ធនា​គា​រ​​​អ​ភិ​វឌ្ឍ​ន៍​អា​ស៊ី​​​ ព្យា​ករសេដ្ឋកិច្ច​កម្ពុជា​កើនឡើង​៧,២ភាគ​រយ​​​ក្នុង​ឆ្នាំ​២០១៣ 

កា​ល​ពី​ម្សិល​មិញ ធនា​គារ​​​អភិ​​វឌ្ឍ​ន៍​អា​​ស៊ី បា​ន​​បង្កើន​​កា​រ​​គណ​នា​​របស់​ខ្លួន​អំពី​កំណើន​​សេដ្ឋ​​កិច្ច​​​​​នៅក្នុង​ប្រទេ​ស​​កម្ពុជា ​កា​ល​ពី​ឆ្នាំ​មុន​ដល់​​​៧,២ភាគ​​រយ​ ប៉ុន្តែ​​​បា​ន​ព្រ​មាន​​ថា ​អត្រា​កង្វះ​​អា​ហារ​​ូ​ប​ត្ថម្ភ​កុ​មារ​គឺ​ជា​កា​រ​គំ​រាម​កំហែង​​ដ៏​ធ្ងន់​ធ្ងរ​មួ​យដល់​កា​រ​អភិ​វឌ្ឍ​យូរអង្វែង​​របស់​​ប្រទេស​នេះ​។ ​​នៅ​ក្នុ​ងកា​រ​វា​យ​ត​ម្លៃ​ប្រ​ចាំ​ឆ្នាំ​​​របស់​ខ្លួន​​អំពី​សេដ្ឋកិច្ច​នៅ​ក្នុ​ង​តំ​បន់​​​អា​ស៊ី​ប៉ា​ស៊ី​ហ្វិក​ កា​រ​វា​យ​តម្លៃ​​របស់​​ធនាគារ​​អភិ​វឌ្ឍ​​ន៍​អា​​ស៊ី​​អំ​ពី​កំណើន​សេដ្ឋ​កិច្ច​​ឆ្នាំ​​២០១២​របស់​កម្ពុជា ​​​បង្ហាញ​ថា មាន​ការ​​កើន​​ឡើង​ខ្ពស់​ជាង​​កា​រ​​ព្យា​ករ​​​​កាល​ពី​​ខែ​តុ​លា​​ ដែល​ថា មាន​ចំនួន​​៦,៤​ភាគ​រយ​។ ដោយ​សម្លឹង​​មើល​​​ទៅ​មុខ ​​ធនា​គា​រ​​អ​ភិវឌ្ឍន៍អា​ស៊ីបា​ន​ព្យា​ករ​​​ថា​ មា​ន​កំណើន​៧,២ភាគ​រយ​​នៅ​ឆ្នាំ​នេះ និង​កំ​ណើន​៧,៥ភាគ​រយ​ក្នុង​ឆា្នំ​២០១៤។ ​ធនា​គា​រ​​អ​ភិវឌ្ឍន៍អា​ស៊ីបា​ន​លើក​ឡើង​ក្នុង​របា​យ​កា​រណ៍​របស់​ខ្លួន​ស្តី​ពី​​ទស្សន​វិ​ស័យ​​នៃ​ការ​​​អភិ​វឌ្ឍ​​​​​​នៅ​អា​ស៊ី​​ថា “ កំណើន​វិ​និ​យោគទុន​បរទេស​ កំ​ពុង​​ធ្វើ​ឲ្យ​មាន​​​ឧស្សាហ​កម្មថ្មី​ៗ ​រាប់​ទាំង​កា​រ​ផលិត​គ្រឿង​​បន្លាស់​រថយន្ត និង​កា​រ​​កែ​ច្នៃ​​ផលិត​ផល​​កសិ​កម្ម​ ព្រម​​ទាំ​ង​​​ការ​ធ្វើ​ពិពិធ​កម្ម​កា​រ​​ផលិត​​សម្លៀក​បំពាក់​ឲ្យ​​​ទៅ​ជា​ផលិត​ផល​មា​ន​ត​ម្លៃ​កាន់​តែ​​ខ្ពស់​​​”។ ធនា​គា​រ​​នេះ​​​លើក​ឡើង​ទៀត​ថា ​កម្រិត​នៃកា​រ​​ប្រើ​​ប្រាស់​​ខ្ពស់​នៅ​ក្នុង​ប្រទេ​ស​​នេះ​ ក៏​​រួម​ចំណែក​​ធ្វើ​ឲ្យ​សេដ្ឋកិច្ច​មាន​​កំ​ណើន​​​​រឹង​មាំ​ដែរ​។ ធនា​គា​រ​​អ​ភិវឌ្ឍន៍អា​ស៊ី បា​ន​លើក​ឡើង​ថាវិនិយោគ​ទុន​ផ្ទាល់​ពី​​បរទេស​“ បា​ន​កើន​​ឡើង​​៧៥ភាគរយ​ ដល់​​១,៥ពាន់​លាន​​ដុល្លារ​ ដោយ​​​បាន​ធ្វើ​ឲ្យ​រូប​ិយ​វត្ថុ​​បម្រុង​ផ្លូវ​ការ​​សរុប​កើន​ឡើង​ដល់​៣,៥​ពាន់លា​ន​ដុល្លារ ​ក្នុង​រយៈ​ពេល​​នា​ំ​ចូល​៤,៤ខែ”។ ​លោក ពូលឡង់ ​ដួង (Poullang Doung) មន្ត្រី​សេដ្ឋ​កិច្ច​ជាន់​ខ្ពស់​ប្រចាំ​ធនា​គា​រ​​អ​ភិវឌ្ឍន៍​អា​ស៊ី បា​ន​លើក​ឡើងក្នុង​​ពេល​បញ្ចេញ​​​​របាយ​ការណ៍​​នេះ​ថា ​​ខណៈដែល​វិស័យ​កសិកម្ម​កើន​ឡើង​ត្រឹម​​៤ភាគ​រយ​​ប៉ុណ្ណោះ​​ក្នុង​ឆ្នាំ​​២០១២​នោះ​ ​ឧស្សាហ​កម្ម​កំពុង​កើន​ឡើង​​ គឺ​កើន​​ឡើង​​៩,២ភាគ​រយ​។ ធនា​គា​រ​​អ​ភិវឌ្ឍន៍អា​ស៊ី បា​ន​​លើក​ឡើង​ថាឧ​ស្សាហកម្ម​​បាន​កើន​ឡើង ថ្វី​បើ​​នៅ​តែ​មាន​​កំ​ណើន​​យឺត​យ៉ាវ​​នៅ​ក្នុ​ង​ទីផ្សារ​​បស្ចិម​ប្រទេ​ស​ដែល​ធ្វើ​ឲ្យ​​កា​រនាំ​​ចេញ​​សម្លៀក​បំ​ពាក់និង​ស្បែក​ជើង​​​​ពី​ប្រទេ​ស​កម្ពុជា​ទៅ​​​​អា​​មេ​រិ​ក​ធ្លាក់​ចុះ​​១,៨​ភាគ​រយ​ មក​ត្រឹម​​៣,៦ពាន់​លាន​​ដុល្លារ​ក្នុង​ឆ្នាំ​​២០១២​ក៏​ដោយ​។យោង​តា​ម​ តួ​លេខ​របស់​ធនា​គា​រ​​អ​ភិវឌ្ឍន៍អា​ស៊ី បង្ហាញ​​ថា កា​រនាំ​​ចេញ​​សម្លៀក​បំ​ពាក់​​និង​​ស្បែក​ជើង​​ទៅ​​កាន់​​​សហ​​ភាព​​​អឺរ៉ុប​...

