រាជរដ្ឋាភិ​បាល​​​កម្ពុជា កំពុង​​​តែខិតខំជំរុញការ​​​ផ្តល់​ដី​សម្ប​ទាន

យោង​តាម​ទិន្ន​ន័យ​ ចេញដោយ​​អង្គ​ការ​សិទ្ធិមនុស្ស​ក្នុង​ស្រុក​មួយ​​បាន​ឲ្យ​ដឹង​​កាល​​ពី​ម្សិលមិញ​​ថា ​រដ្ឋា​ភិបាល​​បាន​​ផ្តល់​ដី​សម្ប​ទាន​​សេដ្ឋ​កិច្ច​​ប្រ​ហែល​៣០០.០០០​ហិកតា​រួច​ទៅ​ហើយ​ រហូត​មក​ទល់​​​នឹង​​ឆ្នាំ​នេះ។ តាមតួ​លេខ​នេះ ​គឺដីសម្បទាន​មាន​ទំហំ​ស្មើ​នឹង​៤០​ភាគ​រយ​នៃ​​ដី​​សម្ប​ទាន​សរុប​ ដែល​​ត្រូវបាន​ផ្តល់​ឲ្យ​​ក្នុងឆ្នាំ២០១១​​ដោយ​​​​បាន​​ធ្វើ​ឲ្យ​មាន​​ការ​​ព្រួយ​បារម្ភ​​ថែម​ទៀត ពី​សំណាក់​​អង្គ​ការ​សិទ្ធិ​​មនុស្ស ចំពោះ​សន្ទុះនៃ​​ការ​ផ្តល់​​ដី​សម្ប​ទាន​ និង​ផល​ប៉ះ​ពាល់​ទៅ​លើ​ប្រ​ជា​ពល​រដ្ឋ​ក្រី​​ក្រ​បំផុតនៅ​ក្នុង​ប្រទេស​កម្ពុជា។​ យោង​តាម​តួ​លេខ​ដែល​​អង្គ​​ការ​អាដហុក​បាន​បញ្ចេញ​​នេះ​​​​ឲ្យ​ដឹង​ថា ​​នា​ពេល​បច្ចុប្បន្ន​នេះ​ ​ដី​ទំហំ​​ជាង​២,៥​លាន​ហិក​តា​​កំពុង​ត្រូវ​បាន​ជួល​​តាមរូបភាពដី​សម្ប​ទាន​សេដ្ឋ​កិច្ច​ ហើយ​បើគិត​មក​​ត្រឹម​ដំណាច់​ឆ្នាំ​២០១១​ ​មានក្រុម​ហ៊ុន​ឯក​ជន​ចំនួន​២២៥​​ទទួល​បាន​ដី​សម្ប​ទាននេះ។ ​​លោក ​ធនសារាយ ​ប្រ​ធាន​អង្គ​ការ​អាដ​ហុក ​បាន​​មាន​ប្រ​សាសន៍​ថា ​គ្រាន់​តែ​កាល​ពី​ឆ្នាំ​មុន​ ដីទំហំ​៧៥១.៨៨២​ហិក​តា​ត្រូវ​បាន​ផ្តល់​ជា​ដី​សម្ប​ទាន​ ដោយ​២​ភាគ​៣​នៃ​ដី​ទាំង​នោះ ​មាន​ទី​តាំង​​​ស្ថិត​នៅ​ក្នុង​តំបន់​ព្រៃការ​ពារ។ ថ្លែង​កាល​ពី​ម្សិល​មិញ នៅ​​ពេល​ចាប់​ផ្តើម​ ​បញ្ចេញ​របាយ​ការណ៍​ប្រចាំ​ឆ្នាំ​របស់​ខ្លួន ស្តី​ពី​សិទ្ធិ​ដី​ធ្លី និង​សិទ្ធិ​លំនៅ​ដ្ឋាន​​ ​លោក ​ធន​សារាយ បាន​លើក​ឡើង​ថា “ ​តួ​លេខ​​នេះ​បង្ហាញ​យ៉ាង​ច្បាស់​ថា ​​​មិន​មាន​ដី​នៅ​សល់​ច្រើន សម្រាប់​ផ្តល់​ជា​​​សម្ប​ទាន​ឲ្យ​ក្រុម​ហ៊ុន​ឯក​ជន​ទៀត​ទេ”។ លោក​បាន​មាន​ប្រ​សាសន៍​ទៀត​ថា ​​តួ​លេខ​​​ពិត​ប្រា​កដ​ទំនង​​ជា​ខ្ពស់​ជាង​នេះ​ទៅ​​ទៀត​ ដោយ​លោក​គូស​បញ្ជាក់​ថា ​របាយ​ការ​ណ៍​នេះ​មិន​​​រាប់​បញ្ចូល​​ដី​សម្ប​ទាន​សម្រាប់​រុករករ៉ែ​ចំនួន​៥៦​កន្លែង​ និង​តំបន់​សេដ្ឋ​កិច្ច​ពិ​សេស​ចំនួន​២២​កន្លែង​ ដែល​ត្រូវ​បាន​ផ្តល់​​ឲ្យ​​កាល​ពី​ឆ្នាំ​មុន​នោះ​​ទេ។ លោក​បាន​មាន​ប្រ​សាសន៍​ថា “ ​យើង​ពិត​ជា​មាន​​ការ​ព្រួយ​បារម្ភ​​​​ណាស់​ថា ​នៅ​​រយ:​ពេល​ពីរ​បី​ឆ្នាំ​​ខាង​មុខ​ទៀត នឹង​លែង​មាន​តំបន់​ដី​ការ​ពារ​ទៀត​ហើយ”។ រ​បាយ​ការណ៍​​​​៣២​ទំព័រ​នេះ ​ឆ្លុះ​បញ្ចាំង​ឲ្យ​ឃើញ​​នូវ​បញ្ហា​ដីធ្លី​នានា​​ ដោយ​រួម​​ទាំ​ង​​ការ​​កើន​ឡើង​​ នៃការ​តវ៉ា​ដោយ​ហិង្សា ​និងផល​ប៉ះ​ពាល់ដោយការ​បណ្តេញ​ចេញ​ ក៏ដូចផល​ប៉ះ​ពាល់​ផ្នែក​ហិ​រញ្ញ​វត្ថុ​​​ទៅ​លើ​គ្រួ​សារ​ ដែល​កំពុង​តែ​មាន​វិវាទ​ដី​ធ្លី​ផងដែរ។ ​របាយ​ការណ៍​នេះ​បញ្ជាក់​ថា ​រហូត​មក​ទល់​នឹង​ដំណាច់​ឆ្នាំ​២០១១​​​ មាន​ប្រជា​ពល​រដ្ឋ​ជាង​២០០.០០០​គ្រួ​សារ​​បាន​រង​ផល​ប៉ះ​ពាល់​ដោយ​សារ​ដី​សម្បទាន​​​សេដ្ឋ​កិច្ច​ ​ដែល​​​នាំ​ឲ្យ​មានផល​ប៉ះ​ពាល់​​យ៉ាង​ធ្ងន់​ធ្ងរ។ លោកធនសារាយ ​បាន​មាន​ប្រ​សាសន៍​ថា “ មាន​​ផល​ប៉ះ​ពាល់​ជា​ច្រើន​​កើត​ចេញ​ពី​ដី​​សម្បទាន​​សេដ្ឋ​កិច្ច​ ហើយ​មាន​តែ​ក្រុម​ហ៊ុន​ធំៗ​ប៉ុណ្ណោះ​ ដែល​ទទួល​បាន​អត្ថ​ប្រយោជន៍”។ លោក​មាន​ប្រ​សាសន៍​ទៀត​ថា ​ការ​សន្យា​​បង្កើត​​ការ​ងារ និង​ការ​អភិ​វឌ្ឍ​​ កម្រ​នឹង​​បាន​ផ្ដល់​ផលប្រយោជន៍ដល់​​ប្រ​ជា​ជន​​​រង​ផល​ប៉ះ​ពាល់ទាំង​នោះ​ណាស់។ ​លោក​បាន​មាន​ប្រ​សាសន៍​ថា “ រដ្ឋា​ភិបាលជឿ​ថា វា​ជា​គោល​នយោ​បាយ​សម្រាប់អភិ​វឌ្ឍ​តាមរយៈការ​​ផ្តល់​​ដី​សម្ប​ទាន​​សេដ្ឋ​កិច្ច​ពី​ព្រោះ​វា​ជួយ​បង្កើត​ការ​ងារ​សម្រាប់​ប្រ​ជា​ពល​រដ្ឋ​​​ក្នុង​មូល​ដ្ឋាន​ ហើយ​បែប​នោះមិន​ប្រាកដថាត្រឹម​ត្រូវទាំអស់នោះទេ​”។ ផ្ទុយ​ទៅ​វិញ ​​អ្នក​ភូមិ​​ដែល​ជា​កសិករ​​រក​បាន​ត្រឹម​តែ​មួយ​​​ចម្អែត​ក្រ​ពះ ​ត្រូវ​បង្ខំ​ចិត្ត​​ស្វែង​​រក​ការ​ងារ​ធ្វើ​នៅ​កន្លែង​ផ្សេង​ នៅ​ពេល​​ ​​​ពួកគាត់​បាត់​បង់​​ដី​ធ្លី​របស់​ខ្លួន។ លោក​​បាន​មាន​ប្រ​សាសន៍​ថា “ ប្រ​ជា​ពល​រដ្ឋ​ជា​ច្រើន​​​ទៅ​​ធ្វើ​ការ​ងារ​​ដោយ​ប្រថុយប្រថាននៅ​ក្នុង​ប្រទេស​ថៃ ​ឬ​ប្រទេស​ម៉ាឡេ​ស៊ីពី​ព្រោះ​​​នៅ​តាម​តំបន់​​ដីសម្ប​ទាន ​​គ្មាន​ការងារ​​សម្រាប់​ឲ្យ​​ពួក​គាត់​ធ្វើ​នោះ​ឡើយ​”។ ខណ:ដែល​បុគ្គល​​​ទទួល​​បាន​​អត្ថ​​ប្រ​យោជ​ន៍​តិច​តួច​នោះ ការផ្តល់ដីសម្ប​ទាន​សេដ្ឋ​កិច្ច​បាន​ក្លាយ​ជា​ប្រាក់​ចំណូល​យ៉ាង​ក្រាស់​ក្រែល​ សម្រាប់​រដ្ឋា​ភិបាល។​យោងតាម​ការ​ប៉ាន់​ប្រ​មាណរបស់​អង្គ​ការ​អាដ​ហុក​បាន​ឲ្យ​ដឹង​ថា ​​ ផ្អែក​លើ​​ថវិ​កា​​ជាតិ​ឆ្នាំ​២០១០​​របស់​រដ្ឋា​ភិបាល​ដែល​ត្រូវ​បាន​ចុះ​ផ្សាយ​ក្នុង​ពេល​ថ្មីៗ​បំផុត​នេះ ​​រដ្ឋា​ភិ​បាល​​អាចរក​ចំណូល​បាន​ប្រ​ហែល​២០​លាន​ដុល្លារ​ពី​សម្ប​ទា​ន​ដី​សេដ្ឋ​កិច្ច៕ ​ប្រែ​សម្រួល​ដោយ តែមសុខុម  

