ភ្ញៀវ​ទេស​ចរ​ទៅលេង​សមុទ្រ​ និងតំបន់​ភាគ​ឦសាន​កើន​ឡើង​៥០​ភាគរយ​ក្នុងពេល​បុណ្យ​ចូល​ឆ្នាំថ្មី​

លោកថោងខុនរដ្ឋ​មន្ត្រី​ក្រសួង​ទេស​​​ចរណ៍​បាន​មាន​ប្រសាសន៍ ​​កាលពី​ម្សិល​មិញ​ថា ​ប្រជាពលរដ្ឋ​ខ្មែរប្រមាណ​១,៨លាន​នាក់បាន​ធ្វើ​ដំណើរ​ទៅកាន់​តំបន់​មាត់សមុទ្រនិងតំបន់​ភាគ​ឦសាន​ ដើម្បី​ប្រារព្ធ​ពិធី​បុណ្យ​ចូល​ឆ្នាំ​ខ្មែរ ​ចំនួន​នេះ​គឺ​បាន​កើន​ឡើង​៥០​ភាគរយ​ បើ​ប្រៀប​ធៀប​ទៅ​នឹង​ឆ្នាំ​មុន​។ លោកថោងខុនបាន​លើក​ឡើង​ថាប្រ​ជា​​​ពល​រដ្ឋ​ខ្មែរឥឡូវ​នេះ​បាន​ចាប់ផ្តើម​ស្វែង​រក​កន្លែង​ទៅ​កម្សាន្ត​ផ្សេង​ ក្នុង​ពេល​ឈប់​សម្រាក​​​​ក្រៅ​ពី​តំបន់​សមុទ្រ​ ដូច​ជា​ខេត្ត​កោះ​កុង ​កំពត ​​​​កែប ​និងខេត្ត​ព្រះ​សីហនុ។តំបន់ទេសចរណ៍នៅភាគឦសានដូចជា​ខេត្តក្រចេះ​ ស្ទឹងត្រែង ​រតនគិរីនិង​ខេត្ត​​មណ្ឌលគិរី​ ឥឡូវ​នេះ​បាន​កំពុង​តែ​ទាក់​ទាញ​ចំណាប់​អារម្មណ៍​ប្រ​ជា​ពល​​​​រដ្ឋ​ខែ្មរ​យ៉ាង​ខ្លាំង​។ លោកថោង ​ខុន ​បានបន្តថា“ឆ្នាំនេះតួលេខ​បាន​កើន​ឡើង១,៨​លាននាក់ក្នុង​រយៈ​​​​ពេល​បុណ្យ​ចូល​ឆ្នាំ​ខ្មែរ​ចំនួន​បីថ្ងៃ​ បើ​ប្រៀប​ធៀប​ទៅ​ឆ្នាំ​មុន ​មាន​តែ​១,២​លាន​នាក់​នោះ​។ប្រជា​ពល​រដ្ឋ​ខ្មែរ​បាន​ធ្វើ​ដំណើរ​ទៅកម្សាន្ត​នៅ​តំបន់​ទេសចរណ៍​ថ្មី​ នៅពេល ​ដែល​តំបន់​ទេស​​​​ចរណ៍​ចាស់​ៗ​នៅ​តែ​មាន​ភាព​ទាក់​ទាញ​នោះ​។ពួក​គេ​បាន​ធ្វើ​ដំណើរ​ទៅកាន់​តំបន់​ឆ្នេរ​ ភ្នំ​​​បូកគោតំបន់​ទេសចរណ៍​ នៅ​ជី​ផាត់ក្នុង​​​ខេត្តកោះកុងខេត្តក្រចេះនិង​ខេត្ត​​​ស្ទឹង​​​ត្រែង”។ លោកគង់សុភារៈប្រធាន​នាយ​ក​ដ្ឋាន​ស្ថិតិ​នៅ​ក្រសួងទេសចរណ៍បាន​មាន​ប្រសាសន៍​ថាលោកនៅ​មិន​ទាន់​ទទួល​បាន​តួលេខ​ជា​ផ្លូវ​ការពី​បណ្តា​ខេត្ត​ផ្សេង​ៗ​នៅ​ឡើយ​ទេប៉ុន្តែ​លោក​អាច​បញ្ជាក់​ពី​ការ​កើន​ឡើង​ជា​ទូទៅ​បាន​។​លោកគង់សុភារៈបាន​បន្ត​ថា “សម្រាប់​តំបន់​សមុទ្រ​វិញយើង​កំពុង​តែ​រាប់​​​ផ្ទៀង​​​ផ្ទាត់​​​ចំនួននៅឡើយប៉ុន្តែខ្ញុំគិតថាវា​បាន​កើត​ឡើង​ជាង​កន្លែង​ណាៗ​ទាំង​អស់​ក្នុង​ប្រទេស​​កម្ពុជាគឺប្រ​ហែល​ជា​៣០​ភាគ​រយ​។រីឯ​តំបន់​ទេស​ចរ​នៅ​ភាគ​ឦសាន ​បាន​កើន​ឡើង​ប្រហែល២០​ភាគរយ”។ លោកង៉ែតវិទូប្រធាន​មន្ទីរ​ទេស​ចរណ៍​ខេត្តរតនគិរី​...

នគរបាល​ជាតិមិន​ទាន់​ស៊ើប ​អង្កេត​ប្រភព​ហេរ៉ូអីុន​ផ្ញើ​តាម​ប្រៃសណីយ៍​ចេញពី​​​កម្ពុជា

នគរ​បាល​បាន​និយាយ​កាល​ពី​ម្សិល​​​មិញ​ថា ខ្លួន​មិន​ទាន់​​បាន​ចាប់​ផ្តើម​បើកការ​ស៊ើប​​អង្កេត​​​នៅ​ឡើយ​ទេ ទាក់​​ទិ​ននឹង​​ប្រ​ភព​ថ្នាំ​ញៀន​ហេរ៉ូ​អីុន​ដ៏​ច្រើន​មាន​ប្រ​ភព​ចេញ​ពី​​កម្ពុជា ​ដែល​ប្រ​ហែល​ជា​ចំនួន​ច្រើន​បំផុត​មិន​ធ្លាប់​មាន​របស់​ប្រទេស​នេះ ​ដែល​​​ត្រូវ​បាន​ផ្ញើ​​តាម​ប្រៃ​សណីយ៍​​ទៅ​​អូស្ត្រាលី នៅ​ពេល​បុគ្គលិក​ការិយា​ល័យ​ប្រៃ​សណីយ៍​កណ្តាល​​ក្នុង​រាជ​ធានី​ភ្នំ​ពេញ ​ជឿ​ថា ​​ខ្លួន​​ជា​អ្នក​​បាន​​បញ្ជាក់​អំពីភិន​ភាគ​កញ្ចប់​ដ៏គួរ​ឲ្យ​សង្ស័យ​ទាំង​នោះ។ កាល​ពី​ថ្ងៃ​ច័ន្ទ​ ​បុរស​ពីរ​នាក់​ ឈ្មោះ សុខ ​សម្បត្តិ ​អាយុ​៣២​ឆ្នាំ​​ និង​​ម្នាក់​ទៀត​ឈ្មោះ កែវ ឆដា​ភា អាយុ​៣៨​ឆ្នាំ​​ ត្រូវ​បាន​តុលាការ​ក្រុង​ម៉ែលប៊ើន ​​ចោទ​ប្រ​​កាន់​ពី​បទ​​ជួញ​ដូរ​ថ្នាំ​​ញៀន​ហេរ៉ូអីុន​​ទម្ងន់​៦៥​​គីឡូ​​ក្រាម ក្រោយ​​​ពី​​មាន​ការ​ស៊ើប​​អង្កេត​​រួមមួយ របស់​​មន្ត្រី​ គយ​អូស្ត្រាលី និង​​នគរ​បាល​សហ​ព័ន្ធរបស់​អូស្ត្រាលី អំពីហេរ៉ូអីុន ​ដែល​ត្រូវ​បាន​ផ្ញើ​តាម​ប៉ុស្តិ៍​ប្រៃ​សណីយ៍​ចេញពី​​ប្រទេស​កម្ពុជា។​​ឡាំង​ក្រ​ដាស​ពីរ​ ដែល​ពេញ​ដោយ​កញ្ចប់​តូច​ៗ​ ​និង​លម្អ​ដោយ​រូប​មើម​​យិន​ស៊ិន​​​ និង​​សត្វ​ឥន្ទ្រី​មួយ ​​ជា​មួយ​នឹង​ទង់​ជាតិអាមេរិក ​​​នៅ​លើ​ស្លាប​របស់​វា​​នោះ​ ​បាន​​ចូល​ទៅ​ដល់​ប្រទេស​អូស្ត្រាលី​ តាម​យន្ដហោះ​​ពី​ប្រទេស​កម្ពុជា ​កាល​ពី​ថ្ងៃ​ទី​៧ និង​ទី​៨ ​ខែ​មេសា។ ​ប្រ​អប់​ឡាំង​ទាំង​​​នោះ​ត្រូវ​បានសមត្ថ​កិច្ច​ក្រុង​ស៊ីដនី ​ស្ទាក់​ចាប់​បាន​ ហើយ​បាន​រក​ឃើញ​​​មាន​ថ្នាំ​ញៀន​ហេរ៉ូអីុន​នៅ​ក្នុង​នោះ។ការ​ស៊ើប​អង្កេត​បាន​ឈាន​ទៅ​ដល់​ការ​​​លបឆ្មក់​ចូល​ផ្ទះ​​មួយ​ចំនួន ​​ក្នុង​ទីក្រុង​មែ៉លប៊ើន​ និង​ទីក្រុង​ស៊ីដ​នី ​​កន្លែង​ដែល​ជន​សង្ស័យ​​ទាំង​ពីរ​នាក់​នេះ​ត្រូវ​បាន​ចាប់​ខ្លួន។ លោក គៀត ច័ន្ទថារិទ្ធ ​​អ្នក​នាំ​ពាក្យ​នគរ​បាល​ជាតិ​កម្ពុជា​​ បាន​មាន​​ប្រ​សាសន៍​ថា ​ការ​ស៊ើប​អង្កេត​មួយ​នៅ​ប្រ​ទេសកម្ពុជា​​​ នឹង​មិន​ចាប់​ផ្តើម​ទេ ​លុះ​ណា​តែ​​នគរ​បាល​ទទួល​បាន​ព័ត៌​មាន​​ផ្លូវ​ការ​ពី​អាជ្ញាធរ​អូស្ត្រាលី​ ​​ស្តី​ពី​ការ​រក​ឃើញ​​របស់​ខ្លួន​ជា​មុន​​សិន។លោក​បាន​​មាន​​ប្រ​សាសន៍​ថា “ យើង​មិន​ទាន់​ទទួល​បាន​ព័ត៌​មាន​ណា​មួយ​ពី​ខាង​អូស្ត្រាលី​ នៅ​ឡើយ​ទេហើយ​ខ្ញុំ​​បាន​ឮថា ​ពួកគេ​ ​ជា​ជន​ជាតិ​អូស្ត្រាលីដូច្នេះ​យើង​មិន​ទាន់​​ធ្វើ​ការ​ស៊ើប​អង្កេត​ទេ”។ ប៉ុន្តែ​ប៉ុស្តិ៍​ប្រៃ​សណីយ៍​កម្ពុជា ​ក្នុង​រាជ​ធានី​ភ្នំពេញ​ កាលពី​​ម្សិល​មិញ​​ ​​ស្មៀន​ម្នាក់​​បាន​និយាយថា ​​ផ្អែក​លើ​រូប​ភាព​ផ្តល់​ដោយ​នគរ​បា​លសហ​ព័ន្ធ​អូស្ត្រាលី ​​បង្ហាញ​ថា ខ្លួន​​​ទំនង​ជា​បា​នប៉ះ​ពាល់​កញ្ចប់​គួរ​ឲ្យ​សង្ស័យ​ទាំង​នោះ ​ដែល​ត្រូវ​បាន​ស្ទាក់​ចាប់​នៅ​ក្នុង​ប្រទេស​អូស្ត្រាលី។ យោង​តាម​វិក្កយ​បត្រ​​ប្រៃ​សណីយ៍​ ​បង្ហាញ​ថា ​ កញ្ចប់​ស្រ​ដៀង​គ្នា​សរុប​​​ចំនួ​ន​ប្រាំ​​ ត្រូវ​បាន​ផ្ញើ​ពី​​រាជ​ធានី​ភ្នំ​ពេញ​កាល​ពី​ថ្ងៃ​ទី​២៩ ​ខែ​មីនា​ ទៅ​កាន់​អាសយដ្ឋា​ន​ពីរ​ក្នុង​តំបន់​ស្ព្រីងវ៉េល (Springvale) និងតំបន់​​ឃីស្បូរ៉ូ​ហ្វ (Keysborogh)ដែល​ជា​តំបន់​ជា​យក្រុង​ម៉ែល​ប៊ើន ​ជា​ទី​តាំង​​តែ​មួយ​ដែល​ផ្ទះ​ចំនួន​ពីរ​ត្រូវ​បាន​នគរ​បាល​អូស្ត្រាលី​​លប​ឆ្មក់​ចូល ដែល​ក្រោយ​មក​ជន​សង្ស័យ​ទាំង​ពីរ​នាក់​​នេះ ​ត្រូវ​បាន​ចាប់​ខ្លួន​នៅ​ទី​នោះ។ វិក្កយបត្រ​នោះ​ក៏​បង្ហាញ​ដែរ​ថា ​កញ្ចប់​ទាំង​នោះ ដែល​មាន​ទម្ងន់​ចន្លោះ​ពី​១៥គីឡូ​ក្រាម​ទៅ​​១៨គីឡូ​ក្រាម​ក្នុង​កញ្ចប់​នីមួយ​ៗត្រូវ​បាន​ប្រ​កាស​ថាជាកាដូ ​ហើយ​​បញ្ជាក់​ថា ​របស់​នៅ​ក្នុង​នោះ​គឺ​ជា​តែ។ លោក ហួ ករុណា ​ប្រ​ធាន​​នាយក​ដ្ឋានរដ្ឋ​បាល​​ និង​បុគ្គលិក​​​នៃ​​ប្រៃ​សណីយ៍​កម្ពុជា បា​ន​​មាន​ប្រ​សាសន៍ថា  ​​​ការិយា​ល័យ​ប្រៃ​សណីយ៍​​​គ្មាន​ឧ​បករណ៍​​សម្រាប់​ត្រួត​ពិនិត្យ​កញ្ចប់​​នានារក​ថ្នាំ​ញៀន​ខុស​ច្បាប់​នោះ​​ទេ​ ប៉ុន្តែ​បា​មាន​ប្រ​សាសន៍ថា​ ​ប្រៃ​សណីយ៍​​និង​មន្ត្រី​គយ​​​​កម្ពុ​ជា ​បាន​ពិនិត្យ​មើល​វត្ថុ​​នៅ​ក្នុង​កញ្ចប់​​នានា ​មុន​ពេល​​​បញ្ជូន​វា​ទៅ​បរទេស​។ លោក​ឧត្តម​សេនីយ៍​ឯក​ ខៀវសុភ័គ ​​អ្នក​នាំពាក្យ​ក្រ​សួង​មហា​ផ្ទៃ ​​​​​បាន​អប​អរ​សាទរ​ចំពោះ​កិច្ច​ខិត​ខំ​ប្រឹង​ប្រែង​របស់​អាជ្ញា​ធរ​អូស្ត្រាលី ​​ក្នុង​ការ​ចាប់​ខ្លួន​បុរស​ទាំង​ពីរ​នាក់​​នេះ​ ហើយ​បាន​មាន​ប្រ​សាសន៍​ថា ​​អាជ្ញាធរ​កម្ពុជា ​នឹង​សហ​ការ​​ជា​មួយ​សម​ភាគី​អូស្ត្រាលី របស់​ខ្លួន។លោក​​បាន​សម្តែង​ការភ្ញាក់​ផ្អើល​ចំពោះការ​ចាប់​បាន​​គ្រឿង​ញៀន​ដ៏​ច្រើន​បែប​នេះ។ លោក​បាន​មាន​ប្រ​សាសន៍​ថា “ យើង​ពិត​ជា​មិន​ដែល​​ឃើញ​ថ្នាំ​ញៀន​ច្រើន​យ៉ាង​នេះ​ទេ​។​ វា​ច្រើនណាស់​​​។​ពីមុន​ ​​យើង​រក​ឃើញ​ ​ថ្នាំ​ញៀន​តែ​មួយ​ ឬពីរ​គីឡូក្រាម​​​ប៉ុណ្ណោះ...។​នៅ​ក្នុង​ករណី​នេះ...

