របាយការណ៍​របស់​អាមេរិក​បង្ហាញ​ថា លទ្ធិ​ប្រជា​​ធិប​តេយ្យ​​ ក្នុង​ប្រទេស​​កម្ពុជា​មិន​ល្អ​​ឡើយ​

យោង​តាម​របាយការណ៍​ថ្មី​ស្ដី​ពី​ទំនាក់​ទំនង​កម្ពុជា​-សហ​រដ្ឋ​អាមេរិក​ ដែល​ត្រូវ​បាន​រៀប​ចំ​ធ្វើ​ឡើង​កាល​ពី​សប្ដាហ៍​មុន​សម្រាប់​សភា​សហ​រដ្ឋ​អាមេរិក​​ ប្រព័ន្ធ​នយោបាយ​នៅ​ក្នុង​ប្រទេស​កម្ពុជា​​មាន​ប្រជាធិបតេយ្យ​តិច​តួច ហើយ​សិទ្ធិ​មនុស្ស​​ក៏​ត្រូវ​បាន​រារាំង​ផង​ដែរ​ ខណៈ​លោក​នាយក​រដ្ឋ​មន្ត្រី​ ហ៊ុន សែន កំពុង​ពង្រឹង​ភាព​ខ្លាំង​របស់​ខ្លួន​តាម​រយៈ​ឥទ្ធិពល​ និង​ការ​បំភិត​បំភ័យ​ជា​ពិសេស​នៅ​មុន​ថ្ងៃ​បោះ​ឆ្នោត​ជាតិ​នា​ថ្ងៃ​ទី​២៨​​ ខែ​កក្កដា​។ របាយការណ៍​នេះ​បាន​​​លើក​ឡើង​ពី​​ការ​ដែល​មិន​អាច​មក​ចូល​រួម​នៅ​ក្នុង​ការ​បោះ​ឆ្នោត​របស់​លោក សម រង្ស៊ី មេដឹក​នាំ​គណ​បក្ស​ប្រឆាំង បញ្ជី​​ឈ្មោះ​​បោះ​ឆ្នោត​មិន​ពេញ​លេញ​ និង​មាន​ចន្លោះ​ប្រហោង​ ទំនាក់​ទំនង​យ៉ាង​ជិត​ស្និទ្ធ​របស់ណៈកម្មាធិការ​ជាតិ​រៀប​ចំ​ការបោះឆ្នោត​​ជា​មួយ​គណបក្ស​កាន់​អំណាច​ និង​​សេចក្តី​​សម្រេច​​នា​ពេល​ថ្មី​ៗ​នេះ​​របស់​រដ្ឋាភិបាល​​ដែល​បាន​ដក​សមាជិក​ភាព​របស់​សមាជិក​សភា​ចំនួន​២៧​រូប​​មកពី​​គណ​បក្ស​ប្រឆាំង​​ចេញ​ពី​រដ្ឋ​សភា ជា​ទង្វើ​មួយ​ដែល​​​រង​ការ​ថ្កោល​ទោស​ភ្លាម​ៗ​ពី​សហ​រដ្ឋ​អាមេរិក​។ របាយការណ៍​ដែល​សរសេរ​ដោយ​លោក ​ថូម៉ាស់ ឡាំ​ (Thomas Lum) អ្នក​ជំនាញ​ផ្នែក​កិច្ច​ការ​នៅ​តំបន់​អាស៊ី​​របស់​សេវា​កម្ម​ស្រាវ​ជ្រាវ​នៃ​សភា​សហ​រដ្ឋ​អាមេរិក​ ដែល​បាន​ស្រាវ​ជ្រាវ​ឲ្យ​សភា​សហ​រដ្ឋ​អាមេរិក​លើក​ទី​១១៣​នា​ពេល​បច្ចុប្បន្ន​​​ បាន​លើក​ឡើង​ថា លោក ហ៊ុន សែន កំពុង​ពង្រឹង​នយោបាយ​របស់​ខ្លួន​តាម​រយៈ​ការ​ផ្សា​ភ្ជាប់​នៃ​ជ័យ​ជម្នះ​ការ​បោះ​ឆ្នោត​​ ឥទ្ធិពល​លើ​ប្រព័ន្ធ​ផ្សព្វ​ផ្សាយ​ និង​ប្រព័ន្ធ​តុលាការ ​​ការ​ប្រើ​កល​ល្បិច​នយោបាយ​ ការ​បំភិត​បំភ័យ​គូ​ប្រជែង​​ ការ​ប្រើ​ទឹក​លុយ​ និង​​ការ​គំរាម​កំហែង​ផ្នែក​សេដ្ឋកិច្ច”។ របាយការណ៍​នេះ​បាន​លើក​ឡើង​ថា អ្នក​រិះ​គន់​មួយ​ចំនួន​បាន​ជំទាស់​ថា​ នៅ​ពេល​ដំណើរ​ការ​បោះ​ឆ្នោត​មាន​ភាព​ប្រសើរ​ឡើង​ លោក ហ៊ុន សែន បាន​ទាញ​យក​ប្រយោជន៍​ពី​យុទ្ធនាការ​ឃោសនា​បោះ​ឆ្នោត​ដោយ​អយុត្តិ​ធម៌​តាម​រយៈ​ការ​គ្រប់​គ្រង​របស់​លោក​ទៅ​លើ​ប្រព័ន្ធ​ផ្សព្វផ្សាយ​ និង​ការយាយី​​គូ​ប្រជែង​នយោបាយ ការ​រិះគន់​ និង​អង្គការ​សង្គម​ស៊ីវិល​​។ របាយការណ៍​នេះ​បាន​លើក​ឡើង​បន្ត​ថា ទោះ​បី​ជា​គណបក្ស​ប្រឆាំង​អាច​​​ទទួល​បាន​អាសនៈ​រដ្ឋ​សភា​នៅ​ក្នុង​ការ​បោះ​ឆ្នោត​ជាតិ​នា​ថ្ងៃ​ទី​២៨ ខែ​កក្កដា ឆ្នាំ​២០១៣​ខាង​មុខ​...

តុលាការសហ​រដ្ឋ​​​​អាមេរិក​​​ផ្តល់​​​ឱកាស​​​ឲ្យ​​​ដៃគូ​​​ស្រឡាញ់​​​ភេទ​​​ដូចគ្នា​​​នៅ​​​ក្នុង​ប្រទេសកម្ពុជា​​​