ប្រទេស​​​កម្ពុជា​​​គ្រោង​​​នឹង​​​បញ្ជូន​​​អ្នក​​​សង្កេត​​​ការ​​​ណ៍​​​ឲ្យ​​​ទៅ​​​ចូលរួម​​​ពិនិត្យ​​​ការ​​​បោះឆ្នោត​​​នៅភូមា

លោក​ ខៀវកាញារីទ្ធ​ រដ្ឋមន្ត្រី​ក្រសួងព័ត៌​មាន​ បាន​មាន​ប្រ​សាសន៍ ​កាល​ពី​ម្សិល​មិញ​ថា ​ប្រទេស​កម្ពុជា​បានយល់​ព្រម​បញ្ជូន​អ្នក​សង្កេត​ការណ៍​ តាម​ការ​ស្នើ​សុំពី​សំណាក់​ប្រទេស​​​​ភូមា​ ដើម្បី​ត្រួត​ពិនិត្យ​មើលដំណើរ​​​ការ​បោះ​ឆ្នាត ​ជា​ប្រ​វត្តិ​សាស្រ្ត​ របស់​ភូមា​នៅ​ខែ​មេសា​ខាង​មុខ​នេះ។ លោក​ ខៀវ​ កាញារីទ្ធ​ បានមាន​​​ប្រសា​​​សន៍ ​ប្រាប់ក្រុមអ្នក​យក​ព័ត៌មាន ​បន្ទាប់​ពី​ជំនួប​រវាង​លោក​នាយក​រដ្ឋមន្ត្រី​ ហ៊ុន​ សែននិងលោក​ ថេនសេន ​ប្រធានា​ធិបតីភូមា​ថាលោក​ ថេនសេន ​បាន​សន្យា​ថារដ្ឋាភិបាល​របស់លោកដែល​គាំទ្រដោយយោធានឹងរៀបចំការ​​​បោះ​​​ឆ្នោត​ប្រកប​ដោយ​តម្លាភាព​។ ប្រទេស​ភូមា​បានអញ្ជើញ​ប្រទេស​ជា​​​សមាជិក​​​​អាស៊ាន ​ជិតខាង​របស់ខ្លួន ​និងប្រទេស​​​​ដទៃ​​​ទៀត​ ឲ្យចូលរួម​សង្កេតការណ៍​បោះ​​​ឆ្នោត​​​​របស់ខ្លួន​...

សវនាការ​ពាក់​ព័ន្ធ​នឹង​​ភរិយា​របស់​រដ្ឋមន្ត្រី​ក្រសួង​ឧស្សា​ហកម្ម​ បើក​ដោយ​គ្មាន​ដើម​ចោទ​ចូលរួម

​កា​ល​ពី​ម្សិល​មិញ ​តុលាការ​បាន​​ចាប់​ផ្តើម​បើក​​​​សវនា​កា​រជំនុំជម្រះ​រឿងក្តី​មួយ​ដែល​​អ្នក​​​ភូម​ិ​នៅ​ខេត្ត​កំពង​់ឆ្នាំង​បាន​ប្តឹង​​​ភរិ​យា​​លោក​ ស៊ុយ ​សែម ​រដ្ឋ​មន្ត្រី​ក្រសួង​​​ឧស្សា​​ហកម្ម​​ ​ជ​ុំ​​វិ​ញ​​ជម្លោះ​​ដី​ធ្លី​​មួយ ​ដែ​ល​​បានអូស​បន្លាយ​ពេល​​ជា​​យូរមក​ហើយ​​។ ទោះ​ជា​យ៉ាង​ណា ​​ដើម​​បណ្តឹង​​និង​ប​ុគ្គ​លិ​ក​សិទ្ធិ​មនុស្ស​​ ​ដែ​ល​​​បាន​ចូល​រួម​​​សវនា​កា​រ​នេះ បា​ន​​រិះ​គន់​​​ចំពោះ​ការ​បន្ត​នី​តិ​វ​ិធី​​បើក​សវ​នា​កា​រ​កា​ល​​ព​ី​​ម្សិល​មិញ​នេះ​​ ​បើ​ទោះ​ជា​​​មេធា​​វ​ី​រប​ស់​អ​្ន​ក​ភូមិ​​​មិន​អា​ច​ចូ​ល​​​រួ​ម​ក​៏​ដោ​យ​។ លោកទៀងសុ​ថា ​ចៅ​ក្រ​ម​ជំនុំ​ជម្រះ​​​បា​ន​​បញ្ជាក់ពី​កា​រ​បើកសវនាការនេះ​ ប៉ុន្តែ​លោក​បាន​​បដិ​សេធ​មិន​ធ្វើ​អ​ត្ថា​ធិ​ប្បាយ​​​បន្ថែ​ម​ទៀត​​​ឡើយនៅ​​ពេល​​ត្រូ​វ​បាន​សួ​​រ​​ថា​ហេតុ​អ្វី​​​បាន​ជាតុលាការ​បើក​សវ​នា​​ការ​​នេះ​​​ដោ​យ​គ្មា​ន​ការ​ចូលរួម​ពី​​​ដើ​​មបណ្តឹងឬ​​​​មេ​ធាវ​ី​​របស់​ពួ​ក​គេ​។ ​អ្ន​ក​ស្រី ចាត បា​ត ​អា​យុ​​​៧០ឆ្នាំ​ ​ជា​​​ដើម​បណ្តឹង​បា​ន​មា​ន​ប្រ​សាសន៍ថា “ ខ្ញុំ​មិន​បាន​​​ចូល​​​ក្នុ​ង​​​ប​ន​្ទប់​តុ​លា​ការ​​ទេ ពីព្រោះ​​មេធាវ​ី​​របស់​​​ខ្ញុំ​​មិន​​បាន​មក​ចូល​រួម​​”។ អ្ន​ក​​ស្រី​​​បា​ន​​បន្ថែមថាមេធាវី​​របស់​អ្ន​ក​ស្រី​ ដែ​ល​ផ្តល់​​ឲ្យ​ដោ​យ​​អង្គ​កា​​រ​សិទ្ធិ​មន​ុស្ស​អាដ​​ហ​ុ​កនោះ​ជា​ប​់​រវល់​ចូល​រួ​ម​​​សវ​នា​​​កា​រ​​នៅ​​​ខេត្ត​​ស្ទឹ​ង​​ត្រែ​ង​​ និង​បាន​ដាក​់​​សំ​ណើ​សុ​ំ​ព​ន​្យា​​រ​ពេល​។ អ្ន​ក​ស្រី បាត កំ​ព​ុ​ង​​តែ​ប្តឹង​អ្ន​ក​ស្រី ជា​ ខេងភរិយា​របស់រដ្ឋ​ម​ន្ត្រី​រូបនេះនិ​ង​ក្រុម​ហ៊ុន​​អភិ​វឌ្ឍន៍​ KDC​​ របស់​លោក​ស្រី​ ​ថា​​បា​ន​​ទន្ទ្រាន​យក​​​ដី​ស្រែ​​ចម្ការ​​ទំ​ហំ​០,៣ហិកតា​របស់​អ្ន​ក​ស្រី​​នៅ​ក្នុង​​ស្រុ​ក​ត្រឡា​​ច។ លោកផាត់ពៅ​ស៊ាង ​មេធា​វី​​ប្រចាំ​ក្រុ​ម​​​ហ៊ុន​ KDC បា​ន​​បដិ​សេធ​​មិន​ធ្វើ​​​អត្ថា​​ធិប្បាយ​​​អំ​ព​ី​​រឿង​ក្តី​នេះ​ឡើយ។​ បន្ថែម​ទៅ​នឹង​​​ការផ្តល់​ចម្លើយ​ផ្ទាល់​មាត់​​​ អ្្នក​ភូមិ​ពីរនាក់​​ ដែល​ពា​ក់​​ព័​ន្ធ​ក្នុង​​រឿង​ក​្តី​នេះ​​ត្រូ​​​វ​បា​ន​​​​ចៅ​ក្រម​​ស៊ើប​សួរ​ចោទសួរ​អំពី​​​បណ្តឹង​​រដ្ឋ​​ប្ប​​វេណី​​របស់​ពួកគាត់​។លោក ​រាជ ​សីមា ​បាននិយាយថាបណ​្តឹ​ង​រដ្ឋ​​ប្ប​វេណី​​របស់គាត់​ ​ដែល​ធ្វើ​ឡើ​ង​​កាល​ពី​​​ខែ​កញ្ញា​ឆ្នាំ​២០១១ ​បា​ន​ទា​ម​ទា​រ​យក​​ដី​​០,៧០​​ហិក​តា ​​នៅ​ក្នុង​ភូម​ិ​ឡពាង​នោះ​មក​វិញ​ និងទាមទារ​​សំ​ណ​ង​ជា​ប្រាក​់​​ចំ​ន​ួន​​១០​លានរៀល​ (ប្រហែល​២.៥០០ដុល្លារ)។ ប្រជា​ព​ល​រដ្ឋ​ជា​​ង​​៥០គ្រួ​សារ​​បាន​ជាប​់​ពា​ក​់​ព័ន្ធ​ក្នុង​វិ​វាទមួយ​​ជា​ម​ួ​យ​ក្រុ​ម​ហ៊ុន ​KDC តាំ​ង​ពី​ឆ្នាំ​​២០០៧មក ​​ជុំវិញ​ដី​ជា​ង​​​១៤៥​ហិកតា​​។ ត​ុលា​កា​រ​​បា​ន​​​រារាំង​មិន​ឲ្យ​ធ្វើ​ពាក្យ​បណ្តឹង​ជាក្រុមទេ​​​ ប៉ុន្តែពលរដ្ឋ​ចំនួន​២២​គ្រួសារ​​បា​ន​​ធ្វើ​ពាក្យ​​បណ្តឹង​​​រដ្ឋ​ប្ប​វេណី​​រៀ​ង​ៗ​ខ្លួ​ន​​។ លោកសីមា​ ​​​បា​ន​មា​ន​​ប្រសាសន៍​បន្ទា​ប់​ពី​​សវនា​កា​រ​​ថា “ យើង​​គ្រាន​់​តែ​​ទា​ម​ទារ​​ដី​​​រប​ស់​យើង​​មក​វិញ​​ប៉​ុ​ណ្ណោះ​​។ ​យើង​មិន​ដែ​ល​​លក់​ដី​​​ទេ​ ដូ​ច្នេះ​​ក្រុ​ម​​​ហ៊ុ​ន​ដែ​ល​មា​ន​​លុយនេះ ​គួរ​តែ​ប្រគល់​​​ដី​​មួយ​ដុំ​តូចរបស់​​យើងនោះ​ឲ្យ​មក​យើង​វិញ​​​ដើ​ម្បី​ធ្វើ​​ស្រែ​ចម្ការ​”។ លោក សុ៊ម ​ច័ន្ទគា ​អ្នក​​សម្រប​សម្រួ​ល​​របស់​អង្គកា​រអា​​ដហុក ​​បា​ន​មា​ន​​ប្រ​សាសន៍​ថា វា​មិន​មែន​ជា​​សញ្ញា​​​ល្អ​​ទេ​​ ដែ​លតុ​លា​​ការ​បាន​បើក​​​សវ​នា​កា​រ​​ ដោ​យ​គ្មាន​កា​​រ​ចូ​ល​​រួ​ម​ពី​​ដើម​បណ្តឹងនោះ។...

