ក្រឡាបញ្ជីសាលាដំបូង​រាជធានី​ភ្នំពេញ​ម្នាក់​ ត្រូវបាន​ចាប់​ខ្លួន

មន្ត្រីតុលាការ និងមន្ត្រីនគរបាល​បាន​និយាយ​ថា​ សាលាដំបូង​រាជធានី​ភ្នំ​ពេញកាល​ពី​ម្សិលមិញ បាន​ចោទ​ប្រកាន់​ក្រឡាបញ្ជី​របស់​ខ្លួនម្នាក់​ពី​បទរំលោភ​សេចក្តី​ទុក​ចិត្ត​ បន្ទាប់ពី​​បាន​ទទួលយក​ប្រាក់​ចំនួន​២៥០.០០០​ដុល្លារ​​ ជាថ្នូរដើម្បី​ជួយសម្រួល​​​ដំណើ​​រការ​រឿង​ក្តី​​​ឲ្យ​បាន​លឿន​ដោយ “ គ្មាន​បញ្ហា”។ លោកលីសុផាណ្ណាព្រះ​រាជអាជ្ញារង​អម​សាលាដំបូង​រាជធានី​ភ្នំពេញ​ មាន​ប្រសាសន៍​ថា លោកគ្រួចបូរ័ត្នជាក្រឡា​បញ្ជី​ម្នាក់​របស់​លោកចៅក្រម​ លីលឹមម៉េងត្រូវ​បាន​ចាប់​ខ្លួន​ កាល​ពីយប់​ថ្ងៃអាទិត្យ​ ខណៈពេល​លោក​កំពុង​ជប់​លៀង​ជា​មួយ​នឹង​មិត្តភក្តិ​នៅ​​ក្នុង​​ហាង​​ខារ៉ា​អូខេ​មួយ​កន្លែង​​ក្នុង​ខណ្ឌ​ចំការមន​រាជធានី​ភ្នំ​ពេញ​។ លោកសុផាណ្ណាមាន​ប្រ​សាសន៍​បន្តថា​ “ យើង​បាន​ចោទ​ប្រកាន់លោកគ្រួចបូរ័ត្ន ​ ក្រឡាបញ្ជី​​​់នៅ​សាលាដំបូង​រាជធានី​ភ្នំពេញ ពី​បទរំលោភសេចក្តីទុក​ចិត្ត​ពាក់​ព័ន្ធ​នឹង​ទឹក​ប្រាក់​ចំនួន​២៥០.០០០​ដុល្លារ”។ លោកបាន​មាន​ប្រសាសន៍បន្តថា“  ស៊ិនវិសាលបាន​សម្រេច​បញ្ជូន​ជន​សង្ស័យ​រូប​នេះ​ទៅឃុំ​ខ្លួនបណ្តោះ​អាសន្ន​នៅឯ​​​ពន្ធនាគារ​ព្រៃស​រួច​ហើយប៉ុន្តែ​ យើង​មិន​ទាន់​​​ដឹង​ថា ​សាលាដំបូង​រាជធានី​ភ្នំពេញ​នឹង​បើក​សវនាការ​សំណុំរឿងនេះ​ នៅពេល​ណា​នោះ​ទេ”។ លោកសុងលីប្រធានការិយាល័យ​​នគរ​បាល​ព្រហ្មទណ្ឌ​​​កម្រិត​​​ស្រាលរាជធានី​ភ្នំពេញ​ ​មាន​ប្រសាសន៍​ថា ក្រឡាបញ្ជី​សាលា​ដំបូង​រាជធានី​​ភ្នំពេញ​​រូប​នេះ​​ ក៏ត្រូវ​បាន​តុលា​ការ​ចោទ​ប្រកាន់​ពី​បទ​ឆបោកផង​ដែរ​ ។ ទាំង​លោក ស្នងការ​នគរបាល​រាជធានី​ភ្នំ​​ពេញ​ ឬលោក ព្រះ​រាជ​អាជ្ញារងអម​សាលា​ដំបូង​រាជធានី​ភ្នំ​ពេញ​មិន​បាន​ផ្តល់​ព័ត៌មាន​លម្អិត​ថែម​ទៀត​អំពី​ករណី​នេះ​បាន​ទេ។  លោកចៅខេនជាក្រឡាបញ្ជីម្នាក់​ទៀត​របស់​លោកចៅក្រម​ លីលឹមម៉េងបាន​មាន​ប្រសាសន៍ថាលោកបូរ័ត្ន ​ជាប់សង្ស័យ​ថា​បាន​​ទារប្រាក់​ចំនួន​២៥០.០០០ដុល្លារ​ពី​ចុងចោទ​ម្នាក់​ ដើម្បីជា​​​ថ្នូរនឹង​ការ​ជួយ​​​ពន្លឿន​ការ​ដោះ​ស្រាយ​រឿង​ក្តី​ កុំឲ្យមាន​ការ​ពន្យារពេល​។ លោក​បន្ត​ថា “ ខ្ញុំ​បាន​ឮថាលោកគ្រួចបូរ័ត្នបាន​ធ្វើការ​ជាមួយ​ដើមចោទ​និង​ចុង​ចោទ​ ហើយ​គាត់​បាន​សុំឲ្យ​ចុង​ចោទ​បង់​ប្រាក់​ ដើម្បី​​ជៀសវាងកុំ​ឲ្យ​មាន​បញ្ហា”។ លោកមានប្រសាសន៍បន្ត​ថា“ក្រោយ​​មក​​ភាគីទាំង​ពីរ ​ បាន​សម្រុះសម្រួលគ្នា​ ហើយ​បាន​ដក​ពាក្យ​បណ្តឹងរបស់ខ្លួនវិញ។​ពួក​គេ​ក្រោយ​មក​បាន​មក​សុំដក​ប្រាក់​ពី​ ​​វិញ​ ប៉ុន្តែប្រាក់​របស់​ពួក​គេ​ត្រូវចាយអស់​ហើយ”។ លោកចៅខេនមិន​បាន​ប្រាប់​ឈ្មោះ​អ្នកទាំង​នោះ​​ ដែល​មានជាប់​ពាក់​ពន្ធ​​ក្នុង​ការ​សូក​ប្រាក់​យ៉ាង​ច្រើន​ឲ្យ​ទៅ​ក្រឡា​បញ្ជី​នោះ​​ទេ​​​ ប៉ុន្តែ​លោកគ្រាន់តែ​មាន​ប្រសាសន៍​ថា​​ មាន​ពាក្យបណ្តឹង​អំពីវិវាទ​ក្នុង​ការ​រក​ស៊ី​មួយ​ បាន​ប្តឹង​​មក​សាលាដំបូង​កាល​ពី​ឆ្នាំ​២០១១​​ហើយ​បាន​​បង់​ប្រាក់​​តម្កល់នៅ​គ្រា​នោះ​។ ក្រឡាបញ្ជី​​នៅ​ទូទាំង​ប្រទេសកម្ពុជា​ធ្លាប់​ទទួលរងការចោទ​ប្រកាន់​ជា​យូរមកហើយ​ពីបទ​រំលោភ​អំណាច​​របស់​ខ្លួន​​ដោយ​ទទួល​ប្រាក់​សំណូក​...

ព្រឹទ្ធ​​សភា​អូស្ត្រា​លី​​ជំរុញ​ឲ្យ​មាន ​ការ​បោះ​ឆ្នោត​ដោយ​សេរី​​​ និង​​យុត្តិធម៌​នៅ​ក្នុងប្រ​ទេស​កម្ពុជា​

ព្រឹទ្ធសភា​អូស្ត្រាលី​​ កាល​ពី​ម្សិល​មិញ​ បាន​ជំរុញ​​ឲ្យ​រដ្ឋា​ភិបាល​​​កម្ពុជា​​រៀបចំ​ការ​បោះ​ឆ្នោត​ជាតិ​នៅ​ឆ្នាំ​ក្រោយ​ ប្រកប​ដោយ​សេរី​​និង​យុត្តិ​ធម៌​​ ដោយ​មិន​មាន​“ ការ​​​រំលោភ​បំពានឬការ​បំភិត​បំ​ភ័យ​” មកលើលោក​ សម​រង្ស៊ី​ មេដឹក​នាំ​គណបក្ស​ប្រ​ឆាំង ដែល​​កំពុង​រស់​​នៅ​បែបនិរទេស​ខ្លួន​ក្រៅ​ប្រទេស​​​ដើម្បី​គេចពី​ការ​ជាប់​​ពន្ធនាគារ​រយៈ​ពេល​១១ឆ្នាំ​។ ការ​អំពាវនេះ​​​កើត​​​មាន​​​ឡើង​​​តែ​ប៉ុន្មាន​​​ថ្ងៃ​​​បន្ទាប់​​​ពី​​​សភា​​​សហភាព​​​អឺរ៉ុប​​​បាន​​​អនុម័ត​​​ដំណោះ​​​ស្រាយ​​​របស់​​​ខ្លួន​​​មួយ​​​​ដោយ​​​បាន​​​ថ្កោល​​​ទោស​​​នូវ​​​អ្វី​​​ដែលខ្លួន​បាន​ហៅ​ការ​ផ្តន្ទាទោស​​​​​លោក សម រង្ស៊ី ថា​​​ ជា​​​ “រឿង​​​នយោបាយ” ហើយ​​​បាន​​​ជំរុញ​​​ឲ្យ​​​រដ្ឋាភិបាល​​​​ដោះ​ស្រាយ​នូវ​ “ គុណ​​​វិបត្តិ​​​ដ៏ធំ​​​នេះ” ដើម្បី​​​​ឲ្យ​គណបក្ស​ប្រ​ឆាំង​បានចូល​រួម​ក្នុង​​​​​ការ​​​បោះ​​​ឆ្នោត​​​ជាតិ​​​នៅ​​​ឆ្នាំ​​​ក្រោយ​​​។ ទាំង​​​ប្រទេស​​​អូស្ត្រាលី និង​​​សហភាព​​​អឺរ៉ុបគឺជា​​​​​​​ម្ចាស់​​​ជំនួយ​​​ដ៏​​​ធំ​​​សម្រាប់​​​ប្រទេស​​​កម្ពុជា​​​។ ដំណោះ​​​ស្រាយ​​​ដែល​​​លើក​​​ឡើង​​​ដោយ​​​ព្រឹទ្ធសភា​​​អូស្ត្រាលី ​​​បាន​​​អំពាវ​​​នាវ​​​ឲ្យ​​​រដ្ឋា​ភិបាលក​​ម្ពុជា​​​រៀបចំ​​​ការ​​​បោះ​​​ឆ្នោត​​​ដោយ​​​សេរី និង​​​យុតិ្តធម៌​​​ នៅឆ្នាំ២០១៣ និង​​​ធានា​ថាគណបក្ស​​​ប្រឆាំង​​​មាន​​​លទ្ធភាព​​​អាច​ចូល​​​រួម​​​ក្នុង​​​ការ​​​បោះឆ្នោត​​​ពេញ​លក្ខណៈ​ដោយ​​​មិន​​​មាន​​​ការ​​​យាយីខាង​រាង​កាយ​​​​ ឬការ​​​បំភិត​​​បំភ័យ​​​​តាម​ផ្លូវ​តុលាការ​ឬ​​ការ​បំភិត​បំភ័យ​រួម​​​ទាំង​​​លោក សម រង្ស៊ី​​ មេ​​​ដឹក​​​នាំ​​​គណបក្ស​ សម ​រង្ស៊ី ផ្ទាល់​​​ផង​​​ដែរ ដូច​អនុសាសន៍​របស់​​អ្នក​រាយ​ការណ៍​ពិសេស​របស់​អង្គការ​សហ​ប្រជា​ជាតិ​លើក​ឡើង​”។ លោក សុរិយា ស៊ូបេឌី អ្នក​​​រាយការណ៍​​​ពិសេស​​​របស់​អង្គការ​សហ​ប្រជាជាតិ​ស្ដី​​​ពី​​​សិទ្ធិ​​​មនុស្ស​​​ប្រចាំ​​​ប្រទេសកម្ពុជា​​​​​​​បានលើក​​​ឡើង​​​ក្នុង​​​សេចក្ដី​​​រាយការណ៍​​​របស់​​​លោក ជា​​​ចុង​​​ក្រោយ ដោយ​​​អំពាវ​​​នាវ​​​ឲ្យ​​​មាន​​​ដំណោះ​​​ស្រាយ​​​ផ្នែក​​​នយោបាយ​​​មួយ ​​ដែលអាច​​​​អនុ​ញ្ញាត​​​ឲ្យ​​​លោក​​​ សម រង្ស៊ី “ ​មានលទ្ធភាពធ្វើ​នយោបាយ​ពេញលេញ​​​​នៅ​ក្នុង​​ប្រទេស​​​កម្ពុជា” ហើយ​​​លោក​​​បាន​​​ផ្ដល់​​​អនុសាសន៍​ឲ្យ​​​មាន​​​​​​កំណែ​​​ទម្រង់​​​ក្នុង​​​ប្រព័ន្ធ​រៀប​ចំ​ដំណើរ​​​ការ​​​​​​បោះ​​​ឆ្នោត​​​ផង​​​ដែរ​​​។ មន្ត្រី​​​រដ្ឋាភិបាល​​​បាន​​​ច្រាន​​​ចោល​​​នូវ​​​ទស្សនរបស់​​​លោក សុរិយា ស៊ូបេឌី ម្ដង​​​ហើយ​​​ម្ដង​​​ទៀត​​​ ហើយបានទាត់​​​ចោល​​​ម្ដង​​​ហើយ​​​ម្ដង​​​ទៀត​​​នូវ​​​សំណើ​​​របស់​​​លោក ​សម​រង្ស៊ី ក្នុងការសុំ​​​វិលត្រឡប់ចូលមក​ក្នុង​​ប្រទេស​កម្ពុជា​​​វិញ​​​ដោយ​​មិន​​​មាន​​​ការ​​​ចាប់​​​ខ្លួន​​​។ លោក សម រង្ស៊ី ប្រធាន​​​គណបក្ស​​​ សម ​រង្ស៊ី ត្រូវ​​​បាន​​​តុលាការផ្ដន្ទាទោស​​​លើក​​​ដំបូង​​​នៅ​​​ឆ្នាំ​​​២០១០ ពីបទ​​​បំផ្លាញ​​​ទ្រព្យសម្បត្តិ​​​សាធារណៈ​​​ ដោយសារ​​​លោកបានដក​​​បង្គោល​​​​តម្រុ​​យព្រំ​​​ដែន​​​នៅតាម​​​បណ្ដោយ​​​ព្រំដែន​​​កម្ពុជា​​​វៀត​​​ណាម និង​​​ក្រោយ​​​មកទៀត​​​ត្រូវ​​​តុលាការផ្ដន្ទាទោស​​​ពីបទ​​​ផ្សព្វផ្សាយ​​​ព័ត៌មាន​​​មិន​​​ពិត​​​ ដែលលោក​​​បាន​​​បង្ហោះ​​​ផែនទី​​​​​​តាម​​​ប្រព័ន្ធ​​​អុីនធើណិត។ គណបក្ស​​​ សម រង្ស៊ី ជា​​​គណបក្ស​​​ប្រឆាំង​​​ធំបំផុត​​​នៅក្នុង​ប្រទេស​​​កម្ពុជា​​​បាន​​​គំរាម​​​ថា នឹង​​​ធ្វើ​​​ពហិការ​​​មិន​​​ចូល​​​រួម​​​ក្នុងការ​​​បោះ​​​ឆ្នោត​​​ជាតិ​​​នៅ​​​ខែ​​​កក្កដា ឆ្នាំ​២០១៣​ខាង​មុខ​បើសិន​​​ជា​​​លោក ​សម រង្ស៊ី​ មិន​​​ត្រូវ​​​បាន​​​​​​អនុញ្ញាត​​​ឲ្យ​​​វិល​​​ត្រឡប់​​​ចូលមក​​​ប្រទេស​​​កម្ពុជា​​​វិញ​​​ទេ ហើយបើសិន​​​ជា​​​រដ្ឋាភិបាល​​​មិន​​​ធ្វើ​​​កំណែ​​​ទម្រង់​​​ប្រព័ន្ធ​បោះ​​​ឆ្នោត​​​របស់​​​ខ្លួន​​​ទេ​​​នោះ​​​ ពីព្រោះ​​​គណៈ​កម្មាធិការជាតិ​​​រៀប​​​​ចំ​​​ការ​​​បោះ​​​ឆ្នោត​​​លម្អៀង​​​ទៅ​​​​គណបក្ស​​​កាន់​​​អំណាច​​​។ កាល​​​ពី​​​ថ្ងៃ​​​សុក្រ សភា​​​សហភាព​​​អឺរ៉ុប​​​បាន​​​អនុម័ត​​​ដំណោះ​​​ស្រាយ​​​របស់​​​ខ្លួន​​​នៅទី​​​ក្រុង​​​ព្រុចសែល ដោយ​​​កត់​​​សម្គាល់​​​ថា សហភាព​​​អឺរ៉ុប​​​បាន​​​សង្កេត​​​ឃើញ​​​ថា ការ​​​បោះ​​​ឆ្នោត​​​ជាតិ​​​ចុង​​​ក្រោយ​​​នៅ​​​ឆ្នាំ​​​២០០៨​​​ គឺ​​​មិន​​​មាន​​បទដ្ឋាន​​​អន្ដរជាតិ​​​ទេ​​​។ ដោយឆ្លុះ​​​បញ្ចាំង​​​ពី​​​ទស្សនៈ​​​របស់​​​លោក ​ស៊ូបេឌី ដែល​​​បាន​​​អំពាវ​​​នាវ​​​ឲ្យ​​​រដ្ឋាភិបាល​​​ធ្វើ​​​ការ​​​ជាមួយ​​​គណបក្ស​​​ប្រឆាំង​​​ ដើម្បី​​​ឲ្យ​​​គណ​បក្ស​​​ប្រឆាំង​​​ធ្វើ​​​សកម្មភាពដោយ​​​ពេញលេញ​​នៅ​​​ក្នុងកិច្ចការ​​​នយោបាយក្នុង​​​​ប្រទេស​​​កម្ពុជា​​​ហើយ​​​អាច​​​ចូល​​​រួម​​​ក្នុង​​​ការ​​​បោះ​​​ឆ្នោត​​​នៅ​​​ពេល​​​ខាងមុខ​បាន​ដោយ​សេរី​៕ ប្រែសម្រួល​​​ដោយ ឃិន ណៃ  

