​​​ដំណើរ​​​របស់​​​លោក​​​ ហេង​​​ សំរិន​​​ ទៅ​​​កាន់​​​ប្រទេស​​​វៀតណាម​​​ គឺ​​​ដើម្បី​​​ជួយ​បក​ស្រាយ​​​ការ​​​យល់​​​ច្រឡំ​​​រវាង​​​ប្រទេស​​​ទាំង​​​ពីរ​​​។ មួយ​​​សប្ដាហ៍​​​បន្ទាប់​​​ពី​​​កិច្ច​​​ប្រជុំ​​​បាន​​​ទទួល​បរាជ័យ​​​ ដោយមិនអាចចេញ​​​សេចក្ដី​​​ថ្លែ​ង​ការណ៍​​​រួម​​​បាន រដ្ឋមន្ត្រី​​​ការ​​​បរទេស​​​អាស៊ាន​​​ ទីបំផុតបាន​​​រៀបចំ​​​ចេញសេចក្ដី​​​ថ្លែងការណ៍​​​រួម​​​មួយ​​​ ដែល​​​មាន​​​ប្រាំមួយ​​​ចំណុច​​​ ស្ដី​​​អំពី​​​ជម្លោះក្នុងដែនសមុទ្រ​​​ចិន​​​ខាង​​​ត្បូង​​​ ដើម្បី​​​ជួយ​​​បញ្ជៀស​​​នូវ​​​ភាព​​​ចម្រូង​​​ចម្រាស ជុំវិញ​ជម្លោះ​​នៅ​​តាមប្រជុំ​​​កោះ​​​ជា​​​ច្រើន​​​។ នៅ​​​ក្នុងអត្ថបទ​​​មួយ​​​ស្ដីអំពីទំនាក់​​​ទំនង​​​ការបរទេស​​​ ដែលសរ​​​សេរ​​​ដោយ​​​លោកចូសូគឺឡានហ្សិក​​​...

អ្នក​​​ភូមិ​​​នៅតែ​​​បន្ត​​​ធ្វើដំណើរ​​​ភ្លូកទឹក​​​ភ្លូកដី​​​ទៅ​​​មើល កំណាត់​​​ឈើ​​​មាន​​​បារមី​​​ នៅ​​​​​​​​​​ក្នុង​​​ខេត្ត​​​ពោធិ៍សាត់

កាលពី​​​ម្សិលមិញ​​​អ្នក​​​ភូមិ​​​ទាំង​​​ក្រុម​ៗ​​​បាន​​​​​ធ្វើ​ដំណើរ​ទៅ​​​​ស្រុក​​​បាកាន​​​ខេត្ត​​​ពោធិ៍សាត់​​​ដើម្បី​​​មើល​​​ឈើមួយកំណាត់​​​ធំ​​​ ដែលគេ​​​ជឿថា​​​ មាន​​​បារមី​​​អាច​​​នាំ​​​មក​​​នូវ​​​​សំណាង​ល្អ​និង​​​អាច​​​ព្យាបាល​​​ជំងឺបាន។ អ្នក​​​ភូមិ​​​ជាង​​​៣.០០០នាក់​​​បាន​​​មក​​​កាន់​​កន្លែងនេះ​​​ចាប់​​​តាំង​​​ពី​​ថ្ងៃទី១៥​​​ខែ​​​កក្កដា​​​​មក​បន្ទាប់​​​ពី​​កំណាត់​​​ឈើ​​​មួយ​ដើម​​​​​​ប្រវែង​​​១៣​ម៉ែត្រ​​​ត្រូវ​​​បាន​​​គេ​​​គាស់​​​យក​​​ចេញ​​​ពី​​​បាត​​​ស្រះ​មួយ​ដែល​ទើប​ជីក​​​​​​នៅ​​​ពេល​​​ថ្មី​​ៗនេះ ។ តាំង​​​ពី​ថ្ងៃគាស់​​​ចេញមក​​​ កំណាត់ឈើ​​​នោះ​​​ត្រូវ​​​បាន​​​គេ​​​ជឿថា មាន​​​បារមី​​គ្រប់យ៉ា​​​ង​​​​ចាប់​ពី​​បារមីព្យាបាល​​​ជំងឺរហូតដល់​​​ការ​​​ផ្តល់​​​ជា​​​លាភ​​​សក្ការៈ។ អ្នក​​​ភូមិ​​​​​​យក​​​ម្សៅ​​​ទៅលាប​​​លើ​​កំណាត់​​ឈើនោះ​​​ដោយ​​​សង្ឃឹមថា​​​ នឹងបាន​​​លេខ​​​ឆ្នោត។​​​ ពួកគេ​​​នាំ​​​គ្នា​​​ផឹក​​​ទឹក​​​ស្រះ និង​​​យក​​​ដី​​​ភក់​​​​នៅ​ជិត​ឈើ​នោះ​មក​លាប​​​ខ្លួន​​​ទៀត​​​ផង​​​។ លោក ហ៊ុន នៅ ប្រធាន​​​ភូមិ​​​ព្រៃយាង​​​ ឃំុ​​​អូរតា​​​ប៉ោង​​​ ស្រុក​​​បាកាន​​​ខេត្ត​​​ពោធិ៍សាត់​​​ បាន​មានប្រសាសន៍ទាំង​​​អស់​​​សំណើច​​​ថា “ មនុស្ស​​​​នៅ​តែនាំ​​​គ្នា​​​មក​​​”។ លោក​​​បន្ថែម​​​ថា អ្នក​​​ភូមិ​​​ប្រហែល​​​១៥០​នាក់​​​ទៀត​​​បាន​​​មក​​កន្លែង​​​នេះ​​​​កាលពី​​ម្សិល​មិញ​​​ គឺ​សុទ្ធតែ​​​មក​​​ពី​​ទី​ឆ្ងាយៗ ​​​ដូចជា​​​ភ្នំពេញតាកែវ និង​​​ប៉ោយ​​​ប៉ែត​​​ជា​ដើម។ លោក​​​​​​មាន​​​ប្រសាសន៍ថា​​​ “ មនុស្ស​​​ទាំង​​​នេះ​​​បាន​​​ឮថា​​​ ​​​កំណាត់ឈើនេះ​​​ចេះ​​​និយាយ។​​​​ អ្នក​​​ខ្លះ​​​ថែម​​​ទាំង​​​បាន​​​ឮថា ឈើនេះ​​​ត្រូវ​​​បាន​​​គេគាស់​​​មក​​​ទាំង​​​​​​ស្លឹក​​​ខៀវ​​​ស្រងាត់​​​ទៀត​​​ផង​​​។ ខ្ញុំ​​​កំពុង​​​តែ​​​ឆ្ងល់​​​ថា ហេតុ​​​អី​​​្វបាន​​​ជា​​​មនុស្ស​​​ទាំង​​​នេះ​​​ជឿ​​​បែប​​​នេះ​​​”។​​​ អ្នក​​​ជំនាញ​​​និយាយ​​​ថា​​​ ទស្សនបែបនេះ​​​​កើត​​​​ចេញ​​​ពី​​​ជំនឿខាង​​​ព្រលឹង​​​​​​ដែល​​​​​​មាន​​​ក្នុង​​​សង្គម​​​ខ្មែរ​​​តាំង​​​ពី​​​មុន​​​ពុទ្ធ​សាសនា​ចូល​មក​ម្លេ៉ះ។ លោក ដោក ណារិន រដ្ឋលេខាធិការ​​​ក្រសួង​​​​ធម្មការ​​​និង​​​សាសនា​​​បាន​​​មាន​​​ប្រ​​​សាសន៍ថា​​​តាមប្រវត្តិសាស្រ្ត​​​ ប្រជាជន​​​ខ្មែរ​​​​​​មាន​​​ជំនឿ​​បារមី​កើេត​ចេញ​ពី​​វត្ថុធម្មតា។ លោក​​​មាន​​​ប្រសាសន៍ថា​​​ “ មនុស្ស​​​មានជំនឿ​​​បែបនេះ​​​ពី​​​មួយ​​​ជំនាន់ទៅ​​​មួយ​​​ជំនាន់​​​។​​​នេះ​​​មិនមែន​​​ជា​​​ជំនឿតាម​​​បែប​​​ពុទ្ធសាសនា​​​ទេ ​​​ប៉ុន្តែ​​​ជា​​​ជំនឿ​​​តាម​​​បែប​​​ព្រហ្មញ្ញសាសនា​​​។​ មនុស្ស​​​ចេះ​​​តែ​​​​​ជឿ​តៗគ្នា”។ ប៉ុន្តែ​ មាន​ពាក្យ​​​អាចាម​​​អារា៉ាម​​​​​​ថា មនុស្ស​​​​ដែល​​​បាន​​​មក​​​​គោរព​​​កំណាត់​​​ឈើនេះ​បាន​​​ឈ្នះ​​​ឆ្នោត​ ហើយ​​​​​ធ្វើ​​​ឲ្យ​​​មនុស្ស​​​មាន​​​ចំណាប់​​​អារម្មណ៍​កាន់​តែ​​​​​​​ខ្លាំង​​មក​​​លើ​​​កំណាត់​​​ឈើ​នេះ។ អ្នក​​​ដែល​​​ស្វែង​​​រក​​​ជំនួយពី​​​កំណាត់​​​​​​ឈើនេះ​​​​​​មិន​​​អាច​​​​​បញ្ចុះ​បញ្ចូល​​ដោយ​សារ​ការ​ប្រកាស​​​ថា​​​​​​ ឈើនេះគ្មាន​​​បារមីនោះ​​​ទេ។ លោក ភោគ សាវុធ​​​ ប្រធាន​​​មន្ទីរ​​​ធម្មការ​និង​​​សាសនា​​​ខេត្ត​​​ពោធិ៍សាត់​​​​​​មាន​​​ប្រសាសន៍​ថា​​​“ខ្ញុំ​​​ព្យាយាម​​​ប្រាប់​​​មនុស្សទាំង​​​នោះ​​​ថា កំណាត់​​​ឈើនេះ​​​គ្មាន​​​បារមី​​​អ្វី​​​ទេ​​​ ប៉ុន្តែ​​​ពួកគេ មិន​​​ជឿ​​​ខ្ញុំ​​​ទេ។​​​គេ​នៅ​តែ​ជឿលើ​​​ឈើនោះ​​។ ខ្ញុំ​មិន​អាច​រារាំង​ពួកគេ​បានទេ​”។ កាលពីដើម​​​ឆ្នាំនេះ យុថ្កា​​​មួយ​​​ដែល​​បាន​​​​ស្ទូច​ចេញ​​​ពី​​​បាត​​​ទន្លេ​​​មេគង្គ​​​នៅ​ក្នុង​​​រាជ​​​ធានី​​​ភ្នំពេញ​​​បានក្លាយជា​​​វត្ថុ​​​សម្រាប់​​​គោរព​​​បូជា​​​ភ្លាម​​​​​​ៗបន្ទាប់​​​ពី​​​អ្នក​​​ភូមិ​​ចាប់​​​ផ្ដើម​​និយាយថាយុថ្កានេះ​មាន​​បារមី​​​​។ មនុស្ស​ប្រមាណ​​​២០០​នាក់​​​ក្នុង​​​មួយថ្ងៃ​​​បាន​​​ធ្វើ​​​ដំ​​​ណើរ​​​ទៅ​​​វត្ត​​​ប្រជំុ​​​សាគរ​​​ក្នុង​​​ខណ្ឌឫស្សីកែវ​​​រាជធានីភ្នំពេញ​​​ ព្រោះ​គេ​បាន​យក​​​​យុថ្កា​​​ទម្ងន់​​​ពីរតោន​​​នេះ​​​ទៅ​​​​ទុក​​​នៅ​​​ទី​​​នោះ​​​ ហើយ​ពួក​គេ​​​​បាន​​​អុជ​ទៀន​​​​​ធូប យកផ្កាភ្ញី​​​ ផ្លែឈើ​​​ និង​​​ម្ហូបអាហារ​ទៅ ​ដាក់​សែននៅ​ទី​នោះ​​​ទៀតផង​​​៕                   ប្រែសម្រួលដោយ ហម​​​ សុផាណ្ណា​​​​​​​​​​​​​​​​​​​​​​​​