ធនាគារ​​​ពិភព​​​លោក​​​​​​លើក​​​ឡើងថា ប្រយុទ្ធ​​​នឹង​​​ការកាប់​​​ឈើខុស​​​ច្បាប់​​​ ត្រូវ​​​ចាប់ផ្តើម​​​ពី​​​អ្នក​​​ធំ

ស្រប​​នឹង​ការ​អំពាវនាវជាយូរមកហើយ​​របស់​អង្គការ​អភិរក្ស​​​ ធនាគារ​ពិភពលោក​បាន​លើក​ឡើងក្នុង​របាយកាណ៍​មួយ​​ដែលបាន​ចេញផ្សាយ​ក្នុង​ថ្ងៃ​នេះ​​ថា ​ដើម្បី​បង្ក្រាប​ការ​កាប់​ឈើ​ខុស​ច្បាប់ឲ្យ​មាន​ប្រសិទ្ធភាព ​​​រដ្ឋា​ភិបាលមិន​​ត្រូវចាប់​តែ​​​​ឧ​ក្រិដ្ឋជន​​តូចតាចទេ​​ ហើយ​ត្រូវ​​​​តាម​ដាន​​ប្រាក់​ចំណូល​​​ដែល​បាន​មក​ពី​​ការ​ជួញ​ដូរ​​ឈើ​ខុស​ច្បាប់​នោះ​​​វិញ​ ដើម្បី​ឲ្យ​បាន​ដឹង​​ថាតើ​វា​ធ្លាក់​ទៅ​លើ​ដៃ​​អ្នកណា​។ ប្រាក់ចំណូល​​ដែល​បាន​មក​ពី​​ការ​ជួញ​ដូរ​ឈើ​ខុស​ច្បាប់ទូទាំង​ពិភពលោក​​​​​​​មាន​ចំនួន​​​រហូត​ដល់ទៅ​១៥​​ពាន់លាន​ដុល្លារ​ក្នុង​មួយ​​​ឆ្នាំ​ នេះ​បើ​យោង​តាម​របាយការណ៍របស់​ធនាគារ​​​ពិភពលោក​ ដែល​​លើក​​​​ឧទាហរណ៍​​ជ​​ាក់ស្តែង​នៅក្នុង​​ប្រទេស​កម្ពុជា​និងប្រទេស​​​​មួយ​ចំនួន​​ទៀត។​ របាយការណ៍​នេះ​មាន​ខ្លឹមសារ​​ថា“មន្ត្រី​អនុវត្ត​​ច្បាប់​មិនត្រូវ​ចាប់តែ​​​ឧក្រិដ្ឋ​ជន​​តូចតាច​ទេ​ ហើយ​​ត្រូវ​តែ​សើុបឲ្យ​បាន​ច្បាស់​ថា​តើ​ប្រាក់​ចំណូល​ដែលបាន​មក​ពី​ការ​កាប់​ឈើ​ខុស​ច្បាប់​ទាំង​អស់​នោះ​ធ្លាក់ទៅ​ក្នុង​ដៃ​អ្នក​​​ណា​។​ តាម​រយៈ​ការ​តាម​ដាន​ចរន្ដ​លុយ​និង​ការ​ប្រើ​វិធីសាស្ត្រ​​​ដែល​​គេបាន​រកឃើញ​​​នៅ​ក្នុង​ប្រ​ទេស​ជាង​១៧០​ដើម្បី​តាម​ដាន​លុយ​កខ្វក់ ​មន្ត្រី​អនុវត្ត​ច្បាប់​​​​អាច​តាម​ដាន​អង្គការ​​​​​ឧ​ក្រិដ្ឋ​កម្ម​​ដែលជាប់​​ពាក់​ព័ន្ធ​នៅ​ក្នុង​ការ​កាប់​ឈើខុសច្បាប់​​ទ្រង់​ទ្រាយ​ធំ​ ហើយ​រឹប​អូស​ប្រាក់​ចំណូល​​ខុស​ច្បាប់ទាំងអស់​បាន​​។ ​លោក ​Jean Pesme ប្រធាន​ក្រុមការងារ​ដើម្បី​​សុចរិតភាព​ក្នុង​​ទីផ្សារ​ហិរញ្ញវត្ថុ​របស់​ធនាគារ​ពិភពលោក​​បាន​លើក​ឡើង​ក្នុង​របាយការណ៍​នេះ​ថា​ “ ​យើង​ចាំបាច់​ត្រូវ​​​​​បង្ក្រាបក្រិដ្ឋ​​​កម្ម​កាប់ឈើ​​​​ខុសច្បាប់​ដែល​មាន​ការ​ចាត់តាំង​​ឲ្យ​ដូចជា​ពេល​​​ដែល​យើង​បង្ក្រាប​ក្រុម​​​ជួញដូរ​​គ្រឿង​ញៀនឬ​ឧក្រិដ្ឋជន​ដែល​រកចំណូល​បាន​ដោយ​ខុសច្បាប់​​ដូច្នោះ​ដែរ”។ ក្នុង​ចំ​ណោម​អនុសាសន៍​សំ​ខាន់​ៗ​របស់​ខ្លួន​​ ធនាគារ​ពិភពលោក​​បាន​ស្នើ​​ឲ្យ​មានការ​ប្រើ​​​យុទ្ធសាស្ត្រ​​រួមគ្នា​តែមួយ​​ដើម្បី​​​បង្ក្រាប​​​អំពើ​ពុក​រលួយ​កម្រិត​ខ្ពស់ ​ឲ្យ​មាន​​កិច្ច​​សហ​​​ប្រត្តិ​បត្តិ​ការ​ប្រ​សើរជាងមុន​ក្នុង​ចំណោម​ស្ថាប័នពាក់ព័ន្ធ​របស់​រដ្ឋាភិបាល​​ និងឲ្យ​មាន​​​ការ​ប្រើ​​ច្បាប់​​ស្តីពី​ការ​លាង​លុយកខ្វក់​ឲ្យ​បាន​ច្រើន​ជាងមុន​​។ ​ក្រុម​អាជ្ញាធរតែង​​​​រឹបអូស​បាន​​​ឈើ​ខុស​ច្បាប់ទ្រង់ទ្រាយ​​ធំ ​​ប៉ុន្តែ​កម្រ​មាន​ការ​ចាប់ខ្លួន​​ណាស់​​ ដោយ​​ច្រើន​​តែ​អះ​អាង​ថារក​អ្នក​កាប់​ឈើ​មិន​​ឃើញ​ ឬ​​​ថា​ពួកគេ​បាន​រត់​គេច​ខ្លួន​បាត់អស់​។អង្គការ​​អភិរក្សនានា​បាន​​​​ត្អូញ​ត្អែរ​​ថាបើទោះជា​មាន​​​​ការ​ចាប់​ខ្លួន​បាន​ អ្នក​ដែល​ត្រូវ​ចាប់​បាន​ទាំង​នោះ​គឺ​គ្រាន់​តែ​ជា​ ​​​អ្នក​កាប់​ឈើ​​តូចតាចឬ​អ្នក​បើកបរ​​ប៉ុណ្ណោះ​...