ស្ថានីយព្យាករ​​​អា​​​កាស​​​ធាតុ តេជោ សែន ​​​ថ្មី​​​​​​ដាក់ឲ្យ​​​ធ្វើ​​​ការ​​​សាក​​​ល្បង ដើម្បី​បញ្ជាក់​ពី​ភាព​ច្បាស់

មន្ត្រី​​​ក្រសួង​​​ធនធាន​​​ទឹក ​​​និង​​​ឧតុនិយម​​​បាន​​​ឲ្យដឹង​​​ កាល​​​ពី​​​ម្សិល​​​មិញ​​​ថា​​​ ការ​​​សាង​​​សង់​​​នៃ​​ស្ថានីយព្យាករ​​​អា​​​កាស​​​ធាតុ​​​ លើក​​​ដំបូង​​​ នៅក្នុង​​​ប្រទេស​​​កម្ពុជា​​​ ត្រូវ​​​បាន​​​សាង​​​សង់​​​រួច​​​រាល់​ ហើយ​​​ឥឡូវ​​​នេះកំពុង​​​តែ​​​​​​ដាក់​​​ឲ្យ​ដំណើរ​ការសាក​​​ល្បង​​ ​មុន​​​ពេល​​​បើកសម្ពោធ​​​ឲ្យ​​​ប្រើ​​​ប្រាស់​​​ជា​​​ផ្លូវ​​​ការនៅ​​​ខែ​​ក្រោយ​​​។ លោក អ៊ុំរីណា ប្រធាន​​​ស្តីទី​​​នាយក​ដ្ឋាន​ឧតុនិយម​ បាន​​​ឲ្យ​​​ដឹង​​​ថា​​​ ​​​ស្ថានីយព្យាករ​​​អាកាស​​​​ធាតុ​​​​​​​​​កម្ពស់​​​៦០​​​ម៉ែត្រ​​​ និង​​​ចំណាយ​​​ប្រាក់​​​អស់​​​ប្រាំពីរ​​​លាន​​​ដុល្លារ ក្នុង​​​ការ​​​សាងសង់​​​​​ ដែល​​​ស្ថិត​​​នៅ​​​ក្នុង​​​ខណ្ឌ​​​ចំការ​​​មន ​​​រាជ​​​ធានី​​​ភ្នំ​​​ពេញ​​​គឺ​​​ត្រូវ​​​បាន​​​បំពាក់​​​ទៅ​​​ដោយ ​​​ប្រព័ន្ធរា៉ដា​​​ មាន​សមត្ថភាព​​​ខ្ពស់ ដែល​​​អាច​​​ជួយ​​​ឲ្យអ្នក​​​​​​​​​ឧតុ​និយមអាចព្យាករ​​​ព្យុះ​​​ភ្លៀង នឹង​​​​​​ទឹក​​​ជំនន់​​​បាន​​​យ៉ាង​​​ល្អ​​​ប្រ​​​សើរ​​​។ លោក  រីណា  បាន​​​បន្ត​​​ថា  “យើងនឹងអាច​​​ព្យាករ​​​ពពក​​​​​ភ្លៀង​​ និង​​​កម្រិត​​ទឹក​​​ភ្លៀង ហើយ​​​នឹង​​​អាច​​​ព្យាករ​​​ល្បឿន និងទិសដៅ​​​របស់ខ្យល់​​​។ ប្រព័ន្ធ​​​រ៉ាដានេះ​​​ នឹង​​​អាច​​​ព្យាករ​​​ព្យុះផ្គរ​​​ក្នុង​​​ស្រុក​​​បាន”។លោក​​​បាន​​​លើក​​​ឡើង​​​ថា អគារ​​​នៅ​​​ពី​​​ក្រោម​​​ប្រព័ន្ធ​​​រ៉ាដា​​​ អាច​​​នឹង​​​ត្រូវ​​​បាន​​​យក​​​​មក​​​ប្រើ​​​ប្រាស់​​​សម្រាប់​​​វិភាគ​​​ទិន្នន័យ។ លោក រីណា បាន​​​បន្ថែម​​​ថា​​​ ប្រព័ន្ធ​​​រ៉ាដា​​​នេះកំពុង​​​តែ​​​ត្រូវ​​​បាន​​​ធ្វើការ​​​សាក​​​ល្បង​​​ ដើម្បី​​​​បញ្ជាក់ពី​​​ភាព​​​ច្បាស់​​​របស់វា។លោក រីណា បាន​​​មាន​​​ប្រសាសន៍បន្ថែមថា  “ យើងត្រូវ​​​តែ​​​ប្រៀប​​​ធ្រៀប​​​កម្រិត​​​នៃ​​​ទិន្នន័យ​​​​ ដែល​​​ប្រព័ន្ធ​​​រ៉ាដា​​​ព្យាករ​​​ ទៅ​​​នឹង​​​ការ​​​អង្កេត​​​ទៅ​​​លើ​​​ស្ថាន​​​ភាព​​​ជាក់​​​ស្តែង​។ លោក  រីណា  បាន​​​លើក​​​ឡើង​​​ថា ស្ថានីយ​នេះ​​​ ដែល​​​ត្រូវបាន​​​គេ​​​ហៅ​​​ថា​​​ ស្ថានីយរ៉ាដា​តេជោ សែន នឹង​​​ត្រូវ​​​ដាក់​​​ឲ្យ​​​ប្រើ​​​ប្រាស់​​​ជា​​​ផ្លូវ​​​​ការនៅ​​​ថ្ងៃ​​​ណា​​​មួយ​​​ក្នុង​​​ខែ​​​ឧសភា បន្ទាប់​​​ពី​​​គេហ​​​ទំព័រ​​​សម្រាប់ជួយ​​​ផ្តល់​​​ដំណឹង​​​អំពី​​​ព្យុះ​​​ ​​​ត្រូវ​​​បាន​​​រៀប​​​ចំរួចរាល់៕ ប្រែសម្រួល​ដោយ​ ស៊ា ស៊ុយ​ឈាង  

គ្រួសារ​ភ័យ​ខ្លាច​អំពីកូន​ស្រី​របស់​ខ្លួន​ទៅ​ធ្វើការ​ជា​ស្រ្តី​​ជំនួយ​ការ​មេផ្ទះ​នៅក្នុង​ប្រទេស​ម៉ាឡេស៊ី