តុលាការសាកសួរ​​​ជន​​​សង្ស័យ​​​​ប្រាំ​​​មួយ​​​នាក់ពីបទសាង​​​សង់​​​អាងស្តុកទឹកខុសច្បាប់ ក្នុង​​​បឹងទន្លេ​​​សាប

កាល​​​ពី​​​ម្សិល​​​មិញ​​​ សាលាដំបូង​​​រាជធានី​​​ភ្នំពេញ​​​បាន​​​សាកសួរ​​​​ជន​​​សង្ស័យ​ប្រាំមួយ​​​នាក់​​ រួម​​​ទាំង​​​​​​ប្រធាន​​​មន្ទីរ​​​ធន​​​ធាន​​​ទឹក​​ និង​​​មេឃុំ​ម្នាក់ ដោយសង្ស័យថា​ មានជាប់ពាក់​​​ព័ន្ធ​​​នឹង​​​ការ​​​បំផ្លាញព្រៃ​​​លិច​​​ទឹក​​​ ​​​នៅ​​​ក្នុង​​​ខេត្ត​​​កំពង់​​​ធំ​​​ ដើម្បី​​​សាង​​​សង់​​អាង​​​​​​ស្តុកទឹកដោយខុស​​​ច្បាប់​​​នៅ​​​ក្នុង​​បឹង​ទន្លេសាប។ ​​​នៅ​​​ដើម​​​ខែនេះ កង​​​រាជ​​​អាវុធ​​​ហត្ថ​​​រឹបអូស​​គ្រឿងចក្រជា​​​ច្រើន​​​គ្រឿង​​​ពី​​​សហគមន៍​​​ធ្វើ​កសិកម្ម​​មួយក្រុម ដែល​​​គ្រប់​​​គ្រង​​​ដោយ​លោក​​ពាញ ពូល មេ​​​ឃុំ​​​សំព្រោច មក​​​ពី​​​​បក្ស​​​​ប្រ​​​ជា​ជន​​​​កម្ពុជា ​​​ដែល​​​ទើប​​​តែ​​​ជាប់​​​ឆ្នោត​​​​។​​​ លោកឧត្តមសេនីយ៍ត្រី​​​ ស៊ា សម្បត្តិ ស្នង​​ការរងផ្នែក​​​ស្រាវ​​​ជ្រាវ ​​​និង​​​ស៊ើប​​​អង្កេត​​​នៃ​​​កង​​​រាជអាវុធហត្ថ​​​លើ​​​ផ្ទៃ​​​ប្រទេស​​​បាន​​​មាន​​​ប្រសាសន៍ថា លោក ពាញពូលនិង​​​លោក​ជាតិ ស៊ីវុត្ថា ​​​ប្រធានមន្ទីរ​​​​​​ធន​​​ធាន​​​ទឹក​​​​ ព្រមទាំងកសិករ​​​បួន​​​នាក់​​​ទៀត​​​ មាន​​​ឈ្មោះ ម៉េង ​ផល្លី ​ឈ្មោះ ធាង ធា ឈ្មោះ ថាវ ទុំ និងអ្នកស្រី យក់​គឹមឡេន ត្រូវ​​​បាន​​​ចាប់​​​ខ្លួន​​​កាល​​​ពីថ្ងៃ​​​អង្គារ​​​ពី​បទសង្ស័យថា ទន្ទ្រាន​​​យក​​​ដី​​​លិច​​​ទឹក​ដោយ​ខុសច្បាប់។លោក​​​បន្ថែម​​ថា“ ដោយ​​​មាន​​ដី​​​កាពី​​​តុលាការ​​​ទើប​​​​​​​​​អាចនាំ​​​​ខ្លួន​​​ជន​​​សង្ស័យ​​​ទាំង “ ​​​ប្រាំ​​​មួយ” ​​​​នាក់​ដែល​ជាប់ពាក់​​​ព័ន្ធនឹង​​​ការ​​​ទន្ទ្រាន​​​យក​​​ដី​​​ព្រៃ​​​លិច​​​ទឹក​​​នេះ​​​បាន​​​”។​​​ គ្រឿងចក្រជាច្រើន​​​គ្រឿង​​​ត្រូវ​​​បាន​​​ដក​​​ហូត​​នៅក្នុងយុទ្ធនាការ​​​បង្ក្រាប​ករណី​​​សាង​សង់​​​អាងដោយខុសច្បាប់ជាបន្ដ​​​បន្ទាប់​​​​​​ ​​​របស់​​​រដ្ឋា​​​ភិបាល​​​​​​ ដែលទទួលរងការ​​​រិះគន់​​​ថា ​​​កំពុង​បំផ្លិញ​​បំផ្លាញ​​​ជម្រក​​​ត្រី​​​ពង និង​​​ត្រូវ​​​បាន​​​ហាម​​​ឃាត់​​​តាំង​​​ពី​​​ឆ្នាំ​​​២០០៩​​​មក​​​ម៉្លេះ។​​​ នៅ​​​ខាង​​​ក្រៅ​​​តុលាការ ​​​កាល​​​ពី​​​ម្សិលមិញ​ជន​​​សង្ស័យ​​​ពីរនាក់​​​បាន​​​បដិសេធយ៉ាង​​​ដាច់​​​អហង្ការថា មិន​​​មានពាក់​​​ព័ន្ធ​​​ក្នុង​​​ករណី​​​នេះ​​​ទេ ដោយ​​​និយាយថា ពួកគេពិតជា​​​បាន​​​ជួល​​​ត្រាក់​​​ទ័រទាំង​​​នេះមែន ប៉ុន្ដែ​​​មិន​​​បាន​​​ធ្វើ​​​អ្វី​​​ខុស​​​ច្បាប់​​​នោះទេ។ លោក ពាញ ពីល ដែលជា​​​ប្រធាន​​​សហ​គមន៍​​​ស្រែ​​​ប្រាំងផង​​​ដែរ​​​នោះ ​​​និយាយ​ថា“ ខ្ញុំ​​​មិន​​​បាន​​​ទន្ទ្រាន​​​យក​​​ដី​​​ព្រៃ​​​លិច​​​ទឹក​​​នោះ​ទេ”។លោក ម៉េង ផល្លី កសិករ​​​ម្នាក់​​​មកពីឃុំ​​​ចំណារក្រោម  ស្រុក​​​ស្ទោង  ខេត្ត​​​កំពង់​​​ធំ បញ្ជាក់​​​ឲ្យ​​​ដឹង​​​ថា លោក​​​បាន​​​ទទួល​​​ការ​​​អនុញ្ញាត​ពីអាជ្ញាធរ​​​ខេត្ត​​​ ឲ្យជីកអាងស្តុកទឹក​​​ក្នុង​​​តំបន់​​​នេះ។​​​ លោក គា ឆាយ មេធាវី​​​ការពារ​​​ជន​​​សង្ស័យ​បួន​​​នាក់​​​ រាប់​​​ទាំង​​​លោក ស៊ីវុត្ថា ផងនោះ​​​ បាន​​​មាន​​​ប្រសាសន៍​​​ថា ការសាក​​​សួរ​​​នេះនឹង​​​បន្ដ​នៅថ្ងៃនេះ​​ទៀតហើយ​​ជន​​​សង្ស័យ​​​ទាំង​អស់​ត្រូវ​​​បាន​​​បញ្ជូន​​​ត្រឡប់ទៅឃុំ​​​ខ្លួន​​​​​​ក្នុង​ទី​បញ្ជា​ការកង​​​រាជ​​​អាវុធ​​​ហត្ថ​​​លើផ្ទៃប្រទេស​​​វិញ​​​​​។ លោកបាន​​​មាន​​​ប្រសាសន៍​​​ថា “ ខ្ញុំ​​​មិន​​​អាច​​​និយាយ​​​លម្អិត​​​អំពី​​​ករណី​​​នេះ​​​បាន​​​ទេ ​​​ប៉ុន្ដែ​​​អ្នកស្រី គឹមឡេន បាន​​​ប្រាប់​​​ខ្ញុំ​​​ថា អ្នកស្រី​​​បាន​​​សាងសង់​​​អាងទឹក​​​នេះ តាំង​​​ពី​​​ឆ្នាំ​​​២០០៤​​​មក​​​ម៉្លេះ ដោយ​​​​ទទួល​​​បាន​​​ការ​​​អនុញ្ញាត​​​ពី​​​អាជ្ញា​ធរ​​​ខេត្ត ហើយ​​​គ្មាន​​​អាជ្ញាធរ​​​ណាបាន​​​ហាម​​​ឃាត់​​​គាត់​​​នោះ​​​ទេ”។ លោកស្រីវ៉ា សក្កដា ព្រះ​​​រាជអាជ្ញារង​​​បាន​​​បដិសេធ​​​មិន​​​ធ្វើ​​​អត្ថាធិប្បាយទេ៕      ប្រែ​​​សម្រួល​​​ដោយ ហម សុផាណ្ណា​​​​​​​​​​​​​​​​​​​​​