លោក​​​ ហ៊ុន សែន​​​ បដិសេធការ​​​​​ប្រើ​​​​​​ឈ្មោះ​​​ភរិយា​​​របស់​​​លោក និងកាកបាទ​​​ក្រហម​​​កម្ពុជា​​​ ដើម្បី​​​​​​​​​ចាប់​​​​​​យក​​​ដី​​​

កាល​​​ពី​​​ថ្ងៃ​​​សៅរ៍ លោក​​​នាយក​​​រដ្ឋ​​​មន្ត្រី​​​ហ៊ុន សែន បាន​​​ចោទ​​​ប្រកាន់​​​បុគ្គល​​មួយ​​​ចំនួន​​​ដោយ​​​មិន​​​បញ្ចេញ​​​ឈ្មោះ ថា ​​​បា​ន​​​ប៉ុនប៉ង​ចាប់​​​​យក​​​ដី​​​ក្នុង​​​ខេត្ត​​​កំពង់​​​ធំ ​​​ដោយ​​​ប្រើ​​​ឈ្មោះ​​​ភរិយា​​​​របស់​​​លោក និង​​​បញ្ជា​​​ឲ្យ​​​កូន​​​ប្រុស​​​របស់លោក​ស៊ើប​​​អង្កេត​​​ដើម្បី​​​ផ្ដល់​​​ដី​​​ដែល​​​ចាប់​​​យក​​​ដោយ​ខុស​​​ច្បាប់​​​នោះ​​​ឲ្យ​​​​​​ប្រ​​​ជា​​​ពល​​​រដ្ឋ​​​វិញ។ លោក​​​នាយក​​​រដ្ឋ​​​មន្ត្រី​​​បាន​មាន​​​ប្រ​​​សាសន៍​​​បែប​​​នេះ​​​​​​ក្នុង​​​ស្រុក​​​រលាប្អៀរ ខេត្ត​​​កំពង់​​​ឆ្នាំងនៅ​​​​​​ពេល​​​លោក​​​កំពុង​​​ចែក​​​ប័ណ្ណ​​​កម្មសិទ្ធិ​​​ដី​​​ធ្លី​​​ដែល​​​ជាផ្នែក​​​មួយនៃ​​​​​​​​​គម្រោង​​​កាត់​​​បន្ថយ​​​ជម្លោះ​​​​ដី​​​ធ្លី​​​ក្នុង​​​ដី​​​សម្បទាន​​​សេដ្ឋកិច្ច​​​ និង​​​ដី​​​រដ្ឋ។ យោង​​​តាម​​​ប្រសាសន៍​​​របស់​​​លោក​​​ ហ៊ុន ​សែន បាន​​​ឲ្យ​​​ដឹង​​​ថា ជន​​​ឥត​​​កេរ្តិ៍​​​ខ្មាស​​​មួយ​​​ចំនួន​​​​បាន​​​អះ​​​អាង​​​ថា លោក​​​ជំទាវ​​​ ប៊ុនរ៉ានី ភរិយា​​​របស់​​​លោក និង​​​កាកបាទ​​​ក្រហម​​​កម្ពុជា​​​បាន​​​ចាប់​​​យក​​​ដី​​​នៅ​​​ក្នុង​​​ខេត្ត​​​កំពង់​​​ធំ។ លោក​​​ ហ៊ុន សែន បាន​​​មាន​​​ប្រសាសន៍ថា ​ “ ពួកគេ​​​បាន​​​និយាយថាប៊ុនរ៉ានី ​ហ៊ុន ​សែន ​មាន​​​ដី​​​៥០០​​​ហិកតា​​​ ក្នុង​​​ខេត្ត​​​កំពង់​​​ធំ ​ហើយ​​​​ដី​​​នោះ​​​ជាដី​​​របស់​​​កាក​​​បាទ​​​ក្រហម​កម្ពុជា​​​។ ខ្ញុំ​​​បាន​​​ឮពី​​​និស្សិត​​​ថា ពួក​​​គេ​​​ប្រើ​​​ប្រាស់​​​ឈ្មោះ​​​ប៊ុនរ៉ានី ដើម្បី​​​ចាប់​​​យក​​​ដី ដែល​​​តាម​ពិត​​​គាត់​​​មិន​​​បាន​​​ដឹង​​​សោះ”។ លោក​​​ ហ៊ុន សែន មិន​​​បានបញ្ជាក់​​​លម្អិត​​​ថា នរណាបាន​​​ធ្វើបែប​​​នោះ​​​ទេ ហើយ​​​ក៏​​​មិន​​​បានបញ្ជាក់​​​លម្អិត​​​ថា​​​ តើ​​​ដីក្នុង​​​ខេត្ត​​​កំពង់​​​ធំ​​​នោះ​​​នៅ​​​ត្រង់​​​ណាពិត​​​ប្រាកដ​​​ដែរ។ លោក​​​បាន​​​ចេញ​​​បញ្ជា​​​​​​លោក ​ហ៊ុន ​ម៉ានិត ​កូន​​​ប្រុស​​​របស់​​​លោក ដែលចូលរួម​​​ក្នុង​​​ពិធី​​​នោះដែរឲ្យស៊ើប​​​អង្កេតករណី​​​ក្លែង​​​ឈ្មោះ​​​ម្ដាយ​​​របស់​​​ខ្លួន  ហើយ​​​ថា រាល់​​​ដី​​​ដែលពាក់​​​ព័ន្ធ​​​ត្រូវ​​​តែ​​​ប្រគល់​​​ឲ្យ​​​ទៅ​​​គ្រួសារ​​​ប្រជាពលរដ្ឋ​​​នៅ​​​​ក្នុង​​​មូល​​​ដ្ឋាន​​​នោះវិញ។ លោក​​​បាន​​​មាន​​​ប្រសាសន៍ថា “ ដីនេះ​​​ត្រូវ​​​តែ​​​ប្រគល់​​​ឲ្យ​​​ប្រជាពល​​​រដ្ឋ។ ប្រសិន​​​បើ​​​ពួក​គេ​​​​និយាយថា ដី​​​នេះ​​​ជា​​​ដី​​​របស់​​​ ហ៊ុន សែន និង​​​ប៊ុនរ៉ានីអ៊ីចឹង​​គួរ​ឲ្យ​​​ទៅ​​​ប្រជា​​​ពលរដ្ឋ​​​ចុះ”។​លោក​​​បាន​​​កំប្លែង​​​លេង​​​ថា “ ប៉ុន្ដែមិន​​​មែន​​​ឲ្យ​​​ផ្ទះ​​​របស់​​​ខ្ញុំ​​​​​​នៅ​​​ជិត​​​វិមាន​​​ឯករាជ្យ និង​​​នៅ​​​ក្រុង​​​តាខ្មៅ​​​ទេ”។ ដោយ​​​ទាក់​​​ទងបាន​​​តាម​​​ទូរ​​​ស័ព្ទ​​​ លោក ​អ៊ុច ​សំអុន អភិបាល​​​រង​​​ខេត្ត​​​កំពង់​​​ធំ​​​ បាន​​​​មាន​​​​ប្រសាសន៍ថា លោក​​​នឹង​​​ពិនិត្យមើល​​​បញ្ហា​​​ដែល​​​អះអាង​​​ថា ដី​​​នេះ​​​ជា​​​ដី​​​របស់​​​លោក​ជំទាវ​​​ប៊ុន​​​ រ៉ានី ​​ផង​​​ដែរ។ លោកស្រី ម៉ែន នារីសុភ័ក្ត្រ អគ្គ​លេខា​ធិការ​រង​​​កាកបាទ​​​ក្រហម​​​កម្ពុជា បាន​​​មាន​ប្រសាសន៍​​​ថា លោក​​​ស្រី​​​មិន​​​បាន​​​ទទួល​​​ព័ត៌​មាន​ណាមួយ​​​​ថា សមាគមជាតិ​​​កាកបាទ​​​ក្រហម​កម្ពុជា​​មាន​​​ដី​​​នៅ​​​ក្នុង​​​ខេត្ត​​​កំពង់​​​ធំ​​​នោះទេ។ លោក​​​ ហ៊ុន សែន ដែល​​​កំពុង​​​ឈរ​​​ឈ្មោះ​​​សម្រាប់​​​ការ​​​បោះ​​​ឆ្នោតនៅ​​​​ក្នុង​​​ខែ​​​កក្កដា​​​ ឆ្នាំ​​​២០១៣ នោះ បាន​​​បញ្ជូន​​​និស្សិត​​​ស្ម័គ្រ​​​ចិត្ត​រាប់​​​​ពាន់នាក់​​​ទៅ​​​កាន់​​​តំបន់​​​ដាច់​​​ស្រយាល​​​​នៅ​​​ទូ​​​ទាំង​​ប្រទេស​​​កម្ពុជា​​​ តាំង​​​ពី​​​ខែ​​​ឧសភា​​ ដើម្បី​​​វាស់​​​វែងដីនិង​​​ចែក​​​ប័ណ្ណកម្មសិទ្ធិ​​​ដី​​​ធ្លី​​​ដល់​​​ប្រជា​​​ពលរដ្ឋ​​​រាប់​​​ម៉ឺន​​​គ្រួសារ​​​ ដែ​​​លកំពុង​​​រស់​​​នៅ​​​លើ​​​​​​ដី​​​មាន​​​ជម្លោះ។ ​​​ការ​​​ចាប់​​​យក​​​ដី​​​ពី​​​សំណាក់​​​អ្នក​​​មាន​​​អំណាច​​​និងតាមរយៈសម្បទាន​​​ដី​​​សេដ្ឋ​​​កិច្ចពី​​​សំណាក់​​​​រដ្ឋា​​​ភិបាល​​​ ​​​ធ្វើឲ្យ​​​គណបក្ស​​​កំពុង​​​កាន់​​​អំណាច​​​នេះទទួល​​​រង​​​នូវ​​​ការ​​​រិះ​​​គន់​​​យ៉ាង​​​ខ្លាំង​​​៕ ​​​ប្រែ​​​សម្រួល​​​ដោយ ហម សុផាណ្ណា​​​​​  