មេធាវី​​​នៅ​​​សហរដ្ឋ​​​អាមេរិក​​​មួយ​​​រូប​​​​បាន​​​​​​​ឲ្យ​​​ដឹង​​​​​​កាលពី​​​ម្សិលមិញ​​​ថា​​​ សេចក្តី​​​សម្រេច​​​របស់​​​តុលាការ​​​កំពូល​​​អាមេរិក​​​ក្នុងការ​​​អនុ​ញ្ញាត​​​​ឲ្យ​​​មាន​​​ការ​​​រៀប​​​​អាពាហ៍ពិពាហ៍រវាង​​​មនុស្ស​​​ស្រឡាញ់​​​ភេទ​​​ដូចគ្នា​​​ អាច​​​ជា​​​ការ​​​វិវឌ្ឍវិជ្ជ​មាន​​​​មួយ​​​សម្រាប់​​​​​ដៃគូ​​​ស្រឡាញ់​​​ភេទ​​​ដូចគ្នា​​​ ដែល​​​កំពុង​​​រស់នៅ​​​ក្នុង​​​ប្រទេស​​​កម្ពុជា។​​​ កាលពី​​​ថ្ងៃ​​​ពុធ​​​ ច្បាប់​​​ឆ្នាំ​​​១៩៩៦​​​ស្តីពី​​​ការ​​​ការពារ​​​អាពាហ៍ពិពាហ៍ ដែល​​​កំណត់​​​​​​និយម​ន័យ​​​​នៃ​​​ពាក្យ​​​​​​​​​អាពាហ៍ពិពាហ៍ថា​​​ ជា​​​ទំនាក់ទំនង​​​​​​ផ្លូវ​ភេទ​​​​​រវាង​​​បុរស​​​និង​​​ស្ត្រី​​​ ត្រូវ​​​​​ទុកជា​​​​និរាករណ៍​​​ដោយ​​​​​​តុលាការ​​​កំពូល​​​ ដែល​​​ក៏​​​​​​បាន​​​បដិសេធ​​​មិន​​​ចេញ​​​សេចក្តី​​​សម្រេច​​​ពាក់ព័ន្ធ​​​នឹង​​​សំណើ​​​លេខ​​​៨​​​ (Proposition 8) ឬ​​​​​​ប្រជាមតិ​​​​នៅ​​​​​​រដ្ឋ​​​កាលីហ្វ័រញា៉ ដែល​​​ស្នើ​​​ឲ្យ​​​មាន​​​ការ​​​ហាមឃាត់​​​ការ​​​រៀប​​​អាពាហ៍ពិពាហ៍រវាង​​​មនុស្ស​​​ស្រឡាញ់​​​ភេទ​​​ដូចគ្នា​​​​​​នៅ​​​ក្នុង​​​រដ្ឋ​​​នេះ​​​។ ជា​​​លទ្ធផល​​​មនុស្ស​​​​ស្រឡាញ់​​​ភេទ​​​ដូចគ្នា​​​អាច​​​រៀប​​​អាពាហ៍​ពិពាហ​​​៍ នៅ​​​ក្នុង​​​រដ្ឋ​​​នេះ​​​បាន​​​ម្តង​​​ទៀត​​​ហើយ​​​​។​​​ លោក វ៉េន​​​ វ៉េកមែន (Wayne Weightman) ​ អ្នក​​​ជំនាញ​​​ផ្នែក​​​អន្តោ​​​ប្រវេសន៍​​​នៅ​​​ក្រុមហ៊ុន​​​​​​ផ្ដល់​​​សេវា​​​ពិគ្រោះ​​​យោបល់​​​វ៉េកមែន (Weight​man Advisory Services) ដែល​​​មាន​​​អាជ្ញាប័ណ្ណ​​​អាមេរិក​​​ បាន​​​ឲ្យ​​​ដឹង​​​ថា​​​ ពលរដ្ឋ​​​អាមេរិក​​​ដែល​​​ជា​​​មនុស្ស​​​ស្រី​​​ស្រឡាញ់​​​​ភេទ​​​​ដូចគ្នា​​​ មនុស្ស​​​ប្រុស​​​ស្រឡាញ់​​​ភេទ​​​​​​ដូចគ្នា និង​​​មនុស្ស​​​ស្រឡាញ់​​​​​​​​​មនុស្ស​​​ទាំង​​​ពីរ​​​​ភេទ​​​ ដែល​​​កំពុង​​​មាន​​​ទំនាក់​​​ទំនង​​​​​​ផ្លូវ​​​ភេទ​​​ជាមួយ​​​ពល​​​រដ្ឋ​​​កម្ពុជា​​​ ឥឡូវ​​​នេះ​​​អាច​​​មាន​​​លទ្ធភាព​​​នាំ​​​ដៃ​​​គូ​​​​​​​​​​​​ទៅ​​​សហរដ្ឋ​​​អាមេរិក​​​ជា​​​មួយ​​​​​​ខ្លួន​​​បានហើយ​​​។ ​​​​​​​​​​​​​​​​​​​​​​​​​​​​​​​​​​​​    លោក​​​ វ៉េកមែន បាន​​​មាន​​​ប្រសាសន៍​​​ថា “ ពល​​​រដ្ឋ​​​អាមេរិក​​​ ដែល​​​ចង់​​​នាំ​​​ដៃ​​​គូ​​​ស្រឡាញ់​​​ភេទ​​​ដូច​​​គ្នា​​​​​​​​​ទៅរស់នៅ​​​​​​​​​សហរដ្ឋ​​​អាមេរិក​​​មិន​​​អាច​​​ធ្វើ​​​ដូច្នេះ​​​បាន​​​ទេ​​​ ប៉ុន្តែ​​​​​​អាច​​​​​​​​​នាំ​​​ទៅ​​​លេង​​​បាន​​​​​​។ ពួកគេ​​​ជាប់​​​​​​ផុង​​​នៅ​​​ក្រៅ​​​សហរដ្ឋ​​​អាមេរិក​​​អស់​​​រយៈពេល​​​ពី​​​២០​​​ទៅ ៣០​​​ឆ្នាំ​​​មក​​​ហើយ”។ លោក វ៉េកមែន​​​ បាន​​​ឲ្យ​​​ដឹង​​​ថា ឥឡូវ ​​​ ដៃ​​​គូ​​​ប្រភេទ​​​នេះ​​​អាច​​​​​​ដាក់​​​ពាក្យ​​​ស្នើ​​​សុំ​​​ទិដ្ឋាការ​​​ទៅ​​​​​​លេង​​​រដ្ឋ​​​ណាមួយ​​​នៅ​​​សហរដ្ឋ​​​អាមេរិក​​​ដែល​​​​​​អនុញ្ញាត​​​​​​​​​ឲ្យ​​​មាន​​​ការ​​​រៀប​​​អាពាហ៍​​​ពិពាហ៍​​​រវាង​​​មនុស្ស​​​ស្រឡាញ់ភេទ​​​ដូច​​​គ្នា​​​ហើយ​​​។ បន្ទាប់​​​ពី​​​ចូល​​​ដល់​​​​​​ក្នុង​​​ទឹក​​​ដី​​​សហរដ្ឋ​​​អាមេរិក​​​ហើយ​​​ ពួក​​​គេ​​​មាន​​​ពេល​​​៩០​​​ថ្ងៃ​​​ដើម្បី​​​​​​បញ្ចប់​​​ដំណើរ​​​ការ​​​រៀប​​​អាពាហ៍​​​ពិពាហ៍​​​។ លោក វ៉េក​​​មែន​​​ បាន​​​បន្ត​​​ថា លោក​​​មិន​​​ដឹង​​​ថា តើ​​​សេចក្ដី​​​សម្រេច​​​របស់​​​តុលាការ​​​កំពូល​​​នេះ​​​អាច​​​ប៉ះពាល់​​​ដល់​​​មនុស្ស​​​ស្រឡាញ់​​​ភេទ​​​ដូចគ្នា​​​ប៉ុន្មាន​​​គូ​​​នៅ​​​ក្នុង​​​ប្រទេស​​​កម្ពុជា​​​ទេ​​​ ប៉ុន្តែ​​​​​​សេចក្ដី​​​សម្រេច​​​នេះ​​​​​​បាន​​​ផ្ដល់​​ឱកាស​​​ឲ្យ​​​ពួក​​​គេ​​​ហើយ​​​។ លោក វ៉េកមែន បាន​​​មាន​​​ប្រសាសន៍​​​ថា​ “...