បុរសម្នាក់​ និង​ស្ត្រីម្នាក់ ក្នុង​ខេត្ត​កំពង់ចាម ​រង​របួស​យ៉ាង​ធ្ងន់​ធ្ងរ​ដោយ​ការ​វាយ​ប្រហារ​ដោយទឹក​អាសុីត

នគរបាល​​​បាន​​​ឲ្យ​​​ដឹង​​​​​​កាល​​​ពី​​​ម្សិល​​​មិញ​​​ថានៅ​​​ក្នុងខេត្ត​​​កំពង់​​​ចាម ជន​​​ល្មើសបាន​​​​​​ជះ​​​ទឹក​​​អាសុីត​​​​​​​ខ្លាំង​​​​​​​​​មក​​​លើបុរស​​​ម្នាក់​​​ និង​​​ស្ត្រី​​​​​​ម្នាក់ ​កាល​​​ពី​​​ថ្ងៃ​​​ច័ន្ទ ដោយបណ្ដាល​​​ឲ្យ​​​មុខ​​​ និងខ្លួន​របស់​អ្នកទាំងពីរ​​​រលាក​​​យ៉ាង​​​ខ្លាំង នៅពេល​​​ពួក​​​គេ​​កំពុងមើល​​​ទូរទស្សន៍​​​ក្នុងផ្ទះ​​​។ លោក កែវ វ៉ា មេភូមិខ្ជាយ​​​ថ្មី បាន​មាន​​​ប្រសាស​​​ន៍​​​ថា ស្ត្រីឈ្មោះ សែន ស្រីរ័ត្ន អាយុ​​​២៣​​​ឆ្នាំ និង​​​មិត្ត​​​ប្រុស​​​របស់​​​នាងឈ្មោះ ​​​ឡុង ​ប៊ុនធឿន អាយុ​​​៣២​​​ឆ្នាំ កំពុងនៅ​បន្ទប់របស់​នាងក្នុង​​ឃុំ​​​ជាំក្រវៀន ​​​ស្រុក​​​មេមត់ ​ពេល​បុរស​ឈ្មោះ ជា ថេង អាយុ​​​២៣ ឆ្នាំ ចូល​​​ទៅដល់​ឃើញជន​​រង​​​គ្រោះ​​​ទាំងពីរនាក់កំពុង​​​ដេក​ជាមួយ​​​គ្នា​​​នៅ​​​ម៉ោង​​​ប្រហែល​​​៧​​​យប់ ហើយ​បានជះ​​​ទឹក​​​អាសុីត​​​​​​​​​សម្រាប់​​​ធ្វើ​​​ឲ្យ​​​ជ័រ​​​កៅស៊ូ​​​រឹង​​​​​​មក​​​លើ​​​អ្នក​​​ទាំង​​​ពីរ។ លោក កែវ វ៉ា បាន​​​មាន​​​ប្រសាស​​​ន៍​​​ថា “ ជន​​​រង​​​គ្រោះ​​​ទាំង​​​ពីរ​​​នាក់​​​កំពុង​​​ដេក​​​នៅ​​​ក្នុង​​​អង្រឹង​​ពេល​​​ជន​​​សង្ស័យ​​​នេះ​​​បាន​​​ជះ​​​ទឹក​​​អាសុីត​ដាក់។​​​​​ ទឹក​​​អាសុីត​​​បាន​​​ប៉ះ​​​ចំ​​​ខ្លួន​​​ស្ត្រី​​​​​​នេះ ប៉ុន្តែមុខ​របស់លោក  ឡុង ប៊ុនធឿន ត្រូវ​​​​ទឹក​​​អាសុីត ​ដោយ​​​បណ្ដាល​​​ឲ្យ​​​​​​ភ្នែក​​​ទាំង​​​ពីរច្រមុះក និង​​​ទ្រូង​​​របស់​​​គាត់​​​រលាក​​​យ៉ាង​​​ខ្លាំង”។លោក​មាន​​​ប្រសាស​​​​​​ន៍​​​បន្ថែម​​​ថា វាជាការ​​​ឆាប់​​​រហ័សពេក​​​​ក្នុង​​​ការ​​​និយាយ​​​ថា​​​តើ​​​លោក ឡុង ​ប៊ុនធឿន នឹង​​​​ខ្វាក់ភ្នែក ឬយ៉ាង​​​ណា​​​នោះ ។ នាពេល​​​​​​បច្ចុប្បន្ន​​​នេះ ​​​ជន​​​រង​​​គ្រោះ​​​ទាំង​​​ពីរ​​​នាក់​​​នេះកំពុង​​​សម្រាក​​​ព្យាបាល​​​របួសរបស់​​​ខ្លួន​​​នៅ​​​មន្ទីរ​​​ពេទ្យ​​​ខេត្ត​​​កំពង់ចាម។​​​ លោក កែវ វ៉ា មាន​​​ប្រសាស​​​ន៍​​​ថា អ្នក​​​ស្រី ​ស្រីរ័ត្ន អាច​​​ស្គាល់​​​អត្តសញ្ញាណ អ្នក​​​ជះ​​​ទឹក​​​អាសុីត​​​នេះ ពី​​​ព្រោះ​​​ភ្លើង​​​​​ចង្កៀង​នៅ​​​ក្នុង​​​ផ្ទះ​​​នេះ​​​នៅ​​​​​​ភ្លឺនៅ​​​ឡើយ។ លោកបាន​​​មាន​​​ប្រសាស​​​ន៍​​​ថា “ ជា ​ថេង ​ធ្លាប់​​​​​​​​​​​​មាន​​​ទំនាក់​​​ទំនងស្នេហាជា​​​មួយ​​​​​​នឹងនាង​ស្រីរ័ត្ន ប៉ុន្តែ អ្នក​​​ទាំង​​​ពីរ បាន​​​បែក​​​បាក់​​​គ្នា​​​កាល​​​​ពី​​​ឆ្នាំ​​​​​​មុន។​ ​ជន​​​សង្ស័យ​​​បាន​​​ព្រមាន​​​នាង​​​មិន​​​ឲ្យ​​​​​​មាន​​​ទំនាក់​​​ទំនង​ជា​​​មួយ​​​នឹង​​​បុរស​​​ណា​​​ផ្សេង​​​ទៀត​​​នោះ​​​ទេ”។ លោក ឆាយ គឹមសុន ស្នង​​​​​​ការ​​​នគរ បាល​ខេត្ត​​​​​​កំពង់​​​ចាម បាន​​​បញ្ជាក់​​​ថា អត្តសញ្ញាណ​​​របស់​​​ជន​​​សង្ស័យ គឺ​​ឈ្មោះ ជា ​ថេង ​ហើយ​បាន​​​មាន​​​ប្រសាស​​​ន៍​​​ថា នគរបាល នៅ​​​​​​​​​​​​​មិន​​​ទាន់​​​ចាប់ខ្លួន​​​ជន​​​នេះបាន​​​នៅ​​​ឡើយទេ ។ លោកបាន​​​ថ្លែងថា​​​ “ យើង​​​​​​កំពុង​​​ធ្វើ​​​​ការ​​ងារនេះ”។ កាល​​​ពី​​​ខែ​​​ធ្នូ​​​ ឆ្នាំ​​​២០១១ប្រទេស​​​កម្ពុជា​បានអនុម័ត​​​ច្បាប់ថ្មី ​​​ស្ដី​​​ពី​​​ការ​គ្រប់​គ្រង​អាសុីត​​​ ដើម្បី​​​ផ្តន្ទាទោសបទល្មើស​​​វាយ​​ប្រហារ​​​ដោយ​​​ទឹក​​​អាសុីត​​​នៅ​​​​ប្រទេស​​ ។ មនុស្ស​​​ទី​​​១ ដែល​​​ត្រូវ​​​ជាប់​ពន្ធនាគារ​​​ដោយ​សារ​​ច្បាប់​​​ថ្មី​​​នេះ ឈ្មោះ បេ សឿន អាយុ​​​៥១​​​ឆ្នាំ ដែល​​​ត្រូ​​​វ​​​បាន​​​សាលា​​​ដំបូង​​​រាជ​​​ធានីភ្នំពេញផ្តន្ទា​​​ទោស​​​ឲ្យ​​​ជាប់​​​ពន្ធនាគារ​​​ជា​​​អតិបរមា​​​រយៈ​​​ពេល​​​៥​​​ឆ្នាំ ពី​​​ប​​​ទ​​​ជះ​​​ទឹក​​​​​​អាសុីត​សម្រាប់​ចាក់​​​អាគុយ​​​លើ​​​អតីត​​​ប្រពន្ធ​​​របស់​​​គាត់អាយុ​៣២​​​ឆ្នាំ ដោយ​​​​បណ្ដាល​​​ឲ្យ​​​ជន​​​រង​​​គ្រោះ​​​ខ្វាក់​​​ភ្នែក​​​ម្ខាង និង​​​ធ្វើ​​​​​​ឲ្យជន​​​រង​​​គ្រោះ​​​នេះ មាន​​​ស្នាម​​​រលាក​​​គួរ​​​ឲ្យ​​​ខ្លាច​​​​​​​​​​​​​​​​​​នៅ​​​លើ​​​មុខ​​​ ទ្រូង និង​​​ខ្នង​​​របស់​​​គាត់។ ក្រុម​​​អង្គការ​​​ការពារសិទិ្ធ​​​​​​មនុស្ស​​​នៅ​​​ពេល​​​នោះ បាន​​​អប​​​អរសាទរចំពោះ​​​សាល​​​ក្រម​​​នេះនិង​​​បាន​​​សម្ដែង​​​ក្ដី​​​សង្ឃឹមថា សាល​​​ក្រម​​​នេះ​នឹង​ធ្វើ​​​ឲ្យ​​​​​​មាន​​​ការ​​​ខ្លាច​​​រអា និង​​​ជា​​​​​​ការ​​​ព្រមាន​​​មួយ​​​ចំពោ​​​ះ​​​ប្រជាពលរដ្ឋ​​​ថា រដ្ឋាភិបាល​​​អត់​ទ្រាំលែងបាន ​​​ចំពោះ​​​បទ​​​ល្មើស​​​​វាយ​​​ប្រហារ​​​ដោយ​​​ទឹក​​​អាសុីត​​​នេ​​​ះ​​​ទៀត​​​ហើយ ៕ ប្រែសម្រួលដោយ ស៊ុំ សុខភុំ