គម្រោង​ស្ដារ​​ផ្លូវ​រថភ្លើង​នៅ​ក្នុង​ប្រទេស​កម្ពុជាឡើង​វិញ​​ ​ត្រូវ​ការ​មូលនិធិ​បន្ថែម​ទៀត​

អ្នក​ប្រឹក្សា​យោបល់​ម្នាក់ ប្រចាំ​ក្រសួង​សាធារណការ​ និងដឹក​ជញ្ជូន បាន​លើកឡើងកាលពី​ម្សិល​មិញ​ថា ការ​ស្ដារ​ឡើង​វិញ​នូវ​បណ្ដាញ​ផ្លូវ​ដែ​ក​ ដែល​ទ្រុឌ​ទ្រោម​នៅក្នុង​ប្រទេស​កម្ពុជា មាន​រយៈ​ពេល​ជិត​ប្រាំមួយ​ខែ​ ហួស​ពី​ការ​​គ្រោង​ទុក​ និង​តម្លៃ​ការ​ងារ​ក្នុងរយៈ​ពេល​ជាង​មួយ​ឆ្នាំ​ ក៏​ដូច្នេះ​ដែរ​ គឺ​គម្រោង​នេះ​អស់ប្រាក់​ហើយ។​ លោកប៉ូលផៅវើ (Paul Power) អ្នក​ប្រឹក្សាយោបល់គម្រោង​ផ្លូវ​ដែក​ ​​របស់ក្រសួងនេះបាន​មាន​ប្រសាសន៍ កាលពី​ម្សិលមិញ​ថាគម្រោងស្ដារផ្លូវ​ដែក​ ដែល​មាន​ចម្ងាយ​៦០០​គីឡូម៉ែត្រ ពេល​នេះ​នឹ​ង​ត្រូវ​បញ្ចប់ក្នុង​ខែ​តុលា ឆ្នាំ​២០១២។ លោក​បាន​បន្ថែម​ទៀត​ថា គម្រោងនឹង​ចំណាយ​ទឹក​ប្រាក់​អស់ពី៥០ទៅ​១០០លានដុល្លារ​ ដើម្បី​បញ្ចប់​គម្រោង​នេះ​ គឺលើស​ពីចំនួនទឹក​ប្រាក់​១៤០លាន​ដុល្លារ​ ដែល​បានដាក់​បញ្ចូល​ក្នុង​គម្រោង​នេះ​ ដោយ​ធនាគារ​អភិវឌ្ឍន៍​អាស៊ី(ADB)​និង​ទី​ភ្នាក់​ងារ​សម្រាប់​ការ​អភិវឌ្ឍន៍អន្ដរជាតិ​អូស្ត្រាលី។ លោកបាន​មាន​ប្រសាសន៍ថា “ យើង​កំពុង​តែ​សហការ​គ្នា​ ដើម្បីឲ្យដឹង​ថាតើ​វា​នឹង​ត្រូវចំណាយ​ប៉ុន្មានទៀត​ ហើយទឹក​ប្រាក់​នេះគួរបា​ន​មក​ពីណា”។ លោក​បាន​បន្ថែម​ថា រដ្ឋាភិបាល​ និង​អ្នក​គាំ​ទ្រ​គម្រោង​នេះ​បាន​បា៉ន់​ប្រមាណ​ខុស​អំពី​ចំនួនទឹក​ប្រាក់ត្រូវចំណាយលើកំណាត់​ផ្លូវ​ដែក​ដំបូង​ ដែល​ត្រូវ​ស្ដារ​ឡើង​វិញនោះ​ ។ លោកបាន​មាន​ប្រសាសន៍ថា “ ​នៅ​ពេល​យើង​ចុះ​ទៅ​សិក្សា​ផ្លូវ​ដែក​ ហើយ​ពិនិត្យ​មើលថាផ្លូវ​ដែក​នេះ​ ជា​រឿយៗបែក​បាក់​ជា​កំណាត់​ៗ​ ដូច្នេះ​គេ​មិន​ទាន់ដឹង​ថា ត្រូវ​ការ​អ្វីនោះ​ទេ រហូត​ដល់​យើង​ពិនិត្យ​មើល។នោះ​ គឺ​ជាហេតុឲ្យមានការ​​ចំណាយ​កើន​កាន់​តែ​ច្រើនឡើង​”។ លោក​ ផោវើ ក៏បាន​មាន​ប្រសាសន៍ផង​ដែរ​ថាក្រុម​ហ៊ុន​ថល់ហូលឌីង (Toll Holdings) ដែល​ទទួលបានសិទ្ធិ​សម្បទាន​រយៈ​ពេល​៣០​ឆ្នាំ​ ក្នុង​ប្រតិបត្តិ​ការ​បណ្ដាញ​ផ្លូវ​ដែក​ជា​មួយ​នឹង​ក្រុមហ៊ុន​ រ៉ូ​យ៉ាល់​គ្រុប​កម្ពុជា​ បាន​ជូន​ដំណឹង​ដល់ក្រសួង​សេដ្ឋកិច្ច​ និងហិរញ្ញវត្ថុតាម​រយៈ​លិខិត​មួយច​្បាប់​កាលពី​ថ្ងៃ​សុក្រ​ថាខ្លួន​នឹងបញ្ឈប់​ប្រតិបត្តិ​ការ​ទាំង​អស់ ​នៅ​ចុង​ខែ​នេះ​ហើយ។ លោក​ ផៅវើ បាន​មានប្រសាសន៍ថា នៅ​ក្នុង​លិខិត​នេះ​ក្រុមហ៊ុន ​ថល់ ហូលឌីង បានលើក​​ឡើង​​ថា ខ្លួន​នឹង​បញ្ឈប់​ប្រតិបត្តិ​ការ​ជា​បណ្ដោះ​អាសន្ន​ ចាប់​ពី​ថ្ងៃ​ទី​៣១​ ខែ​មីនារហូត​ដល់​ខែ​មករា ឆ្នាំ២០១៣ ហើយ​នឹង​ផ្អាកបុគ្គលិក​ចំនួន​ពាក់​កណ្ដាល​ក្នុងចំណោម​បុគ្គលិក​១២០​នាក់របស់​ខ្លួន​។ ក្រម​ហ៊ុន ថល់ ហូលឌីង បាន​ផ្ដល់​សិទ្ធិ​ដល់ក្រុមហ៊ុន​ TSO របស់​បារាំង​ឲ្យ​អនុវត្ត​ការងារ​ស្ថាបនា​ផ្លូវ​ដែក​បន្តទៀត​។ លោក​ ទូច ចាន់​កុសល រដ្ឋលេខា​ធិការ​ក្រសួង​សាធារណការ​ និង​ដឹក​ជញ្ជូន​បាន​អះអាងចំពោះ​លិខិត​នេះ និង​បាន​មាន​ប្រសាសន៍​ថា ការងារ​អនុវត្តគម្រោង​នេះ​នឹង​បញ្ឈប់​នៅ​ចុង​ខែ​នេះ​ ប៉ុន្ដែ​លោក​បាន​បដិសេធ​មិន​ធ្វើ​អត្ថាធិប្បាយ​បន្ថែម​ទៀត​ឡើយ​។គេនៅ​មិន​ទាន់​ច្បាស់​ថា ហេតុ​អ្វី​ក្រុម​ហ៊ុនថល់ហូលឌីងសម្រេច​ផ្អាកប្រតិបត្តិ​ការ​របស់​ខ្លួន​នោះ​ ហើយ​លោក ដេវីត ឃើ (David  Kerr)អគ្គនាយក​ក្រុម​ហ៊ុន​ ថល់ រ៉ូយ៉ាល់ អយស្ម​័យ​យាន (Toll Royal Railways) បាន​បដិសេធ​មិន​ធ្វើ​អត្ថា​​ធិប្បាយទេកាលពី​ម្សិល​មិញ​នេះ។ យោង​តាម​លោក​ ផៅវើ បាន​ឲ្យដឹង​ថាទោះ​ជាយ៉ាង​ណា​ អ្វី​ដែល​គេ​ដឹង​គឺ​ថាក្រុមហ៊ុន​ TSO ដែល​ជា​ក្រុម​ហ៊ុន​ស្ថាបនា​ផ្លូវ​ដែក​មិន​បាន​បំពេញតាម​​​កាល​កំណត់​ពីរលើក​ហើយក្នុង​ការ​បញ្ចប់​គម្រោង​ផ្លូ​វ​ដែក​ចម្ងាយ​២៦៦​គីឡូម៉ែត្រ ពីរាជ​ធានីភ្នំ​ពេញ ទៅកាន់ខេត្ត​ព្រះ​សីហនុ។ បន្ទាប់ពី​ពិធី​បើក​ការដ្ឋាន​បណ្ដាញ​​ផ្លូវ​ដែក​ក្នុង​ឆ្នាំ​២០០៩​មក​ ក្រុមហ៊ុន​នេះ​មុន​ដំបូង​បាន​មានបំណងចង់​បញ្ចប់​ការងារ​ស្ថាបនា​ក្នុង​ខែ​តុលា​ ឆ្នាំ​២០១០​។កាលបរិច្ឆេទ​នោះ​ ត្រូវ​បាន​ពន្យារពេល​រហូត​ដល់​ខែ​ឧសភា ឆ្នាំ​២០១១​ ហើយការអនុវត្តជាក់ស្តែង ក៏បាន​ខកខានដែរ​។ យោង​តាម​របាយការណ៍​ប្រចាំ​ឆ្នាំ​មួយ​ ដែលក្រសួង​សាធារ​ណការ​ចេញផ្សាយកាល​ពី​ថ្ងៃ​ច័ន្ទ​ បាន​ឲ្យដឹង​ថា ការងារ​ស្ថាបនា​ផ្លូវ​ដែក​​ពី​រាជ​ធានី​ភ្នំពេញ​ទៅ​កាន់​ខេត្ត​ព្រះ​សីហនុ​បញ្ចប់បាន​ត្រឹម៥២​ភាគ​រយ​ប៉ុណ្ណោះ​ ខណៈ​ដែល​បណ្ដាញ​ផ្លូវ​ដែក​ចម្ងាយ​៣៨៦​គីឡូម៉ែត្រ​ រវាង​រាជ​ធានី​ភ្នំពេញ​ និង​ក្រុង​ប៉ោយ​ប៉ែត​បញ្ចប់​បាន​ត្រឹមតែ​១៨ភាគ​រយ។ បណ្ដាញ​ផ្លូវ​ដែក​ទី​៣ ដែល​មាន​ចម្ងាយ​៤៨ គីឡូ​ម៉ែត្រ​ រវាង​ក្រុង​ប៉ោយ​ប៉ែត​ និង​ក្រុង​សេរី​សោភ័ណក្នុង​ខេត្ត​បន្ទាយ​មាន​ជ័យ​ បាន​បញ្ចប់​រួចរាល់​ហើយ​។ ADBបាន​ចេញ​សេចក្ដី​ប្រកាស​មួយ ​កាល​ពី​ម្សិល​មិញ​ដោយលើក​ឡើង​ថា  ការផ្អាក​របស់​ក្រុមហ៊ុន​ ថល់ ហូលឌីង និង​ឈាន​ទៅរក​ការ​ពន្យារពេលគម្រោងប​ន្ថែម​ទៀត​។ សេចក្ដី​ប្រកាសនេះលើក​ឡើង​ថា“​ធនា​គារ​អភិវឌ្ឍន៍​អាស៊ីព្រួយ​បារម្ភថាប្រសិន​បើ​រថភ្លើង​ ដែល​ត្រូវ​​ប្រើ​ប្រាស់​ សម្រាប់​ការ​ងារ​គម្រោងស្តារផ្លូវ​ដែក​លែង​មាន​ទៀត​ហើយ​នោះ ការផ្អាក​អាច​នាំមក​នូវ​ការ​ពន្យារពេល​តទៀតដល់​ការ​ស្ថាបនាផ្លូវ​”។ សេចក្ដី​ប្រកាស​នេះ​បន្ថែម​ទៀត​ថា ផ្លូវ​ដែក​នេះ ​បាន​ធ្វើ​ឲ្យមាន​​ការ​ពន្យារពេ​ល ដោយ​សារ​ទឹកជំនន់​បាន​ជន​់លិចយ៉ាងធ្ងន់​ធ្ងរ​កាលពី​ឆ្នាំ​ទៅ​ និង​បញ្ហា​ស្មុគស្មាញ​ទាក់ទង​នឹងការ​រើ​លំនៅ​ដ្ឋាន​របស់​អ្នកភូមិ​។ លោក​ ផោវើ បាន​មាន​ប្រសាសន៍ថាពេល​នេះ​គម្រោង​​មិន​អាច​បញ្ចប់​មុន​ចុង​ឆ្នាំ​២០១៣​ទេ។ លោក លី បូរិន ប្រធាន​នាយក​ដ្ឋាន​ផ្លូវ​ដែក​នៅ​​ក្រសួង​សាធារណការ​ បានមាន​ប្រសា​សន៍ថា ការ​ពន្យារ​ពេល​គម្រោង​នេះ​បាន​នាំ​ឲ្យ​ការ​រំពឹង​ទុក​របស់​ក្រុមហ៊ុន​ ថល់ហូលឌីងក្នុង​ការ​ស្វែង​រក​ប្រាក់​ចំណេញ​ត្រូវ​បាន​កាត់​បន្ថយ​ ហើយវា​អាច​ជា​ហេតុ​ផល​សម្រាប់ពួក​គេ​ក្នុង​ការ​ផ្អាក​គម្រោងនេះ​។ លោក​បានមាន​ប្រសាសន៍ថា “ ក្រុមហ៊ុន​ ថល់ ហូលឌីង ចំណាយ​លុយ​ច្រើន​ណាស់​ ក៏ប៉ុន្ដែ​គេ​ទទួលបាន​ប្រាក់​ចំណេញ​តិច​តួច​បំផុត​ ដូច្នេះខ្ញុំ​គិត​ថា វា​ជា​ហេតុ​ផល​នាំ​ឲ្យ​មានការ​ផ្អាកនេះ​”៕ ប្រែ​សម្រួល​ដោយ ចេវប៊ុននី​​