សហ​ជីព​សេរីកម្ម​ករ​ដាក់​ញត្តិ​ទៅ​ស្ថាន​ទូ​ត​អាមេរិក ​និង​ចក្រភព​អង់គ្លេស​ដើម្បី​សុំ​អន្តរាគមន៍

កម្មករ​​កាត់​ដេរ​ជាង​ ​១១.០​០០​នាក់​ មក​ពី​រោង​ចក្រ​កាត់​ដែរ​ចំនួន​៣៣​ បាន​ចុះហត្ថ​លេខា​​លើ​ញត្តិ​មួយ ដែលត្រូវ​បានដាក់​ទៅ​ស្ថាន​ទូត​សហរដ្ឋ​អាមេរិក​ ​និង​ចក្រភព​អង់​គ្លេស​ កាល​ពីម្សិល​មិញ​ ​ដើម្បី​អំពាវ​នាវ​ឲ្យ​មានការ​ដោះ​លែង​តំណាង​សហ​ជីព​ប្រាំបី​នាក់​ ដែល​ត្រូវ​បាន​ឃុំ​ខ្លួន​អំឡុង​ហេតុ​កា​រ​ណ៍​តវ៉ា​ដោយ​ហិង្សា​​នៅ​រោង​ចក្រ​មួយ​។​ តំណាង​សហ​ជីព​សេរីកម្មករ​ប្រាំបីនា​ក់​នេះត្រូវ​បាន​ឃុំខ្លួន​ កាលពីថ្ងៃទី​៣​ខែ​មិថុ​នា ​បន្ទាប់​ពី​កម្មករ​រោង​ចក្រ​សាប្រ៊ីណា​ ក្នុង​ខេត្ត​កំពង់​ស្ពឺ​ បាន​នាំគ្នា​សម្រុ​កចូល​បរិវេ​ណ​រោង​ចក្រ​ និង​បំផ្លាញ​ទ្រព្យសម្បត្តិ​ អំឡុ​ង​ពេល​កំពុង​​ធ្វើការ​តវ៉ា​ទាម​ទារ​ឲ្យមាន​កា​រ​ដំឡើង​ប្រាក់​ឈ្នួល​​​របស់ខ្លួន​។​​ ញត្តិ​នេះ​មា​ន​ខ្លឹម​សារថា “ យើងចង់​ស្នើ​ឲ្យ​ឯកអគ្គ​រដ្ឋ​ទូ​ត​នៃ​ស្ថាន​ទូត​ទាំងពីរ​នេះចូលខ្លួន​អន្ត​រា​គមន៏​ ក្នុង​សកម្ម​ភាព​​អំ​ពាវ​នាវ​ឲ្យ​មាន​កា​រ​ដោះលែង​តំណាង​សហ​​ជី​ព​ទាំង​ប្រាំ​បី​នា​ក់​នេះ​ ​និង​លើក​លែង​ការ​ចោទ​ប្រ​កា​ន់​មេ​ដឹកនាំ​ស​ហ​ជីព​នានា​ ដែល​នៅ​​ក្រៅ​ឃុំ​​នៅ​ឡើ​យ​”។ ​លោក ​ជា មុនី ​ប្រធាន​សហ​ជីព​សេរី​ក​ម្ម​ករ​ បានមា​នប្រសា​សន៍ថា ​​ញត្តិ​នេះ​ក៏​ត្រូ​វ​បាន​ផ្ញើ​ ទៅ​ក្រុម​ហ៊ុនផលិត​ផលិត​ផល​កីឡា​យី​ហោ​ ណៃគី ​(Nike​) ដែលទទួល​សម្លៀក​​បំពាក់​ផលិត​​នៅ​រោង​ចក្រ​ សាប្រ៊ីណា​ ផង​ដែរ​ ​ដើម្បី​​ឲ្យ​មាន​​ប្រតិ​បត្តិ​ការ​ស៊ើប​អង្កេ​ត​​ករណី​នេះ​។​ ​លោក​បាន​ថ្លែងថា “ ​យើង​ត្រូ​វ​តែ​ក្រោក​ឈរ​ ​ដើម្បី​ប្រឆាំង​ម្ចាស់​រោង​ច​ក្រ ដែល​បាន​បញ្ជា​ឲ្យ​នគរ​​បាលប្រើ​អំពើ​ហិង្សា​លើ​ពួក​យើង​”។ ​លោក​បានអះ​អាង​​ថា កម្មករ​ដែល​បានចូលរួម​ការ​តវ៉ា​នេះក៏​ប​ង្ខំចិត្ត​ប្រើ​អំពើ​ហិង្សា​។​ ​លោក ​ជីអហ្វ ​ប៊ីប្រ៊ូហ្វ ​(Geoff Bi​lbrough​) អនុ​ប្រធាន​គ្រប់​គ្រង​ទូទៅ​ ក្រុម​ហ៊ុន​​ហេ្វ្ល​ស​ម៉ាន​ហីល​ឡាត ​(Fleis​hmanHi​llard​)​ ដែល​ជា​ក្រុម​ហ៊ុន​ផ្សព្វផ្សាយ​ ឲ្យ​រោង​ចក្រ​​​...

សាលាដំបូង​​ខេត្ត​ពោធិ៍សាត់ចោទ​ប្រកាន់​បុ​រសម្នាក់​​ពី​បទ​​បំផ្លាញ​​ស្លាក​សញ្ញា​​គ​ណ​បក្ស​​ សង្គ្រោះ​​​ជាតិ

មន្ត្រី​តុ​លា​កា​រ​​បា​នឲ្យ​ដឹង​កា​ល​ពី​ម្សិល​​មិញ​​ថា ​​កាល​​ពី​ថ្ងៃ​​​ពុធ​ សាលា​​ដំ​បូង​ខេត្ត​​ពោ​ធិ៍​សាត់​​បា​ន​ចោទ​ប្រកាន់​​បុ​រស​​​អា​យុ​​៥៣ឆ្នាំ​ម្នាក់​​ពី​បទ​​យក​​​ពូ​ថៅ​​មក​កាប់​បំ​ផ្លាញ​​​ស្លាក​សញ្ញា​យុទ្ធ​នា​ការ​​​ឃោសនា​បោះឆ្នោ​ត​​​របស់​​គ​ណ​បក្ស​​ប្រ​ឆាំ​ង​​​​។ លោក ​តន់ ​សីហ​​តេជះ​ ព្រះ​​​រាជ​អាជ្ញា​​អម​សាលា​​ដំ​បូ​ង​ខេត្ត​​​​បា​ន​មាន​​ប្រ​សាសន៍​​ថា ​​បុរស​​ឈ្មោះ ​តុប សៅ ​ត្រូ​វ​​បា​ន​ចោទ​​ប្រកាន់​​ពី​បទ​​បំ​ផ្លាញ​​ទ្រ​ព្យសម្បត្តិ​សាធារ​​ណៈចំពោះ​​ហេតុ​កា​រណ៍​មួ​យ​ ដែល​បាន​កើត​ឡើង​​កា​ល​​ពី​យ​ប់​​ថ្ងៃ​​​​អា​ទិត្យ​ នៅ​​​​ឃុំ​​ថ្ម​​ដា ​ស្រុក​វា​ល​​វែ​ង​ ដោយ​​​​គាត់​​បា​ន​​កាប់​បំផ្លាញ​​ស្លាក​សញ្ញា​​​​​​ឃោសនា​របស់​​​គ​ណ​​បក្ស​​សង្គ្រោះ​​​ជាតិ​។ ​​​លោក សី​ហ​តេជះ ​​​បានលើក​ឡើ​ង​ថា​  “ តុ​លា​ការ​​​​បា​ន​សម្រេច​​​ឃុំខ្លួ​ន​​​គាត់​​ជា​​បណ្តោះ​​​​អា​​សន្ន​។ ប្រ​សិ​ន​​បើ​​​តុលា​ការ​​រក​ឃើញ​ថា​ គាត់​ពិត​ជា​មាន​កំ​ហុស​​​មែន​នោះ​ គាត់​​អាច​​​​ប្រឈម​នឹ​ង​​កា​រ​ជាប់​ពន្ធនាគារ​រយៈ​​ពេល​​​ពី​ប្រាំ​មួ​យ​​ខែទៅ​​បី​ឆ្នាំ​។ ​លោក សី​ហ​​តេជះ ​​មា​ន​​ប្រ​សាស​ន៍​ថា​ ឧបទ្ទវ​ហេតុ​នេះ​ គឺ​​ជា​លើក​ដំ​បូ​ង​ហើយ​ ដែល​​លោក​​​បា​ន​ដឹង​​នៅ​ក្នុ​ង​​ខេត្ត​​ពោធិ៍សាត់​ ​ដែល​​ស្លាក​​សញ្ញា​គ​ណ​បក្ស​ត្រូ​វ​​បា​ន​បំផ្លាញ​ចោល​ នៅ​មុន​កា​រ​​បោៈ​​ឆ្នោ​ត​​ជ្រើស​​តាំ​ង​​តំណា​ង​​រាស្ត្រ​​ថ្ងៃ​ទី​២៨ ខែ​កក្កដា។ ​លោក សាយ សាវុធ នា​យ​​រង​ការិ​យាល័​យ​​នគរបាល​យុត្តិ​ធម៌​ខេត្ត​​​បា​ន​​​មា​ន​ប្រ​សាសន៏ថា ​នគរបាល​បា​ន​ចាប់​ខ្លួន​បុរស​ឈ្មោះ​ តុប...