អង្គការសិទ្ធិ​មនុស្ស​​​អាដហុកអះអាងថា​​​ នគរបាល​​​ព្យាយាម​​​បិទ​​​វេទិកា​​ពិភាក្សាអំពីបញ្ហាជម្លោះដីធ្លី

សកម្មជន​​​ការពារ​​​សិទ្ធិមនុស្ស​​​ម្នាក់បាន​​​លើក​​​ឡើង​​​ថា នគរបាល​​​មូលដ្ឋាន​​​ក្នុង​​​ស្រុក​​​វើនសៃ ខេត្ត​​​រតនគិរី​​​ កាល​​​ពី​​​ម្សិល​​​មិញ ​​​បាន​​​ព្យាយាម​​​បិទ​​​ការជួបជុំ​​របស់​​​សហគមន៍​​​​​​​​​ដែល​​​អ្នក​​​ភូមិ​​​កំពុង​​​តែ​​​រៀនសូត្រ​​​អំ​​​ពី​​​សិទ្ធិ​​​ដីធ្លី​​​ ពី​ព្រោះ​​​អង្គ​​​ប្រជំុ​​​នេះ​​​ត្រូវ​​​បាន​​​ធ្វើឡើង​​​ដោយ​​​គ្មាន​​​ការ​​​អនុញ្ញាតជាមុន​​​។ យោង​​​តា​​​ម​​​លោក​​​ ប៉ែន បុ៊ណ្ណារ៍ អ្នក​​​សម្រប​​​​សម្រួល​​​របស់អង្គការ​​​សិទិ្ធ​​​មនុស្ស​​​អាដហុក​​​ប្រចាំ​​​ខេត្ត​​​រតនគិរី​​​ បាន​​​ឲ្យដឹង​​​ថា នគរបាល​​​មកពីឃំុ​​​ភ្នំ​​​កុក ​​​ពីរ​​​នាក់​​​ បាន​​​ទៅ​​​ដល់​​​​​​​​​កន្លែង​​​ប្រជុំ ​​​ដែល​​​មាន​​​អ្នក​​​ភូមិ​​​ចំនួន២០នាក់​​​បាន​​​មកចូល​​​រួម​​​ ហើយ​​​ពួក​​​គេ​​​បាន​​​ទាមទារ​​​ឲ្យបិទ​​​អង្គ​​​ប្រជំុ​​​នេះ ដោយ​​​មាន​​​បទបញ្ជា​​​ពី​​​អាជ្ញាធរ​​​ស្រុក។ លោក ប៉ែន​​​ ប៊ុណ្ណារ៍ ​​​បន្ទាប់​​​មក​​​បាន​​​ទូរ​ស័ព្ទ​ហៅ​​​លោក​​​ ជា​​​ សុខ​​​ នាយ​​​នគរ​​​បាល​​​ឃំុ​​​ ដើម្បី​​​ឲ្យ​​​មក​​​ជួយដោះស្រាយ​​​បញ្ហា​​​នេះ​​​ ប៉ុន្តែ ​​​លោក ​ជា​​​ សុខ បានចេញ​​​បទបញ្ជាម្តង​​​ហើយ ម្តង​ទៀត​​​​ថា ​អង្គ​ប្រជំុ​​​នេះ​​​ត្រូវ​​​តែ​​​បិទ​​​។ លោក​ថ្លែង​ថា “នាយ​​​នគរបាល​​​ឃំុ​​​....បាន​​​បញ្ជា​​​ឲ្យខ្ញុំ​​​បិទ​​​អង្គប្រជំុនេះ ​​​​ដោយបាន​​​ប្រាប់​​​ខ្ញុំ​​​ថា​ អភិ​បាល​​​​ស្រុកកំពុង​​​តែ​​​ចេញ​​​ដីកាហើយ​​​”។ លោក បុ៊ណ្ណារ៍ លើកឡើងថានៅ​ក្នុង​តំបន់​នេះមានជម្លោះ​​​ដីធ្លី​​​ដ៏រុាំរ៉ៃ​​​ ជាមួយ​​​ក្រុម​​​ហ៊ុន​​​ចម្ការ​​​​កៅស៊ូ​​​ចំនួន​​​ពីរ​​​នៅ​​​ក្នុងតំបន់​​​នោះ​​​ ដោយ​បាន​​​ធ្វើ​​​ឲ្យប៉ះ​​​ពាល់​​​ដល់​​​អ្នក​​​ភូមិ​​​រាប់​​​ពាន់​​​​គ្រួសារ​​​នៅក្នុង​​​ឃំុ​​​ចំនួន​​​បី។ លោក​​​បាន​​​លើក​​​ឡើង​​​ថា អង្គការ​​​សិទ្ធិ​​​មនុស្ស​​​អាដហុក មាន​​​បំណង​​​ចែក​​​ចាយ​​​ច្បាប់​​​ភូមិបាល​​​ និង​​​ច្បាប់​​​ព្រៃ​​​ឈើ​​​ទៅ​​​​ឲ្យ​​​អ្នក​​​មក​​​ចូល​​​រួម​​​ក្នុងអង្គប្រជំុ​​​ ដោយ​សារ​ពួក​គាត់​ចង់​​​ឲ្យគេ​​​ចុះ​​​បញ្ជី​​​ដីរបស់ខ្លួន​​​នៅ​​​​ក្នុង​​​គម្រោង​​​ផ្តល់​​​ប័ណ្ណ​​​កម្មសិទិ្ធ​​​ដីធ្លី ​​​ដែល​​​ផ្តួច​​​ផ្តើម​​​ដោយ​​​លោក​​​នាយក​​​រដ្ឋមន្ត្រី​​​ ហ៊ុន​​​ សែន។ លោក​​​ថ្លែងថា “ថ្វីបើ​​​មាន​​​ការ​​​ព្យាយាម​​​រារាំងពីមន្ត្រី​​​នគរ​បាល ​​​និង​ពី​លោក​​​មេឃំុ​​​​​​​​​ លី ​នឿន​​​ ​ដើម្បី​​​បញ្ឈប់​​​អង្គ​ប្រជំុ​​​នេះ​​​​ក៏ដោយ  ក៏អង្គការ​​​សិទិ្ធមនុស្ស​​​អាដ​ហុកនៅ​​​​តែបន្ត​ការ​​​​​ប្រជំុ​​​របស់​​​ខ្លួន​​​ដោយ​​​ជោគ​ជ័យ។ លោក ជា​​​ សុខ បាន​​​ច្រានចោល​​​ការ​​​​ចោទ​​​ប្រកាន់​​​នេះ​​​ដោយ​​​​​​​លើក​​​ឡើង​​​ថា ​លោក​​​​គ្រាន់​​​តែ​​​មាន​​​បំណង​​​ចង់​​​ដឹង​​​ថា តើ​​​ហេតុ​​​អី្វ​​​បាន​​​ជា​​​ជួបជុំគ្នានៅទីនោះ ដោយ​​​គ្រាន់​​​តែ​ចង់ដឹង​​​ថា​​​ តើ​​​អង្គ​​​ប្រជំុ​​​នេះ​​​មាន​​​សុវត្ថិភាព​​​គ្រប់​គ្រាន់​​​ដែរ​​​ឬទេ។ លោកបានលើកឡើង​​​ថា​​ “គេ​​​បានទៅ​​​ភូមិ​​​នោះហើយ​​​ដើេរប្រមែល​​​ប្រមូល​​​អ្នក​​​ភូមិ​​​ជា​​​ច្រើន​​​ឲ្យចូល​​​រួម​​​ប្រជំុ​​​ដោយ​​​មិន​​​បាន​​​ផ្តល់​ដំណឹង​​​​ដល់​​​អាជ្ញាធរ​​​ជាមុន។ យើង​​​គ្រាន់​​​តែ​​​ឈៀងចូ​​ល​​​ ដើម្បី​​​ពិនិត្យមើល​​​ថា​​​ តើ ហេតុអី្វ​​​បាន​​​ពួកគេ​​​ប្រមូល​​​ផ្តុំគ្នា​​​ និងដើម្បី​​​ធានា​សន្តិ​សុខ​​​ និង​​​សុវត្ថិភាពដល់​​​ពួក​​​គេ​​​តែប៉ុណ្ណោះ​​​”។ ប៉ុន្តែ​​​ លោក​​ ប៊ុណ្ណារ៍ ​​​ថ្លែងថា​​​អាជ្ញាធរ​​​បាន​​​មក​​​រារាំង​​​ការប្រឹងប្រែង​​​របស់អង្គការ​​​សិទិ្ធ​​​មនុស្ស​​​ក្នុងការ​​​ផ្តល់​ចំណេះ​​​​ដឹង​ដល់អ្នក​​​ភូមិ​​​ក្នុង​​​ការ​​​ប្រើ​​​​ប្រាស់​​​សិទិ្ធ​​​របស់​​​ខ្លួន ស្របពេល​​​​​​ក្រុម​​​និស្សិត​​​ស្ម័គ្រចិត្ត ​ក្នុង​គម្រោង​​​ផ្តល់​​​ប័ណ្ណ​​​កម្ម​​​សិទិ្ធ​​​ដី​​​ធ្លី​​​របស់​​​លោក ​​​ហ៊ុន សែន​​​ បាន​​​ធ្វើ​ដំណើរ​​​​ទៅតាម​​​តំបន់នៅ​​​ទូទាំង​ប្រទេស​​​ ​ដើម្បី​​​វាស់​​​វែង​​​ដីធ្លី​​​ និង​​​ផ្តល់​​​ប័ណ្ណ​​​កម្មសិទិ្ធដី​​​ធ្លី​​​នោះ​​​។ ​លោក​​​បន្តថា​​​ “ ​​​ការ​​​​​​រារាំង​​​​​​នេះ ​​​គឺ​​​ជា​​​ការ​​​រើសអើង​ចំពោះក្រុម​​​សកម្ម​ជន​ការ​​​ពារ​​​សិទិ្ធ​​​មនុស្ស​​​ កំពុង​​​​​ផ្តល់​ការ​​​អប់​​​រំ​​​ និង​​​ផ្តល់​​​ប្រឹក្សា​​​ស្តីអំពី​​​សិទិ្ធ​​​មនុស្ស​​​ និង​​​គោល​​​នយោ​​​បាយដីធ្លី​​​របស់​​​រដ្ឋា​ភិបាល​​​”។ លោក ជំុ​​​ ងឹល អភិបាល​​​ស្រុក​​វើន​​​សៃ ​បាន​​​​បញ្ជាក់​​​ថា មន្ត្រី​​​អាជ្ញាធរ​​​ពិត​​​ជាបានទៅ​​​ទី​​​នោះ​​​មែន ប៉ុន្តែ​​​ លោក​​​​​​លើក​​​ឡើង​​​ថា ​និស្សិត​​​ស្ម័គ្រចិត្ត​​​មួយចំនួន​​​បាន​​​ទៅ​​​ដល់តំបន់​នោះ​ហើយ ​​​ដើម្បី​​​ប្រមូល​​​ទិន្នន័យ​​​ និង​​​វាស់​​​វែង​​​ដីធ្លី​​​ របស់អ្នក​​​ភូមិ​​​ទាំង​​​ឡាយ​​​ណា​​​ ដែល​​​មាន​​​​​​ជម្លោះ​​​ដី​​​​ធ្លី​​​ជា​​​មួយ​​​ក្រុម​​​ហ៊ុន​​​ចម្ការ​​​កៅស៊ូ អេស​​​ខេ ​​​ទទួល​​​​បាន​​​សិទិ្ធ​​​កាន់​​​កាប់​​​ដី​​សម្បទាន​​​នៅ​តំបន់​នោះ​​​។ លោក​បា​នបន្ថែម​ថា“​ដំបូង​​​ឡើយ​​​យើង​​​​មិន​​ដឹង​​​ថា​​​ ពួកគេ​ទំាង​នោះ​​​​​​​ជា​​​នរណា​​​នោះទេ​​​ហេតុ​​​ដូច្នេះ​​​ហើយ​​​ទើប​​​យើង​​​បញ្ជូន​មន្ត្រីរបស់​​​យើង​ឲ្យ​​​ទៅ​​​ត្រួត​​​ពិនិត្យមើល​​​កន្លែង​​​នោះ​​​ ពី​ព្រោះ​​​សកម្មជន​​​ការពារ​​​សិទ្ធិមនុស្ស​​​មិនបាន​​​​ផ្តល់​​​ដំណឹង​​​ឲ្យយើង​​​ដឹង​​​អំពី​​​ប្រជំុ​​​ ដែល​​​គេ​គ្រោង​​​​ទុក​​​​​​ទេ​​​។ យើង​​​មិនបាន​​រា​រាំង​អង្គការ​​​​​​សិទិ្ធ​​​មនុស្ស​​​​​​មិន​​​ឲ្យប្រជំុនោះ​​​ទេ។​ ហើយ​ការ​​​​ចោទប្រកាន់នេះ ​​​គឺវា​​​មិន​​​ពិត​​​ឡើយ​”៕ ប្រែសម្រួល​​​ដោយ ស៊ា ស៊ុយឈាង​​​​​​                 