លោក ហ៊ុន សែន ច្រាន​ចោល​សំណើ​របស់​លោក សម​ រង្ស៊ី​ សុំវិល​ត្រ​ឡប់​មក​ប្រ​ទេស​កម្ពុជា​វិញ

យោង​តាម​លោក ​ខៀវកាញារីទ្ធ​ រដ្ឋ​មន្ត្រី​ក្រសួង​ព័ត៌មាន​បាន​ឲ្យ​ដឹង​ថា​ លោកនាយក​រដ្ឋ​មន្ត្រីហ៊ុនសែនបាន​ច្រាន​ចោល​​សំណើ​របស់លោក​ សម ​រង្ស៊ី​​ ប្រ​ធានគណបក្ស​​ប្រ​ឆាំង ​សុំ​វិល​ត្រឡប់​មក​កម្ពុជា​​វិញ ​​ដើម្បី​គោរព​ព្រះ​វិញ្ញាណ​ក្ខន្ធ​ព្រះ​មហា​វីរ​ក្សត្រ​ នរោត្តម​ សីហនុ​ ដែល​យាង​ចូល​ទិវង្គត​​ដោយ​មិន​មាន​​ការ​ចាប់​ខ្លួន​។ ក្នុង​សារ​ជា​អក្សរ​កាល​ពី​ថ្ងៃ​សុក្រ​ លោកកាញ្ញារីទ្ធ​​  លើក​ឡើង​ថា ​ លោកនាយក​រដ្ឋ​មន្ត្រី​​មិន​អាចយល់​ព្រមតាម​សំណើ​របស់​លោក សម ​រង្ស៊ី​​ ដែល​កាល​ពី​មុន​​​​មេ​​ដឹក​នាំ​គណបក្ស​ប្រ​ឆាំង​រូប​នេះ​បានរិះ​គន់​លោកបាន​​ទេ។ លោកកាញ្ញារីទ្ធ​ បាន​សរសេរ​ថា​ “ សម្ដេច​ហ៊ុនសែន​ មាន​ប្រ​សាសន៍​ថា ​​តើ​ ​ សម្រេច​លើ​សំណើ​របស់​លោក សម​រង្ស៊ី​ យ៉ាង​ដូចម្ដេច​នៅ​ពេល​លោកសម ​រង្ស៊ី​ ក្រោយ​មក​បាន​ប្រ​កាស​ថា​ ឈប់​ពិភាក្សា​ជា​មួយ​លោក ហ៊ុនសែន​​ ពី​ព្រោះ​ ហ៊ុនសែន​គ្រាន់​តែ​ជា​អាយ៉ងប៉ុណ្ណោះ។​លោក សម​រង្ស៊ី​​ មាន​ប្រ​សាសន៍​ថា ​​លោក​នឹង​ពិភាក្សា​តែ​ជា​មួយ​ចៅ​ហ្វាយ​របស់​លោកហ៊ុនសែន​ប៉ុណ្ណោះ​។​ដូច្នោះ​សូម​ឲ្យលោក សម ​រង្ស៊ី​​​​ តាម​បំណង​របស់​គាត់​ចុះ”។ លោកយឹមសុវណ្ណ​ អ្នកនាំពាក្ស​គណបក្ស​សម​ រង្ស៊ី​ បាន​មាន​ប្រសាសន៍​កាល​ពី​ម្សិល​មិញ​ថា​ លោក សម​ រង្ស៊ី​ នៅ​តែ​មាន​ក្តី​សង្ឃឹម​ចំពោះ​​សំណើ​របស់​លោក ​អាច​នឹង​ត្រូវ​គេ​ពិចារណា។ លោក​ សុវណ្ណ​ បាន​មាន​ប្រ​សាសន៍​បន្តថា​ “ ​​មិន​ទាន់​​មាន​ការ​ឆ្លើយ​តប​ជា​អវិជ្ជមាន​នៅ​ឡើយ​ទេ​​ ដូច្នេះ​យើង​​នឹង​រង់​ចាំ​មើល​សិន​។​យើង​នៅ​មាន​ពេល​បី​ខែ​ទៀត​”។ ព្រះ​បរម​សព​ព្រះ​មហា​វីរក្សត្រ​ ដែល​បាន​យាង​ចូល​ទិវង្គត​ដោយ​សារ​ព្រះ​រោគ​គាំង​បេះ​ដូង​​នៅ​ទី​ក្រុងប៉េកាំង ​ប្រ​ទេស​ចិនកាលពី​ថ្ងៃ​ទី​១៥ ខែ​តុលា​​នោះ​ នឹង​ត្រូវ​ធ្វើ​ព្រះ​រាជ​ពិធី​បូជា​នៅ​ខែ​កុម្ភៈឆ្នាំ​ក្រោយ​នេះ​។​ លិខិត​​សំណើ​របស់​លោក សម ​រង្ស៊ី​ បាន​ដាក់​ជា​លើក​ដំបូង​​​​ ហើយ​​ត្រូវ​បាន​បញ្ជូន​ត្រ​ឡប់​​មក​ស្នាក់​ការ​គណបក្ស​ សម​ រង្ស៊ី​ វិញ​ម្តងហើយ​ម្តងទៀត​​ កាល​ពី​ពីរ​សប្តាហ៍​កន្លង​មក​នេះ។ ដោយ​ប្រ​ឈម​នឹង​ការ​ដាក់​ទោស​ជាប់​ព​ន្ធនាគារ​១១​ឆ្នាំ​ពី​បទ​​ផ្សាយ​ព័ត៌មាន​មិន​ពិត​ ញុះញង់​​និង​បំផ្លាញ​ទ្រព្យ​សម្បត្តិ​សាធារណៈ​នោះ​ លោកសម​ រង្ស៊ី​​ បច្ចុប្បន្ន​នេះ​​បាន​រស់​នៅ​និរទេស​ខ្លួន​នៅ​ទី​ក្រុង ប៉ារីស​ប្រ​ទេស​បារាំង៕ ប្រែសម្រួល​ដោយឃិនណៃ​​​​​​​

មនុស្ស​បី​នាក់​ស្លាប់​ ក្នុងគ្រោះថ្នាក់ចរាចរណ៍​ម៉ូតូមួយ​គ្រឿង​បើក​បុក​​ជាមួ​យ​​រថ​យន្តក្រុ​ងកាពីតូល​