ស្រុក​ទឹកផុស, ខេត្ត​កំពង់​ឆ្នាំង-លោកហែម ​ចន្ថា បានរំ​លឹកអំ​ពី​កូន​ស្រី​អាយុ​២៤​ឆ្នាំ​របស់​ខ្លួន​​ឈ្មោះ​ ស៊ុយសារ៉េនថា​ជា​មនុស្ស​ឧស្សា​ហ៍​ឆ្លាត និង​រួស​រាយរាក់​ទាក់​​។ ប៉ុន្ដែ​នៅ​ពេល​​បាន​​ធ្វើ​ដំណើរ​ពី​ផ្ទះ​របស់​លោក​នៅ​ក្នុង​ខេត្ត​កំពង់ឆ្នាំងកាល​ពី​ខែ​មុន ដើម្បី​ទៅ​ទទួល​កូន​ស្រី​​នៅ​អា​កាស​យាន​ដ្ឋាន​អន្ដរជាតិ​ភ្នំ​ពេញ​ នាង​ប្លែក​ណាស​់​។ លោក​ ចន្ថា បាន​មាន​ប្រសាសន៍​នៅ​ផ្ទះ​របស់លោក​ ដែល​ព័ទ្ធ​ជុំ​វិញ​ដោយ​វាល​ស្រែ​រាំង​ស្ងួត​ នៅ​ក្នុង​ឃុំ​ក្រាំង​ស្គារ ស្រុក​ទឹក​ផុស​ថា “ នាងមិន​ស្គាល់​ខ្ញុំ​ទេ។ ពេល​នេះ​ នៅ​ពេល​មនុស្ស​ទៅ​និយាយ​ជាមួយ​នាង​ នាង​ដើ​រចេញ​ ហើយកម្រឆ្លើយ​ណាស់​”។ កូនស្រី​របស់លោកឈ្មោះស៊ុយសារ៉េនបាន​​ចុះ​ហត្ថ​លេខា​ជាមួយ​នឹង​ក្រុម​ហ៊ុន​ជ្រើស​​រើស​ពលករ​ ZEN ក្នុង​ឆ្នាំ​២០១០​ ដើម្បី​ធ្វើ​ជាស្ត្រី​ជំនួយកា​រ​មេ​ផ្ទះ​នៅ​ក្នុង​ប្រទេស​ម៉ាឡេ​ស៊ី ដោយ​សង្ឃឹម​ថា នឹង​រក​ប្រាក់​មក​ជួយ​គ្រួ​សារ​របស់​នាង​។ លោក​ ចន្ថា បាន​រៀប​រាប់​ថា “ ​ខ្ញុំ​បាន​ទទួល​​​ទូរស័ព្ទ​ពី​ក្រុម​ហ៊ុន​ជ្រើស​រើស​ពល​ករ​ថាយើង​ត្រូវ​ទៅ​ទទួល​នាង​នៅ​ឯ​អា​កាស​យាន​ដ្ឋាន​។ ខ្ញុំ​ទៅ​ទី​នោះ ជា​មួយ​នឹង​ភរិយា​របស់​ខ្ញុំ​ ហើយ​យើង​បាន​ឃើញម​នុស្ស​ពីរ​នាក់​ជា​  ដើេរអមនាង។ ខ្ញុំ​មិន​បាន​កត់​សម្គាល់​ថា មានអ្វីប្លែកនោះ​ទេ។ នៅ​ពេលពួក​គេ​ប្រគល់​នាងមក​ឲ្យខ្ញុំ​ នាង​បាន​ទម្លាក់​អីវ៉ែ​អីវ៉ាន់​​ ដែល​នៅ​ក្នុង​ដៃ​របស់​នាងនៅ​លើ​ឥដ្ឋ​”។ នាង សារ៉េន មិន​បាន​ឆ្លើយតប​ទៅ​នឹង​សំណួរ​របស់​ឪពុក​ម្ដាយ​ទេ ហើយ​មិន​ព្រម​និយាយអស់​រយៈ​ពេល​ប្រាំ​ថ្ងៃរហូត​ដល់​នាង​និយាយមួយម៉ាត់ជាមួយកូន​ប្រុស​អាយុ​បី​ឆ្នាំ​របស់​នាងថា “ អាអូន”​ ក្នុង​ចំណោម​កូនៗ​ពីរ​នាក់ ដែលនាងបានទៅចោលពួកគេ ពេល​ធ្វើ​ការ​ក្នុង​ប្រទេស​ម៉ាឡេ​ស៊ី។ បើទោះ​ជា ​មាន​រយៈ​ពេល​មួយ​ខែ​ហើយ​​ចាប់​តាំង​ពី​នាង​វិល​ត្រឡប​់មកវិញក៏ដោយក៏​នាង​ ស៊ុយ សារ៉េន អង្គុយ​យ៉ាង​ស្ងាត់​ស្ងៀម​នៅ​លើ​ផ្ទះ​របស់​នាង​ កាលពី​ថ្ងៃ​ព្រហស្បតិ៍​ ខណៈ​​ដែល​ប្អូន​ស្រី​របស់​នាង​កំពុង​តែ​ជាន់​ម៉ាស៊ីន​ដេរ។ នាង​បាន​និយាយ​ខ្សឹប​ៗទាំង​បិទ​ភ្នែក​ថា “ ខ្ញុំ​ឈឺ​ក្បាលរហូត​។ ខ្ញុំ​វិល​មុខ ហើយ​ហេវ​ហត់ណាស់ខ្ញុំ​មិន​អាច​ធ្វើ​ការ​បាន​ទៀត​ទេ​”។នាង​ សារ៉េន បាននិយាយថា នាង​ត្រូវ​បាន​ ​​និយោ​ជក​របស់​នាង​បង្ខំ​ឲ្យ​លេប​ថ្នាំម៉្យាងដែល​ធ្វើ​ឲ្យនាង​ឈឺ​ ហើយឲ្យនាង​បាន​ធ្វើ​ការ​ច្រើន​ម៉ោងពេល​ ដើម្បី​សម្អាត​ផ្ទះ​ពីរ​ឲ្យ​និយោ​ជក​របស់​នាង។ក៏ប៉ុន្ដែ​លើស​ពី​សេចក្ដី​លម្អិត​តិច​តួច​នេះ​ នាង​មិន​អាច​ចង​ចាំ​​ច្រើន​ទេ ដើម្បីរៀបរាប់អំពី​ស្ថានភាពរបស់​នាង​ ក្នុងនាមជា​​ជនជាតិខ្មែរ​ម្នាក់​ ក្នុង​ចំណោម​ខ្មែរជាង​៣០.០០០​នាក់ដែល​ត្រូវ​បាន​បញ្ជូន​ទៅ​ធ្វើ​ការ​តាម​ផ្ទះ​ក្នុង​ប្រទេស​ម៉ាឡេស៊ី ក្នុង​រយៈពេលប៉ុន្មាន​ឆ្នាំថ្មីៗនេះ។ ខណៈ​ដែល​នាង​ សារ៉េនបាន​ធ្វើ​ដំណើរ​ត្រឡប់​មក​ផ្ទះ​វិញ​ មនុស្ស​ជា​ច្រើន​រាប់​ទាំង​ប្អូន​ស្រី​ម្នាក់​ កំពុងតែស្ថិត​នៅ​ក្រៅ​ប្រទេស​នៅ​ឡើយ ហើយដាច់ទំ​នាក់​ទំនងជាមួយ​​គ្រួសារ​របស់​ខ្លួនរហូតមក​។ លោក​ ចន្ថាបាន​មានប្រសាសន៍ថាលោក​មិន​ហ៊ាន​ប្ដឹង​អំពី​ការ​ប្រព្រឹត្ត​មកលើ​កូន​ស្រី​របស់​ខ្លួន​ឡើយ​ ខ្លាចគេធ្វើបាបកូន​ស្រី​របស់​ខ្លួន​​ផ្សេង​ទៀត​ ដូច​ជានាង ស៊ុយ សារ៉ាត់អាយុ​១៨ឆ្នាំ​ ដែល​ទៅ​ធ្វើការក្នុងប្រទេស​ម៉ាឡេស៊ីដែរ​ តាមរយៈ​ក្រុម​ហ៊ុន​ ZEN ចាប់តំាងពីឆ្នាំ​២០១០ហើយ​បាត់​ដំណឹង​តាំង​ពី​នោះ​មក​។ មិន​​មែនមានតែលោក​ ចន្ថាម្នាក់ឯងនោះ​ទេ ដែលបានជួបបញ្ហានេះ។ នៅក្នុង​ឃុំ​ក្រាំង​ស្គារ  នៅ​ក្នុង​ខេត្ត​កំពង់​ឆ្នាំង មាន​ភូមិ​តូច​ៗប្រហែល​ជាង​១០ មាន​​ប្រជា​ពល​រដ្ឋ​ប្រហែល​៣.០០០​គ្រួសារ​ ដែលមាន​ស្រ្តី​ក្មេងៗ​យ៉ាង​ហោច​ណាស់​១៧នាក់ បានបាត់​ទំនាក់ទំនង​ទាំង​ស្រុង​ជាមួយ​គ្រួសារ​របស់ខ្លួន​ ចាប់​តាំង​ពី​ទៅ​ធ្វើការ​ជា​ស្ត្រី​ជំនួយកា​រ​មេ​ផ្ទះ​​នៅ​ប្រទេស​ម៉ាឡេស៊ី ក្នុង​ប៉ុន្មាន​ឆ្នាំ​ថ្មីៗនេះ។ លោកស្រី​ ជួបសុភឿរ៉ា ជំទប់​ឃុំ​ក្រាំងស្គារ  ​មាន​ប្រសាសន៍ថា មុន​ពេលរដ្ឋា​ភិបាល​ហាម​ប្រាម​មិន​ឲ្យ​បញ្ជូនស្ត្រី​ជំនួយកា​រ​មេ​ផ្ទះ​ទៅ​ប្រទេស​ម៉ាឡេស៊ី ដោយ​សារ​​ព្រួយ​​បារម្ភ​អំពី​ការ​រំលោភ​បំពាន​ និង​លក្ខខណ្ឌ​ការ​ងារ​មិន​ល្អ​ក្នុង​ខែ​តុលានោះ ទី​ភ្នាក់​ងារ​​ជ្រើស​រើស​ពល​ករ​បាន​លួង​លោម​គ្រួសារ​ប្រជា​ពល​​រដ្ឋឲ្យព្រម​អនុញ្ញាត​ឲ្យកូន​ស្រី​របស់​ខ្លួន​ទៅ​ធ្វើកា​រ​នៅក្រៅ​ប្រទេស។ លោក​ស្រី​បាន​ថ្លែង​ថា “ មុន​ពេល​ពួកគេ​ទៅ​ ពួក​គេបានទទួលប្រាក់​ខ្លះ​ អង្ករ​ខ្លះ​ ឬក៏​ជា​គោមួយក្បាល​”។ អ្នក​ភូមិ​ដែលជីវភាព​របស់ពួកគាត់ ពឹង​ផ្អែកទាំងស្រុងនៅ​លើ​ដី​ស្រែរបស់​ខ្លួន និង​និយាយ​ថា​ ពួក​គេ​រក​ប្រាក់​បាន​តិច​តួច​គឺ​១០.០០០​រៀល​​...