សម្រាប់​អ្នក​កាសែត​កម្ពុជាការ​​ ទទួល​អំណោយ​ជា​លុយអាច​ជា​​រឿង​អា​ក្រក់​ផង និងល្អ​ផង​

​អ្នក​យក​ព័ត៌មា​ន​នយោ​បា​យ​ម្នាក់​ តែង​តែ​មានការងារមួយទៀត នៅ​ក្នុងស្ថាប័ន​​រដ្ឋា​ភិបាល​ ប៉ុន្ដែ​ គេមិនគិតថា  មានទំនាស់​ផល​ប្រយោជន៍​ឡើយ។ អ្នក​យក​ព័ត៌​មាន​ម្នាក់​ទៀត បាន​ទទួល​​​ប្រាក់​ពី​រដ្ឋ​មន្ត្រីមួយរូបនៅ​ក្នុងជួរ​រដ្ឋា​ភិបាល​ ដើម្បីយកទៅជួស​ជុល​រថ​យន្ដ​របស់​ខ្លួន ក៏ប៉ុន្ដែ​ បែរជានិយាយ​ថា វា​មិន​មែន​ជា​បញ្ហា​ធំដំុនោះទេ។ មានអ្នក​យក​ព័ត៌​មាន​មួយក្រុមតែង​តែ​ទទួល​លុយ ក្នុងពិធីផ្សព្វ​ផ្សាយ​អំពីការ​បង្កើត​​ក្រុម​ហ៊ុន​ថ្មី​ តែវាជារឿង​ធម្មតាទៅ​ហើយ។ សូមក្រឡេកមើលពិភព​សារព័ត៌មាន​ ដែល​ប្រកប​ដោយ​មហិច្ចតា និង​ក្រម​សីល​ធម៌​នៅ​ក្នុង​ប្រទេស​កម្ពុជា។ ខណៈ​ដែល​ភ្នាក់ងារព័ត៌មាន​អន្ដរ​ជាតិជា​រឿយៗ​ តែងតែរឹតបន្តឹងបុគ្គលិករបស់​ខ្លួនឲ្យ​ប្រកាន់ខ្ជាប់នូវ​ក្រម​សីលធម៌ តែពួកគេ​មិន​ប្រាកដថា អនុវត្តតាមដែរ​​ ដូចក្រុម​អ្នក​យក​ព័ត៌មាន​ និងអ្នក​សង្កេត​ការណ៍ ដែល​មាន​អាជីព​នៅ​ក្នុង​​ប្រទេស​កម្ពុជាលើក​ឡើងថានេះដោយសារតែខ្វះការយល់ដឹងអំពីភាព​មិន​លម្អៀង​នៅ​ក្នុងការបំពេញ​ការ​ងារ​របស់​ខ្លួន។ បើទោះជាអ្នក​ខ្លះ​បានការពារ​ចំពោះ​ការ​ទទួល​លុយ និង​អំណោយ​ពី​ប្រភព​ ដោយ​ និយាយថា វាក្លាយទៅជាវប្បធម៌ទៅហើយដោយសារមានប្រាក់ខែតិចពេក តែអ្នកខ្លះ​​លើក​ឡើង​ថា ទង្វើ​បែប​នេះ​ នាំឲ្យមានទំនាស់​​​ផល​ប្រយោជន៍​តែម្តង ដែល​នាំឲ្យ​មាន​ការ​ចុះផ្សាយ​ព័ត៌មាន​លម្អៀង​ក្នុង​ទំព័រ​កាសែត​។ យោង​តាម​លោក ប៉ែន​ សមិទ្ធិ ជា​និពន្ធ​នាយក​កាសែត​រស្មី​កម្ពុជា និង​ជា​ប្រធាន​ក្លឹប​អ្នក​កាសែត​​កម្ពុជាបាន​ឲ្យ​ដឹង​ថាអ្នក​យក​ព័ត៌​មាន​ក្នុង​ស្រុកមាន​ប្រាក់​ខែ​ត្រឹម​២០០​ដុល្លារ ក្នុង​មួយ​ខែ​ប៉ុណ្ណោះរីឯ​អ្នក​យក​ព័ត៌​មាន​ជើង​ចាស់​​អាចទទួល​បាន​ប្រហែល​៧០០​ដុល្លារក្នុងមួយខែ។ កាលពី​ខែ​មុន​ លោកវង្សសុខេងអ្នក​យក​​ព័ត៌​មាន​ប្រចាំ​កាសែត​ក្នុង​ស្រុកមួយ​ បាន​ប្រកាស​នៅ​តាម​គេហ​ទំព័របណ្តាញ​សង្គម​ហ្វេសប៊ុកថាលោក​ត្រូវ​ការ​ប្រាក់​ ដើម្បី​យក​មក​ជួស​ជុល​ម៉ាស៊ីន​រថ​យន្ដ​របស់ខ្លួន​។ បន្ដិច​ក្រោយ​​មក ​លោកខៀវកាញារីទ្ធរដ្ឋ​មន្ត្រី​ក្រសួង​ព័ត៌មាន​បានសន្យា​ផ្ដល់​ប្រាក់​ចំនួន​២០០​ដុល្លារដែល​លោក​ សុខេងទទួល​យក​ដោយ​សប្បាយ​រីក​រាយ​ ហើយ​បាន​សរសេរ​លើគេហទំព័រហ្វេសប៊ុក​ថាខ្លួននឹង​យក​លុយ​ពីលោកកាញារីទ្ធដល់ការិយាល័យតែម្តង។ នៅ​ពេលសួរ​ថាតើ​លោក​គិត​យ៉ាង​ម៉េច​អំពី​ការទទួល​អំណោយជាលុយ​ពី​អ្នកនាំ​ពាក្យរបស់រដ្ឋាភិបាល លោក សុខេង ​មាន​ប្រសាសន៍ថា “ ខ្ញុំ​គិត​ថា មិន​មាន​ទំនាស់ផល​ប្រយោជន៍​ណាមួយ​នោះទេ។នៅ​ពេល​អ្នក​បានស្គាល់​គ្នា​យូរ​មក​ហើយ​ ព្រោះវា​មិនមែន​ដូច​ជា​មិត្ត​ភក្ដិធម្មតាឬ​ដោយសារទាក់ទងនឹង​ការ​ងារ​នោះទេ។ គាត់​ដូច​ជា​បង​ប្អូនអ៊ីចឹង។គាត់ជាបងប្រុសល្អ​ម្នាក់”។ លោក​បាន​បន្ថែម​ថា “ ខ្ញុំ​នឹង​នៅតែ​អាច​បំពេញ​​ការងារ​របស់​ខ្ញុំបាន។វាមិន​ពាក់​ព័ន្ធ​ឬ​នាំឲ្យប៉ះពាល់​ដល់​ការ​ងារ​របស់​ខ្ញុំទេ”។លោក​បាន​បន្ថែម​ថា លោក​បានស្គាល់​លោកកាញារីទ្ធ ចាប់​តាំង​ពី​ឆ្នាំ​១៩៩៤​មកម្លេ៉ះ។ចំណែកលោក កាញារីទ្ធ បាន​ពណ៌នា​អំពី​ទំនាក​់​ទំនង​​ជាមួយ​លោក សុខេងដូចជា​ទំនាក់​ទំនង​នៅក្នុងក្រុមគ្រួសារមួយអ៊ីចឹង។ លោកកាញារីទ្ធបាន​លើក​ឡើង​ក្នុង​សារ​មួយ​ថា “ ខ្ញុំ​ឲ្យ​លុយគាត់​ក្នុង​នាម​ជា​សហ​សេវិក​ម្នាក់និង​បង​ប្អូន។ជួន​កាល​អ្នកមិន​​ត្រូវ​​ចង្អៀត​ចង្អល់​ពេកទេ”។​​​ អ្នក​យក​ព័ត៌មាន​ម្នាក់ទៀត ដែលសុំ​មិន​បញ្ចេញ​ឈ្មោះ​បាន​លើក​ឡើង​ថាជា​និច្ច​កាល​ ​ខ្លួនតែងតែទទួល​លុយក្នុងរង្វង់ពី​១០​ដុល្លារ​ ទៅ​២០​ដុល្លារ ដាក់នៅ​ក្នុង​ស្រោម​សំបុត្រ​ នៅ​ ពេលទៅយកព័ត៌មានអំពីពិធី​រៀប​ចំ​ដោយ​ស្ថាប័ន​រដ្ឋា​ភិបាល​ ពិធីរបស់ក្រុម​ហ៊ុន​ឯក​ជន​ និង​របស់អង្គការ​ក្រៅ​រដ្ឋាភិបាល​។ អ្នក​យក​ព័ត៌មាន​រូប​នេះបាន​លើក​ឡើង​ថា “ គេ​​ដាក់​ប្រាក់ក្នុង​ស្រោម​សំបុត្រ​ ហើយ​ឲ្យ​មក​ខ្ញុំ​។ប្រាក់​ខែ​របស់​យើង​មិន​គ្រប់​គ្រាន់​ទេអ៊ីចឹងហើយទើប​ខ្ញុំ​យក​លុយនេះ​។ខ្ញុំ​ចំណាយ​លុយនេះទៅលើសាំងម៉ូតូ ម្ហូបអាហារ​ និង​កាហ្វេ”។ លោកឆាយសុផលនិពន្ធ​នាយក​​ខេមបូឌា​ ញូវ​​ និង​ជា​គ្រូបណ្តុះបណ្តាលផ្នែក​សារព័ត៌​មាន​ បាន​លើក​ឡើងថា ការ​ទទួលអំណោយ​មួយ​របស់អ្នក​យក​ព័ត៌មាន ពីប្រភព​ព័ត៌មានអាច​ត្រូវ​បាន​បក​ស្រាយ​យ៉ាង​ងាយ​ស្រួលថា ជា​ការ​បង្ហាញ​ឲ្យឃើញនូវការ​រាប់​អាន​គ្នាយ៉ាង​ជិត​ស្និទ្ធ​រវាង​មិត្ត​ភក្ដិ​ចាស់​ពីរ​នាក់។ លោក សុផល មាន​ប្រសាសន៍​ថា“ ប្រសិន​​ បើ​គេ​អាច​ជួយបាន​ ពួកគេ​នឹង​ប្រឹង​ប្រែងឲ្យ​អស់​ពី​សមត្ថ​ភាព​ ដើម្បី​ជួយ​មិត្ត​ភក្ដិ​ ឬ​សាច់​ញាតិ​របស់​ពួកគេ​...។ គេ​អាច​ផ្ដល់ការ​គាំ​ទ្រ​ជា​ផ្លូវចិត្តជួយផ្នែក​បច្ចេកទេសឬ​អាច​ជួយ​ជា​លុយក៏បាន​​”។ ​ទោះ​ជាយ៉ាង​នេះក្ដី លោក​បាន​មានប្រសា​សន៍​ថា ​អ្នក​យក​ព័ត៌​មានមិនគួរសរសេរ​អត្ថបទ​​លម្អៀង ដើម្បីជាថ្នូរ​នឹង​លុយឬ​អំណោយ​នោះ​ទេ។លោក​មាន​ប្រសាសន៍​បន្ថែម​ថា...

ប្រាំបី​​​នាក់​ត្រូវ​ឃាត់​ខ្លួន​ជុំ​វិញ​ការចាប់​បង្ខាំង​មនុស្ស ​ចាប់​រំលោភ​ និងបង្ខំ​​​ឲ្យ​​​ប្រើប្រាស់ថ្នាំ​​​ញៀន