ធ្វើរោគវិនិច្ឆ័យ​ប្រជាពលរដ្ឋ​ជិត​១០០​នាក់​រកឃើញ​ថា មាន​ឆ្លង​មេរោគ​ថ្មី​កើតពីសត្វមូស

មន្ត្រីក្រសួងសុខាភិបាល​ម្នាក់​បាន​និយាយកាលពីម្សិលមិញថា ការ​ផ្ទុះឡើង​នៃ​វីរុសកើត​ពី​សត្វមូស​ដែល​ជា​ប្រភេទ​វីរុស​​ថ្មី​នៅ​ក្នុង​​ប្រទេស​កម្ពុជា​ដោយ​មាន​រោគ​សញ្ញាស្រដៀង​គ្នា​ទៅនឹង​ជំងឺ​គ្រុន​ឈាម​នោះ​ ត្រូវ​បាន​គេ​រកឃើញ​កើត​មាន​នៅ​ក្នុង​ស្រុកគង​ពិសីខេត្ត​កំពង់​ស្ពឺ។ លោកវេជ្ជបណ្ឌិត​ សុខ ទូច ប្រធាន​នាយក​ដ្ឋាន​គ្រប់​គ្រង​ជំងឺ​ឆ្លង​នៃ​ក្រសួង​សុខា​ភិបាល​បាន​មាន​ប្រសាសន៍ថាប្រជា​ពល​រដ្ឋ​៩៨នាក់​ត្រូវ​បាន​ធ្វើ​រោគ​វិនិច្ឆ័យ​រកឃើញ​មាន​ផ្ទុកវីរុស​ “ស៊ីឃុនគុនយ៉ា”បន្ទាប់​ពី​មាន​ការ​ឈឺ​​​សន្លាក់​ គ្រុនក្តៅ​ និង​ជំងឺអស់​កម្លាំង​នៅ​ក្នុង​ភូមិ​ចំនួន​ប្រាំ​ក្នុង​ឃុំ​ពេជ្រមុនីក្នុងរយៈពេល​បី​សប្តាហ៍កន្លង​មកនេះ។ លោក​បាន​មាន​ប្រសាសន៍ថាស្ត្រីម្នាក់​ដែល​​​មាន​​រោគសញ្ញាស្រដៀង​គ្នា​នេះ​បាន​ស្លាប់​កាល​ពី​ថ្ងៃទី​៧ខែ​មីនាប៉ុន្តែ​មិន​ទំនង​ជា​​ស្លាប់​ដោយសារតែ​​​​​​​​វីរុស ​ស៊ីឃុនគុនយ៉ា​នេះទេ។ លោក​វេជ្ជបណ្ឌិត​ សុខទូច​ បាន​មានប្រសា​​​​សន៍​​​ថាមនុស្សបួន​នាក់​ក្នុង​ចំណោម​មនុស្ស​ប្រាំមួយ​នាក់​ដែល​ត្រូវ​បាន​យក​សំណាក​ឈាម​​​ទៅពិនិត្យ​ ដោយមិន​​រាប់​បញ្ចូលស្ត្រី​ដែល​បាន​ស្លាប់​នេះ ​បាន​រក​ឃើញមាន​ផ្ទុកមេ​រោគនេះប៉ុន្តែ​មិន​មាន​ស្ថានភាពដល់​ស្លាប់​នោះទេ។ លោក​បាន​បន្ថែមថាវីរុសនេះ​កើត​ឡើង​ដំបូង​នៅក្នុង​ប្រទេស​កម្ពុជា​កាលពី​ចុង​ឆ្នាំ​២០១១​​​នៅ​ក្នុង​ខេត្ត​ព្រះវិហារ។ លោកវេជ្ជបណ្ឌិត​ សុខទូចបាន​មាន​​ប្រសាសន៍ថា“បើទោះជា​ជំងឺ​នេះ​ជា​ប្រភេទ​ជំងឺ​ថ្មីនៅ​​ប្រទេស​កម្ពុជា​ក៏ដោយក៏វា​មិន​មែន​ជា​ជំងឺ​ថ្មី​សម្រាប់​ពិភព​លោក​ដែរ​ ហើយ​ការ​ស្លាប​់ដោយ​សារ​ជំងឺ​នេះ​គឺ​កម្រកើត​មាន​​​ណាស់​។ស្ត្រីម្នាក់​ដែល​បាន​ស្លាប់​នោះ​គឺមាន​ជំងឺគ្រុនក្តៅកម្រិត​ខ្ពស់​ ហើយ​រស់​នៅ​ក្នុង​តំបន់​តែមួយ​ដែល​មាន​ការ​​ផ្ទុះ​ឡើងនៃ​វីរុស​​​នេះប៉ុន្តែ​យើង​មិន​ទាន់​​អាច​និយាយ​ថាមូលហេតុ​នៃ​ការ​ស្លាប់​នេះ​គឺដោយ​សារ​វីរុស​​​ ​ នោះ​ទេ”។​ លោក​បាន​មាន​ប្រសា​សន៍​បន្ថែម​ទៀត​​ថា ​មាន​ករណី​ឆ្លងវីរុសនេះ​​ចំនួន​២២.០០០​ករណី​កើតមាននៅ​​ប្រទេសថៃ​ក្នុង​រយៈ​ពេល​​​​​ប្រាំខែ​ដំបូង​នៃ​ឆ្នាំ​២០០៩ប៉ុន្តែ​មិន​បណ្តាល​ឲ្យ​មានមនុស្សស្លាប់​ទេ។ លោក Steven Bjorge ប្រធានក្រុម​ការងារ​​​ទទួល​បន្ទុកផ្នែក​ជំងឺ​គ្រុនចាញ់​និង​ជំងឺ​កើត​ពី​សត្វមូស​នៅ​អង្គការ​សុខភាព​ពិភពលោក​បាន​​​​​​​មាន​ប្រសាសន៍ថាតាម​ធម្មតាវីរុស​ស៊ី​​​ឃុន​​​​គុនយ៉ា​​ ដែល​មិនសូវ​ធ្ងន់ធ្ងរនេះ​មាន​សភាព​​​ប្រែប្រួល​​ក្នុង​ឆ្នាំ​២០០៦នៅ​តាម​ឆ្នេរ​សមុទ្រប្រទេស​ម៉ូសាំប៊ិក​ ដែល​ស្ថានភាព​ប្រែ​​​ប្រួល​​​​នេះ​ បាន​​បង្កឲ្យមាន​មនុស្សស្លាប់។ លោក​បាន​បន្ថែមថាស្ថានភាព​ដែល​បណ្តាល​​​​ឲ្យ​មាន​មនុស្ស​ស្លាប់​ ដោយ​សារ​មិន​​​មាន​ការ​ព្យាបាល​នេះបាន​រីករាល​ដាល​​​មក​ដល់​​ភាគខាង​កើត​តាំងពី​ពេល​នោះមក។ លោក​វេជ្ជបណ្ឌិត​ Bjorge...