ធនាគារ​អភិវឌ្ឍន៍​អាស៊ី​សន្យា​ផ្ដល់​​ប្រាក់​កម្ចី​ចំនួន​៥៥​លាន​ដុល្លារ​សម្រាប់​វិស័យ​កសិកម្មនៅ​កម្ពុជា​

កាល​ពី​ម្សិលមិញ​ ធនាគារ​អភិវឌ្ឍន៍​អាស៊ី​ (ADB) បាន​សម្រេច​ផ្ដល់​ប្រាក់​កម្ចី​ចំនួន​៥៥​លាន​ដុល្លារ​សម្រាប់​វិស័យ​កសិកម្ម​របស់​ប្រទេស​កម្ពុជា ​ ដើម្បី​ជួយ​ប្រជា​កសិករ​ធ្វើ​ស្រែ​​​​ខ្នាត​តូច​ បង្កើន​បរិមាណ​ផលិត​​ស្រូវ​របស់​​ពួក​គាត់​។ លោក ប៊ី មីញ ហ្គេប (Bui Minh Giap) អ្នក​ជំនាញ​សេដ្ឋកិច្ច​ខាង​ធន​ធាន​ធម្មជាតិ និង​កសិកម្ម​​​​របស់​ធនាគារ​អភិវឌ្ឍន៍​អាស៊ី​​ប្រចាំ​តំបន់​អាស៊ី​អាគ្នេយ៍​ បាន​ឲ្យ​ដឹង​នៅ​ក្នុង​សេចក្ដី​ថ្លែងការណ៍​មួយ​ថា គោល​បំណង​របស់​ធនា​គារ​​អភិវឌ្ឍន៍​អាស៊ី​ក្នុង​ការ​ផ្ដល់​ប្រាក់​កម្ចី​ ដែល​នឹង​ដំណើរ​ការ​រហូត​ដល់​ឆ្នាំ​២០១៩​នេះ​ គឺ​ដើម្បី​បង្កើន​ទាំង​គុណភាព​ និង​បរិមាណ​ស្រូវ​ ព្រម​ទាំង​បង្កើន​ការ​នាំ​ចេញ​ផង​ដែរ​។ លោក​ ប៊ី មីញ ហ្គេប បានមា​ន​ប្រ​សាសន៍​បន្ថែម​ទៀត​ថា “  នឹង​ជួយ​បង្កើន​ការ​ឈាន​ជើង​ចូល​ទៅ​ក្នុង​ទីផ្សារ​ស្រូវ​ទាំង​ក្នុង​តំបន់​ និង​អន្តរជាតិ​ ព្រម​ទាំង​ជួយ​បង្កើន​សន្តិសុខ​ស្បៀង​ថ្នាក់​ជាតិ​ និង​នៅ​តាម​គ្រួសារ​នីមួយៗ​ ហើយ​ថែម​ទាំង​ជួយ​បង្កើន​ប្រាក់​ចំណូល​ទៀត​ផង​”។ លោក សេង ប៊ុនស៊ ប្រធាន​​សមាគម​​រោង​ម៉ាស៊ីន​កិន​​ស្រូវនៅ​​​ខេត្ត​បាត់​ដំបង​ បា​ន​​​​មាន​ប្រសាសន៏ថា លោក​ស្វាគមន៍​ចំពោះ​ការ​ផ្ដល់​ប្រាក់​កម្ចី​នេះ​។ លោក សេង ប៊ុនស៊ បា​ន​​មាន​ប្រសាសន៍​បន្ថែម​​ទៀតថា “ នេះ​គឺ​ជា​ដំណឹង​ដ៏​ល្អ​សម្រាប់​យើង​ ប្រសិន​បើ​លក្ខ​ខណ្ឌ​នានា​ដែល​កំណត់​ដោយ​ធនាគារ​នេះ​មិន​លំបាក​នោះ” និង​ប្រសិន​បើ​កិច្ច​សន្យា​មាន​ភាព​ងាយ​ស្រួល​​ដែល​មនុស្ស​គ្រប់​រូប​​អាច​យល់​បាន​នោះ៕  ប្រែ​សម្រួល​ដោយ ហួង កុកទៀន

អង្គ​កា​រ​សុ​វត្ថិ​ភាព​ផ្លូ​វ​គោក​អំពាវ​នា​វ​​ឲ្យ​​រដ្ឋា​ភិ​បាលចាត់​វិធានការ​ ដើម្បី​​​កា​ត់​បន្ថយ​​ចំ​នួន​​អ្នក​ស្លាប់