ក្រុម​​​អ្នក​​​តវ៉ាប្រមូល​​​ផ្តុំ​គ្នា​​​នៅ​​​មុខការិយាល័យប្រតិភូ​​​​សហភាព​​​អឺរ៉ុប​​​ ដើម្បី​​​ស​​​ុំ​​​ឲ្យ​​​ឱសថ​​​មាន​​​តម្លៃ​​​ថោក

ក្រុម​​​អ្នក​​​តវ៉ា​​​ប្រហែល​​​១០០​​​នាក់ បាន​​​ប្រមូល​​​ផ្តុំ​គ្នា​​​នៅ​​​ខាង​​​មុខ​​​ការិយាល័យ​​​របស់​​​ប្រតិភូ​​​សហភាព​​​អឺរ៉ុប​​​​​​ប្រចាំ​​​ប្រទេស​​​កម្ពុជាកាល​​​ពីម្សិល​​​មិញ ដោយ​​​បាន​​​អំពាវ​​​នាវ​​​ឲ្យ​​​មាន​​​កា​​​រធានា​​​ថា កិច​​​្ច​​​ព្រម​​​ព្រៀង​​​ពាណិជ្ជ​​​កម្ម​​​សេរី​​​របស់​​​សហភាព​​​អឺរ៉ុប​​​ជា​​​មួយ​​​​​​​​​​​​នឹង​​​ប្រទេស​​​ឥណ្ឌា មិន​​​មាន​​​ការ​​​រឹត​​​បន្តឹង​​​លើ​​​ផលិត​​​កម្ម​​​​ឱសថ​​​ទូទៅ​​​នៅ​​​ក្នុង​​​​ប្រទេស​ឥណ្ឌា ដែល​​​ជា​​​​​​ការ​​​​ចាំ​​​​បាច់​​​ដើម្បី​​​ព្យាបាល​​​ជំងឺ​​​នានាដូច​​​ជា​​​ជំងឺ​​​អេដស៍​​​ជា​​​ដើម​​​នៅ​​​ក្នុង​​​ប្រទេស​​​កំពុង​​​អភិវឌ្ឍន​៍​នេះ​។ តំណាង​​​ម​​​ក​​​ពី​​​​​​បណ្ដាញ​​​សហគមន៍​​​ចំនួន​​​១៣ ដែល​​​ផ្ដល់​​​ប្រឹក្សា​​​​​​ដល់​​​ប្រជា​​​ពលរដ្ឋមាន​​​ជំងឺ​​​អេដស៍ កម្មករ​​​រោង​​​ចក្រ​​​កាត់ដេរ អ្នក​បម្រើ​​ការ​ងារ​តាម​កន្លែង​កម្សាន្ត​ ​​​ស្ត្រី​និង​បុរស​ដែល​​ស្រឡាញ់​​​ភេទ​​​ដូច​​​គ្នា បាន​​​កាន់​​​បដា​​​​​​​អំពាវ​​​នាវ​​​ដល់​​​​សហភាព​​​អឺរ៉ុបកុំ​​​ឲ្យ​​​ដាក់កម្រិតលើ​​​ផលិត​​កម្ម​ ន​​​ិង​​​​​​ការ​​​ចែក​​​ចាយ​​​ឱសថ​​​​ទូទៅ​របស់​​​ប្រទេស​​​ឥណ្ឌា តាមរយៈ​​​កិច​​​្ច​​​ព្រម​​​ព្រៀង​​​ពាណិជ្ជកម្ម​​​សេរី​​​របស់​​​ខ្លួន ដែល​​​កំពុង​​​ធ្វើ​​​ការ​​​ចរចា​​​នៅ​​​ឡើយ​​​នោះ។ បដា​មួយ​​​​សរសេរ​ថា “ សហភាព​​​អឺរ៉ុប​​​​​​ឈប់​​​ប្រើ​​​កិច​​​្ច​​​ព្រម​​​ព្រៀង​​​ពាណិជ្ជកម្មសេរី​​​ដើម្បី​បំផ្លាញ​រដ្ឋាភិបា​​​ល​​​ ឥណ្ឌា” ។ បដា​មួយ​​​ទៀត​​​សរសេរ​ថា “ សហភាព​​​អឺរ៉ុប ត្រូវ​​​គិត​​​ពី​​​ប្រជា​​​ពលរដ្ឋ ​ជាង​ផល​​​ប្រយោជន៍​របស់​ខ្លួន​”។ នៅ​​​ក្នុង​​​ញតិ​​​្តមួួយ​​​​​របស់ក្រុម​​​អ្នក​​​តវ៉ា ​​​ដែល​បាន​​​​​​ប្រគល់​​​ជូ​ន​​​លោក​ ដានីញែល ​ហ្គុង​ហ្សា​លេ ឡឺវ៉ាសស័រ (Daniel Gonzales-Levassor)​អនុព័ន្ធ​​​​គណៈ​​​ប្រតិភូ​​​សហភាព​​​អឺរ៉ុប ទទួល​​​បន្ទុកកំណែ ទម្រង់​​​ដី​​​ធ្លី ការ​​​អភិវឌ្ឍផ្នែក​​​ឯកជន​និង​ពាណិជ្ជ​កម្ម ក្រុម​​​អ្នក​​​តវ៉ា បាន​​​លើក​​​ឡើង​​​ថា “ ជីវិត ​​​របស់​​​យើង​​​មិន​​​មែន​​​សម្រាប់លក់ដូរ​​​នោះ​​​ទេ! សុខភាព​​​មិន​​​មែន​​​ជា​​​ទំនិញ​​​នោះ​​​ទេ !” ។ ការពិភាក្សា​ដេញ​ដោលថា ​តើ​​ប្រទេស​​​ឥណ្ឌា គួរ​​​តែ​​​គោរពប័ណ្ណ​​​​ប៉ាតង់​​​​​​ឱសថអាមេរិក និង​​​សហភាព​​​អឺរ៉ុប​​ឬយ៉ាង​ណា​​​នោះ​គឺ​​​មាន​​​ភាព​​​ក្ដៅ​​​គគុក។ការ​​រីក​ចម្រើន​ច្រើន​​​​ក្នុង​​​ការ​​​ព្យាបាល​​​ជំងឺ ​​​ផ្សេងៗ​​​ដូច​​​ជា​​​ ជំងឺអេដស៍​​​ជាដើម​​​នៅ​​​ក្នុង​​​បណ្ដា​​​ប្រទេស​​​កំពុង​​​អភិវឌ្ឍន៍ រួម​ទាំង​​​​ប្រទេស​​​កម្ពុជា​​​ តាមរយៈ​​​ផលិត​​​កម្ម​ឱសថ​ថោកៗ​​​រហូត​ដល់​​​​​​​ឱសថ​​​​ថ្លៃៗ​មាន​​ស្លាក​​​យីហោ​ត្រឹម​ត្រូវ​។​ប៉ុន្តែ ក្រុម​​​ហ៊ុនឱសថ​​​​​​ធំ​​​ៗនៅ​​​បស្ចិម​​​ប្រទេស​​​និយាយ​​​ថា ឱ​​​សថ​​​មាន​​​តម្លៃ​​​ខ្ពស់ គឺជា​​​ការ​​​ចាំបាច់ ដើម្បី​​​ធ្វើការ​​​ស្រាវ​ជ្រាវ និង​​​​​​ផលិត​​ ឱសថ​​​ថ្មី ​​​ថែម​​​ទៀត ។ អង្គការ​​​សិទិ្ធ​​​មនុស្ស និង​​​អ្នក​​​​តស៊ូ​មតិ​ផ្នែក​សុខាភិបាល​​នៅ​ទូ​ទាំង​ពិភព​លោក​បាន​​​សម្ដែង​​​​ការ​​​ព្រួយ​​​បារម្ភ​​​ថា