នគរ​​បាលបាន​​និយាយ​ថា កាលពីថ្ងៃអាទិត្យសមាជិកចំនួនប្រាំ​​​បីនាក់​​​នៃគ្រួសារមួយត្រូវ​​​បាន​​​ចាប់ខ្លួន​​​ ក្នុង​​​រាជ​ធានី​​ភ្នំពេញ​​​​ចំពោះ​ការ​ចាប់​​​​បង្ខាំង​មនុស្ស​​​ប្រាំនាក់​​​ដោយ​​​ខុស​​​ច្បាប់ដោយ​អ្នក​ទាំង​នោះ​សុទ្ធ​តែ​ជា​សមាជិក​​​​​​​នៃ​​​គ្រួសារ​​​មួយ​​​ផ្សេង​​​ទៀត​ ដែល​​​​បាន​រង​ការ​ចាប់​​​​រំលោភ​​​សេព​សន្ថវ:​ និង​​​​ត្រូវ​គេ​បង្ខំ​​​ឲ្យ​​​ប្រើ​​​ប្រាស់គ្រឿង​​​ញៀន។ លោកប៊នសំអាតអធិការ​នគរ​បាល​ខណ្ឌបាន​​​មាន​​​ប្រសាសន៍​​​កាល​​​ពី​ថ្ងៃច័ន្ទ​​​ថាអាជ្ញាធរ​បាន​ដឹង​រឿង​នេះនៅ​​​ពេល​​ស្ត្រី​​ម្នាក់​​បានស្រែក​​​​ឲ្យគេ​​​ជួយពី​រានហាល​ផ្ទះ​ជាន់​​​ទី២​ក្នុង​​​ សង្កាត់ចោមចៅ​​​ ខណ្ឌពោធិ៍សែនជ័យដោយស្រែក​​ថានាង​ត្រូវ​គេ​ចាប់​បង្ខាំង។​​​​ លោកសំអាតបាន​​​មាន​​​ប្រសាសន៍​​​ថា​ “យើង​​​បាន​​​ជួយ​​​​សង្គ្រោះ​មនុស្ស​ប្រាំនាក់​​ ​​​រួម​​​ទាំង​​​ស្ត្រី​​​បីនាក់​ផង ​​​​មក​​​ពី​​​ខេត្ត​កំពង់ចាម ​​​ដែល​​​បាន​​​​ចាញ់​បោក​​​ក្រុម​​​ចែក​​​ចាយ​​​គ្រឿង​​​ញៀន​​​ ហើយ​​​ត្រូវ​​​​​គេ​​​ឃំុ​​​ខ្លួន​​​អស់​​​​​​ពី​​​រថ្ងៃ​​​កន​​​្លះ​​​”។ លោកបាន​​​បន្ថែមថា​ នារី​រងគ្រោះ​​បីនាក់​ដែល​ជាបង​ប្អូន​បង្កើត​ ​មាន​ឈ្មោះ​ដូចជា ​កែវ  ស្រីនាង អាយុ១៧ឆ្នាំ  កែវ ស្រី ភ័ណអាយុ ១៩ឆ្នាំ​ និងកែវ សុភី អាយុ ១៧​​​ ឆ្នាំនិងយុវ​ជន​ឈ្មោះ ឃី ភារី អាយុ ២៨ឆ្នាំនិង​​​ ប៊ី ​​​រ៉ាភ័ណ ​​​អាយុ២១ឆ្នាំជាសមា​ជិក​ក្នុង​គ្រួសារ​រង​គ្រោះ​មក​​​ពី​​​ស្រុក​​​ចំការ​​​លើ​​​​​នេះ​ ត្រូវ​​​បាន​​​​ជន​ល្មើស​ល្បួង​ឲ្យ​មកភ្នំ​​​ពេញ​​​ដោយ​​​សន្យាថា ​​​នឹង​​​រក​​​ការងារ​​​ឲ្យ​ធ្វើ​ និង​​​ទិញ​​​សម្លៀក​​​បំ​​​ពាក់ថ្មី​ឲ្យ​ ។ លោក​បាន​​លើក​ឡើង​ទៀតថា​​​ ​ប៉ុន្តែនៅ​​​ពេល​​​ដែលពួក​​​គេបាន​​​មក​​​ដល់​​​ផ្ទះនៅ​​​ភ្នំពេញដែល​ពួកគេ​​​​​​គិត​​​ថានឹង​ជួល​​​នេះពួក​​​គេ​​​​​បែរ​ជា​ត្រូវ​​គេ​បង្ខំ​ឲ្យ​លក់​​​ថ្នាំ​​​ញៀន​ទៅ​វិញ​​​។​​​នៅ​​​ពេល​​​​​​ពួក​​​គេ​​​បដិ​​​សេធ ពួក គេ​​​​ក៏ត្រូវ​ជន​​ល្មើស​ឃំុ​​​​ខ្លួន​​​​ក្នុង​​​បន្ទប់​​​ បង្ខំឲ្យ​ប្រើប្រាស់​​​គ្រឿង​​​ញៀន​​​​និង​​​​​ធ្វើ​ទារុណ​កម្ម។​ លោកបន្តថាស្ត្រី​វ័យ​ក្មេង​ទាំង​​​​នោះ​​​ត្រូវ​​​​ជន​ល្មើស​ចាប់​រំលោភនិង​​វាយដំ​យ៉ាង​​​ដំណំ ​​​ហើយ​​​ត្រូវបាន​​​គេ​​​បញ្ជូន ទៅ​​​មន្ទីរ​​​ពេទ្យ ​​​ដើម្បី​​​​​​ទទួល​ការព្យាបាល​​​។ លោក​លើក​ឡើង​ថា“ ជន​​​​​​ល្មើសទាំង​​​ប្រាំបី​​​ នាក់​​ រួម​ទាំង​​​ស្ត្រី​​​បី​នាក់​ផង​នោះគឺជាសាច់​ញាតិ​នឹង​គ្នា​។​​​ យើង​​​នឹង​​​​បញ្ជូន​​​ពួកគេ​​​ទៅ​​​សាក​​​​សួរនៅ​​​តុលាការ។ពួកគេ​​​​ត្រូវ​បាន​​ចោទ​​​ប្រកាន់​​​ពី​​​​បទ​ល្មើស​បួន​​​ករណី​​​ផ្សេងគ្នា”។​​​​​​លោកបាន​​បញ្ជាក់​ថាជន​​​សង្ស័យ​​​​ត្រូវ​​​​បាន​ចោទ​​​ប្រកាន់​​​ពីបទ​​​រំលោភ​​ស្ត្រី​ទាំង​​នេះបង្ខំ​​​ជន​​​​​​រងគ្រោះឲ្យប្រើ​​​ប្រាស់​​​និង​​​លក់​​​គ្រឿង​​​ញៀន​​​ ព្រម​ទាំង​ជំរិត​​ទារ​​​​ប្រាក់​​​១០.០០០​ដុល្លារ​​​​ពី​​​ក្រុម​​​គ្រួសារ​​​​​​ជន​​​រងគ្រោះ​ទៀត​ផង។ លោក​​​​បាន​​​មាន​​​ប្រសាសន៍​​​ថាឈ្មោះ ចិត្រចន្ធីអាយុ៣០ឆ្នាំនិង​​​ប្រពន្ធ​ឈ្មោះ ក្រូចសាវី​​​ អាយុ​​​៣០​​​ឆ្នាំ​​​ ព្រម​​​ទាំង​​​​​​​ឈ្មោះ ក្រូច ​ធឿន អាយុ​​​៣២ឆ្នាំ​ ដែល​ជា​​​សមាជិកគ្រួសារ​​​​​នេះត្រូវបាននគរបាល​ចាប់​ខ្លួន​...

តំណាង​សហ​ប្រជាជាតិ​លើក​ឡើង​ថា កំណើន​ការ​ចាប់​ខ្លួន​ពាក់​ព័ន្ធ​នឹង​គ្រឿង​ញៀន ​ជាការ​ព្រួយ​បារម្ភ