គយ​អូស្ត្រាលីចាប់​​​បានគ្រឿង​ញៀន​​​​​ហេរ៉ូ​អីុន​​ចេញ​​​ពី​ប្រទេស ​​​​កម្ពុជា​​​ លាក់ក្នុង​ថ្នាំលាបសក់

ទាក់​​​ទិន​​​ទៅ​​​នឹងការ​​​​​​ជួញដូរគ្រឿង​​​ញៀនធំ​​​ៗ ដែល​​​មាន​​​ប្រ​​​ភពចេញពី​​​ប្រទេស​​​កម្ពុជាកាល​​​ពី​​​ម្សិល​​​មិញ តុលាការ​​​នៅ​​​ក្នុង​​​ប្រ​​​ទេស​​​អូស្ត្រាលី បាន​​​ចោទ​​​ប្រ​​​កាន់​​​បុរស​​​ពី​​​រនាក់​​​ពី​បទ​​​នាំ​​​ចូល​​​សារធាតុ​ម្យា៉ង​​​ទម្ងន់​​​៦៥​​​គីឡូក្រាម ​​​ដែល​​​ក្នុង​​​នោះ​​​មានលាយ​​​ជាតិ​គ្រឿង​ញៀន​ហេរ៉ូអីុនផងដែរ។ យោង​​​តាម​​​សេច​​​ក្ដី​​​ថ្លែង​​​ការណ៍​​​រួម​​​មួយ ​​​ដែលបាន​​​ចេញផ្សាយ​​​កាល​​​ពី​​​ព្រឹក​​​ម្សិល​​​មិញ​​ដោយ​​​​នគរ​​​បាល​​​សហព័ន្ធ ​​​និង​​​ភ្នាក់ងារ​គយ​អូស្ត្រាលី​​​ និងអង្គភាពការពារ​​​ព្រំដែន​​​ បាន​​​ឲ្យ​​​ដឹង​​​ថា អាជ្ញាធរ​​​បាន​​​ចាប់​​​ខ្លួន​​​បុរស​​​ពីរ​​​នាក់​​​កាល​​​ពី​​​ថ្ងៃ​​​សុក្រ​​​ បន្ទាប់​​​ពី​​​មន្ត្រី​​​នៅ​​​ក្នុង​​​ប្រទេស​​​​អូស្ត្រាលី​​​បានរក​​​ឃើញ​​​គ្រឿង​​​ញៀន​​​ហេរ៉ូអីុនលាក់​​​ក្នុង​​​កញ្ចប់​​​ ដែល​​​បិទ​​​ស្លាកសញ្ញា​​​ថាជា​​​ថ្នាំ​​​លាប​​​សក់​​​ផ្ញើ​​​ចេញពី​​​ប្រ​​​ទេសកម្ពុជា​​​ទៅ​​​កាន់​​​ប្រ​​​ទេសអូស្ត្រាលី។ ​​​​​​ភ្នាក់​​​ងាររបស់​​​រដ្ឋា​​​ភិបាល​​​បាន​​​លើក​​​ឡើង​​​ក្នុង​​​សេច​​​ក្ដី​​​ថ្លែង​​​ការណ៍​​​នោះថាសមត្ថកិច្ចបាន​ចាប់​​​ខ្លួន​​​ជន​​​សង្ស័យ​​​ឈ្មោះ សុខ សម្បត្តិ អាយុ​​​៣២​​​ឆ្នាំ និង​​​ កែវ​​​ ឆដាភា អាយុ​​​៣៨​​​ឆ្នាំ បន្ទាប់ពី​​​នគរ​​​បាល​​​ និងភ្នាក់ងារ​​​គយ​​​សហព័ន្ធបាន​បើក​កា​​​រ​​​ស៊ើប​​​អង្កេត​​​អស់រយៈ​​​ពេល​​​មួយ​​​សប្ដាហ៍​​​រួច​​​មក​​។ ការ​​​ស៊ើប​​​អង្កេត​​​​​ បាន​​​ចាប់​​​ផ្ដើម​​​ កាល​​​ពី​​​ថ្ងៃ ​ទី៧ខែ​​​មេសានៅ​​​ពេល​​​មន្ត្រី​​​គយ​​​នៅ​​​ឯបន្ទប់​​​ត្រួត​​​ពិនិត្យរបស់​​​បញ្ញើ​​​អន្ដរជាតិ​​​​​​ក្នុង​​​ប្រទេស​អូស្ត្រាលី “ បាន​​​រក​​​ឃើញកញ្ចប់​​​គួរឲ្យ​សង្ស័យ​មួយ ផ្ញើ​​​ចេញពី​​​​​​កម្ពុជា ​​​ទៅ​​​កាន់​អាសយ​​​ដ្ឋាន​​​មួយ ​​​ក្នុងតំបន់​​​​​​ស្ព្រីង​​​វេល​​​ភាគខាង​​​ត្បូង (Springvale South) ​​​នៅជាយក្រុង​​​មែ៉ល​​​ប៊ើន”។ ភ្នាក់​​​នេះងារ​​​បាន​​​លើក​​​ឡើង​​​ក្នុង​​​សេច​​​ក្ដី​​​ថ្លែង​​​ការ​​​ថា ​​​មន្ត្រីគយ​​​បាន​​​រក​​​ឃើញ​​​កញ្ចប់បិទ​​​ស្លាក​​​ថា​​​ “ ថ្នាំលាប​​​សក់”​​​ ​១៣​​​គីឡូក្រាមមាន​​​លាយ​សារធាតុ​ញៀន ​​​​​​ដែលក្រោយ​​​ពីការ​​​ធ្វើ​​​ពិសោធ​​​បាន​​​បង្ហាញ​​​ថា​​​ មាន​​លាយ​​​សារ​​​ធាតុ​​​គ្រឿង​​​ញៀន​​​​ហេរ៉ូអីុន។​​​​​​ សេច​​​ក្ដី​​​ថ្លែង​​​ការណ៍​​​នេះ​​​ បាន​​​បន្ថែម​​​ថា​នៅ​​​ថ្ងៃ​​​បន្ទាប់មក ​​​មន្ត្រី​​​ក្នុង​​​ទី​​​ក្រុង​​​សីុដនី បាន​​​រក​​​ឃើញ​​កញ្ចប់​​​ទី​​​ពីរ​​​ទម្ងន់​​​៣៩​​​គីឡូ​​​ក្រាមថា​​​ មាន​​​សារធាតុ​​​ដូច​​​គ្នា​​ ដែល​​​បិទស្លាក​​​ថ្នាំ​​​លាប​​​សក់​​​ដូច​​​គ្នាដែរ ​​​នេះ​​​បើយោង​​​ទៅ​​​លើ​​​ការ​​​ស៊ើប​​​អង្កេត​​​របស់​​​​​​នគរ​​​បាល​​​សហព័ន្ធ​​​អូស្ត្រាលី។ សេច​​​ក្ដី​​​ថ្លែង​​​ការណ៍​​​នេះ បាន​​​លើក​​​ឡើង​​​ថា បន្ទាប់​​​​​​មក នគរបាលបាន​​​រឹប​​​អូស​​​បា​​​ន​​​សារ​​​ធាតុ​​​ដូច​​​គ្នា​​​នេះទម្ងន់១៣​​​គីឡូ​​​ក្រាម​​​ផ្សេង​​​ទៀត ​​​បន្ទាប់​​​ពី​​​ឆែក​​​ឆេរ​​​ផ្ទះពីរកន្លែង​​​ស្ថិត​​​នៅ​​​​​​ជាយ​​​ក្រុង​​​ម៉ែល​​​ប៊ើន និង​​បុរសទាំង​​​ពី​​​រនាក់​​​ ត្រូវ​​​បានតុលាការចោទប្រកាន់បទ​​​ព្រហ្ម​ទណ្ឌ​កម្រិត​​​ធ្ងន់​​​ ដែលអាច​​​ជាប់​​​ពន្ធនា​​​គារ​​​មួយ​​​ជី​​​វិត​​​​​​ ឬ​​​ពិន័យ​​​ជា​​​ប្រាក់​​​៨២.០០០ដុល្លារ​​​អា​​​មេរិក”។ កាសែតហេរ៉លសាន់ ( Herald Sun) ក្នុង​​​ទីក្រុង​​​ម៉ែល​​​ប៊ើន​​​បាន​​​រាយ​​​ការណ៍​​​ថា លោក​សម្បត្តិ​​​ និងលោក ឆដាភា បាន​​​ឡើង​​​តុលា​​​ការ​​​ កាលពី​​​ម្សិល​​​មិញ​​​​​​ ដើម្បី​​​ប្រ​​​ឈមនឹង​ការ​ចោទ​ប្រកាន់ពីបទ​​​នាំ​​​ចូល​​​ និង​​​ចរាចរ​​​គ្រឿង​​​ញៀន​​​។​​​ បុរស​​​ទាំ​​​ងពីរ​​​នាក់​​​នេះ​​​កំពុង​​​ស្ថិត​​​ក្នុង​​​ការ​​​ឃុំ​​​ឃាំង​​​និង​​​ត្រូ​​​វ​​​ឡើងតុលាការជាលើក​​​ទី​​​ពីរ​​​ទៀត ​​​នៅ​​​​ថ្ងៃ​​​ទី​​​៦មិថុនា​​​​​​ ដែល​​​នៅ​​​ថ្ងៃ​​​នោះ ​​​អ្នក​​​​​​ទាំ​​​ងពី​​រ​​​នឹង​អនុញ្ញាតឲ្យនិយាយការពារ​​​ខ្លួន​​​ចំពោះបទ​​​ចោទ​​​ប្រ​​​កាន់​​​នេះ។ លោក រ៉ូហ្សែ៊ន​​​ ខេល្លី (Roxanne Kelly) នាយក​​​ប្រតិបត្តិការ​​​និង​​​អនុវត្ត​​​ច្បាប់​​​នៅ​ឯប៉ុស្តិ៍​​​គយ​​​ការ​​​ពារ​​​ព្រំ​​​ដែន​​​បាន​​​លើក​​​ឡើង​​​ក្នុង​​​សេច​​​ក្ដី​​​ថ្លែង​​​ការណ៍​​​ថា "​​​ដោយ​​​សារ​​​តែ​​​របៀប​​​បិទ​​​បាំង​​​ដ៏​​​ជឿន​​​លឿន​​​ក្នុង​​​ករណី​​​នេះ នេះក៏​​​ជា​​​សា្នដៃ​​​គំរូ​​​ដ៏​​​អស្ចារ្យ​​​មួយដែល​ក្រុម​​​មន្ត្រី​​​​​​សម្រេច​​​បាន”។ លោក ខេល្លី បាន​​​សរសេរថា “ ខណៈ​ដែល​​​ក្រុម​​​ឧក្រិដ្ឋជន មាន​​​ល្បិច​​​ក្នុង​​​ការ​​​បិទ​​​បាំង​​​កាន់​​​តែ​​​ខ្លាំង យើង​​​ក៏​​​មាន​​​ល្បិច​​​ក្នុង​​​ការ​​​បក​​​ស្បែក​​​កាន​​​់​​​តែ​​​ខ្លាំង​​​ផង​​​ដែរ”។ អ្នកនាំ​​​ពាក្យ​​​ទី​​​ស្នាក់​​​ការ​​​គយ​​​ការ​​​ពារព្រំ​​​ដែនក្នុងរាជធានី​​​កង់បេរ៉ា ប្រទេស​​​អូស្ត្រាលី បាន​​​លើក​​​ឡើង​​​ថា លោក​​​ស្រី​​​នឹង​​​មិន​​​ធ្វើ​​​អត្ថា​ធិប្បាយ​លើ​​​រឿង​​​នេះ លើស​​​ពី​​​នេះ​​​ទៀត​​​ឡើយ ពី​​​ព្រោះ​​​វាអា​​​ចធ្វើ​​​ឲ្យ​​​រំ​​​ខាន​​​ដល់​​​ដំណើរ​​​​ការ​​​របស់​​​តុលា​​​ការ។ លោក គៀតច័ន្ទថារិទ្ធ អ្នក​​​នាំ​​​ពាក្យ​​​នគរ​បាល​​​ជាតិ​​​កម្ពុជា បាន​​​មាន​​​ប្រ​​​សាសន៍​ថា លោក​​​​មិន​​​បាន​​​ដឹង​​​អំពីការ​​​ចាប់​​​ខ្លួន​​​នៅ​​​ក្នុង​​​ប្រ​​​ទេស​​​អូស្ត្រា​​​លី​​​នេះ​​​ទេ។ ​​​ការិយាល័យ​​​អង្គការ​​​សហ​​​ប្រ​​​ជា​​​ជាតិ​​​សម្រាប់​​​​គ្រឿង​​​ញៀន និងឧក្រិដ្ឋកម្ម ឆ្នាំ​​​២០១១​​​ បាន​​​រាយ​​​ការណ៍​​​ថា តម្លៃគ្រឿង​​​ញៀន​​​ហេរ៉ូអីុន​​​តាម​​​ចិញ្ចើម​​​ថ្នល់ នៅក្នុង​​​ប្រទេស​​​អូស្ត្រាលី​​​អាច​​​លក់​​​​​​បាន​​​ក្នុងរង្វង់ពី​​​២៣០​​​ ទៅ​​​៣៧០​​​ដុល្លារ​​​អាមេរិក ​​​ក្នុង​​​មួយ​​​ក្រាម។ កាល​​​ពី​​​ម្សិល​​​មិញ ​​​គេ​​​នៅ​​​មិន​​​ទាន់​​​ដឹង​​​ច្បាស់​​​​ថា តើ​​​មានគ្រឿង​ញៀន​​​ហេរ៉ូអីុនទម្ងន់ ប៉ុន្មាន​​​ទេបើ​ចម្រាញ់ចេញពី​​​​​​សារធាតុ​​​៦៥​​​គីឡូ​​​ក្រាម ​​​ដែល​​​​ផ្ញើ​​​ចេញពី​​​ប្រទេស​​​កម្ពុជា​​​នោះ​​​។ ប៉ុន្តែ​​​បើ​​​តាម​​​​តួលេខរបស់ ការិយាល័យ​​​អង្គការ​​​សហ​​​ប្រ​​​ជា​​​ជាតិ​​​សម្រាប់​​​គ្រឿង​​​ញៀន និង​ឧក្រិដ្ឋកម្ម ​​​ចំនួន​​​ដ៏​​​ច្រើន​​​នេះ​​​អាច​​​មាន​​​តម្លៃ​​​រហូត​​​ដល់​​​២៤​​​លាន​​​ដុល្លារ​​​ ​​​។ ​​​ការិយាល័យ​​​អង្គការ​​​សហ​​​ប្រ​​​ជា​​​ជាតិ​​​សម្រាប់​​​គ្រឿង​​​ញៀន និងឧក្រិដ្ឋកម្ម ក៏​​​បាន​​​រាយការ​​​ណ៍​​​ផង​​​ដែរថា គ្រឿង​​​ញៀន​​​ហេរ៉ូអីុន​​​និង​​​ម័រហ្វីន​​​ទម្ងន់​​​៣.២០០គីឡូក្រាម​​​ត្រូវ​​​បាន​​​រត់​​​ពន្ធ​​​ទៅ​​​កាន់​​​ប្រ​​​ទេស​អូស្ត្រាលី​នៅក្នុង​​​ឆ្នាំ​​​២០០៩ប៉ុន្តែអាជ្ញាធរ​​​អូស្ត្រាលី​ធ្លាប់ចាប់​​​បានទម្ងន់​​​សរុបរហូតដល់​១៩០គីឡូ​​​ក្រាម​​​។ ​​​យោង​​​តាមរបាយការណ៍របស់​​​ការិយា​ល័យ​​​អង្គការ​​​សហ​​​ប្រ​​​ជា​​​ជាតិ​​​សម្រាប់​​​គ្រឿង​​​ញៀននិងឧក្រិដ្ឋកម្ម...