មនុស្ស​​បី​នាក់​ជិះម៉ូ​តូ​មួ​យ​គ្រឿង​​បា​ន​ស្លាប់​កាល​​ពី​ម្សិល​មិញ​នៅក្នុ​ង​ខេត្ត​​ពោធិ៍​​សាត់​ នៅ​ពេល​​​ពួ​ក​គេជួបគ្រោះថ្នាក់ចរាចរណ៍​បុ​ក​ជាម​ួ​យ​​​រថ​យន្តក្រុ​ង​មួ​យ​គ្រឿង​​ ដែល​​ដឹក​អ្នក​ដំ​ណើរ​ចំ​នួ​ន​៤៥​នាក់នៅ​លើ​ផ្លូ​វ​ជាតិ​លេខ​៥ ​ដែ​ល​នេះ​​ជា​​គ្រោះ​​ថ្នាក់​ចរា​ចរណ៍​​រថ​យន្តក្រុង​បុក​មនុស្ស​ស្លាប់ថ្មី​ទៀត ដែ​ល​មានមនុស្ស​​រាប់​សិ​ប​នាក់​​បា​ន​ស្លាប់​ ចាប់​តា​ំ​ង​​ពី​​ដើ​ម​ឆ្នាំ​នេះ។ ​លោកសោម ​សុ​ផានណាអធិ​កា​រ​​នគរ​បាល​ស្រុ​ក​បាកាន ​មា​ន​ប្រ​សាសន៍​ថាឈ្មោះភន់ពេញអា​យុ​​១៩​ឆ្នាំនិង​ឈ្មោះ​ ​សឿនវ៉េន ​​អាយុ​​១៨​ឆ្នាំ អ្នកទាំ​ង​ពីរបា​​នស្លាប់​​ភ្លាមៗនៅកន្លែងកើត​ហេតុ​ ហើយ​ឈ្មោ​ះ​ មឿនធីអា​យ​ុ​១៩​ឆ្នាំបា​ន​ស្លាប់​​ក្រោ​យ​នោះ​បន្តិច​នៅ​ពេលបញ្ជូនដល់មន្ទី​រ​ពេទ្យ​​បង្អែក​​ស្រុ​ក​​​​បា​កានដោ​យ​សារ​​របួស​ធ្ងន់​ពេក។គ្មាន​​នរ​ណា​​​ម្នាក់​ ដែ​ល​ជិះ​​លើ​រថ​​យន្តក្រុ​ង​​រង​​របួ​ស​​ទេ។ ​កា​រ​​​បុ​ក​​គ្នា​នេះ​បា​ន​កើត​ឡើង​នៅ​ម៉ោង​ប្រ​ហែ​ល​​៩​និង​៣០​នាទី​ព្រឹកបន្ទាប់​​ពី​ម៉ូតូ​​មួ​យ​គ្រឿង​ ដែលសង្ស័យ​ថា ​បា​ន​​បត់​ចូ​ល​​ក្នុង​​ចំ​ណែក​​​ផ្លូ​វ​​របស់​​រថ​យន្ត​ក្រុ​ង​​របស់ក្រុមហ៊ុនកាពីតូលកំ​ពុង​ធ្វើ​​ដំ​ណើរក្នុងទិសដៅ​ចេញពី​​ខេត្ត​បាត់​ដំ​បងមក​កាន់រាជ​ធានី​ភ្នំ​ពេញ​។ ​បើទោ​ះ​ជា​រថ​យន្ត​ក្រុ​ង​នេះ​ធ្វើ​ដំ​ណើរ​លើ​​ចំ​ណែ​ក​ផ្លូវ​ត្រឹម​​ត្រូ​វ​នៅ​​ពេល​​កា​រ​​​បុក​បា​ន​កើត​ឡើង​ក៏​ដោយ ក៏​នគរបាល​​​និ​យា​យ​ថា​ ពួ​ក​គេ​​​ជឿថា ​រថ​យន្ត​ក្រុ​ង​នេះ​បើក​លឿន​​ពេក​ និ​ង​បា​ននិ​យា​យ​ថា ​អ្នក​បើក​បរ​រថ​យន្ត​បា​ន​គេចខ្លួន​បាត់ពី​កន្លែ​ង​​កើត​ហេតុ​ បន្ទាប់​ពី​គ្រោ​ះថ្នាក់​នោះ។ ​លោករស់ចំ​រើនប្រធាន​នគរបាល​​ចរាចរ​ខេត្ត​​បា​ន​មា​ន​​ប្រ​សាសន៍​ថា “ ខ្ញុំ​គិ​ត​ថា ​រថ​យន្ត​​ក្រុង​នេះបើក​លឿន​ពេក ពី​ព្រោ​ះ​​បន្ទាប់​ពី​បុករួច ​រថយន្ត​នោះបានអូសម៉ូតូ​ប្រវែង​​​ជាង​៦០​ម៉ែត្រ​ពី​ចំ​ណុច​គ្រោះ​ថ្នាក់​”។ ​លោក​ ចំ​​រើន មាន​​​ប្រសាសន៍​​​បន្ត​​ទៀតថា ក្រុ​មមន្ត្រី​​​កំ​ពុ​ងស៊ើប​អង្កេតអំពី​គ្រោះ​ថ្នាក់​នេះ​ និង​​មិ​ន​ទាន់​​ចាត់​វិ​ធាន​កា​រ​តាម​​ច្បាប់​ប្រឆំា​ង​ក្រុម​ហ៊ុនរថ​យន្ត​ក្រុ​ង​ចំ​ពោះ​ការ​បើក​​​លើស​ល្បឿននោះ​ទេ។ ទោះ​ជា​យ៉ាង​ណា​ លោកសុផានណាមា​ន​​ប្រ​សាសន​៍​ថា អ្ន​ក​បើក​​ម៉ូ​តូ​ក៏មា​ន​កំ​ហុស​​ដែរ។​លោក​បា​ន​មា​ន​ប្រ​សាសន៍​ថា “ ម៉ូ​តូ​បា​ន​​​បត់ឆ្វេង​​ចូ​ល​ក្នុ​ង​ចំ​ណែក​ផ្លូ​វ​​រថយន្ត​ក្រុ​ង​។ ពួ​ក​គេមិន​បា​ន​មើល​ទៅ​មុខទេ មុន​​ពេលបត់​។ រថយន្ត​ក្រុ​ង​​បុ​ក​ពួ​ក​គេ និង​ម៉ូ​តូ​ជាប់​ក្រោម​រថ​យន្ត​ក្រុង ព្រម​​ទាំ​ង​​អូស​ប្រវែ​ង​ប្រហែល​​​៦៦ម៉ែត្រ”។ កា​ល​ពី​ក្នុ​ង​ខែ​មិ​ថុ​នា ​រថយន្ត​ក្រុ​ង​កាពីតូល​មួយ​គ្រឿ​ង​បា​ន​បុ​ក​​រថយន្ត​យោ​ធា​មួ​យ​គ្រឿង​ដោ​យ​ធ្វើ​ឲ្យ​មនុស្ស​ស្លាប់​ចំ​នួន​​ប្រាំ​បី​នាក់​ និង​​២១នាក់​ទៀត​រងរបួសនៅក្នុង​ខេត្ត​កំ​ពង់​ធំ។​ ខែ​មុន​នេះ ​ក្រុម​ហ៊ុន​កាពី​តូ​លត្រូវនគរ​បា​ល​ចាត់ទុកថា ជាក្រុមហ៊ុន​ទទួលបានលិខិត​ព្រមាន​ច្រើនជាងគេ ​​​ដោយ​សារ​​​បើកបរ​លើស​ល្បឿនកំណត់ចា​ប់​​តាំ​ង​ពី​​ដើម​ឆ្នាំ​នេះ​។ ​លោកហួសុ​វណ្ណជំ​នួ​យ​កា​រ​​អ្ន​ក​គ្រប់​គ្រង​របស់ក្រុ​ម​ហ៊ុន​រថយន្ត​ក្រុង​កាពី​តូល​បា​ន​មា​ន​ប្រ​សាសន៍​ថា ​លោកជឿ​​ថាមិន​ត្រូវ​បន្ទោស​អ្នក​បើកបរក្នុង​គ្រោះ​​ថ្នាក់​នេះ​ទេ​។ ​លោក​​មា​ន​ប្រ​សាសន៍​ថា “ ប្រសិន​បើ​អ្នក​​បើក​បរ​​​របស់​​យើង​ព្យា​យា​ម​គេច​ពី​ម៉ូ​តូ​ រថ​យន្ត​​ក្រុ​ង​នេះ​នឹង​រេចង្កូត​ធ្លាក់​ចូ​ល​ក្នុង​វា​លស្រែហើយ​យើង​នឹ​ង​ធ្វើ​ឲ្យគ្រោះ​ថ្នាក់​ដល់​អ្នក​ដំណើរ​របស់​យើង​”។ យោង​តា​ម​តួ​លេខ​ពី​ក្រសួ​ង​ដឹក​ជញ្ជូនបា​ន​​ឲ្យ​ដឹង​ថា ​មនុស្ស​​សរុប​៣២នាក់​បា​នស្លាប់​ក្នុង​គ្រោះ​ថ្នាក់​បុកជាមួយ​​រថយន្ត​ក្រុង​ អ​ំ​ឡុង​រយៈ​ពេល​​ប្រាំ​មួ​យ​​ខែ​​ដំ​បូ​ង​នៃ​ឆ្នាំ​នេះ​៕ ប្រែសម្រួល​ដោយចេវប៊ុននី​ ​​​​​​​

សភា​​​សហភាព​អឺរ៉ុប​​​រិះ​​​គន់​​​កម្ពុជា​​​ ចំពោះ​​​បញ្ហារំលោភ​​​សិទ្ធិ​​​មនុស្ស និងការបណ្តេញចេញទាំងបង្ខំ​​​