តំណាង​ប្រចាំ​តំបន់​របស់​អង្គការ​​សហ​ប្រជាជាតិ​ទទួល​បន្ទុក​​គ្រឿង​ញៀន​ខុស​ច្បាប់​បាន​លើក​ឡើង​ កាលពី​ម្សិល​មិញ​ថាកំណើន​ចំនួន​មនុស្ស​​ ដែល​ត្រូវ​បាន​​ចាប់​ខ្លួន​នៅ​ក្នុង​ប្រទេស​កម្ពុជាពី​បទ​ល្មើស​គ្រឿង​ញៀន ​ជាការ​ព្រួយ​បារម្ភ​មួយ​ និង​​ត្រូវ​ការ​ការ​ស៊ើបអង្កេត។ ចំនួន​នៃ​ការ​ចាប់​ខ្លួនមនុស្ស​ពាក់​ព័ន្ធ​នឹង​​គ្រឿង​ញៀន​ ដែល​ត្រូវ​បាន​នគរ​បាល​កម្ពុជា​រាយការណ៍នោះ​ បាន​កើន​ឡើង​ពី​៨៦៤​ករណី​ក្នុង​ឆ្នាំ​២០១០​ដល់​២.៣៨១​ករណី​ក្នុង​ឆ្នាំ​២០១១ ​នេះ​បើ​យោង​តាម​ការិយាល័យ​អង្គ​ការ​សហ​ប្រជាជាតិ​ទទួល​បន្ទុក​​គ្រឿង​ញៀននិង​បទ​ឧក្រិដ្ឋ​​ (UNODC)។ លោកហ្គារីឡេវិស (Gary Lewis)​តំណាង​ UNODC ប្រចាំ​តំបន់​អាស៊ី​​ខាង​កេើត​ និង​ប៉ាស៊ីហ្វិកបានថ្លែង​ថា “ ខ្ញុំ​បារម្ភ​ណាស់​អំពី​ចំនួន​នៃ​ការ​ចាប់​ខ្លួន​មនុស្ស​ ដែល​បាន​កើត​ឡើង​។ ការ​កើន​ឡើង​បីដង​នៃ​ចំនួន​​មនុស្ស​ដែល​ត្រូវ​បាន​ចាប់​ខ្លួន “ បង្ហាញ​ឲ្យ​​យើង​ដឹង​​នូវ​អ្វី​មួយ​ ហើយ​រឿង​នេះ​​ធ្វើ​ឲ្យ​យើង​ព្រួយ​​បារម្ភ​”។ លោក ឡេវិស បានមាន​ប្រសាសន៍​ថាការ​​កើន​ឡើង​នេះ​បង្ហាញ​ពី​​ភាព​ល្អ​​ប្រសើរ​​ក្នុង​ការ​អនុវត្ត​ច្បាប់​ ឬ​​ការ​កើន​ឡើង​ខ្ពស់​ជាង​មុន​​នៃ​បទ​ល្មើស​គ្រឿង​ញៀន​។ ទោះ​ជា​​យ៉ាង​នេះក្ដី​ លោក​​ថ្លែង​ថា “ វា​អាច​មាន​ន័យ​ថាមាន​ហេតុផល​ផ្សេង​ទៀត​ ចំពោះ​ការ​ចាប់​ខ្លួន​​មនុស្ស​​ពី​បទ​​រក្សា​ទុក ​​​និង​​ប្រើ​ប្រាស់​​ព្រម​ទាំង​​ជួញ​ដូរ​គ្រឿង​ញៀន”។ លោកឡេវិសបាន​​លើក​ឡើង​​នៅ​ក្រៅ​សិក្ខាសាលា​តំបន់​មួយ​ស្ដី​អំពីគម្រោង​របស់​ UNODCដែល​មានឈ្មោះ​ថា ការ​ត្រួត​ពិនិត្យ​ការ​​ផលិត​គ្រឿង​ញៀន​ ការវិភាគ​ ការ​រាយ​ការណ៍​ និង​និន្នាការ​​​ថា UNODC នឹង​ត្រួត​​ពិនិត្យតួលេខ​នេះ​។ លោកដេវិដហាឌីង (David Harding)ទី​ប្រឹក្សា​ បច្ចេក​ទេស​ទទួល​បន្ទុក​គ្រឿង​ញៀន​នៅ​ឯ​អង្គ​ការ​ក្រៅ​រដ្ឋាភិបាល​មិត្ត​សំឡាញ់​អន្ដរ​ជាតិ​ ដែល​​​ទាក់​ទង​ដោយ​ផ្ទាល់​​ជាមួយ​អ្នក​ប្រើ​ប្រាស់​គ្រឿង​ញៀននៅ​តាម​ផ្លូវ​ក្នុង​រាជ​ធានី​ភ្នំ​ពេញ បាន​​ថ្លែង​ថា មាន​គោលការណ៍​ច្បាស់​លាស់​មួយ​​​ដើម្បី​បង្កើន​​ការ​​ចាប់​ខ្លួន​ជន​ល្មើស​គ្រឿង​ញៀន​ថ្នាក់​ទាប​ ​ព្រោះ​​ពួក​គេ​​អាច​បណ្ដាល​ឲ្យ​មាន​ផល​​ប៉ះ​ពាល់​។ លោកហាឌីងបាន​ថ្លែង​ថា“ គោល​នយោ​បាយ​​ភូមិឃុំ​​មាន​សុវត្ថិភាព​ឆ្នាំ​២០១០​ បាន​ធ្វើ​ឲ្យ​មាន​ការ​កើន​ឡើង​យ៉ាង​ខ្លាំង​ក្នុង​ការ​ចាប់​ខ្លួន​​មនុ​ស្ស​ពាក់​ព័ន្ធ​នឹង​​គ្រឿង​ញៀន​”។​ លោក​បាន​មាន​ប្រសាសន៍ថាការ​បង្ក្រាប​នេះ​បាន​ធ្វើ​ឲ្យ​កាន់​តែ​មាន​ការ​លំបាក​ ចំពោះ​​អង្គកា​រក្រៅ​រដ្ឋាភិបាល​ ដែលមាន​បំណង​ផ្ដល់​​សេវា​កាត់​បន្ថយ​គ្រោះ​ថ្នាក់​ ដែល​ចុះ​ទៅ​​ជួយ​​អ្នក​ប្រើ​ប្រាស់​​គ្រឿង​ញៀន​។ លោក​បាន​ថ្លែង​ថា “មាន​ការ​ប្រឹង​ប្រែងជាច្រើន​ក្នុង​ការ​​​គ្រប់គ្រង​បញ្ហា​​គ្រឿង​ញៀន​ ក៏ប៉ុន្ដែ​ មិនមាន​ការ​ប្រឹង​ប្រែង​ច្រើន​ក្នុង​ការ​​គ្រប់គ្រង​បញ្ហា​​សុខភាព​​នោះទេ។​មាន​ការ​លំបាក​កាន់​តែ​ខ្លាំង​​​ក្នុង​ការ​ទំនាក់​ទំនង​​ជាមួយ​អ្នក​​ប្រើ​ប្រាស់​​គ្រឿង​ញៀន​ជា​ប្រចាំ”។ លោកខៀវសុភ័គអ្នក​នាំ​ពាក្យ​ក្រសួង​មហា​ផ្ទៃ​បាន​បញ្ជាក់​ថា កា​រចាប់​ខ្លួន​មនុស្ស​ពាក់​ព័ន្ធ​នឹង​គ្រឿង​ញៀន​គឺ​ជា​ការ​សម​ហេតុ​ផល ព្រោះ​នគរ​បាល​ចាប់​ខ្លួន​​តែជន​សង្ស័យ​ណា ​​នៅពេល​ដែលខ្លួន​​មាន​ភស្ដុតាង​ ហើយ​បាន​លើក​ឡើង​​ថាការ​កើន​ឡើង​​នៃ​ការ​ចាប់​ខ្លួន​នេះ គឺ​ដោយ​សារតែ​​ការ​កើន​ឡើង​នៃ​​សកម្ម​ភាព​ខុស​ច្បាប់​។ លោក​ឧត្តម​សេនីយ៍​ឯកខៀវសុភ័គ ​មាន​​ប្រសាសន៍​ថា “ ​អ្នក​អាច​ចាប់​ត្រី​បាន​ច្រើន​ពី​ព្រោះមាន​ត្រី​​ច្រើន​នៅ​ក្នុង​ទឹក​។ ដូច្នេះ​យើង​​អាច​និយាយ​បា​ន​ថា មាន​បទ​ល្មើស​ ច្រើន​នោះ​ជា​មូល​ហេតុ​ដែល​យើង​ចាប់​មនុស្ស​​បាន​កាន់​តែ​ច្រើន​”៕ ប្រែសម្រួល​ដោយ ចេវ​ ប៊ុននី  