កិច្ច​​​ព្រម​​​ព្រៀង​​​ពាណិជ្ជកម្ម​​​សេរី​​​នាពេល​​​ខាងមុខ​​រវាង​​​សហ​ភាព​​​អឺរ៉ុបនិងប្រទេស​​​ឥណ្ឌា អាច​​​​​ដាក់​ឲ្យ​​ក្រុម​ហ៊ុន​ផលិត​ឱសថ​ឥណ្ឌា​ប្រើ​ច្បាប់​​​​ប៉ាតង់​​​របស់​​​បស្ចិម​​​ប្រទេស​​​​​ដោយ​​​បង្ខំ​​​ឲ្យ​​​ប្រទេស​​​កំពុង​​​អភិវឌ្ឍន៍​នេះ​​​​ចំណាយ​​​​​ប្រាក់​​​ច្រើន​​​​សម្រាប់​​​ឱសថ​​​​សំខាន់ៗ។ ក្នុង​​​ការ​​​ឆ្លើយ​​​តប​​​ចំពោះ​​​ញត្តិ​​​នេះ ​លោក ​ហ្សង់ ហ្វ្រងស័រ កូតាំង (Jean Francois Cautain) ឯកអគ្គរដ្ឋទូត​​​​​​សហភាព​​​​អឺរ៉ុប ប្រចាំ​​​ប្រទេស​​​កម្ពុជា បាន​​​​មាន​​​ប្រសាស​​​ន៍​​​ថា “ សហភាព​​​អឺរ៉ុប បានសន្យា​​​ផ្ដល់​​​ឱសថ​សំខាន់ៗ​ ដែល​មាន​តម្លៃ​សម​រម្យ​ ជា​​​ពិសេស​​​សម្រាប់​​​បណ្ដា​​​ប្រទេស​​​​​​​​​​អភិវឌ្ឍន៍​​​​តិច​តួច​​​​លើ​​​ពិភព​​​លោក​​​”។ លោក  ហ្សង់ ហ្វ្រងស័រ កូតាំង បាន​​​មាន​​​ប្រសាស​​​ន៍​​​បន្ថែមថា “ ការ​​​ព្រួយ​​​បារម្ភ​​​អំពី​​​ការ​​​ទទួល​​​បាន​​​ឱសថ​​​សម្រាប់​​​ប្រជា​​​ពលរដ្ឋ​​​នៅ​​​ក្នុង​​​ប្រទេស​​​ក្រីក្រ​​​នៅ​​​លើ​​​ពិភព​​លោកមិន​ត្រឹម​ត្រូវ​ទេ បើគិត​ពី​​​​​​​​ភាព​​​ជាក់​ស្ដែង​​​នៃការ​​​​ចរចា​​​ជាមួយ​​​នឹងប្រទេស​​​ឥណ្ឌា​​​៕ ប្រែសម្រួលដោយ ស៊ុំ សុខភុំ

តុលាការ​ផ្ដន្ទាទោស​ស្ត្រី​ជន​ជាតិ​ថៃម្នាក់​ឲ្យជាប់​ពន្ធ​នាគារ​៣០​ឆ្នាំ​ ពី​បទ​រត់​ពន្ធ​គ្រឿង​ញៀន​កូកាអីុន

កាល​ពី​ម្សិល​មិញ សាលា​ដំបូង​រាជ​ធានី​ភ្នំ​ពេញ​បាន​កាត់​ទោស​ស្ត្រីជន​ជាតិ​ថៃ ម្នាក់​វ័យ​២៦​ឆ្នាំ ឲ្យ​ជាប់​ពន្ធ​នាគារ​៣០​ឆ្នាំពី​បទ​រត់​ពន្ធ​គ្រឿង​ញៀនកូកាអីុន​ពី​អាមេរិក​​ខាង​ត្បូង​ចូល​មក​ប្រទេស​កម្ពុជា កាល​ពី​ឆ្នាំ​មុន។ ស្ត្រីដែល​មា​ន​ឈ្មោះ​ថា រ៉ុតសីុឌី រុងទី​វ៉ា (Rodsidy Rungtiwa) ខាង​លើ​នេះ​ត្រូវ​បាន​ចាប់​ខ្លួន​កាលពី​ខែ​សីហា​ នៅ​អាកាស​យានដ្ឋាន​អន្តរ​ជាតិ​ភ្នំ​ពេញ បន្ទាប់​ពី​នគរ​បាល​ប្រ​ឆាំង​ការ​ជួញ​ដូរ​គ្រឿង​ញៀន​នៃ​ក្រសួង​មហា​ផ្ទៃ​​បាន​ឆែក​ឃើញ​ថ្នាំញៀន​កូកាអីុននៅ​ក្នុង​វ៉ាលិស​ចាក់​សោ​របស់​នាង។ លោក​ សិុន វិសាល ចៅ​ក្រម​សាលា​ដំបូង​រាជធានីភ្នំពេញ​ បាន​​​ប្រាប់​សាលា​​ដំបូង​កាល​ពី​ម្សិល​មិញ​ថា “ ស្ត្រី​ឈ្មោះ រុងទីវ៉ា ត្រូវ​បាន​ផ្តន្ទា​ទោស​ឲ្យ​ជាប់​ពន្ធ​នាគារ​៣០​ឆ្នាំ និង​បង្គាប់ឲ្យ​បង់​ប្រាក់​ជូន​តុលាការ​ចំនួន​៩០​លាន​រៀល ”។ ស្ត្រី​ រ៉ុតសីុឌី រុងទី​វ៉ា  បាន​សារភាព​ថា ​នាង​បាន​ធ្វើ​ដំណើរ​ពី​ប្រទេស​ថៃ ទៅ​ប្រទេស​ប្រេស៊ីល ដើម្បី​ទទួល​យក​កាបូប​មួយ​ពី​បុរស​ជន​ជាតិ​អាហ្វ្រិក​ម្នាក់ ដែល​បាន​ចំណាយ​ប្រាក់​ទិញ​សំបុត្រ​យន្ត​ហោះ​ឲ្យ​នាង​ និង​បាន​​សន្យា​ផ្តល់​ប្រាក់​ឲ្យ​នាង​ចំនួន​៣.០០០​ដុល្លារ ប្រសិន​បើ​នាង​យក​ថ្នាំ​ញៀន​ទាំង​នោះ​ប្រគល់ឲ្យ​ទៅ​បណ្តាញ​ម្នាក់​នៅ​ក្នុង​ក្រុង​បាង​កក ប្រទេស​ថៃ​។ អំឡុង​សវ​នាការជំនុំ​ជម្រះ​ទោស​របស់​នាង​​កាល​ពី​ខែ​មុន នាង​បាន​សារភាព​ប្រាប់​តុលាការ​ថា នាង​បានយក​កាបូប​នោះ​​ឡើង​ជិះ​លើ​ជើងហោះ​ហើរ​មួយ​ពី​​ប្រេស៊ីលដែល​​បាន​ចុះ​ចត​នៅ​ក្នុង​ប្រទេស​អេស្ប៉ាញ និង​ប្រទេស​សិង្ហ​បុរី មុន​ពេល​បន្ត​ដំណើរមក​រាជ​ធានី​ភ្នំ​ពេញ​។ ទោះ​ជា​យ៉ាង​ណា រុងទីវ៉ា បដិសេធ​ថា ​នាងមិន​បាន​ដឹង​ថា នាង​រត់​ពន្ធ​គ្រឿង​ញៀន​ទេ ដោយ​អះអាង​ថា សោ​នៅ​លើ​វ៉ាលិស​នោះ​មាន​ន័យ​ថា នាង​មិនអាច​បើក​មើល​ថា​មាន​អ្វីនៅ​​ខាង​ក្នុង​បាន​ឡើយ៕ ប្រែ​សម្រួល​ដោយ​ តែម សុខុម​​​​