រដ្ឋាភិបាលផ្តល់​​​ដីសម្បទាន​​​ទំហំ​​​ ២៣.០០០ហិកតា នៅ​​​ក្នុង​​​ខេត្ត​​​ចំនួនបួន​​​ឲ្យទៅ​​​ក្រុមហ៊ុនឯកជន​​​

យោងតាមអង្គ​ការ​សិទ្ធិ​មនុស្ស​មួយក្រុម​ ដែល​បានលើក​ឡើងថា ខ្លួនបាន​ទទួល​ព័ត៌មានពី​សំណុំ​ឯកសារ​របស់រដ្ឋាភិបាលនោះ​ បាន​​​ឲ្យដឹងថា កាល​ពី​ខែមុន រដ្ឋាភិបាលបានផ្តល់​ដីសម្បទានទំហំសរុប២៣.០០០​ហិកតាទៅឲ្យ​ក្រុមហ៊ុន​ចំនួន៤ សម្រាប់ គម្រោង​កសិ​ឧស្សាហកម្មនិងតំបន់​សេដ្ឋកិច្ច​ពិសេស។ ដីទំហំ៥០០ហិកតា​បន្ថែមទៀត ដែល​ស្ថិតនៅក្នុង​ដែនជម្រកសត្វព្រៃមួយ​កន្លែង​ក៏ត្រូវ​បានប្រគល់​ឲ្យ​ក្រុមហ៊ុន​សម្រាប់​គម្រោង​អេកូទេសចរណ៍ផង​ដែរ។ ការធ្វើសម្បទានទាំងនេះ គឺជា​ផ្នែក​​នៃការ​លក់​ដីនិង​​ព្រៃឈើ​​របស់​ជាតិ​ពី​សំណាក់​​​​រដ្ឋាភិបាល​​​ ដែល​​បានធ្វើឲ្យ​​​ដី​ប្រមាណ​២,១លានហិកតាឥឡូវនេះស្ថិត​​​ក្រោម​​​ការគ្រប់គ្រង​​​របស់ក្រុមហ៊ុន​កសិ​ឧស្សហកម្ម​ជាច្រើន​​​ ហើយក្រុមសកម្មជន​និយាយ​ថា ការផ្តល់ដីសម្បទាននេះធ្វើឲ្យកើតមាន​ជម្លោះដីធ្លី​រាប់រយករណី និង​ធ្វើ​ឲ្យ​មាន​ការកាប់បំផ្លាញ​​​ព្រៃឈើ​កាន់​តែ​ខ្លាំង​ឡើងៗ​។ លោក អូ៊ច ឡេង អ្នក​សម្រប​សម្រួល​គម្រោងកំណែ​ទម្រង់​ដីធ្លី​នៅ​មជ្ឈមណ្ឌលសិទ្ធិមនុស្សកម្ពុជា បានថ្លែងថាអនុក្រឹត្យ​ដែល​​​បាន​ចេញផ្សាយ​ក្នុង​សៀវភៅរាជកិច្ច​​​កាល​​​​ពីសប្តាហ៍មុន​ បាន​បង្ហាញ​ឲ្យឃើញ​ថាក្រុមហ៊ុន ​​​China Freight Costs Cambodia Investment បាន​ទទួល​ដី​សម្បទាន​ទំហំ៦.០០០ហិកតា ក្នុង​​​ស្រុក​​​រវៀង ខេត្តព្រះវិហារសម្រាប់ធ្វើ​​​​ចម្ការ​​​​កៅស៊ូខណៈដែលក្រុមហ៊ុន Imperl Focus Cambodia ទទួលបាន​ដីសម្បទាន​ចម្ការ​កៅស៊ូ​ទំហំ ​៨.០០០ហិកតាក្នុងស្រុកសង្គមថ្មី​។​ លោកអ៊ូចឡេង​ បាន​មានប្រសាសន៍​បន្ត ថា​​ ដីសម្ប​ទាន​ដែលបាន​អនុម័ត​ផ្សេង​ទៀត​រួមទាំង​ដី​សម្បទាន​សម្រាប់ដាំ​អំពៅទំហំ​​​៨.៧២៥ហិកតាដែល​ត្រូវបាន​ផ្តល់ឲ្យ​ក្រុម​​​ហ៊ុនស្ករស Taining Sugar Co. Ltd. ក្នុង​ស្រុក​​​សម្បូរខេត្តក្រចេះ​ និង​ការ​ប្រែ​ក្លាយដីទំហំ៥០០​ហិកតា​នៃដែន​ជម្រក​សត្វព្រៃទំហំ៤៧.០០០ហិកតានៅ​ភ្នំណាំលៀក្នុងខេត្ត​​​មណ្ឌលគីរីឲ្យទៅជាតំបន់អេកូទេសចរណ៍។ លោក​បានលើក​ឡើង​ទៀតថា​ ក្រុមហ៊ុន Attwood Investment Group Co....

សាកសព​ស្ត្រី​ជំនួយការមេ​ផ្ទះម្នាក់​ ត្រូវ​បាន​គេ​បញ្ជូន​ពី​ប្រទេស​មា៉ឡេស៊ីមក​​​កម្ពុជា​​​វិញ

ក្រុមគ្រួសារ​  និងសកម្មជនសិទ្ធិ​មនុស្ស​បាននិយាយកាល​ពីម្សិលមិញ​ថាសាកសពស្រ្តី​​ជំនួយការមេផ្ទះ​មា្នាក់បាន​ស្លាប់​ដោយ​​​សារ​ជំងឺ​ បាន​​កំឡុង​ពេល​បំពេញ​ការងារ​នៅក្នុង​ប្រទេសម៉ាឡេស៊ីត្រូវបាន​គេ​​បញ្ជូន​មកប្រ​​​ទេស​​​កម្ពុជា​វិញ​ បន្ទាប់ពី​សាកសព​របស់​គាត់​ត្រូវបាន​អាជ្ញា​​ធរម៉ាឡេស៊ី​រក្សា​ទុក ​ដើម្បី​ធ្វើ​កោសល្យវិច័យអស់​​​​​​​រយៈ​​​ពេល៥ខែ​មកប៉ុន្តែ​​ពួក​​​គេ​​​នៅ​​​តែ​​​ឆ្ងល់​អំពី​​​​ការអះអាង​របស់​អាជ្ញាធរ​ ថា​ ស្ត្រីនោះ​​​​​​ស្លាប់​​​ដោយ​​​សារ​​​ជំងឺ។​​​​ នាង​ ស៊ុនសុខាអាយុ​២៤​ឆ្នាំបាន​និយាយ​​​ថា​ ម្តាយ​របស់​នាង​ឈ្មោះអូបសុកឃួន​ អាយុ​៤៧ឆ្នាំត្រូវបាន​ក្រុមហ៊ុន​ វីស៊ីមែនផៅវឺ(VC ​​​Manpower)​ ដែល​ជា​ភ្នាក់ងារ​ជ្រើសរើសពលករ​ទៅ​ធ្វើការក្រៅប្រទេសបញ្ជូន​ឲ្យ​ទៅ​ធ្វើការ​នៅ​ប្រទេស​ម៉ាឡេស៊ីកាលពី​ដើម​ខែ​​​តុលា​កន្លងទៅ​នេះក៏ប៉ុន្តែ​នាង​មិនបាន​ទទួល​ដំណឹង​រហូត​ដល់​ក្រុមហ៊ុន​បាន​ផ្តល់​ដំណឹង​ដល់​គ្រួសារ​របស់នាងកាល​ពី​ថ្ងៃទី​៦ខែ​​​វិច្ឆិកា​​​នេះថាម្តាយនាង​បាន​ស្លាប់ហើយ។ នាងសុខា ​បាន​ផ្តល់​បទសម្ភាសន៍​មួយនៅឯ​ព្រលាន​យន្តហេាះ​អន្តរជាតិ​ភ្នំពេញ ​នៅ​​​ពេល​​​​កំពុង​រង់ចាំទទួល​សាកសព​ម្តាយនាង​ថា“កាល​ពី​ពីរថ្ងៃមុនក្រុមហ៊ុន​បាន​ប្រាប់​យើង​ថា​ម្តាយ​របស់​ខ្ញុំ​បានស្លាប់​នៅប្រទេស​ម៉ាឡេសុី​ដោយសារ​ជំងឺក្រពះនិង​រលាក​​​ទងសួត”។ អ្នកស្រីជាមុនីមក​ពីស្រុក​គង​ពិសីខេត្ត​​​កំពង់ស្ពឺដែល​ជាបង​ប្អូនជីដូន​មួយ​របស់​អ្នក​ស្រីអូបសុកឃួនបាន​និយាយថា"យើង​មិន​​​ជឿលើ​ការ​អះ​អាង​របស់​ក្រុមហ៊ុនដែល​ថា​គាត់ស្លាប់​ដោយសារ​ជំងឺនោះទេ។រហូត​មក​ដល់​ពេលនេះ​យើង​ពុំទាន់​ទទួល​ បានសំណង​​​​​​​ណាមួយ​ពី​ក្រុម​ហ៊ុននៅឡើយទេហើយ​យើងនឹង​ដាក់ពាក្យ​ប្តឹង​ក្រុមហ៊ុន​នេះ"។ កាលពី​ខែ​តុលាលោក​នាយមន្ត្រីហ៊ុនសែនបាន​ប្រកាស​ផ្អាក​មិន​ឲ្យ​មានការ​បញ្ជូន​ពលករ​ជំនួយការ​មេ​ផ្ទះ​ទៅ​ប្រទេសម៉ាឡេស៊ី​​​​​​ទៀតទេបន្ទាប់ពី​មាន​របាយការណ៍​​ថាមានការ​រំលេាភ​បំពាន​និង​ការកេងប្រវ័ញ្ច​ យ៉ាងធ្ងន់ធ្ង​រ​​​ពីសំណាក់​ភ្នាក់ងារ​ជ្រើស​រើស​ពលករនិង​​​ម្ចាស់​​​​ផ្ទះនៅប្រទេស​ម៉ាឡេស៊ី។ យោងតាមមន្ត្រីសិទ្ធិ​មនុស្ស​ ​ឲ្យ​ដឹង​ថា ​​​តាំង​ពី​ឆ្នាំ​មុនមាន​ស្ត្រី​ជំនួយការមេផ្ទះ​ប្រាំបួន​នាក់ ​ហើយ​បាន​ស្លាប់តែមន្ត្រី​កម្ពុជានិង​មន្ត្រី​ម៉ាឡេស៊ីបាន​និយាយថាការ​ស្លាប់​ទាំង​អស់​នោះរួម​ទាំង​ការ​ស្លាប់​របស់​អ្នក​ស្រីសុកឃួនគឺ​ស្លាប់​ដោយសារ​ជំងឺ​ និង​ការ​ធ្វើ​អត្តឃាត។ លោកមឿនតុលាប្រ​ធាន​កម្ម​វិធី​ការ​ងារ​ របស់​មជ្ឈ​មណ្ឌល​អប់​រំ​ច្បាប់សម្រាប់​សហ​គមន៍បាន​និយាយថាសាក​សព​របស់​អ្នក​ស្រីសុកឃួនត្រូវ​បាន​គេ​រក្សា​ទុក​អស់រយៈ​ពេល​ប្រាំ​ខែដើម្បី​ឲ្យ​អាជ្ញា​ធរ​​ម៉ាឡេស៊ីធ្វើកោសល្យ​​​​វិច័យ​ពីរ​ដង​ ប៉ុន្តែ​គាត់​នៅ​តែ​សង្ស័យ​អំ​ពី​ការ​សន្និដ្ឋាន​របស់​ពួក​គេ។លោកបន្ថែម​ទៀត​ថា"យើង​នៅ​តែ​មាន​ការ​សង្ស័យ​ចំពោះ​ការ​សន្និដ្ឋាន​នោះ ​មិន​ទំនងទេដែល​ស្ត្រី​ជំនួយការ​​​​មេផ្ទះភាគច្រើន​...