ប្រទេស​ភូមា​ទទួល​បាន​ការ​​គាំទ្រ​ បន្ទាប់​ពី​បា​ន​ចូល​ជា​សមា​ជិក​ប្រទេស​អាស៊ាន

ពី​រថ្ងៃ​មុន​ពេល​កិច្ច​ប្រជុំ​កំពូ​ល​អា​ស៊ាន ​ចាប់ផ្តើមនៅ​ក្នុង​រាជ​ធានី​ភ្នំពេញ​ ប្រជា​ជ​ន​ភូមា​រាប​់​លាន​នា​ក់​​បា​នទៅ​​បោះ​ឆ្នោតជ្រើសរើស​បេក្ខជន​​មកព​ី​គណ​បក្សសាមគ្គីបង្រួបបង្រួ​ម​​ និ​ង​កា​រអភិ​វឌ្ឍន៍ និងគណបក្ស​សម្ពន្ធ​ជាតិ​ ដើម្បី​ប្រជា​ធិ​ប​តេយ្យ របស់​លោក​ស្រី អ៊ុងសាន​ ស៊ូ​ ជី ដែល​គាំ​ទ្រ​លទ្ធិ​ប្រជាធិ​ប​តេយ្យ​​និ​ង​​គណ​បក្ស​នយោបា​យ​​មួយ​ចំ​នួន​ទៀត។ ខណ​ៈ​ដែ​ល​ការ​បោះ​ឆ្នោត​ ជា​ប្រវត្ត​ិ​សាស្ត្រ​បា​ន​ចា​ប​់​ផ្តើម​​នោះ ពិភព​​លោក​​កំ​ពុង​​​វា​យ​តម្លៃចំពោះ​​​កា​រ​បោះ​ឆ្នោត​​នេះ ដើម្បី​ដំណើរ​កា​រ​កែ​ទម្រង់​​នៅ​ក្នុង​ប្រទេ​ស​ភូ​មា​​។ បើ​ទោះ​ជាមិន​បានសុក្រឹតក៏​ដោយ​​ ក៏​កា​របោះ​ឆ្នោត​​​នេះ ​គឺជា​ការ​​សាក​ល្បងដ៏​សំ​ខាន​់​មួយ​​នៃ​កា​រ​​ប្តេជ្ញា​​របស់​របប​នេះ ដើម្បី​​ឲ្យ​មា​ន​ការ​ផ្លាស់​ប្តូ​រ​​ដែរ ហើយ​​ប្រទេ​ស​លោក​ខាង​លិច​ភាគ​ច្រើ​ន​​​ ពេល​នេះ​ត្រូវ​​សួរខ្លួ​ន​ឯ​ង​​ថា ​តើ​​កា​រ​​បោះ​ឆ្នោត​នេះល្អ​សម​ល្មម​នឹង​ចាប​់​ផ្តើ​មលុបចោលកា​រ​ដាក់​ទណ្ឌ​កម្មយ៉ា​ង​យូរមក​ហើយ មក​លើ​ប្រ​ទេ​ស​ភូ​មាយ៉ាងណា​។ លោកជូ​ស័រឃ័រ​ឡិន​​ហ្សិក​ (Joshua Klant-zick)ក្រុម​ប្រឹក្សា​ផ្នែក​ទំ​នា​ក់​ទំ​នង​បរទេ​ស​​បា​ន​សរសេរ កា​ល​ពី​​ខែ​​ធ្នូ​ថា​ “ មា​ន​​ចំណុច​អន្ត​រ​កា​លមួ​យ​​ ប្រ​កប​ដោ​យ​​សក្តា​នុពល​​​ដែ​ល​មិនធ្លាប់ដោះ​ស្រាយក្នុងចំណោម​​អ្នក​​ធ្វើ​នយោ​បា​យ​។ វាហាក់ដូចជា​មា​ន​​ទ​ំនា​ក​់​ទំ​ន​ង​តិចតួច​​ទៅ​នឹ​ង​ការ​ខិត​ខំ​ប្រឹង​ប្រែងអស់​​​រយៈពេល​ច្រើ​នទសវត្សរ៍​​​ របស់បណ្តា​ប្រជាជាតិខាង​ក្រៅ​”។ លោកលីចូន (Lee Jones)​សាស្ត្រាចារ មកពីសាកល​​វិទ្យា​ល័យ​ ឃ្វីន ម៉ារី (QueenMary)​ ក្រុ​ង​ឡុ​ងដ៍ ដែ​ល​បា​ន​​សរ​សេរ​អំ​ពី​អាស៊ាន​​ ​ទំនងជា​យល់​ស្រប​តាមគំនិតនេះ។ លោក ចូន បា​ន​លើកឡើង​ថា “ ដំណើ​រ​ការ​កែ​ទម្រង់​នៅក្នុង​​ប្រទេ​ស​ភូមា​ គឺ​ជា​លទ្ធ​ផល​ដ៏​ធំ​ធេង​​នៃ​កត្តា​​​ក្នុង​ស្រុក​​ ដែល​ក្នុ​ង​នោះ​កម្លាំង​ខាង​ក្រៅ​​រាប់ទាំ​ង​អា​ស៊ាន មា​នកា​រ​គ្រប​់​គ្រង​តិចតួ​ចបំផុត”។ ចាប់តាំងពី​ឆ្នាំ​​២០០៤ ​ប្រទេ​ស​ បាន​បញ្ចប់​កា​រ​គាំ​ទ្របស់ខ្លួន ​​អស់រយៈ​ពេ​ល​ជា​ច្រើន​ទសវត្សរ៍​ ដល់ក្រុមកុ​ល​សម្ពន្ធ​​បះ​បោរមួ​យចំ​នួ​នក្នុង​ប្រ​ទេ​ស​ភូ​មា​​ភាគ​ខា​ង​ជើងបា​ន​ជួ​យ​លើក​ទឹក​ចិត្ត​ក្រុ​ម​កុល​សម្ពន្ធ​នេះ​​ឲ្យ​​ចូលរួ​ម​ជាមួ​យ​​រដ្ឋាភិបា​ល​ក្នុ​ង​កា​រ​រៀបចំតាក់​តែង​​រដ្ឋធម្មនុញ្ញ​​ ដោយ​យកតាម​បទ​ពិ​សោធ របស់ប្រទេស​ឥណ្ឌូណេស៊ី​ ក្រោ​យ​​សម័យ​ដឹកនាំរបស់លោក ស៊ូហា​តូ ធ្វើជាគំ​រូ​​​​ក្នុង​ការ​គ្រប​់​គ្រង​​​បែ​ប​យោធា​ផ្ទាល់។ លោក លី បា​ន​លើក​ឡើ​ង​ថា “ អា​ស៊ាន​ក៏​ជួយការពារប្រទេ​ស​ភូមាផងដែរកុំឲ្យឯកោ​ពី​អ​ន្តរ​ជាតិ ឬពឹង​ផ្អែក​លើ​ប្រទេ​ស​​ចិន​​ពេក​ដែរ ដោ​យ​ដា​ស់​តឿន​​ទាំ​ង​អ្ន​ក​កែ​ទម្រង​់ និង​​ក្រុ​ម​​រឹង​​រូស​ថា មា​ន​ផ្លូវ​​សម្រាប់ដើរ ដែល​អា​ច​ជ្រើសរើសបាន”។ លោក​បា​ន​បន្ថែ​ម​ថា “ ពិតមែ​ន​ហើយ ផ្លូវ​នេះមិនមែនផ្លូវសម្រាប់សេរី​ភា​វូបនីយកម្ម​​ទាំងស្រុងទេ ដោយ​សារ​តែរបប​​គួរ​ឲ្យ​ខ្ពើម​រអើម​នេះ​។ ជាពិ​សេស កា​ល​ពី​ដើ​ម​ទស​វត្សរ៍​ឆ្នាំ​​១៩៩០ កា​រ​វិ​និ​យោគមកពី​ប្រទេស​ជា​សមាជិកអាស៊ាន​ និង​​ជំ​នួ​យ​ផ្សេង​ទៀត​ ​បា​ន​ពង្រឹង​​របប​នេះខ្លះដែរ​។ ដូច្នេះ​​ជំនួ​យរបស់​អា​ស៊ាន​ បានរួមចំណែកយ៉ាង​សំខាន់​”។ ស្របពេលប្រទេ​ស​ភូមា​​ បា​ន​​ចូ​ល​រួម​ជា​មួយ​សមាជិកសមាគមអា​ស៊ាន ​កា​លពី​​ចុ​ង​ទសវត្សរ៍​ឆ្នាំ​​១៩៩០ ​មេដឹកនាំ​របស់ប្រទេ​ស​នេះ​ ដែ​ល​ដណ្តើម​​បា​ន​អំ​ណាច​ក្នុ​ង​រដ្ឋ​ប្រ​ហា​រ​​មួ​យ​ក្នុង​​ឆ្នាំ​១៩៦២ គឺក្នុងរយៈពេលបួ​ន​ឆា្នាំ​ប៉ុណ្ណោះ​ បន្ទាប​់​ពី​​ទទួល​បា​ន​ឯក​រាជ្យ​ពី​​ប្រទេ​ស​​​អង់​គ្លេស បា​ន​បង្កើត​​​របប​របស់​ខ្លួ​ន​យ៉ា​ង​​​រឹង​មាំ​​ក្នុង​ចំណោ​ម​​ប្រទេសផ្តាច់ការបំ​ផុតក្នុ​ងពិ​ភព​លោក​។ ក្នុងឆ្នាំ​១៩៨៨...