ដោយ​​​លើក​​​ឡើង​​​អំពី​​​ការ​​​រំលោភ​​​​​​សិទ្ធិ​​​មនុស្ស​​​ជា​​​ច្រើនករណី​​​ សភា​​​សហភាព​អឺរ៉ុប​​​បាន​​​ទទូច​​​ឲ្យ​​​រដ្ឋា​​​ភិបាល​​​កម្ពុជា​​​​​​បញ្ឈប់​​​ការ​​​បណ្ដេញ​​​ចេញ​​​ដោយ​​​បង្ខំ​​​ ហើយ​​​អំពាវ​​​នាវ​​​ឲ្យ​​គណៈកម្មាធិការសហភាពអឺរ៉ុបបើកការ​​​ស៊ើប​​​អង្កេត​​​អំពីគោល​​​នយោបាយ​​​ដី​​​សម្ប​ទាន​​​ដ៏​​​ចម្រូង​​​ចម្រាសរបស់​​​ប្រទេស​​​កម្ពុជា​​​ និង​​​លើក​​​ឡើង​​​អំពី​​​បញ្ហា​​​ ដែល​​​អាច​​​មានការ​​​​ដាក់​ទណ្ឌកម្ម​​​។ នៅ​​​ក្នុង​​​សេចក្ដី​​​សម្រេច​​​មួយ​​​ដែល​​​អនុម័ត​​​កាល​​​ពី​​​ថ្ងៃ​​​សុក្រ​​​ ក្នុង​​​ទី​​​ក្រុង​​​ព្រុចសែល សភា​សហភាព​​អឺរ៉ុប​​​ក៏​​​បាន​​​ថ្កោល​​​ទោស​​​ចំពោះ​អំពើ​​​ឃាតកម្ម​​​ធំៗ​​​ចំនួន​​​ពីរ ដែលបាន​កើត​ឡើង​នាពេលថ្មី​​​ៗនេះ ​​​​​​និង​​​សំណុំ​​​រឿង​​​តុលា​ការ​​​មួយ​​​ចំនួន​​​ ហើយ​​​បាន​​​ទទូច​​​ឲ្យ​​​រដ្ឋា​​​ភិបាល​​​កែ​​​តម្រូវ​​​កំហុស​​​ឆ្គង​​​នៅ​​​ក្នុង​​​ដំណើរ​​​ការ​​​បោះ​​​ឆ្នោត​​​របស់​​​ខ្លួន​​​ផងដែរ។ សេចក្ដី​​​សម្រេច​​​នេះ​​​ គឺ​​​ជា​​​ការ​​​រិះ​​​គន់​​​មួយ​​​យ៉ាង​​​ខ្លាំង​​​របស់​​​សហភាព​​​អឺរ៉ុប​​​ ដែល​​ជា​​​ម្ចាស់​​​ជំនួយ​​​ដ៏ធំបំផុត​​​របស់​​​ប្រទេស​​​កម្ពុជា​​​ ចំពោះ​​​របាយការណ៍​​​សិទ្ធិ​​មនុស្ស​​​របស់​​​ប្រទេស​​​កម្ពុជា​​​​នៅ​​​ប៉ុន្មាន​​​ឆ្នាំ​​​ថ្មីៗ​​​នេះ។ ថ្វី​​​បើ​​​សេចក្ដី​​​សម្រេច​​​មិន​​​បាន​​​បង្ខំ​​​គណៈ​កម្មាធិការ​​​សហភាពអឺរ៉ុប​​​ឲ្យ​​​ចាត់​​​វិធាន​​​ការ​​​ក្ដី​​​ប៉ុន្ដែ​​ វា​​​ក៏​​​បាន​​​អំពាវ​​​នាវ​​​ឲ្យ​​​គណៈកម្មាធិការ​​​សហភាពអឺរ៉ុប​​​ស៊ើប​​​អង្កេត​​​អំពី​​ការ​​​កើន​​​ឡើង​​​នៃ​​​ការ​​​រំលោភ​​​​​​សិទ្ធិ​​​មនុស្ស​​​​​​ក្នុង​​​ប្រទេស​​​​កម្ពុជា​​​ ដោយសារ​​​តែ​​​ដី​​​សម្បទាន​​​សេដ្ឋកិច្ច​​​...នឹង​​​ធ្វើ​​​ឲ្យ​​​មាន​​​ការ​​​ព្យួរ​​ជា​​​បណ្ដោះ​​​អាសន្ន​​​នៃ​​​គម្រោង​​​ នាំ​​​ចេញ​​​ទំនិញ​​​គ្រប់​​​ប្រភេទ​​​លើ​​​​​កលែង​​​តែ​​​អាវុធ​​​ ស្ដី​​​អំពី​​​ទំនិញ​​​ផលិតផល​​​កសិ​កម្ម​​​​របស់​​​ប្រទេស​​​កម្ពុជា​​​ នៅ​​​ក្នុង​​​ករណី​​​ដែល​​​ការ​​​រំលោភ​​​​​​សិទ្ធិ​​​មនុស្ស​​​ត្រូវ​​​បាន​​​គេ​​​រក​​​ឃើញ​​​ថា ​កើត​​​មានមែន​​​នោះ​​​។ អង្គការ​​​សិទ្ធិ​​​មនុស្ស​​​ទាំង​​​ក្នុង​​​ស្រុក​​​ និង​​​អន្ដរ​ជាតិ​​​បាន​​​លើក​​​ឡើង​​​ថា ការ​​​ផ្ដល់​​​ដី​​​សម្បទាន​​​សេដ្ឋកិច្ច​​​បែប​​​នេះ​​​ទៅ​​​ឲ្យ​​​ក្រុមហ៊ុន​​​កសិកម្ម​​​ធំៗ​​​​មួយ​​​ចំនួន​​​ គឺ​​​នាំ​​​ឲ្យ​​​មាន​​​បញ្ហារំលោភ​​​​​​សិទ្ធិ​​​មនុស្សកើតមាន​​​នៅ​​​ក្នុង​​​ប្រទេស​​​កម្ពុជា​​​ និង​​​បាន​​​ស្ដី​​​បន្ទោស​​​គោល​​​នយោបាយ​​​នេះ​​​ថា ​បាន​​​​ធ្វើ​​​ឲ្យ​​​ប្រជា​​​ពលរដ្ឋ​​​រាប់​​​ម៉ឺន​​​នាក់​​​ នៅ​​​ទូ​​​ទាំង​​​ប្រទេស​​​កម្ពុជា ជួបបញ្ហាខ្វះ​​​ផ្ទះ​​​ដំបែង​​​។ ​​ជា​​​រឿយ​​​ៗ​​​គ្មាន​​​ដំណោះ​​​ស្រាយ​​​ត្រឹម​​​ត្រូវ​​​ និង​​​តែងតែ​​​ធ្វើ​​​ឲ្យ​​​ប្រជា​​​ពលរដ្ឋ​​​ជា​​​ច្រើន​​​គ្រួសារ​​​បន្ដ​​​​​​ធ្លាក់​​​ក្នុង​​​ភាព​​​ក្រីក្រ​​​។ បន្ទាប់​​​ពី​​​របាយការ​​​ណ៍​​​ប្រចាំ​​​ឆ្នាំ​​​នៃ​​​ការ​​​ចេញ​​​អាជ្ញា​​​ប័ណ្ណ​​​របស់​​​រដ្ឋា​​​ភិបាល​​​កម្ពុជា​​​នៅ​​​ក្នុង​​​ឆ្នាំ​​​២០១១​​​ ដី​​​សម្បទាន​​​សេដ្ឋ​កិច្ច​​​ឥឡូវ​​​នេះ​​​មាន​​​រហូត​​​ដល់​​​ទៅ​​​ពីរ​​​លាន​​​ហិក​តា​​​​ហើយ​​​ គឺ​​​ប្រហែល​​​ជា​​​​​​១០​​​ភាគរយ​​​នៃ​​​ដី​​​ធ្លី​​​ ដែល​មាន​​​ប័ណ្ណ​​​កម្មសិទ្ធិ​​​នៅក្នុង​​​ប្រទេស​​​កម្ពុជា​​​។ ដោយសារ​​​តែ​​​មាន​​​ចំណុច​​​ខ្វះ​​​ខាត​​​ និង​​​ការ​​​អនុវត្ត​​​ច្បាប់​​​ធូរលុង​​​ រដ្ឋា​​​ភិបាល​​​បាន​​​ផ្ដល់​​​ព្រៃ​​​សម្បទាន​​​ជា​​​ច្រើន​​​ កាត់ចេញពី​តំបន់​​​ព្រៃ​​​ការ​ពារ ដោយមាន​​ទំហំលើសពី​មួយ​​​ម៉ឺន​​​ហិកតា​​ ដែល​​​ច្បាប់​​​បាន​​​កំណត់។ ​​​ក្នុង​​​របាយ​ការណ៍​​​​ចុង​​​ក្រោយ​​​របស់​​​ខ្លួន ​​​លោក​​​ សុរិយា ​ស៊ូបេឌី ​ប្រេសិត​​​សិទ្ធិុ​​​មនុស្ស​​​អង្គការ​​​សហ​​​ប្រជា​​​ជាតិ​​​ប្រចាំ​​​ប្រទេស​​​កម្ពុជា​​​ ក៏​​​បានរិះគន់ការ​​​ផ្ដល់​​​សម្ប​​​ទាន​ផងដែរ ហើយ​​​បាន​​​គូស​​​បញ្ជាក់​​​ថា ការ​​​ផ្ដល់​​​​​​សម្បទាន​​​ទាំង​​​នេះ​​​មិន​​​បាន​​​ផ្ដល់​​​ផល​​​ប្រយោជន៍​​​​ដល់ប្រជាពល​​​រដ្ឋ​​ខ្មែរ​​​មួយ​​​ចំនួន​​​ឡើយ​​​។ លោក​​នាយក​​​រដ្ឋ​​​មន្ត្រី​​​ ហ៊ុន សែន​​​ កាល​​​ពី​​​ខែ​​​ឧសភា បាន​​​ចេញ​​​បទ​​​បញ្ជា​​​ជាបន្ទាន់​​​មួយ​​​ឲ្យ​​​ផ្អាក​​​ការ​​​ផ្ដល់​​​ដី​​​សម្បទាន​​​ថ្មីៗ​​​ទាំង​​​អស់​​​ ហើយ​​​ឲ្យ​​​ត្រួត​​​ពិនិត្យ​​​ឡើង​​​វិញ​​​តាម​​​ផ្លូវ​​​ច្បាប់​​​លើ​​​ករណី​​​ដែល​​​កើត​​​មាន​​​ពីការ​​​ផ្ដល់​​​ដី​​​សម្បទានសេដ្ឋ​​​កិច្ច​​​។ប៉ុន្ដែ ទោះជាយ៉ាង​​​ណាក៏មាន​​​ការ​​​ផ្ដល់​​​​ដី​​​សម្បទាន​​​សេដ្ឋកិច្ច​​​មួយ​​​ចំនួន​​​បាន​​​កើន​​​ឡើង​​​ដែរ​​​ ចាប់​​​តាំង​​​ពី​​​មាន​​​បទ​​​បញ្ជា​​​ឲ្យ​​​ផ្អាក​​​មក ​​​ដោយ​​​មន្ត្រី​​​រដ្ឋាភិបាល​​​​ បាន​ធ្វើ​ការ​​​អះអាង​​​ថា ការ​​​ផ្ដល់​​​​ដី​សម្ប​ទាន​សេដ្ឋកិច្ច​​​ទាំង​​​នេះ​ ​​បាន​​​ធ្វើឡើងមុន​​​សេចក្ដី​​​ប្រកាស​​​ការ​​​ផ្អាក​​​ផ្ដល់​​​ដី​​​សម្បទាន​​​សេដ្ឋកិច្ច​​​ថ្មីៗ​​​មក​​​ម្លេះ​​​។ ក្រៅ​​​ពី​​​ដីសម្បទាន​​ សេចក្ដីសម្រេច​​​កាល​​​ពី​​​ថ្ងៃ​​​សុក្រ​​​ ចោទ​​​ប្រកាន់​​​កង​​កម្លាំង​សន្ដិសុខ​​​របស់​​​ប្រទេស​​​កម្ពុជា ​​​ពី​​​បទ​​​ប្រើ​​​កម្លាំង​​​ហួស​​​ហេតុ​​​ប្រឆាំង​​​នឹង​​​អ្នក​​​តវ៉ា​​​ និងជំទាស់​​​ដាច់​​​អហង្កា​​​រចំពោះ​​​អំពើ​​​ឃាត​​​កម្ម​​​មកលើ​​​លោក ​ឈុត វុទ្ធី ​​សកម្ម​​​ជន​​​ការ​​​ពារ​​​ព្រៃ​​​ឈើ​​​ កាល​​​ពី​​​ខែ​​​មេសា និងអំពើ​​​ឃាត​​​កម្ម​​​មក​​​លើ​​​ក្មេងស្រី​ហេងចន្ថាអាយុ​​​១៤​​​ឆ្នាំ​​​ កាល​​​ពី​​​ខែ​​​ឧសភា អំឡុងការ​​​បណ្ដេញ​​​ចេញ​​​ដោយ​​​បង្ខំ​​​មួយ​​​ ដោយ​​​អ្នក​​​ទាំង​​​ពីរ​​​សុទ្ធ​​​តែ​​​ត្រូវ​​​កង​​​សន្ដិ​សុខ​​​សម្លាប់​​​។ សាលាដំបូង​​​ខេត្ត​​​កោះ​​​កុង ​កាលពី​ពេល​ថ្មីៗនេះ​​​បាន​​​បិទការ​​​ស៊ើប​​​អង្កេត​​​ករណី​​​អំពើ​​​ឃាតកម្ម​​​មកលើ​​​លោក ឈុត វុទ្ធី ដោយ​​​សារ​តែជន​​​សង្ស័យ​​​ ដែល​​​ជា​​​ឃាតករ​​​សម្លាប់​​​លោកឈុតវុទ្ធីក៏​​​បាន​​​ស្លាប់​​​នៅ​ពេល​​​នោះដែរ​​​។ ​មន្ត្រី​​​រដ្ឋាភិបាល​​​ក៏​​​បាន​​​ច្រាន​​​ចោល​​​ការ​​​ស៊ើប​​​អង្កេត​​​លើ​​​ករណីបាញ់សម្លាប់​​​ក្មេងស្រី​​​ឈ្មោះ​​​​​ហេង  ចន្ថា  ដែរ​​​ ពី​​​ព្រោះ​​​ពួក​​​គេ​​​​​​លើក​​​ឡើង​​​​ថាវា​​​គឺ​​​ជា​​​រឿង​​​ចៃ​​​ដន្យ​​​។ សភា​​​សហភាពអឺរ៉ុប​​​ក៏​​​បាន​​​អំពាវ​​​នាវ​​​ឲ្យ​​​មាន​​​ការ​​​ដោះ​​​លែង​​​លោក ម៉ម សូណង់ដូ ​ប្រធាន​​​វិទ្យុ​​​សម្បុក​​​ឃ្មុំ ភ្លាម​​​ៗ​​​ដែរហើយបាន​​​ថ្កោល​​​ទោស​​​ចំពោះ​​​ការ​​​ចោទ​​​ប្រកាន់​​​មេ​​​ដឹក​​​នាំគណបក្ស​​​ប្រឆាំង​​​ គឺ​​​លោក សម ​រង្ស៊ីថា ​ជា​រឿង​​​នយោបាយ​​​​​​។ លោក​​​ ម៉ម សូណង់ដូ ត្រូវ​​​បាន​​​សាលា​ដំបូងរាជធានីភ្នំពេញផ្ដន្ទាទោស​​​ឲ្យ​​​ជាប់​​​ពន្ធ​នា​គារ​​​រយៈ​​​ពេល​​​២០​​​ឆ្នាំ​​​ កាល​​​ពី​​​ថ្ងៃ​​​ទី​​​១ខែ​​​តុលា ពី​​​បទ​​​ញុះញង់ឲ្យ​​​មាន​​​ចលនា​​​អបគមន៍​​​នៅ​​​តំបន់​​​ជនបទ​​​មួយ​​​នៅ​ក្នុង​​​ខេត្ត​​​ក្រចេះ។ ​អង្គការ​​​សិទ្ធិមនុស្ស​​​បាន​​​ហៅ​​​បទ​​​ចោទ​​​នេះ​​​ថា ជា​​​ការ​​​គំរាម​​​ដល់​​សំឡេងឯករាជ្យ​​​មួយ ​​​ក្នុង​​​ចំណោម​​​សម្លេង​​​ឯករាជ្យ​​​ជា​​​ច្រើននៅ​​​ក្នុង​​​ប្រទេស​​​​កម្ពុជា​​​។ ម្ចាស់​​​ជំនួយ​​​បរទេស​​​របស់​​​ប្រទេស​​​កម្ពុជា​​​មួយ​​​ចំនួន រួមជាមួយ​​​អង្គការ​​​សិទ្ធិមនុស្ស​​​ បាន​​​​ថ្កោល​​​ទោស​​​ចំពោះ​សាល​ក្រម​នេះ​​​ដែរ​​​។ លោក សម រង្ស៊ី បាន​​​និរទេស​​​ខ្លួន​​​ទៅ​​​រស់​​​នៅ​​​ប្រទេស​​​បារាំង​​​ ដើម្បី​​​គេចពី​​​ការ​​​ផ្ដន្ទា​ទោស​​​​ឲ្យ​​​ជាប់​​​ពន្ធនាគារ​​​រយៈ​​​ពេល​​​១១​​​ឆ្នាំ ពី​​​បទដក​​​​​​បង្គោល​​​​​​​​​​​​​​​តម្រុង​​​ព្រំដែន​​​​​​បណ្ដោះ​​​អាសន្ន​​​ នៅ​តាម​​​ព្រំដែន​​​កម្ពុជា​​​-វៀតណាម​​​ និង​​​ពីបទ​​​ផ្សាយ​​​​ផែន​​​ទី​​​តាម​​​ព្រំ​​​ដែន ​​ដែល​​​មាន​​​ជម្លោះ​នៅ​​​តាម​​​អុីនធើណិត។ ដោយ​​​ការ​​​បោះ​​​ឆ្នោត​​​ជាតិ​​​នឹ​​​ងជិត​មក​ដល់​​​​នៅខែ​​​កក្កដា​​​ឆ្នាំក្រោយ សេចក្ដី​​​សម្រេច​​​នេះ​​​ក៏​​​បាន​​​លើក​​​ឡើង​​​ដែរ​​​ថា មាន​​​កំហុស​​​ឆ្គង​​​ជា​​​ច្រើន​​​នៅក្នុង​​​ដំណើរ​​​ការ​​​បោះ​​​ឆ្នោត​​​ ដោយ​​​សហភាព​​​អឺរ៉ុប​​​បាន​​​គូ​​ស​​​បញ្ជាក់​​​ថា ការ​​​បោះ​​​ឆ្នោត​​​ជាតិ​​​លើក​​​ចុង​​​ក្រោយ​​​ក្នុង​​​ឆ្នាំ ២០០៨​​​មិន​​​បានធ្វើ​​​ទៅ​​​តាម​​​បទ​​​ដ្ឋាន​​​អន្តរជាតិឡើយ​​​ហើយ​​​បាន​​​ទទូច​​​ឲ្យ​​​រដ្ឋាភិបាល​​​ទទួល​​​យក​​​កំណែ​​​ទម្រង់​​​បោះ​​​ឆ្នោត​​​ដែល​​​ស្នើ​​​ឡើងដោយ​​​លោក សុរិយា ស៊ូបេឌី។ លោកផៃស៊ីផានអ្នក​​​នាំ​​​ពាក្យ​​​ទី​​​ស្ដីការ​​​គណៈរដ្ឋ​​​មន្ត្រី​​​បាន​​​ហៅ​​​ការ​​​អះអាង​​​របស់​​​សេចក្ដី​​​សម្រេច​​​នេះ​​​ថា មិន​​​យុត្តិធម៌​​​ ហើយ​​​លោក​​​បាន​​​ថ្លែង​​​ថា ករណីរំលោភ​​​​​​សិទ្ធិមនុស្ស​​​ ដែល​​​ជាប់​​​ពាក់​​​ព័ន្ធ​​​នឹង​​​ដី​​​សម្បទាន​​​សេដ្ឋកិច្ច្​​​គឺ​​​ជារឿង​​​មួយ​​​កើត​​​ឡើង​​​ម្ដង​​​ម្កាល​​​ប៉ុណ្ណោះ​​​មិនមែនតាម​​​ទម្លាប់​​​ឡើយ​​​។ លោក ផៃ ស៊ីផាន​​​ បា​ន​​​ថ្លែងថា “ ប្រសិន​​​បើ​​​មាន​​​ដើម​​​ឈើ​​​អាក្រក់​​​មួយដើម​​​ តើ​​​វា​​​មាន​​​ន័យ​​​ថា ដើម​​​ឈើ​​​នៅ​​​ក្នុង​​​ព្រៃ​​​ទាំង​​​មូល​​​សុទ្ធ​​​តែ​​​អាក្រក់​​​ឬ? ខ្ញុំ​​​មិន​​​គិតដូច្នោះ​​​ឡើយ​​​”។លោកបានចាត់​​​ទុ​​ក​​​ការ​​​​​ដែលអាច​​​បាត់​​​បង់​​​ពាណិជ្ជកម្ម​​​សេរី​​​ទៅកាន់​​​តំបន់​​​អឺរ៉ុប​​​មិន​​​សូវ​​​ជាសំខាន់​​​នោះ​​​ឡើយ​​​។ លោក​​​មាន​​​ប្រសាសន៍​​​ថា “ ប្រសិន​​​បើ​​​ពួក​​​គេ​​​គិត​​​ថា មិន​​​អាច​​​ធ្វើ​​​ពាណិជ្ជកម្ម​​​ជាមួយ​​​​ប្រទេស​​​កម្ពុជា​​​បាន​​​នោះ ពួក​​​គេ​​​មិន​​​ចាំបាច់​​​ធ្វើ​​​ជាមួយ​​​ឡើយ​​​។ តែ​​​យើង​​​នៅ​​​តែចាត់​​​ទុក​សហភាព​​​អឺរ៉ុប​​​ជាមិត្ត​​​ដ៏ល្អ”​​​។ ចំពោះបញ្ហា​​​ឃាតកម្ម​​​ និង​​​សំណុំ​​​រឿង​​​តុលាការ​​​ប្រឆាំង​​​នឹង​​​សកម្មជន​​​ លោក ​ផៃ ​ស៊ីផាន បាន​​​ថ្លែង​​​ថា តុលាការ​​​ក្នុង​​​ស្រុក​​​ពិត​ជា​បាន​​​ធ្វើ​​​ការទៅ​​​តាម​​​តួនាទីរបស់​​​ខ្លួន​​​។  លោក​​​បាន​​​ថ្លែង​​​ថា "យើង​​​មាន​​​ច្បាប់​​​ ហើយ​​​តុលាការ​​​ពិតជាបាន​​​ធ្វើ​​​ទៅតាម​​​ច្បាប់​​​។ ការ​​​បញ្ចេញសម្លេង​​​មិន​​​បាន​​​ជួយ​​​អ្វី​​​ឡើយ"។ លោក ផៃ​​​ ស៊ីផាន ក៏​​​បាន​​​ទទូច​​​​​​ឲ្យ​​​សហភាព​​​អឺរ៉ុប​​​ឈប់​​​រិះគន់​​​ប្រទេស​​​កម្ពុជា​​​ដែរ​​​ ហើយបាន​​​ទទូច​​​ឲ្យ​​​ជួយ​​​បន្ដ​​​ផ្ដល់​​​ជំនួយ​​​ដល់​​​ប្រទេស​​​កម្ពុជា​​​បន្ដ​​​ទៀត​​​។ លោក​​​បាន​​​បន្ដ​​​ថា "​​​សហភាព​​​អឺរ៉ុប គួរ​​​តែ​​​ផ្ដោត​​​លើ​​​ការ​​​ពង្រឹង​​​ច្បាប់​​​ប្រសើ​​​រជាង​​​ការ​​​លេង​​​នយោបាយ​​​"។ លោក​​​ស្រី មូ សុខហួរ សមាជិក​​​សភា​​មក​​​ពី​​​គណបក្ស​​​ប្រឆាំង​​​​បាន​​​ស្វា​​​គមន៍​​​ចំពោះ​​​សេចក្ដី សម្រេច​​​កាល​​​ពី​​​ថ្ងៃ​​​សុក្រ​​​។ លោក​​​ស្រី មូ សុហួរ បាន​​​លើកឡើង​​​នៅលើ​​​គេហទំព័រ​​​ផ្ទាល់​​​ខ្លួន​​​របស់​​​លោក​​​ស្រី​​​កាល​​​ពី​​​ថ្ងៃ​​​សៅរ៍​​​ថា "​​​សភាសហភាព​​​អឺរ៉ុបបានគិត​​​គូ​​​រពី​​​ការ​​​ផ្ដល់​​​យុត្តិធម៌​​​ដល់​​​ជន​​​រង​​​គ្រោះ​​​ ដោយសារ​​​តែ​​​គោល​​​នយោបាយ​​​ដី​​​សម្បទាន​​​សេដ្ឋកិច្ចរបស់​​​រដ្ឋាភិបាលកម្ពុជា​​​"។ លោក​​​ស្រី​​​បាន​​​ថ្លែង​​​ថា នេះ​​​ជា​​​លើក​​​ដំបូងហើយ​​​ដែល​​​យើង​​​បាន​​​ឃើញ​​​សញ្ញា​​​នៃ​​​ក្ដី​​​សង្ឃឹម​​​ ​​​ដោយ​​​មាន​​​ការ​​​ដាក់​​​សំពាធ​​​ជា​​​ច្រើន​​​ពី​​​ប្រទេសក្នុង​​​តំបន់​​​អឺរ៉ុប​​​ រួម​​​មានការ​​​នាំ​​​យក​​ក្រុមហ៊ុនទាំង​​​នេះ​​​ទៅ​​​កាន់​​​តុលាការ​​​ ដោយ​​​នេះ​​​បង្ហាញ​​​ឲ្យ​​​ឃើញសេចក្ដី​​សង្ឃឹម​​​​​​ថា បានយុទ្ធនាការធ្វើពហិកាកុំទិញ​​​ស្ករ​ឈាម​​​នៅលើពិភព​​​លោក​​​ គឺ​​​កំពុង​​​តែ​​​បង្ហាញ​​​ថា បាន​​​ទទួល​​​ជោគ​​​ជ័យ​​​ហើយ។ ជំហ៊ាន​​​លើក​​​ក្រោយ​​​ គឺ​​​ការ​​​ព្យួរ​​​យ៉ាង​​​ពិត​​​ប្រាកដចំពោះ​​​គម្រោង​​​នៃ​​​ការ​​​នាំ ចេញ​​​ទំនិញគ្រប់​​​យ៉ាង​​​លើក​​​លែង​​​តែ​​​អាវុធ​​​"។ ដី​​​សម្បទាន​​​ដែល​​​បាន​​​ផលិត​​​ និង​​​នាំ​​​ចេញ​​​ស្ក​​​ទៅ​​​កាន់​​​តំបន់​​​អឺរ៉ុប ដោយ​​​រួច​​​ពន្ធ​​​ក្រោម​​​គម្រោង​​​ពាណិជ្ជកម្ម​​​នៃ​​​ការ​​​នាំ​​​ចេញ​​​ទំនិញ​​​គ្រប់​​​យ៉ាង​​​លើកលែង​​​តែ​​​អាវុធ​​​របស់​​​សហភាព​​​អឺរ៉ុប​​​ត្រូវ​​​ទទួល​​​រង​​​ការ​​​រិះ​​​គន់​​​យ៉ាង​​​ខ្លាំង​​​ពី​​​អង្គការ​​​សិទ្ធិមនុស្ស​​​ និង​​​អង្គការ​​​ផ្សេង​​​ៗទៀត​​​។ យោង​​​តាម​​​របាយការណ៍​​​ផ្នែកពាណិជ្ជ​​​កម្ម​​​របស់​​​សហភាព​​​អឺរ៉ុបបានឲ្យដឹងថា​​​ ចម្ការ​​​អំពៅ​​​របស់​​​ប្រទេស​​​កម្ពុជា ​​​ដែល​​​ទទួល​រង​ការ​​ចោទ​​​ប្រកាន់​​​ថា បាន​​​បង្ខំ​​​ឲ្យ​​​ប្រជា​​​ពលរដ្ឋ​​​រាប់​​​រយ​​​គ្រួសារ​​​ចាក​​​ចេញ​​​ពី​​​ដីធ្លីរបស់​​​ខ្លួន​​​បាន​​​នាំ​​​ចេញ​​​ស្ក​​ ដែល​​​គិត​​​ជា​​​ទឹក​​​ប្រាក់មាន​​​ចំនួនរហូតដល់​​​១៤,​​​៦​​​លាន​​​ដុល្លារ​​​ទៅ​​​កាន់​​​ប្រទេស​​​អង់​​​គ្លេស ដោយ​​​មាន​​​ជំនួយ​​​ពី​​​គម្រោង​​​នៃ​​​ការ​​​នាំ​​​ចេញ​​​ទំនិញគ្រប់​​​ប្រភេទ​​​លើកលែង​​​តែ​​​អាវុធ​​​កាល​​​ពី​​​ឆ្នាំមុន​​​ ហើយ​​​ការ​​​នាំ​​​ចេញ​​​កាល​​​ពី​​​ឆ្នាំ​​​មុន​​​នេះ​ ​​មាន​​​ចំនួន​​​លើស​​​​​​ជាង​​​ពីរ​​​ដង​​​នៃ​​​ឆ្នាំ​​​ទៅ​​​មួយ។ ក្រុម​​​គ្រួសារ​​​ដែល​​​ត្រូវ​​​បណ្ដេញ​​​ចេញ​​​បាន​​​ចោទ​​​ប្រកាន់​​​កង​​​សន្ដិសុខ​​​ថា បាន​​​ដុត​​​ផ្ទះ​​​ដំបែង​​​របស​់​​​ខ្លួន និង​​​បាន​​​វាយ​​​ដំ​​​ពួក​​​គាត់​​​អំឡុងពេល​​​បណ្ដេញចេញ​​​។ ហើយ​​​មាន​​​យ៉ាង​​​តិច​​​ណាស់​​​ពីរ​​​នាក់​​​បាន​​​និយាយ​​​ថា ពួក​​​គាត់​​​ត្រូវ​​​បាន​​​គេ​​​បាញ់​​​។ ក្រុមគ្រួសារ​​​ជា​​​ច្រើន​​​ និង​​​អង្គការ​​​ក្រៅ​​​រដ្ឋាភិបាល​​​ដែល​​​បាន​​​ដឹក​​​នាំ​​​យុទ្ធនាការ​​​មួយ​​​​​​ ដើម្បី​​​ឲ្យ​​​អ្នក​​​ប្រើ​​​ប្រាស់​​​នៅ​​​សហភាព​​​អឺរ៉ុប​​​ទាំង​​​អស់​​​ធ្វើពហិការ​​​ ចំពោះ​​​ក្រុមហ៊ុនកម្ពុជា​​​ដែល​​​បាន​​​វិនិយោគ​​​លើ​​​ចម្ការ​​​អំពៅ​​​ និង​​​បាន​​​លក់​​​ផលិត​​​ផល​​​របស់​​​ខ្លួន​​​ថា បាន​​​ចាត់​​​ទុក​​​ថា បាន​​​នាំ​​​ចេញទាំង​​​នោះ​​​គឺ​​​ជា​​​ការនាំ​​​ចេញ​​​ស្ក​​​ប្រឡាក់​​​ឈាម​​​។ លោក ស៊ីវ័យ យ៉េ (Shiwei Ye) តំណាង​​​របស់​​​សហព័ន្ធ​​​សិទ្ធិ​​​មនុស្ស​​​អន្តរជាតិ (International...