គ.ជ.ប ត្រូវបាន​​​ជម្រុញ​​​ឲ្យ ​ហាម​​​ប្រាម​​​គណបក្ស​នយោបាយពី​​​ការ​​​ប្រើ​​​ប្រាស់​​​ធន​​​ធាន​​​របស់​​​រដ្ឋ

ក្រុម​អង្គការ​​ក្រៅរដ្ឋាភិបាលចំនួន៩បានចេញ​សេចក្តីថ្លែងការណ៍​មួយកាលពី​ចុងសប្តាហ៍មុន ​ជំរុញ​ឲ្យគណៈកម្មាធិការជាតិ​រៀបចំ​ការបោះឆ្នោត​ ហៅកាត់ថាគ.ជ.បពង្រឹង​ច្បាប់ដែល​ហាមឃាត់​គណបក្ស​នយោបាយ​មិន​ឲ្យ​ប្រើប្រាស់​ទ្រព្យ​សម្បត្តិ​រដ្ឋ។ សេចក្តី​ថ្លែងការណ៍​នេះចេញ​បន្ទាប់​ពី​គណៈ​កម្មាធិការ​ ដើម្បីការបោះឆ្នោត​ដោយ​​​សេរីនិងយុត្តិធម៌ចេញរបាយការណ៍​មួយ​​​ចោទថា​ មន្ត្រីរាជការ​ខ្វះ​អព្យាក្រឹតភាព​ខាង​​​នយោបាយហើយថា​ត្រូវ​​មាន​ការ​ពង្រឹង​​​ច្បាប់​ និងធ្វើ​វិសោធនកម្ម​ច្បាប់ដើម្បីរារាំង​ការរំលោភ​បែបនេះ។ លោកយ៉ុងគឹមអេង​ នាយក​ប្រតិបត្តិមជ្ឈមណ្ឌល​ប្រជាពលដ្ឋដើម្បី​​អភិវឌ្ឍន៍​ និង​សន្តិភាពដែល​បានចុះហត្ថលេខា​លើ​​​សេចក្តីថ្លែងការណ៍នោះជាមួយ​អង្គការ​​ក្រៅរដ្ឋា​​​ភិបាល​មួយចំនួន​​ដូចជា​ អង្គការលីកាដូគណៈ​​​កម្មាធិការ​អព្យាក្រឹតនិងមិនលម្អៀងដើម្បី​ការបោះឆ្នោត​ដោយសេរីនិងយុត្តិធម៌​នៅ​​​កម្ពុជាបាន​មាន​ប្រសាសន៍ថា"គ.ជ.បត្រូវតែដាក់ទោស​អ្នកនយោបាយនិងគណបក្ស​ណា​ដែលប្រើប្រាស់​ធនធានរដ្ឋ"។ លោកទេពនីថាអគ្គលេខាធិការ​ គ.ជ.បបាន​មានប្រសាសន៍ថាគណៈ​កម្មាធិការ​របស់​​​លោកកំពុង​ធ្វើការ​យ៉ាង​ត្រឹមត្រូវ​ក្នុងការពង្រឹង​​​​ច្បាប់ពាក់​ព័ន្ធដោយលោកបាន​លើក​យកឧទាហរណ៍​កាល​ពីឆ្នាំ២០០៨ដែល​តាមច្បាប់​នោះខ្លួន​​បានពិន័យទាហាន​កងយោធពលខេមរ​​​​ភូមិន្ទម្នាក់​ បន្ទាប់ពី​គេបានលើក​​​​ស្លាក​​​​​​​សញ្ញារបស់គណបក្ស​ប្រជាជន​​​កម្ពុជា​​​នៅខេត្តកំពត។ លោកបានបន្តថា"គ.ជ.បបានអនុវត្តច្បាប់ហើយ​យើងមានសិទ្ធិ​ពិន័យនិងដាក់ទោស​ពួកគេតែ​ក្នុងអំឡុង​ពេល​ឃោសនា​បោះឆ្នោតនិងពេល​បោះឆ្នោត​ប៉ុណ្ណោះ"។ ទោះជាយ៉ាងណាលោកទេពនីថា​ បាន​​​បន្ថែមថាគ.ជ.បមានអំណាចអនុវត្តច្បាប់តែ​ក្នុង​រយៈពេល​១៥ថ្ងៃ​ប៉ុណ្ណោះ​មុន​​​ការ​​​បោះ​ឆ្នោតជ្រើសរើស​ក្រុមប្រឹក្សាឃុំ-សង្កាត់ដែលត្រូវ​ចំ​ថ្ងៃទី៣​ខែមិថុនា។លោក​​​បាន​​​ថ្លែងថាមុន​​​រយ​​​ៈ​ពេលនេះ​ការ​អនុវត្តច្បាប់គឺ​ជាការទទួលខុស​ត្រូវ​របស់​រដ្ឋាភិបាល។ លោកជាមយៀបសមាជិកសភា​មក​​​ពី​​​​គណបក្ស​ប្រជាជនកម្ពុជា​​​ បាន​បដិសេធថាគណបក្ស​​ប្រជាជន​កម្ពុជា​មិនបានប្រើ​ប្រាស់​​ធន​ធាន​រដ្ឋនោះទេហើយបាន​បដិសេធចំពោះការអះអាងរបស់​​​​អង្គការ​​​​ក្រៅរដ្ឋាភិបាល​ដែលថាទូរទស្សន៍​ជាតិ​​​កម្ពុជាដែល​ជាទូរទស្សន៍រដ្ឋបានផ្តល់ម៉ោង​ផ្សព្វផ្សាយ​ឲ្យ​គណបក្សប្រជាជនកម្ពុជា​​ច្រើនជាងគេ។​ លោក​ ជាមយៀប ​បាន​មាន​ប្រសាសន៍ថា"យើង​មិនបាន​ប្រើធនធាន​រដ្ឋដូច​​​គេចោទ​​​​ប្រកាន់នោះទេ។យើង​បានបង់ប្រាក់​​ឲ្យ​​​ប្រព័ន្ធផ្សព្វផ្សាយនិងទូរទស្សន៍ឬក៏វិទ្យុដើម្បី​ផ្សព្វផ្សាយ​សកម្មភាព​របស់យើង​គ្រប់​​​ពេល​​​ផ្សាយ​ ហើយ​បាន​ចាត់ទុកការ​តវ៉ា​របស់គណ​​​បក្សប្រឆាំង​ថាជាការ​ច្រណែន។​ សេចក្តី​ថ្លែងការណ៍របស់អង្គការក្រៅរដ្ឋ​​​ា​​​ភិបាលទាំងនេះក៏បាន​ស្នើ​សុំឲ្យព្រះ​​មហា​​​ក្សត្រ​ និងរដ្ឋសភា​ជួយស្វែងរកដំណោះ​ស្រាយ​ខាងនយោបាយ​ដើម្បី​ឲ្យលោក​ សមរង្ស៊ីបាន​វិល​ត្រឡប់​មកវិញ។ លោក​ សមរង្ស៊ីបាននិរទេស​ខ្លួន​ឯង​ដើម្បី​​​​ជៀសវាងទោស​ជាប់​​​​​​ពន្ធនាគារ​​​​​​១២ឆ្នាំ​ដែល​លោកហៅ​​​​ថាជា​​​រឿង​​​នយោ​​​បាយ ​ហើយ​ថ្មីៗ​​​​​​នេះបានប្រកាសអំពី​​​​​​ផែន​​​ការវិល​​​ត្រឡប់​មកកាន់​ប្រទេស​​​កម្ពុជាវិញមុន​​​ពេល​ការបោះឆ្នោតឃុំសង្កាត់ក្នុងខែមិថុនា​។ លោកជាម ​ យៀបបាន​ធ្វើការ​កត់សម្គាល់ថា​ ប្រធាន​គណបក្ស​សមរង្ស៊ី​ត្រូវ​​​បាន​​​លុប​​​ឈ្មោះ​ចេញ​ពីអាសនសភា​បន្ទាប់​ពី​ការ​កាត់​ទោសលោក​ ហើយ​ប្រសិន​បើលោក​ចង់​វិលត្រឡប់​មកវិញលោក​​ត្រូវតែ​ប្រឈមមុខ​នឹងការកាត់​ទោស​របស់​តុលាការ។ លោកជាម​...