អ្នក​​តំណាងរបស់​​​ក្រុម​ហ៊ុន Nike ​បាន​ចុះ​ទៅ​ពិនិត្យ​​​នៅ​រោង​ចក្រ​ដែល​មាន​កម្ម​ករ​ដួល​សន្លប់​

មន្ត្រី​ក្រ​សួង​​ការ​ងារ​​បាន​​និយាយ​ថាកាល​ពី​ថ្ងៃ​ទី​​១០​ខែ​មេសា ​​អ្នក​តំណាង​មក​ពី​ក្រុម​ហ៊ុនណៃគី (Nike) ​​ជា​យីហោ​សម្លៀក​បំពាក់​កីឡា​ដ៏​ល្បី​ល្បាញ​​​របស់​សហ​រដ្ឋ​អាមេរិក ​​បាន​ចុះ​ទៅ​ត្រួត​ពិនិត្យ​​មើល​ស្ថាន​ភាព​​នៅ​រោង​ចក្រ​ផ្គត់​ផ្គង់​របស់​ខ្លួន​​ក្នុង​​ខេត្ត​កំពង់ស្ពឺ ​​ដើម្បី​ស៊ើប​អង្កេត​​​រក​មូល​ហេតុ​​​​នាំ​ឲ្យ​កម្មករ​កម្ម​ការិនីយ៉ាង​ច្រើន​ដួល​សន្លប់​កាល​ពី​សប្តាហ៍​មុន។ លោកប៉ុកវណ្ណ​ថាត​ ​​អនុ​ប្រ​ធាន​នាយក​ដ្ឋាន​ពេទ្យ​ការងារ​នៃ​​ក្រសួង​ការ​ងារបាន​មាន​ប្រ​សាសន៍ថា ​អ្នក​តំណាង​​ក្រុមហ៊ុនណៃគី​​​បាន​ចុះ​ទៅ​​ពិនិត្យ​មើល​ស្ថាន​ភាព​រោង​ចក្រ​កាត់​ដេរ​​សម្លៀក​បំពាក់​សាព្រីណា (Sabrina)ក្នុង​ស្រុក សំរោងទងខេត្ត​​​កំពង់​​​ស្ពឺ ដើម្បី ​​ពិភាក្សារក​មូលហេតុ​​​​នាំ​ឲ្យ​មាន​ករណី​កម្ម​ករ​ កម្ម​ការិនី​ដួល​សន្លប់យ៉ាងច្រើន​​ចំនួន​ពីរ​​ផ្សេង​គ្នា ដែលបានកើតឡើងកាល​ពី​សប្តាហ៍​មុន។ លោកប៉ុកវណ្ណ​ថាត​ ​​ ​បាន​មាន​ប្រ​សា​ស​ន៍​ថា“ពួក​គេ​បាន​ចុះ​ទៅ​ពិនិត្យ​​មើល​ស្ថាន​ភាព​ក្នុង​រោង​ចក្រ​នោះ​រួច​រាល់​ហើយ។ខាង​ភាគី​ក្រុមហ៊ុនណៃគី ​ចង់​ឲ្យ​កម្ម​ករកម្ម​ការិនី​មាន​សុខ​ភាព​ល្អ”។ កាល​ពី​​ថ្ងៃទី​៤​ ខែ​មេសា ​​ឆ្នាំ​២០១២ ​កម្ម​ការិនី​​ជាង​១០០​នាក់​​បាន​ដួល​សន្លប់​ ​​ជា​ឧបទ្ទ​វ​ហេតុ​មួយ​ ដែល​លោក ​​ប៉ុកវណ្ណ​ថាត​ ​​បាន​​ធ្វើ​ការស​ន្និដ្ឋាន​ថាបណ្តាល​មក​ពី​ក្លិន​​ចេញ​ពី​ជ័រ​កាវ​ដែល​ម្ចាស់​រោង​ចក្រ​ប្រើ​ប្រាស់​នេះ​។ទោះ​ជាយ៉ាង​ណាបន្ទាប់​​ពី​​ការ​កែ​លម្អ​រួច​ ហើយ​ការ​ងារ​បាន​បន្ត​វិញ​ កាល​ពី​​ថ្ងៃទី​៦ ​ខែ​មេសា​នោះ​​​ កម្ម​ករ​...

រូប​ចម្លាក់​នាគ​រាជត្រូវបានស្ថាបនា​ឡើង​ ដើម្បី​អបអរសាទរ​​ឆ្នាំ​ថ្មី ឆ្នាំរោង​ ឆ្នាំ២០១២

ប​ចម្លាក់​នាគ​ធ្វើ​ពី​ដែក ​និង​ប្ញស្សី​ត្រូវ​បាន​ស្ថាបនា​ឡើង​នៅ​ចំពី​​​មុខរមណីយដ្ឋាន​​វត្ត​ភ្នំ​មុន​ថ្ងៃ​​ចូល​ឆ្នាំ​ខ្មែរ​ដើម្បី​​​អបអរ​សាទរ​ឆ្នាំ​ថ្មី​​​ឆ្នាំ​រោង​ នេះ​បើ​យោង​តាម​សាលារាជធានី​ភ្នំពេញ។ យោង​តាម​សេចក្តី​ជូនដំណឹង​​តាម​គេហ​ទំព័រ​​របស់​សាលា​រាជធានី រូប​ចម្លាក់​នេះ​មាន​បណ្ដោយប្រហែល​​២០​ម៉ែត្រ​និង​​ប្រើ​ពេល​៧៥​ថ្ងៃ​ដើម្បី​​គូរប្លង់​ និង​​ស្ថាបនាដំឡើង​​​។ សេចក្តី​ជូនដំណឹង​​នេះ​មាន​ខ្លឹមសារ​ថា​ “ ការ​តាំង​រូប​​នាគនេះ​គឺចង់បង្ហាញ​ពី​ស្នាដៃ​ពិតៗ​របស់​វិចិត្រករ​ខ្មែរ​​និង​ភាព​បុិនប្រសប​ក្នុង​ការ​គូសវាស​រៀបចំ​តាំងពី​គ្រោងឆ្អឹង ​និង​សម្បក​ខាងក្រៅ​​និង​ការ​តុបតែង​ឲ្យ​មើលទៅ​គួរ​ជាទី​ទាក់ទាញ​ដើម្បី​ស្វាគមន៍​ដល់ភ្ញៀវ​ទេស​ចរជាតិ​និង​អន្តរជាតិ​​ដែល​នឹង​ធ្វើ​ដំណើរ​​កម្សាន្ដ​ក្នុង​រាជធានី​ភ្នំពេញ​”។​ សេចក្តី​ជូនដំណឹង​នេះ​មាន​ខ្លឹមសារ​បន្ត​ថា ​រូប​​នាគ​នេះក៏ត្រូវ​បាន​ស្ថាបនា​ឡើង ​ដើម្បី​អប​អរ​ប្រទេស​កម្ពុជា​ដែល​មាន​កិត្តិយស​បាន​ធ្វើ​ជា​ម្ចាស់ផ្ទះ​នៃ​កិច្ច​ប្រជុំ​កំពូល​​អាស៊ាន​ផងដែរ​។ លោក សុខ សម្បត្តិ អភិបាល​ខណ្ឌ​ដូន​ពេញ​បាន​មាន​ប្រសាសាន៍​ថា “ វា​មាន​សារៈ​សំខាន់​​សម្រាប់​កម្ពុជា​ក្នុង​ការ​​​ប្រារព្ធ​ពីធី​បុណ្យ​ចូល​ឆ្នាំថ្មីនិង​សម្រាប់សម្តេច​នាយក​រដ្ឋ​មន្ត្រី​ហ៊ុន​ សែន ដែល​បាន​កើតក្នុង​ឆ្នាំ​រោង​”។ យោង​តាម​លោក ធន ធនាក់​គា វិចិត្រ​ករ​កម្ពុជា​អាយុ​​៣១​ឆ្នាំដែល​បាន​គូរប្លង់​ និង​ស្ថាបនា​​រូបនាគ​នេះ​បាន​​ឲ្យ​ដឹង​​ថា សាលា​​រាជធានីបាន​ចំណាយ​ប្រាក់​​ចំនួន​៩.០០០​ដុល្លារ​ដើម្បី​ស្ថាបនា​វាឡើង​។ លោក​បាន​ថ្លែង​ពេល​កំពុង​ដំឡើង​​​ក្បាល​នាគ​​បង្ហើយ​ខណៈ​​ដែល​អ្នក​ដំណើរ​​កំពុង​សម្លឹង​មើល​យ៉ាង​ជក់​ចិត្ត​​​កាល​ពី​ថ្ងៃ​ពុធថា “ នេះជា​លើក​ដំបូង​ហើយ​ដែល​ខ្ញុំ​បាន​ស្ថាបនា​​រូប​នាគបែប​នេះ​។ លោកបាន​បន្ថែមទៀត​ថា​ “ សម្រាប់​ឆ្នាំ​២០១២​នេះ​ សាលា​រាជធានី​ភ្នំពេញចង​់​រៀបចំ​ឲ្យ​មាន​លក្ខណៈពិសេស​ខុសប្លែក​ពី​ឆ្នាំ​មុនៗ ​​​​​​​ដើម្បីអប​អរ​សាទរថ្ងៃ​​បុណ្យ​ចូល​ឆ្នាំ​ថ្មី។ក្រុម​អ្នក​ទេសចរ​បាន​ប្រមូល​ផ្ដុំគា្នជុំវិញ​រូបនាគនេះ​ខណៈ​​ដែល​ក្រុម​ជាង​បង្ហើយ​​ក្បាល​នាគ។ កន្លងមក​ វត្តភ្នំ​គឺជា​កន្លែង​សម្រាប់​ប្រារព្ធ​​ពិធី​បុណ្យចូល​ឆ្នាំ​ថ្មី​​​ប្រពៃណីជាតិ​ ហើយ​នៅ​ថ្ងៃ​​នេះ​​ លោក កែប ជុតិមា អភិបាល​រាជធានី​ភ្នំពេញ គ្រោង​នឹង​ធ្វើ​​ជា​អធិបតី​ក្នុង​ពិធី​មួយ​នៅ​ទី​នេះ​​ ដោយ​នឹង​មាន​​ការ​ប្រ​គំតន្ត្រី​ដែល​មាន​ការ​ចូលរួម​ពី​សំណាក់​តារា​ល្បីៗក្នុង​រាត្រី​​នេះផង​ដែរ​។​​លោក​ ធនាក់គា ​បាន​ឲ្យ​ដឹង​ថា​ ​រូបនាគ​​នេះនឹង​បន្ត​តាំងបង្ហាញ​​នៅ​វត្តភ្នំ​យ៉ាង​ហោច​​ណាស់​ក៏​២ខែ​ដែរ​ក្រោយ​ពេល​ឆ្នាំ​ថ្មី​​កន្លង​ផុត​ទៅ​​​៕             ប្រែ​សម្រួល​ដោយ  ហម សុផាណ្ណា​​