​អង្គ​ការ​សុវត្ថិភាព​​ផ្លូ​វ​​គោក​ ​ដែល​បា​​រម្ភ​​អំ​ពី​​​​កំ​ណើន​​អ្នក​ស្លាប់​កាន់​តែ​កើន​ឡើង​​​​ដោ​យ​សារ​​​គ្រោះ​​ថ្នាក់​​ចរាចរណ៍​ ​​បា​ន​អំ​​ពាវ​នា​​វ​ឲ្យ​​រដ្ឋាភិ​បាល​​​ចាត់​វិ​ធា​ន​កា​រ​​​ជា​បន្ទាន់​ដើម្បី​កែ​ប្រែ​និន្នា​ការ​នេះ​​តាម​រយៈ​ការ​​បង្កើត​ច្បាប់​ដើម្បី​​​​ជួ​យ​​ធ្វើ​ឲ្យ​​​​សុ​ត្ថិ​ភាព​​ផ្លូវ​​គោក​ប្រ​សើរ​​ឡើង​។​ កា​ល​​ពី​ថ្ងៃ​​សុក្រ​​សប្តាហ៍មុន វិស័យ​ឯក​ជ​ន​ អង្គ​ការ​​សង្គម​​ស៊ី​​​វិល​ ​​និ​ង​អ​ង្គកា​រ​​​អន្តរ​​ជាតិ​ជាង​១០០ ​បា​ន​​ចេញ​​សេចក្តី​ប្រកា​ស​មួ​យ​ឲ្យ​​​​រដ្ឋា​ភិ​បាល​​បង្កើន​កា​រ​​ខិត​​ខំ​​ប្រឹង​​ប្រែង​​ដើម្បី​ដោះស្រាយ​​​​​​​“ ស្ថាន​​ភាព​​​​ប្រកប​ដោយ​គ្រោះ​​ថ្នាក់​នេះ​​​​​” ​​ ដោយ​​​ជំរុញ​ឲ្យ​មាន​ច្បាប់​ ​តម្រូវ​​ឲ្យ​អ្នក​​ធ្វើ​​ដំ​ណើរ​​តា​ម​​​ម៉ូតូទាំង​អស់​​ពាក់​មួក​សុ​វត្ថិ​ភាព​។ ​​លោក គឹម បញ្ញា ​​ប្រធា​ន​មូ​ល​និ​ធិ​​​ទប់​ស្កាត់​​កា​រ​​រ​ង​​របួស​​​នៅ​អា​ស៊ី ប្រចាំ​ប្រទេ​ស​​នេះ ​​បា​ន​​លើក​ឡើង​ថា “ មួក​កា​រ​​​ពា​​រ​​សុវត្ថិភាព​ អា​ច​កាត់​​បន្ថយ​​​មិន​​ឲ្យ​​របួ​ស​ធ្ងន់​​​​បាន​​​៦៩​ភាគ​​រយ​ និង​កា​រ​​ស្លាប់​​​បាន​​​​៤២​ភាគ​​រយ​ក្នុ​ង​គ្រោ​ះ​ថ្នាក់​ចរាចរណ៍​ ប៉ុន្តែ​​អ្នក​ធ្វើ​ដំ​ណើរ​​មិន​ដល់​​១០​​ភា​គ​​រយ​ផង​​​​​ពាក់​​មួក​សុវត្ថិភាព​​”។ ​មនុស្ស​​​ជិ​ត​៧០០​នាក់​​​បា​ន​​ស្លាប់​​ក្នុ​ង​​រយៈ​ពេល​ប្រាំ​ខែ​ដំ​បូ​ង​​នៃ​ឆ្នាំ​នេះ​​នៅ​តាម​​ផ្លូ​វ​ក្នុ​ង​ប្រទេ​ស​នេះ​ ​ខណៈ​ដែល​​​ការ​ស្លាប់​តាម​​ផ្លូវ​ប្រចាំ​ឆ្នាំ​មា​ន​​ជា​ម​ធ្យម​​​ជិ​ត​​២.០០០​នាក់​ ដោ​យ​​​​​​មា​ន​មនុស្ស​​ចំ​នួន​​​១៥.០០​០​នាក់​​​ទៀត​​រង​​របួស។​​អ្នក​​ជិះ​ម៉ូ​តូ ​​អ្នក​ជិះ​កង់​​និ​ង​អ្នក​​ថ្មើ​​ជើង ​សុទ្ធ​​តែ​​ងា​យ​​​​រង​គ្រោះ​​​បំ​ផុត​​​​​ដោ​យ​សារ​គ្រោះ​​ថ្នាក់​​ចរា​ចរណ៍​​​ដោ​យ​​​មា​ន​មនុស្ស​​ជាង​​៨០​​​ភាគ​​រយ​រង​គ្រោះ​​​ដល់​ស្លាប់​។ លោក​បាន​និយាយ​ថា “ ​​ការ​ពិត​​គឺ​ថា​ការ​ស្លាប់​អាច​ទប់​ស្កាត់​បាន”។​ ​ផល​ប្រយោជន៍​មួយ​​​​ក្នុ​ង​​ការ​កាត់​បន្ថយ​​គ្រោះ​ថ្នាក់​តាម​ផ្លូវ​គោក​​គឺ​ដើម្បី​កុំ​ឲ្យ​​រដ្ឋា​ភិបាល​​ចំណាយ​ប្រាក់​ច្រើន​ទៅ​លើ​បញ្ហា​នេះ​​​សម្រាប់​​ការ​ព្យាបាល​​ជន​រងគ្រោះ​និង​ការ​បាត់​បង់​ធន​ធាន​មនុស្ស។​​​ យោង​តា​ម​​កា​រ​​សិក្សា​​​មួ​យ​​នា​ពេល​ថ្មីៗ​នេះ ​​​ដោ​យ​​​អ​ង​្គ​កា​រ​​​ជន​ពិការ​អន្តរជាតិ  និង​សា​កល​​វិទ្យា​ល័​យ Hasselt ​នៅ​ក្នុង​​ប្រទេ​ស​បែល​ហ្ស៊ិក ​​បា​ន​ឲ្យ​ដឹង​ថា​ កម្ពុជាសន្សំ​​​ប្រាក់​​បាន​១.២៣០​លា​ន​​ដុល្លារ​ ​ប្រសិ​នបើ​​រដ្ឋា​ភ​ិ​បាល​សម្រេច​បាន​​គោល​​ដៅ​​របស់​ខ្លួន​ក្នុង​កា​រ​​​កាត់​បន្ថយ​​ការ​​ស្លា​ប់់​​​ដោ​យ​សារ​​គ្រោះថ្នាក់​​ចរា​ចរណ៍​​ឲ្យ​​បាន​​​​៥០​ភាគ​រយ​​​ត្រឹម​ឆ្នាំ​​២០២០។ លោក អៀ ​ចរិ​យា...

មេធាវី​របស់លោក កឹម សុខា ផ្ញើ​លិខិត​ទៅ​​​​សាលា​​​ដំបូង​​​រាជធានីដើម្បី​សុំពន្យារ​ពេល​មក​បង្ហាញ​ខ្លួន

មេធាវី​​​ការពារ​​​លោក កឹម សុខា​​​ មេដឹកនាំ​​​គណបក្ស​​​ប្រឆាំង​​​បាន​​​មាន​​​ប្រសាសន៍​​​ កាល​​​ពី​​​ម្សិលមិញ​​​ថា កូនក្តីរបស់​​​លោក​​​បាន​​​ទទួល​​​ដីកា​​​​កោះមួយ​​​ពីសាលា​​​ដំបូង​​​រាជ​​​ធានី​​​ភ្នំពេញ​​​ កាល​​​​ពី​​​ថ្ងៃ​​​អង្គារ ​​​ដើម្បី​​​សាកសួរ​​​​ជុំ​វិញ​ការ​​​អះអាង​​​​​​របស់​​​លោក ដែលត្រូវ​​បានចោទ​​​ប្រកាន់​​​អំពី​​​គុក​​​ទួលស្លែង​​​ ប៉ុន្តែ​​​បាន​​​ស្នើសុំ​​​ឲ្យ​​​តុលាការ​​​ពន្យា​​​រពេល​​​សិន​​​។ លោក​​​ ជុំ ម៉ី​​​ និង​​​អ្នក​​​រស់រាន​​​មាន​​​ជីវិត​​​បី​នាក់​​​​ទៀត​​​ពី​​​គុកទួល​​​ស្លែង​​​​​​ ដែល​​​ខ្មែរ​​​ក្រហម​​​បាន​​​ឃុំ​​​​ខ្លួន​​​និងបាន​​​ធ្វើទារុណ​​​កម្ម​​​ប្រជា​​​ពលរដ្ឋ​​​ជាង​​​១២.០០០នាក់​​​ នៅ​​​មុន​​​ពេល​​​ប្រហារជីវិត​​​ពួក​គេ​​​ស្ទើរតែ​​​ទាំង​​​អស់​​​​នោះ​ បាន​​​ដាក់​​​ពាក្យ​​​បណ្តឹង​​​​​​ប្តឹងលោក​​​  កឹម សុខា  កាល​​​ពី​​​ដើមខែ​នេះ​ពី​​​បទ​​​បរិហារ​​​កេរ្តិ៍​​​ចំពោះ​​​ការ​​​អះ​អាង​​​ថា វៀត​​​ណាម​​​បាន​​​ប្រឌិត​​​បទ​​​ឧក្រិដ្ឋទាំង​​​នេះ​​​។ យោង​​​តាម​​​លោក ជូង ជូងី​​​ ឲ្យ​​​ដឹង​​​ថា ​​​លោក​កឹម សុខា ​​​ប្រធាន​​​ស្តី​​​ទី​​​គណ​​​បក្ស​​​សង្គ្រោះ​ជាតិ​​​ បានទទួល​​​ដីកា​​​កោះ​​​នេះ​កាលពី​​​ថ្ងៃ​​​អង្គារ​​​​ពេល​​​​លោក​​​ត្រឡប់​​​មក​​​ពី​​​ប្រទេស​​​អូស្ត្រាលី​​​វិញ​​​។ ប៉ុន្តែ​​​លោក ជូង ជូងី​​​ បាន​​​មាន​​​ប្រសា​សន៍​ថា លោក​​​បាន​​​ផ្ញើលិខិត​​​ស្នើសុំ​​​ពន្យារពេល​​​ទៅ​តុលាការ​​​កាល​​​ពីថ្ងៃ​​​ពុធ​​​ ពីព្រោះ​​​លោក​ជាប់​រវល់​​​​ជាមួយ​​​នឹង​​សំណុំ​​​រឿង​​​ផ្សេងទៀត​​​។ លោកបាន​​​មាន​​​ប្រសាសន៍ថា “  មិនអាច​​​ទៅ​​​តែឯង​​​បានទេ ​​​ពីព្រោះ​​​លោក​​​ត្រូវ​​​ការ​​​មេធាវី​​​មួយរូប​​​ដើម្បី​​​ការពារ​​​សិទ្ធិ​​​របស់លោក​​​។ ហេតុ​​​ផល​​​ចំពោះ​​​ការ​​​សុំ​​​ពន្យារ​ពេល​​​នេះ​​​គឺ​​​ដោយសារ​​​ខ្ញុំ​​​ជាប់រវល់”។ លោក កឹម សុខា​​​ បាន​​​ច្រាន​​​ចោល​​​ថា​ មិន​​​បាន​​​​និយាយ​អំពី​​​គុក​​​ទួលស្លែង​​​នេះ ​​​បាន​​​បដិ​សេធ​​​​មិន​​​ធ្វើ​​​អត្ថាធិ​​​ប្បាយ​​​ ដោយ​​​និយាយ​ថា លោក​​​មាន​​​​ការ​​​មមា​​​ញឹក​​​យ៉ាង​​​ខ្លាំង​​​ដើម្បី​​​ត្រៀម​​​ខ្លួន​​​​សម្រាប់​​ការ​​​បោះ​​​ឆ្នោត​​​ជាតិ​​​នៅ​​​ខែ​​​ក្រោយ​​​នេះ​​​។ លោក មាស ច័ន្ទ​​​ពិសិដ្ឋ​​​ ព្រះ​​​រាជ​​​អាជ្ញារង ​​​ដែលកាន់​​​សំណុំ​​​រឿងនេះ​​​ មិនអាចសុំ​​​ទាក់ទង​​​បានទេ​​​។ លោកបាន​​​សាកសួរ​​​​ដើម​បណ្ដឹង​​​ចំនួន​​​បួន​នាក់​​​កាល​​​ពី​​​ថ្ងៃ​​​ច័ន្ទ​​​៕​​​​​​​​​ ប្រែសម្រួលដោយ ស៊ុំ សុខភុំ