យុថ្កា​ទម្ងន់​ប្រាំពី​រតោន​​ ធ្វើ​ឲ្យ​ប្រជា​ពល​រដ្ឋ​ផ្អើល​ទៅ​គោរព​បូជា​

យុថ្កា​ដ៏​ធំ​​ ​ដែល​មាន​​ទម្ងន់​ប្រាំពីរ​​​​តោន ​ត្រូវបាន​អ្នក​នេ​សាទ​រក​ឃើញ​នៅ​ចំណុច​ប្រ​សព្វ​នៃ​ទន្លេ​សាប និង​ទន្លេ​​បា​សាក់ កាល​ពី​ល្ងាច​ថ្ងៃ​សុក្រហើយ​ត្រូវបាន​​​ដឹក​យក​ទៅ​​រក្សា​ទុក​នៅ​​​វត្ត​មួយ​ក្នុងរាជ​ធានី​ភ្នំ​ពេញដែល​នៅ​ទី​នោះ​វា​បាន​ក្លាយ​ជា​ទី​​គោរព​​សក្ការបូជា ​និង​ធ្វើ​​ឲ្យ​​​​ផ្អើល​ដល់​ប្រ​ជា​ពល​រដ្ឋ​កម្ពុជា​ ដែល​ជឿ​ថាវា​​ជា​វត្ថុ​​ស័ក្កសិទ្ធិ។ យុថ្កា​​តូច​ជា​ង​នេះ​មួយ​ទៀត ​មាន​ទម្ងន់​ពីរ​តោន​ ត្រូវ​បាន​​ស្ទូច​ចេញ​ពី​ទឹក​​​នៅ​​ចំណុច​​ប្រ​សព្វ​ដដែល​នេះ ​​កាល​ពី​ខែ​មុន ហើយ​ក៏​បាន​ទាក់​ទាញ​​អ្នក​​​គោ​រព​​បូជា​​យ៉ាង​ច្រើន​កុះ​ករផង​ដែរ​ ចាប់​តាំង​ពី​​បាន​ដាក់​តាំង​នៅ​វត្ត​ប្រ​ជុំ​​សាគរ​ ក្នុង​សង្កាត់​ជ្រោយ​ចង្វាខណ្ឌ​ឫស្សីកែវ​ មក។ លោកយឿន​ ចន្ថាចៅសង្កាត់​រង​ជ្រោយ​ចង្វា បាន​មាន​ប្រ​សាសន៍​ថា  លោក កែប​ ជុតិមាអភិបាល​រាជ​ធានី​ភ្នំ​ពេញ​ បាន​សម្រេច​ចិត្ត​​​​​ស្ទូច​យុថ្កា​​ទម្ងន់​ប្រាំ​ពីរ​តោន​​នេះ​ដាក់រថ​យន្ត​ដឹក​ទំនិញ​ រួច​ក៏​​ដឹក​វា​យក​ទៅ​​រក្សា​ទុក​នៅ​វត្ត​ដដែល​នេះ។​ ទោះ​បី​​ជាអាជ្ញាធរ​មិន​ដឹង​ថា ​យុថ្កា​​នេះ​មានចំណាស់ប៉ុណ្ណា​​​ក្តី​ ក៏​លោក​បាន​មាន​ប្រ​​សា​សន៍​ថា ​​វា​​អាចមាន​អាយុ​កាល​តាំង​ពី​សម័យ​អាណា​និគម​និយម​​បា​រាំង​មក​ម៉្លេះ​។ លោក​បាន​​មាន​ប្រ​សាសន៍​ថា “ ប្រ​ជា​ពល​រដ្ឋ​មាន​អារម្មណ៍​ល្អ​​ស្រស់​ស្រាយ​ បន្ទាប់​ពី​​បាន​បន់​ស្រន់​ចំពោះយុថ្កា​នេះ​មក  ​ពី​ព្រោះ​ពួក​គាត់​ជឿថា ​​វា​​ស័ក្កសិទ្ធិ​អាច​ព្យា​បាល​ជំ​ងឺ​បាន​”។ លោកយឿន ​ចន្ថាបាន​មាន​ប្រ​សាស​ន៍​ថា ​សាលា​រា​ជធានី​​បាន​សម្រេច​​ចិត្ត​ហើយ​ថានៅ​ទី​បំផុត​​នឹង​យក​យុថ្កា​ទាំង​ពីរ​នេះ​​​ទៅ​ដាក់​តាំង​បង្ហាញ​សម្រាប់​សាធា​រណជន​ នៅ​សួន​ជ្រោយ​ចង្វា​​ថ្មី ​​តាម​បណ្តោយ​មាត់​ទន្លេ ដែល​បច្ចុប្បន្ន​នេះ​​​​កំពុង​ស្ថិត​ក្នុង​ដំណើរ​ការ​ស្ថាប​នា។ យុថ្កា​ទី​មួយ​​ត្រូវ​បាន​​អ្នក​ស្រី​ ច័ន្ទ​ វណ្ណា ​​បុគ្គលិក​អង្គ​ការ​ក្រៅ​រដ្ឋា​ភិបាល​​ម្នាក់​ ដែល​ជឿ​លើ​អបិយ​ជំនឿ​ជាវ​ពី​អ្នក​នេ​សាទ ​ដែល​ បាន​រក​វា​ឃើញ ពីព្រោះ​អ្នក​ស្រី​ជឿ​​ជាក់​យ៉ាង​​មុត​មាំ​ថា ​វា​​ស័ក្ក​សិទ្ធិអាច​​ព្យា​បាល​ជំងឺ​បាន។ ទោះ​បី​ជា​អ្នក​ស្រី​មិន​ពាក់​ព័ន្ធ​នឹង​យុថ្កា​ទី​ពីរ​នេះ​ក្តី​ ក៏​អ្នក​ស្រី​និយាយ​ថា ​អ្នក​ស្រី​បាន​​យល់​សប្តិ​​ កាល​ពី​​ខែ​មុន​ថា ​​នឹង​រក​ឃើញ​យុថ្កា​​ ទីពីរ​នេះ​ទៀត។ អ្នក​​ស្រី​បាន​និយាយថា “ខ្ញុំ​បាន​យល់​សប្តិ​​ឃើញ​​អណ្តាត​ភ្លើង​ពណ៌​ខៀវ​មួយ​ចេញ​ពី​យុថ្កា​ទី​មួយ​ ហោះ​ឆ្ពោះ​ទៅ​រក​ចំណុច​ប្រ​សព្វ​នៃ​ទន្លេចតុមុខ​ ហើយ​​​ព្រះ​​បាន​​មក​​ប្រាប់​ខ្ញុំ​​​ឲ្យ​​ស្វែង​រក​អ្វី​មួយ​ផ្សេងៗ​ទៀត​នៅ​ក្នុង​ទន្លេ​នេះ។​ ចាប់​តាំង​ពី​ការ​យល់​សប្តិ​នោះ​មក​ ខ្ញុំ​ចេះ​តែ​មាន​អារម្មណ៍​វិល​មុខ​ធីងធោង​​ និង​មិន​ស្រួល​ខ្លួនរហូត​​ទាល់​តែ​​រក​ឃើញ​យុថ្កា​ទី​ពីរ​នេះ​។ ពេល​នោះ​ ខ្ញុំ​ក៏​មាន​អារម្មណ៍​​ស្រួល​ភ្លាម​​មួយ​រំពេច”។ អ្នក​ស្រី​ធ្លាប់​បានអះ​អាង​រួច​​មក​ហើយ​ថា ​អ្នក​ស្រី​​​នឹង​បរិច្ចាគ​​យុថ្កា​ ដែល​អ្នក​ស្រី​បាន​ជាវ នេះជូន​ទៅ​ព្រះ​បរម​រាជ​វាំង​ ប៉ុន្តែ​សាលារាជ​ធានី​ភ្នំពេញ​ ​​បាន​​ស្នើ​សុំ​ឲ្យ​រក្សា​​វាទុក​នៅ​វត្ត​នេះ​​​ជា​​បណ្តោះ​អា​សន្ន​សិន។ អ្នក​ស្រី​ ពៅណា​គ្រីអាយុ​៦៣​ឆ្នាំ​ ជា​ប្រ​ជា​ពល​រដ្ឋ​ម្នាក់​រស់​នៅ​​ក្នុង​សង្កាត់​ជ្រោយ​ចង្វា​ ​បាន​ទៅវត្ត​ប្រ​ជុំ​សាគរ ​ដើម្បី​​អុជ​ធូប​បួង​សួង​នៅ​ចំពោះ​​មុខ​យុថ្កា​​ថ្មី​នេះ​ កាល​ពី​ម្សិល​មិញ​។...