ធនាគារអេស៊ីលីដា ចង់បោះ​ទុន​វិនិយោគនៅ​ក្នុង​ប្រទេស​ភូមា

នាយក​ប្រ​តិ​បត្តិ​ របស់​ធ​នាគារ​អេស៊ី​លីដា ​​​បាន​​មាន​ប្រ​សាសន៍​ កាល​ពី​ម្សិល​មិញ​ថា ​​ធនា​គារអេស៊ីលីដា ដែល​ជា​ធនាគារ​ធំ​បំផុត​ក្នុង​ប្រទេស​កម្ពុជា ​កំពុង​តែគិតចង់​ហក់​ចូល​ក្នុង​ទី​ផ្សារ​សេដ្ឋ​កិច្ច​​ក្នុង​ប្រទេស​ភូមា ដោយ​មាន​ផែន​ការ​បើក​សា​ខា​មីក្រូ​ហិរញ្ញ​វត្ថុ​​បី​កន្លែងក្នុង​ប្រទេស​នេះ​នៅ​​ត្រឹម​ខែ​មករា ឆ្នាំក្រោយ​។ លោក អិុន​ ចាន់​នី ​​​នាយក​ប្រ​តិ​បត្តិ​របស់​ធនាគារ​នេះ​ បាន​មាន​ប្រ​សាស​ន៍​ថា ​​លោក​​បាន​ពិ​ភាក្សា​អំពី​ផែន​ការ​នេះ​ កាល​ពី​ថ្ងៃ​ច័ន្ទ ​ជា​មួយ​គណ:​ប្រ​តិ​ភូ​​មកបំពេញ​ទស្ស​នកិច្ច​មួយ​ក្រុមរបស់​ភូមា ដឹក​នាំដោយ​លោក ណាយអៃ (Nay Aye) ​ទេសា​ភិ​បាល​រង ​នៃ​ធ​នា​គារ​ជាតិ​​​របស់​​ភូមា ដែល​បាន​មក​សិក្សា​​អំពីរបៀបអភិ​វឌ្ឍវិស័យ​ធ​នាគារ​ក្នុង​​ប្រទេស​កម្ពុជា។ ដំណើរ​ទស្ស​នកិច្ច​នេះ​ ​កើត​មាន​ឡើង​បន្ទាប់​ពី​ធ​នាគារ​កណ្តាល​​ នៃ​​ប្រទេស​ភូមា​កាល​ពី​ដើម​ខែ​នេះ​ បាន​សម្រេច​ឲ្យ​មាន​ការ​​​ដូរ​ប្រាក់ គីយ៉ាត (kyat) ​ដែល​ជា​រូបិយ​ប័ណ្ណ​ជាតិ​​របស់​ខ្លួន​យក​ប្រាក់​ដុល្លារ​។ ​ការ​បោះ​ឆ្នោត​បំពេញ​អាសន:​​ ក៏​ត្រូវ​បាន​ធ្វើ​ឡើង​​​ដែរ​ នៅ​ក្នុង​ប្រទេស​នេះ​ កាល​ពី​ថ្ងៃ​ទី​១​ ខែ​មេសា​ ​ដោយ​អំឡុង​ពេល​នោះ លោក​ស្រី អ៊ុង សានស៊ូ ជី ​និង​គណបក្ស​សម្ពន្ធ​ជាតិ​ ដើម្បី​លទ្ធិ​ប្រ​ជា​ធិបតេយ្យ​របស់​លោក​ស្រី ​បាន​ឈ្នះ​អាសន:​សភា យ៉ាងច្រើនលើសលប់។ ​ចាប់​តាំង​ពីលោក​ប្រ​ធានាធិបតី ថេន សេន​បាន​ជាប់​ឆ្នោត​ កាលពី​ឆ្នាំ​មុន​មក ប្រ​ទេស​ភូ​​មា​បាន​និង​កំពុង​ព្យាយាម​​ជា​ខ្លាំង ​ដើម្បី​ទាក់​ទាញ​​វិនិ​យោគិន​​បរទេស។​ធ​​នាគារ​អេស៊ីលីដា គឺ​ជា​ក្រុម​ហ៊ុន​ដ៏​ធំ​​ដំ​​បូងគេ​ក្នុង​ប្រទេស​កម្ពុជា...

វិស័យ​មី​ក្រូ​ហិរញ្ញ​វត្ថុ​កម្ពុជា​ត្រូវ​ការ​ផលិត​ផល​ និង​សេវា​ កម្ម​ច្រើន​មុខទៀត​លើ​ទី​ផ្សារ​