អង្គការ​ UNPO អំពាវ​នាវ​​ឲ្យ​មាន​ស្ថាន​ភាព​ល្អ​ប្រសើរ​សម្រាប់​ខ្មែរ​ក្រោម​ និង​សិទ្ធិ​​របស់​ជន​ភៀស​ខ្លួន​​

អង្គការ​ UNPO ដែល​មាន​មូលដ្ឋាន​នៅ​ទីក្រុង​ឡាអេ​ បាន​លើក​ឡើង​​ក្នុង​សេចក្ដី​ថ្លែង​ការណ៍​មួយ​កាល​ពី​ថ្ងៃ​អង្គារ​ថា រដ្ឋា​ភិបាល​​កម្ពុជា​​គួរ​តែ​ទទួល​ស្គាល់​ជា​ផ្លូវ​ការ​នូវ​ឋានៈ​របស់​ប្រជា​​ពល​រដ្ឋ​ខ្មែរ​ក្រោម​ ព្រម​ទាំង​ពិចារណា​ឡើង​វិញ​នូវ​​របៀប​ដែល​ខ្លួន​​​ជួយ​ជន​ភៀស​ខ្លួន​។ សេចក្ដី​ថ្លែងការណ៍​​ដែល​​បាន​ផ្ញើ​ជូន​ឧត្ដម​ស្នង​ការ​អង្គការ​សហ​ប្រជា​ជាតិ​ទទួល​បន្ទុក​សិទ្ធិ​មនុស្ស​នេះ​ ត្រូវ​បាន​ធ្វើ​ឡើង​ខណៈ​ដែល​​ប្រទេស​កម្ពុជា ​កំពុង​តែ​​ត្រៀម​​បញ្ជូន​របាយ​ការណ៍​​​​​វិវឌ្ឍ​លើក​ដំបូង​របស់​ខ្លួន​ ​​ទៅ​ក្រុម​ប្រឹក្សា​​សិទ្ធិ​មនុស្ស​ នៅ​ខែ​តុលា​ខាង​មុខ​នេះ​ ហើយ​នៅ​ពេល​នោះ​ប្រទេស​កម្ពុជា​នឹង​ប្រកាសថា​​អនុសាសន៍​​ប៉ុន្មាន​​​​​ក្នុង​ចំណោម​អនុសាសន៍​​ទាំង​​៩១​ចំណុច​ស្តី​ពី​សិទ្ធិ​មនុស្ស​​​ដែល​កម្ពុជា​បាន​ទទួល​យក​កាល​ពី​ឆ្នាំ​២០០៩ និង​ដែល​ខ្លួន​​​បាន​​យក​មក​អនុវត្ត​​។ សេចក្ដី​ថ្លែងការណ៍​នេះ បាន​លើក​ឡើង​ដោយ​សំដៅ​ដល់​ជន​ជាតិ​ភាគ​តិច​កម្ពុជា ដែល​​រស់​នៅ​ភាគ​ខាង​ត្បូង​ប្រទេស​វៀតណាម​ និង​ប្រជា​ពល​រដ្ឋ​កាន់​សាសនា​គ្រិស្ដ​​មក​ពី​តំបន់​ខ្ពស់​រាប​ភាគ​​កណ្ដាល​ប្រទេស​វៀតណាម​ថា រដ្ឋាភិបាល​ចាំ​បាច់​ត្រូវ​តែ​ “ ទទួល​ស្គាល់​ និង​បញ្ជាក់​អំពី​ឋានៈ​របស់​ជន​ជាតិ​ភាគ​តិច​ខ្មែរ​កម្ពុជា​ក្រោម​ ព្រម​ទាំង​ឋានៈ​របស់​​កុលសម្ព័ន្ធ​កាន់​សាសនា​គ្រិស្ដ​ ដេហ្គា ម៉ុងតាញ៉ា (Degar Montagnards)”។ សេចក្ដី​ថ្លែងការណ៍​នេះ​បាន​បន្ត​ទៀត​ថា “នៅ​ក្នុង​ប្រទេស​កម្ពុជា​ ការិយាធិបតេយ្យ​​​បាន​ធ្វើ​ឲ្យ​ខ្មែរ​ក្រោម​ ឬ​អ្នក​ស្វែង​រក​សិទ្ធិ​ជ្រក​កោន​​​កុលសម្ព័ន្ធ​ ​ដេហ្គា ម៉ុងតាញ៉ា ស្ទើរ​តែ​មិន​អាច​ទទួល​បាន​ឋានៈ​ជា​ជន​ភៀស​ខ្លួន​ ឬ​អត្ត​សញ្ញាណ​​​ប័ណ្ណ​។ការ​តម្រូវ​ឲ្យ​មាន​​លក្ខ​ណៈ​វិនិឆ្ឆ័យ​​មិន​​​ពិត​ប្រាកដ ​​ដូច​ជា​ (​ទី​លំនៅ​​អចិន្ត្រៃយ៍​ក្នុង​ប្រទេស​កម្ពុជា​ជាដើម​) រារាំង​មិន​ឲ្យ​ទទួល​បាន​​ឋានៈ​​បែប​​នេះ​។ ហើយ​នៅ​ពេល​ជន​ភៀស​ខ្លួន​​អាច​បំពេញ​លក្ខខណ្ឌ​ដ៏​តឹង​រឹុង​ទាំង​នេះ​បាន​ ​អាជ្ញាធរ​តែង​តែ​បង្ខំ​ខ្មែរ​ក្រោម​ឲ្យ​ដាក់​ឈ្មោះ​​​ខ្មែរ​ ហើយ​ឲ្យ​និយាយ​កុហក​អំពី​​​ទី​កន្លែង​កំណើត​របស់​ខ្លួន​”។ ប្រជា​ពល​រដ្ឋ​ខ្មែរ​ក្រោម​គឺ​ជា​គោល​ដៅ​សម្លាប់​អំឡុង​របប​ខ្មែរ​ក្រហម​ ហើយ​មិន​ត្រូវ​បាន​ចាត់​ទុក​ជា​ជន​​ជាតិ​ដើម​ពី​សំណាក់​រដ្ឋា​ភិបាល​​នោះ​ទេ​។ កាល​ពី​ដើម​ឆ្នាំ​២០១១ រដ្ឋាភិបាល​បាន​ប្រកាស​បញ្ចប់​អនុស្សរណៈ​នៃ​ការ​យោគ​យល់​​គ្នា​ ដែលត្រូវ​បាន​ចុះ​ហត្ថលេខា​ដោយ​ប្រទេស​​កម្ពុជា​ ប្រទេស​វៀតណាម​ និង​អង្គការ​សហ​ប្រជាជាតិ​ ដែល​ឃ្លាំ​មើល​ការ​ប្រព្រឹត្ត​​ចំពោះ​​អ្នក​ស្វែង​រក​សិទ្ធិ​ជ្រក​កោន ម៉ុងតាញ៉ា ហើយ​បាន​បិទ​មជ្ឈមណ្ឌល​ជន​ភៀស​ខ្លួន​របស់​អង្គការ​​សហប្រជាជាតិ​ ដែល​ជន​ជាតិ​ម៉ុងតាញ៉ា​ជា​ច្រើន​នាក់​កំពុង​តែ​រស់​នៅ​។ ប្រទេស​កម្ពុជា​ក៏​ធ្លាប់​បាន​បញ្ជូន​​អ្នក​ស្វែង​រក​សិទ្ធិ​ជ្រក​កោន​ជន​ជាតិ​ភាគ​តិច​​​វី​ហ្គួ (Uighur) ​ចំនួន​២០​នាក់​ទៅ​ប្រទេស​ចិន​វិញ​...