ខ្មាន់កាំភ្លើង​បាញ់សម្លាប់​ស្រ្តី​ម្នាក់​ និង​ទារក​អាយុ​១១ខែ​ម្នាក់​

ស្ត្រី​អាយុ​៣០ឆ្នាំ​ម្នាក់​ និង​ក្មួយប្រុស​របស់​ខ្លួន​​អាយុ​១១ខែ​​ ត្រូវខ្មាន់​កាំភ្លើង​បាញ់​សម្លាប់​​នៅមុខផ្ទះរបស់​ពួកគេ​ក្នុង​ខណ្ឌ​ពោធិ៍សែន​ជ័យ​ក្នុងរាជធានី​ភ្នំពេញ ​កាលពីល្ងាច​ថ្ងៃច័ន្ទ​ ដោយ​ខ្មាន់​កាំភ្លើងរូបនោះ បានបាញ់​ស្រ្តីជន​រង​គ្រោះ​ចំនួន​១៤គ្រាប់ ​រួច​រត់ឆ្លង​ថ្នល់​ទៅបាញ់​ទារក​ត្រូវចំក្បាល​មួយគ្រាប់ទៀត​។ លោក អេង​ សោភា នាយ​ការិយាល័យ​នគរបាល​ព្រហ្មទណ្ឌកម្រិត​ធ្ងន់់​រាជធានី​ភ្នំពេញបានមាន ប្រសាសន៍ថា ការបាញ់​ប្រហារ​នេះ​កើត​ឡើង​ នៅម៉ោង​ប្រហែល​៥និង​៣០នាទី​ល្ងាច​ ដែល​នៅក្នុង​ថ្ងៃនោះ​សន្តិសុខ​យាម​នៅ​​បុរីញូវថោន​ ពោធិចិន​តុង​ ក្នុង​សង្កាត់​ចោម​ចៅ​បាន​​ចេញ​ពីកន្លែង​នោះ។ មុនពេលកើតហេតុ អ្នកស្រី ទិត ធារ៉ា អ្នក​គ្រប់គ្រង​នៅសាខា​ធានាគារ​កាណា​ឌីយ៉ា​ នៅ​​ក្នុង​តំបន់​សេដ្ឋកិច្ច​ពិសេស​ភ្នំពេញ​ កំពុង​តែ​ចាក់សោ​ផ្ទះ​នៅទ្វា​រខាង​មុខ​ ពេលនោះ​មាន​ខ្មាន់​កាំភ្លើង​ម្នាក់​​​មកដល់​រួច​ក៏ដក​កំាភ្លើង​ខ្លី​បាញ់ប្រហារ​តែ​ម្តង។​ អំឡុង​ពេល​បាញ់​ប្រហារ​ អ្នកស្រី​ ទិត​ សុម៉ាឡែន​ អាយុ​៣៥ឆ្នាំ​ អតីត​អ្នក​ចម្រៀង​ភ្លេងការ​ និងជាម្តាយ​របស់​ទារក​ដែលបាន​ស្លាប់នោះ ត្រូវ​ខ្មាន់កាំភ្លើង​បាញ់​ត្រូវ​ចំភ្លៅ​​ម្ខាង​មួយគ្រាប់​ ហើយ​ឥឡូវ​កំពុង​សម្រាក​ព្យាបាល​នៅក្នុង​គ្លីនិកឯកជន។​ លោក...

ប្រទេស​កម្ពុជា និងប្រទេស​ចិន ​បង្កើត​គណៈកម្មាធិការ​ ដើម្បី​​​ជួយ​ពង្រឹង​​​ទំនាក់​ទំនងទ្វេភាគី