​​មាន​​​ការ​​​ជជែកវែក​ញែក​​​​​​​ពី​​​ចរិត​លក្ខណ:​​​និង​តួនាទី​របស់ ខៀវ សំផន នៅ​ក្នុង​សាលាក្តី

លោក​ ដេវិដឆាណ្ឌល័រ (David Chandler) ដែល​​​ជា​​​​សាក្សី​ជំនាញ​​បាន​ប្រាប់​សាលាក្តី​​​ខ្មែរ​ក្រហម​កាលពី​ម្សិល​មិញ​ថាខៀវសំផនត្រូវ​បានគេគោរព​កោត​សរសើរ​​​យ៉ាង​​​ខ្លាំង​​​​ថា ជា “ មនុស្ស​ស្អាតស្អំ​ក្នុង​សង្គម ​ដែល​គេ​គោរព​និង​ឲ្យ​តម្លៃ​” ក្នុង​ទស​វត្សរ៍​ឆ្នាំ​១៩៦០ ប៉ុន្តែ​ព្រះ​អង្គ​ម្ចាស់​ នរោត្តម សីហនុ ក្នុង​​​សម័យ​​​​​​នោះមិន​ទុក​ចិត្ត​គាត់​ដោយ​សារ​ហេតុ​​​​ផល​នេះ។ លោកឆាណ្ឌ​ល័រដែល​​បាន​​បម្រើ​ការ​ជា​មន្ត្រី​ស្ថាន​ទូត​សហ​រដ្ឋ​អាមេរិក​ប្រ​ចាំ​ក្រុង​​ភ្នំពេញ ​ពី​ឆ្នាំ​១៩៦០ ដល់​ឆ្នាំ​១៩៦២បាន​មាន​ប្រ​សាសន៍​ថា ​ពេល​នោះ​ ខៀវ ​សំផន ​គឺ​ជា​បញ្ញវ័ន្តឆ្វេង​និយម​វ័យ​ក្មេង​ម្នាក់​​​ ដែល​ល្បី​ថាជា​មនុស្ស​​គ្មាន​នរណា​ម្នាក់​អាច​បញ្ចុះ​បញ្ចូល​បានឡើយ។ ខៀវសំផនបាន​ធ្វើ​ជា​ប្រ​មុខ​រដ្ឋ​នៃ​​របប​ខ្មែរ​ក្រហម​ ប៉ុន្តែ​​បា​នអះអាង​ម្តង​ហើយ​ម្តង​ទៀត​ថា គាត់​គ្រាន់​តែជា​អា​យ៉ង​ម្នាក់​ប៉ុណ្ណោះ​ ហើយ​ថា គាត់​មិន​បា​ន​ដឹង​អ្វី​ទាំ​ង​​អស់​អំ​ពី​អំ​ពើ​ឃោរ​ឃៅ​អំ​ឡុង​ពេល​នោះ។ លោក​ ឆាណ្ឌល័របា​ន​មា​ន​ប្រ​សាសន៍​តាម​​​​កា​រ​សាក​សួរ​ពី​មេធា​វី​កា​រពា​រ​ ខៀវ ​សំ​ផនថា​“ គាត់​ទទួល​បា​ន​កា​រ​កោត​​សរសើរ​ពី​អ្ន​ក​ដែល​ស្រឡាញ់​ភាព​​ស្មោះ​ត្រង់។ ខ្ញុំ​គិត​ថា ​សីហនុ ​​ក៏​​​​​​​ខ្លាច​​​គាត់​បន្តិច​បន្តួច​ដែរ​ ដោយ​សា​រតែ​លក្ខណៈ​សម្បត្តិបែប​េនះ​។ គាត់​​​មាន​​​ឈ្មោះ​​ល្បី​​​​ត្រង់ថា​ គាត់​ជា​មនុ​ស្ស​​​ម្នាក់​​​ដែល​​​​គេ​មិន​អា​ច​ទិញ​ទឹក​ចិត្ត​​បា​ន ​ហើយនៅ​​ក្នុង​ចំណោម​មន្ត្រី​​​​ជំ​និត​ៗ​​​នៅ​ក្នុង​សម័យ​​​សីហនុ កម្រមាន​​មនុស្ស​បែប​នេះ​ណាស់​...។ គាត់ជា​មនុស្ស​មួ​យ​ប្រភេទ​ ដែលសម្ដេច​ សីហនុ មិន​ដឹង​​ថា ​​ត្រូវ​ទាក់​ទង​ដោយ​​របៀប​ណាទេ​។ គាត់ គ្មា​ន​បទ​ពិ​សោធជាមួ​យមនុស្ស​ ដែលគាត់​​មិន​អា​ច​គ្រប់គ្រង កេង​ចំណេញ មាន​ឥទ្ធិ​ពល​លើការ​ទិញ និង​ជួល​​​​បាន​​​ឡើយ”។ ​ថ្វី​បើ​មា​ន​ការ​ព្រួយ​បារម្ភ​បែប​នេះ​ក្តី​ ឬ​ប្រហែ​លជា​ដោ​យ​​សារ​តែ​​​ឥរិយាបថ​បែប​នេះ សីហនុ បា​ន​ស្នើ​សុំ​ឲ្យ​ ខៀវ សំផនចូ​ល​ធ្វើ​ការ​​មួ​យ​រយៈ​ពេលខ្លីក្នុង​ជួរ​​​រដ្ឋា​ភិ​បាល​​របស់ទ្រង់​​​ ជាមន្ត្រី្កក្រសួង​ពាណ​ិជ្ជកម្ម​។ “ លោក​បាន​ទទួល​ស្គាល់​​នៅ​ក្នុង​​សំ​ណេរ​របស់​លោក​ថា ហេតុ​ផល​មួ​យ​ក្នុង​ចំ​ណោម​​ហេតុ​ផល​ដែ​ល​ព្រះ​អង្គ​​​​ម្ចាស់​​​​ដាក់ “ ខៀវ សំផន” ចូល​​​ធ្វើ​​ការ​​​​​​​នៅ​ការិ​យាល័យ​​ក្នុង​ក្រសួងពា​​​ណិ​ជ្ជកម្ម គឺ​​ដើម្បី​​​​​ចង់​ដឹង​​ថា ​តើ​គាត់​អាច ចូ​ល​​រួមជាមួ​យ​ក្រុម​នេះ​បា​ន​ឬ​​អត់​ ហើយ​កា​រ​​ងារ​​របស់​ ខៀវ សំ​ផន ជា​សមាជិក​គណៈ​រដ្ឋ​មន្ត្រី ​គេ​​​មិន​​​ដែល​​​​​សង្កេត​ឃើញ​មា​ន​អំ​ពើ​ពុក​រលួយ​​​សោះ​​ឡើយ​​​។ អ្វី​ដែ​ល​ធ្វើ​ឲ្យ​ ស៊ីហនុព្រួយ​បា​រម្ភ​​​​នោះ​​​​​មិន​មែន​គ្រាន់​តែ​​ដោ​យ​សារ​​​គាត់​​ជា​មនុស្ស​ម្នាក់​ដែ​ល​ព្រះ​អង្គ​មិន​ចូ​ល​ចិត​្ត​ឡើយ​ ប៉ុន្តែ​​ ថែមទាំង​ជាមនុស្ស​​ម្នាក់​ ដែ​​ល​​អា​ច​អនុ​វត្ត​គោល​ការ​ណ៍​សីល​ធម៌​​​​បា​ន​ល្អ​ជាង​សហ​កា​រី​​របស់​ព្រះ​អង្គ​ទៀត​​​ផង​”។ ​ក្រោ​យ​មក ខៀវ សំ​ផន ត្រូ​វ​បា​ន​បោះ​ឆ្នោត​ជ្រើស​តាំ​ង​ជា​តំ​ណា​ងរាស្ត្រ អំ​ឡុង​សម័យកា​ល​មួ​យ​ដែល​កំ​ពុង​មា​ន​ជម្លោះ​ផ្ទៃ​ក្នុង និង​ស្ថាន​​​ភាព​​​ចលា​ចលកា​ន់​តែ​ខ្លាំ​ង។ ខៀវ...