ខណៈកំពុង​ដើរ​ទិញ​ទូរទស្សន៍​​កាលពី​ពេល​ថ្មីៗនេះ​ លោក ឡឹក​ ប៊ុនហៃ អាយុ ២៧ ឆ្នាំ ទិញបាន​ទូរទស្សន៍ អិល​ស៊ីឌី (LCD)មួយ​គ្រឿង​ម៉ាក​សូនី ក្នុង​តម្លៃ​៣៤៥ដុល្លារ​នៅឯ​ហាង​លក់​សម្ភារប្រើ​ប្រាស់ របស់​ក្រុមហ៊ុន​ស៊ុនស៊ីមុិចកូ ស្ថិត​នៅ​តាម​បណ្តោយមហា​វិថីព្រះ​មុនីវង្ស ក្នុង​រាជធានីភ្នំពេញ​។ ប៉ុន្តែ​ប្រាក់ខែ​ចំនួន​៣០០ដុល្លារ​ ដែល​លោក ឡឹក ប៊ុនហៃ ទទួល​បាន​ពី​ការងាររបស់ខ្លួន​​ជា​មន្ត្រី​ឥណទាន​នៅ​គ្រឹះស្ថាន​មីក្រូ​ហិរញ្ញ​ វត្ថុ​មួយ​ក្នុង​រាជធានីភ្នំពេញ​ មិនអាច​ឲ្យ​លោកមានលទ្ធភាព​ទិញ​ទូរទស្សន៍នេះ​បាន​ទេ។ ដូច្នេះ​ លោក​ក៏បាន​ខ្ចី​ប្រាក់ពី​គ្រឹះ​ស្ថាន​មីក្រូ​ហិរញ្ញវត្ថុ​ Aeon ​មកពីប្រទេស​ជប៉ុន​ ដែលបាន​​​បើក​ការិយាល័យ​មួយ​នៅ​ក្នុង​ហាង​របស់​ក្រុមហ៊ុន​ស៊ុនស៊ីមុិចកូ កាលពីឆ្នាំមុន។លោក ប៊ុនហៃ បាន​និយាយថា “ ឥឡូវ យើង​អាច​ទិញ​របស់របរ​ប្រើប្រាស់ ដូចជាទូរទស្សន៍ និង​សម្ភារផ្សេងៗទៀត​​បាន ដោយយើង​គ្រាន់​តែ​ត្រូវ​បង់រំលោះ​ប្រ​ចាំ​ខែ​ប៉ុណ្ណោះ​។ តាមរយៈប្រព័ន្ធ​ទូទាត់​បែប​នេះ​អាច​ទិញ​របស់របរ​ប្រើ​ប្រាស់​ផ្សេងៗ ដែល​យើង​ត្រូវការបានដោយងាយ”។ ចាប់តាំង​ពី​​វិស័យ​មីក្រូឥណទា​ននៅ​​កម្ពុជា​បាន​ចាប់ផ្តើម​នៅ​ដើមទសវត្សរ៍៩០ ហើយ​អង្គការ​សង្គម​ស៊ីវីលចាប់ផ្តើម​ផ្តល់​សេវា​ប្រាក់កម្ចីខ្នាត​តូចដល់សហគមន៍​ក្រីក្រ ដែល​ត្រូវការមូលនិធិ​ ដើម្បី​បង្កើតមុខរបរ​រក​ស៊ី​​មក គ្រឹះស្ថានមីក្រូ​ហិញ្ញវត្ថុនៅ​ប្រទេសកម្ពុជាកំពុង​ចាប់ផ្តើម​ផ្លាស់ប្តូរ​ទិស​ដៅ​។ ដូចជានៅ​ប្រទេសថៃ និងប្រទេស​វៀត​ណាមដែរ​ វិស័យមីក្រូហិរញ្ញវត្ថុនៅក្នុង​ប្រទេសកម្ពុជា បានចាប់ផ្តើម​សម្លឹង​រកមើល​អតិថិ​ជន​ដូចជាលោក ប៊ុនហៃ ដែល​មាន​ប្រាក់ចំណូល​ច្រើន​ជាង​ប្រាក់ឈ្នួលអប្បបរមា  ប៉ុន្តែ ដែល​ពំុមាន​អំណាចទិញ​គ្រប់គ្រាន់ ដើម្បី​ទទួល​បាន​របស់​របរប្រើប្រាស់ថ្លៃ​ៗដូចជា​ទូរទស្សន៍​និង​​ទូទឹកកក ជាដើម។ Aeon គឺជា​គ្រឹះស្ថានមីក្រូ​ហិញ្ញវត្ថុដំបូងក្នុង​ចំណោមគ្រឹះស្ថាន​មីក្រូ​ហិញ្ញវត្ថុ​ចុះបញ្ជី​ត្រឹម​ត្រូវទាំង​២៨​ដែល បាន​ផ្លាស់ប្តូរទម្រង់នៃ​​ការ​​ផ្តល់ឥណទានតាម​បែប​ប្រពៃណីទៅ​ជា​ការ​ផ្តល់ឥណទាន​តាមរូបភាពទិញ​សម្ភារប្រើ​ប្រាស់វិញ។របៀបធ្វើ​ពាណិជ្ជកម្ម​របស់​គ្រឹះ​ស្ថានមីក្រូហិរញ្ញវត្ថុ Aeon ជាផ្នែក​មួយ​នៃ​គោល​នយោ​បាយជំរុញ​ចលនា​មីក្រូ​ហិរញ្ញវត្ថុឲ្យ​​កាន់​តែ​ទូលំទូលាយ​របស់​ធនាគារ​ជាតិ​នៃ​កម្ពុជា (NBC) ដើម្បី​ធ្វើ​ឲ្យ​មាន​ភាព​ស​ម្បូរបែប​​​ក្នុង​វិស័យ​មីក្រូ​ហិរញ្ញ​វត្ថុ បន្ថែម​ពីលើ​​ការផ្តល់​ប្រាក់កម្ចី​ក្នុងបរិមាណតិចតួច​​ដល់​អាជីវ​កម្ម​ខ្នាតតូចក្នុង​ប្រទេស​កម្ពុជា។ លោកស្រី ងួន សុខា អគ្គនាយិកា​ធនាគារ​ជាតិនៃ​កម្ពុជា​ បាន​មានប្រសាសន៍ថា “យើង​ត្រូវតែ​ធ្វើ​ឲ្យ​មានភាព​សម្បូរ​បែប​ក្នុង​វិស័យ​មីក្រូហិរញ្ញវត្ថុ​ ដើម្បីឲ្យ​គ្រឹះស្ថានមីក្រូហិរញ្ញវត្ថុ​មាន​លទ្ធ​ភាពផ្តល់​សេវា​កម្ម​កាន់តែច្រើនដល់​អតិថិជន​ ហើយ​លោកស្របន្ថែម​ថា ធនាគារ​កណ្តាលនឹងរៀបចំសេចក្តីព្រាង​បទបញ្ញត្តិស្តីពី​គ្រឹះស្ថាន​មីក្រូ​ហិរញ្ញវត្ថុ ដោយ​សហការ​ជាមួយ​នាគារ​​ពិភពលោកនៅក្នុង​ខែ​នេះ​ហើយ។ លោក​ស្រី​បាន​បន្ថែម​ទៀត​ថា “យោងតាម​​ផែន​ការ​លម្អិត​ យើង​នឹង​ពិនិត្យ​មើល​ឱកាសដើម្បី​ឲ្យ​គ្រឹះ​ស្ថាន​មីក្រូ​ហិរញ្ញវត្ថុ​ មាន​លទ្ធភាព​ផ្តល់​សេវា​កម្ម​ហិរញ្ញវត្ថុ​ច្រើន​ប្រភេទដល់​​អ​​​តិថិជន​របស់​ខ្លួន។ ប៉ុន្តែ​បច្ចុប្បន្ន​​នេះ យើង​មិនទាន់​មាន​និយម​ន័យ​ច្បាស់​លាស់​អំពី​សកម្ម​ភាព​របស់​គ្រឹះ​ស្ថាន​មីក្រូ​ហិរញ្ញវត្ថុ​ទេ”។ ទោះ​បី​ជា​អ្នក​បង្កើត​គោល​នយោ​បាយ​ ជឿជាក់​ថា ការ​ធ្វើ​ឲ្យ​មាន​ភាព​សម្បូរ​បែប​ក្នុង វិស័យ​មីក្រូ​ហិរញ្ញ​វត្ថុ នឹង​ជួយ​ឲ្យ​សេដ្ឋ​កិច្ច​មាន​ស្ថិរភាព​ក៏​ដោយ ក៏ក្រុម​អ្នក​វិភាគ​សេដ្ឋ​កិច្ច​ បាន​និយាយថា វិស័យ​មីក្រូ​ហិរញ្ញ​វត្ថុដែល​ទើប​នឹង​ចាប់​ផ្តើម​ដំណើរ​ការ​ដូចជា​នៅ​ក្នុង​ប្រទេស​កម្ពុជា​ជា​ដើម​នេះ ត្រូវ​ការ​ក្របខណ្ឌ​ បទ​បញ្ញត្តិស៊ី​ជម្រៅ​ដើម្បី​ការ​ពារ​ហានិភ័យ​​នៃការបាត់​បង់​សមត្ថភាព​សង​របស់​អតិថិជន​ដែល​បាន​ខ្ចី​ប្រាក់​ពី​គ្រឹះ​ស្ថាន​មីក្រូ​ហិរញ្ញ​វត្ថុ។ អត្រា​ឥណទាន​ឥត​ដំណើរ​ការ​នៅ​ក្នុង​ប្រទេស​កម្ពុជា​មាន​ចំនួន​ក្រោម​១​ភាគ​រយ​ នេះ​បើ​យោង​តាម​សមាគម​មីក្រូ​ហិរញ្ញ​វត្ថុ​កម្ពុជា​។ ប៉ុន្តែ​សហគមន៍​ក្រី​ក្រ​តែង​តែ​រអ៊ូរ​រទាំអំពី​ការ​កើន​បំណុល​ដោយសារ​ការ​ពាក់​ព័ន្ធ​ជា​មួយ​អ្នក​រកស៊ី​ចង​ការ​ប្រាក់និង​ភាព​ងាយ​ស្រួល​ក្នុង​ការ​ខ្ចី​ប្រាក់​ច្រើន​ដង​ពី​គ្រឹះ​ស្ថាន​មី​ក្រូ​ហិរញ្ញ​វត្ថុលើសពី​មួយ​។ លោក ម៉ារេន ឌូវិនឌេក (Maren Duven​dack) អ្នក​ស្រាវ​ជ្រាវ​នៅ​វិទ្យា​ស្ថានអភិវឌ្ឍន៍ក្រៅ​ប្រទេស​ (Overseas Development In​stitute) បាន​មាន​ប្រសាសន៍ថា “ក្នុង​ករណី​ខ្លះ ការ​ធ្វើ​ពាណិជ្ជ​កម្ម​បាន​នាំ​ឲ្យ​មាន​ការ​អនុវត្ត​សកម្ម​ភាពខុសពី​បេសកកម្ម​ និង​ការ​ប្រ​ព្រឹត្តខុស​ក្រម​សីលធម៌​ ហើយ​​ដោយសារ​តែ​បែប​នេះ​ហើយទើបវិស័យ​មីក្រូ​ហិរញ្ញ​វត្ថុ ត្រូវ​មាន​បទ​បញ្ញត្តិ​ប្រកបដោយ​ប្រសិទ្ធភាព​ ​ និងភាពត្រឹម​ត្រូវ​ជាងពេល​មុន។ លោកបាន​សរសេរ​​និក្ខេប​បទ​នៅ​ឯ​សាកល​វិទ្យា​ល័យអីុស អេនលា យូនីវ័រ​សីុធី (East Anglia​ University) នៅ​ក្នុងប្រទេស​អង់​គ្លេស​ ក្រោម​ប្រ​ធាន​បទ​ “ផល​ប៉ះ​ពាល់​នៃ​គ្រឹះ​ស្ថាន​មី​ក្រូ​ហិរញ្ញ​វត្ថុនៅ ​ក្នុងបណ្តា​ប្រទេស​កំពុង​អភិវឌ្ឍន៍”​។ លោក​បាន​មាន​ប្រសាសន៍​បន្ថែមថា “វិស័យមីក្រូ​ហិរញ្ញ​វត្ថុ ​​មិន​អាចធ្វើប្រតិបត្តិការទាំង​នៅ​ក្នុង​ស្ថាន​ភាព​ដែល​មិន​មាន​បទ​បញ្ញត្តច្បាស់​លាស់​បានទេ។ ការ​មានក្រប​ខណ្ឌ​បទ​បញ្ញតិ្ត​សមស្រប​មួយ​ ទោះ​ជាក្នុង​គោល​នយោ​បាយ​ម៉ាក្រូ​ ឬ​មីក្រូ​សេដ្ឋ​កិច្ច​​ក៏​ដោយ ឲ្យ​តែ​គាំ​ទ្រដល់​ការ​ជំរុញ​កំណើនប្រាក់​ចំណូល​របស់​ប្រ​ជាពល​រដ្ឋ​ក្រី​ក្រ គឺ​ពិត​ជា​មាន​សារៈសំខានណាស់​”។ លោក​ ដៃ ស៊ូកេ​មេដា (Daisuke​ Maeda) នាយក​គ្រប់​គ្រង​របស់​គ្រឹះ​ស្ថាន​មី​ក្រូ​ហិរញ្ញ​វត្ថុ​ Aeon បាន​មាន​ប្រសាសន៍ថា អតិថិ​ជនត្រូវ​តែ​មាន​ប្រាក់​ចំណូល​ប្រ​ចាំ​ខែ ចាប់​ពី​២០០​ដុល្លារ​ឡើងទៅ​ ទើប​អាច​មាន​លក្ខណៈ​សម្បត្តិ​គ្រប់​គ្រាន់​ក្នុង​ការ​ទទួល​បាន​ប្រាក់​កម្ចី ​យក​ទៅ​ប្រើ​ប្រាស់​។ ប៉ុន្តែ​ Aeon មិន​តម្រូវ​ឲ្យ​មានទ្រព្យ​ធា​នា​ពី​អតិថិ​ជន​របស់​ខ្លួន​ទេ។ លោក​បាន​មាន​ប្រសាសន៍ថា “យើង​មាន​ជំនឿ​ថា ប្រ​ជា​ជន​កម្ពុជា​មាន​សិទ្ធិ​ទទួ​ល​បាន​អត្ថ​ប្រយោជន៍​និង​សេវាកម្ម​ច្រើន​ជាង​សព្វ​ថ្ងៃ​ពី​គ្រឹះ​ស្ថាន​ហិរញ្ញ​វត្ថុ​។ បទ​បញ្ញត្តិ​របស់​ធនាគារ​ជាតិ​នៃ​កម្ពុជា មាន​ចំណុច​គ្រប់​គ្រាន់​ល្មម​នឹងធ្វើ​ឲ្យ​ប្រ​ជា​ជនមាន​លទ្ធភាព​ទទួល​បាន​ផល​ប្រយោជន៍​ និង​សេវាកម្ម​ទាំង​មូល​”។ ទោះ​បី​ជា​វិស័យ​មីក្រូ​ហិរញ្ញវត្ថុ​មាន​ហា​និភ័យ​នៅ​ព័ទ្ធ​ជំុ​វិញក៏ដោយ (​នៅប្រទេស​ឥណ្ឌា​​ វិស័យ​នេះ​​បាន​ដួល​រលំនៅ​ ក្នុង​ឆ្នាំ​២០១០ ដោយ​សារ​តែ​អតិថិជនដែល​បាន​ខ្ចី​ប្រាក់​ ឈប់​សងប្រាក់​ឲ្យ​គ្រឹះ​ស្ថាន​មី​ក្រូ​ហិរញ្ញ​វត្ថុ) ក៏អ្នក​ជំនាញ​បាន​និយាយ​ថា ការ​ធ្វើ​ឲ្យមាន​ភាព​សម្បូរ​បែប​ក្នុង​សេវា​ឥណ​ទាន​ខ្នាត​តូច​ គឺ​ជា​យុទ្ធ​សាស្ត្រ​ដ៏ល្អ​មួយ​សម្រាប់​វិស័យ​នេះ។ លោក អិុន ចាន់នី ប្រ​ធាន​នាយក​ប្រតិបត្តិ​របស់​ធនាគារ​ អេស៊ីលីដា ភីអិលស៊ី ដែល​ជា​ធនាគារ​ផ្តល់​ឥណ​ទាន​ខ្នាត​តូច ​ធំ​បំផុត​នៅ​ក្នុង​ប្រទេស​កម្ពុជា​ បាន​មានប្រ​សាសន៍​ថា “យុទ្ធ​សាស្ត្រ​នេះនឹង​ជួយ​ឲ្យ​គ្រឹះ​ស្ថាន​មី​ក្រូ​ហិរញ្ញ​វត្ថុ​ និង​អតិថិ​ជន​របស់​ខ្លួន​រីកចម្រើន​ដូច​គ្នា​។ ពួក​គេត្រូវ​ការ​បទបញ្ញត្តិ​ដ៏​មាន​ប្រសិទ្ធភាព​ ដើម្បី​ឲ្យ​ពួក​គេ​អាច​ណែ​នាំ​ផលិត​ផល​ និង​សេវាកម្ម​​ថ្មីៗ​របស់​គ្រឹះ​ស្ថាន​មី​ក្រូ​ហិរញ្ញ​វត្ថុ​ ឲ្យ​អតិ​ថិ​ជនរបស់​ខ្លួន​បាន​​ដឹង​”។ លោក អិុន ចាន់​នី បាន​បន្ថែម​ថា គ្រឹះស្ថាន​ថ្មីៗ​ ដូច​ជា​ Aeon ជា​ដើម​ ក៏គួរ​តែ​ធ្វើ​ឲ្យប្រាកដ​​ថា ​ខ្លួន​ពិត​ជា​បាន​ពិនិត្យ​មើល​សាវតារ​របស់​អតិថិជន​បាន​ត្រឹម​ត្រូវ​ ជា​ពិសេស​គឺប្រ​វត្តិ​ហិរញ្ញ​វត្ថុ​របស់​ពួក​គាត់​តាម​រយៈ​បុគ្គលិកដែរ​។ អាជីវកម្ម​របស់​ Aeon ស្ថិត​ក្នុង​ដំណាក់កាលចាប់​ផ្តើម​នៅ​ឡើយ ប៉ុន្តែ​មាន​ផែនការអភិវឌ្ឍន៍​បន្ថែម​ទៀត​នៅ​ក្នុង​ប្រទេស​កម្ពុជា។