មិន​ដូច​ពេល​បោះឆ្នោត​លើក​មុន​ៗ​ទេ វិនិយោគិន​ក្នុងវិស័យ​អចល​ន​ទ្រព្យ​នៅ​តែ​មាន​ទំនុក​ចិត្ត​ខ្ពស់​

​កាលពី​១០​ឆ្នាំ​មុ​ន មុន​ពេល​ថ្ងៃបោះ​ឆ្នោត​​មក​ដល់​ប្រជាជន​ទូទាំងប្រទេស​​បាន​ទិញ​អង្ករ​​ទុក​សម្រាប់​​ករណី​ការ​បោះឆ្នោត​​​​ជំរុញ​ឲ្យ​ប្រទេស​ធ្លាក់​ចូល​ក្នុង​ស្ថានភាព​ច្រ​បូក​ច្រ​បល់។ ​នៅពេល​នោះ​អាជីវករទូ​ទាំ​ង​ប្រទេស​បាន​រង់ចាំឱកាស​ល្អ​សិន មុនពេ​លធ្វើ​ការ​​​សម្រេច​ចិត្ត​បោះទុនវិនិយោគ​សំ​ខាន់​ៗ​របស់​ខ្លួន​ ​ហើយ​​អ្នក​ដែលមាន​លទ្ធភាព​​ចង់ចាក​ចេ​ញពី​ប្រទេស​អំឡុង​ពេល​​បោះឆ្នោត​ ក្នុង​ក​រ​ណី​​ស្ថានភាព​ចាប់​ផ្តើម​បង្ក​ក្តីបារម្ភ​។ ក៏ប៉ុន្តែ ​បន្ទាប់​ពី​គណបក្ស​ប្រជាជន​ក​ម្ពុជា​បាន​កាន់​អំណាច​រយៈ​ពេល​២០ឆ្នាំ ​ក​ម្រិតនៃ​ក្តីបារម្ភ​ ដែល​ធ្លាប់​តែ​មានកម្រិត​ខ្ព​ស់អំឡុង​ពេល​បោះឆ្នោត​បាន​ធ្លាក់​ចុះ​វិញ​។ នៅ​ទូទាំង​​រាជធានី​ភ្នំពេញ​ សកម្មភាព​គ​ម្រោង​សា​ង​សង់​​អគារ​ធំៗ​កំពុងកើន​ឡើ​ង​ជា​លំដាប់​ ហើយ​កាល​ពី​ម្សិល​មិញ​វិនិយោ​គិ​ន​នានា ​បានលើក​ឡើងថា ​ពួក​គេ​មិនខ្វល់​​ពី​ស្ថានភាព​ប្រែ​ប្រួល​នយោបាយ​នា​ពេ​ល​ខាង​មុខ​នទេ​។ ​លោក ​ចូក ​មាលី​ ទីប្រឹក្សា​ក្រុម​ហ៊ុន​ ប៊ុណ្ណា​ រៀល​ធី ​ដែល​ស្ថិត​ក្នុង​ចំ​ណោម​ក្រុម​ហ៊ុន​អចល​នវត្ថុ​ធំៗ​​បំផុត​​នៅ​ក្នុង​ប្រទេស​កម្ពុជា​ ​បាន​មានប្រសា​សន៍​ថា “ ​ការ​បោះឆ្នោត​លើកនេះ​មិនដូច​កាល​​ពីមុ​ន​ទេ​ ពីព្រោះ​អ្វីៗ​កាលពីមុន​បាន​ស្ថិត​​ក្នុង​​​ស្ថានភាព​មិន​ប្រាកដ​។ ​បច្ចុប្បន្ន ​ប្រជាជន​ដឹ​ង​ហើយថា ​អ្នក​ណា​នឹង​ដឹកនាំរដ្ឋាភិបាល​ថ្មី​ ​ហើយ​​ពួក​គាត់​នៅ​តែ​បន្ត​ធ្វើការ​ងារ​រប​ស់ខ្លួន​។ ​សកម្មភាព​វិនិយោគ​ក្នុងវិស័យ​អ​ច​លន​វត្ថុ​  ​ចេះ​តែ​បន្ត​កើន​ឡើង​ពី​មួ​យ​ឆ្នាំទៅ​មួយ​ឆ្នាំ​”​។ លោក  មាលី ​ បាន​លើ កឡើង​បន្ថែម​​ទៀ​ត​ថា “ ប្រាំ​ឆ្នាំ​មុន ​យើង​មិ ន​ដឹង​ច្បាស់​ថា អ្វី​ដែល​នឹង​កើត​ឡើង​ទេ​។ មាន​រឿង​នយោ​បាយ​ជា​ច្រើន​កើតឡើង​  អំឡុង​ថ្ងៃ​​បោះឆ្នោត​​​​លើក​មុន​ៗ​ តែង​តែ​ឮ​សំឡេង​បាញ់​​ប្រហារ​គ្នា និង​រឿងរ៉ាវ​ផ្សេង​ៗ​ទៀត​ដែល​ប៉ះ​ពាល់​ដល់ប្រជាជន​”។​ កត្តា​មួយ​ដែល​ឆ្លុះបញ្ចាំងឲ្យ​ឃើញ​អំ​ពី​កម្រិតទំនុកចិត្ត​របស់វិនិយោគិន​ អាច​ជា​តម្លៃ​ដី។ យោងតាម​តួលេខ​ផ្តល់​ដោយ​ក្រុ​ម​ហ៊ុន ប៊ុណ្ណា រៀល​ធី តម្លៃ​ដីនៅ​ក្នុង​រាជធា​នីភ្នំពេញ​ បាន​កើនឡើង​២៥​ភាគរយ​ ក្នុង​រ​យ​​​ៈ​ពេល​ប្រាំ​មួយ​ខែ​ ​មុន​ថ្ងៃ​បោះឆ្នោត​ឆ្នាំ​នេះ​។...