សេចក្ដី​​​ប្រកាស​ព័ត៌មាន​រួម​រវាង​សាធារណ​រដ្ឋប្រជាមានិតចិន និង​ព្រះរាជា​ណា​ចក្រ​កម្ពុជា​​​​កាល​ពី​ម្សិល​មិញ​បាន​ឲ្យ​ដឹង​ថា ​​ប្រទេស​កម្ពុជា​ និង​ប្រទេស​ចិន​បាន​ព្រមព្រៀង​​បង្កើត​គណៈ​កម្មាធិការ​អន្តរ​រដ្ឋាភិបាល​ថ្មី​មួយ​​​ ដើម្បីពង្រឹង​កិច្ច​សហប្រតិបត្តិការ​រវាង​ប្រទេស​ទាំង​ពីរ​​ក្នុង​វិស័យ​ការពារ​ជាតិ​ ការ​អនុវត្ត​ច្បាប់​ ការ​អភិវឌ្ឍ​​កសិកម្ម និង​​ការ​​រុក​រក​រ៉ែ។ កិច្ច​ព្រមព្រៀង​នេះ ត្រូវ​បាន​ប្រកាស​ខណៈ​ពេល​លោក​នាយក​រដ្ឋមន្ត្រី​ ហ៊ុន សែន កំពុង​ចូល​រួម​ក្នុង​កិច្ច​ប្រជុំ​មួយ​ចំនួន​ នៅ​​ទីក្រុង​ប៉េកាំង​ជាមួយ​មេដឹកនាំ​បក្ស​កុម្មុយនីស្ត​ចិន​ ដែល​ទើប​តែងតាំង​ក្នុង​ពេល​ថ្មីៗ​នេះ​ ស្ដី​អំពី​ការ​ធ្វើ​ទស្សនកិច្ច​ជា​ផ្លូវ​ការ​លើក​ដំបូង​ទៅ​កាន់​ប្រទេស​ចិន​ ដោយ​មេដឹក​នាំប្រទេស​មួយ​​ទៀត​​ ចាប់​តាំង​ពី​សមាជ​សភា​ប្រជាជន​ចិន​ដែល​ធ្វើ​ឡើង​ក្នុង​រយៈពេល​១០​ឆ្នាំ​ម្ដង​កាល​ពី​ខែ​មីនា​នោះ​មក​។ សេចក្ដី​​​ប្រកាស​ព័ត៌មាន​រួម​រវាង​ប្រទេស​ទាំង​ពីរ​នេះ​​បាន​លើក​ឡើង​ថា “ ភាគី​ទាំង​ពីរ​បាន​ឯកភាព​បង្កើត​គណៈកម្មាធិ​ការ​សម្រប​សម្រួល​អន្តរ​រដ្ឋាភិបាល​មួយ​រវាង​ប្រទេស​ទាំង​ពីរ​ និង​អនុវត្ត​រួម​គ្នា​នូវ​ផែន​ការ​សកម្ម​ភាព​ស្ដី​ពី​ការ​អនុវត្ត​ភាព​ជា​ដៃ​គូ​យុទ្ធសាស្ត្រ​គ្រប់​ជ្រុង​ជ្រោយ​រវាង​រដ្ឋាភិបាល​នៃ​សាធា​រណ​រដ្ឋ​ប្រជាមានិត​ចិន និង​រាជ​រដ្ឋាភិបាល​កម្ពុជា​”។ សេចក្ដី​​​ប្រកាស​ព័ត៌មាន​រួម​នេះ​ក៏​បាន​លើក​ឡើង​​អំពី​​វិស័យ​​ដែល​រដ្ឋាភិបាល​កម្ពុជា​​ជាប់​​​ឆ្នោត​តាម​បែប​​​លទ្ធិ​ប្រជា​ធិប​តេយ្យ​​​​​េនះ មាន​ផែន​ការ​បង្កើន​នូវ​កិច្ច​សហប្រតិបត្តិ​ការ​​ជា​មួយ​សម្ពន្ធ​មិត្ត​កុម្មុយនីស្ត​របស់​ខ្លួន​​ នៅ​ក្នុង​ប្រទេស​ចិន​។ សេចក្ដី​​​ប្រកាស​ព័ត៌មាន​រួមនេះ បាន​លើក​ឡើង​ថា “ ភាគី​ទាំង​ពីរ​បាន​ឯកភាព​គ្នា​បង្កើន​កិច្ច​សហប្រតិបត្តិការ​រវាង​ក្រសួង​ការ​បរទេស​នៃ​ប្រទេស​ទាំង​ពីរ...​និង​លើក​ស្ទួយ​កិច្ច​សហ​ប្រតិបត្តិការ​ផ្នែក​ការ​ពារ​ជាតិ​ ការ​អនុវត្ត​ច្បាប់និង​សន្តិសុខ​ ក្នុង​គោលបំណង​​ ការ​ពារ​សន្តិសុខ​ជាតិ​ ក្នុង​ប្រទេស​ទាំង​ពីរ ព្រមទាំង​​សន្តិភាព​ ​និង​​​ស្ថិរភាព​​ក្នុង​តំបន់​​​​។ ភាគី​ទាំង​ពីរ​បាន​សំដែង​នូវ​ការ​ពេញ​ចិត្ត​​ចំពោះ​​សមិទ្ធផល​ដែល​​សម្រេច​​បានជា​ច្រើន​​ក្នុង​​កិច្ច​សហ​ប្រតិ​បត្តិ​ការ​​ពាណិជ្ជកម្ម​​ទ្វេ​ភាគី​ និង​​​បាន​ព្រម​ព្រៀង​​... យក​ជា​អាទិភាព​នូវ​កិច្ច​សហ​ប្រតិ​បត្តិការ​​ក្នុង​វិស័យ​​កសិកម្ម​ ហេដ្ឋា​រចនា​សម្ព័ន្ធ​​ដឹក​ជញ្ជូន​ថាមពលទូរគមនា គមន៍​ និង​ការ​ថែរក្សា​​ដែន​​ទឹក​។ល។ ព្រម​ទាំង​បង្កើន​កម្រិតនៃ​កិច្ច​សហ​ប្រតិបត្តិការ​ផ្នែក​​ពាណិជ្ជ​កម្ម​ និង​​​សេដ្ឋកិច្ច​”។ អំឡុង​ទស្សនកិច្ច​របស់​លោក​ ដែល​បាន​ចាប់​ផ្ដើម​​កាល​ពី​ថ្ងៃ​សៅរ៍​ លោក ហ៊ុន សែន បាន​ជួប​​ពិភាក្សា​ការ​ងារ​ជាមួយ​​ប្រធានាធិបតី​នៃ​សាធារណរដ្ឋ​ប្រជា​មានិត​ចិន លោក ស៊ី ជីនភីង លោក​នាយក​រដ្ឋម​​ន្ត្រី​ លី...

ឥ​ណ​ទាន​ឥត​ដំណើរការ​នៅ​​​​ទាប ​ទោះ​បីជា​​​​កម្ចី​កើនឡើង​ក៏​ដោយ​

យោង​តាម​តួលេខ​ចេញ​ពី​ធនាគារ​ជា​តិ​នៃកម្ពុជា បាន​បង្ហាញថា អត្រា​ប្រាក់​កម្ចី​ឥត​ដំណើរការ​នៅក្នុង​ប្រ​ទេស​កម្ពុជា​ ​ស្ថិត​នៅ​កម្រិ​ត​ថេរ​ ​នៅ​ដំណាច់​ខែ​កុម្ភៈ​កន្លង​ទៅ​នេះ​ ​ទោះបីជា​សកម្មភាព​បញ្ចេញ​ប្រា​ក់​កម្ចី​កើន​ឡើង​លឿន ​និងមានការ​ព្រមាន​ពី​អង្គការ​មូល​និធិ​រូបិយ​វត្ថុ​អន្តរ​ជាតិ ​(Inter​n​a​ti​onal​ Mone​tary​ Fund​, IMF​) ថា ​កម្រិត​ប​ញ្ចេញ​ប្រាក​់កម្ចី​នេះ​ អា​ច​នាំ​ឲ្យអតិផរណា​កើនឡើង។​ ​អំឡុង​ពេល​វិស័យ​សំណង់​មាន​សន្ទុះ​កំណើន​ ​ហើយ​គម្រោង​វិនិយោគ​ក្នុង​វិស័​យ​កសិកម្ម​កើន​ឡើង​នោះ​ បរិមាណ​ឥណ​ទា​ន​ដែល​ធនាគារ​នានា​ក្នុង​ប្រទេស​កម្ពុជា​​​បញ្ចេញ​ ​​បាន​កើន​ឡើងដល់​៥,៨៩​ពាន់​លា​ន​ដុល្លារ​ក្នុងឆ្នាំ​២០១២​ ​ឬ​ក៏​កើនឡើង​៣៤,២​ភាគរយ​ បើ​ធៀប​នឹង​អត្រា​កំណើន​កាលពី​ឆ្នាំ​មុន​។ លោកស្រី ​​ងួន​ សុខា​​​​ អគ្គនាយិកា​ធនា​គារ​ជាតិ​នៃ​កម្ពុជា​ ​បាន​មាន​ប្រសាសន៍​ថា គិត​ត្រឹម​​ខែ​កុម្ភៈ​ឆ្នាំ​នេះ ​អត្រា​ប្រាក់​កម្ចីឥ​ត​ដំណើរ​ការ​នៅ​ក្នុងធនាគារ​ទាំង​ឡាយ​ ដែ​កំពុង​តែ​ធ្វើ​សកម​្មភាព​ នៅ​ក្នុង​ប្រទេស​កម្ពុ​ជា​ ​មានតែ​២,៥​ភាគរយ​ប៉ុណ្ណោះ​ បើ​ធៀប​នឹង​អត្រា​២,៥​ភាគរយ​ កាលពី​ខែ​ធ្នូ​ ឆ្នាំ​២០​១២​។ ​លោក​​ស្រី​បាន​មាន​ប្រសាសន៍ថា​"​ប្រសិន​បើ​មិន​មាន​អ្វី​កើត​ឡើង​នៅ​​ក្រៅ​ទេ ដូចជា វិបត្តិ​ជា​ដើម ​នោះ​ខ្ញុំយល់​ថា ​ពួក​គេ  ​នឹងមាន​និ​ន្នា​ការ​កែ​លម្អ​អត្រា​ឥណ​ទាន​ឥត​ដំណើរ​កា​រនេះ​”។​ ​លោក​ ហ្គ្រេន​ ​នុក​ឃី...