ក្រុម​ហ៊ុន​អាកាសយាន​ដ្ឋានកម្ពុជា​គ្រោង​វិនិយោគ​ ដើម្បីបង្កើន​សមត្ថភាពអាកាសយានដ្ឋាន​ទ្វេដង

មន្ត្រី​នៅ​ឯ​អាកាស​យាន​ដ្ឋាន​ បាន​ឲ្យ​ដឹង​កាល​ពីម្សិល​មិញ​ថា​ ក្រុម​ហ៊ុន​អា​កាស​យាន​ដ្ឋាន​​កម្ពុជា​ (Cambodia Airports)​ គ្រោង​វិនិ​យោគ​​ទឹក​ប្រាក់​ចំនួន១០០​លាន​ដុល្លារ​ នៅ​ឆ្នាំ​ក្រោយ​ ដើម្បី​ពង្រីក​ទំហំ​អាកាស​យាន​ដ្ឋាន​​នៅ​ខេត្ត​សៀមរាប​ និង​រាជធា​នីភ្នំ​ពេញ​ ព្រម​ទាំង​ដើម្បី​បង្កើន​ចំនួន​អ្នក​ដំណើរ​ ដែល​ឆ្លង​កាត់​តាម​អាកាសយានដ្ឋាន​ទាំង​ពីរ​របស់​ខ្លួន​ឲ្យ​បាន​ទ្វេដង។ លោក​ អែមម៉ាញូអ៊ែល​ មឺណង់តូ​ (Emmanuel Menanteau)​ នាយក​ប្រតិបត្តិ​ក្រុម​ហ៊ុន​អាកាសយានដ្ឋាន​កម្ពុជា​ ដែលភាគ​ហ៊ុន​ភាគ​ច្រើន​គ្រប់​គ្រង​ដោយ​ ក្រុម​ហ៊ុន​សំណង់​របស់​បារាំង​ វាំងស៊ី​ (Vinci)​ ហើយ​ជា​អ្នក​គ្រប់​គ្រង​អាកាស​យានដ្ឋាន​អន្តរជាតិ​ទាំង​បី​របស់​ប្រទេស​កម្ពុជា​ បាន​មាន​ប្រសាសន៍​ថា​ កិច្ចការ​​ពង្រីក​អា​កាស​យានដ្ឋាន​ ត្រូវ​បាន​រំពឹង​ថា​ នឹង​​បញ្ចប់​នៅ​ឆ្នាំ​២០១៥។ លោក ​អែមម៉ាញូអ៊ែល​ មឺណង់តូ បាន​ឲ្យ​ដឹង​ថា​ “ យើង​បាន​ដឹង​ហើយ​ថា​ ជា​ពិសេស​សម្រាប់​អាកាស​យានដ្ឋាន​អន្តរជាតិ​ភ្នំ​ពេញ​ នៅមុន​ឆ្នាំ​២០១៥​ យើង​ត្រូវ​តែ​ធ្វើ​អ្វី​មួយ​ ហើយ​យើង​ក៏​កំពុង​តែ​​ធ្វើ​ការ​ពង្រីកកន្លែង​ភ្ញៀវ​រង់​ចាំ​នៅ​ឯ​អាកាសយាន​ដ្ឋាន​អន្តរជាតិ​ភ្នំ​ពេញ​ និង​សៀម​រាប​ ដោយ​លោក​បានមាន​ប្រសាសន៍​​បន្ថែម​ថា​ លទ្ធភាព​អាកាស​យាន​ដ្ឋាន​​នីមួយៗ​ នឹង​ត្រូវ​បង្កើន​ ដើម្បី​ទទួល​អ្នក​ដំណើរ​បាន​ក្នុង​ចន្លោះ​ពី​៤,៥​លាន​នាក់​ ទៅ​​៥​លាន​នាក់​ក្នុង​មួយ​ឆ្នាំៗ។ លោក​បាន​បន្ថែម​ទៀត​ថា​ “យើង​រំពឹង​ថា​ នឹង​បញ្ចប់​ដំណាក់​កាល​គូសប្លង់​នៅ​ឆ្នាំ​នេះ​ ហើយ​បន្ទាប់​មក​នឹង​ទទួល​បាន​ការ​យល់​ព្រម​ពី​រដ្ឋាភិបាល​ឲ្យ​ចាប់​ផ្តើម​ការ​សាង​សង់​នៅ​ក្នុង​ត្រី​មាស​ទី១​ឆ្នាំ​ក្រោយ”។ យោង​តាម​ទិន្នន័យ​ ដែល​បានផ្សព្វ​ផ្សាយ​ដោយ​ក្រុម​ហ៊ុន​អាកាសយាន​ដ្ឋាន​កម្ពុជា​ បាន​ឲ្យ​ដឹង​ថា​ ចំនួន​ទេសចរ​ដែល​មក​ទស្សនា​ប្រទេស​កម្ពុជា​តាម​អាកាស​យានដ្ឋាន​ទាំង​ពីរ​នេះ​ បាន​កើន​ឡើង​ចំនួន​១៩,៧​ភាគ​រយ​ ពោល​គឺ​កើន​ជិត​ដល់​២លាន​នាក់​នៅ​ក្នុង​ឆមាស​ទី១​ឆ្នាំ​នេះ​ បើប្រៀប​​ធៀប​នឹង​រយៈ​ពេល​ដូច​គ្នា​កាល​ពី​ឆ្នាំ​មុន។​ អាកាស​យាន​ដ្ឋាន​អន្តរជាតិ​ភ្នំ​ពេញ​ មាន​លទ្ធ​ភាព​ទទួល​អ្នក​ដំណើរ​បាន​២,៥​លាន​នាក់​ក្នុង​មួយ​ឆ្នាំៗ​ ចំណែក​ឯ​អាកាស​យាន​ដ្ឋាន​សៀម​រាប​ អា​ច​ទទួល​បាន​ចំនួន​១,៥​លាន​នាក់។ ការ​សាងសង់​ពង្រីក​កន្លែង​រង់​ចាំ​  គឺ​ផ្នែក​មួយ​នៃ​គម្រោង​ ដែល​មាន​ទឹក​ប្រាក់​ចំនួន​២៥០​លាន​ដុល្លារ​ ទៅ​៣០០​លាន​ដុល្លារ​ ដែល​​ត្រូវ​បាន​លៃ​ទុក​សម្រាប់​អភិវឌ្ឍអាកាស​យាន​ដ្ឋាន​មួយ​ក្នុង​ចំណោម​អាកាស​យានដ្ឋាន​ទាំង​បី​កន្លែង​របស់​ប្រទេស​កម្ពុជា​ឲ្យ​បាន​មុន​ឆ្នាំ​២០២០។ នៅ​ឯ​អាកាស​យានដ្ឋាន​អន្តរជាតិ​ខេត្ត​ព្រះ​សីហនុ​ មាន​តែយន្ត​ហោះ​មួយ​ប៉ុណ្ណោះ​ ដែល​ដឹក​ជញ្ជូន​អ្នក​ដំណើរ​ទៅ​កាន់​តំបន់​ឆ្នេរ​មួយនេះ។​ ខណៈ​ដែល​ក្រុម​ហ៊ុន​អាកាស​​យានដ្ឋាន​កម្ពុជា​ ​មាន​ផែន​ការ​វិនិយោគ​​អាកាសយានដ្ឋាន​ខេត្ត​ព្រះ​សីហនុ​របស់​ខ្លួន​ ក្រុម​ហ៊ុន​នឹង​សម្រេច​វិនិយោគ​នៅ​ពេល​ណា​មាន​អ្នក​ធ្វើ​ដំណើរ​ទៅ​ទី​នោះ​ច្រើន។ លោក​ មឺណង់តូ​ បានមាន​ប្រសាសន៍​ថា“​ យើង​តែង​តែ​មាន​បំណង​អភិវឌ្ឍអាកាស​យានដ្ឋាន​ខេត្ត​ព្រះសីហនុ​...