ក្រុម​ហ៊ុន​ផ្តល់​សេវាកម្មបម្រើការតាមផ្ទះ​អាចជា​ជម្រើស​សម្រាប់​កាត់​បន្ថយ​ចំណាក​ស្រុក

ក្រុមហ៊ុន​​ផ្តល់​សេវាកម្ម​បប្រើការតាមផ្ទះ​ថ្មី​មួយ​ ដែល​អះ​អាង​ថា​ ជា​ក្រុម​ហ៊ុន​ផ្តល់​សេវា​​កម្ម​ផ្នែក​បម្រើការតាមផ្ទះ​តែ​មួយ​គត់​នៅ​ប្រទេសកម្ពុជា​ កំពុង​តែ​ផ្តល់​ជា​ជម្រើស​ការងារ​បន្ថែម​ទៀត​ ដល់​ពលករ​កម្ពុជា​ ដែល​ប្រឈមមុខ​នឹង​ស្ថាន​ភាព​ការងារ​គ្មាន​សុវត្ថិ​ភាព​ និង​មាន​ការ​រំលោភ​បំពាន​នៅ​ឯ​បរទេស​។ លោក​ ឈួរ​ ឈុនហួរ​ ម្ចាស់​ក្រុម​ហ៊ុន​ មីង​ ហួរ​ ហូម សឺវីស​ (Ming Hour Home Service)​ បានមាន​ប្រសាសន៍​កាលពី​ថ្ងៃ​ព្រហស្បតិ៍​ថា ​ ក្រុម​ហ៊ុន​របស់​លោក​បាន​បើក​ដំណើរ​ការ​កាល​ពី​ខែ​កក្កដា​ ហើយ​ជ្រើស​រើស​ពលករ​ឲ្យ​ចូល​បម្រើ​ការ​ងារ​បាន​ចំនួន​៣០០​នាក់​ហើយ។​ ពលករ​ទាំង​នោះ​មាន​វ័យ​ចន្លោះ​ពី​១៨​ ដល់​ ៤៥​ឆ្នាំ​ ហើយ​ភាគ​ច្រើន​បម្រើការ​ងារ​ជា​អ្នកបម្រើ​ការ​តាមផ្ទះ​ ក៏​ប៉ុន្តែ​ មាន​អ្នក​ខ្លះ​បម្រើការ​ងារ​ជា​ ចុង​​ភៅ​ អ្នក​ថែ​ទាំ​ក្មេង​ អ្នក​បម្រើ​នៅ​តាម​ភោជ​​នីយដ្ឋាន​ និង​អ្នក​លក់​ដូរ​ឲ្យ​ក្រុម​ហ៊ុន​ជា​ដើម។ លោក​ ឈុនហួរ​ បាន​ឲ្យ​ដឹង​ទៀត​ថា​ ពល​ករ​របស់​លោក​ ត្រូវ​បាន​ធានា​ថា​ នឹង​ទទួល​បាន​ប្រាក់​ខែ​អតិបរមា​ចំនួន​៦៥​ដុល្លារ​ក្នុង​មួយ​ខែ​ ហើយ​ទទួល​​​ការការ​ពារ​ពី​សំណាក់​ក្រុមហ៊ុនក្នុង​ករណី​ពលករ​ត្រូវ​គេ​ប្រើ​អំពើហិង្សា​ ឬក៏បំពារ​បំពាន​ផ្លូវ​ភេទ​ ពីព្រោះ​អតិថិជន​ ដែលត្រូវ​​​ការ​ពលករ​ត្រូវ​តែ​ចុះ​កិច្ច​សន្យា​ជា​មុន​សិនមុន​ពេល​​​ជួល​ពលករ​ពីក្រុម​ហ៊ុន​របស់​លោក។ លោក​ ​មាន​ប្រសាសន៍​ដូច្នេះ​ថា​ “ យើង​មាន​ចុះ​កិច្ច​សន្យា​ ដើម្បី​ធានា​ឲ្យ​បាន​នូវ​លក្ខខណ្ឌ​​ការ​ងារ​ ដែល​មាន​សុវត្ថិ​ភាព។​ ប្រសិន​បើ​មាន​អ្វី​កើត​ឡើង​ ដែល​ជាប់​ពាក់​ព័ន្ធ​នឹង​ម្ចាស់​ផ្ទះ​ ឬក៏​ក្រុម​ហ៊ុន​ នោះ​យើង​នឹង​ទៅ​ដោះ​​ស្រាយ​បញ្ហា​ភ្លាមៗ​”។ លោក​ ហែម ប៊ុននី​ ប្រធាន​នាយក​ដ្ឋាន​មុខ​របរ​ និង​ការងារ​ នៅ​ឯ​ក្រសួង​ការងារ​បាន​មាន​ប្រសាសន៍​ថា​ ក្រុម​ហ៊ុន​ផ្តល់​សេវា​កម្ម​បម្រើការ​តាមផ្ទះ​ អាច​ជួយ​លើក​ទឹក​ចិត្ត​ពល​ករ​កុំឲ្យ​ធ្វើ​ចំណាក​ស្រុក​ទៅ​ធ្វើ​ការ​នៅ​បរទេស។ លោក​បាន​ឲ្យ​ដឹង​ដូច្នេះ​ថា​ “យើង​ចង់​មាន​ក្រុម​ហ៊ុន​ផ្តល់​ការ​ងារ​ធ្វើ​នៅ​ក្នុង​ស្រុក​ច្រើនដើម្បី​ធ្វើ​យ៉ាង​ណា​កុំឲ្យ​ពួក​គេ​​ធ្វើ​ចំ​ណាក​ស្រុក​”។កាល​ពី​ខែ​តុលា​ រដ្ឋា​ភិបាល​កម្ពុជា​ បាន​ចេញ​បញ្ជា​បិទ​មិន​ឲ្យ​ទីភ្នាក់​ងារ​ជ្រើសរើស​ពលករ​បញ្ជូន​ពលករ​ទៅ​ធ្វើការ​ងារ​នៅ​ប្រទេស​ម៉ាឡេស៊ី​ ទៀត​ បន្ទាប់​ពី​មាន​របាយការណ៍​ស្តីអំពី​ការ​រំលោភ​បំពាន​ពលករ​នៅ​ទីនោះ​កាន់​តែ​ច្រើន​ឡើង។ កញ្ញា​ រស់​ លក្ខ​ណ៍វ័យ​២២​ឆ្នាំ​ ដែល​ទើប​តែ​វិល​ត្រឡប់​មក​ពី​បម្រើការ​ងារ​ជាអ្នក​បម្រើការតាមផ្ទះ​នៅ​ប្រទេស​ម៉ាឡេ​ស៊ី ​ចាប់​តាំង​ពី​ឆ្នាំ​២០០៩​មក​បាន​និយាយ​ថា​ រូប​នាង​ទទួល​បាន​ប្រាក់​ខែ​ចំ​នួន​១៨០​ដុល្លារ​ក្នុង​មួយ​ខែ​ ក៏​ប៉ុន្តែ​ នាង​ត្រូវ​បាន​គេ​ធ្វើបាប។ នាង​បាន​លើក​​ឡើង​ថា​ “​ ខ្ញុំ​ធ្វើការ​រយៈ​ពេល​១២​ម៉ោង​ក្នុង​មួយ​ថ្ងៃ​ ហើយ​ពួកគេ​នៅ​តែ​ខឹង​នឹង​ខ្ញុំ​...

​​ក្រុម​ហ៊ុន​អាកាស​ចរណ៍​ចំនួន​បី​ទៀត​​​ ​នឹងហោះ​ហើរ​មក​​កម្ពុជា

យោង​តាម​ក្រុម​ហ៊ុន​ អាកាស​យាន​ដ្ឋាន​កម្ពុជា​ (Cambodia Airports)​ ដែល​ជា​ក្រុម​ហ៊ុន​ គ្រប់​គ្រង​ និង​ធ្វើ​ប្រតិបត្តិ​ការ​អាកាស​យាន​ដ្ឋាន​នៅ​ក្នុង​ប្រទេស​កម្ពុជា​ បាន​ឲ្យ​ដឹង​ថា​ នៅ​​ពេល​ឆាប់ៗ​ខាង​មុខ​នេះ​ ក្រុម​ហ៊ុន​អាកាស​ចរណ៍​អន្តរជាតិ​ចំនួន​បី​ទៀត​ នឹង​ចាប់​ផ្តើមធ្វើ​ប្រតិបត្តិ​ការ​ហោះហើរ​មក​កាន់​អាកាស​យាន​​ដ្ឋាន​អន្តរជាតិ​ចំនួន​ពីរ​របស់​ប្រទេស​កម្ពុជា។ ក្រុម​ហ៊ុន​អាកាសយានដ្ឋាន​កម្ពុជា​ បាន​ប្រកាស​នៅ​ក្នុង​សប្តាហ៍​នេះ​ថា​ ក្រុម​ហ៊ុន​ អាកាសចរណ៍​ ឡាវ​ (Lao Central​Airlines)​ និង​ក្រុម​ហ៊ុន​ កាតា​ អ៊ែរវេ​ (Qatar Airways)​ នឹង​ផ្តល់​សេវាកម្ម​ហោះ​ហើរ​មក​កាន់​រាជធានី​ភ្នំ​ពេញ​ ហើយ​ក្រុម​ហ៊ុន​ ខុនឌ​ (Condor)​ ដែល​មាន​មូលដ្ឋាន​នៅ​ទីក្រុង​ ហ្វ្រែង​ហ្វឺត​ (Frankfurt)​ ប្រទេស​អាល្លឺម៉ង់​ នឹង​ផ្តល់​សេវាកម្ម​ហោះ​ហើរ​ដោយ​ផ្ទាល់​មក​កាន់​ខេត្ត​សៀម​រាប។ ក្រុម​ហ៊ុន​ ខុនឌ​ គឺ​ជា​ក្រុម​ហ៊ុន​អាកាស​ចរណ៍​មួយ​ ក្នុង​ចំណោម​ក្រុម​ហ៊ុន​អាកាសចរណ៍​ទាំង​បី​ ដែល​នឹង​ហោះ​ហើរ​មក​ចុះ​ចត​នៅ​ក្នុង​ប្រទេស​កម្ពុជា​មុន​គេ។​ ក្រុម​ហ៊ុន​នេះ​ ផ្តល់​សេវាកម្ម​ហោះ​ហើរ​រៀង​រាល់​សប្តាហ៍​ ពី​ទី​ក្រុង​ ហ្វ្រែង​ហ្វឺត​ ដោយ​ប្រើ​យន្ត​ហោះ​ធុន​...

លោក​នាយក​រដ្ឋ​មន្ត្រី​ ហ៊ុន ​សែន​ បាន​​​ស្តី​បន្ទោស​​​ដល់​​​ពួក​​​ឧទ្ទាម​សាសនា​មកពី​​​ខាង​​​ក្រៅតំបន់​​

កាល​ពី​ពុធ​ ​លោក​នាយក​​រដ្ឋ​​មន្ត្រី​ ហ៊ុន ​សែន​បាន​ស្តី​បន្តោស​ប្រទេស​មិន​មែន​ជា​​សមា​ជិក​អា​ស៊ាន​ចំពោះជម្លោះ​ខាង​​​សាសនា​នៅ​​​ក្នុង​តំ​បន់​ និង​បាន​ជំរុញឲ្យ​​​​រដ្ឋ​​ជា​សមាជិក​​អា​ស៊ាន​បង្កើន​​​កិច្ច​​​ខិត​ខំ​ប្រឹង​ប្រែង​របស់​ខ្លួន ​​​ដើម្បី​ជំរុញ​​ឲ្យ​មាន​​​ការ​​​​​អត់​ឱន​​ទៅ​វិញ​ទៅ​មក​​​រវាង​​​​អ្នក​​​មាន​​​ជំនឿសាសនា​ខុសគ្នា។ ថ្លែង​​​សុន្ទរកថាបើក​​​​​កិច្ច​ប្រជំុ​ក្រុម​ប្រឹក្សា​សហ​គ​មន៍​សង្គម​វប្ប​ធម៌​​អាស៊ាន​​​លើក​ទី​៨​​​នៅ​ក្នុង​រាជ​ធានី​ភ្នំ​ពេញ​​​ ​​លោក​នាយក​រដ្ឋ​មន្ត្រី​សង្កត់ធ្ងន់​ថា “ បច្ចុ​ប្បន្ន​នេះ​ជម្លោះ​សាសនា​លើ​ពិភព​លោក​កំ​ពុង​ហូរ​ចូល​​ក្នុង​ប្រទេស​​​​ជា​សមាជិក​អាស៊ាន​ ដូច្នេះ ចាំ​បាច់​​ត្រូវ​​​​បន្ត​ផ្ដោត​ការ​យក​ចិត្ត​ទុ​ក​ដាក់​លើ​ជម្លោះ​សាសនា​ ដើ​ម្បី​ធានា​ស្ថិរភាព​”។ លោកហ៊ុន​ សែនមិន​​​បាន​បញ្ជាក់​ច្បាស់​​ថា​​ តើ​​​ជម្លោះ​ទាំង​នោះ​​ហូរ​​​ចូល​​​មក​​​ពីណា​​​នោះ​ទេ ហើយ​​​ក៏​​​មិ​​​បាន​​​​បញ្ជាក់​​​​ថា សមាជិក​​​ប្រទេស​​​អាស៊ាន​​​ណាមួយ​ កំពុង​​​ទទួល​​​រង​ផល​​​ប៉ះ​​​ពាល់​​​ផង​ដែរ។ ប៉ុន្តែ​​ ពួក​ឧទ្ទាម​​​​សាសនា​អុី​ស្លាម​នៅ​​ភាគខាង​ត្បូង​​ប្រទេស​ថៃ​បាន​​​ចាប់​​​ផ្ដើ​​ម​​​​​ចលនា​អបគមន៍​ជាង​មួយ​ទស​វត្ស​រ៍មក​​​ហើយថែម​​​ទាំង​​​បាន​​​បណ្តាល​ឲ្យ​មាន​កុបកម្ម​​​សម្លាប់​​​មនុស្ស​​​ផ្ទុះ​​​ឡើង​​​នា​​​ពេល​ថ្មីៗ​​រវាង​អ្នក​​​កាន់​​​សាសនា​​​អីុស្លាម​​​ រ៉ូហីុងយ៉ា ​(Rohingya)​និង​អ្នក​​​កាន់ព្រះ​ពុទ្ធសាសនា​​នៅក្នុងប្រ​ទេស​​ភូមា​​ភាគ​ខាង​លិច​​។ ដើម្បី​ជា​ការ​រួប​រួម​គ្នា​​លោក​ ហ៊ុន សែន​បាន​កត់​សម្គាល់ថា ​​​​​​​​​​​​​​ទំ​នាក់​ទំ​នង​ប្រកប​​​ដោយ​​​សន្តិភាព​​រវា​ង​ពុទ្ធ​​​សាសនិកជន និង​បងប្អូន​​​ខ្មែរ​​​​អុីស្លាម​នៅ​​កម្ពុជា​ដែល​មាន​​​ប្រហែល​ជា​​២​ភាគ​រយ​នៃ​ប្រជា​ជន​​កម្ពុជា​។ លោក​នាយក​រដ្ឋ​មន្ត្រី​បាន​ថ្លែង​បន្តថា“ ​ទោះ​បី​ជា​វា​​ដូច្នេះ​ក៏​ដោយ ក៏ការ​ជំរុញសន្តិ​ភាព​​​ចាំ​បាច់​ណាស់​ ព្រោះ​​យើង​មិន​​ភ្លេច​ថា ការ​ការ​ពារ​គឺ​ប្រសើរ​ជា​ង​ការ​ព្យាបាល​​”​៕     ប្រែ​សម្រួល​ដោយព្រំម៉ា​រ៉ា​ឌី