មន្ត្រី​​​នគរបាល​​ផ្តល់​​ប្រាក់​សំណង​ដល់​ជន​រង​គ្រោះ​ដោយ​​ការ​បាញ់​

​ដោយ​​មន្រ្តី​នគរបាល​ម្នាក់​​ ដែល​ជាប់​សង្ស័យ​​​ថា​បាន​បាញ់​សម្លាប់​​ស្រ្តី​អាយុ ២៨ ឆ្នាំ​ម្នាក់​យ៉ាង​កៀក​បំផុត​​នៅ​ខេត្ត​ស្វាយ​រៀង​កាល​ពី​សប្ដាហ៍​មុន​នៅ​មិន​ទាន់​ចាប់​ខ្លួន​បាន​នៅ​ឡើយ​​នោះ​ កាលពី​ម្សិល​មិញ​គ្រួសារ​របស់​ជន​រង​គ្រោះ​បាន​និយាយ​ថា មន្ត្រី​នគរ​បាល​​បាន​ទៅ​ជួប​ពួក​គាត់​ ដើម្បី​ចរចា​ផ្ដល់​ប្រាក់​សំណង​ចំនួន​២.៨០០​​​ដុល្លារ​ដើម្បី​​កុំឲ្យ​គ្រួសារ​ជន​រង​គ្រោះ​ប្តឹង​​មន្ត្រី​​នគរបាល​រូប​នេះ​​។ លោក នុច ភក្ត្រា ជា​មន្រ្តី​នគរបាល​ឃុំ​មេស​រថ្ងក​ ក្នុង​ស្រុក​ចន្ទ្រា ​ដែល​តាម​ចោទ​ថា បាន​​​បាញ់​​​​ អ្នក​ស្រី​ រ័ត្ន សាម៉ក់ ​ចំ​​ទ្រូង​​ដោយ​កាំ​ភ្លើង​អាកា-​៤៧​​កាល​ពី​យប់​ថ្ងៃ​ទី​២​ខែ​មេសា​ បន្ទាប់​​ពី​មាន​ជម្លោះ​​រវាង​មនុស្ស​ពីរ​ក្រុម​នៅ​ក្នុង​ពិធី​អាពាហ៍ពិពាហ៍​មួយ​។ បន្ទាប់​ពី​ការ​បាញ់​ប្រហារ​នោះ​ មន្ត្រី​នគរ​បាល​រូប​នេះ​​​បាន​គេច​ខ្លួន​បាត់​​ ទោះ​បី​ជា​មាន​វត្តមាន​មន្ត្រី​​នគរបាល​​ដែល​គេ​មិន​ស្គាល់​ឈ្មោះ​​​ម្នាក់​​​​ទៀត​នៅ​ទី​នោះ​ក៏​ដោយ​។នគរ​បាល​បាន​និយាយ​ កាល​ពី​ម្សិល​មិញ​ថា​ ខ្លួន​មិន​ទាន់​មាន​តម្រុយ​ណាមួយ​អំពី​កន្លែង​លាក់​ខ្លួន​របស់​ជនសង្ស័យ​រូប​នេះ​ទេ​។ អ្នក​ស្រី គឿត សាម៉ន អាយុ​៥០​ឆ្នាំ​ជា​ម្តាយ​ជន​រង​គ្រោះ​​ឈ្មោះ រ័ត្ន សាម៉ក់​ ​និយាយ​ថា​សមាជិក​គ្រួសារ​របស់​លោក ភក្ត្រា​ និង​អធិការ​​នគរបាល​​ស្រុក​ លោក...

និស្សិត​ស្ម័គ្រ​ចិត្តវាស់វែង​ដី​ធ្លី​ឲ្យ​ពាណិជ្ជ​ករ​ស្តុកស្តម្ភ​ ដោយ​មិន គោរពសាលដីកាតុលាការ​កំពូល

ក្នុង​រដ្ឋ​ធានី​វ៉ាស៊ីន​តោន​នៅ​ថ្ងៃ​នេះ អ្នក​ចូល​រួម​​ក្នុង​សន្និសីទ​ប្រ​ចាំ​ឆ្នាំរបស់​ធនា​គារ​ពិភពលោក​ស្តី​ពីបញ្ហាដី​ធ្លី និង​ភាព​ក្រី​ក្រ​នឹង​បាន​ស្តាប់ការ​រៀប​រាប់ដ៏​គួរ​ឲ្យ​ចាប់​អារម្មណ៍​អំពី​គម្រោងប្រកប​ដោយ​មហិច្ឆ​តា​របស់​លោក​នាយក​រដ្ឋ​មន្ត្រី ហ៊ុន សែន ដើម្បី​ផ្តល់​ប័ណ្ណ​កម្ម​សិទ្ធិ​ដី​ធ្លី​​ថ្មី​ជូន​ប្រ​ជា​ពល​រដ្ឋ​កម្ពុជា ជិត​កន្លះ​លាន​នាក់ឲ្យ​ទាន់​ពេល​រៀប​ចំការ​បោះ​ឆ្នោត​ជាតិ​ ដែល​នឹង​ប្រ​ព្រឹត្ត​ទៅ​នា​ខែ​កក្កដា​។ ប៉ុន្តែ​នៅ​ក្នុង​ភូមិ​ដាច់​ស្រយាល​តូច​មួយ​ក្នុង​ខេត្ត​កំពង់​ឆ្នាំង ប្រ​ជា​កសិករ​ក្នុង​មូល​ដ្ឋាន​ស្ថិត​ក្នុង​ចំណោម​សហ​គមន៍​​កាន់​តែ​មាន​​ចំនួន​កើន​ឡើង ដែល​ព្រួយ​បារម្ភ​ថា គម្រោង​នេះ​កំពុង​បោក​ប្រាស​ដណ្តើម​សិទ្ធ​ិទទួល​​បាន​ដី​ធ្លី​របស់​ពួកគេ។ យោងតាម​អ្នក​ភូមិ​ និង​មន្ត្រី​ក្នុង​ស្រុក​រលា​ប្អៀរបាន​ឲ្យ​ដឹង​ថា អ្នកស្ទាប​ស្ទង់​មតិ​ពីរ​ក្រុម​ដាច់ដោយ​ឡែក​ពីគ្នា​​បាន​ទៅដល់​ភូមិ​ក្រាំង​លាវ កាល​ពី​ដើម​ខែ​​នេះ ដើម្បី​វាស់​វែង​ដី​ស្រែ​ទំហំ​៤៥​ហិកតា​ដដែល​នេះ​ ដែល​ប្រ​ជា​ពល​រដ្ឋ​ចំនួន​៧៦​គ្រួសារ​កំពុង​ប្រើ​ប្រាស់​សម្រាប់​បង្ក​បង្កើន​ផល។ ក្រុម​ដំបូង​របស់មន្ត្រី​សុរិយោដី​ខេត្ត​បាន​ទៅ​ដល់​កន្លែ​នោះ​កាល​ពីថ្ងៃ​ទី​២ និង​ថ្ងៃទី​៣​ខែ​មេសា​ ដើម្បី​វាស់​វែង​ដី​ធ្លីជួស​មុខ​ឲ្យ​គ្រួសារ​ ​ទាំង​នោះ។ នៅ​ថ្ងៃ​បន្ទាប់​ មន្ត្រី​សុរិយោ​ដី​មួយក្រុម​ទៀត​បានទៅដល់ទីនោះជា​មួយ​ក្រុម​និស្សិត​ស្ម័គ្រ​ចិត្ត ដែល​ជាអ្នកអនុវត្ត​គម្រោង​ផ្តល់​ប័ណ្ណ​កម្ម​សិទ្ធិ​ដី​ធ្លី​របស់​លោក​នាយក​រដ្ឋ​មន្ត្រី ដើម្បី​វាស់​វែងដី​ធ្លី​ជួស​មុខ​ឲ្យ​លោក មូល អេងលី ​ពាណិជ្ជ​ករ​​​ក្នុង​មូលដ្ឋាន​ម្នាក់​ ដែល​អ្នក​ភូមិចោទ​ប្រ​កាន់​ថា​បាន​ព្យាយាម​លួច​យក​ដី​នោះ។ អ្នក​ភូមិ​និយាយថា ក្រុម​និស្សិត​ស្ម័គ្រ​ចិត្ត​​បាន​វាស់​វែង​ដីឲ្យ​លោក មូល អេងលី ថ្វី​បើ​តុលាការ​កំពូល​​បាន​ចេញ​សាលដីកា​សម្រេច​ប្រ​គល់​ដី​នោះ​ឲ្យទៅ​អ្នក​ភូមិ​កាល​ពី​ខែ​វិច្ឆិ​កា​ឆ្នាំ​២០១០ក៏ដោយ។ អ្នក​ស្រី សោម យ៉ូត តំណាង​ឲ្យប្រ​ជា​ពល​រដ្ឋ​ចំនួន​៧៦​គ្រួសារ​នេះ​ ​និយាយ​ថា កសិករ​​ទាំង​នេះ​ព្រួយ​​បារម្ភខ្លាចក្រុម​និស្សិត​ស្ម័គ្រ​ចិត្ត​ និង​មន្ត្រី​សុរិយោដី​នេះ​កំពុង​​រៀប​ចំ​ផ្តល់​ដី​ធ្លី​ឲ្យ​ទៅ​លោក មូល អេងលី។ អ្នក​ស្រី​​និយាយ​ថា “ វា​គួរ​ឲ្យ​អស់​សំណើច​​ណាស់​ ដែល​ប្រ​ជា​ពល​រដ្ឋ​ក្រីក្រ​ទាំង​នេះ​ សូម្បី​តែ​យើង​ឈ្នះ​ក្តី​ក្តាំ​នៅ​តុលា​ការ​ហើយ នៅ​តែ​ប្រ​ឈម​នឹង​គ្រោះ​ថ្នាក់​ត្រូវ​អ្នក​មាន​ម្នាក់ចាប់​យក​ដី​ធ្លី​របស់​ពួកគាត់ ដោយសារ​គាត់​មាន​ទំនាក់​ទំនង​ជិត​ស្និទ្ធ​ជាមួយនិស្សិត​ស្ម័គ្រចិត្តទាំង​នោះ”។ លោក ឌួង...