រដ្ឋាភិបាល​ចោទ​ប្រកាន់​សហភាព​អឺរ៉ុប​ថា បាន​​ជ្រៀត​ជ្រែក​​ក្នុង​កិច្ច​​ការ​បោះ​ឆ្នោតរបស់​ប្រទេស​​កម្ពុជា​

កាលពី​ម្សិលមិញ​រដ្ឋាភិបាល​បាន​ប្រតិកម្ម​យ៉ាង​ខ្លាំង​ចំពោះ​សេចក្ដី​ថ្លែង​ការណ៍​មួយ​ពី​សហភាព​អឺរ៉ុប ដែល​បាន​ផ្ដល់​អនុសាសន៍​ឲ្យ​គណៈកម្មាធិការ​ជាតិ​រៀប​ចំ​ការ​បោះ​ឆ្នោត​ចាត់​វិធានការ​ដើម្បី​ធានា​ថា ការ​បោះ​ឆ្នោត​ជាតិ​ក្នុង​ខែ​ក្រោយ​នេះ​ប្រព្រឹត្ត​ទៅ​ដោយ​សេរី ​និង​យុត្តិធម៌។ ក្រសួង​ការ​បរទេស​បាន​ចេញ​សេចក្តី​ថ្លែង​​ការណ៍​ទាំង​កំហឹង​មួយ​ច្រាន​ចោល​សេចក្ដី​ថ្លែង​ការណ៍​ដែល​បាន​រៀប​ពាក្យ​ពេចន៍​យ៉ាង​ប្រុង​ប្រយ័ត្ន​របស់​សហ​ភាព​អឺរ៉ុប​ ដោយ​លើក​ឡើង​ថា លោក​នាយក​រដ្ឋមន្ត្រី​ ហ៊ុន សែន បាន​ដាក់​ចេញ​​​រួច​ហើយ​នូវ​គោលការណ៍​សម្រាប់​​ឲ្យ​មាន​ការ​បោះឆ្នោត​ដោយ​ស្មើ​ភាព​​​​​នៅ​ថ្ងៃ​ទី២៨ ខែ​កក្កដា ខាងមុខនេះ។ សហភាព​អឺរ៉ុប​ដែល​បាន​បញ្ជូន​តំណាង​របស់​ខ្លួន​មក​សង្កេត​​ការ​បោះ​ឆ្នោត​ជាតិ​កាល​ពី​​ឆ្នាំ​​២០០៨ និង​ក្រោយ​មក​បាន​ផ្ដល់​អនុ​សាសន៍​​​មួយ​ចំនួន​ដល់​រដ្ឋាភិបាល​ ព្រម​ទាំង​គណៈ​កម្មា​ធិការ​ជាតិ​រៀប​ចំ​ការ​បោះ​ឆ្នោត​នោះ បាន​លើក​ឡើង​ថា វា​មាន​សារៈសំខាន់​ណាស់​ក្នុង​ការ​អនុវត្ត​“ អនុសាសន៍​​ល្អៗ​” ​របស់​​សហភាព​អឺរ៉ុប​ ដោយ​កត់​សម្គាល់​ថា “ ការ​បោះ​ឆ្នោត​ប្រកប​ដោយ​តម្លាភាព​ និង​គួរ​ឲ្យ​ជឿជាក់​គឺ​ជា​ឱកាស​ដ៏​​សំខាន់​ក្នុង​ការ​បង្រួប​បង្រួម​លទ្ធិ​ប្រជាធិបតេយ្យ​ និង​ធានា​ឲ្យ​មាន​ការ​អភិវឌ្ឍ​​នៅ​ពេល​អនាគត​របស់​​កម្ពុជា​”។ សេចក្ដី​ថ្លែង​ការណ៍​របស់​សហភាព​អឺរ៉ុប​លើក​ឡើង​ថា​ “ ក្នុង​ចំណោម​បញ្ហា​​ផ្សេងៗ​ទៀត​ ​​​បញ្ហា​ទាំង​នេះ​រួម​មាន​​ ការ​​ផ្ដល់​លទ្ធភាព​​ស្មើ​ភាព​គ្នា​​​នៅ​តាម​​ប្រព័ន្ធ​ផ្សព្វផ្សាយ​ និង​ទប់​ស្កាត់​ការ​ប្រើ​ប្រាស់​ធន​ធាន​រដ្ឋ​នៅ​ក្នុង​ការ​ធ្វើ​​យុទ្ធនាការ​ឃោសនា​បោះ​ឆ្នោត​”។ សេចក្ដី​ថ្លែង​ការណ៍​នេះ​​​ទទួល​ស្គាល់​ថា ​មាន​ការ​ចាត់​វិធាន​ការ​​ល្អៗ​ដែរ​​ចាប់​តាំង​ពី​ឆ្នាំ​២០០៨​មក​។ សេចក្ដី​ថ្លែង​ការណ៍​​​នេះ​បាន​បន្ត​ថា “ វា​​ស្ថិត​​លើ​ចំណាប់​អារម្មណ៍​របស់​ប្រជា​ពល​រដ្ឋ​កម្ពុជា​​ទាំង​អស់​ដែល​គិត​ថា យុទ្ធនាការ​ឃោសនា​​បោះឆ្នោត​ជួយ​ជំរុញ​ឲ្យ​មាន​កិច្ច​ពិភាក្សា​ប្រកប​​ដោយ​លទ្ធិ​ប្រជា​ធិបតេយ្យ​ ដែល​ផ្ដោត​លើ​បញ្ហា​​គោល​នយោបាយ។ ពាក់​ព័ន្ធ​នឹង​បញ្ហា​នេះ​ សហភាព​អឺរ៉ុប​សង្ឃឹម​ថា គណបក្ស​នយោ​បាយ​ទាំង​អស់​នឹង​បញ្ឈប់​មិន​ឲ្យ​មាន​ការ​គំរាម​កំហែង និង​ពាក្យ​សម្ដី​បំផ្លើស​ ហើយ​ចាប់​ពី​ពេល​នេះ​តទៅ​នឹង​ចូល​រួម​ដោយ​ចំហ​ក្នុង​ការ​​​ពិភាក្សា​អំពី​ចក្ខុ​វិស័យ​សម្រាប់​អនាគត​របស់​ប្រទេស​កម្ពុជា​”។ ​​​​​​ពាក់​ព័ន្ធនឹង​សេចក្ដី​ថ្លែង​ការណ៍​នេះ​ក្រសួង​​ការបរទេស​កម្ពុជា​បាន​ចោទ​ប្រកាន់​សហភាព​​អឺរ៉ុប​ថា បាន​​ជ្រៀត​ជ្រែក​​អធិបតេយ្យ​ភាព​របស់​​កម្ពុជា​ ដោយ​​លើក​ឡើង​​ថា លោក​ ​ហ៊ុន ​សែន ​និយាយ​​ដដែលៗ​ថា រដ្ឋា​ភិបាល​ប្ដេជ្ញា​​ចំពោះ​ “ ការ​បោះ​ឆ្នោត​ដោយ​សេរី យុត្តិធម៌​ មាន​តម្លាភាព និង​ប្រកប​ដោយ​លទ្ធិ​ប្រជា​ធិប​តេយ្យ​ដូច​កាលពី​លើក​មុន​អ៊ីចឹង”។ សេចក្ដី​ថ្លែង​ការណ៍​នេះ​បាន​លើក​ឡើង​ថា រដ្ឋាភិបាល “ មិន​អាច​ទទួល​យក​បាន​ទេ​ និង​សូម​​ទាត់​ចោល​សេចក្ដី​ថ្លែង​ការណ៍​របស់​អ្នក​សង្កេត​ការណ៍​​  ក្នុង​នាម​ជា​រដ្ឋ​មួយ​ដែល​មាន​អធិបតេយ្យ​ភាព​...