រដ្ឋាភិបាល​​​អនុម័ត​​​ថវិកា​​​ចំនួន​​​៣​​​ពាន់​​​លាន​​​ដុល្លា​​​រ សម្រាប់​​​ការ​ចំណាយសរុប​​​​ក្នុង​​​ឆ្នាំ​​​២០១៣

យោង​​​តាម​​​សេចក្ដ​​​ី​ប្រកាស​មួយ​​​ដែល​​​ចេញ​​​​ផ្សាយ​​​ដោយ​​​ទី​​​ស្ដី​​​ការ​​​គណៈរដ្ឋ​​​មន្ត្រី​​​កាល​​​ពី​​​ថ្ងៃ​​​សុក្រ​​​បាន​​​ឲ្យ​​​ដឹង​​​ថា រដ្ឋាភិបាល​​​បាន​​​បែង​​​ចែក​​​​​​ថវិកា​​​ជាង​​​៣​​​ពាន់​​​លាន​​​ដុល្លា​​​សម្រាប់​​​​​ការ​ចំណាយ​​​សរុប​​​​របស់​​​រដ្ឋា​​​ភិបាល​​​ក្នុង​​​ឆ្នាំ​​​២០១៣​​​ ដែល​​​មាន​​​ការ​​​កើន​​​ឡើង​​​ចំនួន​​​១៩,២​​​​ភាគរយ​​​លើ​​​ថវិកា​​​ចំនួន​​​២,៦​​​ពាន់​​​លាន​​​ដែល​​​រដ្ឋា​​​ភិបាល​​​​មាន​គម្រោង​​​​ចំណាយ​​​​សម្រាប់​ឆ្នាំ​​​២០១២​​​។  ​​​សេចក្ដី​​​​ប្រកាស​នោះ​​​មិន​​​បាន​​ផ្ដល់​​​​ព័ត៌​មាន​​​​លម្អិតថា ​​​តើ​​​ថវិកា​​បុ៉ន្មាននឹង​​​ត្រូវ​​​បែង​​​ចែក​​​តាម​​​​វិស័យ ​​​​និង​​​ក្រសួង​នានា​​​​នោះ​ទេ ​ប៉ុន្តែ​​​ បាន​​​បញ្ជាក់​ថា នឹង​​​​ផ្ដោត​​​ការ​​​យក​​​ចិត្ត​​​ទុក​​​ដាក់​​​លើ​​​ការ​​​កែ​​​លម្អ​​​ផ្នែក​​​សុខា​​​ភិបាល​​​និង​​​អប់​​​រំ​។ សេចក្ដី​​​​ប្រកាស​នេះ​​​​​​​ឲ្យ​​​ដឹង​​​ផង​​​ដែរ​​​ថា ​ថវិកា​​​​​​​ដែល​ត្រូវ​ចំណាយ​​​​ក្នុង​​​ឆ្នាំ​​​​​​បោះ​​​ឆ្នោត​​​​នឹងត្រូវ​​​ចំណាយ​​​២០​​​ភាគរយ​​​បន្ថែម​​​សម្រាប់​​​មន្ត្រី​​​រាជការ និង​​​កង​​​កម្លាំង​​​ប្រ​​​ដាប់​​​អាវុធ។ សេចក្ដី​​​ប្រកាស​នេះ​​​​បន្ដ​​​ថា “ថវិកា​​​នេះ​​​នឹង​​​​​​ផ្ដល់​​​អាទិ​​​ភាព​​​សម្រាប់​​​បង្កើន​​​និង​​​​ពង្រឹង​​គុណភាព​​ការ​ងារ​ក្នុង​​វិស័យ​​​សង្គម​​​កិច្ច ជា​ពិសេស​​​ សម្រាប់​​​​វិស័យ​អប់​​​រំ សុខា​ភិបាល ការ​កសាង​​ធន​​​ធាន​​​មនុស្ស​​​ និង​​​សុវត្ថិ​​​ភាព​​​សង្គម​”។ សេចក្ដី​​​​ប្រកាស​នេះ​បាន​​​បន្ថែម​​​ថា “ ថវិកា​នេះ​នឹង​​​ធានាឲ្យ​​​មាន​​​ការ​​​រៀប​​​ចំ​​​ការ​​​បោះ​​​ឆ្នោត​​​រដ្ឋ​​​សភា និង​​​ជំរុញឲ្យ​​​មាន​​​ការ​​​អនុវត្ត​​​ច្បាប់​​​គ្រប់​​​គ្រង​​​រដ្ឋ​​​បាល​​​រាជធានី ខេត្ត ក្រុង​​​ ស្រុក​​​និង​​​ខណ្ឌរហូត​​​ដល់​​​ថ្នាក់​​​ក្រោម​​​ជាតិ (ច្បាប់​​​​រៀប​ចំ​អង្គការ)”។ សេចក្ដី​​​​ប្រកាស​នេះ​​​បន្ដ​​​ថា ការ​​​បែង​​​ចែក​​​ថវិកានេះផ្អែក​​​តាម​យុទ្ធសាស្ត្រ​​​ចតុកោណ​​​ដំណាក់​កាល​ទី​២ ​ដើម្បី​​​ទទួល​​​បាន​​​នូវ​​​កំណើនការ​​​ងារ សមភាព និង​​​ប្រសិទ្ធភាព និង​​​ផ្អែក​តាម​​​​​ផែន​​​ការ​​​យុទ្ធ​​​សាស្ត្រ​​​អភិវឌ្ឍន៍​​​​ថ្នាក់​ជាតិ សម្រាប់ឆ្នាំ២០០៩-២០១៣​​​។ថវិកា​នេះ​ក៏​នឹង​​​ជួ​​​យ​ទ្រទ្រង់​​​​ឲ្យ​​​មាន​​​កំណើន​​​ផ្នែក​​​នាំ​​​ចេញ ​និង​ឆ្លើយ​​​តប​​​តាម​​​គោល​​​ដៅ​​​ដែល​លោក ​នាយក​​​រដ្ឋ​​​មន្ត្រី ហ៊ុន សែន ​បាន​កំណត់ ​ដើម្បី​​​​នាំ​​​​អង្ករ​ចេញ​​​ចំនួន​​​១​​​លាន​​​តោន​​​ ​​​ឆ្នាំ​​​ក្រោយ​​។ សេចក្ដី​​​​ប្រកាស​នេះ​​​​ក៏​​​បាន​​​លើក​​​ឡើង​​​ដែរ​​​ថា​​​ “ថវិកា​​​នេះ​​​ក៏​​​មាន​​​បំណង​​​ជួយ​​​រដ្ឋា​​​ភិបាល​​​ក្នុង​​​ការ​​​កែ​​​ទម្រង់​រដ្ឋ​បាល​សាធារណៈ ​ការ​​​គ្រប់​​​គ្រង​​​ហិរញ្ញវត្ថុ​​​សាធារណៈ ការ​​​កែ​​​ទម្រង់​​​តុលាការ​​​និង​​​ច្បាប់ កែទម្រង់​​រដ្ឋបាល​គ្រប់​គ្រង​ដី​ធ្លីនិង​​​ការ​​​កែទម្រង់​​​​​​កង​​​ទ័ព​​​”។ សេចក្ដី​​​​ប្រកាស​នេះ​បន្ថែម​​​ថា “ រដ្ឋា​ភិបាល​​​នឹង​​​បន្ដដំឡើង​​​ប្រាក់​​​បៀវត្សរ៍​​គោល​​​របស់​​​មន្ត្រី​​​រាជការ​​​ និង​​​កង​​​កម្លាំង​​​ប្រដាប់​​​អាវុធ ​ព្រមទាំង​​​ដំឡើងប្រាក់​​​ខែ​​​២០​​​ភាគរយ​​​នៅ​​​ក្នុង​​​ឆ្នាំ​​​២០១៣”។ ទោះបី​​​ជា​​​ការ​​​ចំណាយ​​​មាន​​​ការ​​​កើន​ឡើង​​​​ក៏​​​ដោយ ក៏​​​លោក យឹម សុវណ្ណ អ្នក​​​នាំ​​​ពាក្យ​​​គណបក្ស​​​សង្គ្រោះ​​​ជាតិ​​​មាន​​​ប្រ​​​សាសន៍​​​ថា ​ថវិកា​​​ដែល​​​បាន​​​ស្នើ​​​ឡើង​​នោះនឹង​​​​មិន​អាច​ជួយ​​​ជំរុញវិស័យ​​​អាទិភាព​​​មួយ​​​ចំនួននៅ​​​ក្នុង​​​ប្រទេស​​​កម្ពុជាបាន​ទេ។ លោក​​​មាន​​​ប្រសាសន៍ថា “អតិ​​​ផរណា ​នៅ​​​តែ​ជា​​​បញ្ហា​​​សម្រាប់​​​ប្រជា​​​ពល​​​រដ្ឋ​​​កម្ពុជា ​តម្លៃ​​​ទំនិញក្នុង​​​ទី​​​ផ្សារ​​​មាន​​​ការ​​​កើន​​​ឡើង​​​​យ៉ាង​ខ្លាំង​ បើ​​​ធៀប​​​ទៅ​​​នឹង​​​ការ​ដំឡើង​ប្រាក់​បន្តិច​បន្តួច​​សម្រាប់​​​មន្ត្រី​​​រាជការ​​​និង​​​កង​​​កម្លាំង​​​ប្រដាប់​​​​អាវុធ​របស់​​​​រដ្ឋា​​​ភិបាល”។ លោក​​​បាន​​​បន្ថែម​​​ថា រដ្ឋាភិបាល​​​គួរតែ​​​អនុម័ត ថវិកា​​​យា៉ង​​​ហោច​​​ណាស់​​​ចំនួន​​​៤​​​ពាន់​​​លាន​​​ដុល្លារ​​​ដើម្បី​​​ជំរុញ វិស័យ​​​មួយ​​​ចំនួន​​​ដូច​​​ជា វិស័យ​​​អប់​​​រំ សុខាភិបាល​និង​​​ប្រាក់​​​ខែ​​​សមរម្យ​​​សម្រាប់​​​មន្ត្រី​រាជ​ការ​។ លោក​បាន​​​ថ្លែងថា “ ប្រសិន​​​បើ​​​គណបក្ស​​​សង្គ្រោះជាតិ​​​របស់​​​យើង​​ឈ្នះ​​​ឆ្នោត​​​ឆ្នាំ​​​  យើង​​​នឹង​​​ធ្វើ​​​វិសោធ​​​ន​កម្ម​​​ ច្បាប់​​​​នេះដើម្បី​​​ដំឡើង​​​ប្រាក់​​​​ខែ​​​សម្រាប់​​​កម្មករ​​​រោង​​​ចក្រ ឲ្យ​​​ទទួល​​​បាន​​​ប្រាក់​ខែ​​​គោល​តិច​​​បំផុត​​​១៥០​​​ដុល្លារ​​​ក្នុង​​​មួយ​​​ខែ និង​​​​ប្រាក់​ខែ​មន្ត្រី​រាជ​ការ​ និង​កង​កម្លាំង​ប្រដាប់​អាវុធ​ដូចជា​នគរបាល​យ៉ាង​​តិច​​​២៥០​​​ដុល្លារ ក្នុង​​​មួយខែ”​។ កាល​​​ពី​​​ថ្ងៃ​​​សុក្រ ទី​​​ស្ដីការ​​​គណៈ​​​រដ្ឋ​​​មន្ត្រី​​ក៏​​​បាន​​​អនុម័ត​​​លើ​​​ការ​​​ចំណា​យថវិកា​​​របស់​​​រដ្ឋាភិ​​​បាល​​​ក្នុង​​​ឆ្នាំ​​​២០១១​ដែរ​ ​ែដល​នៅ​ឆ្នាំ​នោះ សេដ្ឋ​​​កិច្ច​​​កើន​​​ឡើង​​​​​​៧,១​​​ភាគរយ ​ហើយមាន​​ការ​ចំណាយ​​​ទឹក​​​​​​ប្រាក់​​​ចំនួន​​​២,៤ ​ពាន់​​លាន ដុល្លារ​​​៕  ប្រែ​​​សម្រួល​​​ដោយ ហម សុផាណ្ណា​​​​​​​​​​​​​​​​​​​​​