សារទូរ​លេខ​​របស់​លោក​ ហិនរី ឃីស្ស៊ីង​ហ្គឺ​ បង្ហាញ​អំពី​សម័យ​កាល​ខ្មៅ​ងងឹត​នៃ​ប្រវត្តិ​សាស្ត្រ​កម្ពុជា

សារទូរលេខ​ការទូត​អាមេរិក​រាប់​សែន​​តាំង​ពី​ទសវត្សរ៍​ឆ្នាំ​១៩៧០ដែល​គេ​ហទំព័រ​ វីគីលីក (Wikileak)​​​ បាន​ផ្សព្វ​ផ្សាយ​ជា​សាធា​រ​ណៈ​កាល​ពី​ម្សិល​មិញ បង្ហាញ​ពី​​ភាព​ខ្មៅ​ងងឹត​​នៅ​​ត្រង់​ចំណុច​​ប្រែប្រួល​​​នៃ​ប្រវត្តិ​សាស្ត្រ​​ទំនើប​របស់​​ខ្មែរ​។​ អង្គការ​ប្រឆាំង​ការ​សម្ងាត់​ពិ​ភព​លោក​​នេះ​បាន​បង្ហោះ​ទិន្នន័យ​មួយ​ដែល​មាន​ទូរ​លេខ​ការទូត​អាមេរិកជាង​១,៧​លានពាក់​​ព័ន្ធ​នឹង​ផល​ប្រយោជន៍​​របស់​អាមេរិក​នៅ​គ្រប់​​កន្លែង​លើ​​ពិភព​លោក​ ចន្លោះ​​ពីឆ្នាំ​១៩៧៣​ ដល់​ឆា្នំ​១៩៧៦​។​ឯក​សារ​ទាំង​នោះ​ត្រូវ​បាន​កត់​ត្រា​កាល​ពី​សម័យ​​លោក ហិនរី ឃីស្ស៊ីង​ហ្គឺ ​(Henry Kissinger) ​​​​កាន់​តំណែង​ជា​​រដ្ឋ​មន្ត្រី​​ការ​ពារ​ប្រទេស​​ ដែល​នៅ​ក្នុង​អំឡុង​ពេល​នោះ​សង្គ្រាម​ស៊ីវិល​នៅ​ក្នុង​ប្រទេសកម្ពុជា​បាន​បញ្ចប់​ ដោយ​កង​កម្លាំង​ខ្មែរ​ក្រហម​បាន​​ចូល​កាន់​កាប់​​ទី​ក្រុង​​ភ្នំពេញ​។ សារ​ទូរលេខ​ដែល​​ត្រូវ​បាន​បញ្ចេញ​ជា​សាធារណៈ​​​​មួយ​រយៈ​មក​ហើយ​ ​ប៉ុន្តែ​ទើប​តែ​ទទួល​បាន​​​​នៅ​​ពេល​នេះក្នុង​ទម្រង់​​​មិន​រៀប​រយ​នោះ បង្ហាញពី​​ការ​ចាប់​អារម្មណ៍​របស់​​ក្រសួង​ការ​បរទេស​​និង​​លោក ហិនរី ឃីស្ស៊ីង​ហ្គឺចំពោះ​ប្រទេស​កម្ពុជា​នា​ពេល​នោះ។​ សារ​ទូរលេខ​​​​ទាំង​នោះ​មាន​តាំង​ពី​ពេល​​បញ្ចប់​យុទ្ធ​នាការ​ទម្លាក់​គ្រាប់​បែក​សម្ងាត់​របស់​អាមេរិក​នៅ​ក្នុង​ប្រទេស​កម្ពុជា​ និង​​បង្ហាញ​ពី​​ លោក លន់​ នល់​ ដែល​បាន​ធ្វើ​រដ្ឋ​ប្រហារ​ទម្លាក់​​សម្ដេចឪ​ នរោត្តម សីហនុ ក្នុង​ឆ្នាំ​១៩៧០ តស៊ូ​គ្រប់​គ្រង​ចលនា​បះបោរ​ដោយ​ហិង្សា​នៅ​​តាម​ជន​បទ​នៃ​ប្រទេស​កម្ពុជា​។​ នៅ​ក្នុងសារ​​ទូរ​លេខ​ចុះ​កាល​បរិច្ឆេទ​ខែ​មីនា ឆ្នាំ​១៩៧៣​ លោក​ឯក​អគ្គរដ្ឋ​ទូត​ អេម៉ូរី ស្វេង (Emory Swank) បាន​ប្រាប់​ទី​ក្រុង​វ៉ាស៊ីន​តោន​​ឲ្យ​ណែ​នាំ​អ្នក​កាសែត​អាមេរិក​​អំពី​សម្ដេច​ឪ​ នរោត្តម​...